|
يا صبغة شعري اين ذهبتي
السلام عليكم ورحمة الله وبركاته
شلونكم حبيباتي وشخباركم بما اني بارجع الكويت بعد اسبوعين ان شاء الله على خير وبهالمناسبة المبجلة حبيت اني اغير اللوك فقلت ماكو الا اصبغ شعري وللعلم ما عمري صبغت شعري الا مرة وحدة قبل حوالي خمس سنين ورحت على boots واخترت اللون اللي عاجبني الا وهو اللون الاشقر الكراميل وناديت وحدة من اهلنا - تدرس في لندن حاليا - وهي كانت صاحبة صالون بالكويت عشان تصبغ شعري والنتيجة ما تغير لون شعري الا بنسبة بسييييييييييييييييييييييييطة جدا انا لون شعري الاساسي اشقر غامج على كستنائي واللي طلع لون بني غامج يعني اغمج من لون شعري الاصلي يادي البلوى :23: الحين شنو الحل هل اصيغ مرة ثانية والا انتظر مع الايام تفتح صبغتي الحالية والا شنو اسوي :rolleyes: احترت بشعري |
نصيحه اذا كنتي لسى صابغه لاتصبغين مرره ثانيه لانه يعدددم الشعرررررر مرررره
مالي بالصبغات كثييير بس يقولون بعد فتره يتغير اللون اختي في البدايه يفتتتح لون شعرها وبعدين يرررجع يغمممق للدرجة الي ببالها :) |
موهبة الكويت ليش ماتروحي احد صالونات لندن وتصبغين
اذا دخلتي الصالون اطلبي بارتشن و قولي لهم انك محجبة وتبغي بارتشن واللي تسويلك تكون بنت |
نصيحتي لا تعيدين الصبغ الآن لأنه سيعدم شعرك ...
أجلي موضوعه شوي وخلي شعرك يرتاح .. |
حبوبه إنتي تقولي صابغه قبل خمس سنين يعني امداه شعرك يتغير ليه ماتستخدمي مواد طبيعيه مثلا زي الحنه مع أعشاب ثانيه ولاماتحبي؟؟ إذا كنتي صابغه شعرك قريب إنتبهي تكرري التجربه حاليا لإنه رح يموت شعرك حرام إذا تبين تغيير قصي شعرك لوك جديدك مو متعودين عليه |
وعليكم السلاام والرحممه الحممد لله , دام شعرك ما خرب وبس صار اللون اغمق حلو . اهم شي شعرك نفسه ماانعدم فيه شي ,. جربي سوي هايلايت اذا تحبينه .؟ او خلااص غيري من قصه شعررك :d وبكذا سويتي نيو لوك :22: ربي يسعدك .. |
اشكرك اختي انفاس العطور على مرورك
انا ابي شعري يفتح زيادة الصبغة طلعت اغمق من لون شعري الاصلي هلا فيج اختي رولادا ما اعتقد ان زوجي يرضى اروح صالونات في لندن اختي رسيل مشكورة على مرورج بس الحمدلله شعري ما احس اخترب وايد اختي روح المساء انا صبغته قبل خمس سنين وراحت الصبغة ويوم الجمعة اللي طاف صبغته مرة ثانية بس بالبيت يعني مو بصالون بس الصبغة ما طلعت مثل ماهو حاطين عليها يعني انا اختر اللون الاشقر الكراميل واللي طلع لي لون بني غامج ابي اغير هاللون مو عاجبني هلا فيج هدوء المشاعر لا الحمدلله شعري ما اخترب ولا صار خشن الحمدلله بس اللون اغمج المشكلة ان اغمج من شعري الاصلي شاكرة مروروكم |
افضل حل انك تزوري الصالون و ما تجربي تحلي المشكلة وحدك
و لو تصبري شوي بفتح لون شعرك مع الوقت و كثرة الاستحمام بس بدك تصبري شهر شهرين ليفتح |
اشكرج اختي ماريا على مرورج
باصبر والاجر على الله |
انا لما اصبغ شعري بالبيت وهوه اسود بختار الصبغه اشقر ذهبي جدااا
ويالله يطلع بني ... يعني انتي ما اخترتي الدرجه صح الان لاتصبغي ثاني بتتعبي شعرك ريحي شعرك فتره وجربي عند صالون افضل موفقه |
