|
بعد الطلقتين نفسيتي دمار شامل هل يمكن اصلاح مافسد
السلام عليكم ورحمة الله وبركاته
كلمة حق أقولها لهذا المنتدى... ليس له مثيل في روح الأخوة الصادقة والنصيحة المخلصة والمشورة الطيبة وهذا ماشجعني أفضفض همي لكم .. إخوتي وأخواتي الله يحفظكم ويرعاكم أنا موظفة تزوجت على كبر بس لسة شابة والأهم روحي شابة :d المهم من يوم تزوجت وزوجي عينه على راتبي بحجة ((ماعندي)) الزبدة: اتطلقت طلقتين من غير ذنب والسبب هي الفلوس أعطيكم مثال بسيط وإنتوا قيسوا .. العام الماضي طلبته ياخذ إجازة عشرة أيام مع إجازتي عشان نخرج نتمشى فيها..وفعلا أخذ الإجازة.. كنا وقتها في منتصف الشهر.. وأول يوم في الإجازة قررنا نطلع الهدا نتمشى ..دوبنا نركب السيارة اتذكرنا نبغي نشتري فرشة نجلس عليها ورحنا نشتري دفعني قيمتها (ماعنده) شوية ويقول لي نفسي آكل آيسكريم ..قلت طيب..راح وقف عند موفنبيك ويقول هاتي فلوس.. أنا تنرفزت وقلت له أنت كيف نتمشى وإنت مامعك فلوس؟؟ قال اش أسوي ماعندي..أنا صراحة انقهرررررت وأعطيته من غير نفس.. دوبنا نمشي يقول هاتي عشرة حق البنزين... هنا أنا خلاص ولعت قلت له رجعني البيت..قال عشان عشرة ريال ؟؟ المهم كملنا التمشية اللي بالهم..لما رجعنا البيت .. قلت له إنت كيف بتمشيني العشرة الأيام وإنت ماعندك فلوس؟؟ المهم صارت مشادة بيننا ملخصها هو ماعنده....وأنا نزلت من قيمته وخليته مايسوى على عشرة ريال.. قلت له المسألة مسألة مبدا مو فلوس..ايش الفرق بينك وبين الركوب مع سواق؟؟ وإنت ليش مادبرت عشان تمشيني؟؟على الأقل دبر حق البنزين والآيسكريم وأنا أدفع الباقي لكن مو تحسسني إني آلة صراف طبعا هوووووووووووووشة وقلت له طلقني طلقني وكان الشيطان حاضر و طلقني.. هذه طلقة والثانية لسبب مادي برضه.. طلقتين دمرتني وزلزلت كياني وهشمتني وخلتني رماد رماد رماد..لأن مالي ذنب. ياجماعة الخير زوجي وقفت معه في الشدائد..ما أقولها منا ولا احسانا لكن ربي يشهد على قلبي.. الصدق في العطاء له مراعاة لحاله وظروفه.. بالمقابل أهداني وكافأني بطلقتين المهم يا أخوان ويا أخوات..أكيد تسألوني راتبه فين يروح.. هو كان متزوج ومطلق وعنده منها ماشاء الله خير.. ويصرف عليهم.. وأنا الغلبانة أصرف على نفسي كأني بلا زوج..أو كأني مطلقة أو أرملة. المهم..... أهلي ما يعرفوا أي شي عن مشاكلي بحكم صمتي المطبق..لأن أمي تفهمني بطريقة وبأخرى (حافظي على زوجك ومافي شي اسمه طلاق) شفت نفسي نفسيتي في الحضيض وحالتي للأسوا.. سألته كم تحتاج من الوقت بعدها تصرف علي؟؟قال سنتين.. قلت له طيب هذه السنتين ماراح أطلبك شي إلا ماتجود به نفسك..بعد السنتين تقوم بواجباتك ناحيتي بالكامل.. واتفقنا والعرض بالنسبة له مغري جدا وفي صالحه وصالح أسرته الكريمة........(لأني أنا مو أسرته). العواصف هدأت وهو ارتاح.. وما أنكر انا ارتحت من ناحية ليش ماجاب ليش مادفع ليش ماصرف ......