|
الرجاء للي بيده نصيحه لا يبخل علي
السلا عليكم ورحمة الله وبركاته
انا رجل متزوج ولي اربع سنين زواج تقليدي يني ما كان بيننا قصة حب المهم يوم تزوجنا عشت معاها اسبوعين كانت احلى اسبوعين بس لسى قلبي ما بعد حبها لان الحب يجي بعد العشرة صار بيننا خلاف وظلينا يوم مامل ما نكمل بعض مع ان الموضوع تافه وما يستاهل كل هذا الزعل بس دلع البنات احيانا يكون ثقيل شوي وضرره عليها اكثر من نفعه وانشغلت نفسي عليها كيف اراضيها المهم رضت من نفسها بعد ماتعبتني وعشنا ليلة حلوة قمت الصبح وانا على خير حال ورحت مشوار وانا في المشوار انقابت نفسي وصرت احس نفسي ماني طايقها ولا احب اسولف معها والا اجلس معها ولين الحين وانا لا احبها مو بس كذا ما احب اذكرها وحياتي تغيرت من ذاك اليوم الين اليوم وانا لا ارى للحياة طعم ولا لون وانا محتار ابقى معها والا اطلقها مع العلم هي انسانه دينه وفيها مواصفات اللي كل زوج يتمناها في زوجته جميلة وخلوقة وراعية بيت وتحب الخير لاهلي مع العلم لي منها بنت والثانية جاية في الطريق ولا احد يقول انت اناني والا مدلل والبه هذا الشئ غصب عني ولا بيدي والله احيانا ما انام الليل افكر فيها اخليها على ذمتي والا اطلقها طيب ما لها ذنب وافكؤ واقول يمكن الله كاتب لنا هذا الشئ يعني نفترق لحكمه يعلمها هو والله حياتي ما لها لون وحاشني اكتآب من ذي المشكلة * وقلت يمكن عين ورحت لشيوخ اللي يقول ما فيك عين واللي يقول فيك عين خفيفه الا في شيخ من الشيوخ في بداية زواجي قال لي مافيك شئ وانصحك انك تطلقها لا افضل هدية لعيالك انك تحب امهم اللي مر بنفس التجربة حقتي لا يبخل علي بالنصيحة |
! غريب امرك مجرد موقف بسيط قلب حالك قلب !
بالنسبه للعين فهي احتمال وارد , لاكن يجب الذهاب لمن لديه درايه كامله في هذه الامور ! من خلال ماكتبت اعتقد ذهبت لرجال " لم ينصفوك حقيقه " وواحد ينصحك بالطلاق ! زوجتك فيها الخصال الحميدة التي يتمناها كل رجل , فهي تستحق المحاوله لأجلها ولأجل بناتك .. الله يوفقك .. |
أخي الفاضل
بغض النظر عن الموقف الذي حصل بعد اسبوعين من الزواج كيف تقيم زوجتك في الخلافات التي حصلت بعد ذلك سواءأ كان السبب منك أو منها وكيف تعاملت معك ؟ وكيف عالجت زوجتك الخلافات التي كانت هي سببها ؟ |
الحقيقة انا لا أنصحك لا بطلاق ولا بالذهاب للشيوخ ولا حاجة ...
