|
زوجي يتجسس على جوالي
السلام عليكم ورحمه الله وبركاته
اخواني وخواتي بهذاالمنتدى الراقي ودي اعرض لكم وحده من من مشاكلي مع زوجي التي منغصه حياتي الزوجيه... تجسس زوجي على جوالي ...انا اكتشفت من ثالث يوم بزواجي ان زوجي يتجسس على جوالي..وكل شي فيه يعني يعرف انا مع مين كنت اتكلم ومتى ووش قلت ويعرف كل شي بجهازي مع اني حاطه رقم سري وكل يوم اتاكد لما سالت محلات اجهزه الجوال قالو مستحيل انه يقدر يستمع لمكالماتك لما بحثت بالنت لقيت مواقع اجنبيه تبيع برنامج تثبته بالجهاز المستهدف ومن خلاله تقدر تعرف كل شي...انا الان محرومه من نعمه الجوال عيشني زوجي بالعصور القديمه ماقدر اخذ اخبار اهلي او صديقاتي بالجوال او اخذ راحتي بالكلام...في اشياء مو لازم يسمعها اسرار بيوت مو من حقه يطلع عليها واجهته كذا مره انكررر هالشي...بس والله اني متاكده من كلامي..حتى النت اكتشفت انه حاط برنامج تجسس فيه رحت حملت برنامج حمايه...حساباتي بالبنك وتحويلاتي مطلع عليهم اهلي اذا سافرو مكان بطياره يعرف وين راحو ومتى جو...اختي مرضت ودخلت المستشفى درا بالشي هذا مع اني ماعمري تكلمت فيه على التلفون...ولا قلت له... علموني كيف يقدر يعرف بالاشياء هي كلها...تراني تعبت من تجسسه ماحس اني لي خصوصيه يحب يعرف كل شي ويدخل بكل كبيره وصغيره... خاصه موضوع الجوال...ماعاد استخدمه ابدا الا للضروره القصوى وصرت ماكلم احد حتى النت مازلت خايفه منه والله ودي افضفض واكتب يعني الى متتتتتتتتتتتتتتتتتتتتتى هالحال... المساله موثقه ابدا لو ماكان واثق فيني كان طلقني من زمان بس مرض نفسي وحب سيطره بصراحه ماحس بالامان ابدا معاه كنت اقول لنفسي مصيره يعرفني ويترك هالشي بس من حقه مايعرفني بس الى الان مستمر غيرت الجهاز كذا مره والشريحه..بس ماقدرت اوقف هالتجسس الي مو بحاس بمعاناتي جرب تتخيل ان فيه احد يسمع كلللللللل مكالماتك ويطلع على خصوصياتك واسرار اهلك ايش الحل معاااه الله يخليكم ساعدوني انا بخيله بالردود سامحوني بس للظروف الي فاهم بالتكنولوجيا وعنده حل الله يجعله بجنات النعيم يقولي ايش الطريقه؟؟؟ |
حبيبتي لاتتضايقي ولا تشيلي هم
من راقب الناس مات هم عيشي حياتك الطبيعيه بدون ماتحرمين نفسك لانك موقاعه تسوين شي غلط واذا حاسبك في شي قلتيه مع صحباتك او اهلك فضفضه قولي له هذي سوالف حريم ليش تتجسس علي هو يراقبك ومرتاح وانتي عقدتي نفسك |
طبعا بناء على كلامك
معناته زوجك راح يقرأ موضوع هذا ما ادري عندك خبر بالشي هذا ولا لا ؟ وما ادري هل سألتيه كيف تعرف الأمور هذي ولا لا ؟ |
احساس امومه....لاتستهيني بالتجسس...والله يسبب مشاكل....مثلا...بعطيك مثال..انا كنت اكلم اختي بالعصر وكان ولدي عندهم.. مرض الولد فاختي جلست تمزح تقولي ليش ماتجي تسلمي على ولدك تريه تعبان مزكم تعالو ودوده المستشفى..قلت لها لاماراح اجي ماوحشني ولا راح نوديه قالت اهي ليش مانتم اهله بالضحك واحنا نتكلم ...طبعا احنا اسلوبنا كذا في المزح وقلنها ضحك ومزح ..ماقلت له شي عن الولد كان مشغول.. بالليل قلت له ودني عند اهلي الولد تعبان وبنوديه المستشفى..جلس يهاوش ويصارخ انتي ليش ماقلتيلي الولد تعبان اهو من امس تعبان وليش تخلين اهلك يودونه واختك صادقه يوم تقول ماعنده اهل...قلب سالفه المزح جد
..كانه يدور للشر بتجسسه سعود...انا استخدم جهاز ثاني...بس للتصفح استخدم جهازي...انا وضعت جهاز حمايه ..بس مادري اذا كان فعال او قدر يخترقه..طبعا اهو ينكر سالفه التجسس بس انا متاكده من هالشي الجوال لازال يتجسس بس النت مادري ...بس فيه اشياء تدل على انه كان يتجسس بالنت بعد |
اسمعي حبيبتي
اذا كان يتجسس فعلى نفسه لان هذا مرض ماينحل الا بطبيب نفسي اختي بقول شي ولا تزعلين انتي قد سويتي شي شككتيه فيك ااذا كان لا فيبغالك جلست مصارحه وهاديه توصلون الى حل |
هذه التصرفات المبنيه على اللاسبب تكون في الغالب نابعه من الشخصيه نفسها !
