|
كيف اتعامل مع أمي الثانيه ؟
السلام عليكم و رحمة الله و بركاته أمي الثانيه هي أم زوجي الله يخليها لنا إن شاء الله،، جدأ طيبه،، أحبها و تحبني،، و تعزني و تستشيرني ديما في شؤون العيله قبل ما تستشير ابنها اللي هو زوجي اناديها أمي و حتى عيالي ينادوها ماما تيتا. و الحمدلله علاقتنا حلوه أدري الحين بتقلوة طيب حلو وين المشكله،، مدة زواجي قريبه من 6 سنوات،، و طول الفتره هذي أبداً ما إتصلت علي يعني المناسبات، رمضان و عيد و حج كلها أنا إللي ابادر،، أبداً ما عندي مشكله تعدي ضروف مثل حمل و ولاده و نفاس، كمان أبداً ما إتصلت،، عادي والله ما أخذت في خاطري نجاح و تخرج،، كمان مافي إتصال،، أنا إللي ديماً اتصل عليها،، يعني ما تمر 10 أيام إلا و أسأل عنها كل هذا و كان عادي حتى والله ما خذت في بالي انها ما تتصل، أبداً ما حسبتها إلا بعد الموقف إللي راح أقوله لكم قبل فتره كنت أكلم سلفتي (زوجة أخو زوجي الكبير) و بين السوالف قالت حماتي إتصلت تسلم ( أبداً ما تناديها أمي) قلتلها حلو ما شاء الله،، قالت ديماً تتصل تبغى تعرف اخبارنا،، حرمه فاضيه ما وراها شي قلتلها ليش تقولي كدا بالعكس هي تشتغل و مشغوله بس تحب تطمن علينا.. قالت : بالله ولا مره إتصلت عليكي،، تحبك و تخليكي براحتك و ما تزعجك بقرقرتها :eek: سألتها،، تتصل عليكي دائماً؟ قالت يووه كل يومين متصله .. قلتلها أكيد تحبك كثير و تبغى تطمن عليكي،، قالت إلا تبغى تتأكد إذا أنا و ابنها متزاعلين المهم قالت كلام كثير و ذكرتني بمواقف أكدت لي فعلاً إنه أم زوجي ديماً تتصل عليها أنا هنا اتغيرت نضرتي لسلفتي و ما عرفت أجاوبها لأنها أولاً أكبر مني ب16 سنه و احترمتها، و ثانياً لأنها بطبعها تحب المشاكل فما حبيت أقول شي بعد المكالمه هذه رجعت شريط ذكرياتي مع أمي (أم زوجي) و تذكرت انها ولا مرة اتصلت علي،، والله العظيم ولا مره تصدقوا و حزت في خاطري كثير صراحةً.. و كمان استغربت كيف عرفت سلفتي انها ما تتصل علي؟ برأيكم ايش السبب؟ الحين ما أدري ليش حاسه نفسي غبيه |
اختي تبغي نصيحتي مادام ام زوجك محترمه معك هذا احسن شي ولا تفكري انها اتصلت ولا مااتصلت انتي سوي اللي عليك امام الله الله يوفقك ويسعدك |
اقتباس:
أنا بطبعي طيبه و على نيتي، و تعاملي مع أم زوجي نابع من احترام الكبير أولاً و طلب الأجر ثانياً سؤالي هو إني بس اتمنى أعرف ايش السبب؟ يعني سلفتي إلي معاملتها معها جداً رسميه و في مشاكل خفيفه بينهم، تتصل عليها و أنا إللي جداً طيبه معها و أحطها فوق راسي،، أبداً ولا إتصال واحد طول هلفتره أفهم بس ايش ممكن يكون السبب |
مادري ليه حسيت إنك محظوظة ماشاء الله
و ليه انزعجتي يا لوف ؟ <- تعلمت إختصار اسمك :D كانت أم زوجي تتصل علي يوميا و كم مرة و في كل الأوقات على جوالي ، على تلفون البيت ، في الفجر ، في نص الليل مو عشان تسأل عني و تطمن علي عشان تسألني ( ولدها إيش بيعمل ) ؟ يعني تاخد كل أخباره مني و حتى يوم أروح عند بيت أهلي .. تتصل على بيت أهلي عشان تكون لها مصلحة ( مادية ) أو غيره فلا تتعبي راسك مع كلام سلفتك .. و إنت قلتي بنفسك إنها تحب المشاكل و هناك ناس تحب توقع بين أي اثنين و تحاول تسحب الكلام من الأطراف برأيي إنك تعتبري حالك ماااااا سمعتي شئ منها .. أهم شئ إنه حماتك تعاملك زي بنتها و تاخد برأيك ماشاء الله :) و إذا تحبي ، أسأليها - بمزحة - أبدا ما تتصلوا علي و لا تسألوا عني ؟ مع إني أفرح مرة بإتصالاتكم و سؤالكم عني |