بما انك جديدة في عالم الصبغات من بوتس
فااعادي حبيبتي لا تزعلي الي حصل معاك حصل معانا الالاف المرات لغاية ما تعلمنا :) شوفي بكلمك عن تجاارب لي و لاخواتي و لصديقاتي فكلنا ما نروح صالونات لانهم احيانا مايرضوا يصبغوا .. خوفا على شعورنا.. او بلاصح مايعرفوا يتعاملوا معها واحيانا مايرضوا يغطوا الصالون .. فا نلاقي صعوبة و مالنا غير اننا نقعد نجرب بشعورنا :) صيغات بوتس الحلو فيها انها ما تخرب الشعر .. بتكون خفيفة عالشعرة طبعا اول كنا ناخذ اللون اللي حابينه و نتامل انه بيطلع نفس المرسوم عالغلاف بس طبعا ابدا ماايطلع لانه شعورهم فاتحه و اصلا طبيعتها غيييييير شعورنا يعني مثلا بالنسبة لي و لاخواتي و صديقاتي اذا حبينا لون بني فااااااتح او مائل للكستنائي ناخذ اصفر درجة 9 او 8 .. فاتح جدا .. و يطلع بني فاتح اذا حابة احمر .. خذي اللي رايح عالوردي و هكذا يعني تاخذي افتح درجة من اللون اللي حاباه يستوي و طبعا مو شرط برضو يطلع .. عن انفسنا فا احنا بنصبغ احيانا 3 صبغات بنفس الاسبوع و احيانا كل اسبوع صبغة لغاية ما نوصل للون الي برؤسنا :) يعني مختبر .. فاذا قلبك قوي اقعدي صبغي و اذا خايفة استني كلها فترة بسيطة و ترجعي الكويت و هناك سوي الي تبيه و انتي مطمئنة على فكرة في الحين نزلت لوريال للشعر الاسود .. ممكن يطلع اللون اللي تحبيه من اول مرة .. جربيها |
مشكورة يا نورة افدتيني وايد
ماكو الا اجرب مرة ثانية اشتري صبغة للون الاسود مع ان شعر الاصلي مو لونه اسود لان الصبغة كلش كلش مو بالعتها انزين بما ان صبغاتهم خفيفة على الشعر تنصحيني اجرب مرة ثانية؟؟؟ انا ابي لون ذهبي او نحاسي اخذ درجة 9؟؟؟ |
اقتباس:
مشكورة حبيبتي على مرورك والله توني ادري ان الدرجة اللي يحطونها بالغلاف غير واللي تطلع لنا غير |
موهبة لا لا لا لا اياك و الاسود
اذا مو بالعة الصبغة سوي لون بنى وهو بيطلع اسود لكن لو سويتي اسود بيطلع حاااااااااااالك السواد لدرجة مفجعة جربته قبل و اول ماشفت نفسي بالمرايا انفجعت :) و مارضت تروح الصبغة رغم انها كانت صبغة مؤقتة مو دائمة بالنسبة للون اللي انتي تبيه ماقدر انصحك اي درجة تاخذي زي ماقلت لك احنا بنجرب على شعورنا اختي اخذت افتح درجات البني مايل للاشقر و طلع بشعرها بنتي فاتح رووعة بس انا ما طلع :( جارتي سوت اشقر درجة 9 و طلع نحاااااسي رووووعة لانه اساسا لون شعرها مايل للشقار بحكم انه فيها عرق انجليزي بس لما جربته طلع بشعري بني :) فا صعب تحكمي .... الافضل و الاسلم تسوي بني عادي عشان بس تعادلي درجة اللون اللي طالع الان اللي كرهتيه و ما ترجعي الكويت روحي لكوافيرة شكلك تخافي على شعرك :) عشان كدا ماودي انصحك بالتجربة .. |
اقتباس:
نورة قصدك صبغات بوتس اللي هية boots و لا اللي الماركات التانية المتواجدة عند بوتس وازا اعندك صورة لصبغة اللوريال الجديدة حطيها الله يخليكي http://www.66n.com/forums/images/icons/girl.gif |
لا قصدي على لوريال
