![]() |
الوحم مشكلة أزلية
السلام عليكم ورحمة الله وبركاته
خواني خواتي أسعد الله صباحكم/مساؤكم بكل خير طبعا من كثر ماقريت عن مشكلتي بذا المنتدى وبمنتديات كثيرة عرفت إنها مشكله أزلية وإن شاء الله ماراح تقصرون معاي بنصايحكم.. بالبداية بعد شهر من زواجنا حملت المدام ولله الحمد...:14: طبعاَ تضايقت لأنو الموضوع صار بدري مرره ,, ومن ذا الكلام المهم من الشهر الثاني تغيرت علي وماعاد هي بطايقتني وسافرت عند أهلها بعدين عرفت إنها متوحمة فيني والحين هي بالشهر الخامس ولله الحمد والمنه .:17: العلاقة الحين مقطوعه ولا اتصال ولاشي.اللهم المصروف السؤال اللي مالقيت له جواب لحد الحين هل الوحم بيستمر للولادة وإلا هي فترة وبتعدي .. وكيف أعرف :22:((ركزوا عليها كيف أعرف؟)) عشان ما أشغل عمري كل شوي متى ومتى:30: وكيف أتصرف معاها خلال هالفترة؟؟ تحياتي لكم |
بعض النساء بتتوحم شهرين و هذه معظم الحالات يعني ينتهي بدخول الرابع او الخامس
و بعض النساء تبقى متوحمة للولادة لكن بشكل عام التغير المزاجي ايضاً من اصدقاء الحمل انا انصحك ان تتقرب لها الآن تزورها و تجلسو مع بعض و تتكلموا عن الطفل قريبا ببدأ يتحرك عيش مع زوجتك احلى اللحظات ، ضع يدك على بطنها قل لها اريد ان اشعر بحركة ابني ، او بنتي تكلم عن الطفولة عن احلامك من تريد ان يكون الطفل شبيه له أمور تحبب المرأة بالحمل و تجعلها تتطلع ليوم الولادة بشوق الحامل اكثر ما تحتاجه العاطفة و الحنان و لو انا شخصيا تريد رأيي أقول رجعها لبيتها الطريقة : صف لها شعورك بالشوق لها و ان البيت خال بدونها .........الخ |
انا ابشرك وحامي شي مو طبيعي يعني ماودي اتكلم عنه عشان مااخوفك لكن الشي الحلو انه جلس فقط 6 شهور بعدها انتهى واغلب الحريم 4-5 شهور ويروح ذاك الشعور لكن فيه بعض الحريم وعددهم قليل يروح على الاشهر الاخيره الله يوفقكم انتبه لمشاعرها ولاتاخذ بكلامها اذا ماتبيك او تبي ريحتك فتره وتعدي الله يوفقكم ويحفظ القادم لكم
|
أخي ... تطمن هي مرحله وتعدي
لكن غير معاملتك للأحسن لأن المرأه تحب يكون زوجها قريب منها ولو معنويآ >>> عآد لاتقرب بالحيل :d الوحآم ماكنت متوقعته إلا لين جربته طبعآ كل وحده تختلف عن الثانيه ولاتخآف متى مآرآح بترجع لك من دون ماتقول..... الله يسهل عليهآ ويرزقكم الذريه الصآلحه ويوفقكم |
ماريا , ادمنتك , نونة الغيورة
شاكر لكم من ناحية حاولت أتقرب إلا والله حاولت وبشتى الطرق ,,يعني أنواع الإغراءات هدايا ووو لكن مافي أي فايدة تذكر. لكن مسالة ما آخذ بكلامها لو قالت ماتبيني..من قبل الرابع وهي تصرح بذا الشي. صح حزت بخاطري بالبداية وزعلت وطنقرت لكن بعدين فهمت انها متوحمه علي وعذرتها:15:. المشكلة إني مليت.شهر ولا اتصال ولاشي وانا بصراحة أخذتني العزة من جهتي بعد. أختي ادمنتك لاعادي ياليت تتكلمين على الأقل يكون عندي فكرة باللي راح يصير قدام :25:. يعطيكم الف عافية.رفعتوا معنوياتي شوي .. |
اقتباس:
وربي كآن زوجي يقولي حآجآت أيآم الوحآم أسويهآ فيه أقول معقوله أنا سويتهآ وربي كل ما أتذكر أضحك على نفسي:d أنتظر بعد النفاس بترجعلك إن شاء الله مثل يوم كنتو :14: الله يسهل عليهآ يآرب |
أنتظر بعد النفاس بترجعلك إن شاء الله.
مثل يوم كنتو :14: !!!. مدري ليش انا متوقع انو مافي رجعه الا بعد النفاس:) . على العموم الف الف شكر. |
اقتباس:
ماتخلص وحآم بتكون ثقيله يعني الرجوع المعنوي والنفسي:d والله من وراء القصد:d |
اهم شيء ماراحت عند اهلها بسب مشكله ما
اذا وحم فلامر اهون |
اخي عادي اللي يصير مع زوجتك
اهم شيء انك تغمرها بحنانك لما كنت حامل كنت احب كثيير انه زوجي يدللني ويهتم فيني ويحسسني بهالشيء بس للاسف كان عادي جدا معي كاني ما حملت واثرت هالشيء فيني بس الحمد لله مرت الامور على خير كلمها اخي حتى لو ماكلمتك ما تياس وليه ماتروح تزورها ؟ الله يوفقك |
نونه الغيورة
حتى لو ترجع ثقيلة عادي موافق.ما أمداني أتزوج إلا وتعزبت مره ثانيه!!:( همس 2009 في البداية كانت تعب بعدها وحم,,بعد كذا بدت سالفة العناد وو فقلت أنسحب بهدوء وأشوف وش بيصير. نونو4 حاولت في البداية وزرتها أكثر من مرة لكن مالقيت اي تقبل لي,فقلت خلك بعيد حبك يزيد:24: شاكر لكم إهتمامكم |
أخي الكريم لماذا لا ترجعها لبيتك؟ |
أختي ادمنتك لاعادي ياليت تتكلمين على الأقل يكون عندي فكرة باللي راح يصير قدام :25:.