مافيك الا العافية ولا قدامك السعادة والرضا .. لو فيه مبرر للطلاق كان ذكرته لنا وعشان كذا ومادام زوجتك كويسة فهي تستحق كل تقدير واحترام هذا غير البنت اللي بينكم .. الملل وارد والخلافات لابد منها خصوصاً مايتعلق بالامور البسيطة ... إحمد الله ياصاحبي وعش حياتك .. وترا ما هو عيب انكم تبتعدون عن بعض لفترة حتى تشتاقون وتعرفون قيمة بعضكم .. مثلاً اخترع لك سفرة لمدة لاتقل عن عشرة ايام .. غيروا منزلكم اذا انت مستأجر .. جددوا أثاثكم .. أعطها هدية مثمنة ... اصنع السعادة ولاتنتظرها ... زوجتك طيبة وانت ان شاءالله انك تستحقها فضعها بين عيونك وعيشوا حياتكم مالكم الا بعض ... أما الطلاق فاحذفه من قاموسك لأن مافيه أي مبرر مقنع ... وبعد زمن إذا ماشعرت بالاستقرار بإمكانك الزواج من أخرى بس لاتفرط في أم عيالك الطاهرة احفظها من أجلها ومن أجل نفسك ومن أجل ذريتك .. وبالتوفيييييييييييييييق .... |
بالفعل مثل ماقال اخونا زوج الصخرة
اصنع السعادة ولاتنتظرها |
أخي الكريم/
▪أظن أنك كنت تؤمّل آمالاً عريضة فصُدمت بالواقع الزوجيّ، وما يحتويه من الخلافات. ▪حقيقة نحن لا ندري عن طريقة امرأتك في التعامل الفعليّ معك، أو طريقة تفكيرها، أو طريقة ردة الفعل لديها وقت الخلافات...أنت فقط من تستطيع الإجابة على ذلك. ▪مبدئياً لا أجد في زوجتك أي عيب مقنع حتى نقول لك طلقها. ▪آمل منك ما يلي: 1) اجلس مع نفسك منفرداً في صفاء تام وخلو ذهني كامل...حاول أن تستمع لصوت قلبك وعقلك...اسأل نفسك: هل أنا أحبها؟هل هي تحبني؟هل نصلح لبعض؟هل زوجتي لديها أخطاء لا تغتفر؟هل زوجتي تطور من نفسها؟هل هي فعلاً قائمة بكافة حقوقي، وحقوق بناتها؟ لماذا أنا تغيرت؟...إذا سألت نفسك هذا السؤال خصوصاً قم بكتابة كل الإجابات الواردة على ذهنك حتى تمل، بعد ذلك أخبرني بما وصلت له في الإجابات الأخيرة وماذا كانت. 2) التزم بقراءة الرقية الشرعية كل ليلة. 3) جدّد في حياتك، وطبيعة نظامك في البيت...سافر معها إن استطعت. 4) أخبر امرأتك بما تريده منها. واحذر أن تكتم شيئاً مما ترغبه في قلبك. 5) جرّب نفسك لمدة شهر بما قلناه لك، واختبر حقيقة مشاعرك ناحيتها، ثم بعدها حدّد ما تريد. 6) اطرد فكرة الطلاق عن ذهنك الآن حتى تتضح لك الصورة الكلية. 7) إن كرهتها فاستخر الله كثيراً. 8) بعد الاستخارة أنت حر بالاقتران بامرأة أخرى. |
اقتباس:
اخي الحبيب... وما الذي قتلنا وفكك اسرنا وقتل احلامنا غير وهم الحب... والمسلسلات الهابطه والاغاني الفاحشه.. اخي الحبيب.. امسك عليك زوجتك فهي جديره بالاحترام والحب منك... ولا تكن كمحدثك.. حيث بين ليلة وضحاها ستقول وستردد المثل العامي: يستاهل البرد من ضيع دفاه اخوك النادم .. |
أخي إحذر من ضلم زوجتك ربما و اقول ربما تعاني من ضعف في الإيمان استغله الشيطان ليوسوس لك ويهز عالمك الآمن مادامت لا توجد أسباب كافية تدفعك للطلاق أو الزواج بأخرة والحب نعمة من الله إن لم يكتبه لك مع الأولى فما أدراك أنه سيكتبه لك مع التانية إن أردت الحب فاطلبه من الله واستعن بالله فأنت لم تكتب أي سبب مقنع للطلاق أو عدم الإرتياح لزوجتك
