|
زوجي يساعد من تحتاج للمساعدة لكن أكره محادثته لهن(مستجدات74)
في البداية بكتبلكم اللي حصل من شهر واحد بس
وبعدين بكتب التطور اللي حصل هاليومين عشان تحكمون صح على وضعي طبعا انا كتبت هالسالفه بنتدى ثاني والحين بلصقها هنا هالكلام من شهر حصل السلام عليكم ورحمة الله مابي اطول عليكم الموضوع انا زوجي نمطه جنوبي شرقي وانتم عارفين هالنمط يميل للنساء ويحن عليهن بشدة بالاضافة الى انه مايحب يجرح الاخرين وحساس جدا ويتعلق بالناس ووفي لهم ويموت في مساعدة الاخرين والمجتمع وخاصة الجنس الناعم عاد هو من طبعه معي انه مايخبي عني شي من اول ماتزوجته (او زي ماكنت اظن ) بالصدفة اكتشفت رقمين بجواله طبعا من الفاتوره لان جواله مقفل برقم سري ممنوع اللمس بعدين عرفت ليش ؟ المهم اتصلت على رقمين اكثر مكالمات لهم مع انهم مو اصحابه القريبين والاقيهم حريم طبعا زعلت وتنكدت والدنيا قفلت معايه وصاررررررررررررررررت اشياء كثيره بغيت اموت لين واجهته وعرفت منه ان الاولى وحده من صاحبات خويه ويسولف معاها احيان كثيره بس حلف انه مايحبها ولا عشق وانها تافهه وتحب تسولف مع الرجال وهي بمدينه غير مدينتنا وهو يساعدها بموضوع وظيفه لانها محتاجه وماتعرف غيره يساعدهم وفعلا تأكدت من الموضوع انه متوسط لها عند ناس نعرفهم وهي اكبر مني ومنه بالسن ووعد انها من يوم تتوظف ماراح يكلمها ولا يرسلها وفعلا صار بس يرسل لها رسايل والثانيه بعد نفس الحاله زوجها مريض ووفقيره يدفع لهم الفواتير ويساعد في علاج زوجها بالمستشفى وهالشي يخليه يكلمها ويرسل لها وهي بعد ترسل له رسايل كثيره جدا زوجي يحبني حيل وانا ماشك فيه من هالناحيه وهو بعد مو مقصر بالبيت والعيال وفي بشي المشكلة كلها الحين فيني انا صرت اكره سلوكه ذا واشك فيه حيل ومو مصدقته مع اني متاكده انه ترك الاوله تمام بس هي ترسله كثير واحيان يرد عليها والثانيه مع انه يساعدها ويقول لاتقطعينا من الاجر الا اني مو متقبله الموضوع ولا الفكره فكرت اتطلق لاني صرت ماحترمه زي اول ولانه جليد ذاب قدامي بس ماقدر لاني اموت عليه هو زعل لانه زعلني ولاني عرفت وحزن عليه كثير بس شسوي عشان اقدر اكمل معاه انا ماقدر استغني عنه احبه موت بنفس الوقت الوضع ذا ماقدر اتحمله ونفسي اسامحه بس ماعرفت ولا قدرت مع انه بيننا عشره واطفال واحساس كبيرررررررررررر شسوي برجع زي اول قهررررررررررررررررر ايش رأيكم؟؟؟؟ طبعا بعدها مشت حياتنا عاديه بس من يدق جواله احس قلبي ينقبض ويتغير شكلي وهو ملاحظ هالشي وتاعبه تناقشنا بالموضوع وطلبت الطلاق هو طبعا زعل بس وافقني واعطاني مهله اتأكد وهو بالنهاية يبي راحتي انا قبل المده واللي كانت يوم واحد رجعت له وبقوه لاني ماقدر اتصور يومي بدونه بس ماتناقشنا عن موضوع الحرمه اللي يساعدها الاولى انا تأكدت انه تركها وهي بعد خافت على بيتها وتركته بس العيب في انا مستمره في عدم المسامحه ومو متقبله انه يكلم الثانيه وانه يرسلها ويودي لبيتهم اغراض ويساعد زوجها عن طريقها لانه يتعالج بس القهر انه كل ذا عن طريق مكالاماتهم ورسايلهم وهالشي تاعبني مع انه مايسويه قدامي بس حكاية انه يكذب عان يخرج يكلمها او يوديلهم اغراض او يراسلها متعبتني انها كانت السبب ان زوجي يكذب عليه واحنا بهالمرحلة من العمر والحياة امس شديت معاه عليه لاني شكيت انه قفل الخط من شافني وحاولت يعطيني الجوال اتأكد وهو رفض وقال خليك بجنانك وعدم ثقتك لين تقضين على حياتنا ولأول مره ياخذ فراشه وينام بالمجلس (عيالنا مو مصدقين )ياماما ليش بابا ينام هناك وحسيت هالشي اثر عليهم مره هو قال اذا حسيتي بالثقه بالرجال اللي متزوجك ويحبك وطبتي من حالتك تعالي انا عليه برجع له بنفس الليله بس بصراحه ماطبت ولا شي خايفه لارجع واصالحه واكذب على نفسي بس عشان ارجع جنبه ومااكون حليت شي وبنفس الوقت هو ماراح يقبل يترك الناس ويتخلى عنهم على قوله ولا اظنه بيدخلني اكون وسيط بينهم شسوي ؟؟؟؟؟؟؟؟اتطلق لهسبب؟؟؟؟؟؟؟؟؟او اكمل وانا عارفه ان غيرتي بتدمرني وبتدمره وماراح اقدر اداريها عنه تكفووووووووووووووون ابي الحل وربي محتاجه لحل مابي بيتي يتدمر ولو اكلمه ايش اقول له ؟عشان يفهم اني مو الوحش الظالم اللي بيحرمه من الاجر ؟ |
