|
اشعر ان زوجي غير متاكد من عذريتي بداخله
السلااام عليكم
انا متزوجه من سنتين مشكلتي اشعر ان زوجي غير متاكد من عذريتي بداخله اول شي انا وحده على نيااتي واسوي الشي بدون تفكير اول شي كنت جريئه حتى هو قالي ماشاء الله عليك انا خايف اكثر منك قصده يوم الشوفه والزواج كنت داخله معبيه بالنصائح فكنت مستعده للتطبيق علطول فمافي مجال استحي منه اساسا طولنا في مووضوع فض ابكااره كثيرا لاني بصراحه بدايهماكنت اعرف المكان مضبوط طبعا ماتذكر اني انتبهت اذا نزل على المفرش شي ولا لا لكن اللي شفته على ملابسي الداخليه وحقيقه ماوريته ايااه ماجاء في بالي المهم رجعنا هو عباله انه لسا ماتمم الموضوع لاني وقتها حسيت بالم وقفنا السالفه رجعنا شهر كامل وهو يحاول بعدين تم المووضوع قال يالله حنا متعبين انفسنا والموضوع منتهي من زمان دخلت دوره المياه طلعت قالي نزل معك دم كنت معصبه منه قالت ايه افرح مررت الايام طبعا جاء طاري اللي بيتزوجون بالصيف وسالفه وراء سالفه قال المفروض الواحد يخلي زوجته توريه بمنديل احسن عشان مايفكر .. هذي عددت اللحين وبعد سنتين جالسين على التلفزيون جاء مسلسل تركي والحماة واقف عند الباب تحتري المنديل قعدت اضحك عليه قلت له تخيل خالتي واقفه لنا عند الباب؟؟ قال الا صحيح انت ليش مانزل معك دم ؟؟؟ انا نظرته بصدمه تمنيت اني رديت عليه لكن انربط لساني ماتوقعته يشك بي؟؟ قال امزح معك ليش انت ماتتقبلين المزح ما انكر اني جريئه معه اول زواجنا لكن وربي انها على دباشه من ... واللحين فيه مشكله بينا واتوقع ان هذا الشي واحد من التراااكماات اللي بدااخله ابغى الرجال هم اللي يقلون لي كيف اتصرف لانهم ادرى بكيف يفكر واخير اعتذر عن كلمه قلتها خارجه عن الادب او سببت حرج بورك فيكم |
بصراحة ماعرف ارد عليك بايش لو زوجك شاكك فيك تظل مشكلة لازماك ولو كان يمزح وقفي مزحه لانو هاالامور ماتتحمل مزح
|
بنتي الغالية
1- الموضوع أبسط مما تظنين أول من يعرف عن بكارتك هو لأنه أول من أولج وفض الغشاء بحكم الله ثم سنة رسولهصلى الله عليه وسلم. 2- هو أول من يجب أن يعذرك لأنه شاهد بساطة تفكيك وتربيتك على الأبيض الساده من والديك حفظهم الله جعلك تثقين بكل أحد وما في قلبك على لسانك (عرضك المتعة الزائدة المتوقع أن يطلبها وترفضي). 3- لا تجعلي ردود أفعالك لأقواله وأفعاله سريعة وحادة فيجد أكبر مما في الواقع ويعتقد أن ما تخفيه أكبر ولو كان متأكد أنك بدون غشاء أو لست عذراء لما أبقاكِ ليلة واحده أو على الأقل ستر عليك فترة. 4- أدخلي أنتي وهو موقع الدكتورة هبه قطب وهي متخصصة في تشريح الجنس ولديها الأجوبة العلمية التفصيلية لكل ما يخص هذا الموضوع. 5- من المتعب التمسك بعادات وتقاليد بالية ما أنزل الله بها من سلطان وأثبت العلم الحديث بطلانها وتجدين باليوتيوب بالتفصيل كل هذه الأمور. 6- فرقي بين مزح زوجك وحده فبعض الرجال لا يتقن التفريق بينهما فيمزح وقت الجد ويجد وقت المزح فلا يعلم محوله هل هو جاد أو مازح إلا إذا صح هو بذلك إذا رغبتي المتابعه هنا لتجهيزك للسيطرة على ذاتك وحسن التصرف والاستجابة فأتشرف. أسأل الله أن يجمعكما على خير |
ياريتك وريتيه من يوميها بس دحين ماينفع الكلام لاكن لو انو بجد يمزح وقفيه عند حدوووووووو
بعدين ايش فيها لو الزوجه كانت جريئه مع زوجها .. مو حلالها ليش نحنا العرب تفكيرنا كذا سطحي وتفكير رجالنا اسطح |
اقتباس:
وبعد فترة جهزي جوّ راااايق وقولي له انك تبين تفتحين موضوع خاص .. يعني مقدمة حلوة ، وثم حاوريه بهدوء وناقشيه برويّة وأخبريه أن مثل هالمسألة هذي غير قابلة للشكوك .. وبالتوفيييييييق .. |