اقتباس:
هلا بروح.. كيف الوحم معاكي؟ كنت بقولك هلا يا كروشه بس لسه باقي لك كم شهر شطوره عرفتي تختصري إسمي :d -------------------------------- صحيح أشوف نفسي محظوظه بأن الله اعطاني حماه جداً طيبه،، و أحمد الله كثير بس ما راح تاخذي بخاطرك لو أم زوجك أبداً ما تتصل عليكي؟ يعني المناسبات و الضروف تمر مر الكرام من غير ولا تهنئه أو مواساه أفهم بس ايش ممكن يكون السبب،،خاصةً و إن علاقتنا حلوه،، أجل لو ما كانت حلوه كان ايش صار؟ :( أتذكر إنه مره كنت مزكمه و عدا إسبوعين ما اتصلت عليها،، فأول ما تحسنت اتصلت و هزأتني شويه و قالت يعني معقوله ما قدرتي تكلمني دقيقتين،، وقتها قلت في قلبي طيب ليش ما هي إتصلت و إتطمنت علينا بس طبعاً ما قلتلها هذا الكلام،، قلتلها معليش يا أمي ما راح يتكرر مرة ثانية سامحيني :29: |
يمكن تتصل على سلفتك علشان ( تنكيد ) ؟ ;)
بس إنت بتعاملك كأنك ( بنتها ) مو ( زوجة ابن ) فتحس نفسها إنه ماله داعي تتصل مثلا ،، أمي ما تتصل علي و أنا اللي دايم أتصل عليها و إذا ما دقيت عليها ، بتزعل و تقوللي و لا تتصلي و لا تدقي ؟ و أمي تتصل على بقية خواتي لإنهم مو مثلي يسألوا عنها و يرجوها اتصالات :D و ما تسألهم ليه ما تتصلوا يوم يغيبوا عنها / لإنها عارفتهم ما يدقوا دايما هذا تحليلي و الله أعلم ^_^ |
اقتباس:
ممكن يا روح.. تحليلك منطقي شوي طيب اسئلك بصراحه... من تزوجتي امك ما رفعت السماعه و سألت عنك? يعني في المناسبات ما هنئتك؟ ممكن إنه الاتصالات الدوليه كانت غاليه عليها لم كنتي في بريطانيا طيب قبل ما تسافري؟ عاد أنا لو اتصلت على أمي مره تكون المره اللي بعدها هي تتصل و إذا صار وعدت فتره و أنا اللي اتصل ديماً.. أقلبها مناحه خخخ أقولها إنتم ما تحبوني،، و ما صدقتم تزوجوني و ترموني ولا حتى تسألوا عني و و و :23: أمي تضحك و تقول شوفو الهبله،، ما تكبر عقلها بزر ديماً :15: أمي فديتها تمون علي،، بس أم زوجي صعب أقولها مثل الكلام هذا :p |
ربما ما خليتي لها المجال حتى تتصل
يعني مو شرط يكون في شي في قلبها لا تعبي براسك وساوس السلفات الله يخليك دام ام زوجك طيوبة وحبوبة معك ولو انا منك اعتب على حماتي بشكل ظريف ولطيف وانتي بعد راح تفهمين منها كل شي |
لوفي ايش بك يابنت تدوري المشاكل :)
تدري رجعت افكر انا كمان .. و شفت انه عمتي ما تتصل فيني ولما فكرت فيها شفت انه السبب لاني ماخلي لها فرصة :) يعني على طول اقل شي كل اسبوع اتصل عليها و احيانا مرتين و 3 بالاسبوع يعني خلاص ماهي مضطرة تتصل عااادي ياستي اتصلت و لا ماتصلت عديها المهم انها تحبك و تحترمك و تقدرك وش فايدة الاتصالات كل يوم لو كانت اتصالات نكد ولا تجسس و لا كانت ماتحبك لاتحطي ببالك ابددددا ياقمر ... |
تصدقي يا لوفي
