|
عروسة و احتمال اتطلق
السلام عليكم و رحمة الله و بركاته .. بداية ترددت كثير قبل لا اكتب موضوعي .. خصوصا انه ما جا في بالي بيوم من الايام اني بكتب مشكلة في منتدى المتزوجين .. و اللي ما جا في بالي أكثر .. انه بهذي السرعة بعد زواجي لكن شفت مواضيع الناس هنا و شفت كيف تفاعل الاعضاء معها حتى مع كون العضو صاحب المشكلة مو معروف لهم .. بصراحة تكونوا له اكثر من اخوان و من هنا انا ارتحت اني اصارحكم مشكلتي و اطلب منكم المشورة _ ترا الموضوع جدا طويل .. ما اكتشفت انه طويل الا لما خلصت .. و قلت ياااااااه كل هذا كان بقلبي هههه _ سامحوني اممم طبعا من العنوان انا عروسة .. صار لي شهر واحد من تزوجت بس بس احس اني كارهة حياتي و اللحين في بيت أهلي .. و مدري شنو النهاية .. عشان تكونوا بالصورة من البداية أنا : عمري 24 .. طالبة متخرجة حديثا زوجي : 30 .. صيدلي زوجي اللي انا اشوفه منه .. طيب بس مو مرة , كريم واجد , صادق لكن بعد الزواج شفت منه امور كثيرة ما ترضيني .. هو لا حنون و لا رومانسي مثل ما توقعته قبل الزواج , يعني اشوف منه الحب و الاحضان و الكلمات الحلوة اذا يبي مني شي بعلاقتنا اقصد .. و لا بالاوقات الثانية عادي يعني كأني زميل وياه بنفس الشقة .. بعد الزواج اكتشفت ان اهتماماته بالنسبة لي سخيفة .. يعني يحب الموسيقى لدرجة قاتلة يعرف مين اللي عزف هالموسيقى و وشو الآداة اللي استخدمها و و متى عزفها و مين متزوج و شلون ماتت امه و ايش اسم شغالتهم .. حياتنا كلها موسيقى .. اعرف البعض يقول وش تبين .. بس لو سمحتوا حتى و هو معصب يسمع موسيقى ! كمان يحب يطالع الأفلام .. و لو تخلونه مليون ساعة عند التلفزيون ماعنده مانع .. عاد أنا ما احب التلفزيون ابد .. يحب الطبخ و دابل مرارتي لأني بصراحة ما اعرف اطبخ توني اتعلم , يعني حتى لما احاول اصير مرة سنعة و اجلس اخربط بالمطبخ .. يكسرني و يحبطني .. لأنه مررررة كويس بالطبخ فينتقد اللي اسويه و ما يعجبه .. فصرت أخاف اجرب شي في شقتي و ما اتشجع اطبخ .. صرت اروح بيت ابوي اطبخ لأخواني بس عشان اثبت لنفسي و له اني اطبخ كويس .. حتى لو ما عجبه .. صرت حتى لما اسوي شي ما اسأله وش رايه اصلا .. عجبه ياكل و هو ساكت .. و اذا ما عجبه لا ياكل و هو ساكت برضو بعد الزواج .. اكتشفت اني ما احب جسمه .. المشكلة انه حده واثق من نفسه .. عنده من السمنة زوائد في جسمه و كمان هو مو رياضي .. اقول له روح الصالة مع اخوي سوو رياضة .. يقول لي انا جسمي مو مهيء يشيل حديد و عضلات .. اتعب , كمان لاحظت عنده مشكلة التثدي بدون سبب مرضي .. بس مضايقتني حيل لدرجة صراحة احيانا اكره اناظر فيه .. اقل له خلينا نروح عند دكتور يسوي عملية شفط ما تاخذ شي و بنج موضعي .. بس مو راضي يخاف على عمره يموت !! ادري بتقولون شفتيه وقت الملكة .. اي شفته .. بس هو زاد وزنه شوي بعد الزواج و بالتالي زادت المشكلة و الشي الثاني اني بعد الزواج صرت اشوفه بدون ...... بعد الزواج .. اكتشفت انه يبغى يطلع من السعودية بأي شكل من الأشكال و انه مو عاجبه الوضع هنا .. و دايم يتحلطم و ينتقد .. هو دارس الماجستير بالخارج .. هو يقول لي من قبل انا ما بجبرك تكملين دراستك او تشتغلين بالخارج بس افضل برا عشان نطلع من هالمكان المتخلف و الناس المتخلفين .. انا كنت اعتقد ان بالفعل القرار بيدي .. لأني بصراحة ما افضل اني اطلع برا .. لكن هو صار يقول لي أنا مو قادر اتحمل اكثر , انا بطلع و انتي كيفك تبين تجلسين بالسعودية اجلسي .. تبين تلحقيني الحقيني .. انا جدا متوترة من هالسالفة .. ان طلع و تركني خلعته ههههه بس اللي موترني اني الى اللحين مو لاقية جهة تقبلني كدراسة أو عمل بعد التخرج مع اني متفوقة بالدراسة بس هنا للاسف اذا ما عندك واسطة مكانك سر و هذا الشي قاهرني .. و بالتالي انا بكون مضطرة اني اعتمد عليه .. بس لو انقبلت راح اكون مستقلة عنه .. يعني لو بيطلع و أنا ما ابغى .. ما يأثر علي .. اقدر استقل عنه و حتى افسخه << وحدة تبي الفكة هههه بعد الزواج .. اكتشفت ان لغته بالحوار لما يعصب جداً بذيئة .. يعني كفاية لا حب و لا حنان و لا رومانسية و لا وسامة إلا بعد تسب <<< وحدة عصبت انا ما اعتقد ان في زوجين ما يتخانقون أو يختلفون .. لكن زوجي من نختلف على طووووول يثور و يقول كلام جارح و يسب .. المشكلة انه ما يعتذر .. و لا يعتقد انه غلطان أصلا .. دايم يقول انتي اللي تخليني اعصب .. طيب هذا نقاش و ان كان حاد .. فكل زوجين في الحياة تمر عليهم اوقات يختلفون و يعصبون و يتخانقون .. بس مافي احد محترم يجلس يسب مرته .. لأنه ببساطة بعدين بيتراضون .. بس الجرح ما يختفي بالبداية كتمت في نفسي و اصلا ما ارد عليه .. و لما يصفى الجو اقول له اني تضايقت منه و ان هذا الكلام ينحفر في القلب .. حتى اذا تصافينا و رجعنا يظل قلبي شايل عليك .. و يعتذر و يقول ما بعيدها و يعيدها طبعا يتعذر و يقول هالكلام اذا كان له رغبة فيني .. بس غير هالوقت لو اموووت ما اعتذر .. و اذا فتحت معاه الموضوع ما يزيدني الا انسب مرة ثانية .. يعني مثلا من الاشياء اللي يقولها لي ( طبعا بس لما يكون معصب و في مشكلة و لا غير هالوقت ما يقول ) .. * الله يلعن يوم الزواج و الساعة اللي تزوجتك فيها يا حمارة *مرة كان يصارخ و يسب و يقول لي لو رديتي و لا سمعت لك نفس و الله اكون ولد قحـ .. اذا ما اوديك بيت اهلك و اطلقك *انتي قليلة ادب *ما تستحين على وجهك *غبية *متخلفة و غيرها .. بصراحة انا وقت ما يقول لي هالكلام . أسكت و ما ارد عليه , اصلا اخاف منه لأنه معصب و أخاف يجيني اكثر .. آخر مرة , كنا بنروح نتغدى بيت أهله , و كنت رايحة مرة من قبل و تأخرت أنا بصراحة شوي .. فهالمرة قلت ما بتأخر عشان ما يعصب , و جهزت نفسي بدري و جهزت ملابسه , في هالأثناء كان هو جالس يرتب الصالة و يكنسها _ هو عادي يساعدني بشغل البيت و حتى يطبخ لأنه يحب الطبخ _ و كان طبعا طبعا يسمع موسيقى .. فجاة طالع الساعة و حس انه متأخر على بيت اهله و قال يللا يا حلاوة بسرعة .. بسرعة .. يللا .. يللا بسرعة ( طبعا لازم يحرقني كل مرة يبي يمشي ) .. مع ان دايما احنا اول ناس نروح ! أنا قلت له طيييييب دقيقة . المهم لبست بسرعة و طلعت معه .. المهم قلت شدعووووة حارقنا كذا .. هذا و انت اللي متأخر أنا خالصة من بدري .. قال لي لاااااا انتي المهم أنا قلت : و اذا تأخرنا خمس دقايق , البيت الأبيض مثلا ً .. انا قلت كذا و ما بغيت الا روحي .. شفته طالعني بنظرة حقد .. و قال لي احترمي نفسك لا تغلطين على أهلي و لو بيت ابوك قصر الوليد مو هذا حدك .. و انتي ما تستحين على وجهك انا فار دمي .. طبعا مع فوران حرارة جونا الجميل و كوني آردي شايلة عليه من قبل .. المهم قلت له انت اللي ما تستحي على وجهك قال لي قليلة ادب .. قلت له انت اللي قليل ادب و احترم نفسك تراني سكت عنك من قبل مو لأني ما اقدر ارد عليك .. بس قلت احترمك كأنك تستاهل <<< لاحظتوا الانفجار ! طبعا انا بهالوقت احس طلعت اللي بقلبي .. شااااايلة عليه اهانات و سب شهووور .. احس قلت هالكلام برد قلبي شوي .. بس بعد لسه باقي بس سكت و قمت اصيييييييح هو حسيت انقلبت نبرته و قال لي يا حلاوة خلاص هدي طيب .. بس أنا ما في فايدة دمي فااااار و كملت الصياح و راحت كشخة العروس اللي كنت كاشختها ع اساس بروح بيت اهله المهم وصلنا بيت اهله و أنا في حالة يرثى لها .. نزل هو و قال لي نزلي .. أنا رفضت .. لأن وجهي صراحة بعد الصياح صعبة يشوفوني كذا و انا ينقال لي عروس مالت علي .. ما رضيت انزل .. سكر علي السيارة و راح لأهله .. تخيلوا مع هالجو الحارق ما شغل المكيف .. أنا حقدت و رحت دقيت له هرن السيارة .. طبعا فضيحة <<< حسيت اني بزر و انا اسوي هالحركة بس والله قمت اضحك و انا اسويها خخخخخ المهم جا و هو معصب .. أنا قلت في خاطري .. استعدي يا حلاوة تصدين يده .. لأني توقعت يجيني كف ماشي 120 <<< ادري مصطلحات شباب بس مشوا حالكم هههه المهم انه ما سوى شي .. قال لي تبين ارجعك الشقة ؟ قلت اي .. رجعني الشقة و قفل علي و طلع راح بيت اهله تغدى .. أنا بهالوقت كانت اعصابي خلاااااااص منتهية .. رحت رتبت كم غرض لي عشان بروح بيت اهلي .. طقت كبدي من سخافاته و اهاناته .. يا ليت على شي يستاهل .. لا حب و لا رومانسية و لا حنان ولا بعد وسامة بس قلت ما بدق على اخوي ياخذني .. انتظرته لين جا و قلت له ودني بيت اهلي و هو ما كذب خبر اخذني و وداني و طول الطريق ساكتين المهم ان اللحين صار لي ببيت اهلي يومين .. ما فكر حتى يجي يسأل عني أو يعتذر أو يطلب مني أني اجي معه .. أول أمس .. اتصل قال لي : حلاوة تبين أجيك ؟ .. قلت برجع لبيتك اذا لي مكانة و احترام هناك .. قال اجل يللا سلام !!!!!!!!!!!!!!!!!!! ههههه ادري مو صاحي زوجي امس كنت ابغى شي من الشقة عشان الدوام و قلت له يجيبه .. جابة امس و ما كان احد بالبيت لا اخواني و لا ابوي .. دق علي قال خلي احد من اخوانك يطلع ياخذه .. قلت له مافي احد . قال كذابة , قلت والله مافي احد .. قال طيب انزلي انتي خذيه و اذا تبين تجين معي تعالي .. و لا جلسي فيت اهلك اسبوع شهر سنة ما تفرق .. انا سويت روحي ما سمعت .. قلت طيب .. جا حتى ما دخل و لا سلم علي .. مد يده من الباب عطاني الكيس و مشى .. آسفة والله طولت عليكم بالهذرة .. بس احس قلبي مليااااااااااااااان .. و ابغى احد افضفض له و ما لقيت غيركم .. المهم اللي حاصل اللحين .. هو دايم يقول لأهلي و أهله ان مافي شي و ان حلاوة تبغى ترتاح شوي .. و احنا نعرف نحل امورنا بيننا .. و لكن في الواقع بيني و بينه ما يبغى يحل الأمور .. يقول لي اذا انتي مرتاحة في بيت اهلك خلك , أنا بعد مبسوط !! لكن أنا .. قررت اني اوقفه عند حده .. مو ملطشة له أنا .. لأنني ببساطة عندي كرامة .. و أنا لا حمارة و لا متخلفة و لا غبية .. و هو الحمار و المتخلف و الغبي <<< امنيتي اقول له هالكلام في وجهه عشان يبرد قلبي بس أخاف صراحة منه أنا مستاءة جدا للمستوى المنحط اللي وصلنا له .. ما كنت اتمنى اوصله ابد .. لكن بسببه وصلنا .. ما أحس يحبني .. بالرغم انه يقول انه يحبني بس على قولته بطريقته .. يعني اقول له اشتهي اسمعه يمدحني بشي قلته و لا سويته , احب يقول لي كلام حلو بدون ما أبادر أنا , احب يمدحني قدام اهلي و أهله , أحب يسأل عني و يهتم فيني , احب يفاجأني بشي و لا هدية .. مع ان زوجي كريم بس ما يؤمن بالهدايا يحس انها سخافات .. اذا قلت له كذا يقول لي حلاوة انا احبك بس لأنك انتي بنت و أنا رجال يختلف تعبير الحب عندي .. !! ما احس يهتم فيني و يحبني .. لدرجة بعد الزواج تقريبا بخمس أيام صر لي نوبة صداع الشقيقة .. انا معي من زمان و دايم يجي لي اذا ازعل او اتضايق , المهم جاتني النوبة بالليل و ما قدرت أنام أبدا من الألم .. والله والله و لا تحرك من مكانه و لا حتى جاب لي كاس ماي .. أنا بموت من الألم و الصياح و هو حده التفت علي مرة و قال حلاوة هدي نفسك و لا ترا بيزيد الألم و التفت على الجهة الثانية و نام .. و كمان مع موجة الغبار اللي جات الشرقية انا تعبت مرررررة .. و كمان و لا كلف نفسه يسوي شي .. غير انه قال لي حلاوة اعتقد ان اللي معاك مو بس حساسية .. يمكن معاك pneumonia و تحتاجي azithromycin مدري كم غرام لمدة 3 ايام ( بحكم انه صيدلي ) .. و بس ما شفت منه شي و انا كنت تعبانة مرررة .. أنا بذيك الساعة تمنيت أشيل اكبر شي بالغرفة و ألوحه عليه عشان ما يقوم من مكانه من قهر الدنيا اللي صار بداخلي عليه لما سألته بعدين .. قال حلاوة انا قلبي كان يتقطع عليك .. بس وش اسوي لك .. نسى لما كان حلقه يعوره ما خليت شي ما سويته له بس عشان يطيب بسرعة و ما يعاني .. لانه بعد اذا يتعب يخاااااف على روحه مرررررة يصير كأنه بزر و يحوم كبدي أنا حقدت و حلفت اني لو اشوفه قدامي يموت .. و لا اتحرك ادري قصيت قصة حياتي كلها و قلت اشياااء واااااااااااجد و كأني متزوجته سنين مو شهر .. بس من جد بصراحة كرهته .. احس مو طايقته .. لا حب .. لا حنان .. لا اهتمام .. لا رومناسية .. و فوق هذا سب احس بالتعاسة من تزوجت والله .. احنا بعد الزواج ما سافرنا شهر العسل لأن كانت الظروف المادية مو مرة و هو تكلف واجد بالزواج .. فجلسنا .. انا مليت و زهقت حياتي كله فيسي في فيسه .. على اساس ماخذين اجازة شهر بعد الزواج .. بس أنا من الزهق رجعت الدوام بعد اسبوعين من الزواج انا كان عندي عادي ان وضعه المادي صعب بعد الزواج .. فهو أكبر فيني أني قنوعة و ما ثقلت عليه بالطلبات وقت الأزمة .. بس مع الراتب و الزيادة اللي جاته .. و الله و لافكر يشتري لي هدية و لا يطلعني مطعم على الأقل .. حتى عيد ميلادي كان قبل اسبوع .. و الله انه ما سوى ولا شي و لا جاب شي .. جاب كيكة هو نفسه فيها من زمان .. و الهدية قال بعدين يا حلاوة احنا لسه عندنا مسؤوليات كثير اللحين .. اذا جبت لك هدية بألفين و لا ثلاثة وش يبقى من الراتب .. و انتي ناسية القرض اللي ماخذينه .. سكت و ما قلت شي غير الهدية بمعناها .. و جاه بعدها دبل الراتب .. و كمان ما شفنا شي .. ما احس اني عروس حالي حال عرايس خلق الله .. والله لما الحرام كان انتحرت و افتكيت من حياتي التعيسة و طز بأهله و فيه هو و في المجتمع كلهم .. المشكلة القائمة الى الوقت هذا .. أنا في بيت أهلي و مصرة أكبر المشكلة و اخليها فضيحة <<< وحدة مو .....ابد هههه المهم اني ابغاه يوقف عند حده .. يعني مو كفاية متحمله شكله و قل اهتمامه و حنانه .. الا بعد مسبة و اهانات .. هو راكب راسه و لا حتى يجي يراضيني و لا معترف اصلا انه غلطان .. معصب مني ليه اخلي الناس يدرون عن المشكلة و خصوصا ابوي و امي و امه .. انا احس اني بالفعل مالي قيمة و لا احترام و لا حتى يحبني .. احس اني شي محطوط مجرد يفرغ شهوته فيه . احس بالفعل بحقارتي .. انا بالفعل ما ادري وش ممكن يصير .. يجوز نتطلق .. لأني ما احس ان بيننا ارتباط كبير .. يعني احس من ناحيته انه ممكن يتخلى عني بسهولة .. و من ناحيتي أنا كارهته من كثر ما يجرح فيني .. انا سهلة ان الواحد يكسب محبتي مثلي مثل أي بنت .. كلام حلو و هدايا و خرابيط .. كل البنات كذا .. لكن من منطق رجولته الوضع مختلف ! مدري شلون يفهم الحب حضرته .. و بالتالي ما كسبني .. و بالنهاية ارتباطنا ضعيف في ملاحظات بقولها .. يمكن تقلب راي الأخوة القراء من معي الى ضدي .. لكن بقولها عشان تكونوا معي بالصورة .. لاني بجد تعبت اول شي انا كنت مخطوبة قبل زوجي هذا .. و انفصلت بطلب مني لبخله و رزالته معي .. لكن كان وسيم و كمان كان يحبني اعرف و متأكدة من هالشي .. لأن اللي يحب ينعرف .. مع مشاكلي مع زوجي صايرة افكر واجد بخطيبي السابق .. ما اقدر اقول متحسفة .. لكن اقول على الأقل على بساطة مواصفاته الثانية مقارنة مع زوجي الا انه كان يحبني و يموت فيني .. لكني انا اللي رفضته .. صايرة افكر فيه واجد و اعرف ان هالشي غلط بس مو قادرة امنع نفسي .. لأني بالفعل افتقد الحب و الحنان و الاهتمام الشي الثاني .. و ارجوكم خذوني بحلمكم و ارجوا ان الله يشملني بعفوه صراحة انا كنت اعرف واحد قبل زواجي لمدة ثلاث سنوات .. لكن من قبل زواجي بشهرين تقريبا انقطعت عن مكالماته تماما و هو كمان انقطع لأنه يعرف بزواجي .. هو انسان كثير محترم و مثل الأخو الكبير لي .. اشاوره و احترم رايه .. في هالمشكلة اللي حصلت بيني و بين زوجي .. دقيت على زوجي البارحة حسيت اشتقت له شوي مع انه قاهرني بس قلت يللا اجي على نفسي شوي و اكلمه .. قلت له شخبارك .. قال بخير و مبسوط بعدين قال وش تبين .. قلت محتاجة اتكلم مع أي أحد .. ظل ساكت .. بعدين قال .. يللا اذا عندك موضوع قوليه و لا ترا انا بقوم أنام .. أنا مرررررة انقهرت و حسيت بالاهانة .. قلت له تصبح على خير .. و سكرت و دايركت كلمت هذا الشخص اللي اعرفه و انا بصراحة ارتاح له كثير .. بعد السؤال عن الأحوال قلت له مشكلتي مع زوجي لأنه استغرب اني اكلمه .. فقال : انه ما يأيد اني طلعت من البيت و ان الافضل اني احلها و انا موجودة عنده .. .. الخ اعرف هالشي من اكبر الأخطاء اللي ممكن تدمر حياتي الزوجية .. لكن و ما ابرر لنفسي .. زوجي هو اللي حدني اسوي كذا .. انا ما دورت عنده حب و لا حنان .. مع اني افتقد الحب و الحنان من زوجي .. لكن لقيت عنده ان احد يسمعني بفكر راقي و محترم و حتى لما نختلف يبقى الاحترام موجود على طول 3 سنوات الماضية.. اعرف قضيتي متشابكة جدا .. لكني ارجو منكم ابداء آرائكم .. و محاولة فك خيوط مشكلتي المتشابكة لأنكم خارجها .. ربما يكون تفكيك خيوطها اسهل عليكم مني أنا اللي في قلب المشكلة و الدوامة في انتظاركم |
