|
محتاجة مشورتكم زوجي يخونني بالجوال و المسن (مستجدات بالرد17)
موضوعي اصبح منتشر كالسرطان هذي الأيام الا و هو الخيانه الزوجية
ادري انه اتكلموا عنه كثير نساء لكن احتاج مشورتكم في كيفية التصرف مع هذا الصنف من الرجال انا متزوجه من سنه و 4 شهور و الحمدلله ربي رزقني ببنت الله يحفظها من كل شر علاقتي بزوجي و الحمدلله تمام لكن اكيد مافي علاقة زوجية تخلو من بعض المشاحنات... من بعد زواجي ب4 شهور بديت الاحظ ان زوجي يتكلم في المسن و اول ما اظهر قدامه يقفل تكست المحادثه... بصراحه في البداية ما شكيت انه بيخوني مع بنات لكن مع الوقت صرت اكيده ميه بالميه... في فترة حملي صار مزاجي معكر علطول<<< طبعا بسبب هرمونات الحمل و اللي خلتني انفر من زوجي بس هالشي خف مع قرب نهاية الحمل... في فترة نهاية الحمل صرت اشوف زوجي يتكلم كثير عالمسن و اول ما يشوفني اشوفه يقفل التكست... قلت يمكن يتوب لما يصير اب بس برضو مافي فايده... لاحظت ان الحاله تزيد يوم ورا يوم و امتدت المحادثات بالمسن وصارت اتصالات بالجوال... اول مره شفته يكلم وحده بالمسن بعد الولاده بأسبوع بالضبط...انا جيت و شفته يتكلم مع وحده و اول ما شافني قفل المسن بكله... بصراحه قتلني بفعلته هذي... يعني لسى والده و تعبانه و هو قاعد يتكلم مع بنات... و لاحظت كمان انه يقفل باب الغرفه بالمفتاح لما اكون مع الضيوف... في مره من المرات قبل لا اولد كان موجود في اللابتوب حقه صوره لمحادثة مسن و يطلب فيها انه تفتح الكام حقها... يعني وصلت الخيانه الى ان يتفرج عليهن و الله يستر ايش قاعد يشوف... و بديت الاحظ كل شوي تزيد الخيانه و كل شوي توصل اتصالات اما من برا البلد اللي احنا فيه او من نفس البلد مع العلم انا عايشه مع اهله في الغربه و بعيد عن اهلي و ما عندي الا رب العالمين اللي يساعدني...جوالاته شي مقدس بالنسبه له... حاطط عليهن باسوورد و كأنه مهم لكن اللي يهمه فيهن انه فيهن مسجات غرام و مواعده... حاطط اسماء رجال على ارقام لكن طلعت ارقام لبنات لأني اتصلت فيهن بس من دون ما اقول من انا... يعني مسويه حالي غلطانه بالرقم ... اخاف تتمادى العلاقه و تتطور و تصير شي غير محادثات خصوصاً انه يتأخر بعمله لأنصاص الليالي بحجة شغل و ما شغل... بديت اوسوس خصوصاً بعد ما شفت رساله مكتوب فيها انها فلانه و دوبها جت من برا و توصف له مكان سكنها و اذا حابب يقابلها كل اللي احتاجه الحين هيا مشورتكم في ما اذا اواجهه بالموضوع او اترك الموضوع لين ما ارجع على بلدي بعد 5 شهور و هناك اواجهه ... على الأقل اكون بحماية اهلي هناك لأني اخاف يهددني و انا في الغربه و يسوي شي ببنتي و في نفس الوقت اخاف تتطور العلاقات لأشياء اكبر سامحوني على الأطاله بس و الله محتاره مره سلام عليكم |
