|
أريد تجارب الزوجات في السكن في غير مدينة الاهل
بدي تجارب بعض المتزوجات الي سكنو في غير مدينه اهلهم مثلا انا من مدينه ينبع واهلي هناك وولد فيها وانخطبت لواحد من مدينه الطائف بس بصراحه حاسه اكتئاب مرررره لاني راح افارق اهلي وحاسه بخوف وضيقه واني ماراح اتأقلم
|
سلام عليكم أختي أنا تزوجت من واحد أنا من بلد وهو من بلد تاني يعني لو بدي أروح عند أهلي لازم عشر ساعات بطيار انت لما تتزوجي راح ماتبقي تروحي عند أهلك كتير راح ماترتاحي إلا فبيتك موفقة إن شاء الله
|
بس حاسه نفسي مضايقه من هالسالفه ومؤثره علي مره
|
حبيبتي انا اتفق مع الاخت بربرية
الوحدة لما تتزوج خلاص بتصير ما ترتاح الا ببتها صحيح بالبداية راح تكون صعبة شوي مع الوضع الجديد بس سرعان ماراح تتاقلمي ان شاء الله مع حياتك الزوجية الجديدة و ماراح تعودي تفكري بروحاتك لبيت اهلك الله يوفقك ويسعدك يارب |
امين يارب دعواتكم لان الموضوع مازمني مرررررررررررررررررره
|
انت بس اتفائلي خييييييييييير
بس ابي اسالك انت مقتنعة بزواجك هدا لاني حاسة وكانك ما تبي هدا الزواج اتمنى يكون احساسي غلط اعدريني على تطفلي |
اقتباس:
لاتفولي على الأخت حبيبتي إذآ الله مصلح لك زوجك والله لو أنه بالمريخ إهم شيء صفات زوجك آخر شيء فكرت فيه الغربه كنت بس أفكر وشلونه مملوح:d خلوق:25: وأهم شيء بيحبني ولا لأ:o وعلى قولة الشاعر: وماحب الديار سكن قلبي ولكن حب من سكن الديارآ >>> شطحه خخخخ بس ما أدري ليه طرى على بالي هالبيت |
والله ياقلبي الواحد مايعرف الانسان زين الا لما يعاشرو ومافي احد كامل هو ظاهريا رجل متدين وصالح بس انا كارهه الزواج زي ماذكرت سابقا خايفه من الملل الروتيني وخايفه من اني ماراح اتأقلم
|
اقتباس:
انا بس حسيتها مو راضية [/COLOR] |
عااااااااااااااادي جدا شعورك انا كنت مثلك وانتي على الاقل اقرب مني
صدقيني مع الايام والله ماراح ترتاحي الا في بيتك .. وبعدين مدينة الطايف تعتبر مصيف .. يعني راح تتمشي وفيه فعاليات بالصيف .. وتعرفي كمان هناك على مثلا جاراتك .. او زوجات اصحاب زوجك .. اهل الطائف اجتماعيين .. وصدقيني حلو مرره الاستقلال بالذات .. وحلو كمان زوجك بعيد عن اهلك . يجي ضيف ويمشي ضيف .. كثرة الاحتكاك مو حلو ياغلاهم .. واذا على الروتين .. الروتين انتي في بيت اهلك ولا حتى في بيتك موجود .. بس نكسره بعدة امور .. زي الزيارت .. الالتحاق بمراكز وانشطه .. تغيير اماكن اثاث البيت .. يعني شئ طبيعي ..استبشري خير ... |
حبيبتي بالاول بتحسين بضيقة صدرك
ومع مرور الوقت بترتاحين صلي الاستخارة والله الموفق |
حبيبتي بالاول بس رح تدايقي وتحسي بالغربة بس بعد هيك رح تتأقلمي وما ترتاحي غير في بيتك
|
الله يساعدكم زي ماهونتو علي دعواتكم
|
انا بمدينة الجبيل بسبب عمل زوجي
وزوجي وانا مولودين بلرياض ومتربين فيها واهلها وجماعتنا هناك وكل من نعزه هناك وزوجي قعد عزوبي 4 سنوات بفترة الخطبه وتزوجنا والان لنا 3 سنوات ومعي ولد والحمد لله ولا انسى مافي احد من جماعتنا بمنطقة الجبيييييييييل ... هاه وش رايك ؟ انتي اتوقع لك احد هناك ... وشوفيني والله عادي الوضع اذكر والى الان لم اجعلها مشكله اني اببتعد عني اهلنا وجماعتنا لا عادي قلت الله العالم كيف الوضع بعد حييين والحمدلله ننزل من فتره لفتره الا مده معينه قعدنا ننزل كل ربوع ونرجع الجمعه بسبب ظروف ... الاهم عيشي حياتك حبيبتي واهتمي بزوجك وانتي وهو تعرفوا ع الجيران حتى لو مازاروكم كونوا صدقات انا وزوجي لنا صدقات من عوائل زملائه بلعمل والمسجد والحمدلله عايشين بسلام وراحه صحيح نفتقد لجمعة جماعتنا والاهل ولكن نتصل بهم نكلمهم مسن صوت وصوره احيانا ننزل لهم بين الحين والاخر للاطمئنان اذكر شلت هم فراق اهلي ببداية الزواج ولكن مشيت الامر ولم اجعله مشكله كبيره عادي قلت بعيش مع زوجي حبيبي وبنزور اهلي بين فتره وفتره .. ان طفشنا طلعنا نزهه ان ملينا من بعض نغير جو لمدينه قريبه كلخبر او الدمام لااحد المطاعم او نطلع شاليه او استراحه مع الجيران يعني تذكري انك بتفقدينهم ببداية زواجك او استقررك بمنزلك فااجعلي الوضع عادي لاتجعلينه مشكله مع زوجك وكل دقيقه متضايقه بسبب فقدك لهم او طفشك من حالك عادي كل مااشتقتي اتصلي بهم سولفي معهم حتى لو عبر النت . المهم عيشي بسلام وحب وود مع زوجك والاهل صدقيني هو مابيقطعك عنهم . رغم بعدك عن الاهل ومجتمعك لكن بقول لك كلام وصدقيني بتتذكرين هلكلام بعد حين بتلقين راحتك مع زوجك وتحت سقف واحد وهو بيتكم رغم ان اهلك انتي عشتي معهم اكثر من عيشتك مع زوجك ولكن سبحانا الله ان كذا ارتاح ببيتنا اللي هو بلجبيل لاني اكون مستقره واعيش مع زوجي بحريه رغم توفير اهلنا لنا الراحه لكن الواحد راحته ببيته . |
انا زي ما قالت الاخت البربرية ههههههه وكمان انا بربرية هههههههههه زيها في اختلاف طفيف فقط بدل ما ياخد مشوار طيارة 10 ساعات عندي 8 ساعات عشان اوصل لاهلي لكن الحمد لله ابتديت اخد على البعد بسبب تواصلي المستمر معاهم عبر النت كل الغربة اللي انتي فيها ممكن تتبدد مع زوجك طالما يشعرك بالامان والحنان ويعوضك قصار جهده حتى لا تشعري بالفرق
|
حبيبتي انا ساكنه بالمنطقه الشرقيه واهلي كانوا بالرياض وكنت اقول الحمد لله
اهلي قريب مني اروح لهم متى مااشتقت لهم بس بعد فتره نقلوا اهلي لمنطقه ابعد وهي مدينة جده وبرضه اقول الحمد لله وانتي عارفه المسافه بين الشرقيه والغربيه حوالي الالف كيلو يعني من الصعب الروحه لهم بالسياره وانتي ماشاء الله عليك بينبع والطائف قريب وبالنسبه لبيت الزوج راح يكون بيتك الجديد هو اللي تشعرين فيه بالراحه والاستقرار نصيحه دام الله انعم عليك بزوج صالح وفيه من الصفات الجيده التي ذكرتيها فاحمدي الله على نعمته غيرك كثير بنات يتمنون مثل مواصفات زوجك ان شاء تسكن معه في اخر الدنيا اختي الفاضله حبي زوجك من جواتك وتقربي له اكثر وتعرفي عليه اكثر لكي تزيد بينكم المحبه والشوق وتخف الكلفه وان شاء الله ربي يالف بين قلوبكم ويجمعكم على خير |
اذا زوجك ذو خلق و دين ما بتشعري بأي كآبة ان شاء الله
أهم شي اخلاق زوجك لو كان زوجك سيء و كنت جارة لأهلك ماذا يمكن ان تكون حياتك معه ؟ صحيح البعد فيه شوية اكتئاب بين الحين و الآخر ، لكن احيانا القرب له بعد المساوئ من نقل الكلام و خروج اسرار البيت ..الخ |
أول شئ ياستي ألف مبروك على الزواج وربنا يوفقكم ويجمع بينكم بخير ثاني شئ بالنسبه لسفرك وإستقرارك في مدينه غير مدينتك بالبداية فيه صعوبه بالتأقلم بس إذا أنتي إقتنعتي إن هاذا شئ لابد منه وإن الزوجه تتبع زوجها وين ماراح وتستقر معاه في منطقته ومقر عمله فالباقي بيكون سهل عليك أنتي بتعيشين مع شريك حياتك وصدقيني ماراح تحسي بتغير إذا أنتي حطيتي كل تفكيرك وإهتمامك بزوجك كيف تسعديه وكيف تقضون أوقاتكم مع بعض وتحاولي تطلعي وتتعرفي على جاراتك وتطلعون تتمشون بالبر والحدائق وخميس وجمعه تنزلون جده على الكورنيش وتجلسون على شاطئ البحرتكسرون الروتين وبتكون لكم ذكريات حلوه في حياتكم وبكره راح يجونك عيال وماعاد