حبيت اعقب على كلام بس
بصراحه اختي هذا وضعك طبيعي لانك في بداية الزواج ولختلاف الاوضاع من الخطوبه الرجل يتعامل مع خطيبته كالملاك ويحسسها انها اميرة زمانها وبعد الزواج يتقلب كل شئ والله اختي ياما شفت في بدايه زواجي بلاوي مالها اول ولا تالي وصبرنا وبنات كمان صارت معهم كذا وصبرو الى ان يتاقلمو مع الجو ويصير الزوج والزوجه يتعدلو مع بعض الى ان يصبح العلاقه الزوجيه اللي يسودها التفاهم وبعدين صدقيني قلما تختلفو ولكن الان في البدايه فقط مايصير تحطي في بالك بس نقد الرجال فمهما كان لا بد له مميزات وانت لابد تحسسين بها مو كله نقد فيه انتو عرايس عيشو حياتكم ولا تفكري بالخلع او الفسخ او الطلاق حرام ولو كل وحده تزوجت وفكرت مثل تفكيرك كان كل البنات مطلقات ليه؟؟؟؟؟؟؟؟؟؟؟؟ لابد الصبر ثم الصبر ثم الصبر انا فعلا اشجع عدم الانجاب في بداية الزواج حتى تعرفي معدن الرجل حتى لو كان من اهلك ولكم مو معنى ذالك تفكيرك بالطلاق صبري اختي ولا تتشائمي توك في بدايه الطريق والله يسعدك |
مرحبا .. ذكرى اشكرك كونك أول الموجودين .. ذكرى أنا اعرف انو طبيعي الاختلاف و أني اكون مو متعودة على جوه .. بس فرق في نوعية الاشياء اللي مختلفة علي و مو متعودة عليها .. انه يسبني و ما يحترمني .. ما اعتقد ان فيه احد في الحياة يبغى يتعود على المهانة .. قولي لي يا ذكرى كيف احبه و اتعلق فيه .. مع فقدي للحب و الاحترام و الاهتمام و الحنان بجانبه كيف احبه و اعيش وياه .. و هو ما يحبني اصلا انا لو اني وحدي في الحياة .. و ماي مجتمع راح يتكلمون عني و ماعندي اهل لهم سمعتهم بين الناس كان تطلقت منه و لا فكرت فيه .. بس خايفة .. و بنفس الوقت تعبانة .. |
عزيزتي سأحاول الرد عليك لا حقا لكن استوقفني ما ذكرتيه هنا :
اقتباس:
حفظك الله ورعاك .. |
الود والمحبة من الرحمن..والبغض من الشيطان
إذا كان متعلق إلى هذي الدرجة في الموسيقى..كيف صلاته ودينه.. وأنتي بعد كيف دينك ؟؟ اتقوا الله وتقربوا له..وعينيه انه يبعد عن الموسيقى بالتدرج وراح تكبر المودة بينكم.. بالتوفيق.. |
اقتباس:
والله أنا امنية حياتي انه يفك عن الموسيقى .. هو من الناحية الدينية كويس .. محافظ على الصلاة .. بس بصراحة ألاحظه مو كثير يهتم ان الصلاة على وقتها و كذا .. انا يألمني هالشي .. مرة تعرضت للهواش منه .. بسبب اني صحيته لصلاة الفجر و هو كان نعسان مرة .. مع اني والله صحيته برقة و نعومة عشان يقوم .. بس مافي فايدة .. بصراحة كنت اتمنى ان مستوى تدين زوجي أكثر من كذا .. لكن الله يهديه و يصلحه .. هو ما يفوت صلاة لكن عاد الله يهديه على التوقيت .. و لا أزكي نفسي .. انا بعد .. أحافظ على صلواتي في أوقاتها ان شاء الله و صيامي .. لكن ما اعتبر نفسي متدينة .. عشان كذا كنت اتمنى زوجي على نسبة أعلى من التدين عشان يساعدني .. لكن شكلي أنا اللي بساعده . الله المستعان .. لكن بس بقول نقطة .. هو شكله من طوووول موضوعي ضاعت القضية .. سؤالي اللحين مو كيف اخلص زوجي من الموسيقى مع ان هالشي منرفزني فيه .. سؤالي أني جالسة في بيت أهلي و مهددة بالطلاق .. و كل واحد فينا معند .. و السبب سبه و اهاناته لي .. فما رأيكم وش اسوي عشان اطلع من هالمشكلة ؟؟ |
نصيحة الصبر الصبر الصبر وهذا شئ طبيعي لانكم في بداية الزواج وما تعرفتو ا على بعض ولا تعتقدين أن الطلاق هو الحل بالعكس يأختي راح تدخلين في متاهة مالها أول من تالي لايلعب عليك الشيطان . ولا تعتقدين إنك راح تتزوجين أحسن منه والله العالم يمكن يكون أسوء منه وراح تضغطين على نفسك وتصبرين علشان ماتطلقين مرة ثانية , نصيحة دقي على زوجك وتفاهمي معة بالحسنى ولا تجبين طاري الطلاق ابدا أبدا قولي ابرتاح يومين عند أهلي وبعدين أرجع تراك أنت الخسرانه . والمثل يقول ( أصبر على قردك لايجيك اللي أقرد منه ) ومافي أنسان كامل . وأغلبي زوجك في طيبك وحسن التبعل له وخلي بينكوبينه شعره معاويه وإذا عصب ابعدي عنه ولاتردي عليه أدري أنه صعبه ولكن اضغطي على نفسك علشان تحصلي على الاهم وهواحترامك وتقديرك .وعليك بالدعاء والاستغفار . ويمكن لو أنك ماتعرفتي على هذا الشخص يكونعادي أويمكن تحنلتي شوي بدليل أنك قانتي بينه وبين هذا الشخص . أقطعي علاقتك به والجيئ لرب العباد وربك كريم . أسال الله العظيم أن يصلح أمرك ويسخر لكزوجك ويرده لك ردا جميلا اللهم آمييين |
اختي الكريمة ارى انك الغلطانه في عدة امور:
1- علاقاتك السابقة قبل الزواج ومقارنتك لزوجك بهم يجب عليك ان تتقي الله وتقطعي هذه العلاقات وتحمدي الله على هذا الرجل فهم متعلم ومثقف هل تسمين الاهتمام بالموسيقى تفاهات الموسيقى فن راقي اعلم انه محرم سماعها ولكن اهتمام الشخص بها دليل على ذوقه الرفيع . 2- انت تنظرين لزوجك باحتقار فدائما تصيفنه بالبدين وانه غير وسيم - لايعيب الرجل سوى اخلاقه ودينه 3 - ردة افعالك العنيفة تجاهه فكما ذكرت هو يكنس الصاله وانت تتجهزين وفي النهاية تردين الجميل بانك لاتذهبين معه لبيت اهله وتسخرين منهم . اختي الكريم سامحيني لقسوتي عليك فانا اتمنى لك الخير والسعاده انت من بيدك اسعاد نفسك اوجلب التعاسه لبيتك حرام عيلك اللي تسوينه في نفسك وزوجك . اجلسي مع نفسك جلسة صادقة واكتبي حسنات زوجك وسيئاته وكوني عادله وقارني والله راح تشوفي انه حسناته اكثر اكتبي حسناتك وسيائتك وقارني بينهم وكوني صادقه ايضا. قفي امام المرآه وتخيل حديث بينك وبين زوجك تخيليه امامك واديري الحوار بينكما (كوني قبلها في حالة ااسترخاء تام وتنفسي بعمق من انفك واخرجي الهواء من فمك على دفعات وبهدوء رددي كلمة الحمدلله كرري التمرين حتى تصلي لمرحلة الهدوء التام) تذكري ان زوجك نعمه وليس نقمة عامليه بحب ولاتستعجلي النتائج كوني صادقة مع نفسك اجعلي معاملتك لزوجك مع الله وبالله. بادري بطلب الحب والحنان منه اقتربي منه فهو زوجك وحبيبك وليس لك احد سواه رددي دائما في نفسك هذا الشخص حبيبي صديقي روح قلبي ولن ارضى برجل سواه . لاتدمري حياتك من اجل اشياء بسيطة تقدرين على تجاوزها. اتصلي على زوجك وعودي لمملكتك ولحبيبك ولا تجعليه يفكر بالزواج من اخرى فانت احق امرأه به . اطلبي المساعده من مستشار اسري ابحثي بصدق واعقدي العزم على الذهاب له وخذي بنصيحته . انالااعتقد انك فقط الضحية فربما هو الآخر يعاني يكفيك انه لم يخبر اهله بما يدور بينكما ويريد اصلاح الامور بنفسه. رأي في شخصية زوجك أنه انسان متعلم- مثقف - واعي - طموح- صبور . للمرة الاخيره اقولك ارجعي لبيتك ترى والله اخذ طياره من جده واسحبك على بيتك هاهاهااه تمنياتي لك بالسعاده وآآآسفه على قسوتي عليك ... اختك غاده |
ان لله وانا اليه راجعون ,, وش سالفة هالعرسان مع ازواجهم لازم يمر طاري الطلاق عليهم..
عادي يا قلبي بلحظات الهواش تمر انواع الالفاظ من الزوج المصون (حيوانه \ كولي ..../ ) مرات نطنش ومرات نتحلطم ومرات نرجع الكره علشان يعرف ان الله حق .. جلوسك عند أهلك ماله داعي ارجعي للبيت قولي والله اشتقت لغرفتي الجميلة خخخخخخ , اشتقت لمملكتي الحلوه .. الحل ياقلبي بالاستغفار والدعاء بان يجعلك قرة عين له وتكوني قرة عين له , وان يديم الله بينكم المودة والرحمه طلبك للطلاق مال امه داعي طالما محافظ على فروضه .. وباستطاعتك تغيرين زوجك الى انسان عاشق هيمان بانسانه لقبها حلاوه , خليه ما يقادر يفارقك , خليه يموت فيك حبا وعشقا .. اي شئ تسوينه له انويه تقربا لله مو علشانه, يعني وانتم جالسين بلحظات فضاوه قولي وش رايك حبيبي نستغفر سوى او تجيبين المصحف تقرونه او تحفظونه وتسمعونه لبعض .. اذا تهاوشتوا وقالك ياحماره قولي الحماره وش تبي تتزوج بالله ؟؟ اكيد حمار زيها هاهاها هاها,:28:,عادي يابنت الحلال وسعي صدرك :22:.. اقلبي الهوشه الى ضحك ونكت وتعليق عليه وبنفس الوقت بردتي قلبك ..وخلاص تنسين السالفه ,,بعده سولفي طبيعي بس هو من النوع اللي يكابر ومايبين حبه لك .. [ اقتباس:
مع اني ماشوف مشكلتك ذيك المشكله , برجع اكمل هذرتي لاخلصت شغلي ,,اهم شئ انتي روقي واستانسي ولاتخلين احد يكدر خاطرك ..[/COL |
حبيبتي عارفه انه غلطاان بالاهانات ميه بالميه وحاولي تتفاهمي معه على انه يبطل هالكلام واذا مانفع كلمي اهلك يكلمونه
والحب يجي مع التعود والعشره الله يسعدك اتمنى من كل قلبي تنحل كل مشاكلك |
الله ياقلبي بحكم تجربتي السنوات الاولى من الزواج بتعبين
تحملي بعد هذا حال الدنيا الله يوفقك ويسعدك ويكتبلك الي فيه الخير والصالح |
اقتباس:
آسف..الموضوع كان طويل وقريت نصه فقط..بس توي كملت النص الثاني :d بس حرام عليك..تفضفضين لرجل غريب..هو ايش بيده يسوي لك ؟؟ ربي يختبر الإنسان في حياته..إن رجع لربه وفضفض له وشكى له همومه..لأنه يعرف إن كل شئ بيد الله.. هذا ينجح في الإختبار ويحوز على رضا الله وعونه..( قال إنما أشكو بثي و حزني إلى الله وأعلم من الله ما لا تعلمون) وإن سخط..وقام يشكي ويفضفض للبشر الضعفاء.وينسى ربه اللي بيده كل شئ...ربي يسخط عليه ويزيد همومه هموم..(ولا تكونوا كالذين نسوا الله فأنساهم أنفسهم أولئك هم الفاسقون) انتي توبي..وادعي واشتكي لربك..وإنه يصلح أحوالكم..وبإذن الله تتيسر أموركم.. واتركي عنك العناد وارجعي له.. |
لا لا لا ماله حق أطلبي الطلاق عشان ماعمل شفط دهون لأثداءه { الله يصلحك ويردك له ردا جميلا }
|
اهلين ياحلاوة
ربي يجعل أيامك كلها حلاوة بداية ياعسل خذي هالنصيحة وربي ماراح تندمين ابدا إن شاء الله لاتطلعين من بيتك الا بضرر لاتطلعين مشاكلك لأي أحد أيا كان امك ابوك امه ترا مو من صالحك والحين نجي لمشاكلك معه **الشكل والجسم شيء طبيعي بالبداية يفاجأك الشكل والجسم لكن صدقيني بعدين راح تعتادين عليه ويمكن تشوفينه اطخم شيء بالعالم :) وجسمه صدقيني هو متضايق منه بس مكسل يسوي رياضة انتي ولايهمك شخصية زوجك فيها كثير من زوجي حتى الصفات الخارجية المهم انا تزعجني زوائده بس ماقلت له عنها قلت له مرة ان المشي صحي للقلب ويقي من امراض السمنة خلنا نمشي مع بعض كل ليلة ومع تكرار الموضوع بين الوقت والثاني صار يروح للمشى يوميا لحد ماالوت رجله ورجعت الكرشة هههههه المهم ان هالنوعية من الرجال تكره (إلقاء الاوامر)و برضو تتصرف بعكس الفعل إذا حست بانتقاد او عدم تقبل>>على الرغم انهم اساتذه بالانتقاد لكن مرررررة يمشي معهم المدح + الدفع المبطن مثلا زوجي كنت امدح اشياء عنده علشان يحس بالثقة ناحيتي واني معجبة فيه وبنفس الوقت المح على اشياء من بعييييييد **الانتقاد انا عانيت منه سنوات وكان الحل ابسط مما اتصور الحل هو الثقة+عدم الاهتمام بموضوع الانتقاد يعني مثلا كان ينتقد نظافة البيت حتى صار عندي وسواس نظافة وصرت امشي وامسح باصبعي من الخوف وهو يزيد ولما ينتقد اجلس ابرر اللي انتقده لكني اكتشفت انه انتقاده لشخصيتي اكثر من اي شيء آخر صار لما ينتقد عادي ماازيد واقول معك حق ولا ابرر واقول ماعليش اصلا ... لا ولا كأنه قال شيء واخلي الوضع على ماهو عليه لأنه بصراحة انا انسان لي كيان واهتمامات واشغال ومسؤوليات مو آلي اقدر اركز على مليون شغلة بساعة وحدة بعدها تغير وصار يثق فيني اكثر وترك سالفة الانتقاد بنسبة كبيرة الحمد لله **الاهتمام والحنان برضو كانت هذي مأساة عندي تعرفين اول الزواج كيف كان يقومني من النوم يفتح الباب بقوة لين يكسر الجدار ويفتح النور ويصارخ نبض نبض لين اقوم والله اقوم وانا ابكي ساعات لحد مرة قلت ترا مو معسكر عسكري خير ترا الهمسة تكفي ومو بس موضوع القومة كثير اشياء كان دفش دفش فيها ومع الوقت الحمد لله ترك الدفاشة زوجك مو متعود على الجنس الناعم متعود على الشباب ومزوحهم مع الوقت بيتعود اكثر عليك انا مااوعدك بتطور كبير وسريع بس انتي راح تعودينه بأسلوبك وذوقك معه وردة فعلك على اسلوبه يعني مو تضحكي والا .. بس بوزي وقولي اكره هالاسلوب ولا ارضاه لنفسي ممكن يتريق عليك بس صدقيني مرة عن مرة بيتغير ان شاء الله **الموسيقى والصلاة ادعي له ترا والله ربي الهادي دائما رديي (ربنا هب لنا من ازواجنا وذرياتنا قرة اعين واجعلنا للمتقين اماما) وسوي اللي عليك وربي بيهديه إن شاء الله **انتي خففي شوي من انفعاليتك كل مارديتي هو بياخذ موقف الدفاع لكن لو سكتي بيفكر بنفسه وممكن يستخف نفسه اول مايبدا الموال استغفري وربي ترتحين وهو بيسكت>>مجربة ومو كل شيء تحملينه محمل الجد بعض الاشياء فريها للوناسة وسعةالصدر خصوصا إذا ماتعدى حدوده **التوقيت عودي نفسك تكونين جاهزة من بدري وبرضو اطلبي منه توقيت دقيق لأن هالنوع مريح انه دقيق بمواعيده بس تتعودين عليه بترتاحين إن شاء الله **اخيرا ياعسل كثري استغفااااااار واتركي هالشاب مالك فيه ترضين زوجك يفضفض على وحدة مهما كانت درجة الاحترام والرقي عندها! احفظيه بالغيب وربي يحفظك وكل ماحسيتي بضيقة ومشاكل ارفعي يدك ربي يسمعك وبيده امرك وهو على كل شيء قدير الحين قومي صلي ركعتين وادعي ربي يسهل امرك ويفرج لك واستخري باللي اقوله لك ارسلي له رسالة انك تحبينه وتشتاقين له ومتأكده انه هو بعد يشتاق لك وانك ماترضين يدخل بينكم الشيطان وان طريقته ماترضيك لأنه بعينك اكبر من كذا ولاترضيتها له مثل ماترضينها لنفسك وانك تحبين الحياة معاه بكل تفاصيلها الحلوة بس هالشيء يدمرك وهو اقوى من انه مايقدر يغيره وماشاء الله اسلوبك مرة حلو وبتقدرين تعبيرنها باسلوب حلو ولما يجي بكرا اعزميه عالقهوة المغرب وروحي معاه>>كأنك واثقة تماما انه بيلبي لك اللي تبين صدقيني الرجل يحتاج من زوجته التقدير والثقة وهو راح يمنحها الكثير ربي يسهل امرك ويفرج لك |
انا قريت القصه كلها ياحلاوه
وربي انك جايبه العيد والعيد بعينه ايش اللي سويتيه لما رحتي عند اهلك خيانه !! انتي اللي متعبه روحك بروحك ترى وانتي اللي حساسه زياده عن اللزوم كل الناس تزوجت وكل الناس عاشت اول ايام الزواج في مشاكل وحرب وقلة حيا ليش ماتصبري وتحاولي تعدليه وتعطيه فرصه تراك باقي عروسه ماصار لك متزوجه سنه ولا سنتين اقعدي اقري بالمنتدى شوفي الاخوات ايش منزلين من مواضيع مافي شي يجي على طول انتي لازم تعلميه ولازم تعوديه ومن أول مره يغلط عليك تقوليله لو سمحت الا الغلط خلاص يتعلم ويوقف عند حده تدري وش سبب اللي انتي فيه ياست حلاوه ! انك تقارني زوجك بكل اللي كلمتيهم سواءً خطيبك ولا اللي تحترمي رأيه أسالك بالله يرضيك زوجك يكلم وحده ثانيه غيرك ؟؟ وانتي تكرهيه وحاقده عليه والله مايرضيك ليش كذا ؟؟ ليش ماعاد تشوفي الا زوجك وتحمدي ربك على النعمه ايش يعني لو كان مو وسيم ! ايش يعني لو مافيه ذرة جمال ! وين المشكله لو جسمه مو متناسق ! ليش ماتبادري انتي ليش مخليته هو بالواجهه تعزميه , تجيبي له هديه , بالعربي كذا بادري انتي مادام كل شي عنده ممنوع ترا موضوعك كله كوم وموضوع اللي تحترمي رأيه ذا كوم ثاني لاتخربي حياتك بيدك ولا تدوشي نفسك وخليك مع زوجك لا زي اخويا ولا زي ولد جيرانا الله يصلحك ويهديك ولي رجعه أن شاء الله |
انا تعليقي على هالجزء فقط..
بعد الزواج .. اكتشفت انه يبغى يطلع من السعودية بأي شكل من الأشكال و انه مو عاجبه الوضع هنا .. و دايم يتحلطم و ينتقد .. هو دارس الماجستير بالخارج .. هو يقول لي من قبل انا ما بجبرك تكملين دراستك او تشتغلين بالخارج بس افضل برا عشان نطلع من هالمكان المتخلف و الناس المتخلفين .. انا كنت اعتقد ان بالفعل القرار بيدي .. لأني بصراحة ما افضل اني اطلع برا .. لكن هو صار يقول لي أنا مو قادر اتحمل اكثر , انا بطلع و انتي كيفك تبين تجلسين بالسعودية اجلسي .. تبين تلحقيني الحقيني .. انا جدا متوترة من هالسالفة .. ان طلع و تركني خلعته ههههه بس اللي موترني اني الى اللحين مو لاقية جهة تقبلني كدراسة أو عمل بعد التخرج مع اني متفوقة بالدراسة بس هنا للاسف اذا ما عندك واسطة مكانك سر و هذا الشي قاهرني .. و بالتالي انا بكون مضطرة اني اعتمد عليه .. بس لو انقبلت راح اكون مستقلة عنه .. يعني لو بيطلع و أنا ما ابغى .. ما يأثر علي .. اقدر استقل عنه و حتى افسخه << وحدة تبي الفكة هههه انا استغرب من بعض الناس الي يسبون بلدهم وناسها.. والله لو يلف العالم كله مايلقى الامن والامان الي في بلدنا....سبحان الله البعض يعجبهم الفوضى الي في الخارج لانظام ولا قوانين ولا امان..شوفي كيف العالم حروب ومظاهرات وقتل ومجازر واطفال مشردين.. المفروض نحمد الله على الامن الي احنا فيه ليش مو عاجبه الوضع هنا...يعني عشان مافي محرمات ومافي نساء متبرجات ومافي مراقص.. صحيح عندنا في البلد فساد بس علني وعيني عينك مثل باقي الدول.. |
أنتي على ماأظن عضوة قديمة معانا لكنك كنتي تكتبي تحت معرف ثاني وكنتي دايما تشتكي عن مشاكلك مع خطيبك في عالم المقبلين وعلى مااتذكر إن موضوع تبادل الشتائم أمر مألوف بينكم من ايام الخطوبة وموضوع سمنته كمان انتي سبق واشتكيته منه قبل الزواج وكمان موضوع العناد والمكابره وقت الزعل يعني كلها اشياء انتي تعرفينها عن زوجك من قبل الزواج وسبق واعضاء هنا نصحوكي انك تتركيه في موضوع كتبتيه تشتكي من تطاوله عليكي بالشتايم ومع ذلك تممتي الزواج بكامل قناعتك فاظن انه لازم تتحملي نتائج اختياراتك !! |
http://www.66n.com/forums/showthread.php?t=216607 http://www.66n.com/forums/showthread.php?t=213579 وهذه بعض روابط مواضيعك السابقة عشان تتأكدي إن مافي شئ اختلف في تفكيرك قبل الزواج وبعده !! |
اقتباس:
مشكووورة حبيبتي على مرورك و دعوتك .. بالفعل أنا وش مخوفني غير اصبر على مقردوك لا يجيك اقرد منه .. ! بس بصراحة ما اقدر ارسل له و لا اتصل عليه .. أحس صارت القضية قضية كرامة .. و ما عاد يهمني ايش يصير بعدها .. لازم يعرف حدوده و ما بمررها له بالساهل خلي هي خاربة خاربة و مثل ما قلتي يمكن لو ما تعرفت على اللي اعرفه .. يمكن يكون الموضوع اسهل .. لكن استغفر الله غلطت غلطة يمكن راح تكلفني الكثير الله الهادي اختي .. كوني قريبة |
اقتباس:
مرحبا فيك اختي الحبيبة غادة ردك استوقفني كثير .. يمكن فيه جوانب كثير صحيحة .. ياليت اقدر اشوف زوجي بنفس النظرة اللي انتي تشوفيه فيها .. اتمنى و عن الشكل .. الله جميل و يحب الجمال .. و كمان لو احس ان فيه اشياء ثانية حلوة تغطي على اشياء يمكن راح انسى سالفة الشكل و اتقبله .. بس هو طايح فيني تلطيش و تجريح .. و يعمق الهوة اللي بيننا <<< متعوب عليها هوة ترا هههه و سالفة انه ما علم أهله .. أنا اعتقد انه ما قال لهم لأنه يستحي منهم و من أهلي .. بس ما يستحي مني .. عشان كذا يبغى الموضوع يبقى بيننا .. بس انا على قولة الكويتيين بطيت القربة .. لما انفجرت و وصلنا للوضع اللي انتي شايفة :21: غادة كوني هنا .. |
اقتباس:
والله انتي باردة يا اصيلة .. عيني عليك باردة ههههه أنا ما اقدر امسك روحي .. استشيط غضبا و اصيح و بآخر الأيام صرت أرد عليه لين انفجرنا و طلعت من الشقة .. يمكن فيني أنا جانب من الغلط اني ما كنت احتوي الموضوع و بالتالي يكبر .. لكن بعد ما ارضى على روحي بالشتيمة و المهانة .. ما ابغى تنحط حياتنا و نصير في اسفل سافلين .. حتى يجيني انفصام بالشخصية .. وقت ما يحبني يا حبيبتي و يا حياتي و احبك .. و وقت ما يعصب يا طوووط و يا طوووط .. ! ابيه لا يغلط علي و لا أغلط عليه .. و نظل محتفظين باحترامنا .. وش قيمة الحياة بدون احترام .. مابي حب .. طز بالحب بس على الأقل يحترمني .. و على سالفة انه يكابر .. مشكلتي اني بعد أكابر و عزيزة نفس .. و بالتالي أوضاعنا زي ماهي عليه و يمكن تسوء .. ترقبوا المستجدات بردي الأخير <<< مو مسلسل تركي هههه |
ذكرتيني ببداية زواجي ....!
بس انا كنت ما ابادله السب ولا اكون له ند ...! اذا فيه امكانية محد يعرف ..يكون احسن حلي المشكله بينج وبينه باعتبارها اول مشكلة لكم لانه امبين انه يخاااف من الفضيحه .. فلو سكتي وحليتيها بالسر يمكن تكبرين ف عينه ... وبعدين ... حااولي التركيز ع جانب الاحترام بينكم .. وكيف تقوون هالاساااس ...! غيري نظرتج فيه .. باااين انج من البداية ما بلعتيه .. اعجبي بشكله يااا اخي .. تخيليه مركز الدفء والحنااان .. الله يووفقج لكل خير وراحه ...بعدين من يبدا يخوورها ويتكلم سكتي عنه وطوفيها له ..لين يهدا ويتلوووم .. |
اقتباس:
ذكرى حبيبتي اشكرك على متابعتك لموضوعي .. أنا بالفعل كلمت أهلي يشوفوا لي حل معاه .. و اللحين أنا ببيت أهلي على هذا الأساس .. اسمع كثير يقولوا الحب يجي مع العشرة .. عاد الغريب يا ذكرى اني كنت احبه شوي أيام الملكة و كنت أمني النفس ان هذا الحب بيكبر بعد الزواج و بصير أموت فيه .. ما كنت اعتقد اني بوصل لهذي المرحلة اني كرهته و مالي خلقه .. ذكرى كوني قريبة |
اقتباس:
شوشوتي .. اسمك مميز صراحة هههه بس بسألك .. بحكم مرورك بالسنوات الأولى من الزواج .. عساك مرتاحة اللحين ؟؟ يعني في أمل ارتاح أنا بعد في حال لو كملت معاه ؟؟ |
اقتباس:
اي زين .. و انا اقول ترك الموضوع الاساسي و طب بالموسيقى هههههه والله يا اخوي أنا عارفة اني غلطانة باللي اسوية خصوصا الشخص اللي اكلمه .. بس ما بي ابرر لنفسي .. بس و الله زوجي هو اللي يحدني على هالشي .. لو هو يحتويني بحبه و حنانه و تفهمه لي .. ما كنت بكلم غيره .. بس وش اكثر من اني اقول له محتاجتك .. يقول يللا بسرعة قولي اللي عندك لأني ابي أنام .. حشا ما أحس أنا .. ! احس اني رجعت كلمته لأني انتقم من زوجي .. و اعرف اني بنفس الوقت انتقم من نفسي و ديني و حياتي الزوجية و كل شي .. بس ما اقدر اقول شي أنا انثى ما اعيش بدون حب <<< والله صدق مو عنوان مسلسل تركي ههههه لين زوجي يفهم بالضبط وش معنى الحب بالنسبة لي .. انا بغير اتجاهاتي امممم المفروض اقول اني راح اقطع علاقتي بهالشخص فورا و دون تأخير .. بس والله الصراحة ما اقدر ما افضفض لأحد يفهمني أحس بنفجر |
اقتباس:
ههههههههههههههههههه اي أهم شي رد جميل .. لأني ما بدق عليه و لا راح انزل من راسي له .. هو اللي المفروض يعتذر و يرجع مو أنا |
اقتباس:
حبيبتي نبض .. بجد زوجي و زوجك كثيييييييييير متشابهين .. والله نفس الاشياء اللي باطة مرارتي منه الله يديم عليكم السعادة و الهنا يارب .. كويس انك عرفتي له و عرفتي مفاتيحه أنا لسه مو قادرة أأقلم نفسي عليه .. لدرجة اني اقدر اقول أني مو قادرة أخليه يحبني .. مع انه على قولته يحبني .. و بنفس الوقت أنا مو قادرة أحبه و اعشقه .. و مثل ما قلت بالموضوع الاساسي .. لسه ارتباطنا ضعيف و هذا اللي يخلي فكرة الطلاق واردة كثير .. ردك راح احتفظ فيه لأني اكيد بحتاج له كثير .. لأن زوجك كوبي بيست من زوجي .. و على سالفة اني ما أطلع مشاكلنا لأهلي .. هي طلعت و خلصت و صارت فضيحة و الكل عرف ان العروسة بيت أهلها خخخخ يعني آردي انتهى الموضوع نبض بليز لا تحرميني تواجدك .. |
اقتباس:
حسيت اني صرت في زاوية و أنت تصرخ علي .. والله يا بو جوري .. ما كنت ابي اكلم أحد و لا اقارن أحد بأحد .. بس هو اللي يحدني على كذا .. لو كان محتويني بحب و حنان .. و الله ما كنت كلمت غيره .. والدليل انه ببداية خطوبتنا كان مرررة حليوووو و نايس و لسانه ينقط بس عسل .. و الله اني ما صرت اشوف الا هو و ما اسمع غيره .. أما و قد تغير الحال بعد الزواج .. و زالت الأقنعة .. صرت ما لي خلق اشوف فيسه .. و مع اني اتكلم على شكله .. و الله يابو جوري .. اني بالفترة اللي كان نايس معاي و يحبني و احبه .. و قسم بالله اني كنت دايم اقنع نفسي ان ايش يجي الشكل قدام كل هالحب اللي انا فيه .. والله اني كنت استانس عليه بعد شرايك .. بس مدري وش جانا بعدين .. طايحين بس تجريح في بعض .. و مثل ما قلت لأصيلة .. احنا اثنينا الواضح ان كل واحد فينا عندة كبارة راس و عزة نفس .. يعني ما احد يتنازل .. و كل واحد يرد الصاع صاعين كأننا بحرب داحس و الغبراء .. و اللي صار ان لاحب و لا حنان .. و لا تفاهم .. مع انو ما صار لنا شي متزوجين فهو اللي دفعني للشي اللي انا قاعدة اسويه .. حتى ما يسأل عني ببيت أهلي .. و لا يحاول يرقق قلبي و لا يستميلني ناحيته مثل خلق الله .. بالله شلون تبيني احبه و أخلص له .. أخلص لجدار مثلا ؟ انا مرتاحة كذا .. و هو مرتاح .. ! |
اقتباس:
هههههه فساد علني تعالي علميه .. بس زوجي ترا انسان محترم ماله بهالخرابيط .. بشهادة الكل اللي معاه كانو يدرسون برا .. لكنه مو عاجبه الوضع من نواحي ثانية .. يعني التنظيم .. و القوانين .. و كمان بالشغل ما احد مقدره حتى مسماه الوظيفي ما عدلوه من رجع من برا و كمان بالدوام الناس يتلاعبون و خرابيط .. و بالمنطقة اللي احنا فيها بالمرة وسائل ترفيه ماكو غير بحر و بر و جو ههههه بس اتوقع مافي اكثر من كذا |
اقتباس:
ايوة بالضبط .. بس انا نسيت الباسوورد للمعرف القديم و كنت معتمدة على الايميل .. بس الايميل صارت عليه مشاكل و كنسلته .. عموما في امور كثيرة طرحتها سابقا و تم النقاش عليها .. و بصراحة أنا اخذت براي الأغلبية و كمان راي أهلي .. ان زوجي في من المواصفات الكويسة الكثير .. و مساوئه يمكن التغلب عليها بالحنكة و حسن التصرف .. و بالفعل بديت بتطبيق بعض الأفكار كان بعضها ناجح و هكذا كان .. و تممت الزواج و أنا مقتنعة لكن في أمور اكتشتفتها بصراحة بعد الزواج .. و كمان لقيت نفسي لا عندي حنكة و لا بطيخ يعني يجوز المشكلة فيني .. و هو ما يساعدني بعد .. كنت اتمنى اسمع رايك بالمشكلة الحالية .. احس اني متذبذبة شوي بين الرفض و القبول .. صحيح منرفزني منه و باط مرارتي .. بس لما آخذ بنصيحة البعض اللي قالوا لي ارجعي لمشاكل الناس في منتدى المتزوجين عشان تحطي زوجك بينهم .. اشوف زوجي افضل ألف مرة .. لا يشرب و لا يدخن و لا يكلم بنات و كريم .. هالنقاط اللي مضايقتني منه .. كانت موجودة قبل الزواج بشكل تلطيش .. كنت اعتقد ان هذا حده و كنت اعتقد اني اقدر اسيطر عليها .. لكن اكتشفت انه هذا جزء منها و القادم أعظم خخخ يمكن يكون زوجي مقرود .. لكني كنت خايفة من كوني مطلقة و خايفة انو ما يجيني اللي الا اقرد منه خوفي من الطلاق و ان كنت احسه أحيانا نهاية لمشاكلي .. مو قادرة اسيطر عليه و اتخذه كقرار لا قبل الزواج و لا بعد الزواج .. و لهذا السبب احس بالكآبة و أحس حياتي انتهت عند هذا الرجل .. مع انها لسه اصلا ما بدت |
المستجدات بالموضوع ابوي البارحة حاول يكلم زوجي .. بس زوجي قال له انه مافي مشكلة .. و ان حلاوة تبي تراح ببيت أهلها .. و يا عمي ارجو انك ما تدخل نفسك .. لأننا انا و هي كبار و عاقلين و نقدر نحل أمورنا بنفسنا .. لكن من منطلق اصراري على ابوي أنه يوقفه عند حده و اني مو طوفة هبيطة .. ابوي اصر انه يقابله .. فهو قال لأبوي تفضل عندي بالشقة ( شقتنا ) .. <<< احسه قليل ادب بهالحركة بدل ما يجي بنفسه لأبوي يقول له انت تعال .. المهم راح له أبوي .. و ظلوا يتكلمون و يتكلمون و يتكلمون .. بعدين رجع ابوي .. و انا كنت نعسانة حدي .. فما سألته وش صار .. المهم اني قبل ما يوصل ابوي البيت كنت راسلة لزوجي مسج .. بسأله عن ساعتي اذا شافها بالشقة لأني صار لي يومين ادور عليها ببيت ابوي أخاف ضيعتها قال لي ما ادري .. قلت له شوف طيب .. قال لي خير .. بعد فترة ارسلت له شفتها ؟ و ما رد علي .. و اتصلت عليه و ما رد علي .. و من امس و هو ما يرد علي .. أحس انه انقلب ازيد من القلبة اللي هو منقلبها .. له علاقة بكلامه مع ابوي اللي مدري للحين وش هو .. و ابوي للحين ما رجع من الدوام .. و لا ادري وش صار بينهم .. اذا عرفت راح ارجع اخبركم .. لكن انا اللي احسه ان زوجي فاااار دمه و عصب زيادة لأن ابوي عرف باللي صار بيننا كله .. لأني قلت لأبوي بالضبط وش كان يقول لي لما نعصب .. و هو ما كان يبغى أحد يدري .. بس انا خربت أم الدعوة <<< اسلوب انثوي مرة ههههه المهم اني اتوقع انه عصب زيادة و المشكلة كبرت زيادة .. المهم .. حتى ذلك الوقت راح نوافيكم بآخر الأخبار أحس مرة اكشن <<< طلعي برا ههههه مع ان مشكلتي عويصة .. بس احس مبسوطة اني انتقم من زوجي .. كان مستحي من اهله و أهلي يعرفون بالسالفة و انا فضحته عندهم عشان ياخذون حقي << احس اني نذلة ههههه أهم شي يبرد قلبي |
اقتباس:
الله يسعدكم و يوفقكم بس بسألك .. اللحين زوجك ما يسب اذا عصب ؟؟ و ترا بقول انه مو أول مرة يسب .. قد من قبل سبني .. و كأن مرتين أو ثلاث و احنا مملكين .. كنت أحاول احتوي الموضوع بيني و بينه .. لأني بجد ما كنت ابي احد يدخل بيننا لكن مافي فايدة .. اذا عصب يرجع يسب و لا كأننا تكلمنا و قلنا و عدنا و زدنا .. الين تعبت أنا و فقدت السيطرة .. و زيادة على الاشياء المتراكمة .. خلاص بلغ السيل الزبى .. |
امم تبغين الصراحه ... ولا تزعلين منتي ثقه .. السبب من اول شهر وفضحتي اسرار البيت
يعني صعب زوجك يرجع يثق فيك .. كانك مسويه الشغله حرب بينك وبين زوجك ومين ينتصر ومين يغلب بالنهايه .. وهذا من شهر بس ... غير انك منتي متقبله شكله .؟ وتقارنين بينه وبين غيره ..؟ مااقولك زوجك مافيه عيوب وانتي كلك غلط .. لكن مشكلتك ماعندك نضج كافي لادارة مشاكل وامورك بشكل طيب .. زوجي وسيم الحمد لله لكن هالامر موعندي بالمقام الاول .. اهم شئ عندي اخلاقه وتعامله اذا هو حلو حلو لنفسه .. وتعاملي بيكون مع ذاته واخلاقه مو مع وسامته ..؟! هل نفعته وسامة خطيبك الاول معاك ..؟ كانك تبغين زوجك يتفصل على مزاجك تفصيييل ولا تبغين تتعبي وتتقبلي كما هو او تجاهدي تغيري فيه .. وسالفة تكلمين شخص ابدااااااااااااااا مو مبرر انك تكلمينه وتقولين هو حدني عليه .؟! اجل بكره لو زوجك حب له بنت وانتي تاركه له البيت لا تلومين الا نفسك . وهل تعتبرين خيانته لك لها مبرر.؟؟ اقرا بذا المنتدى وشوفي صبر الاخوات شوفي كيف حفظهم لنفسهم وحفظهم لزواجهم فوق مشاكلهم اللي ماحدتهم على فعل امور لا تجوز .. لهدرجه نفسك ضعيفه .؟؟ وهذا كله وانتي لسى شهر .؟ كيف بكره تمر سنين وعيال ومشاكل ..؟ ياليت تراجعين نفسك ..وبقولك شغله شهر ورحتي لاهلك وطلبتي ابوك يتدخل دليل فشلك في اصلاح اللي تعانينه رغم بساطته .. |
السلام عليك اخيتي ليس بالعناد والمشاكل تحل المشاكل ,بل بالصبر والاتزان والتفكيرالملي ,الى متى تنتظرين حلا لمشكلتك
ان لم تكن منك المبادرة خذي نفسا عميقة واستغفري ربك ولا تملي منه,والتقي بزوجك وناقشي الموضوع معه بروية فالشيطان للازواج بالمرصاد ولن يهنئ له بال حتى يفرق بينكما هذه اساليبه واغواءاته ,استغفري وعودي زوجك على الاستغفار وذكريه بقول الرسول اتقوا الله فالنساء,اجعليه يغير الفاظه البذيئة بذكر الله وذكريه بحقوقك عليه وانه مسؤول عنك يوم القيامة فكيف لاب ان يربي ابناءه على الالفاظ البذيئة ولا تسايريه فيما يقول لك من الفاظ واجيبيه بالاستغفار وذكر الله وسوف لن يكررها ابدا , واطلبي له الهداية في وجهه وقولي له الله يهديك في السر والعلن والله لن يخزيك الله فان اراد الله له اصلاحا على يديك فذاك هو الخير لكما ,وان اراد الله لكم الانفصال فذلك هو الخير, والخير فيما اختاره الله, ولا تتهاوني عن ذكر الله |
ما شاء الله عليك يا عفراء
من يوم قريت موضوعها وأنا حاسة إنها ( لذة عشق ) أو شئ يشبه هالاسم من الإسلوب ... حاسة إني مبسوطة على نفسي إني عرفت عضو بمعرف آخر من إسلوبه :d .. عزيزتي حلاوة .. تعوذي من الشيطان .. واسمعي كلام الأعضاء الحكيمين .. هنا .. |
اخت حلاوة باين من اسلوبك انك مو حاسة بالمسؤلية وماخذة الموضوع تحدي خصوصا في اخر المستجدات
يعني احس ان كلام الاعضاء ما اثر فيكي ولاحابة ترجعي.. بداية الزواج كذا وكل وحدة تعاني في بداية الزواج بس الشاطرة اللي تقدر تأثر على زوجها وتخليه اللين يتعلق بيها وما يستغنى عنها وبعدين ...تسوي اللي تبي وطلع قهرها منه اول الايام.... والعيوم اللي ذكرتيها ولله الحمد من السهولة انها تتصلح مع الوقت...وخصوصا انه كريم ويحب يساعد في البيت ويحب يطبخ....يعني عنده مميزات مو موجودة في كثير من الرجال...يعني طالما يحب يطبخ ...ليش ما تخلي من وقت الطبخ وقت رومنسيس بحيث تكوني انتي وياه في المطبخ تطبخوا سوا وتستانسوا سوا حتى في شغل البيت خلي منه متعه يعني المشكلة فيكي مو في زوجك...وحبه لك باين من مساعدته لك وكمان من انه ماحب يدخل احد عشان لا تكبر المشكة يتبع |
وانتي هداك الله عشان كنتي تعرفي قبله رجل وفترة ثلاث سنين كثير .....