الخ لكن نفسيتي زفت وزفت الزفت يعيني نكون طيبين وفجأة أتذكر كل المواقف المؤلمة وأقلب وأبكي وأنتحب نكون طيبين وفجأة أقلب وأتذكر الطلقتين يا أخوان أنا مو حاسة بالأمان مع زوجي كيف أحس بالأمان بعد الطلقتين أحس الثالثة على الأبواب..وهذا الشي اللي مخليني أبكي ودمرانة وحزينة على طول. أحس إني زوجة مؤقتة صلاحيتي مرتبطة بزمن معين مع زوجي وهذا الزمن هو عارفه ومحدد النهاية ومرتب لها يمكن السنتين اللي سكتني بها..يمكن أقل.. المهم أنا بصراحة فقدت توازني وعقلي مشتت بسبب الطلقتين ما أنكر ولا أجحد زوجي فيه الحنية لكن ماعاد متحمل تقلبات نفسيتي ومزاجي وأنا ماعدت متحملته يعني هو لو عوضني بهدايا ,,,بسفرة,, بمفاجآت..والله أرض وأنسى تقصيره لكنه حاف ناشف ما افتكرني بقشر بصلة بعد المشاكل الكثيرة جدا اللي بيننا.. وانا ماقصرت معه في الهدايا والمفاجآت .. أنا كل اللي محتاجته منه دعم نفسي...أحتاج يحتويني بحب وحنان..أحتاج أحس بالأمان أريده زي ما اتسبب في جروحي وآلامي ينسيني أريده زي ما اوجع قلبي يداويه... وأنا طلبته وقلت له هذا ما أريده منك لكن هيهات............هو ماعاد متحمل مزاجي ونفسيتي المتقلبة وأنا ماعدت متحملته ولا متحملة نفسي.. والله إني أكتب بدماء قلبي ودموع عيني..واللي جربت الطلاق حتفهمني وتحس بي أكثر.. والله إني أحس بمرارة الطلقتين في حلقي....لأني مالي ذنب فيها وانا ما أخطأت بحقه ..كل اللي سويته أصريت إني أكون زوجة ..مو آلة صراف. صحيح محد فيكم يقدر يحل محل زوجي ويقدم لي ما أريد..لكن ربما كلمة أونصيحة أو رأي يغير مجرى حياتي. أحتاج معونتكم ورأيكم السديد ... لا حرمكم الله أجري .. |
ياغالية مافيه حل الا انك تتذكري ان اغلب الموظفات زي حالتك ! هو قالك بالبداية ما معه فلوس ليش كل شوي تقولي ليه ماتدفع هذا بالنسبة للطلقة الاولى بس الي صار صار . الحياة حبيبتي تعاون مافيها شي تساعدي زوجك بحدود ! وانت بيدك تقدري تعيشي بببببببببأمان مع زوجك اذا راعيتي ظروفه ومسكت اعصابك عند المشاكل الي ماتستاهل . ادعي ان الله يهدي قلبه ويسخره لك الفلوس تروح وتجي لا تضيعي حياتك عشان فلوس ! خصوصا انه معاملته زينه معك !
|
حذراي ثم حذاري ثم حذاري من التورط معاه بقروض شخصيه او اموال كبيره
مع الاسف من خلال قصتك الكتاب واضح من عنوانه والله يا اختي ماودي ازيدك جروح لكن الحقيقه واضحه هو متزوج الفلوس وليس متزوجك لسواد عيونك اسئل الله ان يكتبلك السعادة والنجاة |
اقتباس:
مع أن البعض يسميه متشنج - وزيت ونار - وتعصب الخ000 لكن هذه الحقيقه 00 وبمعادله بسيطه - عليك أن تعرفي كم راتب زوجك كم ننفقته لأولاده معرفة حسابه في البنك كذبه من صدقه وبعدها قرري 00 واستخيري يمكن تكون الطلقه الاخيره - خيرلك من زوج عاله عليك اصلح الله لك زوجك |
نصف دائرة لا لا لا لا و ألف لا
لا يذوق فلوسك من بعد اليوم تزوجك لا زم يشد حيله و انت مالك دخل بمصروفاته الا عن طيب نفس و واضح انك ما قصرتي كفؤ و الله و بنت اجواد واضح عليك موفقة |
انت للأسف من فتحتي له المجال لكي تصرفي ..