يااختي كل هذا الوقت وساكته...ومحتاره في ايش يعني...الموضوع مايتحمل سكوت وحيره..واعتبرتيه من المشاحنات البسيطه...ماهذا البرود؟؟؟سبحان الله
حبيبتي طبعا راح يتمادى اكثر واكثر لانك ماواجهتيه وسكتي وهو على باله انك مغفله.. الرسول صلى الله عليه وسلم وصانا بالنهي عن المنكر..وانتي سكتي عن المنكر وال يسويه زوجك منكر وحرام المفروض تخبريه انك عارفه كل شي وان هذا حرام ..انا ماادري بعض الحريم متساهلات بهذي الامور وناسين انه ممكن ينتقلها مرض ولا تستبعدين انه ماقابل وحد فيهم انا ابصم بالعشره انه قابلهم...وانتي لسا خايفه انه العلاقه تتطور وماتدرين انها اصلا تطورت من زمان لانك ماواجهتيه من بداية الزواج... انتي زوجته انصحيه وذكريه انه الله يمهل ولايهمل وانك تخافين على نفسك من الحرام لان الي قاعد يسويه ممكن يعرضك للخطر... انا استغرب من برودك وردة فعلك والله لوكنت في المريخ مستحيل اتحمل هذا الشي خصوصا انه فيه اهانه وذل... واجهيه وبغي اهلك وابوه عشان يوقفوه عند حده...الي زي زوجك الخيانه تجري في دمه واغلبهم مايتوبون..حتى لو وصل الامر للطلاق لانهم مكتفين ببنات الحرام ومعاد يهمهم لازوجه ولا اولاد... |
من الصعب أن تصارحيه وتقولي له أنك ( تجسستي ) عليه ...
أنا مع الحوار والمصارحة الهادئة .. بس .. صعبة يحس أنك بحثتي من وراءه ... لابد تطبخ المصارحة على نار هادية وحوار مؤدب حتى تكون نتيجته مثمرة ، محاورة ومصارحة ولاأسميها مواجهة ... وهذا طبعاً لابد يكون قبل ماترجعون لمكان أهلك بفترة كافية ، حتى يكون فيه فرصة لمعرفة مدى تقبله لفكرة أنه مخطئ أو هل سيكون مكاااابر ... لأنه إذا تجاوب معاك أنتي لازم تكونين عون له ، أما إذا راوغ وماتجاوب - لاقدر الله - فقومي بتهدئة الأمور وأغلقي الموضوع ولاتفتحيه الا عند أهلك ... الخيانة إذا حدثت مرة أو بشكل نادر غير لمّا تكون مكررة ومبكرة من فترة الزواج كما في حالتك ، لذلك لازم توضع الحدود العريضة من البداية ... وبالتوفييييييق ،،،، |
اقتباس:
هو كلامك صحيح اختي و دايماً يكذب علي.. فمثلاً هو راسلني بأيميل اخر ايام فترة الملكه و لما شفت الرساله فتحتها قدامهو قلت "معاك ايميل ثاني... ضيفني فيه عالمسن" هو اتلبك لما قلت له كذا و سويتلي اضافه و لما قلتله اقبلها قال ان الأيميل تهكر<<< كذاب لا حول و لا قوة الا بالله مشكلتي هي اني بعيد عن اهلي و في حال صارت المشكله كبيره لا سمح الله ممكن يتطور لمنعي من الخروج من البلد لأنه قانون البلد هنا انه ممنوع تخرج الزوجه بدون موافقة الزوج و اهلي ما يقدرون يدخلون البلد اللي انا فيه الا بفيزه و صعب الحصول عليها و حتى ان جاؤوا نفس الشي صعب يخرجوني منه الا بموافقة زوجي و انا في غنى عن كل هذا انا كلمت اهلي بخصوص هذا الموضوع وهما واقفين معاي بس زي ما قلتلك المشكله اني بعيده عنهم و امي تقول اصبري الين ما ارجع على بلدي و ابوي رح يتصرف معاه |
اقتباس:
