|
إكتشفت إن زوجي على علاقة مع فتاة
السلام عليكم.
انا عندي مشكله مع زوجي واتمني انكم تساعدوني .. انا صارلي متزوجه25 سنه * قبل شهرين اكتشفت ان زوجي له علاقه مع وحده ..سمعته يكلمها في الصاله طلعت من غرفتي علطول وواجهته في البدايه انكر وجلس يقولي انه واحد من اصحابه وما صدقته وهو من النوع العصبي وبذاك اليوم ما انفعل ابدا وحاول يقنعني انه صاحبه طبعا انا ما صرت انام معاه في نفس الغرفه ولا احاكيه وهو طول الشهرين لا اعتذر ولاكلمني بعد مده حاولت اضغط على نفسي وصالحته بس داخليا احس اني اجامله رجعت البس واتعطر واتزين وهو ما يطالع ولا يتكلم وجواله مسجات ورا بعض واذا فتحها يتوتر كلمته وسالته اذا انا مقصره من جميع النواحي وكل اجوبته كانت لا ماعاد ادري وش الحل الهم تعبني وما ادري كيف اخليه يوقف ابي حل ساعدوني الله خليكم |
اتوقع بعد العمر هذا مايكلم البنت عشان يسولف معاها حركات المراهقين لانه كبير جدا على هذي الحركات بس لاتكون زوجته
|
اختي !!
عندكم اولاد؟؟ انتي موظفة؟؟ سبق وحصلت مشاكل بينكم وصلت للطلاق؟؟ اذا كان قد حدث هل كان السبب منك انتي او منه؟؟ |
مررررررررررررره مشكووووورين ع الرد
اختي جناين انا عندي 4 ومو موظفه ومهتمه ببيتي ونفسي ومن يوم تزوجته لين اليوم ما قد وصلت مشكله للطلاق غير ها المشكله |
زوجك يا اختي الظاهر انه يمر بأزمة منتصف العمر
اعملي بحث في قوقل واكتبي ((ازمة منتصف العمر لدى الرجال) وان شاء الله تلاقي حل لمشكلتك ولكن ..هل لاحظتي على زوجك اي تغير في لبسة او تصرفاته؟؟ يعني مثلا...بدأ يهتم بمظهرة اكثر من اللازم او ابتعد عنك في العلاقة او بدأ يثير المشاكل معك الله يفرج همك |
والله يا fafi ما صار ولاشي من الي ذكرتيه
وهذا الي انامستغربته انا افكر اطلب الطلاق ايش رايكم ؟:( |
وش طلاق لالالالا شيلي الفكره من راسك بعد هذا العمر والعشره وين تروحين يالغلا ؟؟ لاحول ولاقوة الا بالله اصبري شوي
هو كيف طلعاته من البيت يطول برا البيت يرجع بدري اكيد الزوجه تلاحظ اي تغييرعلى زوجها |
اكثر وقته برا البيت وبالويك اند يسهر ل2 اليل او 3
|
كم عمره ؟؟ تقاعد ولا باقي ؟؟
|
عمره47
ولا ما تقاعد |
مايمديكم على المشاكل اصبروا شوي ..... 25 سنه حلو .... الوكاله ماتعطي ضمان الا ثلاث سنوات .. وان زادو خمس سنوات
انتي ماشاء الله 25 سنه ... شي حلو من الموديل القديم .... الازواج الجدد صناعه صينيه مايجلسون شهر الا رايحين للوكاله 10 سنوات منفصلييين .... سوو لكم صيانه والله يوفقكم .... |
بعد العشره والعمر هذا تجين تطلبين استشاره