اختي استهدي بالله وطولي بالك الموضوع كله ابسط مما بتتخيلي استغفري ربك واضطردي هالافكار من راسك الرزق من رب العالمين وهو مجرد وسيلة كتبها الله لمساعدة هالجماعة المحتاجين انتي مشان ترتاحي احكيله بدي اشاركك الاجر بدي انا اتواصل مع هالجماعة ويكون كل شي عن طريق وهيك بنتقاسم الاجر احنا ال2 اتوكلي على الله زوجك من كلامك بيحبك وما بيهون عليه تزعلي ولا تنسي اطفالك اذا قلتي انه زوجك نام برة الغرفة الاولاد اتأثرت نفسيتهم فما بالك اختي لو لا سمح الله لو حصل اي شي تاني انتي رح تجني عليه اكثري من الاستغفار وطولي بالك الغيرة الها حدود وان زادتها عن حدها فهي سم قاتل وعلى فكرة انا زوجي بيساعد كتير عائلات ومعظمهم ارامل طبعا هو بيوصل اشياء الهم من ناس وفي معه بنات كمان لكن مستحيل اتدايق لانه بيعمل خير وهذا عند رب العالمين
|
والله يااختي اللي اشوفه ان المفروض زوجك مايكلم الحرمه اذا يبغى الاجر يخليك انتي تكلميها فهميه وجيبي ايات من القران والسنه ان مااختلى رجل بامراه الاكان ثالثهم الشيطان طيب بعدين الحرمه ليه ترسل رسايل لزوجك واش مضمون الرسايل هل فيها كلام حب اوشي زي كذا ياليت توضحي عشان مانظلم زوجك
|
يا اختي افترضي حسن النية
ربما زوجك يقصد الخير وبتصرفاتك هده يرى انك تصديه عن فعل الخير كل ما عليك القيام به انك تصارحين زوجك قولي له انا ما يعجبني الحال المايل ادا قصدك تعمل الخير اجعلني واسطة بينك وبينهم يااختي الرجاء ما تعطي الموضوع اكبر من حجمه الطبيعي ترا ما في شي يستاهل وتدكري انو بينكم عشرة واطفال ولا عاااااااااد تجيبي طاري الطلاق على تمك لانها كلمة طلاق مو هينة كل ما عليك تتفاهمين وياه بالعقل وان شاء الله بيصير خيلر |
بالنسبه لموضوع الاولى .. شوفي وش مضمون الرسايل .. يعني يمكن دعاء له ...
واذا مثلا توصل اخبارها بشغلها وكذا .. اذا زوجك يقرا ويطنش يعني مايرد لها بمسج فانسي الموضوع لانها بتقعد ترسل فتره وتنسى ... بالنسبه للثانيه ... اممم بقولك عني شئ ... زوجي عنده بيت وماجره . وطبيعي بعض المستاجرات حريم ارامل ومطلقات .. وفيه وحده تكلمه بس نادر وكله عشان الايجار ومره كبيره وماغرت اولا مره كبيره وارمله ويكلمها قدامي واتصالاتها نادره ... ولو انا مكانك ممكن اتضايق .. بس شوفي ياقلبي هي فقيره ومتزوجه وخليك واثقه من نفسك ومن زوجك .. انتي روحي له بجلسه وديه .. قولي ياقلبي انا واثقه فيك مثل ماني واثقه بنفسي .. واكيد يفرحني ان زوجي وحبيبي يحب الخير للناس .. بنفس الوقت ياقلبي قدر غيرتي عليك .. اذا تبي شئ المره ترسل لك والاتصال للضروره او خلني اتعرف عليهم ونتعاون انا وانت على الخير ويصير لك اجرين .. ( لو انا مكانك واكلم واحد شباب امه مريضه وفقران بنفس حجتك هل ترضى لي هالشئ .؟ ) - اللي بين القوسين مو لازم تقولينها لاني مااعرف وش طبيعة زوجك يعني خذي من كلامي اللي يناسبك - فيه طريقه ثانيه ... قولي له انا احبك واثق فيك ولكن تعرف هالغيره .. بعدها بفتره سولفي معه بشكل عادي وش سويت معه المره المسكينه وش فيه زوجها ....... يعني يالغاليه شاركيه فالموضوع وقولي له وش رايك ازورها او اكلمها او مثلا قولي ودي اشتري لهم .. او ودي اطبخ وارسل لهم .. خذيها ياقلبي من باب الخير .. ووقتها راح تخف غيرتك وراح تكلمك هي اكثر منه وعن طريقك ... ياقلبي لا تخلين الغيره تعميك لاتخربين بيتك بيدك .. فكري كيف احسن التصرف .. ياقلبي لاتجيبين طاري الطلاق لان الرجل يحس انك بايعه العشره ويحس انه مش مهم عندك ادعي ربك بصلاتك يخفف غيرتك ويحفظ زوجك ويوفقكم يارب ... |
اقتباس:
والاحاديث والايات تبين ذلك جليا:: وليس خاااص بجنوبي شرقي ولا جنوبي غربي ولا غيره00 تقولين انه النمط هذا يموت في مساعدة الاخرين وخاصة الجنس الناعم ( اضحكتني هذه الجزئيه ) طيب يساعدهم حلو ما قلنا شئ 00 لكن لماذا ينشأ علاقه معهم ؟!!! يريد المساعده يتواصل مع زوجها - اخوها - ولي امر اخر لها ما ضيعنا إلا هالبوصله الشخصيه 00 الرجل ينشأ علاقات 00تقول زوجي يميل للنساء ويحب يساعدهم 00 وبما انه نمط جنوبي شرقي فيرفع القلم عنه - الله المعين :30: |
