|
اريد مساعدة
بسم الله الرحمن الرحيم
السلام عليكم ورحمة الله وبركاته الى كل متزوجة ومخطوبة والى الاعضاء والمشرفات ارجو المساعدة الله يفرج عني وعنكم انا الان مخطوبة قبل ايام ذهبت اعمل كشوفات عند الطبيبة وخبرتني ان عندي الغشاء مفتوح وباقي جزء بسيط من فوق( وانا اتذكرت ابهاذي الحظة اني كنت اعبث فيه لما كنت في سن المراهقة بس شيفيد اذا فات الفوت ) وقالت لي عند الجماع مايطلع دم وعنك التهابات ولازم نعالجها لك وبعد ذلك شوفي لك اي حل او سلمي امرك لربك وقالت لي عندك حلين ام انك تسكتين وتسلمي امرك لربك او انك اتسوين عملية رتق غشاء البكارة وانا ماادري وين يسوونها ومااعرف اي حل غير العملية قلت الها مااقدر اقول الى اهلي ولا الى خطيبي قالت لي فاهمة وضعك بنات واجد جوا قبلك مثل حالتك وماانصحك تقولين لا توصل السالفة الى شرف وطلاق وبالنسبة لأهلك الاهل مايتفهمون بس الان قلت الى اخت من خواتي الكبار وتقبلت الامر وبتساعدني وقالت لي انا باحاول اساعدك اذا اعرفت اي شيئ وانا الان ابغى مساعدتكم باي حل ارجوكم لاتردوني والله اتعبت ومن زمان وانا ادور عن حل ومو لاقية اي شيئ انا ساكنة بالسعودية الشرقية اذا احد يقدر يفيدني الله يفرج عنه انشاء الله وعنا جميعا وعن المؤمنين واسلام عليكم ورحمة الله وبركاته |
لاتلعبي بنفسك واحس الدكتوره تضحك عليك
خليك زي ماانتي ماسويتي شي غلط عشان تروحي تسوي ترقيع اهم شي تكون المنطقه ضيقه |
نفس احساس نورين
حاسة انها تلعب عليك .. مجرد احساس المهم يااخيتي دام انه ماعملتي اي علاقة محرمة فلا تخاااافي لان المنظقة لازالت ضيقة .. و مع الضيق و الاحتكاك بينزل دم باذن الله واذا مانزل .. يكفي زوجك شعوره بالضيق فيعرف انك بنت ... التجأي لرب العالمين و ادعيه بقلب صااافي و خااشع و ان شاء الله تمر ليلتك على خيير ياارب |
مااادام انتي واثقه مومسويه غلط
ولله الحمد لا يهمك كلامهاوكلي امرك لربك وعلى فكرررره على كثرقرائتي انوالرجااااال اهم شي تكوون المنطقه ضيقه جداوالدم اشوووف متزوجات يقولون ماطلع منهم لانه على حسب نوع الغشاء اهم شي مثل ماقلت المنطقه ضيقه انتي الزمي الاستغفار |
لا تصدقي كلام الدكتورة ..
و تقولك بنات كثير يجونها كذا .. كذااااابة !! شكلها بتتعلم , أو سامعة عن شيء وبتجرب كونك جتيها لوحدك .. مو كل الدكاترة على كفاءة عاليه بعضهم تقولي هذا كيف جاي دكتور ؟؟!! |
طيب وهي وش عرفها انو عند الجماع ماينزل دم
نصيحتي خلي عنك الوساوس وحذاري ان تعبثي بنفسك او تسلميها لمثل هذه الدكتوره انتبهي دامك ما عملتي علاقه محرمه لا تخافين وكلي امرك لله وتوبي عن هالحركات وصدقيني ربي بيعطيك على قد نيتك |
أختي الكريمه.. بصراحه موضوعك حسّاس ومتداخل.. وخطيبك طرف غائب له حق لابد أن يرُعى .. ... ولكن إذا لم يكن التمزق نتيجة علاقة غير شرعيه... وأنا أحســــــــــن الظن بكِ.. فأسال الكريم رب العرش العظيم أن يفرج همك وويسر أمرك.. اللهم يا كاشف الكرب والبلاء يا سامع الدعاء ، أخرجها من كربها إلى سعه.. يا فارج كل ضر وبليه يا عالم كل حزن وخفيه.. انقطع الرجاء إلا منك وأُغلقت الأبواب إلا بابك فلا تكلها إلى أحدٍ سواك آمين.. |
عزيزتي...
