|
نصيحه لك حواء لاتفوتينها
السلام عليكم ورحمة الله وبركاته يسعد مساكم اخواتي الفاضلات قال تعالى في محكم كتابه " يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا " [ الحجرات : 12 ] . وقال الرسول صلى الله عليه وسلم " لَا تَجَسَّسُوا وَلَا تَحَسَّسُوا وَلَا تَبَاغَضُوا وَلَا تَدَابَرُوا وَكُونُوا عِبَاد اللَّه إِخْوَانًا " . ياعزيزتي ليش تفتشين جوال زوجك ليه تشيكين على البلاك بيري ليش تدخلين الاب توب حق ليه وليه وليه ............ الله سبحانه ورسوله مانهانا عن شي الا فيه حكمه كل المشاكل الي في هالقسم اياً كانت تصب في مكان واحد ان كل وحده قاعده تبحث ورا زوجها انا ما اقول خلك عميا عن كل شي لا بس حرصي ولاتخونين اختي الغاليه صدقيني في الاول والاخير من ورا هالبحث والتفتيش انتي الخسرانه بتخسرين راحة بالك وبصراحه راس مال الواحد راحة باله وبتصير حياتك كلها توتر وقلق وشك وفي الخير ممكن يكون شكك في محله وممكن تكونين ظلمتيه وبكذا خسرتيه كزوج والرجال اذا مالقى راحته في بيته صدقيني راح يدورها برا سواء بالحلال او بالخيانه الشيطان مامات وبيعيش حياته وانتي الي تتعبين وبتخسرين حياتك واستقرارك هالنصيحه لنفسي قبل اقدمها لكم اتمنى توصل لقلوبكم وتتقبلونها بصدر رحب وتنفعكم بإذن المولى عز وجل الله يهدي سركم ويسخركم لبعض ويبعد عنكم بنات الحرام والي مايخافون الله ويهدي الجميع قولوا اميييييييييييييييييييين ودمتم في حفظ الله |
آآآآآآآآمين اانا معاك بهالشي ...الله يجزاكِ خير |
اي والله
صح لسانج اختي احس اللي تجسس على زواجها فاقدة الثقة بنفسها وبزوجها الله يسعدج ويفتح عليج ياربي |
عزيزتي حواء 2010...كلامك حلو ومفيد.. أكيد الي تفتش ورا زوجها .. ماجاها هذا الإحساس من فراغ أو له سوابق :29: أهم شي راحة البال .. الله يرزقنا الرضا وراحة البال |
ما انتبهت للدعائك الحلو الله يهدي سركم ويسخركم لبعض ويبعد عنكم بنات الحرام والي مايخافون الله ويهدي الجميع آميييـــــــــــــــــــــــــن |
امين يارب
مشكوره على الموضوع الحلو |
اسعدني مروركم الكريم
يعطيكم العافيه يالغاليات :) |
بس اتوقع الزوجه ماتفتش جوال زوجها الا اذا شكت في تصرفاته وشياكته وطلعاته من البيت اذا كثرت فتفتش من باب اخذ الخيطه والحذرغصبا عنها عشان تتاكد بس بعدها ترجع الثقه
|
اقتباس:
حتى لو كان راعي سوابق او شافت شي وش لها بالحوسه لانها لو فتشت ولقت وراحت واجهته راح يقلب السالفه عليها ويقول ليش تجسسين علي انتي ماتثقين فيني وكذا لاطبنا ولا غدا الشر مثل مايقولون لاهي ارتاحت ولازوجها ترك هالطريق يمكن يحرها ويصر عليه احسن شي تجلس معه وتحاوره بهدوء وتخليها تجي منه وتنتهي هالسالفه ان شاء الله |
عزيزتي انامن رائي ان تبتعدي عن الشك واشغلي نفسكي دايم بذكرالله والا تفتشي في اغراض زوجكي حتى وان رايتي شئ طنشي وكل انسان محاسب بعمله ووفقكي الله واعانك
|
نعم صحيح الرسول صلى الله عليه وسلم نهانا عن التجسس..في حالات معينه
