بعد عزيمة الحريم
 

السلام عليكم ورحمة الله وبركاته:)

بادخل بالموضوع على طول:17:

اليوم كنت عازمة حريم على الفطور - ازواجهم اصدقاء زوجي- :17:

وبعد ما طلعوا وجا زوجي قعدنا نسولف شنو اللي سويناه بالقعدة

قلت له والله احنا يالحريم قعداتنا لازم نتشكى فيها منكم

كل وحدة تشتكي من زوجها من جهة


الا انا لاني زوجتك ودلوعتك والخ والخ والخ

قالي لا يا حلوة لي الحين ما شفتي شي

راح تشوفين معاي الويل والعذاب:24:

الصراحة خوفني شنو يعني بوريني الويل والعذاب

للعلم زوجي كباقي الناس فيه الصفات الزينة والحلوة وفيه الصفات الشينة

وهو شمالي شرقي

ودي تفسرون شنو معنى كلامه

والا بس كلمة ما يقصد معناها

مايقصد معناها لانه يحب المزح يبي يشوف ردة فعلك

وعووووووووو
زقطة بلقطة
والله ما شوف الريال قال شي
انت لا تاخدين ببالك شي تراه يتغشمر وياك
لا وبعد تقولين حبيبته ودلوعته
ما شاء الله عليكم

عااااااااادي
تلقينه من داخله ياسلااااااااااام


بس نصيحة لاتكلمينه ان الناس عندهم كذا وكذا من المشاكل
لان ممكن بعدين لو صار عندكم شيء من هالنوع بيقول كل الناس كذا
نسيتي زوجة فلان وفلان شقالوا!!

عادي يابنت الحلال.. عادي تلاقينه من داخل يطق اصبع من الوناسة..
بس يتشيحط عليك..

خلي روحك رياضية.. ولا تتحسسين من شي.. ماعليك من كلامه عليك من تصرفاته.









ـــــــــــــــــــ
اللهم أنصر أخواننا (السنة) في البحرين.. حسبي الله على كل خوان كذاب ..
نادوا بالتظاهر السلمي .. وهم من اعتدا على رجال الامن والجامعة ..وبنات الجامعة.
بإذن الله درع الجزيرة لهم بالمرصاد. دعواتكم لهم

ههههههههههههههههههههههههههههههههه
ياحبيي لك يا موهبه
صدقيني يمززززح

يافديتك ان شاالله مايقصد وانتي ادرى بزوجك كان جاد أويمزح واذا تبي طيبي خاطرك خذيه الغرفه وخلي الجو هادي وقوليلله أبي أقلك شي بقلبي وخبريه ومايصيرلك يارب الا كل خير رب لاتجعل صدمتي في من احـــــــــــــــــــــــــــــــــب
.

مشكورين يا جماعة الخير

انا الصراحة حستها قوية



بس ممكن انا ابالغ شوي

او اني ما اعرف زوجي عدل الى الان


عموما


جزاكم الله كل خير على مروركم وتجاوبكم

اختي ان كان زوجك فعلا شمالي شرقي فمعناها طبيعي يرد كدة لانهم من النوع اللي مزحهم ثقيل وبااااايخ
ما اتوقع ابد انه قاصدها:(

لا ياحلوة اكيد عم يمزح معك لانه من سابع المستحيل ان الزوج يحكي لزوجته انه ناوي يتعامل معها بطريقة معينة فكوني متطمنة واحكيله وانا رح اكون قطتك المطيعة ياعمري