ماشاء الله تبارك الله ...انا مثلك زواجي وصل ل 24 سنه ولله الحمد والمنه نصيحتي لاتبعدي عنه ابداا ولاتهجري غرفتك وخليك جنبه حتى ماتعطيه فرصه وتكبر السالفه اهتمي فيه اكثر لانه في هالعمر يبي الاهتمام وجددي من حياتك معاه قولي له ياخذ أجازه واطلعي معاه مكان لوحدكم وعيشو كم يوم مع بعض بعيد عن الاولاد ودوشتهم لاتتركي فرصه لغيرك تأخذه منك المشكله هذي مريت فيها والحمد لله حليتها بتقربي منه واهتمامي فيه الرجل كل مايكبر عمره يصغر غقله ويبغاك تهتمي فيه اكثر لانه يخاف من الوحده ومايتحملها ابدااا الله يسخره لك ويجعلك اجمل النساء فس عينه |
لا تجعليه محور حياتك عادي طنشي ياما بتشوفين في هالزمن زمن النت والجوال والمسن وغيرها يا أختي صارت تتوفر لهم الخيانه وهو جمبك كبري عقلك وخلي بينك وبين نفسك تحدي إذا هي قالت أحبك .. أنتي قولي أمووووت فيك غطي عليها بس بدون مشاكل بذكاء ولا تهجحرين غرفتك بس خليك مو مثل اول مثلي عليه إنك مصدومه ومتأثره خلي بعينك نظره حزن دائما قوليه انت تربيتك أكبر من كذا أنت مو فلان إللي أعرفه ... فلان ما مثله بشر .... استخدمي هالاسلوب والله ما في شي يجي بالقوه لو شديتي عليه بيروح من بين يدينك ..........
الله يسخره لك يارب ويطمس على قلبه وعينه ما يشوف غيرك ............. |
اختي الطلاق وعند اول مشكلة كبيرة وبعد 25سنة اكيد لا لو كل وحدة خانها زوجها فكرت بهالمنطق كان رح تلاقي 90%من المتزوجات مطلقات لانه معظم المتزوجات تعرضوا لهالشي بس الموضوع بده حكمة بعد 25سنة زواج مشان اولادك اولا ومشان بيتك وهدا زوجك الك ملكك وحدك لازم ترجعي الك بكل طرق العالم لانه احنا عنا قدرة انه نعمل اي شي مشان ازواجنا اختي انا بعرف انو انتي مو مقصرة لكن فكري بكل شي بيحبه واعمليه حاولي تستردي لا تخلي بيعد عنك وياخد مجده ولا تخلي وحدة تانية تاخده منك الله ييسر امورك
|
اقتباس:
|
غنيه ب اخلاقي صدقتي بس انا ابدا ما اقدر اجلس معاه ولا حتى اطالع فيه احس انه استغل ضعفي وطيبتي معاه
|
مشكوره اختي نوسه وًدعواتك الله يفرج همي
|
اختي الله يصلح رايه وحاله حبوبتي مع ان مشكلتي اكيد مختلفه عنك ولكن انا خيانات زوجي ورد فعلي عليها كلفني الكثير ثم الكثير اتمنى انك تشوفي قصتي ولكن من اولهااااااااااااا واتمنى ان تتطلعي علا قصة العضو محتار الي تزوج علا زوجته تابعي قصته من اولها هنالك ردود وحلول من الرجال وكلام بين السطور ح يفيدك ربما يظهر لك جوانب اخرى ماشوفتيها انا عارفه ان زوجي ومحتار ربما لهم ظروف مختلفه عنك لكن صدقينيييييييييييييييييي انك ح تلاقي اجوبه وحلول من ردود الاخوة علي محتار وتشوفي نظرة الرجال لي هالامور اتمنى ان تشوفي تجربته وتجربتي وتجارب الزوجات وتستخلصي منها الحلول بما يساعد ظرفك انتي وزوجك ابدئي الان قبل فوووووووووووووات الاوان واسالي مجرب وسالفه الطلاق ممممممممممممممالها داعي ولا انتي قادره عليها بس الكلام يطلع من الزعل والصدمه انسي امرها لانها مستحيله ولا توصلي نفسك لهاااااااااااااااااااا وتندمين اشد الندم ولا توصليه ان علاقته تطور اكثر الله يصلحه ويرده لك ردا جميلا |