في اشياء ممكن اقولها له مثلاً لما انا كنت اشوفه دايماً يدخل عالمسن و لما سمعته يتكلم عالمسن بس ما رح اكلمه عالمكالمات و بكذا ما رح يقول اني تجسست عليه و رح اسوي مثل ما قلت اذا ما في اي تقبل رح اسكت واعمل حالي غبيه لين ما ارجع على بلدي |
رجاءً يا اخواني و اخواتي اعطوني مقترحاتكم ممكن استفيد منها |
اختي نردين أ
اللي فهمته من كلامك انه جدا يحرص على جواله بل جوالاته و يحط عليهم باسورد، يعني برضو يحط باسورد على اللابتوب. أبي أفهم كيف قدرتي تشوفين اخر محادثة، يعني الأمر أكيد يتطلب إنك تعرفين زين للأجهزة و لازم تكونين هكر علشان تقدرين تطلعين على اللي شفتيه. فهل انتي هكر؟ و هل أنتي فعلا تجسستي على لابتوب زوجك بدون علمه؟ و بدون إذنه؟ |
اقتباس:
مسألت الجوالات في واحد منهم عرفت الباسورد حقه اما بالنسبه للابتوب فهو بدون باسورد و انا استخدمه عادي بس في الفتره الأخيره حط عليه باسوورد و انا عملت حالي اني زعلت و اني احتاج استخدمه فأعطاني الباسورد ياليتني كنت هكر و الله كنت بهكر ايميلاته و بعدني بحاول اهكرهم و بالنسبة للمحادثه هيا كانت عباره عن صوره و اللي مستغربه منه انه عمل عليها برينت سكرين و محتفظ بالصوره... ليش؟؟؟ ما اعرف |
اقتباس:
|
و فعلا شي غريب اذا كان مسوي للمحادثة برنت سكرين
|
اقتباس:
ما رح اتكلم عن المكالمات اللي تجيه عالجوال و اللي يتصلها عشان ما يعرف انه انا عرفت الباسورد حق جواله... رح اتكلم فقط عن صورة المحادثه و عن حكاية لما يشوفني يقفل التكست .. من هنا ما رح يعرف اني تجسست على جواله المقدس |
دامك زوجته و عندك بنت منه فواجهيه و هذا حقك
|
ممم لا أعلم ما هي طبيعة زوجك لكن لا أرى ان الحل المناسب بأن تفتحي الموضوع و لأول مرة مع أهلك
قبل المحاولة مع زوجك فقط حاولي الآن فقط ان تسألي زوجك (باستنكار) أسباب اغلاق الجوال و المحادثات قولي (انا مو مرتاحة لهذا القفل ، لو كنت بريء كنت تركت كل شي بدون باسوورد حبيبي .. ) وشوفي ردة فعله ان كان ضعيف اضغطي عليه أكتر و ان احتفظ بالاجابة و لم يرد قولي (طيب ، لكن أريدك ان تعلم شي ، انا ما بسامحك لو خنتني ) وبس لا تزيدي أي كلمة تانية خليكي جادة و حازمة و لا تجاوزي هالحد و لا تقولي له انا شفت شي او عرفت شي فقط أظهري له شكك و اشتغلي على الجانب الديني ، خوفيه من عقاب الله ، ذكريه بالصلاة و القرآن و الدعاء زوجك ناقصه 1- اهتمام فيه كرجل 2- وازع ديني و خوف من الله عز و جل حاولي ما تقصري تجاهه أبداً ، حتى ما يكون عنده اي مبرر ضدك و أمهليه لعل الله يتوب عليه لو تمادى و لم يكترث ابدا بعد شهر او شهرين ممكن تستخدمي المواجهة او تشكيه لشخص حكيم من عائلتك هذا الرابط تفيدك ان شاء الله : ¤©§][§©¤][الخيانة الزوجية - مشاكل و حلول][¤©§][§©¤ |
الاخ اللي رد في رقم 7 الاخت تحتاج الى مشورة هادفة لكي تتخلص من مشكلتها وليست الى تحقيق اكتورني
