|
حبيتها وارتبطت بغيري ومازلت اعاني بسببها ( احتاج لحل )
السلام عليكم ورحمة الله وبركاته
بصراحه ترددت آكتب لكم الموضوع كثير لكن قلت آطرح من الممكن آحصل حل مناسب لي ويساعدني بمشكلتي مشكلتي هي تعرفت على آنسانه قبل سنتين وحبيتها بجنون وتعلقت بها لدرجة آني كنت ناوي آتقدم لها لآني صادق بكل مشاعري تجهاهها وبعد مرور سنه على علاقتنا آختفت ولا فيه آتصالات آو حتى آي خبر وآستمر غيابه قرابة سنه ! آتفاجا بآتصال منها مع آني فقدت الآمل بتواصلها وآقنعت نفسي آني كنت في غفله مع آني تآذيت الفتره الماضيه لكن اللي صدمني آكثر آنها آرتبطت وتزوجت بآنسان ثاني !! سآلتها عن سبب غيابها وعن آرتباطها بهالشخص بررت لي بآن صارت ظروف قويه لها بحياتي جعلتها تغيب آو تبتعد غصبن عنها آمها توفت وآخوانها وآبوها ضايقوها وآبعدوا عنها كل وسيله آتصال وزوجوها من شخص وهي مغصوبه عليه للآمانه الآنسانه هذي ماعاد لها مكانه بقلبي وآبعدتها بعد الفتره اللي غابت فيها وبعد زواجها من شخص ثاني نهائياً شلتها من بالي وخطبة آنسانه من العائله وآكن لها كل الحب والآحترام آما بخصوص الآنسانه اللي حبيتها ماآبي آستمر معها مكالمات وهي على ذمت رجل آخر ولا آقدر آجاريها مع آنها مصره ماتتركني ولا تبي تبتعد نهائياً وبصراحه آنا ماقلت لها آني خاطب ولا آبي آجاريها عشان ماآكذب عليها آو آسبب لها مشاكل مع زوجها وآبي آتفرغ لآمور حياتي وآهتم بخطيبتي مع آني فكرت آبدل رقم جوالي وآبتعد بشكل فجائي لكن راح آآذيها مع العلم آنها مريضه ويجيها هبوط بالضغط بشكل حاد ولا آآبي آآذيها آبي آسلوب آو طريقها آبعدها عني وآنا مرتاح ولا آبي آستمر بمكالماتها نهائياً وللمعلوميه بلغتني آقابلها آكثر من مره لآن زوجها مو متواجد بالقرب منها لكن آرفض هالفكر آو هالطريقه وبشده ياليت آحد يفيدني بطريقه مناسبه |
وعليكم السلام ورحمة الله وبركاته
إذا على كذا اخوي مالك إلا تصارحها انو خلاص لازم كل واحد يعيش الحياة إللي كتبها لخ ربي ولازم تفهمها إنو هذا إللي تسويه خيانه وهذا ذنب كبير عند الله .. وقولها بعد هالمكالمه بغير شريحتي ..خليك شاري شريحه جديده من قبل ..علشان بعد الإتصال هذا تغيرها على طول وتبتدي حياتك الجديده .. لا تظلم خطيبتك معك وأحترمها وراح تشوف الحب الحقيقي بعد الزواج إن شاءالله .. تحياتي لك .. اخوك فيد .. |
السلام عليكم ورحمة الله وبركاته
مساء الخير اخي الكريم لن يجنى من الورد العنب ، ولن يجنى من العلاقة المحرمة علاقة زوجية ناجحة . اخي الكريم ربما تكون هي تزوجت وربما امها فعلا ً توفت ، ولكن الحقيقة ان هي تزوجت فهو برضاها وجعلتك ورقة على الرف تعتبرها رابحة تعودها لها حين تحتاجها .. اقطع العلاقة المحرمة ولاتجعل نفسك اسير لها وتجعل نفسك إلعوبة في يدها تلعب بك كيف تشاء .. تقبل وافر المودة اخوك |
والله انصحك تتركها مو عشان متزوجه او عشان زوجتك عشان ربك وتذكر دقه بدقه ولو زدت.........؟؟
|
ارجوك اخوي اتركها فهى حليلة لغيرك
والله حرااام شنو هالخداع حسبي الله ونعم الوكيل اصلا مايجوز تكلمها فمابالك بانه لرجل اخر غير رقمك او انفعل عليها لان كما تدين تدااااااااان ماراح تلاضاها لخطيبتك اذا تزوجتم صح؟!!!!!!!!!!!! تقبل مروري |
وعليكم السلام ورحمة الله وبركاته
