|
بعد الزواج و الانجاب هل أكمل تعليمي
ياهلااااا ويامرحبا
اخواني انا حبيت استشيركم فموضوع واشوف اذا يتقدروا تساعدوني الله يسلمكم انا كنت ادرس فكليه بس لما تزوجت وجبت البنوته ماقدرت اكمل فاضطريت اطلع لاني كثير انظغطت وكرهت الدراسه ومافكرت اني ارجع هالكلام صارله سنه ونص تقريبا بس الحين صدر عدنا قرار ان بامكان الخارجين م الكليه انهم يكملوا طبعا الكل شجعني اني ارجع وبالاخص زوجي بس انا نفسيا ابد مامستعده السبب الاول ان بنتي كثير متعلقه فيني مع انها خلاص دخلت الثلاث الحين والسبب الثاني اني الحين حامل صارلي شهر اخاف ارجع وترجعلي نفس السالفه انا الحين محتاره وماعندي احد غيركم استشيره بالنوضوع فياليت تفيدوني بشي ولكم جزيل الشكر:11: |
الكفاح رائع وميزة ...
الشهادة لها طعم وكلما كانت أصعب كان طعمها أروع ... ومادام زوجك مشجعك ، فمالك عذر ... وبالتوفيييييييييييييق .. |
مافي احلى من الدراسة بقولك اختي كملي دراستك مادام زوجك موافق اما عن بنتك في فترة الدراسة خليها لعند امك او اختك او احد من اقربائك ولما تكملي حصتك هتروحي عندها على طول .لله يعينك
|
السلام عليكم ورحمة الله وبركاته هلا وغلا فيج يالغاليه بصراحه عني دام ريلج وياج ومساندنج مافي خلاف احسن تكملي والله يسهل الامور ومافي شرات الشهاده سند من غدر الزمن احنا بزمن الله يعلم به واسموحه منج وبنتج خليها مع امج أو ام ريلج اذا جنتي ساكنه وياهم ومافي ومافي أغلا من ولد الولد وهذا راي واسموحه منج ع القصوووور فدعت الرحمن ربي لج حااافظ اختج مشاعر مبعثره |
كملي دراستك.. ودخلي بنتك الروضة تستانس وتتعلم.. وإذا قربت ولادتك وقفي قيدك..
وأرجعي كملي بعد ماتقومين بالسلامة.. مافي أحلى من الشهادة.. وتحقيق الذات.. تحسين بثقة بنفسك..وربي يوفقك. ــــــــــــــــــــــــ اللهم أنصر أخواننا (السنة) في البحرين.. حسبي الله على كل خوان كذاب .. نادوا بالتظاهر السلمي .. وهم من اعتدا على رجال الامن والجامعة ..وبنات الجامعة. بإذن الله درع الجزيرة لهم بالمرصاد. |
الدراسة شي حلو بس اذا كان فيها ضرر وتقصير واهمال للبيت
افضل تتركيها اما اذا قدها اتمنى تكملي والله يوفقك |
انا شوفيني
تزوجت ومعي شهادة ثانوي ونسبتي للاسف مادخلتني توقف سنه وبعد انجابي ولدي وكمل سنتين بس كملت تعليمي انتساب مطور بجد راااااااااحه ودراسه واستمتاع وتغيير روتين شوي صح تعب ولكن مو مثل دوام جامعي احسه متعب نوعا ما ! للمتزوجه ولكن ان كملتي فاافضل لك فاانتي يمكن لاقدر الله تحتاجين لشهاده جامعيه مستقبلأ .. افضل لك الانتساب المطور طبعا كل فصل بفلوس حول 2000 الفين ريال كل شيء عبر النت المحاضرات الوجبات كل كل شي بس يلزم حضورك فقط وقت الاختبار النهائي !!! في احسن من كذا وشوفي الان انا حامل بشهري ال2 وقاعد ادرس والحمد لله ومعي ولد متعلق فيني مثل ظلي ... مستوعبه وكل ربوع بلاسبوع اسافر من الشرقيه للريااااااض وارجع الجمعه وشوفيني ادرس يعني مقارنة معك ماشاء الله اكيد انتي مستقره وماتسافري فانصحك لاتتكاسلي الشهاده زييييييييينه . والحمد لله شوفيني موازنه بامور البيت ومسوليه الزوج والولد يعني محدده ساعات بلصباح لتحميل المحاضرات وحل الوجبات ومراجعه سريعه وانام للظهر واقوم وانظف واطبخ يجيء زوجي وانا توب لاالبيت ولا الطبخ ولاني مقصره بشيء وانا م بليلل بدري الا بصراحه هليله فيني قلق والله اذا تبين الراحه لك ولزوجك ولبنتك وبيتك انصحك حولي انتساااااااااااااب ولكن مو عادي انتسااااااااب مطورررررررر كاانك تداومين يوميا . |
حبيبتي اكيد لازم تكملي دراستك مالك عدر لانو اولا زوجك مشجعك وثانيا بنوتك يمكن لك دخليها للحضانة او خليها مع الوالدة ....
ما في احسن من الدراسة صدقيني ياريت الايام ترجع للورا كنت مسكت فالدراسة بايدي واسناني وكل ما ملكت من طاقة |
اختي والله مافي احسن من الشهاده سند لك بعد الله لكن اختي همس ممكن اسئلك انتي داخله جامعة الملك فيصل وايش تخصصك والدراسه سهله لاني مخططه اني ادخل ان شاء الله واسفه اذا كنت ازعجتك
|
أنصحك بإكمآل درآستك
إجعلي نظرتك للمستقبل أبعد فهذه الشهآدة ستحتاجينهآ ولو بعد حين وفقك الله أخيه وأعآنك |
اذا ما درستي او حتى جربتي بتندمييين
|
اشكر جميع الخوان الي ردوا والله يجعل ماكتبتوا فميزان حسناتكم وان شاء الله راح اتبع نصيحتكم واكمل دراستي والله الميسر.............
|
اقتباس:
هلا وغلا حبيبتي صحيح انا بجامعة فيصل بلاحساء انتساب مطور كل فصل له مبلغ 2000ريال تخصصي دخلت علم اجتماع لانهم خيروني بين العربي والتاريخ والجغرافيا وكذلك تربيه خاصه والانجليزي ماادري سبحان الله اميل انا لعلم الاجتماع لان وظااايفه متاحه مو بس بمجال التعليم لا عن الدراسه احس يبي لك تجتهدين بس وقت الامتحنات وتداومين ع تحميل المحاضرات بئي وقت وحل الوجبات فقط لاغير . مرييييييححححححححححححه . |
كملي حبيبتي دراستك
بيجي يوم وتنفعك الشهاده ومافيها شئ تكملين دام زوجك مشجعك ومتعاون معك انا لدي اطفال وقاعده ادرس انتساب والحمد لله شارفت على التخرج الشغله يبيلها عزيمه واراده باالتوفيق |
كمليييييييييييييييييي
والحين اكثر الكليات فيها حضانة وبكذا تقدري تروحي لبنتك بين المحاضرات وتطمني عليها,,, |
اختي جناين ورد ياليت لو فكليتنا حضانه بس للاسف مافي............
|
دامك زوجك يشجعك فهذا شي حلو أنصحك تكملي وبقوة
الله يوفقك |
| الساعة الآن 08:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©