[مميز] يامحلا الخزامى مع قهوة بريه وروح هنيه
 

http://www.66n.com/pics/hosted/ny292...tjajs467ji.gif

السلام عليكم ورحمة الله وبركاته
مساء / صباح الخيرات على الجميع ::: هلا يالربع
على طاري البر :: والأجواء الرايقه هذه الأيام :: وعطيات الملك اللي يبارك بعمره

http://www14.0zz0.com/2011/03/28/22/865275105.jpg


اليوم يكون غير ومميز :: للمتميزين فقط
منك لزوجتك :: يوم اللافندر ( الخزامى )

http://www2.0zz0.com/2011/03/28/21/661985637.jpg

مفاجئه بأحلى وابهى مكان

http://www2.0zz0.com/thumbs/2011/03/28/21/381153226.jpg

اكيد غالبية الرجال يعشقون البراري وانت واحد منهم
وليش ما نغير ونجعل استجمامنا فيها يوم متميز لك ولزوجتك

ياماحلا المجلاس بأرض خليه = في روضة فيها الخزامى مزاهير ...
رحله بريه
الشموع ::: حطب سمر ( لون عنابي ) رومانسي اكثر

http://www2.0zz0.com/2011/03/28/21/384376375.jpg
العطور ::: عود كمبودي على الجمر
العصير::: كل يوم عصير :: اليوم حليب في دلة اثريه
او قهوه وشاي والسلاااام ::: لا اتكلف

http://www2.0zz0.com/2011/03/28/21/773155123.jpg

الحلا ::: كت كات او قشده على الحطب ( زبده _ طحين بر _ تمر_ زبادي )
الورود ::: اركن سيارتك في روضة فيها الخزامى مزاهير

http://www2.0zz0.com/2011/03/28/21/170135474.jpg

او أي من ورود البراري اللي تعشقه ::: لا اتعذر
العشاء ::: خبز على الصاج _ توصي زوجتك تخبزه وتفرده او اعجنه انت بيدياتك ( طحين _ زيت
_ ماء _ شوية خميره )
او تمر على أي مطعم يجهزلك خبز مفرود بدون طبخ :: والحشوات على ما ترغبون من اجبان او صلصات
اوغيره ويكون بنفس الوقت طازج ولذبذ 00 او على ما تحبون 0

هذا تشويق للخبز فقط لا غير0000

http://www2.0zz0.com/2011/03/28/21/669112590.jpg

وضروري تجهز لك سوالف خاثره ( لها معنى )
شعر في زوجتك :: ولو بيت واحد او نثر
تفاجئها بصوره لها وهي غافله ( تصورها وهي ما تدري ) لو تكون نايمه مثلا
وعليها كلمات بسيطه منك
تهديها كتاب تحب انت إنها تقراه ويكون من ذوقك وعلى ذوقها
العبو لعبة البر الأثريه الشعبيه :: والفايز يطلب امنيه من شريكه **


فاجئها بشئ تحبه وناسيته من زمااااان :: شغل مخك
خليها تتمنى لك ومنك امنيه واحده فقط ::: خليها تفكر ولا تستعجل

وطبعا قبل الخروج :: إلى رومانسية البر
جهز على السرير لوحه صغيره تكتب فيه اهداء لها :: الامر إختياري
تجهيز لباس تتمنى تشوفه عليها
مع وردة لا فندر ( خزامى ) وتجهيز التواليت
http://www2.0zz0.com/2011/03/28/21/880527515.jpg

مع عطر من ذوقك او عطر نفسها فيه
او عطر من مكوناته خزامى

http://www2.0zz0.com/2011/03/28/22/238110196.jpg

قبل وداع روضة الخزامى
لا تنسى تصوير المكان ::

http://www2.0zz0.com/2011/03/28/21/635115107.jpg

واخذ من الخزامى للبيت وتجفيفه وللذكرى الحلوه ولهدوء اعصابكم 00

http://www2.0zz0.com/thumbs/2011/03/28/22/387831901.jpg


لإنكم لا بد بتشتاقون :: وبيأسركم الحنين للمكان
والله لا يهنيكم ::: تأخذون حصى حلو املس من البر لتعملوا مساج بعد هبايب البر**