السلام عليكم ورحمة الله وبركاته
هلا بك أختي من المفروض كان وريتيه برهان طهارتك وعفافك حبيبتي خطأ خطأ خطأ تثبتي على نفسك تهمه إنتي بريئه منها تقولين كيف لما سالك وتلبكتي وما عرفتي تردي يا بعدي الرجال ما بمزح بامور مثل هيك وبعدين الشرف ابد ما فيه لعب الرجل عموماً والرجل الشرقي خصوصاً أبداً مايغفر للمرأه كونها تعرف شباب أو كونه ماهو أول رجل بحياتها وانتي بجراتك الزايدة مضيتي على نفسك و اثبتي له اللي بعقله إنتي بسكوتك هذا تشجعتيه يظلمك ويقسى عليكِ اتمنى مستقبلا تحطين له حدود في كلامه معاك بهالخصوص |
اقتباس:
اوافق الراي اخوي.. لازم تكلميه في الموضوع لان هذا موضوع مافيه مزح واصلا عيييييييب ينمزح فيه |
|
اقتباس:
وما دخل هالعلاقة والماضي بموضوع صاحبة الموضوع البنت على نياتها ويمكن اهلها علمومها مثل ماقال الاخ رجل الرجال ثوب ابيض الحياء مطلوب بس بالاخير هذا زوجها..وهي ما ارتكبت الرذيلة بعض نصائح الاهل تجعل الزوجة تساعد الزوج وتتخلى عن الحياء عشان يساعدون بعض لاكمال عملية فض البكارة بنفس اليوم.. |
زوجها لما سالها عن ليلة دخلتهم
وش تفهمين من السؤال اكيد له مقصد يعني ليش ما وريتيني البرهان كل الرجال تبي تشوف هالشئى ولو تمعنتي قليلا من قبل ما تردي لكنت ادركت تماما ما اعنيه وش هو دخل الماضي برؤيتي انا شفت انه زوجها ربط بين الحدثين دم العفة والجراة الزايدة الي بالحلال و ربما فسرها تفسيرا اخر انا ما اقصد شي سئ بس ربما هدي عقلية زوجها انتي لما حدا يتهمك بشي ولو مزاح فايش تكون ردة فعلك يااما ما تعرفين ايش تردين يا اما تثبين الكلام عنك فاقول لك عزيزتي السر المكنون عاودي قراءت ردي وان شاء الله تفهمينه اختي الكريمة صاحبة الموضوع لست اشكك في طهارتك و عفتك حاشا وكلا اردت فقط تنبيهك بحكم اني متزوحة وواعية لمثل هده الامور ارى انه من العبث الان فتح اي موضوع مع زوجك بهدا الشان ما فات قد فات وادا مازحك بمزح مماثل في المرة المقبلة فلتكوني انت جاده معه.. و لا تلجئي الى الصمت .. وليكن ردك في محله حتى لا تسول له نفسه بسؤالك واستفزازك مرة اخرى.. |
اشكر الجميع على مساعدتي بورك فيكم
ولكن هل افاتحه وماذا اقول له ؟؟ ام انتظر الحد مايعيد الموضوع ؟؟ وكمان كيف أرد عليه |
لا حبيبتي لازم تفاتحيه بالموضوع وتناقشيه فيه ومثل ماقالو الاخوان اختاري وقت مناسب وجو رايق وناقشيه بالموضوع واساليه ليش يسوي كذا واذا قلك انو يمزح معك لازم تفهميه انو هاذي الامور اكبر من انو ينمزح فيها
وعاد انتي ادرى بطبع زوجك وبطريقة مناقشته للامور المهم تناقشينه لاتسكتين حتى لو يمزح المفروض خلاص يوقف عند حده |
الله يكون بعونجج
مثل مشكلة اختي يا حسافة عالريايييل |
اقتباس:
بالعكس لو انتظرتوا يمكن تصير النتيجة عكسية رغم أن الموضوع أساساً سهل بس الشيطان حريص.. المسألة مثل ماقلت سابقاً افتحي الموضوع انتي بوقت جيد ويكون هو وأنت هادئين المزاج وأموركم مستقرة .. هي فقط كلمتين وتوضيح وتعبير بماتشعرين به.. ثم أني أعتقد أنه سيعتذر لك لأن ماله حق يبني وهماً بوهم .. أهم شيء الهدوء والجو المناسب حتى ينساب الحوار بمجراه الصائب ويعطي ثمرته المرجوة كي تقطعان حبال الشياطين ... هذي وجهة نظري وأنتم أدرى بوضعكم . ووبالتوفيييييق .. |
اقتباس:
عندكم اطفال؟؟ |
لا يتأكد ابدا 00 ومو ضروري يتأكد
هذه مشكلته هو مو مشكلتك !!! اهم شئ انه انتي كوني واثقه من نفسك 00 ولا تشغلين نفسك بإمر انتي اعلم الناس به كوني حذره 00 فهواجيسك خطيره على نفسك وعلى زوجك 00 |
زوجك يحتاج رد حازم حتى يعرف أنه تزوج بنت شريفة بنت رجال ..
