|
كيف استخدم المسك
السلام عليكم ورحمة الله وبركاته ..
انا فتاة لم اتزوج .. سمعت ان المسك زين بعد الطهاره من الدوره .. لان احس برائحه كريهه دائما وانا ماعمري استخدمت شي وماعرف شي ولا عندي احد يعلمني ..وزيآده هواء يخرج من القبل ..! وانا مقبله على الزواج ان شاء الله .. وقريت مواضيع لبنات عن المسك انه زين .. انا شريت من القرشي مسك الطهاره سائل اسود .. وهو الاصلي شريت توله صغيره ب 200 .. بس المشكله ماعرف استخدمه !!! ممكن تساعدوني وتكونون مثل خواتي .. علموني كيف استخدمه وكيف اهتم ..! تكفوون .. لان مره متضايقه ماعرف شي .. |
عزيزتي روح انسانه.. في غسول للعناية بهذه المنطقه وهو غسول موجود بالصيديلات والسوبر ماركت الغسول الحميم اللطيف من care free غسول يومي بدون معطرات ممتاز جدا ومايعمل حساسيه تقدري تستخدميه في أي وقت.. وبعد أي غسله ياأختي لازم تنشفي المنطقه مزبوط بالمناديل.. انصحك انك تروحي لدكتورة نساء عشان تطمنك.. لانه خروج الهواء من هذه المنطقه عرض من أعراض الإلتهابات المهبليه..ولاتخافي علاجه سهل.. أما عن موضوع المسك صراحه ماعرف تماما .. بس الي اسمع بيه انك تخففيه وتستخدميه بقطنه نظيفه والي اعرفه انه لونه أبيض.؟؟ |
اختي روح تفضلي هذه الروابط لعلّها تفيدك
http://www.66n.com/forums/showthread...D8%E5%C7%D1%E5 http://www.66n.com/forums/showthread...D8%E5%C7%D1%E5 وفقكِ الله |
الله يجزاكم خير ..
اختي قلبي حنون .. ماقدر اروح لدكتوره لان سبق وقلت ل اختي قالت لا مايستاهل ..! بس انا افكر شلون اتزوج وانا ماعرف شي اصصلا ابي احد يفهمني وش اسوي وكيف اعتني بنفسي وكيف اتخلص من الهواء والرائحه .. اختي نظرة أمل .. انا ابي تجارب من البنات وابي احد يعلمني ويساعدني كأخت اذا ممكن .. والله يجزاكم خخيير .. لا تبخلون علي بنصايحكم .. |
هلا اختي الف مبروووك الزواج
ترى خروج الافرازات والهواء هو من قلة العناية بالدورة الشهرية انتي المفروض من الان تهتمي بنفسك يعني بأوقات الدورة ابعدي عن البارد والعصيرات والغازات والفواكه والخضار اللزجة والحامضة مثل الموز والبرتقال والليمون والباميا وتدفي زين ولاتمشين على ارضية باردة والبسي شرابات وبعد الافضل تغطين اذانك بطرحة والا تسدينهن بفاين !! واياكِ والجوع احرصي دايم تكونين شبعانة واحرصي على المشروبات الساخنة خاصة القرفة والنعناع والافضل ماتغسلين شعرك وإذا اضطريتي تدفي زين وفيه غسولات حلوه مثل سيباميد وكلوفاج وانتي سوي بحث بالنت كيفية العناية وقت الدورة وإن شاء الله تلقين الي يرضيك واتمنى اني اكون افدتك بالنسبة للمسك ماقد جربته بالتوفيق يالغلا |
اقتباس:
:22: اما المسكـ ... فتحطي نقطة واحدة فقطنه مبلله وتمسحي على المنطقة الحساسة بس لا تدخلية جوات المهبل لانكـ لسى بنت بس مسح من برااا وربي يوفقكـ في حياتكـ الزوجية |
الف مبروك الزواج يا عروسه:14: بالنسبه للمسك لم استعمله :25: و لكن بالنسبه للهواء الخارج من القبل فقد يكون ذلك بسبب ضعف عضلات قاع الحوض و هي العضلات التي تحمل كل العضاء الداخليه و يمكن تشبيهها بالملاءه المشدوده في حال الصحه :22: اما اذا ارتخت تلك العضلات فانها تصبح متهدله و غير مشدوده و بالتالي ترتخي ايضا العضلات المتحكمه في صمام المثانه :( و ينتج عنها في بعض النساء عرض السلس البولي و خروج قطرات من البول مع الكحه او العطس او الضحك :25: و قد ينتج عنها ارتخاء في عضلات المهبل و بالتالي خروج هذا الهواء :24: و يمكن التغلب على الامر عن طريق القيام بتمارين كيجل ابحثي عنها في جوجل و هي مبدئيا تعتمد علي القدره على التحكم في خروج البول و بالتالي تقويه العضلات المعنيه و الف سلامه عليك يا عروسه |
طيب ماعرف كيف اسوي هذي التمارين ..