تحسي بأي وحده أو فراغ في البيت وبتنشغلي بالبيت وتربية العيال وما عاد تفضين لمثل هالأفكار بالمناسبه أتوقع منطقة ينبع تبعد حول 450 كيلو عن الطائف تقدري تجي لأهلك الأربعاء والخميس والجمعه ترجعي وكمان في وقت عطلة الأعياد تقدري تجينهم زياره شوفي أنا ساكنة مع زوجي في منطقة تبوك علشان وظيفته وإحنا ديرتنا منطقة جازان تبعد عن تبوك 2000 كيلو تصوري هاذي المسافة البعيده وكان زوجي مايعطونه إجازه بالسنة إلا شهر واحد بس وجيت منطقه تبوك وأنا ما أعرف أحد فيها ولا لي أي قرايب فيها مافيه إلا زوجي معي بعد الله عزوجل وسكني في عماره مكونه من أربع شقق أنا في وحده وشقتين فاضيه وشقه فيها إمرأة
وعيالها وزوجها كمان مايجيهم بالأسبوع إلا كل ثلاثة أيام بس عندها ناس من أهلها وجماعتها ساكنين بنفس المنطقه بصراحه أنا أول مره حسيت بغربه حتى زوجي كان يجي من دوامه مرتين أو ثلاث مرات يطمئن عليه وكان تجي عنده مناوبات ليليه وكان يجي في اليل مرتين علشان يتطمن عليه ويرجع وكان وقتها باقي مافيه جوالات نقاله والهاتف الثابت تقدم على شركة الإتصالات وتنتظر السره أحيانا ما تجيك السره إلا بعد سنة أوسنة ونصف بس الحمدالله جارتي أرسلت لي بنتها الصغير وقالت أمي بتجي تزورك وتتعرف عليك رحبت فيها وأستقبلتها وقهويتها ومن ثم عزمتني عندها على القهوة وتبادلنا الزيارات مع بعض وتعرفت على زوجة أخوها وعلى جماعتها وزاروني في بيتي وزرتهم وبعدها خلاص صارت علاقتي بجارتي هاذي كأخت وصديقه ولحد الآن أكثر من الأخوات والحمدالله أنتي لاتشغلي بالك من هاذي الناحية كثيرعلشان إنك في بداية زواج وتوك عروسه عيشي أحلا أيامك ولاتشوشي على عمرك ما دام حبيب القلب حولك وحواليك فلا تشيلي هم أي شئ صدقيني راح ينسيك كل شئ في حياتك وبالتوفيق ياعروسه . |
شكرا لكم جميعا لكل من رد على الموضوع الله يفرج عليكم
|
اقتباس:
|
انا حكون منطقية معاك حتفتقديهم اول كم شهر كتير بالذات في اعياد الميلاد والمناسبات الخاصة و ممكن تلومي زوجك انو السبب في فراقك عن اهلك !
بس لا تكبري الموضوع وتفتعلي المشاكل ولاتشتكي لامك ودحين بعد سنة ونص حمدلله حسيت بالفرق سرنا متعلقين في بعض كتير ونحل مشاكلنا بنفسنا ومستقلين بنفسنا الحمدلله عشان مافي "عوامل خارجية" تأثر في علاقتنا ! وما ارتاح لمن اطول عند اهلي .. ادور بيتي . فاتعبي في البداية شوية بس حترتاحي بعدين ان شالله |
بعد عقد قراني بعشرة ايام فقط
سافرنا انا وزوجي لندن لا ينبع ولا الطائف ولا من هالاماكن اللي يكثر فيها ذكر الله كانت غربتي غربات 1. زوج جديد 2. حياة جديدة 3. بلد اجنبي - اول مرة اسافر بلد اجنبي- 4. قاعدة من غير راتب بس الحمدلله بسبب كثرة الدعاء واني اسهل الامور مشت امورنا ولله الحمد اولا واخيرا الحين تاقلمت |
والله حاسه لحد الحين الضيقه ملازمتني ساعات احس اني ابغى افركش السالفه
|
في البدابة صعب بتحسين بغربة ووحده حياة جديدة وبعدين بتتأقلمين
ومثل ما قالوا لك أهم شيء زوجك كيف بيكون صحيح بتشتاقين لأهلك بتحسين باكتئاب بين فترة والثانية ويجون العيال بإذن الله تنشغلين فيهم وتتعبين معاهم وودك أحد من أهلك جنبك يساعدك ولا تشوفين منهم أحد تسولفين معاهم لكن يبقى بيتك ترتاحين فيه أكثر شيء وفيه ميزة بعد تخلي الزوج أكثر مسؤلية إذا كان يحس أصلا ويخاف الله يعني مافي خلي أبوك يوديك ،،، قولي لأخوك يمرك ،،، روحي مع اختك الله يوفقك ويكتب لك الخير |
| الساعة الآن 02:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©