اما انك تتعايشي مع الوضع و تصرفي بكل رضا او ان الطلقه الثالثه آتيه لا محال .. |
وأنتي ليش ماتكبرين في نظر زوجك وتحسسينه ان المال بينكم مشترك
أنا اعرف واحد زوجته اشترت له سياره وبنوا بيت مع بعض ماشاء الله مع بعض ازواج واصدقاء وبعدين زوجك قال ما معي وانصح كل متزوجه ان تنظر في حال زوجها ترى الزوج يكون عنده اقساط وآجار وفواتير كهرب وماء وجوالات وغير مصاريف السيارة واحيان يدور من يسلفه عشان يغطي المصاريف و يعني لا تخلون المادة تكون سبب في المشاكل بينكم يا اختي وانتي وقت السفر لاتنظرين للمال اللي يبغى ينبسط هو واللي معه يمشي ويدفع أو يجلس في بيته ويوفر على نفسه من البداية |
غلطتك بعد ايش تشتكين الله يهديك
|
اقتباس:
أختي الكريمة ,, أعتقد من قبل أن تتزوّجي ,, وزوجك عينه على راتبك .. ولو نصحناك بالحزم ,, والإمتناع عن الدّفع ,, والمشاركة ,, فلن يستفيد منك ,, ولن تتحقّق أهدافه ,, فبالتّالي ,, انتظري الطّلقة الثّالثة .. أختي ,, أكثري من الإستغفار ,, في جوف الليل ,, وآناء النّهار .. |
اختي الفاضله نص دائره
الفلوس تروح وتجي ودامك رضيتي وفيه وبحالته لاتتحسرين ولا تندمين على شي قد مضى بما أنك فتحتي له هالباب لاتضايقين نفسك ولا تزعلين لانه انتي اللي فتح هالباب وصعب جداً اغلاقه زوجك انسان مادي جداً الله يصلحه بس انتي حاولي تكسبيه وخلي جيبكم واحد ودام انه لها الدرجه ماعنده حق البنزين خليك انتي أكرم ودام انك زوجته لاتفكري هالتفكير متزوجني عشان اصرف عليه لأني موظفه احتسبي الأجر عند الله الله يصلح حال زوجك ويهديه |
الأخت جوري1427
والله أنا مارفضت التعاون..وأنا معه أكثر من متعاونة.. ومراعية حاله وظروفه ..لكن ماقدرني وهذا الشئ اللي قاتلني. الأخ فارس الكلمات حصل وانتهى ماحذرتني منه.. لكن كله كان نابع من قلب صادق ونقي...لكـن...قوبل بالجحود والنكران.. الأخت شقر55دية يا أختي حاولت أطلع على حساباته بطرق سلمية كل مرة يتنصل ويخارج نفسه بذكاء..حتى الآن ماقدرت.. الأخت جداوية وأفتخر نعم أختي أنا وقفت بلاهاتي السابقة ووقفت العطاء له..وأصرف على نفسي والبيت..لكن الحرقة في قلبي لأني أنثى من حقي يحتويني زوج بالنفقة في حدود استطاعته.. الأخت أميرات الله يكتب اللي فيه الخير..والمقسوم عند الله مامنه هروب. |
الأخ أنا كذا
صاحبك أصيل والظاهر يثمر فيه الخير والمعروف وأحب أقول لك إني اشتريت لزوجي سيارة كامري آخر موديل..لكن...!!!!!! ضحيت عشانه بالكثير مراعاة لظروفه ولأني أساسا بفضل الله كريمة.. مبدئي يصرف مايستطيع والكماليات أوفرها لنفسي مو مشكلة..وبالتعاون تمشي الحياة..لكن الإستنزاف والإتكال علي دمرني.. رواتبه والراتب حق الأوفر تايم بكامله لأسرته السابقة..وأنا لا شئ..شعور قاتل. بإختصار ما أحس نفسي زوجة.. أنا ايش في حياته لما مايصرفني ولا يحس بمسؤولية تجاهي؟ الأخت نورين شكرا لك. |
الأخ تعاندني