حاولي تاخذين رقم البنت وتعرفين ايش حكايتها يمكن تكون زوجته
اذا تاكدتي انها وحده مالها اي علاقة شرعية مع زوجك حاولي تهددينها انك بتخبرين اهلها خوفيها ودافعي عن زوجك |
^^
بس انتبهي اتصلي عليها برقم بدون اسم حتى لو صارت تشكي له وسال عن الرقم ما يكون رقمك ثم يقلب عليك كلمي البنت واساليها وانتي خليك معاه مهتمه وما كأن بينك وبين البنت شي وبشرينا وش يصير عليكم |
تدرين وش غلطتك؟؟
انك رحتي صالحتيه بعد ماحس انك عارفة كل شى.. هذا اكبر غلط..لا تركتي له فرصة هو يعتذر..ولا يحس بغلطه حتى وان طول شهرين ان شاء الله يقعد سنة ..الي يغلط يصلح غلطه ويعتذر. |
ايش رايكم يعني الحين وش الحل ان رجعتلو بيحس اني ضعيفه وماعندي غيره وتغاضيت عن مكالامته
تنصحوني ارجع اكلمه ؟؟؟؟ وجواله يمسح كل شي اول ب اول وياخذه معاه بكل مكان مدري كيف اطلع رقمها :( |
اختي
برايك ...ما هو السبب اللي دفع زوجك لهذه العلاقة ؟؟ يجب ان تجاوبي بينك وبين نفسك عن هذا السؤال لانك اذا عرفتي السبب ...راح اكيد تلاقي العلاج اختي... هو الان متيم و مخدر بالعلاقة الجديدة ...يعني هو ليس بحاجتك حاولي بطريقة ما انك ترجعي العلاقة معه يجب ان تكسبية لصفك عشان تقدرين تخلينه يترك هذه الفتاة اما انك تحاربية .. فهو سوف يلاقي انه هذا عذر عشان يبتعد عنك ويتمادى في علاقته اجلسي معه جلسة مصارحة اذا كنت تشوفي ان هذه الخطوة لصالحك واعرفي منه لماذا الان وفي هذا الوقت من حياتكم اقدم على هذه العلاقة اما اذا كنت ترى ان هذه الخطوة راح تخلية يستمر بهذه العلاقة و بشكل عادي وبدون ما يحسب لك حساب ...فالافضل انك ما تتكلمي معه انت اكثر وحده تعرفي زوجك ...هل اذا كلمتي من ترين فيه الحكمة و يكون قريب من زوجك عشان يتكلم معه ويبين له ان استمرارة بهذه العلاقة سوف يهدم هذه العائلة ...فتكلمي مع احد ويفضل يكون من اهله وليس من اهلك ارجع و اكرر ....ادرسي هذه الخطوة وشوفي ايجابياتها و سلبياتها على علاقتك مع زوجك كيف هو تعاملة معك بعد ما كشتفية ؟؟ |
وعليكم السلام ورحمه الله وبركاته
مساء السعاده وصباح مليئ براحه البال لك ولجميع الاعضاء ان شاء الله غناتي بالنسبه لموضوعك حساس جداً جداً عشان كذا لازم تحاولي تكشفي الموضوع ولكن بدون اي جدال او مضايقه له اهتمي بنفسك اكثر غيري الديزاين بالكامل شعرك والصبغه وملابسك خليك دائما قريبه منه لكن بدون ماتوضحي له انك حاسه في شيئ حتى لو عرفتي كل شيئ تظاهري انك تجهلي كل شيئ لمصلحتك ومصلحه ابنائك لايشعرون بأن فيه شيئ بينكم جددي الثقه بزوجك من جديد ولاتضني