|
غدا سابداء بالتطبيق <<تجربة معلمه:)
واخيرااا بيكون فيه شي يكسر روتين المحاظرات :23:
التطبيق:11: ابطبق في مدرسة ابتدائيه سابداء غدا ان شالله متخوفه نوعا ما :21:بس الاكثر تحمسه اني بجرب جو جديد :23: نسيت اقولكم انو المفروض اطبق بمتوسط بس رحنا للمدرسه واكتشفنا انهم مراهقااات بشكل <<اكتشاف:d نمشي من عندهم وتصفييق وصراخ وكل شوي يدخلون لغرفتنا <<لقافه فحولتنا المشرفه لمدرسة ابتدائي قريبه منهم :17::15: لاتبخلون علي بنصاحكم :) وادعوا لي حاليا افكر اني اقدم للماستر بس ياااارب تضبط :22: |
الله يسهل امورج
انا عن نفسي ما احب الابتدائي احسهم وايد اطفال ولا اعرف اتعامل مع الاطفال فافضل المتوسط عشان جذي ما اقدر انصحج بس هذي دعوة في ظهر الغيب |
الله يوفقك ويسعدك
|
حلو تدريس الصغار
لانه تشوفي جهدك وتعبك واضح امامك بس خليك شخصية يعني ادي عملك وخليك حنونهومعطاءة بس حازمة من ناحية احترامهن لك لأني لاحظت بعض المتدربات لصغر سنهن وعدم خبرتهن تقضي وقتها مع الطالبات كأنها مع زميلاتها ويتبادلنا أرقام الجوال والصغيرات ذكيات يعرفن كيف يستغلين المتدربات لدرجة عقابهن باهمال الواجبات وعدم المشاركة عند حضور المشرفة......ولا تنسي الهدايا وبطاقات الشكر لهن الله يوفقك |
موهبة الكويت
تسلمين خيتو عالدعوه ومن ناحية التعامل انا مرنه نوعا ما ان شاءالله اتعامل معهم كويس ووعكسك انا الاطفال افظل لي انثى ابكت القمر اميين يارب واياك طالبة الخير تسلمين عالنصائح الحلوه بتفيدني كثير :)منوورين الصفحه |
الله يووفقك ياااارب
بالنسبة ليا افضل تعامل مع الاطفال في الروضة:15: وابتدائي افضلك اهم شي وسائل التعزيز والشكر بي عبارات او اشياء بسيطة وخلي دروسك وسائل حديثة ومتنوعة وغير جامدة عنصر الحرركة و الصوت مهم حسب قسمك طبعا اقدر افيدك الله يوفقك ياااااااااااااااااااارب ويسيرلك :17:اما الماستر بالنسبة ليا فقدت الامل حتى الا بفلوس صارر بي واسطة :( |
ماشاء الله تبارك الله الله يوفقك وييسر لك أمرك صراحه ماجربت تدريس الأطفال حدي المتوسط والثانوي.وكانوا عال العال ماشاء الله.. |
ما شاء الله عليكي الله يوفقك ويسعدك ياقمر
|
ماشاء الله تبارك الله
الإبتدائي حلوين وإن شاء الله تنبسطي معهم بعطيك نصيحة من تجربتي مرة وأنا أطبق قامت وحدة من الطالبات وسألت سؤال إجابة السؤال ماكان حاضر في ذهني:25: فقمت شكرتها على سؤالها العبقري :22: وقلت لهم هذا السؤال بخليه نشاط (غير إلزامي ) وبكرة اللي تجواب على السؤالإجابة صحيحة لها هدية :17: وخلصت نفسي من الموقف:26: موفقة دوما |
لسى راجعه من المدرسه حظرت حصيتن انتظار
في كذا بنت مشاااغبين بشكل :( بس شديت عليهم شوي وصارو تمام خخخخخخخ وفيه بنت سوت لي ورده بالمنديل شكلها حلو وحاطه عليها عطرها :) هههههه بنوته انا تخصصي اصول دين يعني ادرس توحيد حديث فقه تفسير ورده بين الثوج كانت امنيتي ثنوي :( بس يلا قدر الله وماشاءفعل مدلعه حبيبها امييين يارب واياك اطياف الرياض ههههههه حلوه طريقتك الله يعين لسى مابديت اشرح بكرا عندي درس الاحسان للصف الخامس والدرس قصيييييييير جدا مجرد تعريف الاحسان وكم ايه ونشاط وبس مدري كيف اشرحه لهم وكيف اربط الدرس بالواقع لانو احتمال تحظر عندي المشرفه لاتبخلون علي بنصائحكم:) |