|
فيه مثل يردده أخي الكبير ((اللي ما يرضى بالحمى يرضى بالنفاضة))
يمكن تكون مليت من حياة الراحة والإستقرار وتريد من تقلب كيانك وتجعلك تسير وانت تفكر في كيفية ارضائها اسأل الله أن يحنن قلبك عليها ويوفق بينكما فما أصعب أن تكتشف الزوجة عدم حب زوجها لها |
يااخي الفاضل دام انها انسانه رائعه قائمه بحقوقك وملتزمه
((وتحب اهلك)) فاحمد الله واشكره على نعمه فيه نساء طويلات لسان تسوط زوجها واهله اطرد فكرة اني ماصرت احبها ومافيه شئ يجعلني اشتاق لها بلهفه انت فقط اطرد هالفكره لانها وبكل بساطه من افكار ابليس ووساوسه ثانيا انت قلت ان الحب يجي من العشره وهذا كلام سليم ميه ميه ومن خلال سردك لقصتك معها مبين ان زوجتك طيوبه وتستاهل ومن ناحية الموقف اللي حصل بينكم بغض انه كبير ولا تافه فالمشاكل لابد تتخلل الحياه الزوجيه والزعل يسوي يعطي الملح يعني من وجة نظري المتواضعه لايوجد مشكله يااخ ((رجل بلا حب)) معلومه مهمه الحب يجي من العشره الحلوه والمواقف مو من النظره الاولى ولا الخامسه :11: طيب اذا الرجال ربي رزقه ببنت الحلال الطيبه الكريمه ورزقه الله بعد ذا الذريه قايمه به وبحقوقه ومحترمه اهله وش يبي بعد كذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:(:(:(:( |
يعطيكم العافية على الردود كلامكم كله صحيح انا مو منصدم من الحياة الزوجية
انا اللي قاهرني ليش هذا الشعور اللي ناله مبرر والله حتى بعض الاحيان احس باني ما احب بنتي مثل كل ابو لين احس انها جايه منها يعني بنتها واكثر ما ذبحني كل ما جيت انام انواع الهواجس لدرجة ان جسمي تجيه رجفة مو طبيعية مع تنميل في اصابعي لدرجة صرت اكره النوم واكره النوم بدري والله انواع التاخير في الدوام وعدم الشعور بالسعادة مو بيدي والله اني احيانا اتمنى الموت وارتاح ومعليش البعض راح يقول اني مبالغ لا والله ماني مبالغ معلومة ما ذكرتها انا متزوج مع اخوي من خوات وساكنين مع بعض وهذي اكبر رحمه لي ما ادري وش كان صار فيني لو كنت ساكن لحالي اتمنى ان تدعولي بالراحة والطمأنينة والله لا يمر احد بمثل اللي مريت فيه الله يكون في العون |
السلام عليكم كيف الحال ؟
اخي انت ماعندك مشكله ولاشي هذا تفكيرك خاطيء انا متاءكده لو انفصلت عن زوجتك راح تندم اكيد لانه ماعندك علم هي جوهره نادره انسانه مؤمنه ووفيه لزوجها لاتفكر انه هي ماتحس بتصرفاتك وبنفورك منها هي انسانه وتحس بالحب والكره لانه هي حبتك وتحملت تعيش وياك علي امل فد يوم تحس فيها وتحبها اذا تتركها اول كم يوم تفرح لكن بعدها راح تشتاقلها وتتمني ترجع لبيتك لكن بعد ايش ؟ الانسان شنو يريد اكثر من مره مؤمنه صالحه ووفيه هذه الحياه دار امتحان وابتلاء وليس دار السعاده الحياه الدائمه الحقيقيه في الاخره اسأل من الله تعالي ان يرزقنا ويرزقكم الجنه اخذلك استراحه لوحدك لفتره وفكر بالعاقبه قبل ماتتصرف تعوذ من الشيطان الرجيم هذه كلها وسوسه من الشيطان اللعين وقوي ايمانك وقربك من الله تعالي ولاتهمل واجباتك الدينيه بالتوفيق |