وهناك شخصيه تعرف بالشخصيه الشكاكه, قد يكون زوجك من اصحاب هذي الشخصيه , اعرفي شخصية زوجك وأقري عنها , بذلك تستطيعين ان تري عيوب زوجك مزايا ويسهل التعامل معها لا تستهيني بالموضوع فعلم الشخصيات عالم بأسره ! |
يااقلبي,’,
لآتسكتين وآآآآآآجهي بكل قــوهـ وآحتـــرآمـ لمتى على ذي الحاله !!وآقفيه عند حده فهميه انه هآآآشي غلط الشك..ذآآبحه اعوذ بآآآآآآآآآللهـ انتي لآزم توآآجهينه وتحاسبينه على تصرفآآته لتضآيقك والله يسعدك. |
معاناه التجسس
طيب هل يشك فيك مثلا؟؟ الغريب بالامر انه بدا يتجسس من اول ايام زواجكم..اعتقد ان زوجك تعرض الي صدمة او خيانة لان تجسسه بالطريقة هذه غريبة جدا..لابد ان تعلمي لما هو يجتسس عليك بهذه الدقة.. وكم لكم متزوجين وهل ليدكم اطفال..؟ وكيف صلاة زوجك هل هو محافظ ويصلي مع الجماعة.. ارجو ان تجيبيني على اسئلتي لو مافيها اجراج لك..دمتي بخير |
اسمعي ياختي ماعليك مادام انت محترمه وطيبه عادي خليه يفتش الي يبغاه واقولك شي ثاني
لا تحطي رقم سري لجولك هذا زوجك ومابينكم اسرار وانا متأكد ميه بالميه ماسوى كذا الا انه يحبك ويغار عليكي طبقي وراح تدعلي ان شاء الله وسيبك من كلام الحريم ......... |
عـــــــــــــــــااااااااااااااادي اذ كنتي توك متزوجه هااااااااااااااااادي بالك عليه
اغلب الرجال يحبون يختبرون حريمهم صدقيني فتره وتعدي بس انت خليه شي عااااادي عندك ولاتحسيسينه بشى خليكي طبيعيه ولاهمك لانو اذ شافك منرفزه يشك فيكي خليكي وثقه من الي يسويه وخدي راحتك بالكلام دامك ما عملت شي بتخافين منه |
بما أنك واثقة من نفسك فلماذا لاتتركيه يفتش كما يحلو له إلى أن يتطمن ويمل ويخجل من نفسه ويترك طبعه السيء؟؟
لأن وضعك لأرقام سرية لجوالك ووضع برنامج حماية لجهازك سيجعله يزداد شكاً كوني صفحة بيضاء أمامه ليرتاح ويريحك. |
وعليكم السلام ورحمه الله وبركاته
اختي الكريمه زوجك هذا إنسان مريض ولابد أن يتعالج عند دكتور نفسي حتى يفيق من ماهوا فيه أختي اذا كان زوجك يفهم في برامج الهكر وإختراق الأجهزه سيكون من السهل عليه أن يعرف مايدور في جهازك ببرامج التجسس وتأتي على شكل بلاغات اذا كان الموديم حقك سبيد تتش وتوجد برامج من أول ماتشغل الجهاز يقعد البرنامج يسجل فيديو في حافظه له في ملف موجود في ملف البرنامج في السيستم و وقت يجي يشوفها براحته زوجك ما هو ساحر إنما هو مريض نفسي وانا اقولك يد ماسرقت ماتخاف القطع انتي عايشه في جحيم وماتاخذي راحتك أبداً وبنفس الوقت مو قادرة تمسكي عليه شي أنا ما انصحك انك تطلعي شريحه ثانيه من ورى زوجك ولا أقولك سوي شي يخليه يزعل ويزيد لكن حاولي أن تتعودي انتي واختك على شفرات معينه هو نفسه مايقدر يفهمها يعني بدلي بعض الكلمات أو بمعنى اصح بدلي حرف العين بالشين , وحرف الطاء بالنون وهكذا ماراح يفهم ولا راح يدري وين الله حاطه حكم التجسس في الدين : محرم شرعاً ويوجد دليل من القرآن الكريم قال تعالى : " يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا " وعن معاوية -رضي الله عنه- قال: سمعت رسول الله صلى الله عليه وسلم يقول: (إنك إن اتبعت عورات الناس أفسدتهم أو كدت تفسدهم) أضرار التجسس: 1- التجسس دليل على ضعف الإيمان وفساد الخلق. 