اهلا انفاس العطور موفقة إن شاء الله
وحلو تدريس الابتدائي تقدرين تضبطينهم عكس المراحل الثانية وكل ماكثرتي وسائل تعزيز وعبارات تشجيعية كل ماكان درسك ناجح بالنسبة لدرسك اولا يكون عندك تمهيد -اسئلة عن الدرس السابق؟؟ من هو المستحق للعبادة ؟؟ اذكري دليل على العبادة؟ إذا كنتي صائمة وشعرتي برغبة بالشرب ماذا تفعلين ؟؟ (طبعا التلميذات يجاوبن اننا صائمات ولايجوز ان نشرب ) انتي تسألين لماذا ؟؟ يجاوبن لان الله امرنا بالصيام وهومطلع علينا - وتسجلين الموضوع على السبورة وحبذا لو تعريف الاحسان بلوحة إضافية وتقرئين الدرس وتقرأ التلميذات واذكري قصة العالم الي كان عند طلابه واعطى كل طالب دجاجة وقال لهم كل واحد يذهب لمكان ويذبح الدجاج بشرط ان لايراه فيه احد ! وكل الطلاب ذبحوا مامعهم الاطالب واحد وعندما سأله العالم قال له الطالب ان كل مكان اذهب إليه فأن الله مطلع علي واخذ الطالب درجة النجاح وعند التطبيق اكتبي التعريف --مثل الاحسان هوان......كانه يراك.....فأن لم تكن ....... والتلميذات يملأن الفراغ وايضا اسرع وحده تحفظ التعريف مع الاستشهاد له جائزة ومن وسائل التعزيز الي تجاوب تقولين كلنا بصوت واحد بارك الله بالمبدعة وتقولين اسمه والله يوفقك بدرسك |
ماشاء الله ألف مبروك يا أنفاس العطور وإن شاء الله بعد التخرج التعين مباشرة يارب وبعدين ماودك بالسياره أرسلها لك علشان تداومين فيها بس ترى مافيها مرآتب تجلسي عليها
بالنسبه لطالبات لو طفشوك كثري لهم حلاوة إم إم إز ترى يموتون فيها أهل الإبتدائي تاخذين علبه مليانه سعرها الظاهر ثلاثه ريال وحبوبها كثيره ملونه والبنت إللي تجاوبك صح إعطيها حبه وحده بس والباقي خليها في شنطتك لليوم الثاني يعني العلبه لو إقتصديها لطالبات تكفيك ثلاثه أيام بعدين إختاري أسئله سهله أول مره ولوشفتي العلبه بتخلص إختاري أسئله صعبه علشان تحتفظين بالباقي لليوم الثاني أنا عندي بنت جارتي كذا تطبق رياضيات وقالت لي يا أختي نفسي أخلي البنات يحبوني ونفسي أقدم لهم هدايا علشان يجاوبون إجابه صحيحه قلت لها خلاص الحل عندي والهدايا على حسابي أنا قالت لامايصير قلت لها ماعليك سألتني وش الهدايا قلت لها بعدين تعرفين وأروح سوق أبو ريالين وأشتري بعشره ريال أطقم شباصات أشكال وألوان منها 4 حبات وكل حبه فيها 24شباصه وجبتها لها وقلت لها كل ماتجيك طالبه تجاوب أوتحل صح حطي لها حبة شباصه بشعرها جائزه على إجابتها وماشاءالله تبارك الله طريقه جابت نتيجه حلوه معاها وحبوها البنات وتعلقوا فيها مره وأنتي الله يعينك ويوفقك ربنا وييسر لك كل صعب ويحقق لك مناك في القريب العاجل يارب . |
ما شاء الله موفقة إن شاء الله
أهم شيء تكسبي الطالبات وتلفتي إنتباهن لشرحك ويكزن معك |
لو أنك استشرتينا من قبل لنصحتك بعدم الدخول في متاهات الإعداد التربوي ..