http://www2.0zz0.com/2011/03/28/21/226884332.jpg

ملا حظات ذات اهميه 00
احرص أن تكون المفاجئه التاليه منها للتجديد والتغيير والإستمرار
:: إذا زوجتك ما تحب البر ابدا ابدا :: وديها اقرب استراحه تفي بالغرض وتزيييييد

http://www2.0zz0.com/2011/03/28/22/475513970.jpg


وتمسون على خير يا الأجوايد
وارجو التطبيق مع كامل الحقوق المحفوظه
والله يهني كل زوجين ويسعدهم

[http://www2.0zz0.com/thumbs/2011/03/28/22/831422818.jpg/]

يالبى قلبك ياشقرديه اشتقت لك من زمان عنكم

وش هالجمال الخلاب وروائح الطبيعة تكفيييين خذيني وارميني في هالاجواااء محتاجتها

اشتقت للبر شكلي بكشت مع اهلي

الله أكبر الله أكبر الله أكبر


ماشاء الله تبارك الله عليك ياشقردية .. أنا معجبه بأفكارررررك جدا جدا .. والله طلعت خطيرررررررررررررررررة :22::22::22:


وأنا أقول مامعنى شقردية ؟؟؟؟!!!!!!!!! :)


الله يحفظك ويزيدك من واسع فضله ..


مــــــاشـــــــــــــــــــــــــــــــــــاء الله تبارك الله


:17::17::17:

موضوع جميل عطر القسم وفاح رائحة الخزامى فيه
ابدعتي اختي الفاضلة وصحبتينا برحلة رائعة
ففي البر جمال وراحة غريبة ينسى الواحد همومة ويجدد حياته

ما شاء الله تبارك الله يا أم هشام هاذا وقته تأججين المشاعر وتخليني أنقهر على هالمناظر الخلابه والجذابه عاد كيف لو عندك ناقة حلوب ومعزتين وبيت شعر يازينها زيناه
بلا مكيفات ولا غاز ولا كهرباء طبيعه ويامحلا الطبيعه عاد الخبز البر إللي ينعجن وينخبز بين الجمر ويغطونه بالجمر وبعدين تطلعه وتحت معاه سمن وعسل بلدي وتجلس تقطع الخبز وتغمسها بالسمن والعسل وتاكلها لها طعم يجنن وبالذات لوطلعت الخبزه مقرمشه من برى ياسلام تهبل حنا نطلع البر دائما زوجي من عشاق البر ونطبخ على الحطب السمر ونضبط القهوه والشاي على الفحم ونحنذ اللحم بالتنور ونخبز الخبز بالتنور أحيانا بالبر نفتح مندي أنا وزوجي لو طلعنا للبر مره أخذنا تيس من التيوس الصغار وطلعنا البر ذبحناه وسلخناه هناك بالبر وعلقناه بجذع شجره وتعالي و شوفي منقل الفحم شاب نار والتنور ولعنا الحطب فيه ومافيه إلا قوة شوي وحنيذ طازج من الذبيحه نغسله ونحط بهارات وعلى طول نحط بالأسياخ وإلا مع قصدير في بطن التنور وبصراحه لنا طلعات ماتنسى أبد في جبال وبراري بعضها مصوره بفديو لذكرى موضوعك هاذا قلب المواجع لأن زوجي خميس وجمعه ما أشوف وجهه إلا ساعتين ويروح دوامه مرابط وأنتي تعرفين إن حنا مانفضى إلا هاذي اليومين عندنا عطله باقي الأيام دراسه ومذاكرة العيال يعني إن مسكنا العيال طار الرجل وإن مسكنا الرجل طار العيال الله المستعان وبصراحه الصور إللي جايبتيها تجنن من جد ماشاء الله عليك دائما مواضيعك حلوه وتفتح النفس وخفيفه وأنا عاجبتني ومن مؤيدينها بس بسألك في البر عندكم ضبان مثل ماعندنا عندنا واجد ضبان ويصيدوها بالهبل ويقولون طعمها يجنن بس أنا ماقد ذقتها بس أسمع زوجي يقول أخوياه يمدحون كبستها يقولون حلوه إيش رأيك يا أم هشام بالضبان
أستنى ردك .