اخوي هالشي ماله الا مبرر واحد انت معك عين او الشيطان مسيطر على عقلك وتفكيرك
واعذرني قد يكون من قل ايمانك وقلة صلاتك رااجع ربك اولا وثم حاول تتقرب من زوجتك وبنتك مو كفايه انها متحمله نفورك واكييييد هالشي واضح عليك اما عن المشكله وفعلا مثل ماقلت دلع بنات ياما تدلعنا عل ازواجنا واستقرينا ولو فكر كل رجل مثلك كان ولا زوجة جلست عند زوجها بسبب دلعها وزعلها احب اقولك المراه لاتستقر بقلة الدلع والزعل على اتفه شي الا بعد انجاب طفل وبعد عشره مع زوجها عندها تحس انها كبرت على هالسوالف! ياليت ياخوي ترااااجع نفسك ولاتظلم هالمسكينه الي عائشه ببيتك وصاينتك وكفااايه انها محترمه اهلك وش تبي اكثر من كذا فعلا وش تبي تبي وحده تشرشحك تكره اهلك تسلط لسانها عليك اذا شافت نفورك ! راجع نفسك زين ياخوي وكتاب الله عندك اقراء سوره البقره كل يوم والله يوفقك ياخوي ةيسعدكم بحياتكم |
ايش الي صاير في الدنيا...حالتلك صارت ظاهره منتشره..واكثر من زوج وزوجه طرحوا نفس مشكلتك هنا اما من طرف الزوج او من طرف الزوجه..ولا احد فيهم قادر يفسر سبب الكره الي يحس فيه تجاه الطرف الثاني فجأه تتبدل الاحوال..لدرجة عدم القدره على التحمل وكره الحياه ..
اعتقد هذي حاله عابره تجي في بداية الزواج ..ويبيلها صبر وايمان قوي.. وانت ماقلت ليش في هذاك المشوار بالذات الي انت رايحله كرهتها..و وين كان مشوارك هذاك اليوم؟؟؟وايش نوع الخلاف الي صار بينكم؟؟اذا ماتضايقك الاسئله.. وبصراحه انت حبيتها من البدايه ولا ماحسيت باي شعور من ناحيتها..؟؟هل تزعجك تصرفاتها او بدر منها شي كرهك فيها..او انك تحب وحده قبل لاتتزوجها ؟؟؟ياليت توضح عشان الاعضاء يقدروا يفيدونك ومو معقوله تكره بنتك لانها بنتها..حرام عليك...اكيد انت مو طبيعي...ارقي نفسك بنفسك..والعين او الحسد او السحر ماتبان من اول القراءه...لاوم تستمر شهر شهرين حتى ينكشف مابك.. وعليك بالصبر عشان بناتك بس..ليش تخلي هالبنات يطلعون للدنيا وبعدها تفكر بالطلاق ..ليش مافكرت من قبل لاتجيبهم.. |
اقتباس:
قرئه زيييييين ...اعراض مو طبيعيه اخي في الله ارق نفسك ..خذ لك مويه مقري فيها اقرء سورة البقره لو صفحه بليوم الاهم تقرء او خذ شريط قران للرقيه واسمعه بليوم اكثر من مره ان زادت الاعراض فااستمر بلرقيه ... وماانسى لاتهمل نفسك ..لاتقول انا طبيعي اكل اشرب امشي ووالخ لا انت ذكرت اعراض وهي من اعراض العين والله اعلم والاهم هل قد جربت وسمعت قران مره ومرتين و3 وبلاخص ايات عن العين والحسد هل تاتيك تعب او نوم او ثقل او تنميل ؟؟ وانت تنام متاخر يعني بك قلق نفسيتك متقلبه مره تكره ومره لا عادي وحتى بنتك احيانا تكرهها انقلبت حياتك من استقرار الى تاخير بلدوام وشعور بعدم الراحه ووالخ .. ع فكره انا لست خبيره بل تقدر تقول مجربه من فتره واتتني نفس اعراضك لا بل ابككي بدون سبب ضيقه بقلبي عدم النوم بدري نفسيتي وحياتي متقلبه مره كذا ومره كذا احيانا احس نفسي مو سعيده احيانا ابي اعيش بعالم مابه احد حتى امي وابوي ماابيهم واحيانا ودي اصرخ من ضبقة قلبي وكرهي لمن حولي احيانا ...