كيف رفتي الباس وورد لجوال عليه باس وررد انتي هكر اتمنى من الاخوة اللي يقدر يفيد اختنا او انه يكتفي بالدعاء لها او الدلالة على مستشار اسري ثم إن هذه القضايا الاسرية ليست مجرد ابدا رأ ي لان عليها تبنا البيوت و تهدم فمن يجد في نفسة الكفاءة لهذ ا الامر فليستعن بالله ولحتسب الاجر في حل مشاكل الاخرين والسلام ختام ادعوا الله لكي بأن يصلح حال زوجك وان يلم شملكم |
اقتباس:
بالنسبة لقفل جواله دايماًيتعذر لي انه من قبل يتزوجني يقفله وانا مره من المرات فتحت فيديو عن عقاب اللي يلعب على بنات الناس بس كأنه و لا سمع شي الله يهديه... دايماً اقوله تخيل تموت و انت تسوي حرام بس ما في اي رد فعل بعده مكمل معاهن و يتكلم معاهن تسلمي اختي عالنصيحة |
اقتباس:
تكفيني دعوتك و الله يهديه و يهديناو يصلح الأحوال |
حبيت اكتب اليوم لأني و الله مره متضايقة وزعلانة
واجهت زوجي باللي يسويه مرتين... في المره الأولى كأني كنت اكلم جدار و يرد علي بس "ايش تبغيني اسوي الحين؟؟؟!!!"<<< ياسلام مو مقتنع يتركهن بنات ال... تكلمت معاه بهدوء و كان كل رده استنكار للي اقوله... المره الثانيه كمان تكلمت معاه بهدوء بس برضو بيكذب علي... يحلف يمين انه ما بيكلم حدا و انه ما يتصلهن بالجوال ابداً... كان يخاف الله لا يخاف مني مع اني قلتله اتكلم معاي بصدق و لا تكذب علي و اني ما رح اسوي له شي بالعكس رح اساعده لكن كل اللي يقوله كذب في كذب انا عرفت الباسوردات بتاع ايميلاته السته عدا واحدقديم مره و شفت اللي فيهن والله يستر على بناتنا بس... طلع من النوع اللي يشوف بالكام و يسجل و يهدد... لا و اشوفه يرسل لبانت مقاطع حرام و يتكلم بمواضيع حساسه و بنات يرسلون له صورهن و في مواضع فاضحه... و كمان يعمل حاله انه مومتزوج وانه حب فلانه و علانه و مقابلات معاهن... ياجماعه انا اتكلم عن واحد مريييييض مو زوجي... من 5 سنين و هو على هذي الحاله و مضيف حوالي اكثر من 700 واحده عالأيميلات حقه... امس اكتشف اني دخلت على ايميلاته و عمل حاله زعلان" ينفجر" على ايش يزعل ... انا اللي ازعل وانقهر مو هو... غير الباسوردات حق كل ايميلاته و حق الجوال كمان... انا سويت برنت سكرين على ايميلاته اللي فيهن كلام الحب و الغرام و هو عرف وين مصدرها بالجهاز و مسحها...وانا اليوم ما رضيت اكلمه و لا رح اقرب منه ... اخاف القط منه شي و الا شي بأختصار كرهته و ما عد ابغاه فحياتي هل تعتقدون انه من الأفضل اني اتركه لأني خايفه على نفسي و الله و على بنتي لأني شفته يرسل صور بنتي يوم ولادتها لواحده الله لا يوفقها و مش مستبعد يرسل صوري او يهددني فيهن... ما عد له امان... فيه مرض البنات من خمس سنين هذا حسب ما اكتشفت و الله اعلم من متى اعطوني نصايحكم في حالتي اللي اشوفها تتأزم يوم ورا يوم و لا حد يقوللي اني غلطانه لما ادور وراه الواحد صار يخاف على نفسه |