فيه ضن سيء واتمنى انه مايكون متزوج من زوجه ثانيه ولو حدث ماحدث غاليتي اطلبي منه العدل بكل شيئ ووضحي حبك له من اليوم واهتمي فيه وتجنبي كل الامور الي تضايقه ممكن يغير رآيه جذرياً ويعترف لك وبنفس الوقت انتي ذكرتي انه ماتغير سوى بـ سهر او سفر متكرر ممكن يكون في البدايه لكن ربي اعلم في كل شيئ وانتِ حاولي بقدر المستطاع تفهمينه بدون ماتكلمينه مباشره او تشككينه بااخلاقه او تصفيه بالخيانه لان الكلام هذا او مجرد احساسه انك تفكرين فيه في هذا الشكل راح يبعده عنك ويكون فريسه لغيرك من النساء والرجل او المرآه لايجذبه ويحنن قلبه الا الكلام الرقيق والعاطفه الصادقه الصادره من القلب واسال الله لك السعاده والتوفيق في الدارين اختك بالله نادره الوجود |
Fafi تصرفاته عاديه لا يكلمني ولا اكلمه
|
نادره الوجود كنت قايمه فيه وماويمديه يطلب الشي الا وهو قدامه بس هذي النهايه
غصب عني ما اقدروارجع ننفس اول |
فروحه اتمنى انك شيكتي تجربتي وتجربة الاخ محتار وغيرها اتمنى منك قرائه قصص الزوجات لان فها العبرررررر وفي زوجات مثلك واكثر بكثير وقلبن الامور لصالحهن تشجعي معاي وان شاء الله اموركم تتحسن . |
والله قريت كثير بس احس اني تايهه يعني لو كلمته بحس حقي انهضم وبيفكر اني ضعيفه
وانا مجروحه ومصدووووووومه |
عزيزتي
لاتستسلمين للمتطفلة على زوجك ويمكن يكون زوجك غلط تبين تصيحتي حاولي بقدر الامكان تنسين اللي صار وترجعين زوجك لك بكل ماتملكين من كيد النساء والدهاء والفطنه اعتبري نفسك في حرب دافعي عن بيتك وعن حياتك لايلعب عليك الشيطان ويقولك كرامة ومدري ايش لاتهدمين حياتك وحياة اولادك بني ادم مش معصومين عن الاخطاء مووووفقه |
خوذي وقت عشان ترتاحي نفسيتك وتعيدي لنفسك ثقتها وانسي اللي صار وسوي مخطط لاسترجاع زوجك
و اوصيك بالدعاء ثم الدعاء وقيام الليل |
بدا يكلمني اليوم و رديت عليه عادي بس احس قلبي محترق ونفسي اصارحه مره ثانيه
ايش رايكم اتكلم والا اطنش |
شوفي يا اختي
دام انه هو اللي ابتدأ بالكلام ... فلا تصدية ولا انصحك انك تفتحي الموضوع معاه انسي الموضوع تماما يا اختي وعيشي حياتك اذا كنت تقدرين حاولي بطريقة سلسة انك تشوفي وش الغلط في علاقتكم و حاولي انك تصلحية يكمن هي نزوة وتعدي خذي بيدة اذا كان زوجك يستحق شوي صبرك منك لان حرام بعد عشرة 25 سنة انك تطلعي من هذه الزيجة بلا شي وبالخسارة انا ما اقول لك انك مو محروقة من الداخل شي طبيعي انك تنقهري ولكن لا تخلي قهرك هو اللي يتحكم فيك عيدي صياغة حياتك مع زوجك و لا تنسي الصلاة والدعاء في جوف الليل والصدقة بنية ان ربي يرجع لك زوجك حاولي قراءة سورة البقرة يوميا كاملة بنية ان ربي يهدي لك زوجك وترجع حياتكم مثل الاول و احسن |
رجعت بعد غيااب فتره...