أكيد عينه على الراتب من قبل الزواج وإلا ماكان تزوجني طيب ليش أنتظر الطلقة الثالثة؟؟ليش أطول وأعرض الموضوع؟ ليش ما أطلبها وأنهي كل شي..؟ والله أحس إني عايشة بلا كرامة. الأخ أبو جوري والله حاولت إني أتعايش..لكن مو قادرة.. انجرحت منه كثير كثير كثير والله قلبي ينزف دم. |
انتي كم عمرك
هل عندك اطفال هل الشي السئ الوحيد فيه هو الماده نصيحتي اذا هو معتبرك الة صرف انتي اعتبريه وسيلة تلقيح انجبي اطفال وهو خليه على جنب وشوفي بعد السنتين ايش رح يصير هل رح يصرف او لا لان اذا صرف كان بها واذا ماصرف تكونين كسبيتي الامومه والنفقه دين برقبته ليوم الدين ولما قلتي خلني اطلب الطلقه الثالثه وارتاح هذا الكلام من الشيطان لا تعاملي بحكه وذكاء كوني قويه |
فكري ثم فكري
اذا عودتك لبيت اهلك مع لقب مطلقه سوف يريح نفسيتك فطلبي الطلاق وتخلصي منه انا اقول هذا لاني اريدك ان تختاري فزوجك يطلب منك فلوس ولكن اسمك متزوجه اما في بيت اهلك معك الفلوس بس اسمك مطلقه وما ادراك ان الثاني لن يكون هو ايضا طمعان بفلوسك عيشي حياتك مع زوجك وحاولي انك تخصصي مبلغ معين لكي تساعديه عند الحاجه والباقي احتفظي به دون ان يدري عنه واذا تقدري تاخذي لك شقه تمليك وتحطي فلوسك فيها بدون مايدري وبالنسبه للفسح اخبريه قبلها بشهر عشان يدبر حاله وقولي له انا حدفع البنزين مثلا وانت بقية الاشياء هذا رأي وانتي من تعيش في واقع مشكلتك فلك ان تأخذي منه مايفيدك والباقي اتركيه وفقك الله دائما وابدا |
على كثر ما أشوف من الخلافات مع الزوجة (الموظفة) أستغرب لماذا هالأمور لايتم الاتفاق عليها مبكراً ...
سنتين ويستقل بنفسه ؟؟!!! لا أريد التحدث عن هذا ... فالأهم الان إن صرفتي على نفسك لاتصرفي عليه أبداً أبداً ، ويده لااااابد تكون بعيييييدة عن أموالك مثل بطاقة الصراف أو أي شيء مادي يعود لك ... واحذري من التضحية بالمستقبل بمعنى الديون بإسمك والثمرة باسمه ... وبالتوفييييييق ،،،، |
اقتباس:
عجبني هذا الرد .. |
أخوي عطر الحروف
عمري 35 وهو 50 ما عندي أطفال لأني مانعة الحمل لا مو الشي الوحيد هو المادة...حتى بالفراش معاه ضعف شوية.. اقتراحك أنجب منه أطفال..أنا ماأبغاه لكن إذا الله كتب نحمده.. لأني ما أبغى الأطفال يتشردوا في حال وقوع الطلقة الثالثة...ايش ذنبهم المساكين؟؟ وأنا ماقلت أطلب الثالثة إلا لأني خايفة وحاسة وقوعها في أي لحظة غضب زي المرتين السابقة.. الأخ نور دربي كل الخيارين مرة..وأنا فكرت كثير كثير كثير..واخترت الخيار الثاني وحاولت أتأقلم وأتعايش لكن نفسيتي متدمرة من المشاكل اللي حصلت بيننا ودموعي دايما تنهمرمن أقل سبب و بدون سبب..صرت حساسة مرة ما أتحمل كلمة منه أو تصرف مخالف لهواي..أنا صارت معاي عقدة من الطلاق.. بالنسبة للعطاء المادي وقفت بلاهاتي السابقة صرت ما أعطيه فلس...بالمقابل انا شايلة نفسي وبيتي من وإلى يعني ما يعطيني إلا الفتات من راتبه. حاولت معاه يساعدني أشتري شقة تمليك لكنه يماطلني ويختلق أعذار وانا فهمت مايبغاني أمتلك شي بإسمي..