لكن في نفس الوقت امرنا بالنهي عن المنكر...مو معقوله الوحده تشوف زوجها غرقان في المنكرات والحرام وتجلس ساكته..وكانها تشجعه على هذا الفعل..وفي الاخير مليون في الميه خسرانه ويمكن زوجها يتطور في افعاله حتى ينقل لها الامراض... يالبت تبتعدون عن المثاليه يانساء في هذي الامور...لانها والله مو سهله على المرأه انها تشوف زوجها سندها في الحياه ماشي في الغلط..وتصفق له. .ضروري تعرف ايش قاعد يصير في بيتها وضروري يتراقب الزوج المشكوك في تصرفاته حتى تتأكد من شكوكها..وبعدها تتم المواجهه والنصح والارشاد وقتها راح يعرف زوجها انه غلطان حتى لو قلب الطاوله عليها هذي مجرد ردة فعل لكن حتما بعد المواجهه راح يحس ويفوق من الغفله الي هو فيها خصوصا اذا حس انه بيته بينهار بسبب افعاله.. واحب اوضح انه كل الازواج والزوجات الخونه والعوبين ...ربي سبحانه يكشفهم من عنده من دون تجسس ومراقبه سبحان الله.ان مانكشفوا اليوم بينكشفون بكره حتى لو تم سنه في الاخير مكشوف..جميع مواضيع اكتشاف الخيانه هنا تمت بالصدفه سبحان الله من دون تجسس ولا مراقبه (الله يمهل ولايهمل) .ولو انترك من دون مراقبه راح يستمر على اساس ان زوجته مغفله وماتدري عن الدنيا..يضحك عليها بكلمتين وتسامحه. .واعتقد انه من الضروري مراقبة الزوج بعد اكتشاف الاعيبه..لانه انسان لايستحق الثقه ومو من حقه يزعل لانه هو حط نفسه في هالموقف.وهو بدوره وشطارته يقدر يستعيد الثقه الي ماقدرها من قبل.. وانا شخصيا...ماعمري فتشت جوال زوجي او اغراضه..ومستحيل اتجسس عليه ليشششش؟ لانه لم يبدر منه اي تصرف يستدعي الشك..وانا واثقه في قدرة ربي سبحانه بانه لو زوجي يخوني او ماشي في الحرام ربي بيكشفه لي من دون تعب ومجهود مني.. لكن لو اكتشفت شي ..خلاص ستووووب كفايه ثقه ومن وقت الاكتشاف راح تكون مراقب بالرادار يازوجي العزيز.. وبصراحه اختي صاحبة الموضوع ماادري انتي من اي نوع من النساء...معقوله فيه احد بهذا البرووود تنصحين بالسكوت عن الغلط عشان لايقلب الطاوله علينا وان قلب الطاوله خير ياطير ايش راح يصير في الدنيا (بلاه افضل يقلب الطاوله وهو في نفس الوقت يتمنى الارض تنشق وتبلعه من الاحراج والاحساس بالذنب..ولا السكوت حتى يتمادى الزوج ويكبر الغلط ويجر غلط الى الضياع والامراض).. انا اعرف ان تنصحين بالسكوت وعدم المواجهه على اساس ان التجسس حرام...طيب وينك عن الامر بالمعروف والنهي عن المنكر.. ومثل ماربنا سبحانه(غفور رحيم)...ايضا هو (شديد العقاب) |
اقتباس:
الله لايحطني ولايحط اي زوجه في هالمواقف.. |
الحمد لله ماعمري فتشت وراه ... وان شاء الله مااسويه ابد ولا اضطر لهالشئ ...
بارك الله بك .. |
اي والله صدقتي ... تسلمي مشكوووورة على النصيحة |
أخواتي إخواني السلام عليكم ورحمة الله تعالى وبركاته.
هذه اول كتابة و أول مشاركة لي في المنتذى وأنا جد سعيدة بهذه المشاركة. أحب أن أعرفكم على نفسي انا زوجة عاشقة لزوجها متزوجة من حوالي سنة و 7 اشهر لكن عرسي كان في شهر أكتوبر الماضي ،بعدها إلتحقت للعيش مع زوجي ببلجيكا ومر الآن على تواجدي معه حوالي 5أشهر سعيدة والحمد لله بزواجي وكل ما أتمناه من الله عز وجل السعادة و راحة البال،أعتذر إن كنت قد أطلت عليكم أخواتي في الإسلام لفت إنتباهي كلام الأخت حواء2010 انا جدا متفقة معك لأن راحة البال لا تأتي أبدا من وراء التفتيش أو الشك في الزوج،هذه نصيحتي لكم من وراء تجربتي بالحياة ،كل إنسان منا معرض للخطء أنا كذالك كنت أفتش في جوال زوجي وفي أغراضه لكن لم أستفد من ذلك نهائيا، في الوقت الذي يكون هو نائما ومرتاح البال أنا أبكي من دون سبب بل لأني أخاف فقدانه،فلم أجني من ذلك شيئا...سوى العذاب وكل هذا نتيجةلعدم ثقتي بنفسي أولا وبزوجي ثانيا. كل ماأتمناه راحة البال ويآآآآآآآآارب تحقق أمنية كل واحد فوق هذه الأرض بشرط أن تكون أمنية خير آمييييييييييييييييين يا رب العالمين. |