يعطيكم الف عافية.رفعتوا معنوياتي شوي ..[/QUOTE] كنت اشيل ملابسه بروس اصابعي من كثر ماني متقرفه منه ومن ريحته واقله اغسل ملابسك في المغسله ثوبه اقله يعلقه في المجلس واوقات انسى وامر بجنب الثوب واقله فيه ريحه غريبه يجلس يضحك ويقول ثوبي معلق جنبك والله العظيم مابالك هو اذا قرب كنت احط منديل معطر على خشمي عشان ماشم ريحته طبعا الاكل مااكل شي نركب السياره ويلفلفبي على المطاعم تبغين كذا لا طيب هذا لا طيب كذا اجرب ولما اجربه يوه الله يعطيك العافيه اكل منه لقمه لقمتين وخلاص والله انه يحزني احسه منجد يبغاني اكل وانا ماقدر احط لقمه في فمي قرفانه من كل شي البيت طبعا مااطبخ شي نهائي كله من برا لمدة اربعه شهور بعدين احاول اطبخ غدى عشا والله العظيم انه مو دلع ومع هذا كله مااكل شي الا قليل والله العظيم انه اوقات يدخل علي يلقاني مغمى علي من الجوع خلاص ماعاد اقدر امشي ويوديني المستشفى يقولوا الضغط مرتفع واوقات اجبر نفسي اني اطبخ بس مره النتايج معروفه اصلا ريحة الاكل سواء في البيت او من برا اروح اجلس في غرفه لوحدي الين يشبع ويشيل سفرته احسه مسكين تعب منجد معايه كمان فيه نقطه كنت اروح ابكي في غرفه لوحدي اوقات فجاه كذا بدون سبب بدون اي زعل وانا ماابغاه يشوفني اوقات يدري يشوف عيوني وجهي واوقات لا واوقات مقدر اجلس ابكي عنده شعور اعوذ بالله منه يقلي اشفيك وانا في داخلي ماني عارفه ليش ابكي احس سالفتي يبغالها موضوع لحاله وترى مقدر اكملك الباقي لانه غريب ويخوف يعني حبيت اعطيك نبذه فقط والله انه غصبا عنها تحملها اذا مو عشانها عشان البيبي :15: لله يحفظه لكم ولاحق على الباقي :d |
الله يجمع شملكم أخي الكريم |
أخي لاتقلق شعور طبيعي
صحيح أنا لست متزوجة لكن رأيت أخواتي هو ليس بيدها لكن شعوريلازمها تتمنى تتخلص منه تجد في نفسها شايله همك وتفكر فيك لكن مو قادره تتحملك إحدى أخواتي حتى لما يتصل تتعب وترجع وهو بس إتصال ماجاء لها :: أخي هو ليس بيدها ومتعبها أكثر منك فهي تعب حملها ووحامها وتعب نفسيتها وتغيراتها .. وتفكيرها أيضا بالولاده وخوفها منها وتفكيرها فيك وفي تقصيرها حتى لو لم تبين لك ..أنا رأيي لا تتصل لكن أرسل لها رسائل بين لها مشاعرك وإشتياقك وخوفك عليها وبين لها أنه أهم شئ راحتها سواء في بيت أهلها أو عندك وكل يوم قول لها طمنيني عنك .. وبين أنه إهتمامك فيها وخوفك عليها أكثر من الطفل لأن هالشئ راااح يسعدها .. :: وصدقني لو تعاملت معاها كذا ماراااح تنسى لك هالشئ وحتسعى بعدين إنها تعوضك عن اللي إنحرمت منه أسال الله أن يردها لك سالمه ويرزقك بما تتمنى |
الأغلب 4 إلى 5 شهور بالكثير
لكن في ناس تستمر للولادة شخصيا ينتهي وحامي تقريبا بعد 4 شهور لكن تبقى أشياء إلى بعد الولادة وروائح تستمر لبعد الولادة بفترة بعدين تدريجيا تخف وناس تبقى تكره الشيء دائما يعني كرهت ريحة عطر معين تبقى طول حياتها تقرفها ريحة نفس العطر ويختلف من حمل لثاني وشيء مو بيدها وإذا كانت أموركم تمام بفضل الله قبل الحمل وهذا صار بعد حملها فكله من الوحام لا تقلق بترجع الأمور طبيعي إن شاء الله لكن متى على حسبها هي ما نقدر نقولك انت مو لازم تتصل فيها ارسل ونتطمن عليها بالرسايل مثل ما قالوا لك وبين لها حبك ودعمك وربي يكتب اللي فيه الخير |
الساعة الآن 03:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©