الله يفرج همك ويقوي قلبك مافي غير انك تواجهيه وتاخدي موقف منه..بس قبلها كوني مرتبه كل الي تبغي تقوليه .. هو غلط في حقك انا مااقولك تكبري المشكله لكن تعطيها حجمها المناسب عشان مايكررها.. الله يهديه ويبطل عادته هادي.. اذا قلب المشكله عليكي قوليله كويس اني ماقلت لأهلك ولا أهلي.. يمكن يخاف شويه ادعي الله انه يساعدك في حل مشكلتك ويعطيكي القوة انك تواجهيه.. |
اختي الغاليه عليك بشيئ واحد فقط سهام لاتخطاء ابدا سهام الليل ابكي بين يدي الخالق وانت ساجده ادعي الذي لايرد من دعاه واكثري منالاستغفار والدعاء وسترين مايسرك ويثلج قلبك ان شاء الله اسال الله وحده ان يسخر لي ولكي ولجميع بنات المسلمين ازواجنا ويهديهم لطريق المستقيم اللهم آمين
|
ياااختي خليك من هذا كله
انتي عدلي من وضعك واهتمي فيه ,ولا تبين له انك منتبه انه يخووونك كل مااجاك استقبليه بابتساامه وروح طيبه وكشخي له وتزين له ولبسي له وتكلمي عن الدين وحطي قنااه دينيه تتكلم عن مغازلت بنات الناااس بالحراام ومااهي السلبياات الي سوفى يحصل عليها في الغد الغريب واذا طلعتي معه مشوار اشتري اشرطه دينيه توعيه عن الغفله اللي هو فيه لاكن لا تصاريحيه يعني من هذا القبيل خلي بيتك لا يخلوا من القراان في الاذاعه في التلفزين ابعدوا عن المسلسلات الهاابطه والمسلسلات التركيه استفيدوا من المجد قناة مكه فيه برامج لعائض القرني قناة ابن عثمين ,حاولي ان تهتمي بنفسك واهتمي فيه هو ولا تفككري انك تواجهينه بمشكلته انتي اسعي ان الله يخلصه من الذنب اللذي يرتكبه ليس لانه يخونك لا اسعي انه يقترب لله وخوفا من الله ليس بخوفا منك والله يووفقك |
ان كان عندك دليل ان خيانته جسدية (أي انه يقوم بالفاحشة)
فاستخيري الله و اتركيه لكن قبل ان تتركيه حاولي تعظيه و تخوفيه من عقاب الله و تدخلي أهلك بالموضوع اي شخص حكيم يعظه و عطيه مهلة للتوبة في هذه الاثناء خليك عند أهلك و اذا تاب و رجعك لبيته ارجعي لكن اذا متأكدة من توبته و ان ما تاب فلا تبقي على ذمته (إن كنت متأكدة انه زاني) ! و انظري الاحكام الشرعية للبقاء على عصمة رجل بمواصفات زوجك انت بحاجة لفتوى من شيخ عالم ! |
الاستغفاربنيه اصلاح بيتك وزوجك الطايش الله يهديه الناس تموت والدنياخربت وقامت القيامه الصغرى وهذابسبب طرد الموالي الظلمه ذكري زوجك بالله وكماقالت الاخت(الوزن الثقيل)اجعلي بيتك معمورا بالقران حتى يلين قلبه والموضوع بصراحه مافيها نقاااااااااااش النتي بعمرك قايله نه مريض وكيف يترك هالبنات.........؟؟