اقتباس:
مافيه شي اسمه غصب عنها الله ماشفناه بس بالعقل عرفناه اذا شكت تجلس مع زوجها وتحاوره بهدوء مو تشتغل من وراه واخرتها تنقلب السالفه عليها |
اقتباس:
معليش ياعزيزتي انا مو معك هذي حياتها كيف تطنش تفتح الموضوع وتحاول تحله بس بحكمه وبعيد عن العصبيه من الغلط ان الواحد يسكت عن الغلط فما بال الشي يكون في بيتها ومن اقرب الناس لها |
الحمد لله اثق بزوجي كثيراااا
وهو كتاب مفتوح لي دائما ويعرف بينه وبين ربه فلاداعي اذن لوجع الراس والتفتيش هنا وهناك. |
لاتظلمونه
احلامي بسيطه زوجة عبدو مشكووووورين على مروركم الكريم |
اقتباس:
مشكووووره عزيزتي على عرض تجربتك عشان يتعضون الاخوات منها الله يتمم عليك السعاده والجميع ان شاء الله |
اقتباس:
استغفرالله العظيم انا احث على عدم النهي عن المنكر الله لا يسامحك موضوعي مو لفضفضتك الي مو في مكانها موضوعي للفايده ماعجبك مو ضروري اهم شي يستفيد منه غيرك الي عندها حسن نيه وعقل راجح ويفهمون الموضوع مو يبلورونه مثل حضرتك بجانب الدين عشان يقولون معك حق |
اقتباس:
ردودي واضحه لليفهمها بحسن نيه وكل مره ادرى ببيتها وبزوجها |
اقتباس:
مشكورة إنت كمان وكلامك ولله ريحني كثير. بالتوفيق للجميع إنشاء لله. |
شكـــــ1000ــــر على تواجدك العطر مره ثانيه
والحمدالله اني شفت نتيجه ايجابيه لموضوعي والله يريحنا والجميع دنيا واخره |
اقتباس:
|
اقتباس:
اتمنى وصل لك المعنى شاكره لك مرورك الكريم |
يعني ترك الخيانه وراح للتجسس واذا يعني تجسست وش صار هاه قلبي ماخيبني لقيته خاين
انا على العموم راح افتش كل شي في حال شكيت فيه واذا عرفت مو شرط اواجهه يمكن تكون لي طرق ثانيه غير المواجهه مو عشان لايقلي تتجسسين علي بقله بكل بساطه ليه خايف لاتنكشف ؟؟ ماله داعي تتحسس والف الهرجه مثلا اقله انا كنت بتصل برسل اي تصريفه وهذا اللي اقصده يعني كوني فتشت جواله عشان اتطمن بس من داخلي مع اني معاك انك تشترين راحة بالك افضل من الهوشه لانه اذا بيخون بيخون راقبت ولاماراقبت اذا دريت عنه اللي بيسويه يطلع شريحه ثانيه لكن انا اقصد في حال لقيت عليه شي اول شي ابدا بنفسي واعرف ليه خان واهتم اكثر ثاني شي احاول ابعد البنت ذي عنه باي طريقه الله لايقولها فهمتي علي؟؟ |
فاهمتك لكن صدقيني ياعزيزتي ماراح ترتاحين بتجسسك بلعكس راح تتوترين وتطول السالفه وممكن ماتحصلين شي من ورا هالتجسس يعني ماتصيدين عليه شي انتي حاولي بطريقتك انك تطيحينه بالسانه بدون ماتسلكين هالطريق لانك وربي ماراح ترتاحين وانا ماقصدت المواجهه بمعنى المواجهه لا تجينه اذا شاكه بشي وتقولينه ببرود وانتي مبينه له انك واثقه فيه بس مستغربه من هالحدث واني مو متوقعه ان هالشي منك اكيد فيه غلط صدقيني راح تنكسر عينه وممكن يعترف لك
والله ربي ورسوله عليه السلام مانهونا عن شي الا فيه خير لنا شاكره لك تعقيبك والله يسخر لك زوجك ولي زوجي وجميع المسلمات |
عزيزتي حواء 2010..انا معاكي انه الوحده تشتري راحة البال وماتوجع راسها.. بس ياحبيبتي اذا وحده شاكه في زوجها لازم تلاقي دليل مادي عشان تتأكد من شعورها هذا صح ولا غلطانه.. وتواجهه ومااااااااااافي اي رجال حيقول لزوجته ترى أنا أخونك .. على حسب كلامك تقولي طيحيه بلسانه.. الله لا يخلينا نعيش هادي المواقف.. وأي خائن لازم يتواجهه ويتحاسب .. يعني لو زوجته لاسمح الله خانته ودور ورارها حتقوله ليه فتشت؟ حيرجعها بيت أهلها دايركت.. أرجوا انك تفهمي وجهة نظري.. |