ورقاني زوجي والحمد لله قعدت شهور وشفيت ولله الحمد وذهب التنميل والهم وذهب البكاء والتعب وانت لا استطيع ان اجزم ان بك عين او حسد ولكن انت بنفسك تقدر تتأكد... لاتهمل حالتك وربي بتزيد الين معد تبي احد حولك لامن اهلك ولا شيء .. منها تقوي ايمانك وتعالج نفسك بلقرااااان ولا في احسن من كلام الله سبحانه وهو علالالاج للقلوب . اسمع للقران والافضل تاخذ شريط للرقيه وتسمعه اكثر من مره . |
[شي مو طبيعي اللي قاعد يصير معك
كرهتها كذا فجأة .. وانت تقول انها موقاصرها شي.. لا تتسرع .. حاول تدور علاج .. يممكن عين الله يصلح حالك |
مشكورين على كل تعليقاتكم
اما بالنسبة للي يسأل عن مشواري فهو مشوار عادي رحت المحكمة اصادق على عقد الزواج واما قد حبيت وحده قبلها فلم احب وما كنت احب زوجتي قبل الزواج لاني ما قد شفتها الا الشوفة الشرعية فقط وبالنسبة للرقية فاني رحت لشيوخ يرقوني بس ما احس شئ ولا كأن فيني شئ والله اعلم مع العلم هي كانت مخطوبة من واحد قبلي واهلا ارفضوا وكان يحبها وقد قال لي شيخ فيك حسد والله المستعان |
وعليكم السلام ورحمة الله وبركاته يا حبيبي انته اول غير من حالك حاول تكون في حياتك اكثر اجتماعي يعني حاول مثلا تشارك زوجتك في عملها المنزلي بغض النضر عن نوعه اي كان ولا تنتظر كلمة شكر زد من نكهة المزاح معها وابنتك زد قليلا من الهدايا شاركها قراءة القران ذكر الله زد علاقتك بالله وخل عنك سالفة الطلاق لان الشيطان يرسل اقرانه منهم من يقول له لقد وسوست لفلان حتى زنى ومنهم من يقول وسوست لفلان حتى قتل ونهم منيقول وسوست لفلان حتى فارق امرأته فيقرب هذا منه منزلة اذا انت اغلبه بما انها طائعة لله اذا اطع الله فيها واسأل الله ان يؤلف بينكم |
أخي الفاضل..الأخوان والأخوات ماقصرو .. اتبع نصيحتهم حرام بناتك.. وزوجتك تقول انها حامل اكيد تعبانه جسديا ونفسيا.. وماشاء الله مواصفاتها يتمناها أي زوج فعلا اصنع السعاده بنفسك .. جدد من حياتك.. سافر اعمل مفاجآت وهكذا الله يجمعكم على خير |
لاحول ولاقوة الا بالله ترى العين حق شكلك معيون او محسود بنت الناس وش فيها المسكينه وش سوت لك عشان تطلقها
روح للحرم ادعي الله وابكي على حالك وعل وضعك لعل الله يرحمك برحمته دايم خل سورة البقره شغاله في البيت دايم حتى لو الصوت منخفض تعود على سماعها حتى وقت النوم تحصن يوميا بقراءة المعوذات ثلاث مرات سورة الكرسي كل صباح وكل مساء اقرى الرقيا الشرعيه ابدا لاتجيب الطلاق على بالك يمكن الشيطان يوهمك انك ماتحب زوجتك ويجيبلك اعذار واهيه زي انك ماتتلهف لها او انك ماخذ فكره عن الزواج انه عشق وغرام ولهفه هذا مايوجد الا في الافلام الهابطه الله قال بينهم موده ورحمه ومافيه اعلم من الله عز وجل بشؤن خلقه اصلح الله حالك |
| الساعة الآن 12:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©