رغم إنه مستفيد من الشقة خصوصا بعد مماتي والأعمار بيد الله. وإذا هو ماساعدني وطلع معاي يدور لي من راح يطلع معايا خصوصا ما عندي اخوان..أحمد الله في كل الأحوال. الأخ زوج الصخرة لا تستغرب من شي أبدا فكل الإتفاقيات والعهود والمواثيق بليتها وشربت مويتها..واللي مصبرني ماعند الله أبقى . تعلمت من أخطائي وكل نصائحك تم تطبيقها ..فلا يلدغ المؤمن من جحره مرتين. الأخت روح الطير شكرا لك..ولكني رغم رغبتي الجامحة في الإنجاب لا أريد خوفا من تشتت وضياع الأطفال. |
ماني مفتي بس ياليت تقولي كيف كانت الطلقتين
يعني طلقك في طهر ولم يجامعك فيه..فهذا هو الطلاق للعدة..لانها تعتد بذالك الطهروتحصل في العدة عقيب الطلاق..فالمعنى فطلقهن لطهرهن الذي يحصينه من عدتهن..ولاتطلقهن لحيضهن الذي لا يتعددن به من قرائهن.. قال باقي الفقهاء يقع الطلاق و إن كان بدعة و خلاف المأمور به و كذلك أن جمع بين التطليقات الثلاث فإنها بدعة عند أبي حنيفة و أصحابه و إن كانت واقعة و عند المحققين من أصحابنا يقع واحدة عند حصول شرائط صحة الطلاق و الطلاق في الشرع عبارة عن تخلية المرأة بحل عقدة من عقد النكاح و ذلك أن يقول أنت طالق يخاطبها أو يقول هذه طالق و يشير إليها أو يقول فلانة بنت فلان طالق و لا يقع الطلاق عندنا إلا بهذا اللفظ . عن أنس بن سيرين قال سمعت ابن عمر يقول طلق ابن عمر امرأته و هي حائض فذكر ذلك عمر للنبي (صلى الله عليه وآله وسلّم) فقال مرة فليراجعها فإذا طهرت فليطلقها إن شاء و جاءت الرواية عن علي بن أبي طالب (عليه السلام) عن النبي (صلى الله عليهوآلهوسلّم) أنه قال تزوجوا و لا تطلقوا فإن الطلاق يهتز منه العرش و عن ثوبان رفعه إلى النبي (صلى الله عليه وآله وسلّم) فقال أيما امرأة سألت زوجها الطلاق في غير ما بأس فحرام عليها رائحة الجنة و عن أبي موسى الأشعري عن النبي (صلى الله عليهوآلهوسلّم) قال لا تطلقوا النساء إلا من ريبة فإن الله لا يحب الذواقين و الذواقات و عن أنس عن النبي (صلى الله عليه وآله وسلّم) أنه قال ما حلف بالطلاق و لا استحلف به إلا منافق هذه الأحاديث الأربعة منقولة عن تفسير الثعلبي ثم قال سبحانه « و أحصوا العدة » انتي لا تفكري بالطلاق الان وكم مرة تطلقتي..وضع زوجك عرفتيه وقد ينفر منك اذا كررتي كم مرة تشيل المسؤولية لاني اضنه قد تعود على صرفك على نفسك وهذا واضح من تصرفاته..مسالة انك لا تشعري بالامان بسبب الطلقتين هذا امر جدا طبيعي ..ولا تنتظري من زوجك ان يحسسك بالامان..اسعي لهذا الشى بنفسك..واذا ربي كتب لك الطلقة الثالثة راح تجيك مهما هربتي..بس اهم شى اذا وقع لا قدر الله تكوني مقتنعة ان هذا الرجل لا يصرف عليك ولايحمل المسؤولية كاملة..مو تجيك وتندمين..لا كوووني واثقة مما تريدينه..ماحد يجيه شى الا الي مكتوب له وماحدن يموت قبل يومه.. حاولي تحملي منه اذا استطعتي..مع اني متاكدة ان حملك لن يجعله ياجل موضوع الطلاق لانه مطلق باطفال..ولكن قد يشعرك بالامان انتي ويلهيك عنه ..لا باس ان تساعديه اذا ماكان عنده ولكن بحدود..