لا مو غلطانه والرجال اشكال والوان فيه من يصارح زوجته لو شافها شاكه وفيه من يتهرب ولا يطيح بلسان يعني هذي مو قاعده عامه وكل وحد اعرف بزوجها والدليل اذا خلاص متأكده ميه في الميه وماصدقها ذيك الساعه تجيب الدليل حتى مايصير له طريق عليها بتقول له انت ماصدقتني وما اعترفت وانا جبت دليل يثبت صدق كلامي الحرص واجب لكن مو بهالطريقه
اما قبل اي شي 24 ساعه شغلها الشاغل تفتيش كنها موظفة مباحث انا ضد هالشي مو عشان الزوج عشان نفسها راح تخسر راحة بالها شكـــــ1000ـــــر لك عزيزتي |
يا قلبي .. انا قلتلك لو وحده شاكه.. بس لو وحده مافي فبالها شي اكيد مالها ومال وجع الراس.. وكل انسان يتصرف حسب إحساسه.. |
اقتباس:
بس لاحظت في ردودك الاخيره اقتناعك..بان ضروري الزوجه اذا شاكه في زوجها تبحث عن مايقطع شكها بيقينها عشان لما تواجهه يكون معها دليل. ومثل ماقلت في السابق ان الي يلعب من ورا زوجته ربي يكشفه لها بالصدفه من دون تفتيش ولا تنبيش.. مثل قصة الاخت الي زوجها نسي ايميله مفتوح وخرج وجات بعده زوجته جلست عالجهاز الا الصفحه مفتوحه تلقائي سبحان الله قدامها من دون ماتضغط ولا زر واحد ولا كان في نيتها تفتش وراه من الاصل لكن ربي كشفه لها عشان يمكن هدايته تكون على يدها من بعد الله..وكانت الصفحه تحتوي على صور ومقاطع خليعه.. |
اقتباس:
|
اختي ليه الغررو .. صحيح كلامك .. لانه في اغلب الأوقات ربنا يكشف الشخص اللعوب وبالصدفه ممكن الزوجه تشوف.. يا أخواتي الإختلاف في الرأي لايفسد للود قضيه هدو أعصابكم.. |
=[Cge"]حواء2="Comic Sans MS"[SIZE="6"]استغفرالله العظيم انا احث على عدم النهي عن المنكر الله لا يسامحك
موضوعي مو لفضفضتك الي مو في مكانها موضوعي للفايده ماعجبك مو ضروري اهم شي يستفيد منه غيرك الي عندها حسن نيه وعقل راجح ويفهمون الموضوع مو يبلورونه مثل حضرتك بجانب الدين عشان يقولون معك حق[/[/COLOR]COLOR] اعتقد مو من الذوق ولا من احترام النفس انك تقولين(الله لايسامحك) لاني فعلا مااتهتمتك انك تحثين على عدم النهي عن المنكر.وكل الي قلته ان مثل ماتجسس حرام كما قلتي ايضا النهي عن المنكر واجب فقط من باب التذكير ويعلم الله اني ماقصدتك اتهامك.ويكفيني ان ربي عالم بالي في قلبي ومايهمني سوء فهمك.لوانا كنت مكانك وواجهت اساءه راح اقول(الله يسامحك) المفروض قبل لاتنزلين موضوعك تكونين عارفه انك راح تواجهين اختلافات في وجهات النظر وماتكون ردة فعلك بهاالاسلوب وهذا الزعل فانا الحمدلله عندي حسن نيه وعقل راجح وفاهمه موضوعك زين واكثر منك..والظاهر انك متضايقه لاني كما تفضلتي بلورت موضوعك بجانب الدين..مثل ماقلتي.. |
اقتباس:
ولا انا غيرك اقول الله لايسامحك لانك هاجمني واتهمني اني احث على عدم النهي عن المنكر شفتي كلمتي كبيره وانتي كلمتك اتهام وظلم لانك دخلتي في نيتي الي ولله الحمد صافيه وما قصدت من الموضوع الا انصح خواتي عشان بيوتهم تعمر واحث على الخير الله يعطيني على قد نيتي |
اقتباس:
بصراحه يااخت حواء شككتيني في نفسي وخليتيني اقرا ردي الي زعلتي منه اكثر من مره ..عشان اشوف هل انا فعلا اتهمتت وظلمتك .واني دخلت في نيتك...فلم اجد غير اني وضحت نقطه انتي غفلتي عنها.. لكن ربي ادرى بنيتي .. ومابي اطول نقاش معك على سوء الفهم..الله يسهلك |
| الساعة الآن 05:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©