2- وهو دليل دناءة النفس وخستها. 3- يوغر الصدور ويورث الفجور. 4- يؤدي إلى فساد الحياة وكشف العورات. 5- يستحق صاحبه غضب الله ودخول النار، والعياذ بالله تعالى . أختي الكريمه لاتحاولي أن تخسري زوجك ولكن حاولي أن تبيني له دنائة هذا الفعل وأنه محرم شرعاً وحاولي أن توصلي له المعلومه من غير مشاكل ولا قطيعه الله يهديه ويصلحه ويشفيه |
الزوج اللي على هذي الشاكلة يصيبني بالقرف منه و من عقليته
و فعله هذا مب بس ينرزف لا، يخليني أكرهه و لا أداني أطل بوجهه و لا أطيقه و بالذات إذا بدا يتعذر، ودي أصفقه بعصا على خشته |
ياختي اذا انت ماشيه في السليم ليه متضايقه .ز خليه يراقب لين يتعب ...
طيب انت تقولين عرف عن موضوع مع انك ما جبتي سيرته فالتلفون.. ممكن اعرف كيف ؟؟ ليكون بس مركب برنامج تجسس في مخك .. خليه يشوف جوالك ويشوف الجهاز ويسوي اللي يبغااه لين يطيح اللي براسه .. اكيد زوجك سامع شي وماعنده ثقه في النساء . فخليه يغير نظرته من خلالك . واكسبي ثقته يعني فيه شي تعرفي انه مثلا عرفه او سمعه .. روحي قوليله انت قبل لا يقلك ليه ما قلتيلي ... عادي يعني انا من وجه نظري لو تخبريه انك كلمتي فلانه والا فلانه . وممكن كمان لو تقولي شي من الاخبار اللي عرفتيها تكون عامه .. انت هنا تعطيه رساله انه هذا الشي اللي ممكن يخصك من الموضوع والباقي لااااا . اش المانع انه يعرف مين تكلمي ... عادي جدا بدون تفاصيل انت اشبعي الناحيه هذي عنده عشان ما تضطريه يحاصرك كذا ... واتمنى فعلا انك تقولي اذا كان تصرفات زوجك هذي اتت عن سبب معين او تصرف منك .. ام بدون سبب ؟؟؟ |
كلام الاخ ابو جوري سليم
وماقصروا بقية الاعضاء |
بصراحة خنق,,,
احس لو انا مكانك كنت راح اختار وحدة من ثنتين,,, يا اني اسوي زي اللي يسويه واتجسس عليه وابين له اني اتجسس عشان يحس باللي احس فيه ويبطل,,, يا اني راح اواجهه بادلةاذا انكر(واذا سالتي ماعندي دليل راح اقولك مثل لما قال الكلام اللي دار بينك وبين اختك كان المفروض على طول تسكتيه وتقولي له من فين عرفت انا ماقلت لك شي كيف دريت) واخيروا بين انه يترك هذه العادة او راح اشكيه لاهلي واقولهم هو باسلوبه يشكك في تربيتكم لي واني مو قادرة اتحمل,,, |
ارسلي له كلام العلماء في هذا الخصوص