|
الجميع ماقصر الله يعطيكم العافيه يارب
انا الرسائل ماعرف ايش فيها لان جواله سابع المستحيلات احد يفتحه او يشوف رسايله حتى اخر مره شكيت رغم زعلي رفض يوريني المكالمات ورمى الجوال من السياره لوما اصريت عليه يجيبه الكل اجتمع ان المفروض يكون اتصالهم عن طريقي طبعا هو رافض هالشي اللي فهمته من خلال محادثاتنا السابقة لانه حريص على سرية الموضوع حتى مااحد من اهلها يعرف او زوجها لانهم بيسوون مشكلة انا شايفه ان الوضع خطر عليه او لا وغلط ثانيا بس مين يقنعه ؟ في احد المرات اللي طلبت فيها الطلاق كان مستعد يطلق مقابل اني مااكلمها ووصاني ماتصل عليها عشان الاخت لاتنحرج |
بعدين لو رفض ان الاتصال يكون عن طريقي ايش الحل ؟
اكمل معاه وايش اسوي بغيرتي وانا عارفه انه متصل فيها هي بس من العايله ويكلمها وان الاخت ترسله الله اعلم ايش ؟ شي يحير بس يسوى علي حياتنا تنتهي عشان شي كذا ؟ |
اختى الله يعينك بس غريب زوجك انه كان مستعد يطلقك مقابل ماتحكى معها ولاتشوفى الرسايل يعنى محب للخير بس مش لهالدرجة
برايي اجلسي معه جلسة هادئة وصارحيه انك لاتحتملى الحياة معه هكذا وقولى له ان كنت تريدنى افتح جوالك وارينى المسجات ولن اتصل بها قولى له انكى تثقي به لكن لكى تقطعى الشك باليقين ويهنا بالك |
أولاً :
إذا كان زوجك صادق النية كما ذكرتي في مساعدته لهاتين المرأتين فاسأل الله سبحانه وتعالى أن يوفقه ويبارك في عمله وأن يثقل موازينه بالحسنات ولكن إسمحي لي أن أقول أن تصرف زوجك غلط خصوصاً وأنه قد عرف أنك عرفتي بأمره مع المرأتين وأنه أدى إلى مشكلة كبيرة بينكم ربما لن تنتهي على خير لذلك .. كان عليه إختيار المصلحة الراجحة في حياته وهي أنتِ وإستمرار علاقتك به فهي أهم من بقاء مساعدته لتلك المرأتين وقد حصل لي أن ساعدت إمرأة على أمر خير ولكن جعلت بينها وبيني زوجتي فزوجتي هي التي كانت تكلمها وتنقلي لي إحتياجها حتى أصبحت زوجتي متعاطفة مثلي لفعل الخير ولم تشك فيّ مقدار أنملة ولله الحمد لذلك أنصحك .. أن تقولي لزوجك أنك لاتشكِ فيه لرغبته عمل الخير مع المرأتين وأنك حريصة مثله لكسب الثواب مثله ولكنك إمرأة ومن حقك أنك تغارين من محادثة بهذه الطريقة وأنك تحبيه جداً وحريصة على حمايته من كل شئ لذلك .. إقترحي عليه أن تكوني الوسيط بينه وبين المرأتين ومتابعة أحوالهم وذهابك معه لتسليمهم المساعادت لهم أو على الأقل أن يكلمهم أمامك وبصوت مرتفع إذا كان لايخشى شئ وكان الكلام بريئاً أعانك الله |
أختي لا أود الخوض في أمورك بس من باب الأمانة تذكري زين زين زين زين أن الطلاق ليس حلاً نهائياً بل هو بداية لمرحلة أُخري لا تفكرين أنك إذا تطلقتي خلاص أنتهت المشكلة وارتحتي وخلاص .
الطلاق مرحلة و طريق طويل ربما ضحيته أبناء وبنات أبرياء . والله الطلاق مو سهل موسهل موسهل الله يصلح حالك وحال زوجك ويقركم بحياة تملئها الحيوية والحب والنقاء . |
عزيزتي..... أنا حاسة بشعورك .. تحسي كأنه نار جوا صدرك.. كلمي زوجك بصراحة وبجدية بس بهدوء.. قوليله اذا انت تحب الخير أنا كمان أحب الخير.. بس مو معناته انك تكلم نساء مهم محارم.. في مليون طريقة ممكن تساعد الناس بيها وبدل ماتساعد الأغراب ساعدني أنا نفسيتي تعبانه.. وايش رايك لو أنا أكلم رجال مو محارم..؟؟؟ بنية مساعدتهم برضو ترضاها عليا؟؟ قوليله.. انا زوجتك وليا حقوق.. مو بس توفرلي الراحة المادية .. كمان النفسية.. وحكاية جواله المقفول على طول.. أعملي زيه انتي قفليه برقم سري والأخت الي يساعدها قوليله أنا زوجتك ستر وغطا عليك وماني غريبه اعطيني رقمها انا الي اتواصل معاها.. قوليله أنا أبغى الأجر كمان.. وماابغى الموضوع يأثر على نفسية الأولاد.. يعني زعلك انتي ولا زعلها؟؟ أختي .. سامحيني أحس اني انفعلت في كلامي .. بس أنا حطيت نفسي في مكانك وحسيت أنه هذا التصرف الصحيح الي حاسويه.. الله يريح قلبك ويفرج همك وان شاء الله تنحل مشكلتك بسهولة |
والله كلامكم معقول الجميع
وانا الطلاق بكون اول ضحيه له ومااقدر عليه مع اني موظفه وعندي اهلي مو مقصرين بشي بس يارب يفهم ويقدر وضعي انا مخوفتني المواجهه وخاصة انه له سنين طويله معاهم الله يستر وادعولي |