بتحصلي على الغلاف طبعة ذهبية مدورة ... بدور لك على صورة اعطيني بعضا من السويعات :) لاني قايمة افطر يوسف بس على فكرة مو معناها انه اذا بدك اشقر تاخذي لون اشقر :) لا لا لا ... كونها للون الاسود يعني تاخذي درجة افتح بشوية يعني اذا بدك اشقر بني ما تاخذي لون 9 او 8 و انما تاخي 6 مثلا و هكذا فهمتي علي الفرق انها احسن من غيرها بتبين |
انا اخذت لون اشقر طلع احمر نحاسي و الاولاد و ابوهم كرهوني فيه
بعد سنه شعري صار نص نص استنى يطول اكثر حتى اخلص من النص الي تحت حنيته مره شويه اتعدل اللون و رطب الشعر يمكن بالاجازه احنيه مرتين لعل وعسى يتعدلا لحال اي مقترحات |
يا قلبي يا نورة مو قصدي اصبغ اسود
قصدي استخدم الصبغة اللي حق الشعر الاسود كون شعورنا مو شقرا مثلهم نفس ما انتي قلتيلي عموما اسم صبغتي اللي حطيتها وما طلعت هي lihgtest ****en brown 7.3 اخاف انسخ الصورة وعليها وجه امراة يحذفونها الادارة باحاول ادور صبغة افتح وانا فعلا اخاف على كل ذرة بجسمي والله المستعان اختي الغربة مرة انا سمعت ان الحنة بعد الصبغة مو زين بس حاولي تحطين مع الحنة قهوة او تغلين باذنجان وتستخدمي الماي في عجين الحنة وربي ييسر امورنا والله توهقنا بشعورنا |
اقتباس:
و مشان اللون انا ما بدي اشقر بدي متل لون شعري قبل ما البس الحجاب كان يتأثر بالشمس و يطلع كتير حلو يعني درجة وحدة افتح من شعري الحالي خلينا نقول كستنائي فاتح او اشقر غامق عرفتي كيف؟:25: سؤال جربتي انتي او خواتك تحطوا صبغة فوق الهايلايت ؟ (هايلايت بلاتيني) اذا ايه ، شو طلع؟ |
موهبة دامك خوااافة لا تغامري :)
غربة انا حنيت بعد الصبغة و كنت عاملة هايلايت كمان شعري اترطب جدا جدا و صار لونه احمر الهايلات صارت احمر و الشعر لونه احمر داااااكن طلع حللو و الحين كل اسبوعين احنيه ماشاء الله صار ارطب و احلى و احسن و اكثر صحي و لمعان و اللون احمر قااتم و كل ما غسلته بيفتح طبعا .... ماريا ايوة جربت هايلات بس مش بلاتيني .. عملت احمر صبغت شعري بني و طبعا طلع بني دااااكن و عملت خصل (باستخدام القبعة ) و عملت لهم بليتش لين صفر لونهم و بعدين حطيت صبغة حمرا مايلة للبنك الداكن و طللللع حلو صراحة بس مشكلة الاحمر انه بسرعة بيروح فكنت اصبغه كل شهر مرة اختي جربت شي ثاني وحدة منهم ماشاء الله جريئة اشترت بليتش و عملته بشعرها كله (كانه حنا :) ) و غسلته اتخيييلي مدى شجاعتها و بعدين سوت لون ثاني عليه يمكن بني فاتح وطلع الللون رووووعة بس صراحة ما انصح بهذا الشي ابدا و بهدلتها عليه بس ما تسمع الكلام الله يهديها و الحمدلله ماصار لشعرها شي |
اقتباس:
شو هالمغامرات هي ، لا لا ما رح جرب هيك شي:24: عمري ما عملت خصل إلا بالصالون و كلا بلفوها بورق او نايلون و بعيدة عن الجذر بس كتير بسألوني اذا صابغة من قبل و لا لأ لأنه بطلع اللون اخضر لو كان الهايلايت فوق الصبغة :21: بس ايام بريد اعمل العكس يعني بدي اخلص من الهايلايت و ارجع للون شعري الاصلي بدون ما قصو و بخاف يطلع شي برتقالي و صير نكتة :29: |
