|
وشلون أكلم أبوي
السلام عليكمورحمة الله وبركاته
بصراحه انا مشكلتي مأدري أذا هي مشكله ولاخنبقه وانا مكبره الموضوع اول شي أنا ابي ايفون وأبوي رفض يشترلي ماأدري عشان أيش يعني لأن سعره غالي ولاأنا ماأستاهل بس أتوقع انه غالي بس شسوي أصلن من الاساس راح أشتري لي جوال وحتى هو يقول اشتري لك بس مو ايفون وانا مابي الا ايفون كل المجتمع اللي حولي ياأيفون يابلاك بيري وانا مابي بلاك بيري ماأحبه أولا ثانيا مابي أدمن عليه وودي افاتح الموضوع مع ابوي بس خايفه أخاف اتناقش معه لأنه عصبي:d ثاني شي اختي تبي تشتري لاب توب وبرضوا خايفه تكلم أبوي تقوله ابي لاب لأن أبوي عصبي أنا أقولها عادي وأذا عصب اهم شي طق موب طاقك خليه يعصب بس اهم شي انتي لاتكتمين عشان مانبحل بها اذا جاها الضغط بسبة الكتمان وسلامتكم وابي الحل والمشوره والاسلوب المناسب الفعال مع ابوي وعليكم السلام |
لو قلنا ولد ممكن لكن بنت وما تقدر على ابوها هذه صعبه
انا اعرف البنت لو بغت شي تجلس تحن وتتدلع وتسوي نفسها بريئة لين مايعطونها الي تبيه اعتقد مالك الا هذا الحل سوي نفسك بريئة وعلى قولت المثل " تمسكن لين ما تتمكن " با التوفيق ان شاء الله ^_^ |
طيب أنا وش أسوي اذا ماأشوفه الا بعد صلاة العشاء ويكون ماله خلق أبد أنا في الحاله كيف أصنع له الخلق والمزاج الجميل عشان أتدلع
|
أتـــدلـع وشلــون يعني..؟؟؟
((عربجيه البنت ماتعرف)) أصلن أبوي دائما إذا كلمته يقولي هدي أعصابك تكلمي بشويش..؟؟ طبعا أذا كان مروق قال لي هدي أعصابك ولا لو كان معصب رحت فيها ماأنفس الحتسي ياله يطلع مني:18: |
عفافو يعني لازم آي فون؟؟ يمكن ابوك ما يقدر ؟؟ واذا كان يقدر انتي كلميه لما يكون مروق وراضي تعالي لمه وحبي راسه وقولي له كم دعوه واطلبي منه بالتوفيق يا عفافو |
بنتي عفافو
أنا بعمر والدك الله يحفظه ويمكن أكبر وأصارخ على بناتي ولوتقول أبي وحده من عيونك الحين أعطيته مثل الوالد لك وهم يطلبون مثلك وأكثر وراح أوريك الصورة من زاوية الأب عشان تعرفين كيف يفكر وتقررين بنفسك عندما يطلب الولد أو البنت من الأب حاجة فيها فلوس أكثر من المعتاد مثل الآي فون أو الببي فالأب يوازن بين عدة أمور تربوية في باله وقد لا يصرح بها أو يعرضها للنقاش معكم لأنكم غير مؤهلين من حيث الخبرة لذلك. هذه الأمور بالنسبة للبنت 1- يفكر أنه غداً ستكون بذمة زوج وتطلب منه المال فإذا تربت على أنها تحصل على ما تريد دخلت مع الزوج إما بصدمة إذا منعها أو مشاكل إذا فرضت رأيها كما تعودت عند أبيها. وإن تربت على الاقتصاد ورزقها الله بزوج كريم وغني فحسن على حسن. الشي الثاني بالنسبة للولد راح يكون مسؤول عن أسرة ويصرف وقد لا يحسن الصرف إذا لم يعلم صعوبة الحصول على المال وكيفية إنفاقه. 2- يوازن الوالد بين طلبات الأولاد بأقرب ما يكون للعدل فلو أعطاكِ آي فون والثاني ببي والثالث آي باد كما تحبون كم بقي من الراتب لآخر الشهر وسهولة حصولكم على الشيء تغريكم بالمزيد من الطلبات, ولا يحفزكم على الاهتمام ب ما تحصلون عليه مثل (ضاع بالسوق طاح وانكسر انكب عليه ما يبه أبي آي فون ثاني) فإذا كان عطاء الأب بسولة أطلبي بس وحتى لو كان عنده فهذا التصرف فيه إضرار لكم بالكبر من حيث سهولة الصرف وغعدم تقدير الحاجة. 2- يوازن الأب بين الأولاد قويي الشخصية وضعيفي الشخصية فمنهم من يطلب كل شي وباستمرار ويحصل على ما يريد ومنهم من يدبر أمره بما يسقط من البقية من أجهزة وهذا ظلم يتحاشاه الأب. 4- تأكدي أن البنت من نقاط ضعف الأب ولكن هناك من الآباء من يملك أن يوصل أهدافه لبناته وأبناؤه من حيث الرفض بأسلوب جميل وهادي ومرح ومنهم من لا يملك هذا الأسلوب فيغطي هذا النقص بالصراخ والرفض بدون إبداء الأسباب. 5- الدخول على الوالد من عدة أبواب الأول باب الزوجة ( الوالده )وقت الرواقه فهي تساعده في تقدير توزان طلباتكم ومن يستحق ومن لا يستحق, والثاني عطفه عليكم (وقت راحته أو عند صرف الراتب ههه) الثالث الانتقاد عبر المزح ففي وقت الرواقه تقوم وحده منكم بتقليد شخصيات البيت كلهم وعند تقليد الوالد يتم محاكاة صراخه ورفضه لطلباتكم فتصل الرسالة بسهولة ومضحكه. |
اقتباس:
|
رجل الرجالمشــكور على الرد المستوفي لجميع أفكار الأباء
بس على فكره انا ماقد شريت جوال جوالي اللي معي مو جديد حق أمي أبوي عادي بيشتري لي جوال بس مو ايفون وأنا مصررره على الايفون |
هلا فيك ..