كان قلتي له لو اني في عيب كان ما رضيت بي .. اش اللي مصبرك لو في عيب .. |
اقتباس:
|
اقتباس:
اذا في بينكم اطفال اعتقد تتركين هذا الموضوع بلذات حلي المشكله ا لموجوده ا لان و اذا فتح معك ا لموضوع مره ثانيه قولي له كله الا انك تتهمني بهذا الشي اتهامك هذا قذف و انت تعرف انه هذا الموضوع خطير و عواقبه اذا ما صعدتي الموضوع حتى يعرف مقدار الالم الي يسببه يحتاج لك جلسه طويله معاه تحلي المشكله الي تقولي عنها و تكتشفي عن طريق المصارحه عن التراكمات يمكن انت ظالمتيه او هو ظالمك يمكن اصلا مافي تراكمات بلمصارحه تعرفي حقيقه مشاعره ناحيتك |
هداكِ الله
ألغي هذه الفكرة نهائيا من رأسك و لا تفكري فيها و لا تعطيها أكبر من حجمها لأن هذا وسواس من الشيطان أعوذ بالله من الشيطان الرجيم دائما كوني إيجابية بأفكارك و لا تغذي عقلك الباطن بأفكار سلبية تنعكس لا شعوريا منك على أفعالك فتعطي إيحاءات سلبية لزوجك عنك!! غذي عقلك الباطن بأفكار إيجابية دائما حتى تنعكس على نفسيتك و تصرفاتك و بالتالي تنعكس على من حولك و خاصة زوجك بشكل إيجابي. |
اختي الشكاك شكاك اابد تزوجت وكان يحاول لحد 6 ايام لحد مانزل مني دم كثير وهو كمان حس انه فتح حاجه بس الدم مانزل لحد مامشيت وقعد 6 ايم والله دم كثير والم وكنت اوريه علي الملبس الداخلي والدم كان احمر فاتح يعني مبين وبرضوا شك يقول لازم من اولليله وعلي الفراش وكان يلمح لي وانا علي نياتي لحد ماصرح لي واتهمني حسبي الله عليه وباللاصل هو مريض نفسي. وكان يقول هذي دوره مااقول الا حسبي الله عليه هو خسرني والله يعوضني باحسن منه تصدقين كنت مستحبه واكره هل سالفه وكمان تفرغت منها بالبدايه لانها ذكرتني بإخراج الفضلات وكنت اسل كثير له هو كل الناس تسوي كذا وانت ماتتقرف وهل هاذ مباح وكنت اتالم موت وهو حاس اني ضيقه وفيني سدد ومطبات وحاجات تطبل اذا ضغط عليها وكنت اصارخ واكره شي عندي ذي السالفه لدرجه اني اسكر علي نفسي بالغرفه بس فسر كل شي ضدي اني امثل واني أعوذ بالله وقالب وهو يبكي مين سوا معك كذا قبل مااعرفك. وفسر هروبي منه اني شبعانه المفروض يفسرها اني مستحبه واتالم ولاني موعودا علي شي هاذا بس المريض مريض. لازم اختي تواجهينه لاتسوي مثلي انا كنت واثقه من نفسي وشاكه فيه طلع العكس
|
سبحان الله
واللي اساسا مانزل منها دم وش تسوي بعمرها تخلف بعدين يكفي المحاولات يعني لو فتح السالفة قولي شهر وانت تحاول وماقدرت وتتحسر انك ماشفت نقطة دم!!! |
عمر الدم ماكان دليل عذرية المرأة
مدري متى يتثقفون الرجال ويتعلمون ؟؟ شاطرين بالشك بس هو مو رجال ومايحس بالضيق والالم الي يصاحبك في بداية الزواج خليك واثقة من نفسك وفهميه وثقفيه بهالامر حتى مايكبر معه ويزيد شكه افهموووووووا يااااارجال الدم مو ضروري ولا هو دليل للعذرية انت رجل وتعرف تميز بين العذراء وغيرها لذا تريث ولا تدع الشيطان يغلب عليك في هذا الامر |
في أشياء أكبر تثبت طهارة الزوجه وعفتها من موضوع البكاره ماأعتقد زوجك شاك فيك لأنه لوكان شاك مستحيل يعيش معك سنتين بس يمكن يسألك من باب الفضول أنه يشوف الدم فقط لاأكثر
والزوج يعرف زوجته أذا كانت عفيفة أو لا بغض النظر عن مسألة البكاره |
| الساعة الآن 10:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©