شهادتي في البكالوريوس كانت بدون إعداد ، وبعد التخرج قدمت على برنامج الدبلوم التربوي وهو يعد أحد برامج الدراسات العليا .. العيب في الدبلوم أنك تدفعين رسوم قدرها ( 5000 ) ريال ، والميزة أن شهادته أقوى من الإعداد + الدراسة مسائية + بدون تطبيق + لا يدخل في معدل البكالوريوس بل شهادته مستقلة.. على أي حال أسأل الله لك التوفيق .. تدريس طالبات الابتدائية أمر سهل - إن شاء الله - ، والمواقف المحرجة التي يتعرض لها المدرس مع الصفوف الدنيا أقل بكثير مع الصفوف العليا .. بإمكانك إقحام بعض القصص في دروسك خاصة وأن الأطفال يهتمون كثيرا بالقصص ( أقصد القصص الإسلامية الواقعية ) .. ولو كان الدرس يحتوي على فقرات بسيطة فاستغلي الوقت وحاولي أن تحفّظي طالباتك التعاريف والآيات بأسئلة تحفيزية : مثلا : اللي تحاول تحفظ التعريف في خمس دقايق رح أعطيها 3 درجات .. أذكر هناك طالب من العفاريت أحرجني الله يفشل أبوه :d يقولي : أستاذ إنت من أول الترم تقولنا اللي يسوي كدا له 5 درجات ودرجات المشاركة كلها على بعضها 10 درجات من فين حتزود لنا يعني ؟ :(:d هذا طبعا أيام ما كنت أدرس في مدرسة أهلية .. :) عموما الطالبات لسن بجبروت الطلاب ، لكن ركزي في دفتر التحضير ولا بد أن يكون كاملا من كل النواحي فهو أحد أهم عناصر التقييم .. تواصلي مع جامعتك بشأن الماجستير ، وتابعي مواعيد التقديم على الموقع ، وستسهل الأمور بإذن الله |
اختي حنين للامل
اضافاتك بتفيدني كثييير بالذات طريقه التعزيز والدخول بالدرس وتمنييييييت اني قاريتها قبل لااشرح درسي اسعدني تواجدك :) بنت الحكمي ايييييه ارسليها ×_÷ محتاجه السياره الحيين بالذات <<<مختاره مدرسه بعيده عني خخخ انا بجنوب الرياض ومدرستي بالروابي <<لان صديقاتي هناك بالنسبه للشوكلت شريت لهم ماكنتوش وتقهوينا منها انا وصديقاتي :) ولا يهمك المره الجايه ان شاءالله ابحاول اطبق حركتك ودي انزل صور تجهيزاتي عشان تشوفينها ابحاول انزلها انتظر سيارتي ترى هع ومادام انتي داعيه داعيه لي بالتعين ادعي اني اصير معيده <<<كيف وانا اتشرط؛):)") العابده تقريبا كسبتهم الحمدلله صرت لما امر ينادوني باسمي استاذه متى تجينا :) <<فرحانه بعمري ترى هع بس شرحي كان مو مره ودي بأداء افظل صوتي واااطي :( شاطىء المحبه ذكرتني الله يذكرك الشهاده بدفتر التحظير لسى مابعد سويته <<فالحه :) عندي درس الاسبوع الجاي عن الادله من السنه على مراتب الدين ..طريقتك التحفيزيه بتفديني كثير لان الادله كثيره شوي عليهم وبالنسبه للماستر للاسف مافيه اي اعلانات واضحه تدل انو بداء التقديم حتى المفروض يكون فيه اعلانات في الجامعه نفسها مافيه:( حاليا احاول اجيب تزكيه من الدكاتره الي درسوني والتقديم لسى شكله ماجى وقت التقديم لااصول الدين لاني جربت وماطلع لي الا انقلش وفيه اختبار القياس هذا مدري ايش سالفته :( ماادري هو راح علي التقديم والا لسى :(ولو بنسأل يبخلون بالمعلومه ويوقلون الواسطه لو معدلك 1:وشوي يقبلون اييه فيتامين :) |
الله يعينك وتدريس الابتدائي حلو ونتائجه تطلع معك على طول
انا ادرس ابتدائي بس مو مواد تربية دينية بالنسبة للتدريس اهم شئ تعددالوسائل المعينة للدرس والحوافز المعنوية والمادية بعدة طرق ومهما كان قصر الدرس بالوسائل سوف يطول ويشوق للعرض وفقك الله وسهل الله امرك |
لو طبت عليك المشرفة بدون دفتر التحضير عز الله إنك بتروحين وطي ..