بنت الحكمي بتجنني :23:


كمان ذباحه وصيادة ضباااااااااااااااااااااااااااااااااااااااااااان


لالالالالالالالالالالالالالالالالا يابنت الحكمي :d


وتسألين شقردية عن طعم الضباااااااااااااااااااااان


أنا أقولك طعمها مقرمش مع الكتشاب والمايونيز ياسلالالالالالالالالالالالالالالالالالام



الله يسامحني :25:

الله يسعدك اختي شقرديه ويهنيك
من جد شي حلو

عز الله زوجي ذبحني ببره وطعوسه وتطعيسه بعد

اما رسيل ههههههههههه لا واذا شافوا ( القشع ) ينبسطوووووون كنهم شاايفين غابات

ماااااادري اش يحسون فيه

تسلمين يااااشقرديه وعسا زوجي يدخل موضوعك يشوف تطور البراري

هلا اخواتي 00
اعذروني على التأخير في الرد 00
للأسف كتبت ردين ** وطااااارووا مدري وين راحوا** العذر منكم يا احلى حبوبات والسمووووحه

هلا فيك مشتاقه 00
والله انتي اللي ميه بيضا يا بيضا :d

الله ييسر امر جوزك وان شاالله ياخد فوق الممتااااز ممتاز00
مشكوووره يا عسل

هلا مودي 00
يا لبي قلبك انتي والإريحيه اللي المسها في ردودك 00
الله يزيدك من فضله 00
الا والله يا مودي الكشتات الحلوه 00 ترد الروح 00لا تفوتين هالأجواء
مشكوره يا الغلا

هلا قلبي حنون 00
والله إحنا ماعندنا بحر !! ونروح البحر :d

والله ازواجنا حلوين وطيبين 00 وإحنا نستاهل :25:
مشكوره يا حبيبه


هلا نوره00
خلاص مافيه الحين إلا الرجال يدلعونا :22:
كفايه دلعناهم كثييييير مو واجد :24:
الله يقومك بالسلامه ويقر عينك يا ام الكروشه 0000


هلا فيك اختي مرور كرام
تسلمين على الكلمات الحلوه يا عسل00
مشكوووره

هلا جنان
الله يسلم عمرك يا حبيبه
والله يبارك فيك 00مشكوووره

هلا رسوله
حلوووووه ::: ما اواطن <<<<< كلمه من قلب
رسيل 00هايدي 00 في الجنه إن شاء الله 00
والا اقول نروح نكشت في اوروبا إحنا وسمرنا وضبانا :d

والله شوفي عاااد مافيه مثل برنا وصمانا 00 وروحي للطعوس والرمال
وشوفي شوفي الزين ** ما ني معلمتك وين فيه :23:

http://www6.0zz0.com/2011/04/01/20/405119403.jpg

والا اقولك وش رايك نمر عليك انا وام سلطان شكلها والله سنافيه وراعية بر00
مو مثلك تتعنفك <<<<< اتحداك تفهمينها ( رد على ما اواطن ) :30:

مشكووره يا عسل


هلا احب زوجي 00
يعافيك ربي 00
لاااا والشئ المشجع إن ما فيه ولا ربع رد لهم <<< < شكلهم مقاطعين الرومانس هاليومين او مقاطعين البر:(

وكل الشكر لك على شعار التميز 00
دمتي حبيبه

هلا فيك سحابه00
الله يعطر ايامك بذكره 00
ومشكووره على الكلمات الحلوه منك 00

هلا ام سلطان 00
يا زينك ويا زين سواليفك 00 توسع الصدر الله يهنيك باحبابك يا قلبي 00
ان شاء الله ياخذ ابوسلطانن إجااازه وتتهنون بالاجواء الحلوه 00
ولو ما اخذ اإجااازه انا اوديك واطبخ لك التيس <<<<< لكن من بيذبحه لنا :d
ايييه ما عليه نلاقى راعي ابل يذبحه ويشلخه ويشويه :25:

كبسة ضبان :24:
شكلنا بنقلب الموضوع ضبان !! خوووووش رومانس 00
مثل هاذي 00 فضلا اصحاب القلوب الضعيفه 00لا ينزلون تحت :30:







http://www6.0zz0.com/2011/04/01/20/783189420.jpg

يا ربييه 00وشلون ياكلونه 00ما ودي اناظره
مشكوووره يا ام سلطان 00


هلا في رجا الله
الله يسلمك على الكلام الحلو مثلك
شكرا يا عسل

هلا شوكه بين الورد
اهم حاجه يطبق بعلك المصووون
مشكووره يا قلبي 00

هلا نونو
الله يحلي ايامك يا ام سامي

اي والله ريحة الخزامى خياااي 00الله لا يحرمنا

الخبز قصدكم على هذا 00

http://www6.0zz0.com/2011/04/01/21/467797230.jpg

ومشكوره يا عسل

=اميرة الرومنسيه;2595645]عز الله زوجي ذبحني ببره وطعوسه وتطعيسه بعد

اما رسيل ههههههههههه لا واذا شافوا ( القشع ) ينبسطوووووون كنهم شاايفين غابات

ماااااادري اش يحسون فيه

تسلمين يااااشقرديه وعسا زوجي يدخل موضوعك يشوف تطور البراري[/QUOTE]

هلا اميره 00
اووووه الموضوع ضابط عليك انتي وزوجك ميه ميه00
انتي رومانسيه وزوجك راعي بر :22:
يا الله 00 خليه يعملك حتة رومانسيه من دي 00 رومانسية خزامى :14:

برارينا متطوره من يوم يومها :d احلى براري في العالم :26:

مشكوره يا اميره يا عسل

ههههههههههههههههههههههههههههههههههههههه

لالاالالالا نونو عشاق الضبان حيزعلوا عليك 00:d:d:d
الكبسه اللي فوق مش للنباتيين خااالص :d:d:d

ولا فيها جزر ولا بطيخ احمر :d

دي للي بياكلوا ضبان
مثل اللي في الصوره
بسم الله عليك 00




http://www6.0zz0.com/2011/04/01/22/123141705.jpg

بسم الله عليكم الرحمن الرحيم 00
لا تخافون ترى كلهم موتينهم بالمسدس حق بنت الحكمي :24:

راح الموضوع الرومانس <<<<<<< الله يرحمه :21:

ماشاء الله تبارك الله عليك ياأم هشام صافتهم لنا طابور والا الصحن إللي فوق يفتح النفس بس ناقص صحن سلطه وبالنسبه لسؤالك كيف ياكلونه أتوقع يبتدو من بداية عكرته قرررمش قرررمش قررررمش حتى يوصلوا لراسه وبعدين يكملون على الرأس بعدين ترى أنا مره قرأت في موضو ع بحث لباحث سعودي عن فصائل الضبان وفوائدها وقال إن أحسن ضبان الضبان إللي في براري الرياض وتتبعها ضبان القصيم وحنا جاء مركزنا الثالث أفضلها ضبان الرياض علشان البروتينات الضروريه توجد فيها بكثره وطبعا العكره مشهوره بالفوائد إللي تحتويها ومانبغى نقولها أخاف الضبان تنقرض لو قلتها وتصير لها إباده جماعيه من الناس وبالنسبه إن أبو سلطان ياخذ إجازه ونطلع أبشرك غيرو دوامه صار يداوم مع دوريات رجال الهيئه حطوه معاهم رجل أمن بإسكان المدينه العسكريه وصار دوامه مريح مو مثل أول كنا خميس وجمعه مانشوف وجهه إلا سويعات قليله وأ كيد خميس وجمعه بنطلع بإذن الله وبالنسبه لذ باحه ترى أنا أعرف أذبح وأسلخ تيوس خرفان دجاج والله إني صادقه ياشقرديه حتى زوجي دايم يقول لي أنتي ماعمري سمعتك تقولي لشئ ما أفهم ولا أعرف فيه وبقول لك قصة أول ذبيحه ذبحتها كانت عند أهلي جاء عندنا ضيف من بعيد واحد يقرب أبوي وأبوي كان مسافر عنا راح جده وإخواني الكبار مافيه أحد منهم موجود كلهم بالسوق في محل للوالد حق أقمشه طبعا ضيفنا قال لإخواني الصغار إذا أبوك مو فيه وإخوانك بيتأخرون فأنا أبغى أتيسر بمشي أرسلت أمي له واحد من إخواني كان عمره 15 سنه يقوله عقب الغداء إخواني يجون من السوق ويودنه للمطار إذا كان مستعجل الرجل كبير بالسن وجاء في سياره مشوار طبعا هو جاء زياره لإخوانه في منطقه أخرى و مر علينا يحسب الوالد موجود بيسلم عليه لأنه ولد عمه وبيسافر المهم قال خلاص وأمي إنحاست وش تسوي قالت ضيف والله مايرو ح حتى نقوم بواجبه قالت لنا حنا البنات من فيكم تقدر تذبح لناخروف من حوشنا حق الغنم
طبعا أخواتي قلوبهم رهيفات مايتحملون وأنا نطيت شلت السكين وأسنه سن وقلت لها ياالله يا يمه أشري لي على الخروف إللي تبغينا نذبحه قالت تعالي بس لاتفشلينا الخروف يشرد وأنتي ما أجهزتي عليه والله طلعت لي الخروف من الحوش ومسكته وساعدوني إخواني كل واحد فيهم مسك الخروف من جهه وأنا بس وجهت وجهه للقبله وقلت الله أكبر وبسم الله الرحمن الرحيم
وذبحته وطلع الدم من رقبة الخروف كانه نافوره وأنا أذبع وأسمع عظام رقبته تطقطق من تحت السكين وأنا مواصله حتى وصلت لجلدة الرقبه والفرو وبعدها علقناه وسلخته ونظفته وقطعته وأمي جهزت الحطب والتنور وضبطناه وتغدى الضيف وراح ولما جاء أبوي وأمي قالت له السالفه باس راسي وقال أيوه هاذي بنتي إللي ترفع الراس و بيضت وجهي قدام ضيفنا وكافئني بهديه بعدها صرت نافخه ريشي والظاهر كان لوقال لي أبوي أبغاك تذبحي كان ذبحت زريبة الخرفان كلها هههههههههههه
معليش يا أم هشام طولت عليك بس حبيت أحكي لك أول مغامره لي وأنا أذبح خروف وبالنسبه لدجاج حنا كان عندنا دجاج مربينه بالبيت كنا نذبح منه ونطبخه طازج أول دجاجه ذبحتها أقسم بالله ياشقرديه مسكتها وجمعت جنحانها مع بعض للوراء وضغط عليها بطرف أصابع رجلي وحطيت السكين على رقبتها والسكين كان حاد مره والله ما امداني أروح وأجي به على رقبتها مرتين بس لفوق وتحت إلا وراسها إنخلع بيدي وجلست أطالع إلا و رقبتها مبتوره وأدور وين راسها راح اطالع إلا و أنا ماسكته بيدي والدجاجه بلا راس بسرعه إنقطع راسها طبعا هاذا بالنسبه لذبح الدجاج ماعاد باقي إلا الحاشي ما نحرته بس بجرب بعدين أحكي لك عنه .

ما شاء الله موضوع متميز فعلاً يحتوي أفكاراً عملية وسهله
قابلة للتطبيق من أغلب الناس
وغير مكلفه ماديا
حتى من لديه رغبة قليلة بالتغيير يستطيع تنفيذ أفكارك .
هذه نوعية الأفكار التي نحتاجها , خلاف بعض الأفكار الأخرى
التي تبدو مثالية جداً أو غير واقعيه
أو مكلفة مادياً لكثير من الناس , وتحتاج جهد مضني لتطبيقها .