الله لايبلاناويستر على زمن عيالنا على الاقل خل ابوك يتكلم مو بالموضوع ينصحه يوجهه ويديرباله عليك يعتبرهوابوه ومن واجبه يحترم كلمته وانارأي لاتقربي جنبه ولايمسكك لانك طاهره شريفه ماتدري هو نام معاهم ويجي يضرك في النهايه تراهاقويه وانتي موناقصه بلاومرض بسبب انسان ضيع الامانه زوجته وبنته المسكينه****لاتقصري بحاجياته واعتبري نفسك اخته طنشيه ولاتحطي لسانك بلسانه خله يعرف قيمتك وانك بنت ناس شاريها والنهايه مالقيتي الامذلته روحي عندهلك وسندك واللي راح يرفعوراسك وتكلمي قدام ابوك واخوانك امايتغير ويلاحظ عليه بعدها يرجعوك وهذااقتراحي عشان بنوتك اوالسلام لناس ماتستاهلك؟؟؟ موفقه حبيبتي والله يفرج همك وربي راح أدعيلك من كل قلب يحب الخيرلك ويبي السعاده والراحه لغيره احب بنـتــــــــــــــــــــي |
اقتباس:
امين يارب و مشكوره اختي انا لليوم اتكلم معاه بشكل رسمي و اجاوب قد السؤال وبس و هو ولا حتى راضي يتكلم عالموضوع كأنه ما سوى شي الله يهديه بس |
اقتباس:
تسلميلي اختي عالنصيحة |
اقتباس:
اختي انا سويت اللي تتكلمين عنه في البداية بس شفته بيتمادى وتطورت لجوالات و مواعيد عشان كذا واجهته و طلع بيكذب كمان و يحلف بالله انه ما يتكلم معاهن... استغفر الله العظيم مع اني قولتله صارحني ومارح اسوي شي ... بساعدك بس كمان ما نفع معاه الأهتمام انا اهتم فيه و ما بسبب له ازعاج واما التلفزيون يلا بس اشوف مسلسل واحد و مو تركي لأني اكرههن و عليه السلام ... سمعته مره مقطع في اليوتيوب يتكلم عن اللي يلعب بأعراض الناس و بنات الناس و كأنه ما سمع دخل من اذن وخرجها من الأذن الثانيه الله يعينني و يهديه يارب و يوفقك اختي ويوفقنا مشكووووره اختي |
اقتباس:
للأمانه ما اعرف اذا سوي شي او لا وان شاء الله ما يكن سوى شي بس اللي ما اقدر اتأكد منه اذا هو بيتوب ام لا و يارب يكون تاب و لو اني اشك لأنه اصبح مريييييييض يحتاج له دكتور نفساني طالما له خمس سنين و هو على هذي الحال و اشك انه بيتركهن بسرعه |
اقتباس:
انا مغتربه و كلمت اهلي عاللي صار و قالوا ما نقدر نسوي شي الا لما تجي لعندنا يعني بعد حوالي خمس شهور بس بهدده بأبوه لأنه لو يعرف ابوه بتقوم القيامه بس و الله ما ابغى اكلمه لأن ابوه عنده السكر فبس رح اهدده بأبوه لين ما ارجع لبلدي ان شاء الله من ناحية اتكلم معاه و ما الى ذلك يلا ارد على قد السؤال و السلام عليكم يقرب مني ابعده و ما انام الا متأخر عشان ما يقرب مني و الله يفرج هم المسلمين جميعاً |
احب اعطيكم معلومه ما ذكرتها هو انه زوجي كان متزوج وحده و طلقها بعدها بسنتين و هيا يا حرام كانت صغيره كل ما اسأله ليش طلقتها يقول ما كانت تحترمه و كل ما يرجع البيت تصيح فوقه "وييين كنت؟""" كل شوي و يعني كان يقوللي بسبب تصرفاتها الطايشه بديت اشك انها كانت تشك فيه فعشان كذا كانت تهرمه اسأله هو كان من قبل ما يتزوجها و هو مع بنات ال... لأني شفت حسب تواريخ الرسائل له خمس سنين او يمكن اكثر و الله ربي رحمها هالبنت ما جابت منه عيال و الحمدلله عشان ما ترتبط بيهم معاه وشي ثاني تذكرت ان زوجي كان يرجع من عمله بدون دبلته... كنت اسأله وين دبلتك؟؟؟ يرد عليا اما انه نسيها لما غسل يده لأنها كبيره شوي و يخاف تطيح عليه في المغسله و مرات يقوللي طاحت مدري وين و يلاقيه في المكتب اليوم الثاني و مره لقيتها داخل جيب بنطلونه ... يعني بالمختصر كان يخلعها عشان يوري بنات ال... انه مو متزوج لأنه كان يضحك عليهن بأنه رح يتزوجهن و نفسه يشوفهن و اول ما يرسلين صورهن يقول مو عاجبتيني و يرميهن الله يهديه |
مثل زوجك تتركيه بدون كلام
باقي متمسكة فيه ؟ على أيه ؟ تتوقعي يصلح حاله ؟ إذا كان هذا وضعه من سنييييييييييييين تجي إنتِ في يوم وليلة تبين تغيريه زوجك مثل ماقلتي مريييييييض و صاحب علاقاااااااااات أتركيه أخاف ينقل لك أمراض أتركيه و ربنا يعوضك باللي أحسن منه ( من ترك شيئا لله عوضه الله خيرا منه ) |
الساكت عن الحق شيطان اخرس لاتسكتين انتي مو غلطانه هو الغلطان وهو اللي راح يخاف..مافيها شي اذا دافعتي عن مملكتك اللي هو بيتك..ناقشيه شوفي وين الخلل وحاولوا تصلحونه سوى..اذا سكتي بيتمادى واذا تهاوشتي معاه راح يعاند..كلميه باسلوب فيه من التأنيب والعتب والحب بعد..لاتخلين بنات ابليس يخربون بيتك يالغلا...قوليله انت تحب اسوي مثلك؟ ترضاها لي؟؟..اهم شي لاتسوين منها مشكله كبيره تكلموا بنقااااش عااقل وواعي بدون صراخ وشتم..واذا هو صار ردة فعله صراخ وهواش لاتخافين شي طبيعي بيسوي كده لانه غلطان وبيغطي على غلطه بالصوت العالي.....هين في منهم كثييييير متوفرات بس انتي مالك الا هو زوج..فهمتي علي؟..المهم واجهيه قوليله انك عارفه......
|
^
بودي أعرف أيش فيه يجعلها تتمسك فيه ؟ هذا إنسان مريض و مستحييييييييل يتعالج على يدها إلا بهداية من الله ترى ممكن ينقل لها أمراض !!!!!!!!!!!!!!!!!! |
العشرة التي بينهما
|
تصرفاته ولا شي أمام العشرة
مثله الوحدة ماتجلس معه دقيقة اللي بيعمله بشع بشع ,,, يتعرف على بنات ويهددهن و ياخذ صورهم !!!!!!!! بعد كل هذا يكون فيه مكان للعشرة ؟! |
اقتباس:
اتكلم عن صاحبة المشكلة انها جالسه كعاه تحت سقف واحد لانها بنت اصول وما نست العشرة |
دقة بدقة و لو زدت لزاد السّقا ^ مثل ما يعتدي على أعراض الناس سيأتي يوم يعتدون على عرضه ( زوجته أو إبنته أو أو) الأفضل لها تتركه و تبتعد إن لم يصلح حاله حتى لا يلحقها أذى ممايفعله |
فرج الله همك وهمومنا جميعا اختى
انتى ذكرية انه لدية ابنة مين بيراعها اذا هو بيضل يركض وراء الحريم وذكرية بالله و ان الله منقم جبار و حقوقك عليه كزوجة وفى صلاتك ادعى له بالهداية وان ربنا يتوب عليه وان يرده لكى صالحا واذا مسكتى عليه شىءدكرية بالتى هى أحسن واذا لم يستجب اشتكى لامه اذا كان عندة ام موجودة او مثلا كبير العايلة وان شاء الله ما يقصرون معاك |
| الساعة الآن 03:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©