موهبه الصبغه صار لها سنه ونص
و حطيت مع الحنه قهوه طلع لونها روعه شغلنا كله على ميه بيضا قلبت مصري نورا بلنسبه للحنه فعلا طلع خطير يحتاج لي اكرر العمليه سويتها قبل شهر و حا اعملها باذن الله باجازه الاولاد باولها و باخرها صاروا اسبوعين يمكن يغمق لون الصبغه اكثر ماريا انا مثلك اترك الشعر يطول بلا فضايحبس سامعه ناس تحط ليمون علشعر ويقعدو علشمس يفتح بس هاي اي شمس الي راح تقعدي عليها :23: |
صراحة انا مانصح بالصبغات للشعر لانو مع الوقت بشيب الشعر بشكل غير طبيعي
وما في احسن من الصبغات الطبيعية انا زمان كنت دايما اسوي خلطة تعطيني لون زي القهوة بس افتح شوي والخلطة كالتالي كنت اخد شوية من الغبرة الاوكسيدون( ما ادري شنو اسمها عندكم بس هدي اللي يعملوها عشان الخصلات الشقرة الميش ) وازيد عليهاعصير ليمونة ونسكافي وبيضة +ملعقة زيت زيتون وبعدين اخلطهم زين واحطهم على الشعر كله زي الحنة وبعدها اجلس بالشمس او اسخنها بالسشوار وطبعا اكون مغطية بالنايلون وتعالي شوفي اللون الحلو الكل يقعدو يسالوني عن رقم الصبغة فاقول لهم هدا سر المهنة ادا حبيتي تجربيه حطيه على خصلة تحت الشعر فادا عجبك سويه وادا ما عجبك اللون ماراح يضيع شعرك اتمنى لك التوفيق |
مشكورة حبيبتي نونو
بس من وين اشتري هذي الغبرة الاكسيدون؟؟ اخر التطورات اليوم رحت شريت صبغة من اوريال من بوتس <<<<<<<<<< الظاهر محد مربحهم غيري رقمها 9.3 حاولت اني انسخ اللون بس ما قدرت بليز قولولي رايكم طبعا الصبغة اللي الحين حاطتها رقمها 7.3 من لوريال |
حبيبتي موهبة اكيد راح تلقينها عند محلات بيع المكياج وادوات التجميل
|
مشكورة نونو
باشوف يمكن القاها في بوتس |
انا ما اعرف الصبغه اللي ذكرتيها
ملاحظة حبيبتي إذا حابة تصبغي مره ثانية جربي على خصلة تحت الشعر واتركي الصبغه على شعرك فترة أطول من المحددة بحيث لاتزيد عن ساعه ونص بالنسبة لك الحين خذي لون اشقر رمادي فاتح وجربيه على خصله زي ماقلتلك وشوفي النتيجه واصبغي الشعر بدون الجذور وقبل الوقت المحدد بنصف ساعة اصبغي الجذور موفقه يارب |
هلا موهبه
تعرفين ليه غمق شعرك لإن الوقت الذي تركتيه على شعرك قصير بالنسبه للون شعرك !! فهو تفاعل مع اللون فقط وما استنيتي عليه يثبت اللون طيب موهبه ما جربتي غارنيييه الوانها تكون طبيعيه غالبا وتفتح اللون إذا طولت الصبغه على شعرك00 لمدة ساعتين مثلا اختاري منها رقم 7 او 6 حلوين وهادييين او 601 او هير بانتت 00 بدون امونيا الوانها مش بطاله 00 |
حبيبتي رواء الايمان
مشكورة على النصيحة انا اللون اللي ماخذته هو اصفر فاتح ومعاه لمعه بس مو ذهبي حبيبتي شقردية يمكن صح كلامج بي انا حطيتها نص ساعة مثل ما هم كاتبين بالتعليمات وهذي اول مرة أصبغ شعري بالبيت الحين المرة الجاية ان شاء الله باجرب خصلة من داخل الشعر واذا اضبطت باجرب على شعري كله باصير محط للتجارب انتظروا النتيجة ودعواتكم لي |
محطه تجارب
هذا هو حال المغتربين الله المستعان |
| الساعة الآن 08:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©