قلبتي علي المواجع اهيئ .. :'''( ماحد يدق عليا يوم كنت برة ، و يوم أخوي سافر و جاء زارني أمي تتصل عليه كل شوي و تفتح كاميرة الماسنجر عشان تشوفه يعني يقدروا يدقوا و يتصلوا ، فليه ماحد يدق علي ؟ حتى لو رسالة جوال عالأقل ؟؟؟ . . أما المناسبات ، فماحد يدق علي لا أمي و لا حماتي .. و لا عمري دققت و لا فكرت ، مريحة راسي :D بس صرت أزعل يوم سافرت برة و ماحد يدق يتطمن و يسأل و دايما أقول لهم .. خلاص ( أنا بنت البطة السوداء :( ) |
سلفتك قالت لك لماذا تتصل قالت إلا تبغى تتأكد إذا أنا و ابنها متزاعلين لو أنا مكان أم زوجك كنت سأتصرف نفس التصرف لكى احاول أن أنهى أى مشكلة فور حدوثها بين هذين الزوجين ..أسأل الله لهما و لنا جميعا الهداية و الصلاح أعتقد أن أم زوجك لا تستشير سلفتك و لا تأخذ برأيها فى أمور العائلة مثلما تفعل معك... وهذا أكبر دليل على حبها لك و ثقتها فيك وفقك الله حبيبتى إلى كل ما يحبه ويرضاه . |
اسفه جداً على تأخري في الرد بس معليش اعذروني،، صارت ظروف طارئه و إضطريت أسافر بسرعه سبحان الله بعد ما كتبت الموضوع هذا،، أم زوجي إرتفع عندها الضغط و تنومت في المستشفى 3 أيام و طبعاً زوجي أخذ إجازه يومين ورحنا عندها و هي عايشه في مدينه ثانية تبعد عنا 3 ساعات تقريباً زوجي رجع على شغله بس أنا اصريت أبقى عندها أساعدها إلين حالتها تتحسن شويه الحمدلله الحين صارت أحسن بكثير و رجعت كمان على شغلها و احنا رجعنا بيتنا اليوم هناك ما كان في انترنت.. أم زوجي رافضة تماماً عشان دراسة عيالها ما تتأثر فما كان في مجال أدخل و اقولكم عن إللي صار قبل الحين إن شاء الله راجعه بعدين بعد ما ارتاح و أرد عليكم مشكورين حبايبي |
ماشاء الله عليك يا لوفي ..
عجبتني وقفتك معها في مرضها .. :) و الحمد لله على سلامتها و سلامتك .. |
الحمد لله على سلامتكم جميعا نسال لها الشفاء العاجل .
|
أختي الكريمة ما شاء الله تبارك الرحمن العلاقة بينكما حلوة الله يديم عليكم السعادة |
ماشاء الله عليك اسمحيلي أهنئك كل الي بتسوي بإذن الله مابيروح عليك
حابة اعلق على موضوع الاتصالات الواضح من كلامك انه سلفتك مشكلنجية ولها السبب حماتك دائماً تتصل فيها حتى ماتترك اي سبب لمشكلة آما انت ماشاء الله هي عارفه انه معدنك طيب ماعليك وماتسمحي لاحد يوسوسلك |
عادي ياأختي أهم شي أنتي تعملي الواجب معها يكفي أهم شي أمك تتصل فيك تهتم فيك خلاص هذا أهم شي
أنا تراني مثلك عمتي تحبني وتحترمني أكثر من سلفتي الثانيه وتقولها دائما بس مع ذلك تتصل في سلفتي أكثر مني أصلا أنا نادر تتصل فيني ألا أذا بغت شي بس عادي بحكم أن سلفتي أكبر يعني عشرة عمر معها وأولادها بالمدارس فاتتصل تتطمن مافيها شي وماعمري فكرت بالموضوع حطي في بالك حديث الرسول صلى الله عليه وسلم (حب لأخيك ماتحب لنفسك) وصدقيني بترتاحي بس نصيحتي لك مره ثانيه أذا سلفتك غلطت على عمتك صرفيها من غير ماتشعر علشان ماتحقد عليك وعلشان ماتتمادى بالغلط |
اقتباس:
أهلاً عزيزتي يعني كيف ما خليت لها مجال تتصل،، يعني اتصل فالاسبوع مره أو إذا صرت مشغوله مع العيال أو إذا مرضوا مثلا يعدي إسبوعين من غير ما اتصل و في هذي الحاله أمي تتصل تسأل عن العيال و تعطيني نصايح أما أم زوجي أبداً ما تتصل مع انها عارفه مثلاً إنه عيال ابنها مريضين،، عتبت عليها مره بمزح و قلتلها أمي انتي أبداً ما تسألي عننا فجاوبت و قالت والله مره مشغلوله بالوظيفه ودراسة اولادها المراهقين على العموم مشكوره على مشاركتك أختي :) |