مثلا قالك هات عشر ريال حق البنزين اعطيه وقولي امتع نفسي انا وانبسط انا ماوقفت الدنيا على عشر ولا عشرين..خلي عندك مرونة باسعاد نفسك وان كان هذا يتطلب منك المبادرة انتي ...انسي سالفة الطلاق تماما وفكري بالمستقبل العمر يجري لا تضيعينه بتفكير وصرف عليك وعطتيه وسلفتيه..قولي انا كريمة واساعد لاجل تستمر حياتي وهذا طبعا لا يعني انك تكوني صراف مثل ماتفضلتي..ولكن انتي عودتيه من البداية والان هو تعود فعشان تسحبي لابد من اسلوب ووقت ..لا تخلي الطلاق اكبر همك الحياة ماتتوقف على شخص واحد واذا طلق يمكن الله كاتب لك الي ينغنغك ويدلعك ويعوضك عن جفا السنين..كوني متفائلة وارمي ورى ظهرك الهم. يَأَيهَا النَّبىُّ إِذَا طلَّقْتُمُ النِّساءَ فَطلِّقُوهُنَّ لِعِدَّتهِنَّ وَ أَحْصوا الْعِدَّةَ وَ اتَّقُوا اللَّهَ رَبَّكمْ لا تخْرِجُوهُنَّ مِن بُيُوتِهِنَّ وَ لا يخْرُجْنَ إِلا أَن يَأْتِينَ بِفَحِشة مُّبَيِّنَة وَ تِلْك حُدُودُ اللَّهِ وَ مَن يَتَعَدَّ حُدُودَ اللَّهِ فَقَدْ ظلَمَ نَفْسهُ لا تَدْرِى لَعَلَّ اللَّهَ يحْدِث بَعْدَ ذَلِك أَمْراً(1) |
أختي دانة المغرب
كلا الطلقتين كانت بلفظ أنت طالق الطلقة الأولى وأنا علي الدورة والثانية كانت في طهر بعد العواصف صرت ما أعطيه قرش واحد لأني شايلة نفسي والبيت اللي هو المفترض يتحمل مسؤوليته..فعشان كدة ماعندي استعداد أعطي العشرة والعشرين للبنزين ..خلاص أحس نفسي بلا كرامة لو أعطيته. يعني حتى العشرة حقت البنزين مايدبرها وأنا شايلة عنه اللي هو هو المفروض يسويه عشاني. حسبنا الله ونعم الوكيل نعم المولى ونعم النصير. |
اقتباس:
انتي شوفي وضعك وحياتك ..وانصحك بالانجاب باقرب فرصة على الاقل صرافك يروح لولدك ولا بنتك بكرة ينفعك لا كبرتي وتقدم بك السن زيادة.. بس سؤال بعد اذنك تقولين عنده ضعف جنسي..ومايصرف وعيوبه اكثر من محاسنته..ايش الي يخليك صابرة عليه ولا ماتريدن ان يطلق عليك مطلقة..او تحبينه اتمنى تردي علي..مشكورة |
الانسان هو وحده القادر على تحديد مسار حياته والتغيير للافضل...... انا مو عايشه لاكون تحت وطأة رجل الله خلقني وكرمني ...والرجل اللي يخليني اتدمر عشان تصرفات سيسال عليها يوم القيامه وقت يوقف امام الله فهذا انا مو مسؤله عنها ليه تتدمرين خيه الله هو الكفيل والمعين والملتجئ اليه لا الى غيره حبيبتي عيشي لنفسك لا لغيرك والله يصلح لك امورك ان كنت تودين العوده خاضعه او ان اخترتي ان تكوني متحررره ...الدنيا ماتسوى ياعمري الدنيا دار للتزود لدار فيها القرار ..والعيشه الهنيئه اسال هاالله ان يفرج عنك كل هم وغم وضيق بحق السميع البصير القادر على كل شي سبحانه وتعالى...
|
السلام عليكم ...
لا أحبذ فكرة الانجاب وعين العقل تأجيل الموضوع الى أن توضع النقط على الحروف ... اسال الله ان يفرج همك ويشرح صدرك ويسخرك لك زوجك ويهديه ويقدم لك اللي فيه خيرك وصالحك |
| الساعة الآن 02:23 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©