حكم التجسس على الزوجة للتأكد من حسن سلوكها السؤال كنت حريصًا أن أبحث عن فتاة متدينة، إلا أنه تم ترشيح فتاة لي وقالوا عنها إنها تصلى وهى من أسرة طيبة فخطبتها وبعد أن خطبتها لاحظت أنها لا تصلي فسألتها فقالت إنها كانت تصلي وتتوقف أي ليست مواظبة ووعدتني أنها ستصلي، وتم بحمد الله الزواج ؛ ومن خلال أحاديثها عن حياتها السابقة للزواج وخاصة علاقاتها بزملائها بدأت أتخوف منها من تلك الحياة السابقة ، هي لم تخبرني عن أشياء تعيبها بشكل مباشر إلا أن ما حكت لي عنه وعن الأعمال التي كانت تعمل فيها وبقائها بمفردها في أماكن عمل مع بعض زملائها يجعلني أستخدم المنطق فى أنه لا يمكن أن تخلو من أمور لا تحمد عقباها سواء حدثت تلك الأمور برغبتها أم من غير رغبة ولا أستطيع أن أحاسبها على ظنون كل ما يحكمها هو المنطق فقط إلا أننى أخاف عليها، فهل للزوج أن يضع زوجته تحت الاختبار ليتأكد من حسن سلوك زوجته أم يترك الأمر لله طالما لم يحدث ما ينبئ عن تصرف غير سليم ؟ الفتوى الحمد لله والصلاة والسلام على رسول الله وعلى آله وصحبه، أما بعـد: فإن الأصل في المسلمين عموما السلامة من الفواحش والآثام، وقد نهى الله عز وجل عن إساءة الظن بالمؤمنين وعن التجسس عليهم، وعن تتبع زلاتهم وعثراتهم، لقوله سبحانه: يَا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْمٌ وَلا تَجَسَّسُوا {الحجرات: 12}. قال ابن حجر الهيتمي: ففي الآية النهي الأكيد عن البحث عن أمور الناس المستورة وتتبع عوراتهم. ويقول النبي صلى الله عليه وسلم: ولا تجسسوا ولا تحسسوا. رواه البخاري ومسلم من حديث أبي هريرة. وقد ورد الوعيد الشديد لمن فعل ذلك فقد أخرج أبو داود عن أبي برزة الأسلمي أن رسول الله صلى الله عليه وسلم قال: يا معشر من آمن بلسانه ولم يدخل الإيمان قلبه: لا تغتابوا المسلمين ولا تتبعوا عوراتهم، فإن من اتبع عوراتهم تتبع الله عورته، ومن تتبع الله عورته يفضحه في بيته. قال الألباني: حسن صحيح. ويتأكد هذا في حق الزوجة لما لها من حق على الزوج، وقد ورد النهي خصوصا عن تتبع عثرات الأهل أو تخونهم. فقد نهى النبي صلى الله عليه وسلم أن يطرق الرجل أهله طروقا، فعن جابر بن عبد الله رضي الله عنه قال: كان النبي صلى الله عليه وسلم يكره أن يأتي الرجل أهله طروقا. متفق عليه. وفي رواية مسلم: نهى رسول الله صلى الله عليه وسلم أن يطرق الرجل أهله ليلاً يتخونهم أو يتلمس عثراتهم. فبين علة النهي وهي لئلا يحمله قدومه ليلا على تخون أهله وطلب عثراتهم، وبناء على ذلك فطالما لم تر من أهلك ما يريب فاحملهم على السلامة وعاملهم بالظاهر والله يتولى السرائر. وعليك بصيانة أهلك وأمرهم بالتزام الحدود الشرعية. |
السلام عليكم اختي الكريمة الاخوان والاخوات معهم حق بااللي حكوه
وبنفس الوقت انتي هذا الشي مضايقك مقيدك حاجزك خانقك وتشعرين بأن انفاسك محسوبة عليكي وهذا الوضع يحرقكي من داخلك ولكن حسبنا الله ونعم الوكيل بس انا وضعي نفس وضعك واكثر و+غربتي عن اهلي وبلدي كمان والحل برأيي الصبر والصبر |
مادام انك واثقة من نفسك ليش تحطين رمز للقفل خليك طبيعية ولاتنظرين لتجسسه اي نظره
ربما يغار عليك او وده يفهم شخصيتك هذه افكار بعض الرجال هداهم الله |
| الساعة الآن 10:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©