موشرط ان ينزل دم علشان تتاكدين ان بكارتك سليمة... موووووووووووووشرط ابد...كثير متزوجات ماينزل معهم شئ...هذا على حسب(واعذريني على اللفظ هذا) على حسب ممارسة الزوج(واعذريني على الوصف بس علشان ترتاحين) يعني اذا كان شديد معك (الله يعينك راح تشوفين دم) اذا كان عكس كذا راح تشوفين شئ بسسيييييييييييط جدا... مع احترامي للاعضاء ...بس انا ابين لك انة مو شرط نزول دم... والله اعلم... |
اختي لاتوسوسي دام انك ماغلطتي وعارفه نفسك
خذيها مني لو مو مسوية شي غلط لاتشيلي هم |
نزول الدم من عدمه لا يحدد شرف الفتاة نزول الدم راجع لطبيعة الغشاء عند كل فتاة الأخلاق و الدين و السمعة الطيبة كافية لا تنسي يا قلبي ان العملية هذي فيها خداع و تضليل و الزواج لابد يكون على نور و بينة بدون غش و انتي الحمدلله ما سويتي شي غلط و لا مشيتي في طريقه |
السلام عليكم ورحمة الله وبركاته
كيف حالكم اخواني اخواتي حبايبي انشاء الله تكونون ابخير اشكركم من كل قلبي على ردكم ومشورتكم الله يرزقكم العافية والسلامة اعطيتوني الامل والتفاؤل بس والله متحيرة المهم الله يشهد علي صار لي 5 اسنين مااعمل هالحركات بس وقت مراهقتي في سن 18ا او19 وماعملت علاقة محرمة الله يشهد علي ومن ذاك الوقت ماااعمل شيئ يجيب لي مشاكل وشبهات بس المشكلة قالت لي الطبيبة وبصراحة( ماشفت مثلها طبيبة لانها بارعة وكبيرة في السن وعارفة شغلات واجد ومسافرة ومكملة دراستها على يد خبراء في هذا المجال مجال النساء والولادة) المهم قالت لي ان غشائك مفتوح وباقي شيئ بسيط واحتمال مايجي دم وعندك التهاب ويبان واسع وانا اخاف من هاذي الشغلات وليش مااوثق بكلام طبيبة ممارسة في مهنة الطب وانا عارفة نفسي ايش سويت ابنفسي يعني مستحيل اشك بكلامها لكن لم امارس مع اي رجل الزنا ( عفوا على كلامي وصراحتي) ومستحيل تضرني وتعطيني ادوية ومضادات وحبوب مدام هي مش متأكدة غير ان المرضى اللي يجونها اكثيرين وعلى مايجي موعدي استنى ساعتين او اكثر وليش اخواتي اخواني يعني لو لقيت فرج واقدرت اعمل هالعمليه على يد خبراء في هذا المجال ماتنصحون فيها لاني ابصراحة خايفة من الفضايح والشرف اهم شيئ وبعض الرجال ما يفتهمون واخاف زوجي منهم وانا ماابي احد يطعن فيني وفي هلي واذا فات الفوت ماينفع الصوت آآآآآآآه من هالدنيا والله تمنيت مااولدت اخواني اخواتي ارجوكم اناا ارتحت معاكم وارتحت لكلامك بس اذا عندكم اي مساعدة عطوني اياه والله الموفق لكم ولنا توكلت على الله والسلام عليكم ورحمة الله وبركاته |
رأيي مثل آراء اللي قبل
تووووكلي على الله وربي بيستر عليج ودوووووم ادعي وانتي ساجده بالستر بالنسبه لخطيبج مااعرف لوتسألي شيخ مفتي في ذالك افضل في انك تخبريه اولا |
اقتباس:
آمنا بالله عزوجل .. هو أحكم الحاكمين.. طيب اسمعي يا اختي.. هذه الامور ماتعالج إلا بالمستشفيات الخاصه مثل السعودي الالماني انا ما انصحك تعتمدين على فحص الطبيبه الي ذكرتيها ولا اي فحص اولي... روحي للالماني واعملي فحص جديد .. حتى تتبيني وتعرفي حدود مشكلتك بالضبط.. كذالك لابد احد من اهلك يعاونك .. ولاتتكتمين على الموضوع وتبقين ساكته.. كلنا نجهل ولنا ماضي بالطفوله.. فما بالك لما يكون الغلط ماهو مقصود مثل حالتك.. واخيرا لاتخافين.. يمكن مشكلتك بسيطه ولاتحتاج رتق ولاهم يحزنون.. ولكن هذا الكلام يعتمد على الفحص لان الفحص الصحيح نصف الحل .. والله يفرج همك وييسر امرك . |
حبيبتي نصيحه مني لاتسوي شي دامك إنك مالتجأتي للحرام وأكثري من الإستغفار والله يستر عليك وعلى بنات المسلمين |
شوفي رأي طبيبة ثانية
بعدين هي قالت احتمال ما يجي دم .. يعني كمان في احتمال يجي دم لانه باقي في جزء من الغشاء ما راح |
يا الله جد من الهبل اللي نسويه واحنا صغار
انا مررره حركه وما اجلس كنت وبس اقفز ومابقى خيل ماركبته ومابقى تسلق ماتسلقت يا الله والله موضوعك خوفني يارب سترك |
| الساعة الآن 01:47 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©