وان شاء الله راح اهتم اكثر .. الله يجزااكم خيير .. نفعتوني كثثير .. لان ما عندي احد يعلمني شي .. وصرت اقرى واستغرب لما اقرى اشياء ما كنت اعرفها .. |
المسك خوذي منديل او قطنه وحطي عليها مسحه من المسك ورشي عليه شووي موويه
وامسحي عليه بس المسح يكون من فوق لتحت يعني من بدايه منطقه البكيني لتحت حتى في الدوره لما تجي تشيلي الكوتكس امسحي بهالطريقه قبل لاتغيرين الكوتكس والمسك يستخدم ثلاث ايام بعد الدوره بس وانصحك انصحك روحي لدكتووره حاولي بقدر الامكان لانها هي الي بتفيدك كثيير |
طييب فييييه مسك انتي تشترينه بس لازم تبشرينه عااارفه كيف تستخدمينه انا مااعرف له وشلووون؟؟؟؟؟؟؟؟؟؟؟
|
أنا الي أعرف أن مسك الطهاره لونه أبيض ومش غالي أما المسك الاسود الغالي هذا مومسك الطهاره هذا الي أعرفه من وحده من البنات كانت تستخدمه
وبصراحه وحده مره عملت محاضرة وقالت أن أستخدام مسك الطهاره مفيد جدا وأقتداء بأمهات المؤمنين بس الحين ماتضمني وين الاصلي |
مبروك عالزواج وصدقيني مع النت مراح تحصلي اي صعوبه كل شي فيه
وبالنسبه لخروج الهواء يمكن من المكيف خصوصا ايام الدوره والافرازات استخدمي الملح حطيه مع مويه وباذن الله ترتاحي |
غسول سيباميد حلووووو
|
، ياحبيبتي لاتشيلين هم وحنا أخواتك.. شوفي قلبي قبل فكرة المسك لازم ثم لازم ثم لازم تعتنين في نفسك روحي صيدلية وجيبي غسول-فيه انواع كثيرة- الغسول استخدميه يومياً بطريقة الشطف الخارجي نشفي المنطقة وملابسك لازم تتغير في اليوم مرتين وتكون قطنية وقت الدورة ضروري تركزي بالتدفئة والأخوات ماقصروا بالرد مع مسح اسفل البطن وقت الدورة بزيت دافي وفكس حتى يطرد الهواء والبرد احرصي بس ع التهوية والنظافة والتدفئة وقت الدورة وامورك إن شاءالله طيبه وربي يوفقك.. |
افضل مسك للمنطقه الحساسه هو مسك الطهاره الاسود والاصلي موجود عند عبدالصمد القرشي
ومايحتاج معروووف بهالشي القرشي ..اما الابيض اللي يقصدونه الاخوات لا مو مسك طهاره مسك عادي.. وزي ماقالوا بقطنه مبلوله وتمسحين مكان العفه من برا ..بالتوفيق.. |
بالنسبه لأستخدام المسك فالاخوات كفو ووفو
اما من ناحيه استخدام غسول فـ ما انصح الا بشي طبيعي اذا ما نفعك مرح يضرك عندك الملح المخفف بالماء بعد الدوره للتعقيم بس لا تستخدميه بشكل يومي وكذالك البابونج ممتاز للالتهابات اما خروج الهواء فهذه زياده افرازات كما اخبرتني الدكتوره اعتني بنفسك ايام الدوره من ناحيه المشروبات الساخنه قرفه نعنع يانسون ’’’’’ الخ موفقه |
اختي الهوا اللي يخرج مثل ماقالوا الاخوات بسبب عدم العنايه اتناء الدوره ابحثي بالنت عن النظام اللي تتبعه الوحده وقت الدوره واتبعيه وان شاء الله يروح هذا الهواء
|
| الساعة الآن 12:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©