أخي سلطان تهون عليك خطيبتك ؟! ايش ذنبها تخونها مع وحده مافكرت فيك وغابت ويوم احتاجت حنان وحب تذكرتك ؟! لاتطالع وراك واقطع كل خيوط الوصول اليك ولكن قبل ان تقطع الخيوط اعطيها خبر وانهي موضوعها تماماً من حياتك لو مهما كنت تحبها وما اظن انه باقي لك شي بقلبك من كلامك مبين .. اخوي سلطان لا تنظر خلفك وشوف حياتك وخطيبتك ولا تخرب على نفسك وتعيش في وهم ماله نهايه طريق مسدود اتمنى لك الحياه السعيده والحلال مافي احسن منه الله يسر أمرك ويعينك على امور حياتك ويوفقك يارب العالمين ومبروك الخطوبه |
الحل سهل جداً غير رقك جوالك وبس
تتعب ماتتعب شي يخصها المهم تبعد عن الحرام وترضي ربي عشان يوفقك في حياتك |
أظن هذا أكبر سبب يخليك تسجد لربنا سجود شكر إنه بعدها عنك
اقتباس:
حكاية إنها تزوجت غصب عنها ، فهذا كلام غير مقنع أولا .. أما مرضها ، فهي حجة تتحجج بها عندك ، لا تصدقها و هي ما راح تموت إذا ضغطها نزل و جاها هبوط فكر في خطيبتك و افتح صفحة جديدة في حياتك |
اخ سلطان
انصحك تغير رقم جؤالك بدون ماتشاورها ولا تقول لها .. لاتنظر إلا المشاعر بل انظر إلى الله وتذكر العقوبه وامسحها عن مخك نهائي ولاتفكر فيها خل تفكيرك لـ خطيبتك وحياتك المستقبليه فكما انك لاترضى هذا الشيء على خطيبتك هي كذلك لاترضى لك هذا الشيء الله يحفظك |
اقتباس:
|
تقريبا نفس اللي مريت فيه بس الفرق اني باقي ما خطبت وكنت اتواصل معها وهي على ذمه رجال وكنت اعرفها من ثلاث سنين >>الله يسامحني ويغفرلي
ورجعتها لي كانت قوويه ومتمسكه فيني بس تدرين وش اللي يضحك بالموضوع بعد ما طلبت الطلاق وتطلقت ماتبغى ترتبط فيني تقول سنتين ثلاثه >>الله يستر علينا وعليها اللي ابغى اوصله لك ما اتوقع رجعتها عشانك هي فاقده شي ومتاكده محد راح يعوضها غيرك يعني احتياج خلك مع خطيبتك واقطع علاقتك بها وغير رقمك والله مافيه احلى من الحلال عسى الله يوفقك |
وعليكم السلام اخوي
الله يوفقك بحياتك المفروض ماتفكر بالبنت الي تخلت عنك وتزوجت غيرك والحين جاية تكلمك مرة ثانية وهي على ذمة رجال ثاني وش هالخيانة؟؟؟ |
اقتباس:
|
اخوي وانت لي ماخبرتها بخطوبتك؟؟؟
اخوي حط نفسك مكان خطيبتك ورح تعرف كيف تتصرف؟ |
وعليكم السلام ورحمة الله وبركاته
أخي الفاضل انساها غير مأسوف عليها أبداااااااااااااااااا يااخي حكاية موت امها ومنع أهلها وزواجها ومرضها ترى كله كذب في كذب في كذب وهذه حركة منتشرة كثيرا في النت لتعليق البنات للشباب فيهم لانها بالمرض تجعله يخاف عليها وقلبه يحن ويتعلق فيها وهي تنبسط بملاحقتك وبحبك وللعلم تراها تتسلى معك ومع غيرك بنفس الأسلوب ومثل ماقالت روح لو أن فيها ذرة وحدة بس من العفة والطهارة ماكان سمحت لنفسها تناديك في غياب زوجها وتقابلك وتخون ربها وزوجها احمد الله ان صرفها عنك لأنك انسان صادق وطيب وتخيل لو أن هذه زوجتك وأم أولادك وتسوي كذا مع غيرك!!!! غير جوالاتك بدون ماتخبرها شيء أبدااااااااا ولاتقولها انك خاطب علشان لاتروح تدور وراك وتخرب حياتك ترى والله مثلها مثل الثعبان ماهمه يلدغ أحد انبسط بعروستك وعيش حياتك وانت مطمن على بيتك وعيالك عند زوجة أمينة تخاف ربها واعتبرها نزوة وربي أنقذك منها بسبب دعوات والدينك لك مبروك على الخطوبة وربي يتمم لك على خير |
منجدد الله يعينك :'(
|
اقتباس:
ما بعد هذا الرد كلام يا اخي اشتري رضى الله بسخط الناس و لا يهمك آحد اتركها و التفت لحياتك الجديدة و الحلال مافي احلى منه و آريح للبال |
| الساعة الآن 04:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©