تابعي موقع الجامعة باستمرار ، أو حاولي زيارة عمادة الدراسات العليا والاستفسار منهم عن موعد تقديم الماستر .. لكن متابعة الموقع أفضل .. أضافت العديد من الجامعات شرط اجتياز اختبار القدرات لكن بعض الجامعات كجامعة أم القرى تستثني كليتي الشريعة واللغة العربية من الاختبار .. التسجيل يوم 25 / 6 / 1432 ، والاختبار يوم 3 / 8 ولمزيد من الاطلاع : http://www.qiyas.org/qiyas/examdates/examDates.5.aspx |
يا أخ شاطئ المحبة من كلامك فهمت أنك تنصح بالدبلوم التربوي أنا شهادتي مثلك بدون إعداد و في أول طريق لي في التدريس أصبت بإحباط شديد لم يسبق لي الوقوف أمام الطالبات رغم أنهن ( في الصف الثاني إبتدائي ) و أنوي بعد إنهاء العقد مع مدرستي ( مدرسة خاصة طبعاً ) أن أعتزل التدريس وأعود لأدارج الدراسة فهي أكثر متعة سواء ماجستير أو دبلوم مــا : ) تندمت بحق ع إلتحاقي قسم غير تربوي : ( |
أنفاس العطور الله يوفقك يارب وييسر أمرك شعوري نفس شعورك أول السنة بس الحين طفشت خلااااص حسيت ان التدريس حاجة روتينية ومرهقة للغاية بس من حظك أنهم إبتدائي عسولات وتكسبينهم ع طول أنت بس شعلليهم بالتحفيز وهم يسلكون معك موفقه يا قلبي |
اقتباس:
التربوي سواء كان إعداد أم دبلوم هو شر لا بد منه .. وأنا لم أدرس التربوي حبا فيه ، بل لأنه يساعدك في رفع مستوى الترقية .. فالتعيين على الوظائف التعليمية يكون على المرتبة الخامسة ( أظن) لغير حاملي التربوي وعلى المرتبة السابعة لحامليه .. أسباب كثيرة جعلتني أختار الدبلوم .. إحداها أن معدلي الجامعي كان عاليا ولو أخذت الإعداد لنزل المعدل لأنني لست فالحا إلا في مواد اللغة العربية أما في غيرها فلا . والسبب الآخر هو ( الفكة ) من التطبيق ، لأن التطبيق في مدارس الطلاب مرهق لأبعد حد .. في النهاية أختي الكريمة سواء درست الدبلوم أو الإعداد فلا بد من الارتباك في أول الحصص .. هذا أمر طبيعي ثم يزول بعد ذلك بالتدريج .. ولا تظني بأن مواد الدبلوم أو الإعداد تجعل منك مدرسة بارعة ، كلها خرابيط وكلام فاضي .. إذا رغبت في الوظائف التعليمية أنصحك بالدبلوم حتى يتحسن وضع الراتب .. وإن أردت دراسة الماجستير فأعتقد - والله أعلم - أن الماجستير يغنيك عن الدبلوم ، لأن حامليه يعينون على المرتبة الثامنة .. وفقك الله . |
سحابة الصحراء
تسلميييييييين خيتو امييييييين يااارب اخي شاطىء المحبة خوفتني <<<من قريت كلامك وانا ابحث عن تحظير لدروسي مشكوووور اخي عالرابط ختي الوان احد يجلس عند ثاني ابتدائي ويطفش تدرين اني لما دخلت عليهم بغيت اجلس اتحظنهم وابوس فيهم <<بس قلت اثقلي يابنت خخخخ:) حتى قبل لا يطلعون قلت من تعطي الاستاذه بوسه << بخاطري ههههههههههه صورتهم بجوالي من كثر ماحبيتهم ورحت جبت لهم شوكلاته ووزعت عليهم يجنننووووووووووووون بشكل دخلت عليهم احتياط طبعا وخاااااطري ادرسهم والله يوفقك ياارب ويسهل لك ولي وبنوته وكل من يتمنى دراسه الماستر يااارب |
اقتباس:
اقتباس:
معقول يا أخي لن أستفيد منه دعك من الإرتباك أنا أقصد تسلسل الأفكار وطرق التدريس أسمع بإدخال مهارات التفكير في التدريس وقرأت عنها لكن لن تفيدني لأني لم أدرس مواد التربية تصدق أني أخفقت في مقابلة التوجيه ولم أستطع الإجابة على أي سؤال فقد كانت أسئلة تربوية بحته صدمت بصراحة لأني توقعت أن تكون ضمن تخصصي لكن بما أني أدرس صفوف دنيا فلابد أن تكون لدي خلفية تربوية وبناء على هذا إن لم أعيد المحاولة مره أخرى فلن أمنح شهادة خبرة من مدرستي الحبيبة :25: وأكون خرجت منها بلا أي عائد يذكر إلا إن سلمت نيتي و لم تختلط بشيء فأحتسب حفظ صغيراتي للقرآن قربة لله عمومًا بكلامك هذا تريحني لأني أفكر بأكثر من دبلوم إن لم يحصل لي القبول في الماستر وعليه فسأصرف النظر عن دبلوم التربية شاطئ المحبة شكرا لك أنفاااس العطور تصدقين أني متحمله كل حاجة في المدرسة عشانهم يالبيه بس أول الأسابيع لاحظت أنهم مطيحين الميااانة مرره مع معلماتهم وضم وتبويس على كيفك .. :29: حتى مره بنوته أحرجتني بجد مسكت يدي وجرتني لها فكرتها بتقول حاجة أثاريها تطبع هالقبلة في قلب خدي:25: والله إنحرجت بقوة قدام الفصل كله بعدها صرت أصدهم عني واللي تقرب مني أعمل نفسي اني مستعجلة وادفعها بخفة عشان ترجع مكانها ماندري ندرس ولا نوزع حنان :d بس حلوين والله موفقه يا قمرايه |
الله يوفقك يارب بدايه حاولي إنك ماتكون صارمه مررره يعني حبوبه ومرنه معاهم عشان يحوبك ويسمعوا لشرحك وينصتوا وعطيهم أنشطه ومسابقه آخر الحصه مثلا سؤال وعليها هديه أي حاجه يستفيد منها موفقه |
والله يا أختي ألوان أنا لم أستفد شيئا ..
أغلب المواد فلسفية .. كيف كانت التربية عند أرسطو ؟ ما مفهوم التربية عند الإغريق ؟ طيب أنا ايش لي صلاح :) بإمكانك اقتناء الكتب المتعلقة بالمهارات وطرق التدريس إن أردت تطوير ذاتك مع أني لا أنصح بها ... أختي أنفاس خلي دفترك جاهز وما عليك خوف :) |
:)
مساااء الخيراات:d
اليوم كان عندي درس للصف الخامس وحظرت لي المشرفه واخذت بنصيحة الاخ شاطىءالمحبه ورتبت دفتر التحظير :22: كنت متوقعه اني ماراح ارتبك لما تدخل المشرفه بس للاسف:24: ارتبكت شوويات طبعا اول مادخلت كان معي سله فيها بالونات جواتها اسئله وهدايا:23: تحمسوو معي الطالبااات مررره :17:وزعت عليهم ارقام واخترت :11: الي قهرني انو كنت داخله على هالفصل الاسبوع الي راح وظابطتهم صح:30: هالمره مدري ليه تغيروا الي تجاوب وهي جالسه:29:والي مو معي اصلا :( الي قهرني انو صديقاتي يقولون اذا دروا انها مشرفه بيستفزونك ويقلبون الدنيا :24: وحده من البنات حظرت عندها المشرفه نص الوقت وتقول مايشااركون اببببد ويفشلوون استاذه صوتك واطي <<والبنت صوتها خلقه جهوري:25: تقول اول ماطلعت المشرفه قلت لهم ليه ماتشاركون فردوها عليها بنبرة ترانا عارفين انها مشرفتكم وانكم خايفين منها @@ تقول الي جنني انهم شاركوا بعد ماطلعت لدرجه انهم ماجلسوا باأماكنهم :21: الاسبوع الجاي ان شاءالله عندي درس فقه طفشت من التوحيد عند رابع :15: واحتمال كبيير تحظر عندي المشرفه ادعوا لي ربي يوفقني:) |
أجل الابتدائي صار فيه تطور ما يستهان في البنات وحركاتهم
لكن ربما أرحم من الثانوي وإذا دخلت المشرفة حاولي تنسين إنها موجودة الله يعينك ويوفقك |
| الساعة الآن 02:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©