يااختي الغاليه الله يهدي زوجك حاولي تحاوريه بهدوء قوليله انت اللي خليت الشك يدخل قلبي ليه ماتخليني اكلم الحرمه وليه دايم قافل جوالك وانا من حقي اعرف ليه لدرجة انك تخليت عني عشانها
وانا ماانصحك ابدا بالطلاق خليك مع زوجك واذا مانفع الحوار مالك الاالدعاء ان ربي يبعده عن بنات الحرام ويحنن قلبه عليك |
أختي الكريمه
الله يسعد قلبك ويهدي سرك انتي وزوجك قدمي حسن النيه حتى لاتحدث مشاكل وانا اشوف ان زوجك شخص طيب ويحب يساعد الآخرين لكن احسه مزودها شوي حاولي تقعدي معه وتتفاهمي على موضوع الكلام اللي ماله داعي ويسوي مشاكل قوليله خليني أقاسمك الأجرو واي حرمه انا اتفاهم معاها وبميشية الله تنحل أمورك بدون مشاكل وبدون شك أسال الله العلي العظيم ان يصلحكم ويهديكم لما فيه الخير يارب |
قولي له أنا نويت أترك الغيرة الزايدة لأني ما أقدر أستغني عنك وبحافظ على بيتنا وعيالنا لكن يا ليتك تساعدني لاني كل مانويت وعزمت يوسوسلي الشيطان ولانك انك انت اللي تاخذ الاغراض وانت اللي تكلمها فهذا مدخل كبير للشيطان علي وماني قادره أسكره .. وانت تعرف انه الشيطان يوسوس للانسان أكثر شي عشان خراب البيوت ... يا عمري ساعدني وخليني أنا اللي أكلمها ..
ومن جهة ثانية أخاف أحد من معارفنا يشوفك لا سمح الله وانت تكلمها ويظن فيك ظن سوء ...أخاف على سمعتك اللي مثل الثلج يا حبيبي . وادعي لربنا يهدي زوجك ويبعد عنك الشك . جربت هذي الطريقة ونفعت معي ... ان شاء الله تنفع معك :) واذا ما نفع هذا الكلام فاعتمدي على الدعاء وبس تناسي الموضوع نهائيا واقنعي نفسك انه هذا شغل وانتي مالك علاقة بشغله وكل ما صار أمامك موقف يثير شكك ظلي استغفري الله واقرئي قرءان الى أن يروح الضيق اللي بصدرك أو يخف لدرجة تقدري تتحمليها |
بجرب اكلمه بس مره متردده لايكون نهاية زواجنا لاني احيان مامسك نفسي
يارب تقدرني وتفرج علينا يارب |
اقتباس:
اقتنع كان بها ( حلو ) ما اقتنع خلاص روحي على الحل اللي بعده ... ادعي وانسي ... توكلي على الله :) ومثل ما قالوا الاخوان ...زوجك قلبه طيب وان شاء الله ما عنده خيانه . |
حاسه فيك كيف الموقف يرفع الضغط.. بس تماسكي وادعي ربك يلهمك الحكمه في حل الأمور والصبر
قولي له انا واثقه فيك اوكي..بس انت لاتخلي للشيطان مداخل لي معاك... تكلمها ولا تبيني ادري ايش التفاصيل.. وتخبي .. و..الخ قولي كثير ازواج يحبون الخير لكن ماياخذ من جدار بيته ويسكر فيه جدار اللي يبي يساعدها يسكر لها المنهدم منه .. وقولي له هذي من محارمك..ولو يجي احد يظن فيك ظن سوء سمعها تكلم مثلا اخوها او احد من محارمها او شاف جوالها او احد شافك تساعدها.. على طول ماراح يظن فيك ظن حسن ! .. الشيطان موجود وبيظنون فيك وفيها كل سوء لكن خلني اشارك الأجر.. و اكون انا في الصوره .. وتصير كل الأطراف في الجانب السليم .. وابدأ بالتدريج تحولها علي وانا راح ابيض وجهك واعين واعاون وحتى لو اقتطع من راتبي واساعدها .. كلن يبي الأجر .. لكن طريق الريبة ابعدها هي عنه لا يظن فيها احد من اقاربها او محارمها ظن سوء وانت خلك على مساعدتك ولكن ابعد عن طريق الريبة .. وانا بعد اكون متطمنة ومرتاحه ... وقولي له انا ادري انك محترم وثقه انشاء الله ..لكن سمعتك لايجي يوم تتحسف ويضيق صدرك وتقول الناس ظنوا فيني وفيها ظن السوء .. وتصير بدل ماكنت تساعدها و يمتد خيرك لها .. يمكن بتصرفك وحتى لو انك محسن النيه تهدم بيتها وبيتك ... (اختي حبيبتي شكل زوجك مسوي نفسه الأخصائي الإجتماعي حقها يسمع منها ويواسيها ومو بس مساعده لها وعلشان كذا مايبيك تتطلعين على المكالمات والرسائل بس لا تبينين له انك حاسه ) صارحي بهدوء ومحبه وعقلانيه .. واذا حسيتي نفسك بتنفعلين ... ارسلي له رساله على ايميله او اكتبيها له .. وبيني له حبك له و انك تحترمينه وتثقين فيه واهو صاحب ثقه ومحترم ويحب الأجر وانك من طيبتك تراعي وانا زوجتك ولي طبيعه الأنثى وانك تنتظرين منه انه يراعي نفسيتك ومشاعرك وقولي ان هذا اثر حتى على معاملتي مع الأولاد ..الخ وفعلا هذا الواقع والصحيح والمنطق اي امرأه تحب تحافظ على استقرار بيتها .. و اكتبي له اللي كتبت لك فوق من حلول مع حلول اغلب الأعضاء اللي اتفقنا علينا وهي انك تشاركينه ويكون الأمر عن طريقك .. وشوفي ايش يرد عليك .. وربي يوفقك |