هههههههههههههه

يا عمري يا رسيل ** وحام البكر شئ - اسأليني انا 00000
زين ما كان في المجله ديناصور :d



نونو هاا الظاهر خاص لأهل الجزيره العربيه فقط وليس عااالمي 00 على ما اظن

هههههههههههههههههههه

ما شاء الله يا سلطان
ايه الحلاوه دي 00
انا اشهد انك سنافيه وينشد بك الظهر **

انتي بكذا الغيتي دور الرجل 00بكامل هيبته وقوته وشواربه :22:
يا سلاااام 00زوجكشكله حاط رجل على رجل في البيت :23:

الله يهنيك ويسعدك ويبارك لك في حياتك يا احلى ام سلطان بالدنيا



حياك الله اخي الفاضل ابو حكيم

شاكره مرورك وإطراءك 00 مقدار شكر تغني عن الف من رجال المنتدى00

شقرديه
خيتي
هو انتو تاكلون ضب
بس من وين تجيبوه

السلام عليكم ورحمة الله وبركااته
شوفي يالشقردية الحلوة , ذات الموضوع الحلو:d, كل شي في الموضوع حلو والردود والصورأحلى , إلا صورة الضبااان .
طيب شوفي أنا البر راابطته في مخيلتي بأبوي الله يرحمه , أبوي كاان يصيد حماام , أرانب ح با ري (خايفة من حمااية الحياة الفطرية) كلها أشياء تفتح النفس , بس الضباان ماكانت من قاموسه , إلا تحت إلحاح عزيز عليه يصيده تحت الطلب .
ماااات أبوي وماات حب البر من قلبي , حتى لو صار وطلعنا ماأحسه بمتعة طلعتنا معه .

زوجي مايحب الطلعاات ولا هو رااعي بر لا من قريب ولابعيد, بس لو حصلت معه طلعة ماراح نمانع بنطير من الفرح لأنه راح يكون معجزة كبيرة وتحول كبير في حياة رجا الله ورعيتها.:d

بنت الحكمي ماشاء الله قلبك قوي , أنا مااحب أشوف منظر الدم ولا الذباايح تذبح , مع أني أحب براامج الحيوناات لكن في حالة إفترااس أغير القنااة, بس أنت سنااافية وينشد بك الظهر .

هلا فيك سيلا 00
لا والله وخيتي ما ناكله 00هو ( تخصص رجال )
اللي ياكلونه الرجال ودائما يطبخوه في البر عادة00 نادر يطبخوه في البيت

رجعت لردي الاخير يا سيلا 00 مشخبط شخابيط :d
اعذريني 00 ومشكوره على هالطله الحلوه


وعليكم السلام ورحمة الله وبركاته
هلا فيك رجا00
ابوك زي ابوي بالتمااام 00 الله يرحمهم ويغفرلهم 00الكشتات معهم غييييير

لكن ابوك يصيد حمام !! ولا قصدك الطيور الصغيره مثل القماري 00 او الحباري 00
زي هالكبسه يمي يمي 00 لذيذه 00 وطعمه


http://www2.0zz0.com/2011/04/02/20/507023583.jpg


**كانت امي تطبخها الله يرحمها ويغفرلها0
في ررجا الله هيضت الشوق والذكرياااات 00 الله المستعان
مشكوووره يا الحبيبه


بتجي نونو ام سامي بتقول هذا بطاطس :26:
ابقصر عليك العنوه يا نونو واقولك هذا ( قماري ) حمام مقاس صغير :27:

حلوووووو ** الموضوع قلب كبسات على كيف كيقك 00 بلا رومانس بلا هباب بر 000 :23:

أعطيتني أكبر من حجمي وما لا أستحقه
رجال المنتدى فيهم الخير والبركه .

أعتب عليكِ - عتاب أخوي - بإدراجك صورة الضبان التي شوهت الموضوع .

هلا سيلا 00
طيب تصيدوه مثلنا00 او تشتروه من السوبرماركت

هلا فيك اخي ابوحكيم 00
للتوضيح فقط ** شكري لك في هذا الموضوع يغني عن شكر الف من رجال المنتدى **
لإنك الرجل الوحيد الذي رد على الموضوع 00
ورجال المنتدى كلهم اخواني ولهم كل حشيمه وقدر00

اما على صورة الضبان 00 فإذا ضايقتك فالعذر والسموحه 00
ومن ناحية شوهت 00إلا قلبت الموضوع فوق تحت :29: