|
مشكلتي بأختصار زوجي لا يؤدي حقي
السلام عليكم ورحمه الله وبركاته
هذي المشاكل تعرضت لها في بدايه حياتي الزوجيه 1)خياااااااانه بتقولو كيف عرفتي شفت رسايل بدايه زواجي 2)مالي اي حقوق حتى النفقه ممسوحه 3 )هجر لدرجه ان جلوسي عند اهلي اكثر من عنده حتى اهلي مو حاسين اني متزوجه 4 )الانتقاد دايما على السانه ولا مره مدحني لما اسوي شي يعجبه اشوف عيونه بس مايتكلم وانا دايم امدحه عكسه لدرجه انه يقوول منافقه 5)مافيه اي حركه تدل انه يبغاني في بيته كانه يتعامل مع خواته كل شي برسميه 6 )مافي اي علاقه خاصه ((الجنس )) ودايم يقول انا ما احب المسؤليه ولما اقول ابغى طفل ينسيني همومي يرد ويقول تخيلي 7)صرح لي اكثر من مره انه يكرهني ومره قال انتي ماعندك كرامه ومره قال خوذي اغراضك وروحي بيت اهلك 8 )لما اتكلم عن حياتي معاه وان الي يصير غلط ابسط شي يسويه يهجرني لحد ما اعتذر عادي لو نجلس سنه سنتين ثلاث وين المشكله 9)شكاك يشك فيني مع ان جوالي معاه اكثر من انه يكون معاي بس جواله دايم مقفل ولما اقوله ليش انت تقفله وانا جوالي معاك يمسح فيني الارض وبعده اسكت لاني الحمدالله واثقه 10 )في بدايه زواجي شهر العسل جلست في بيت اهلي سنتين عشان كلمه قلته من غير قصد يقول اني جرحته خلاني عند اهلي وقال لا أبوي (( هذي يبغى لها تربيه من جديد )) رجعت من غير مايعتذر عشان ما أحمل لقب مطلقه ورجعت عنده من غير لسان دايم ساكته هو فرحان اني ما اتكلم يسهر واسكت يخون واسكت كل شي اشوفه على الصامت 11) والمشكله الاهم اني فاقده الامان دايم اخاف اغلط في كلمه ويقولي مع السلامه الله يوفقك مثل ماسوها وانا عروس 12 )الهجر هذا أول حل في كل مشكله 13 )اذا بغى يمزح ويفرحني تدرون شو احلى نكته راح ((اتزوج عليك شفتو خفت الدم )) الميزه الوحيده الي فيه من عرفته ما ضربني بس كلامه جارح وعنده سلاح اقوى وأخاف منه الي هو الهجر أتعذب ابي حل |
أختي الكريمة كم عمرك ؟ كم عمر زوجك ؟ كم مدة زواجكم ؟ هل لك بيت لحالك أو تسكنين عند أهله ؟ الله يعينك |
لحمد لله والصلاة والسلام على رسول الله، وبعد:
فإن الزوج المتسلط والزوجة المتسلطة يعتبران كارثة أسرية متحركة من الصعوبة بمكان أن تجعلها ثابتة في مكان محدد فلا يمكن أن تحدد اتجاه البوصلة إلى أين، وهذا ما يولد مشكلة أسرية يصعب حلها إلا إذا اتسم أحد الطرفين بالحكمة والصبر. أختي الفاضلة قد يكون تسلط زوجك ليس لسبب طارئ أو عارض، وإنما هو جزء من شخصه وسمة من سماته، وربما يكون بسبب تربية تلقها أو عاشها جعلته يفهم أنه ليس ما يستحق الاحترام والتقدير. فأحي فيك أختي الفاضلة صبرك عليه لأن تغيير مثل هذه الطباع لا يحدث بين يوم وليلة بل يحتاج إلى صبر ومثابرة حتى تلحظي فيه التغيير، فلا تيأسي من تغييره ولا تقولي ذهب العمر، احتسبي الأجر في ذلك من أجل أبنائك. فعليك بالصبر والحلم، حاولي أن تكوني هادئة مبتسمة، رحبي به عندما يأتي، عامليه كطفل مدلل، حاولي أن تكسبه لك، لا تظهري العبوس وعدم القبول له، فالتطبع يولد الطبع فأنت حين تبينين أنك تحبينه وتسمعينه كلمات الحب والحنان سيصبح طبعا لك مما يؤثر على قلبك فيولد الحب الذي تبحثين عنه، تجملي له حتى يلتقي المظهر بالجوهر. وأوصيك بسلاح إن تسلحت به كسبت. ألا وهو سلاح الدعاء فهو سلاح فعال فهو يرد القدر! أفلا يغير رجل؟! فعليك بسهام الليل فهي لا تخطئ ادع آخر الليل بأن يسخره لك ولأبنائك. وتوكلي على الله وفقك الله لما يحب ويرضى. |
اقتباس:
عمره سته وعشرين زواجي له اربع سنوات اسكن عند أهله |
اعوذ باالله من الظلم
شي يحير حال بعض الشباب هداهم الله . مااقول الا عسى الله يعينك . |
اقتباس:
|
اختي الفاضله لا يخفى عليك أيضاً أن كثيراً من الرجال -بل والنساء أيضاً- فيهم مثل هذا الطبع وهذا الخلق، ومتى كان الأمر كذلك، فلا بد من علاجه بهدوء وصبر وتحمل، فلا تنسي أولاً أنه زوجك، ولا تنسى ثانياً أن بينكما عشره – نسأل الله أن يجعلها من الصالحات – مضموماً إلى ذلك يمكن أن تجدي في زوجك أخلاقاً أخرى حسنة،
فبهذا النظر وبهذا التأمل تستفيدين فائدة أولى، وهي أن تكوني أكثر تحملاً وأكثر استعداداً للصبر على زوجك، فإن نظرك إلى جانب سيء من الجوانب التي لديه قد يعظم في نفسك حتى تتوهمي أن الحياة معه قد صارت قريبة من التعذر، بينما إذا التفت إلى الجوانب الأخرى الطيبة والمشرقة فيه، خف عليك ما تجدين من سوء عشرته، ومن حدة طبعة، ولذلك ثبت عن البني صلى الله عليه وسلم أنه قال : ( لا يفرك مؤمن مؤمنة ( أي لا يبغض مؤمن مؤمنة ) إذا سخط منها خلقاً رضي منها خلقاً آخر) متفق عليه. فبين النبي صلى الله عليه وسلم، أن المؤمن والمؤمنة لا بد لهما من أن يتوافقا، وأن يحاول كل منهما النظر في الأمور الحسنة الطيبة التي في صاحبه، وإن كان قد يبغض الواحد منهما بعض التصرفات من صاحبه. ومن ذلك أيضاً التذكير بالله تعالى وبما أمر به من حسن العشرة، مع مراعاة الأسلوب الحسن في ذلك، بحيث لا يتهمك بأنك تقصدين أنه رجل يسيء عشرتك، إلى غير ذلك من الظنون السيئة، والمقصود أننا نوصيك بعدم ( السآمة ) التي أشرت إليها، ولكن تذكري صعوبة الحال، وصعوبة ما قد يعانيه زوجك والأوضاع التي يمر بها، فتجعله على هذه الحال التي لا ترضيك. واوصيك وصية أكيدة، بعدم محاولة إدخال طرف ثالثٍ بينكما، بل حاولي أن تعالجي مشاكل أسرتك دون تدخل من أحدٍ، فإن وضع زوجك النفسي لا يجعله يتقبل مثل هذه الأمور، وسيشعر بأنك تعملين على الإساءة لسمعته، فتجنبي إشراك أي إنسان في مشاكلكم، وحاولي أن تحليها بنفسك، مستعينة بالله طالبة المدد من الله تعالى في ذلك. ومما يشرع لك أن تصلي صلاة ( الحاجة ) وهي ركعتان نافلتان، تصليهما ثم تسألين الله تعالى صلاح حالك مع زوجك، واجعلي من دعائك: ( ربنا هب لنا من أزواجنا وذرياتنا قرة أعين واجعلنا للمتقين إماماً ). ونسأل الله لكما التوفيق والسداد والصلاح والمعافاة. |
السلام عليكم
كان الله في عونك اختي وفرج همك وسخر لك زوجك |
حرااااااام عليك بالله تبغين تخلفين منه يعني انتي شايفه انه يصلح يكون اب والله لو اجلس مطلقه طول عمري اهون علي هو يبغى يحطم ثقتك في نفسك انتي صغيره والحياه قدامك والحمدلله مافيه اطفاااال
|
اقتباس:
عزيزتي.. كان الله في عونك.. بس ممكن أعرف ايش الكلمة الي قلتيها؟؟ اذا كانت في بداية حياتكم.. فيمكن حتى لو كانت كلمة بسيطه ومن غير قصد دخلت دماغه ومو قادر ينساها واترتبت عليها تصرفاته الباقية..طوال الاربع سنوات أختي .. حاولتي تصارحيه بمشاعرك واحساسك تجاه تصرفاته وحياتكم؟؟ حاولتي تدخلي شخص كبير تثقي به ينصح زوجك بطريقة غير مباشرة؟ حالياً أبدا لاتفكري في الأطفال.. كيف تبغي طفلك يجي وعندكم المشاكل دي الله يفرج همك.. ويصلح بينك وبين زوجك |
ياعمــــــــــــري
وش اللي يخليك على الصامت؟؟؟؟ ليش عايشة الذل هذا؟؟؟؟ مالك اهل؟؟؟ ابوك وش موقفة من اللي صار لك بداية زواجك؟؟؟؟ سبحان الله....ماادري كيف زوجك ينام مرتاح وهو ظالمك.... طيب انت قلت انة يهجرك دايم ومافية اي معاشرة زوجية؟؟ طيب انت خايفة من ايش لو كلمتية..؟؟ خايفة انه يهجرك مرة ثانية؟؟؟ معليش بس تفرق معك؟؟؟ انا اللي ابوصلة لك لاتسكتين.... يعني اذا تكلمتي لاتخافين لانك ماقلتي شئ غلط....او يغضب ربنا... انت تتكلمكين عن حق من حقوقك.... خوفية من الله....وان دعوة المظلوم مستجابة..... احس زوجك فاهم الزواج خطاء....يمكن احد ماثر علية..... طيب ليش متزوج؟؟؟ يعني يبغاك واجهة اجتماعية امام الناس....ان لي زوجة....وهو ماتاب باقي على وضعة ايام العزوبية... ولايبغى يخلف...طيب ليش متزوج؟؟؟ ابي افهم؟؟؟ |
forgiveme ^ ^ أأيدك تماما بصراحة .. وقاحه و قلة أدب منه .. مسويك لعبه بيده و هو ما يرضاها على نفسه مسوي زعلان منك لما من غير قصد تغلطين بالله هو وش يسمي الي يسويه فيك ؟؟ الله يلهمك الصبر ويهديه و ان كان فيه خير لك عسى ربي يسخره لك عاجلاً غير آجلا و ان كان مافيه خير لك ربي يفكك منه عاجلاً غير آجلا يا رب العالمين و شكراً |
أستخيري الله في بقاءك معه أو الطلاق قبل يروح عمرك في إصلاح برج بيزا المائل .
|
لاحول ولا قوة الا بالله !!!!!!!!!!
|
السلام عليكم......هذه مهزله يا عزيزتي وليس زواجا.....
على اي اساس تعيشين معه و انت تفقدين ابسط الحقوق و هو حق الامان...اضافه الى حق الاحترام والموده و وو..... انت موهومه ان ظننت ان هذا هو الزواج او هكذا هم الرجال لذلك فالعيش مع هكذا رجل او الطلاق منه سيان....بل الطلاق ارحم و احفظ للكرامه.....يا فرحتي يقولون عني متزوجه و انا اموت في داخلي و اتعذب و احترق!!!!! عزيزتي. فكري و استشيري و استخيري فالعمر غفله و ٤ سنوات ليست بالمده القليله ليعرف الانسان ما يريد و ما لا يريد و اذاكان قد حان وقت ايجاد نهايه لهذا الوضع ام لا.... لا تؤمني بالمثل المصري الذي يقول (ظل رجل ولا ظل حائط) بل الحائط في حالتك يشكل اكثر سندا من زوجك و على الاقل لا يهينك و لا يجرحك.... واخيرا هدانا الله و اياكم لكل خير |
وربي لو أنا منك كنت ماتميت ببيته لحظة وحده على الي يسويه فيني .. لاتقولين اني خرابت بيوت لا والله بس بصراحة زوجك مو صغير على هذي التصرفات وهذا يبي يطفشك علشان يعيش بحريه ويبيك انتي من تطلبي الأنفصال يمكن علشان اهلك واهله ويجعلك بوجه المدفع الله يعينك ويصبر قلبك بس هذي ماهي حياة الي انتي عايشتهاااا وانتي لسة بريعان شبابك صدقيني بحالتك اختار الطلاق على حياة البؤس الي أنتي عايشتهااا ربي يمن عليك بزوج يحبك ويقدرك ويخاف الله فيك وغير كذا جوالك ليه معاه وجواله مغلق هذا معناه انه لعاب واللعاب يفتكر كل الناس زيه فهو يشك فيك ياأختي الله المستعان على العقول الصغيره والشيطان مغرر فيهم فالله يصبرك .. أتمناااا لك حياة سعيدة ويرزقك ويرزقني الذريه الصالحة اللهم آمـــين تقبلي مروري بصدراً رحب أختك شمس111 |
السلام عليكم
اول شي بقول بو طبيع ما يجوز عن طبعه دام هذا تفكيره وهذه نظرته اشتري راحتج وصح الطلاق مكروه .. لكن مو عيب انج تكونين مطلقه ياما بنات شفتهم تطلقو عقب عذاب دام سنه وسنتين وبعدها تزوجووو وعاشوا بسعاده مااجذب ولكن في مجتمعنا الكويتي انا لاحظت المطلقات يتزوجون بسرعه والعازبات ناطرين ؛/ مااقولج تطلقي منه لكن هذا اهو طبعه وراح تتعبين وتكبرين بسرعه وانتي مو حاسه بعمرج و4 سنين وماحملتي والسبب لا مرض ولا شي مجرد انه مايبي هذا حقج ولازم اطالبين فيه اجبريه قولي حق امه اقعدي معاها خليها تشوفج انج تبينه وتحاولين توفقين بينج وبينه راح تحس فيج وتحطج بعيونها واهيا بدورها بتحنن قلب ولدها عليج اهم خطوة وعسى ربي يهديه والدعاء زين ويفرج الهم الله يفرج همج واشتري راحتج وبالراحه بتعيشين براحع وثقة وسعاده الله يوفقج تقبلي مروري |
ازميرالدا صح لسانك
من جد ظلم ووقاحه ونذاله كمان انتي ايش اللي يخليك تتمسكين به ايش الميزات اللي فيه عشان تضيعين من عمرك 4 سنين روحي الى بيت اهلك معززه مكرمه وربي وحده قادر على كل شئ وقادر يرسلك الرجال اللي يحبك ويصونك ويكرمك ولا يذلك هذا اللي عندي لن اقول لك اصبري وحاولي بل توكلي ع الله وهو الرازق واتركيه خلي تسلطه وقلة ادبه تنفعه والجئي لرب العالمين واطلبيه يرزقك الزوج الصالح فانتي لازلتي صغيره وبنوته وفي مقتبل العمر والعمر قدامك ان شاء الله اسال الله العلي القدير ان يرزقك من حيث لا تحتسبين وان ينصرك ع من ظلمك |
اقتباس:
صدقت الله يعييييين ويصبرني على الي شفته والي راح اشوفه منه |
اقتباس:
اقتباس:
|
اقتباس:
|
اقتباس:
أنا محتاره وكاتبه مشكلتي عشان أشوف الي مثله يتغير ولا (لا ) والطلاق اشوفه صعب وأخاف منه حتى هو يدري علقني سنتين ما خليت احد مترجيته عشان يرجع ولان ما فيه احد بعائلتي مطلق حتى بنت خالتي حالته أصعب مني وجالسه معاه أكررر الحمدالله انه مافيه أطفال ونا كاتبه مشكلتي أبغى حل للخيانه وابغى أعرف كيف اتعامل معاه |
اقتباس:
الله يجزاك خير |
اقتباس:
ياعمــــــــــــري وش اللي يخليك على الصامت؟؟؟؟ أنتي شايفه زوج متفهم عشان أتكلم والله أن أمه تخاف منه ليش عايشة الذل هذا؟؟؟؟ سوال صعب بس راح أجاوب لما كنت معلقه الناس بدت تتكلم وأخذت درس وقلت راح أرجع له وأحسن تبعله وسكت وراح اخلي عيوني هي الي تكلم مالك اهل؟؟؟ ماعندهم غير كلمه وحده أصبري وانا مخفيه مشاكلي معاه دايم ابين اني مبسوطه وكل شي تمام ابوك وش موقفة من اللي صار لك بداية زواجك؟؟؟؟ يوم شافني دايم أفكر وبعض الاحيان أبكي توقع أني عاشقته وأبكي من فراقه وحاول يرجعني له وانا مارفضت لاني لسى في بدايه الزواج وتوقعت الي يصير لي من الجهل واني اذا رجعت راح اصلح كل شي بحسن تبعلي له بس للاسف خاب ضني سبحان الله....ماادري كيف زوجك ينام مرتاح وهو ظالمك.... طيب انت قلت انة يهجرك دايم ومافية اي معاشرة زوجية؟؟ صح طيب انت خايفة من ايش لو كلمتية..؟؟ من الطلاق خايفة انه يهجرك مرة ثانية؟؟؟ معليش بس تفرق معك؟؟؟ لا الهجر معاد يفرق صار عادي بس الطلاق أخاف منه . طيب ليش متزوج؟؟؟ احس زوجك فاهم الزواج خطاء....يمكن احد ماثر علية..... هو مو فاهم الزواج خطاء هو فاهمه أحسن مني ومنك أنا مادري ليش تنطون كلمه خاين عنده وحده أخذه كل وقته وتفكيره مستعد يضحي في كل شي لا أجل أنها ترضى هي حياته وهي روحه رسايلها ماتوقف وهو مايرتاح لين يكلمها اذا هجرني فيه بديل فيه وحده تقوله صباح الخير ومساء الخير يعني با النهايه انا الخسرانه اذا واجهته هجرني سنتين في بدايه الزواج وانا لسى عروس اذا واجهته الحين كم بيهجرني ؟؟؟؟؟؟؟ |
الليل الغافي
مسوي زعلان منك لما من غير قصد تغلطين بالله هو وش يسمي الي يسويه فيك ؟؟ مدري الجواب عنده الله يلهمك الصبر ويهديه و ان كان فيه خير لك عسى ربي يسخره لك عاجلاً غير آجلا و ان كان مافيه خير لك ربي يفكك منه عاجلاً غير آجلا يا رب العالمين و شكراً أمييييييييييين الله يكتب الي فيه الخير ويكتب لك سعاده أبديه يارب في رجا الله أستخيري الله في بقاءك معه أو الطلاق قبل يروح عمرك في إصلاح برج بيزا المائل هههههههه هو فعلا مايل الله يصلح حاله ويهديه هدوء مزعج لاحول ولا قوة الا بالله !!!!!!!!!! مشكوره على مرورك الله يبعد عنك الهموم ezmiralda انت موهومه ان ظننت ان هذا هو الزواج او هكذا هم الرجال لذلك فالعيش مع هكذا رجل او الطلاق منه سيان....بل الطلاق ارحم و احفظ للكرامه.....يا فرحتي يقولون عني متزوجه و انا اموت في داخلي و اتعذب و احترق!!!!! أنتم متخيلين اني أبكي أربع وعشرين ساعه ودموع صحيح من داخل مقهوره بس مو لهدرجه أول الوقت كنت ضعيفه أبكي على كل كلمه يقوله كنت دايم ألوم نفسي اني أخترته أشوف صديقاتي ما تزوجو أقول يا بختهم في بدايه الزواج كنت متمسكه فيه وبقوووه وكنت متخيله ان حياتي بتنتهي لما هو يتخلى عني بس يوم رجعت بعد ما علقني تغير تفكيري خصوصا لما شفته عاشق وأني رجعت متاخره رجعت له وقررت اني ما اجعله محور حياتي يعني يوومي كله اذا كان هو موموجودأجلس مع أهله وعلاقتي فيهم قويه مرره ركزت على اشياء مهمه وكملت دراستي وأخذت دورات يعني ما افكر فيه الا اذا كان موجود عندي بس الى متى قرررت اغير حياتي معاه قرأت في البوصله الشخصيه طلع شمالي غربيعزيزتي. فكري و استشيري و استخيري فالعمر غفله و 4 سنوات ليست بالمده القليله ليعرف الانسان ما يريد و ما لا يريد و اذاكان قد حان وقت ايجاد نهايه لهذا الوضع ام لا.... تفكيري أحتار وطلبت رأيكم شمس111 فيه أكثر من الحريه الي مخليته له ما أساله وين يروح ولا أيش يسوي ؟؟ مسويه نفسي ما أشوف شي وكل شي واضح قدامي وهذا يبي يطفشك علشان يعيش بحريه ويبيك انتي من تطلبي الأنفصال يمكن علشان اهلك واهله ويجعلك بوجه المدفع لفته رائعه أتوقع انه يبغاني انا أطلب الطلاق ومراح يقصر أطلبه الصبح وشوف الصك باليل عشان كذا انا أستشريكم ترى الطلاق عنده سهل انتم تشفون انه راح يتغيير ولا اتوكل على الله وأتطلق وغيركذا جوالك ليه معاه وجواله مغلق هذا معناه انه لعاب واللعاب معاه اكثر من جوال ((وواحد من جولاته مغلق وممنوع المس )) Nawarra قولي حق امه اقعدي معاها خليها تشوفج انج تبينه وتحاولين توفقين بينج وبينه راح تحس فيج وتحطج بعيونها واهيا بدورها بتحنن قلب ولدها عليج اهم خطوة وعسى ربي يهديه اهله دايم يساعدوني على الصبريرفع صوته قدامهم ودايم يوقفون معاي ضده وحذرني اني ما أقول لهم شي لانهم صارو معاي نسيم الوسم مشكوره على نصايحك أشوف أغلبكم نصحني في الطلاق أعترف الي شفته مو شوي وطلاقي منه سهل بس أنا أربع سنوات صابره وخايفه حتى بعد الطلاق راح يكون عندي خووووووف من الزواج ويمكن ما أتزوج وهذا الي خلاني أتردد |
الصبر الصبر الصبر
مفتاح الفرج انت اكثري من الدعاء وقومي الليل واكثري الدعاء كل شئ بيد الله مقلب القلوب اذا شاء ممكن مع الايام زوجك راح يتغير اكثري الدعاء ولا تنسي الله يمهل ولا يهمل فلا تياسي ولا تخافي الا من اللذي خلقك اختي فيه ناس اكثر منك انت فين وهم فين على الاقل هو لا يضربك فخلي كلامه بينه وبين اللي خلقه ولا تنسي ان جرحك مرة تانية فقولي له حسبي الله ونعم الوكيل ردديها له حتى يسمعها ولا تناقشيه ولا تجادليه لحتى لا تكبر المشكلة الله معك غالتي ويفرج كل همومك يارب ويصبرك ويحقق كل امانيك ياااااااااارب بالمناسبة اختي اجلي فكرة الخلفة الان لحتى تتحسن الاوضاع وتلاحظين على الاقل انه تغير لان الاطفال صعب اكثير في هذه المرحلة الله معك |
يشرع لك أن تصلي صلاة ( الحاجة ) وهي ركعتان نافلتان، تصليهما ثم تسألين الله تعالى صلاح حالك مع زوجك، واجعلي من دعائك: ( ربنا هب لنا من أزواجنا وذرياتنا قرة أعين واجعلنا للمتقين إماماً ).
ونسأل الله لكما التوفيق والسداد والصلاح والمعافاة. |
ممكن تكون علاقته ببنت وحدة أو علاقات متعددة عابرة ... والصراحة احترت من الأسهل التغلب عليها لكن في طريقة أخيره وحدة تقدري تجربيها مع الدعاء اللي نصحوكي فيه الاخوان
طريقتي انك تحاولي تكسبي قلبه ... خل أشرحلك فكرتي الظاهر انه كانت علاقته أو علاقاته قبل الزواج وطريقة معالجتك لخيانته استفزته أو أعطته الفرصه حتى يلعب على المكشوف خاصة انكم كنتم عرسان وما أخذتو فرصتكم بتكوين رابط قوي يربطكم وما تهمه مشاعرك . طريقته طريقة واحد يحاول يطفش اللي عنده ... لسبب ما هو لا يرغب انه الطلاق يجي من عنده . أحواله المادية ووضعه بين أهله وسمعته وامكانية زواجه بالبنت اللي معها العلاقة كلها عوامل تأثر على نجاح الخطة . هجره لك سهل لانه عنده من يشبعه مثل ما قلتي لكن من جهة ثانية في شوية أمل ما دام انه يطلبك أحيانا . معناها انه ما يكرهك مثل ما تتصوري .. خلينا نحاول انه يحبك ... يمكن وقتها يترك العلاقات ... أقول يمكن .... لانه ممكن ما يترك علاقاته حتى لو يحبك ويموت فيك ... شفتها بمواضيع لزوجات ابتلوا بأزواج خائنين بالرغم من انه يحب زوجته لكنها صارت عادة عنده أوطبع ما يقدر يتغلب عليه ... لأجل هذا أقول لك ضروري الدعاء ... حلها بس عند رب العالمين واحنا بس ناخذ بالأسباب . اذا نويتي تحاولي نتباع معك أنا والاخوان والاخوات ونشوف كيف ممكن تنفذي ربي ييسر أمرك ويوفقك :) |
|
اقتباس:
طريقتي انك تحاولي تكسبي قلبه ... خل أشرحلك فكرتي بصراحه كلهم صعبات با النهايه هي خيانه بس الاصعب لما تكون علاقته في بنت وحده ولا تدرين من هي البنت أخذه كل وقته وتفكيره ومشاعره لان الي عنده علاقات متعدده يكون غالبا يلعب اما الي عنده علاقه وحده يكون الموضوع مو لعب هذا يحبها ومن قلبه راتبه كله لها وانا أتسلف لاأني اذا طلبت راح ألقى رد جارح يخليني أتمنى أني ما طلبت الظاهر انه كانت علاقته أو علاقاته قبل الزواج وطريقة معالجتك لخيانته استفزته أو أعطته الفرصه حتى يلعب على المكشوف خاصة انكم كنتم عرسان وما أخذتو فرصتكم بتكوين رابط قوي يربطكم وما تهمه مشاعرك . علاقته كانت قبل زواجنا شفت الرسايل كانو يعرفون بعض من زمان يعني فتره مو بسيطه وكانت رسايل جريئه فقدت أعصابي وقمت أجرح فيه وقلت كلام المفروض أني عروس وما أقوله ودفعت ضريبه الكلام أربع سنوات وانا أصلح عشان الموقف الي صار وهو كان مايبغى صورته تهتز قدامي فقال اني ظالمته واني غلطانه وفاهمه الموضوع غلط وقال أذا تبغين ننفصل الحين ماعندي مانع لا ني ظلمته جرحت مشاعره ورفضت لا أني ما أبغى الطلاق هجرني وبعده رجعت واحده ثانيه مسويه نفسي واثقه فيه بس كل شي واضح مثل الشمس خواته عندهم شكوك تبغين زوجته ماتشك أنا جالسه الحين أحاول أقوي الجانب الإيماني لدى زوجي وأخليه يخاف من الله لعله يستيقظ الضمير عنده اذا ما خاف من الله مو خايف مني ما أبحث في أغراضه لا ن مشكلتي بدت يوم فتحت جواله عشان كذا أخذت درس (((أن ثلثي العقل التغافل)) جالسه أدور الخلل فيني تدرون مافي أحد كامل وأسوي تنويع في كل شي عشان أكسر الروتين في البدايه كان عندي محور واحد وهو زوجي أما الان أصبح عندي محاووور قضيـــت على وقت الفراغ أبين له اني مبسوطه واني أسعد وحده في الدنيا وفوق هذا كاشخه على الاخر وواثقه بنفسي وهاديه وغامضه ومطيعه ما أرفض له طلب هجره لك سهل لانه عنده من يشبعه مثل ما قلتي لكن من جهة ثانية في شوية أمل ما دام انه يطلبك أحيانا . معناها انه ما يكرهك مثل ما تتصوري .. مايطلبني أنا الي أطلبه :11: وقبل فتره سالته تحبني قال أنا واثق فيك بس ما أحبك اذا نويتي تحاولي نتباع معك أنا والاخوان والاخوات ونشوف كيف ممكن تنفذي أكيـــــــد راح أحاول لا حياه مع اليأس الله يوفقك ويهنيك ويسعدك دنيا واخره |
..... اختي
اسعدتني كلماتك الاخيره وامل ان نكون قد وضعنا شيئا بك من خلال ردودنا نسال الله لك ولنا التوفيق |
|
اختي الكريمه نعم اكثري من الصلاه والدعاء ولك بعض الادعيه التي يمكن ان تساعدك
هذه الادعيه ستشعرين الى الراحه والتغير الكبير من زوجك ولكن لا تستعجلي بس اهم شئ الدعاءالى ربنا اللهم أني اسئلك بأنك الواحد الأحد الفرد الصمد الذي لم يلد ولم يولد اللهم صلي على محمد وعلى اله واصحابه اجمعين رب اغفر لي رب اغفر لي رب اغفر لي اللهم اصلح لي زوجي وارزقه الاستقامة على دينك اللهم وفق زوجي لما تحبه وترضاه اللهم جدد الأيمان في قلبه اللهم يا مقلب القلوب ثبت قلب زوجي على طاعتك اللهم وفق بيني وبين زوجي واجمع بيننا على خير اللهم اجعلني لزوجي كما يحب واجعله لي كما احب واجعلنا للك كما تحب وارزقنا الذرية الصالحه كما نحب وكما تحب اللهم اهدني واهدي زوجي واجعلنا من اهل بيت صالحين اللهم الف بين قلبي و قلبه كما الفت بين قلوب عبادك اللهم جملني في عين زوجي وحببني الى قلبه واجعلني الزوجة الوحيده له وارزقني ذرية صالحه منه اللهم دعوناك فاستجب لنا كما وعدتنا |
اميييييييييييين
جزااااااك الله الف خيير مشكور عالأدعية الي تشرح الصدر وجعلها الله في ميزان حسناتك وفقك الله لما يحبه ويرضاه ألف شكر ع المرور والدعاء الحلووو |
اقتباس:
أول شي ... قلتي انك تكشخي وشغلتي وقتك وهذي من الامور اللي ممكن تجذب زوجك وتخليه يحترمك لكن شعوره بأنك أنت تحبيه ممكن يميل قلبه لك فهل أشعرتيه بأنك تحبينه وتغاري عليه <<<< غيرة دلع مو غيره عصبية ونكده . ثاني شي بتفكري تصارحيه ؟؟؟ أتوقع انه جلسه هادية تكلميه فيها وكأنك صديقته مو زوجته ممكن توضح لك أمور كثير وتساعدك لا تلمحي لعلاقته وانها لا زالت مستمرة لكن تكلميه بموضوع حبه لك .. ابدئيها بأنك تحبيه وانه هذا هو سبب رجوعك له لكنك حاسه انه قلبه مو معاك بدليل انه قال لك انه واثق فيك لكنه ما يحبك ... واسأليه ليه ما يحبك ؟؟ ناقصني شي ؟؟ .. أدري انه مافي علاقة بينكم وانا واثقة فيك لكن يمكن قلبك لا زال متعلق فيها شوي أو الذكريات مانعتك يكون في أحد بدالها بقلبك الحين .. قوللي ليه ما تزوجتها ؟؟ وايش اكثر شي عجبك فيها ؟؟ يمكن اذا عرفتي هذي المعلومات تستفيدي منها بكسب قلب زوجك . أتوقع انه زوجك عاطفي واذا شعر انه ممكن يعيش معك قصة حب يتجاوب معك أكثر ويترك قصة الحب اللي بالحرام اللي عايشها الحين خاصة انه لها وقت والزمن كفيل ببرود العاطفة . عندك فكره ليه تزوجك ما دام انه يحبها ؟؟؟ ثالث شي لا يأس مع الحياة صحيح لكن لا تضيعي شبابك وحياتك معاه اذا مافي أمل منه ... من حقك تنجبي ومن حقك تعيشي مع رجل يحبك ... |
تقدري تظهري غيرتك لزوجك وقت ما يمزح مزحه الثقيل ويقولك انه يبي يتزوج الثانية .. بدل ما تحزني طلعيها بمزح وامسكي بملابسه مثلا أو برقبته مسكه خفيفة وقوليله ترى أذبحها ( قوليها وانتي تضحكي )) وأموتك ... واسكتي عن الضحك ... أموتك من كثر البوس وطالعي بعيونه برغبه .
بيتفاجأ .. بوسيه بوسه خفيفة على خده واتركيه .. انشغلي بأي شي ..ابعدي عنه .. بما انك مو مستفيده منه ماديا وبما انها يصرف عليها رابته ... خلينا نستفيد من هذي المعلومة ولو بشكل مؤقت مثل ما يقولون نتمسك الى أن نتمكن . قوليله جملة صغيره بمعرض حديثكم .. قوليله أنا أحبك عشانك انت ..أحبك كيف ما تكون أحبك بدون فلوسك ..أحبك لأنك حلالي .. هو راح يفكر بكلامك وراح يقارن بينها وبينك .. موضوع انك مو ماديه وموضوع أنه حلالك انتبهتي انك لما سألتيه اذا يحبك شنو قال؟؟ يقول أثق فيك لكن ما أحبك .. مين سأله عن الثقة ؟؟؟ أتوقع انه شغلة الثقة تشغل باله ... ما يقدر يثق بخاينة مثلها بينما يثق فيك ... كمان شغلة حاولي تبدعي بعلاقتكم الخاصة .. حرارة مع خجل .. وبعد فترة حاولي ما تطلبيه ... اصبري وانتظري انه هو يطلبك بدون زعل وبدون نكد مع استمرارك بتحرشات خفيفة وتبعدي ... وتكشخ بالبيت وخارج البيت . حتى لو كان ياكل خراج البيت أو على التليفون لكن انت لك طعم خاص (( هذا استفدته من موضوع نزلته من فترة بسيطة أختنا الماضي الدفين )) وأكيد بيشتاق لك ... ولو بعد فترة ... حاولي على قد ما تقدري وحتى لو بالاخر انت طلبتيه ارجعي بعد فترة وحاولي مرة ثانية تنسيه وتنتظريه يطلبك .. |
اقتباس:
|
اقتباس:
لانه قالها لك مايحبك وفيه وحده ثانيه ساحبته ولاحسه عقله..اول اسبوع كان تمام معك لانكم لسا عرسان بس لو استمريتي بعد شهر بينقلب سواء جرحتيه او ماجرحتيه...وبعدين انا استغرب يوم تقولين جرحته ..انتي شايفه انك جرحتيه ..طيب هو وش تسمين الي مسويه فيك..مو جرح مو ظلم يعني انتي معتبره نفسك غلطتي عشان واجهتيه بغلطه وبسواد وجهه..وقام وداك بيت اهلك...ياناس ياعالم هوخاين ليش ماقلتي لاهلك انه خاين... ليش الي يواجه بالغلط يعتبر غلطان ليش الي يبي ينهي عن المنكرات يعتبرونه غلطان... والي راكبه الغلط من راسه لارجليه يعذرونه..عند علاقه حرااام ليش ماتكلمين البنت الي يكلمها وتبكين عندها وتطلبينها تبعد عنه لانها سبب في تعاستك..يمكن تطلع ادميه وتحس فيك كونك امرأه مثلها |
اقتباس:
ليه الغرور كلا مك صحيح ذكي لا أبعد الحدود ولماح بس وش أسوي هذا النصيب وأدري أنه ما يحبني ولما شفت ردك تذكررت كلامه وتجريحاته وتلميحاته أني مهما حاولت ما أصلح له ولما أقرى كلام Beta2 مادري شنو أقول تكلمني عن العلاقه الخاصه أقول لها أنه ماعمره حبني ولا عمره ضمني ولا عمره أعتبرني حرمه عشان يعتبرني زوجه |
ليه الغرور وانا عروس كان شخص لو أجلس اوصف اخلاقه مراح أخلص تخلص الصفحات والحروف وانا اكتب في اخلاقه يمكن حسدت نفسي عليه وكله كم يوم والعرض مخلص والسبب اني فتحت جواله طيب ليش ما كمل معاي على الاقل سبوعين شهر وبعدين هددني اني لو اتكلم لا اهلي واهله راح يخليني معلقه طول عمري وقال طلاقك أنسيه دامني حي لو كل شي يصير مر اح أطلقك وتكلمي وبعده خفت وسكت
يوم اسالوه أهلي عن السبب قال بنتكم مقصره ولسانه طويل ماتسوي ولا تصلح وكل شي ناقص تبغى تربيه من جديد صدقو أهلي وقامت النصايح تشتغل وحاولت أتصل وأرسل وأعتذر لكن دون جدوى وحاولو اهلي واهله يصلحون الموقف البنت الي يكلمها الي اعرف عنها انه من دوله عربيه وبس |
| الساعة الآن 12:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