اخواتي يلي رديتو علي وقلتولي اهتمي بنفسك اكثر واجلسي معاه ولا تصديه وسايريه واصبري سويت كل الي قلتولي عليه صرت اجلس معاه واحاول اني اطلع سوالف لانه بسس يجلس ساكت اعترفلي وقالي انو الواحد يغلط بحياته وارتحت شوي ..... بس للاسسسسف امس بالليل سهرانه معاه وصله مسج مسك جواله وعلطول حذفه انا لا شعوريا تضايقت ومشيت وهوا والله ولا بالغلط قام وقالي لا نو هيا والا استهدي بالله وارجعي اجلسي معي الوضع عنده جدا طبيعي..حست اني فقدت الامل من اول وجديد ..احس اني مهما سويت راح يظل معها |
اختي العزيزه.. أنا من رأيي استجمعي كل قوتك و صارحيه عشان قلبك يرتاح.. مدام سويتي الي عليكي في البدايه.. قوليله بعد هذا العمر والعشره ؟ قوليله ترضى اني اعمل زيك؟؟ انتي تعرفي شخصية زوجك حاوريه بالأسلوب الي ينفع معاه.. واختاري الوقت المناسب.. الله يفرج همك ويريح قلبك |
اختي كل ما عليكي فعله هو البقاء على موقفك املئي عينه بكل الطرق والوسائل لا تتركي له مجال لكي يلجأ الى غيره كوني عشيقة قبل ان تكوني زوجة حاولي ان تتقربي منه بكل الطرق والوسائل بعض الرجال احيانا يجرون خلف شهواتهم لا تدعيه يرمي بنفسه الى الهاوية ساعديه واصبري وافعلي كل ما تستطيعين الله يهدي زوجك ويقربك منه ويقربه منك
|
حبييتي
لاتقولين ولا كلمه دامه انكر ......؟ حبيبتي انتي بطريقتك بذكائك حااااااااااولي تمسكي عليه ممسك لاادانته ولاجل ماينكر ؟؟؟! فكري متى يترك جواله لو غفله لو ساعه لو وهو نااايم طيب هو اكيد ينام بعد السهههههر نومه ثقيله حاولي تراقبينه وبنفس الوقت مايحس لاجل ن شاء الله لو غفله يتركه وانتي بطريقتك تقدرين تشوفين اي رقم بااسم جديد او افتحي السجل كل شيء فيه وحتى المسجات تلقين رقم المرسل وما اتوقع زوجك يمسحها كل دقيه وكل ماترسل وتتصل حبيبتي لاززززززززززززم تمسكين عليه لاجل يكون معك دليل قوي ضده وبعدها صارحيه وان كان حاط رقم سري حاولي حاولي تشوفينه وهو يدخل الرقم وحنا بنساعدك ان وجدي اي دليل عليه ونعطيك حلول |
لا تتركي الغضب يسيطر عليك، حاولي أنك تستوعبي الصدمة بتفكير منطقي وعقلاني حتى لا ينهار عش الزوجية وتسير رحلة العمر نحو طريق مسدود.. ربما تكون هدي اعراض نزوة عابرة بحياة زوجك اختاري اي مكان هادئ و ابتدئي الحوار مع زوجك وما هو السبب والدافع اللي خلاه يعمل هيك |
سمعته ب اذني يكلمها وقلتلو نفس الكلام الي قاله لها وانكر... فتشت جوالو وفصفصته ما لقيت شي يمسح كل شي اول ب اول حتي السجل.... المسجات يقراها ويمسحها وانا قريب شفت ه الحركه....
هو شكله يحبببببهههههههااااا وما للموضع حل ...انا نفسيتي مره تعببت كل شي سويته ومافاد |
]عليك بمداومة الاستغفار والاكثآر منه بــ نية الاصلاح بينك وبين زوجك والدعآآآآآء بـــ
اللهم افتح بيني وبين زوجي وانت خير الفاتحين افضل من المواجهه لانك لو واجهتيه ولنفرض عندك الدليل القاطع سوف ينكر ولن يعترف على نفسه اتركي مواجهته و الجئي الى الخالق بالدعاء في صلاة القيام وهي افضل الحلولـ بإذن الله الله يهدي زوجك ويرده لكي ردآ جميلآ عاجلآ غير اجل ..[/COLOR] |
قلبي حنون صارحته مرتين وما طلعت بنتيجه
|
| الساعة الآن 07:12 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©