والله يااختي مدري ايش اقول لك
لكن الموضوع مادخل مزاجي مرررررة كذا قصة قرأتها هنا في المنتدى بدايتها خير ونهايتها عشق وحب والشيطان شاطر واذا زوجك يبغ يسوي خير عنده الجمعيات ولا يكلم رجال ويساعدهم ولا سبحان الله المساعدة لازم من الحريم شوفي زوجك في مرحلة صعبة وفي ازمة واتعود عليهم وعلى قولك علاقة سنين فسانديه وحاولي يطلع من العلاقة ويرجع لك الموضوع صعب لكن بالدعاء والاستغفار والضدقة والنصيحة ان شاء الله ربي بيسرلك لكن لا تمشي عليك انه يبغ ينصحهم ويساعدهم لا .. وصدقيني الاثم ماحاك في نفسك وكرهت ان يطلع عليه الناس لو هو في السليم يفتح جواله ويكلهمهم ويرسل لهم قدامك او عن طريقك هذا المفروض ...انتي اللي تتواصلي معاهم مو هو وهذا مدخل من مداخل ابليس لزوجك . والحلال بين والحرام بين |
(اختي حبيبتي شكل زوجك مسوي نفسه الأخصائي الإجتماعي حقها يسمع منها ويواسيها ومو بس مساعده لها وعلشان كذا مايبيك تتطلعين على المكالمات والرسائل بس لا تبينين له انك حاسه )
فعلا هذا هو السبب وممكن تكون مع مرور السنبن طايحه الكلفه بينهم وخايف مايعجبني اسلوبهم بالكلام او انه خايف لاتزيد غيرتي اكثر وقت سماعي له يكلمها انا مادري هي كم مره تتصل عليه او كم مره يكلمها بس الظاهر انه كثير لان رسايله لها كثيره نفسي اعرف مدى العلاقة والاسلوب عشان ارتاح واعرف اتصرف بس هو ماراح يفيدني ورافض الكلام بالموضوع بس راح احاول ارسله رساله لعلها تجدي معاه هو يسئلني الثقة فيه بدون مايصير اي حوار بيننا على الموضوع ابدا ابدا |
واسجل شكري لكل من يرد على موضوعي
وسامحوني وقتي لايسمح بالرد على تعليق لاني مشغوله جدا يادوب ادخل اشوف ردودكم واتصبر فيها وافكر والله يهون عليه وعليكم مصائب الدنيا |
هو مو يبغى الاجر نسي انه حرام يكلم حرمه ماهي من محارمه وغريبه عنه
طيب يبغى الاجر ماقلنا شي لكن يكلم ولدها يكلم اخوها ابوها زوجها اي احد قولي خلني ادخل معكم في الاجر واساعد انا الحريم وانت تساعد الرجال والعجايز والمعاقين و.....الخ.... يعني ماوقف الاجر على الارامل وصنف الحريم وليه جواله ممنوع اللمس ؟؟ وش حاط فيه ؟؟ على العموم خليه زي مايبغى وش بيدك اصبري عشان عيالك وبيتك والله الرجال هذولا امرهم عجيب مايبغونا نشك وفي نفس الوقت جواله ممنوع المسه ولاتنكدي عيشتي ابقلك على شي اذا بيكلم بنات او بيتزوج مو انتي اللي بتمنعينه واذاشفتي جواله وفصفصتي كل شي يقدر يطلع جوال من ورى ظهرك بس مافي الا انك تعيشين بالوضع هذا دامه ماينام الا في حضنك ومسعدك ومسعد عيالك وش تبغين اكثر من كذا توكلي على الله ودايم ادعي اخر الليل والله يكتب اللي فيه الخير |
طلع زوحي مايساعد من تحتاج مساعدة لي موضوع سابق ادخلوا
http://www.66n.com/forums/showthread.php?t=222212
هذا موضوعي السابق طلعت مغفله زوجي يكلمهم ومتعلق فيهم وانواع الغزل والعلاقات المحرمه معاهم ويوصلها مشاويرها الخاصه كيف عرفت تجسست على مكالماته بالسياره بطريقتي وسمعت كل شي كيف اواجهه اليوم الله يخليكم كرهته واحتقره ماتتخيلون ؟ ابي نصايحكم ودعواتكم الله يكفيكم شر ماجرى لي ابي الطلاق |
اقتباس:
الله يعينك ويصبرك ويلهمك الرشاد ... فكري وهدي اعصابك واستخيري قبل ما تتصرفي .. |
حبيبتي اولا هدي اعصابج لإنج ماراح تقدرين تلقين حل وانتي متنرفزة
ثانيا وريه انج مو مغفلة بس حبة حبة يعني جيبيله قصص عن الخيانات وكيف ان في بعض الحريم يستنزفون الريال ماديا وآخر شي يرمونه رمية الكلب عزج الله وضحكي وقوليله مسكين هالريال عباله ان هو يلعب عليها اثاريها هي اللي تلعب عليه بس حطي بالج تواجهينه لعبي عليه بنار هادية جدا والله ييسر امرج |
ابتعدي عن البيت لفترة وفكري بخياراتك بتملّي, لا تجعلي قلبك الحكم ولا تغفليه في المقارنات بين خياراتك في الإيجابيات والسلبيات، لا يعمي عينيكِ الحب ولا تعمي عينيك الغيرة فكلاهما قلبك.. بعد ذلك ضعي الخيارات امامه ليختار ما يناسب حياتكما معاً.