اقتباس:
أهلين بنورا الكروشه هههه ،، يلا هانت مابقالك كثير ان شاء الله إلا إنتي في أي إسبوع الحين نورا إللي أعرفه إنه عمتك في اليمن و طبعاً الاتصالات الدوليه غاليه من هناك لأوروبا، بعكس من أوروبا إلى هناك بس أنا عمتي في نفس البلد يعني بس ترفع الموبايل و خلاص، لا و كمان ببلاش لأننا نستخدم نفس خدمة ألاتصال والله ما أدور على المشاكل يا نورا.. بس محتاجه أفهم ليش ولا إتصال واحد،، معقوله مشكوره يا عسل :) |
اقتباس:
هههه عجبتني (بنت البطه السوداء) راح استعملها المره الجايه لو أمي ما إتصلت علي :27: معليش يا روح ما كان قصدي أقلب عليكي المواجع و لا تاخذي في خاطرك.. اعطيني رقمك و أنا أهلكك إتصالات بمناسبه و بدون مناسبه،، ولو احنا كم روح عندنا :) |
اقتباس:
أهلين حبيبتي.. عساكي بخير و عافيه إن شاء الله إذا تحليلك صحيح فخلاص من اليوم بسوي مشكله بيني و بين زوجي أشوف إذا بتتصل ولا لأ هههه ترى ما أمزح،، من جد نمثل يعني إننا متزاعلين،، أشوف كم مره راح تتصل :25: مشكوره عزيزتي :) |
اقتباس:
والله يا روح حزنت عليها المسكينه عندها 4 أولاد أكبرهم بعمر 20 و أصغرهم بعمر 13 سنه و طبعاً كلنا نعرف كيف الشباب و فوضتهم في البيت و خاصةً انهم ما هم لاحقين يساعدوها في البيت، كل واحد مشغول في دراسته و وظيفته أو نشاطاتهم من سباحه و كرة و أصحابهم هم طيبين و حبابين و اعاملهم مثل اخواني الصغار و يحترموني جداً فصعب علي أخليها لحالها و هي مريضه، و أساسا أنا فاضيه قاعده بالبيت ما وراي شي لا دراسه ولا وظيفه مشكوره يا قمر |
اقتباس:
الله يسلمك عزيزتي و جزاك الله كل خير :) |
اقتباس:
ما هذي المشكله... العلاقه بينا حلوه و اكثر من حلوه و مع ذلك ابدا ما تتصل اجل لو ما كانت حلوه بالله ايش كان صار :29: اللهم لك الحمد كما ينبغي لجلال وجهك و عظيم سلطانك مشكوره عزيزتي :) |
اقتباس:
هو فعلا في مشاكل بين سلفتي و زوجها,, و ياما زوجها اتصل يشتكي من تصرفاتها و علاقة سلفتي بأم زوجي جدا رسميه. يعني سلفتي ما تتصل عليها الا لمصلحه و علاقتي بسلفتي عاديه. تتصل احيانا و تسلم و تسئل عن العيال و حال الدنيا يعني, مشكوره عزيزتي :) |
اقتباس:
اهلين ندى كيفك يا كروشه انتي كمان :d في نقطه انتي ذكرتيها مهمه جدا غابت عن بالي و هي "عشرة عمر بينهم" ,, يعني ام زوجي تعرف سلفتي قرابة ال11 سنه و عندها 6 عيال ما شاء الله تبارك الله يمكن هذا السر.. يعني تعرفها اكثر مني و علاقتهم اطول فتحتي عيني على نقطه جدا مهمه مشكوره حبيبتي :) |
سؤال يا بنات يا شطار << رايقه و فاضيه اليوم :22: هل معزة السلفه من معزة الإبن?? (ندى.. فتحتي علي باب ثاني الحين:( ) زوج سلفتي يكون اكبر اخوانه (البكر يعني) فهل ممكن اتصال ام زوجي على سلفتي نابع من ميول الأم لبكرها لا شعوريا? ما ادري فهمتوا علي.... على العموم خلاص انا استسلمت.. اتصلت ما اتصلت ما تفرق خلاص الحمدلله انه علاقتنا جدا حلوه و الله يديم علينا السعاده و راحة الباب :22: |
اقتباس:
الله يوفقك يا غلاي |
| الساعة الآن 06:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©