المهم فأي رجل يعرف بنت ماهي زوجته ولا حلاله يكون اعظم رجل وتتمناه كل بنت يعني هذا المحترم والوقور واللي محترمك طول هالسنين امكن يكون لسانه بذييء جدا بس من وين راح تعرفي .... ولو كان محترمك ليه ماراح هو اتزوجك....طالما انه محترم ومحب ورومانسي وقدرك.. كان اكبر قدر لك واكبر احترام يسويه لك كان اتزوجك بدل هذي الثلاث السنين اللي صرف على نفسه فواتير...(فيس معصب منك:() هي هذي مشكلتك الغي ماضيكي عشان تقبلي بحاضرك وواقعكي وارجعي لزوجك من دون ما يرجعك لان اللي انتي سويتيه لحد الان كافي.... والدليل على انك تبي ترجعي انك تتلككي معاه وترسليله وين ساعتي وترجعي تتأكدي ودقي طيب ليه هذا كله ارجعي ومشي امورك وتحملي وحاولي تفهمي وتغيريه بس باسلوب لان اللي انتي قاعدة تسويه مو لصالحك.. لا اذا تطلقتي لصالحك ولا اذا رجعتي لصالحك لانه راح يحقد عليكي وحيكون صعب عليكي تنسيه اللي صار وتغيريه انتي بكذا راح تخليه اذا رجعتي انه يهينك بعد ماكان عازك؟؟؟والالفاظ مو مشكلة تقدري مع الوقت تغيريه وكثير من الرجال كذا وتغيروا نصيحة ارجعي بيتك بدون زيادة تدخل ولمي الموضوع بدل مايوقع على راسك ويصير بدل ماتوقفبه عند حده انتي راح توقفي عند حدك.... والمفروض كمان ان ابوكي ما يكون في صفك ابدا ويوقفك عند حدك ..وفي نفس الوقت طالما اتدخل كان كلم زوجك بالحسنى وفهمه كيف يعاملك لانه الظاهر ان معاملتك صعبه طالما انك تقارني ومحد عاجبك |
حلاوه يا سكر زيااادة ....~
بسالج اسئلة وجاااوبني ...! في مرة سب والدينج ؟؟ في مرة تعرض لشررفج او باين انه على وشك ..! هل يمتدح جمـــــــآلج ..! تحسين انه منتبه لوجودج كزوووجــــــــــــــــــــــــــــــــــــــــــــ ــــــــــه...! هل لســــآنه فاااارط على اهله سابقا,,يعني عالاقربين منه ...! جاوبي عالاسئلة ولااااا تحاااتين الامووور طيبه ,,, اتصدددقين احس بحرقتج ... انتظررج :d |
حلاوة تذكريني في بعض الأمور بزوجي وكنت زييك أتصرف ويمكن أكثر منك أرد عليه وأعصب وأكسر اي شئ وأخليه يتنرفز لحد الجنون // بنقرب سنتين الان متزوجين وانا تغيرت كثير وقدرت بفضل من ربي يتغير زوجي معايا // 1- أول شئ لاتسمحي لنفسك بالاهانة ولما يسبك لاتردي الين يهدأ وروحي اكشخي واتعطري وتكلمي معاه بالموضوع بهدوء 2- اي طلب تطلبيه ويقلك لا / قولي حاضر بنبرة رضى ونظرة عتاب وبيرجع إن شاء الله مرة عن مرة ويرضى 3- اذا على سمنته اطبخي أكل رجيم ولاتكثري زيوت ووجبات سريعة وقوليله تعال نطلع نتمشى ونشرب كوفي وخليه يمشي :d والباقي عليكي كلام ومسابقات وضحك وسواليف عشان ينبسط / يعني خليه يوم خاص فيكم مرة بالاسبوع ووضحي له دا الشئ انه شئ بينكم تنسوه فيه كل الناس 4- تبغيه يلبس ويتشيك انتي اشتري له ملابس وامدحي اذا لبس شئ على ذوقه وقوليله ايش رايك تغير وتسوي كدا او تحط كدا وصدقيني بيتغير 5- اذا على الحب والرومنسية اريحك ترى زوجي نفس الشئ لاحضن ولا كلام ولايحزنون حتى في الفراش مافي :29: بس اتأقلمت مع دا الشئ وصرت لما اطلب يعطيني اللي ابغاه لاني صرت مطنشة سويي حركات فرفوشة وارمي نفسك بحضنه وغصب بوسيه واحضنيه وخليكي جريئة / فاهمة قصدي :25: 6- الهدايا مو لازم / قوليله مو لازم هدية لاني اقدر اخد اي شئ يعجبني بأي وقت / قوليها بمزحة انا زوجي ما اشوف منه هدية ابداااااااااااااااااا الا ماندر !!! حتى بولادتي ماشفت شئ ؟؟ // حبيتي حياتك الزوجية بيدك سعادتها أو تعاستها بنسية 80% احنا الحريم نقدر على أي شئ بعد ربنا وترى حتى انا لما امرض زوجي مايطالع فيا كأني مسوية غلط أو كانه شئ بيدي حتى مايفكر يشيل بنتي عني وانا بموت من التعب امشي واستفرغ مقدر اشيلها وامشي زحف ولاهمه الا يسبني زيادة بس سبحان الله كل مرة امرض ويعصب يمر يومين الا هوا يطيح اشد مني واذكره باللي سواه فصار يخاف لما امرض ويهتم // انتي قلتي بنفسك انه يساعدك بالبيت يعني فيه اشياء حلوة في زوجك / لاتطالعي في الجزء الفارع من الكأس شوفي الجزء الحلو المليان واذا على اهله ترى اغلب الرجال كدا مو بس زوجك حتى لو مزحة مايرضاها وكبري راسك واكسبيهم عشانه وعشان راحتك ومصلحتك // تبغي نصيحتي !! انا وصلت لمرحلة الطلاق لميت عفشي وبروح بس رجعت واستعنت بالله وياربي لك الحمد اول شئ اتصلي عليه وانتي واثقة من نفسك خلييه يجي ياخدك وروحي بيتك وخديها قاعدة انتي ملكة عاملي نفسك بحب وانسيه قومي بواجبتك وبس وباقي اليوم نفسك وبس من اهتمام لجمال لرياضة واتفرجي تلفزيون وكل شئ تحبيه سوييه كانك لسه ما اتزوجتي وخليي يلاحظ حبك لنفسك لاتطلبي منه الان حب ولامشاعر الين تهدأ النفوس اشتري واطلبي اي شئ تحبيه وشيلي وحطي بالعربية وطنشيه وماراح يقلك شئ اللي زيي زوجك لازم تطنشيه يجري وراكي ترى عنادك راح يزيد الفجوة وتذكري النعمة وانك احسن من غيرك ولئن شكرتم لازيدنكم الله يوفقك حبيبتي |
مشكلتك يا اخت حلاوه تنقسم أربعة أقسام وهي :
الأول : انك مو متقبله زوجك لأنه مو وسيم وجسمه مو حلو . الثاني : انك تقارنيه بخطيبك السابق . الثالث : انك خنتي زوجك وهذي جريمه بحقه . الرابع : انك تطلعي اسرار بيتك وتدخلي اهلك يحلو مشاكلكم . بالنسبه للقسم الأول : زوجك انتي ما تقبلتيه لأنك ماحبيتيه أو بالاصح ماقدرتي تتقبليه لسوء معاملته ولعشرته السيئة وبإمكانك وبذكائك تقلبي الموازين لصالحك 180 درجة بس يبغالها صبر ويبغالها ذكاء وإستخدام الأسلحه الأنثوية وبمشيئة الله راح تتعدل أمورة معاك بمعنى : - قدمي له الهدايا ( ساعه , قلم , نظارة ولو أوضاعك المادية تسمح خذي له جوال على موضته , عطر ) . - حاولي انك ما تناقشيه وهو معصب وتتركيه حتى يهداء . - عقلية زوجك متفتحه بحكم انه درس وعاش بالخارج فحاولي انك تقربي وجهات النظر بين تفكيرك وتفكيره . - أحسست بأن زوجك طيب جداً ( ماقد شفت زوج يكنس الصاله ) وهذا يدل على حبه لكِ . القسم الثاني : الله خلق كل شخص بطبائع وسمات واخلاق وتكوينه يختلف حتى عن أخوه بن أمه وابوه . وأنتي تقارني زوجك بشخص آخر وشخص يعتبر ماضي بالنسبه لك وانتهى بطلاقك منه فلا تقعدي تتعبي نفسك وتتعبي تفكيريك بالمقارنه لانه ماحد راح يعاني الأ أنتي . فكري في زوجك وفكري في مستقبلك معه فهوه شخص طيب وحنون وكريم وفيه صفات حسنه كثير وهذا حسب وصفك له . القسم الثالث : خيانتك لزوجك لو كانت بالكلام فقط هذي جريمه في حقه تخيلي يا اختي الكريمه زوجك عرف انك تخونيه عارفه ايش ممكن يصير لك ؟ - راح ترجعي لاهلك مطلقه خائنه ومحد راح يسامحك لا أهلك ولا مجتمعك . - راح يجر ابوك العار بسببك ويلحق كل افراد العائله . - اذا ربنا ستر عليك في الثلاث سنوات اللي راحت فأحمدي ربك وتوبي اليه توبه نصوح لأنه وضعك الآن اختلف فأنتي متزوجه وأنتي مؤتمنه على شرف زوجك مهما كان ومهما فعل بكِ فعليك بالصبر والدعاء له بالهدايه . - أنتي تعانين من فراغ عاطفي كبير وهذا الفراغ لابد ان يملئه زوجك ولكن للأسف فهوه خالي مشاعر وعليك أنتي المبادرة حتى يتعلم منكِ كما تقدم . القسم الرابع : قال الله تعالى : (فَالصَّالِحَاتُ قَانِتَاتٌ حَافِظَاتٌ لِلْغَيْبِ) . ويقول الرسول الكريم : (ان من اشر الناس عند الله منزله يوم القيامه الرجل يفضي الى امراته وتفضي اليه،ثم ينشر احدهما سر صاحبه ..) إفشاء أسرار الزوجية يزعزع استقرارها إن إفشاء ما يجري بين الزوجين والذي اعتبره المولى تعالى 'غيبًا' لا يليق بمكارم الأخلاق ولا يتفق مع ذوق المسلم في الآية يمدح الله تعالى الصالحات القانتات بأنهن حافظات للغيب أي يحفظن أنفسهن عن الفاحشة وأموال أزواجهن عن التبذير والإسراف، ويحفظن ما بينهن وبين أزواجهن من أسرار وخصوصيات . إن نقل أسرار العلاقة الزوجية - أسرار البيت - خارج نطاق الأسرة الزوجية يعني ازدياد اشتعال نارها، وإضرام نار العداوة والبغضاء بين الزوجين إضراماً يذهب بما بقي من أواصر المحبة بينهما، وكتمان الزوجين سر بيتهما يعقبه السلامة، وإفشاؤه يعقبه الندامة، وصبرهما على كتمان السر أيسر من الندامة على إفشائه . وأخيراً يا أختي الفاضله أصبري على زوجك وحاولي تتقبليه وأسال الله العلي العظيم ان يسخر قلبه لحبك ويسكنك كل خلية في جسمه وعليك بالرضى بنصيبك وأحمدي الله عليه وطبيعي جداً تكثر المشاكل في أول ايام الزواج وهنا يأتي دور العقل والحكمه في وزن الأمور وحل المشاكل بدون تدخلات خارجية موفقه أختي الكريمه |
| الساعة الآن 05:38 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©