اخوك. |
لاحول ولا قوه إلا بالله .. بعض الرجال وكأنه يعبد أهوائه .. والشيطان شاطر مايجي بطريقه مباشره .. دخل عليه بمدخل الأجر والمساعدة ...و بيوصله للحرام ... اختي حبيبتي ... ما دام زوجك مايرضى يفتح مواضيع معاه تتفاهمين ومايرضى يتحاور و يقفل عليك طريق التفاهم .. قاعد يكابر ويتمادى بعد .... من رأيي اذا هو كذا ... شيلي اغراضك اللي تحتاجينهم واغراض عيالك واللي ماتحتاجينهم خليها في بيته واطلعي لبيت اهلك (اذا ظروف اهلك تناسب ) ولا تتكلمين معاه ولا كلمه ولا تعطينه خبر ولا تتهاوشين معاه ولا شيء .. ولا يدري إلا وهو داخل البيت ويدورك مايلاقيك ولا يلاقي عياله .. وطنشية ولا تردين عليه .. حطي في بالك انك بتجلسين عند اهلك وماراح ترجعين إلا والأمر متصلح وإلا مالك رجعه ابدا ..ليه تعيشين مقهوره وبغير وجهه حق ! .. تطلعين ولك العزه بعد واذا هو باعك علشانهم ... خليه يبيع بتراب الله يكرمك .. وانتي شاريه نفسك بأغلى ثمن من شروته لك .. و قولي مااضمنك واخاف تجيني امراض ماادري انا شفتك مشيت في طريق ماادري وش اخره و ماخليت وضوح في الأمر ..انا ما اقذفك ..لكن شفت علامات تخليني اخاف على نفسي منك وماراح انتظر لمن يطيح الفاس في راسي .. وقاعد تتمادى بعد ... واحمدي ربك انك موظفه.. ودوري على ارقام ومعارف الحريم اللي يعرفهم ... واذا كانوا يشتغلون اعرفي اماكن وظايفهم ... انا اعتبر الأمر وصل الخط الأحمر .. واذا ماتسنع ..سنعيه هو واياهم كلهم سوا ...عطيه في البدايه فرصه يصلح نفسه .. واذا مافاد قولي خلك على ماانت عليه انا نصحكتك بس التفاهم يكون بين الرجال وبين اولياء امورهم .. واستعيني بالصبر والصلاة .. وربي بينصرك على شيطانه وشياطينهم وهم من ورا شياطينهم يمشون ! للأسف الله يهديه ويهديهم .. ويهدي كل مسلم ويعفه عم الحرام وكل مدخل يودي له ... وكان الله في عونك ونصرتك .. |
لاحول ولا قوة إلا بالله.. حبيبتي .. الله يصبرك ويقويكِ .. وانتي مو لوحدك ربنا معاكي واحنا قاعدين ندعيلك كوني قوية .. انتي الحق معاكي .. وهو الغلطان أحترام آراء الأخوات.. بس زوجك لازم يوقف عند حده فكري يومين بتأني..واستخيري وأدعي وخططي لمواجهته مزبوط في استراتيجية تقول لابد من مواجهة الزوج الخائن واجهيه بصرامة.. ومعاكي كل الأدلة.. وهدديه انك تقولي لأهلك لاتعطيه مجال انه يغلطك بشي.. وإذا بدأ يقلب المشكلة عليكي ويهدد .. خليكي محتفظة بهدوءك ولا كأنه قال شي هادي الشخصيات مايبغالها غير كدا.. |
نصحت الأخصائية النفسية حياة رجب المرأة التي تلاحظ بعض العلامات أو الدلائل على خيانة الزوج أن تتماسك وتضبط أعصابها، حتى تتأكد من ذلك فعلاً، وأن تواجه زوجها بفعلته وخيانته دون الدخول معه في صراعات تزيد المشكلة تعقيداً، وتعد خطة محكمة تتبع فيها أسلوبا مناسبا، حيث تختار الجهة التي يتأثر منها الزوج، كأن تذكره بأطفاله، وأنه بهذه العلاقة يدمر علاقته بزوجته، فتتأثر نفسية الأطفال وتختل تربيتهم. .... الله يجمعك انت وزوجك على خير |
بناتي وأخواتي الكريمات
من منطلق أني في زاوية قريبة من زوج الأخت صاحبة الموضوع سأريكم هذه الزاوية بوضوح أقوم بالمساعدة النفسية والمالية والاجتماعية لبنات ونساء كبيرات وفيه بيننا رسائل وبالنت كما نتواصل مع بعض أنا وأنتم الآن حتى وصلت الأمور إلى مواضيع الفراش بعلم أزواجكم وزوجاتنا وأقدم دروس منتظمة بالماسنجر وأحذف عند انتهائها رغم حرص بعضهن على استمرار التواصل ولكن إن لم أقدم الفائدة فالتوقف فائدة. وتجدون أغلب الشكاوى هنا من بنات وشباب يقولون في المقدمة لم أجد من أبوح له بسري إلا انتم ويطلبن رأي الرجال بالذات أحياناً. وكقاعدة من لم يراقب الله فلن يجدي معه مراقبة البشر ولن تتمكن زوجتي ولا غيرها من السيطرة على سلوكي إذا رغبت الحرام فراغب الحرام لا يحمل الجوال بيده أمام زوجته بل يظهر لها بكل احترام ويخونها بغير علمها لأنه يخشى من مراقبتها لا مراقبة الله له ولكني ولله الحمد يسر الله لي رقابة نفسي قبل الزواج وبعده( 25 سنة زواج) وعندما أفاتح زوجتي بشيء مما أفعل تتضايق ولكن وضحت لها أن هناك رجالاً تحتم عليهم أعمالهم التواصل مع النساء طبيب النساء والقاضي والشرطي وغيرهم, ولكن لو منعنا هؤلاء من التواصل لضاعت أمور الخير, وما رأيكن بالنساء المتزوجات اللائي يهاتفن ليل نهار معبري الرؤى والقنوات وغيرهم وفي جوالها أرقام عدد من السائقين وخدم المطاعم والبقالات وغيرهم عند الحاجة هل سيشك الزوج بتواصلها معهم لغير الحاجة؟. وما رأي إحداكن إن كانت استشارية نفسية وتعالج رجال يتعلقون بها من باب تعلق المريض بالمعالج وتتواصل معهم بكل وسائل الاتصال فما موقفها من زوجها لو شك فيها. |