اتوقع الي كاتبه الموضوع انا مو وحده ثانيه هههههه .. اجل بالحياة في وحده مثلي ياعمري يالبنات كل شي يخوفهم .. والله انا قصتي مثل قصتك طلبت من ابوي اي فون وقال وشو ذا الي طالع لنا << طبعا يستهبل قلت بابا جب لي اي فون تكفى عاد الحين نزلت الزياده حقت الملك ولا تبي تجيب لي هديه ترى مراح ينقص شي .. قال طيب بعد شهرين راح اجيب لتس قلت ايه خلاص يوم سمعت ان بعد شهرين راح ينزل الايفون 5 قلت خلاص ابي ايفون 5 مابي 4 << طراره وتتشرط ههه .. خلاص رجعت لرايي اي فون 4 نعمه وبركه .. بس اتوقع ابوي يبي يصرفني بعد شهرين هذه تسكيته من ابوي هذا ابوي انا اعرفه زين . لاكن انا اليوم طلبت منه يجيب سيركهربائي حق الرياضه .. حرك راسه ايه طيب .. والله انا اعرف ابوي كل شي طيب يبيني انسى بس مراح انسى ؟ وش رايك الحين انشب بحلق ابوي, هل اطلب ايفون او اطلب سير كهربائي للمعلوميه انا مش دبه بس ابي اسوي نفسي مثل الاجانب اسوي رياضه وانا في غرفتي ولابسه سمعات واعيش جو ههه ؟ الله يكون في عوني وعونتس |
: |
انا مع ما قالت سيدة الموقف تماما:22: انا اكاد اجزم بان والدك لن يستغلي عليك اي جوال و لكنه يخاف عليك فيسوفك يمكن تنسين :21: طيب لو افترضنا فعلا ان اباك معذور و ليس معه من النقود ما يشتري لك به ما تطلبين :24: فماذا ستكون ردة فعلك بينك و بين نفسك هل ستتنازلين عن طلبك برضا نفس :d ام ستصرين على ما تريدين ايا كانت الظروف :( يا اختي المظاهر لا تصنع انسانا محترما و لن تصدقيني حين اقول لك ان مدير المعهد العلمي الذي اقوم فيه بدراساتي لديه جوال بدائي حسب تصنيفنا نحن :26: و يركب دراجته الى مقرعمله لمدة لا تقل عن 35 الى 40 دقيقة كل يوم عندما يكون الجو مناسبا على الرغم من امتلاكه لسيارة و منزل رائع :17: المظاهر لدى الاوروبيين الذين نقلدهم هي اااااااااخر ما يجرون وراءه:23: فلا تفعلي مثل بعض الناس الذين نقول عن احدهم اذا اراد ان يحتفي بمظهرهمع خوااء جوهره بانه اقرع و نزهي حاولي ان تنزلي بسقف رغباتك و تفاهمي مع والدك حول سبب الرفض فعسى ان تكون له وجهة نظر مقنعة في هذا الموضوع وفقك الله و سدد خطاك |
بالعكس انتي بنته الحبوبه و اكيد تستاهلي كل خير
بس ترآهـ غالي و اذا عندك اخوات و اخوان اكيد بيحز بخاطرهم و العدل حلو يعني تخيلي انتي شايله جوال بـ 3000 و شويه و غيرك ما عندهـ يعني اشوف ردة فعله طبيعية و العدل في العطية واجب اكيد تعرفي حديث الرجل اللي اعطى ابنه هدية فسأله النبي اذا كان اعطى كل اولاده نفس الشي فيمكن ابوك خاف انه ما يقدر يوفر للبقية فرفض منعا للزعل بينكم |
اقتباس:
ووو الله يوفقنا وينصرنا ونشرتي الايفون انا وياتس يااااااااااااااارب:11: |
[QUOTE=سيدة الموقف;2608193]
: ابدا موقصدي تقليد بس خلاص جوالي منهري وابي اشتري طبعا راح اشتري شي جديد وفكرة انه مو مرتاح يشتري ايفون عشاني بنت لا موهذا تفكرابوي بعدين ليش اضيع بسبة اي فون وش دخل كلام غريب:( |
| الساعة الآن 09:02 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©