الأخ الكبير.. رجل الرجال
أرجوا منك قراءة ردود الأخت عدسة برونزية بوضوح.. فقد اكتشف مؤخراً .. خيانة زوجها لها وقد كان يتحجج أنه يساعدهم الله يكون في عونها يارب |
الأخت الكريمة قلبي حنون كل الشكر والتقدير لتوضيحك وتقديرك بارك الله فيك والأخت الكريمة عدسة برونزية علاقتك الأسرية بزوجك وما نتج بينكما من أولاد يجعل هذه الأسرة هي كنزك الثمين وسبيلك إلى الجنة بإذن الله فأجعلي المحافظة عليها هدفك الأول بعد إرضاء الله ولتحقيق ذلك أنصحك بمايلي: 1- قفي مع زوجك ضد نفسه الأمارة بالسوء والشيطان وأدعي له بالهداية وأعيديه إلى جادة الصواب فلا تتركية لقمة سائغة لهم فقد قال الرسول صلى الله عليه وسلم للصحابة رضوان الله عليهم لا تعينوا الشيطان على أخيكم). 2- الطلاق سيريحك مؤقتً من ضغط المشكلة ليعيدك إلى دائرة من جديدة من المشاكل التي ستضغط عليك مجددا ً(أبحثي عن موضوعي عندما يتوقف العقل عن التفكير ستجدين فيه فائدة كبيرة بإذن الله). 3- لا تصنعي حاجز بينك وبين زوجك بل كوني معه صفاً واحداً لحماية بيتكم وأولادكم من التفكك ولا تستسلمي لما يوسوس لك به الشيطان من الثأر لنفسك تجاه ما فعل فتعالجي الخطأ بخطأ. 4- صارحي زوجك بعلمك وأنك ترغبين فيه وأنه ينساق إلى الحرام عن طريق الحلال وأنك تخشين على نفسك وأبنائك وبناتك من آثار ذنوبه وقد يفعل معك ومعهن غيره من نفس الباب كما قال الامام الشافعي رحمه الله (عفو تعف نسؤكم في المحرم). 5- ذكريه أن الله يراه (ألم يعلم بأن الله يرى) لا أنتي وأنه سيحاسبه لا أنتي وأنه يكذب أولاً على ربه وعلى نفسه لا عليكِ وأنه يصنع تاريخة لبأبنائه وبناته. 6- إذا أصر على ما يفعل رغم وهو يقيم الصلاة فاتقي الله فيه بأداء ما يجب له عليك ولازمي الدعاء له والنصيحة وخوفيه بمن يخاف أو يخجل منهم من الأقارب وغيرهم إن علموا بما يفعل. 7- لتستطيعي السيطرة على نفسك ومعرفة كيف مواجهته والنصيحة له بأعصاب باردة اتبعي طريقة الصندوقين التي نصحت بها وجاءت النتائج ممتازه ولله الحمد الصندوق الأول هو صندوق العواطف وضعي فيه كل مشاعرك والثاني صندوق العقل وضعي فيه كل ما يحتاج إلى مناقشة عقلية وعند فتح الصندوق الأول أغلقي الثاني وكذلك عند فتح الثاني أغلقي الأول فناقشيه بعقل وصندوق العواطف مغلق فتجدي الراحة فالنقاش والسيطرة على نفسك بهدوء. أسأل الله لك وله الهداية والتوفيق والاجتماع على خير. |
اخي رجل الرجال نعم كلامك منطقي وأؤيدك كثيراً .. في حديثك عن ان احياناً التواصل مع الجنس الأخر ضروره واعقب على ان ما يضايق الرجل او المرأه هو التعمق في العلاقة مع الطرف الأخر .. والتساهل في الحدود وارضاء الهوى وهذا ماتساهل به زوج اختنا صاحبه الموضوع |
الله يفرج عليك هذه الغمة أختي أحس بك الله يفرج يارب , ولهذه الأسباب حرم الله الاختلاط الى أخره لان الكثير من النساء اذا كان رجل يساعدها تظنه معجب بها ويحبها ويريدها فتتعلق به وتفعل كل ماتستطيعه حتى توقع به فمن الافضل للرجال أن يكلفو نسائهم بفعل الخير مع النساء والرجل يعمل الخير في الرجال حتى لاتخرب البيوت اما الأطباء والقضاة الى اخره فلا حرج ولكن مع تقوى الله , ولي تعليق سامحوني ألم ينهنا رسول الله صلى الله عليه وسلم أن لايبوح الازواج بأسرارهم ولكن للاسف أجد كل الاسرار في المنتديات يندى لها الجبين ولهذا لم يعد الازواج يحبون زوجاتهم ولا الزوجات يحببن أزواجهن و لان الزوج يريد مثل تلك المراة والمرأة أتريد مثل ذلك الرجل ,لهذا امرنا رسولنا الكريم بعدم البوح بالاسرار حتى يتقبل كل زوج زوجته كيف ماكانت وكذالك الزوجة تقبل بزوجها هذا رأيي البسيط ربما أكون غلطانة والله اعلم
|
قال تعالى00
( يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَا مِنكُم مِّنْ أَحَدٍ أَبَدًا وَلَكِنَّ اللَّهَ يُزَكِّي مَن يَشَاء وَاللَّهُ سَمِيعٌ عَلِيمٌ ) انطلقي من هذه الاّيه 00 واتركي عنك حسن النوايا 000 واللبيب بالإشارة يفهم |
بصراحة
اكره تواجد زوجي بأي مجال نسائي لأني فااااهمة تماما خطوات الشيطان+حركات وكيد النساء والرجل المصلح ممكن يوسط زوجته وممكن يدل النساء على نساء مصلحات والبلد ملياااااااان إذا الموضوع حساس فمن باب اولى ماتكلم رجال فيه تكلم وحدة وهو الانسب وإذا اضطرت توسط زوجته مثل ماهو مايحب رجال يستشير زوجته بأمور حساسة ويحب على اقل الحالات يكون وسيط يعاملها بما يحب هو عدسة لاتقولين لزوجك انك تجسستي بس خليك قوية بطلبك اما يتركهم والا يتركك وقوليله نظراتهم لي تقهرني كأن فيه شيء يصير من وراي الله يعينك |
خلاص صارت المواجهه غصب عني
لاني ارسلت لوحده منهم وعرفت منهم انها عندها زواج اختها وسمعت من خلال تجسسي انه بيجيبها من الصالون يوديها الفرح بنفسه وهي علمته وهو تأكد انه انا ورجع البيت وفتح الموضوع وجاء يكمل كذبه بس اضطريت ابلغه اني سمعته وهو يكلمهن ويقول كذا وكذا هو طبعا انصدم بقوة صار مو عارف ايش يقول لم كل اغراضه وطلع من البيت وسافر مدينه ثانيه وكلمني العصر من هناك وطلب اني ابلغ اهلي انه بنتطلق او هو بيبلغهم لانه ماينفع نكمل مع بعض وماينفع اكمل حياتي مع واحد كذاب على كلامه وزعلته طريقة تجسسي عليه وقال انه مايقدر يكمل ونظرلتي بتقتله وانه طاح من عيني وقال العيال تبينهم عندي او عندك براحتك ماراح ينقصهم شي كل هذا وهو يبكي قهر احس مره انصدم وصار بمشكلة وصار يدعي على نفسه بالموت وصوته كله تعب انا مابي الطلاق لانه انسان عزيز عليه وتخيلوا صرت انا اللي احاول اخفف عنه وهو يأنب نفسه وحاس انه مسوي جريمه ومقهووووووووووووور انه انكشف قدامي اتفقنا اني ماتصل عليه هالايام لين هو يدق بعد ماقنعته اني مابغى اكلم اهلي هالفتره وقبل كذا انا قلت له اني بقولهم اني انا السبب مابي اعيش معاه واحس بضيقه واشوفه زي الشيطان وهو قال جزاك الله خير بتسترين عليه وطلب بعد ماكلم اهل البنات وخاصه انهم متزوجات وانا عرفت ارقام اهلهم لانه يقول انا اللي جبت ارقامهم وسحبتهم وورطتهم هم ماقدرو يقاومونه قال تدمر بيتنا لاتخربين باقي البيوت حسبي الله ونعم الوكيل انا ماعرفت ارد على طريقته وردت فعله وانسحابه وماتوقعت هالشي ابد مدري شسوي امس ابي الطلاق لاني منهاره واليوم ابيه يرجع لبيته والمه من جديد وهو رافض يقول مايستاهل يعيش بيننا ولا بيتحمل نظراتي وكمان شكله مزعله انه صار انسان مراقب يقول فرصتنا نكمل ضعيفه وما فيه امل رغم كل الحب اللي بينا لاحول ولا قوة الا بالله على فكره يوم طلبت منه يبرر السبب قال لاني انا فقدت اعجابي فيه احبه صح بدون اعجاب واني صار غيره زي اخواني وزواج اخواتي يعجبوني اكثر وهالشي خلاه يدور الاعجاب والمدح والثناء عند هالبنات واني ماعدت معجبه بكلامه واني اكون عارفه ايش بيقول قبل لايكلمه ومو محسسته انه قاعد يتعب ويقدم كل طاقته لي وللبيت تخيلوا ويوم قلت له اني حاسه بهالشي واني اعلم كل صاحبتي بطيبته وحنانه لي قال الاولى تعلميني انا عشان تريحيني اااااااااااااااااااااه انا واياه بحالة مايعلم فيها الا الله وفاقدين الامل نرجع وهو يميل للطلاق على انه يواجهني وانا مستعده اسامحه وفهمته هالشي بس هو بالغ بتأنيب الضمير ومقهوووووووووور من حاله قولو لي ايش الحل ؟ وربي كلامكم يريحني انتم الطرف الثاني بعلاقتنا ماحد يعرف غيركم جزاكم الله كل خير |
والله ما ادري شاقولج حبيبتي
بس انصحج ابتعدي هالفترة عنه خليه يفكر بعيد عنج واعتقد ان هو طاح من عين نفسه جدامج عشان جذي سافر وعليج بالدعاء والاستغفار والصدقة |
| الساعة الآن 01:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©