|
زوجتي لا تعرف الرومانسية و المبادرة
السلام عليكم ورحمة الله وبركاته
بدخل في الموضوع على طول انا طلبتها قبل يومين قالت تعبانه وانتا صاير تبغى على طول سبتها ونزلت اصلي العصر ومعايا ولدي بعد الصلاة دقت عليا قالت تبغى السوق ترجع حاجه للولد قلت لها مو تقولي تعبانه خلاص خليك في البيت قالت طيب طيب اوكيه انا طرقتها مره ما عجبتني ومن يومها الى الان لا كلام ولا سلام انايمكن البعض شاف موضيعي السابقه يعني هل من المعقول انو في وحده خلال اكثر من تسع سنين ماقلت لزوجها يا حبيبي وتدلع عليه وتسوي زي باقي الزوجات يعني انا الي اعرفه انو الزوجات هم الي يطلبو الشي هذا مو احنا انا انقلبت معايا الايه والله انو الواحد يبغى يفضض ويحكي مع صديق بس والله الواحد يستحي ايش يقول ما تسويلي وما تفعلي احسها مره ماهي حلوه يعني في موضوعي السابق قالت لي الماضي الدافين قلها اذا انتي ما تبغي تسويها لنفسك وانتي حابه الشي هذا فانا اعفيك منه وقلت لها الكلام هذا وما ادري من قلي اخذلها كتاب رومنسيات زوجه واخذت لها وزي ماهيا هيا سوت حاجه وحده وقبل اخذلها الكتاب صحيت الصباح لقيتها حاطه ورده في الثوب وبعد مارجت سالتها انتي حطتي الورده ولا البنت قالت انا ابتسمت ومشيت انا عارف انها حركه حلوه بس هل اصبر واستنى كل شهرين او ثلاثه علشان تصير حاجه زي كذا انا مو داخل في مخي انو حيا لانها بتطلب اي حاجه تبغها وتمتحني وتزن في كل شي يعني جات علي هذا وصارت تستحي والله حرام تسع سنين و اربع شهور ايش يعني ما استاهل ونا يعلم الله اني ماني مقصر معاها في اي حاجه طبعا حسب استطاعتي واني لما تكون معايا فلوس اني افكر فيها وفي العيال ولا افكر في نفسي انبسط اذا اخذت لهم حاجه المشكله الان انو انا صرت ما ابادر في حاجه حتى ماالمس جسمها الا في الجماع فقط هيا اصلا من اول ماتحب احد يقرب منها مره احسها تضايق وانا صار ما عندي نفس اقرب منها ما عندي نفس اكلمها ودي تكثر من نومتها في بيت اهلها مع انها ماتنام والله افكر بعض احيان اديها طلقه بس ارجع اتعوذ من الشيطان يعني احس انو العمر يمشي والواحد ما حس بطعم الحياة الزوجيه يعني لما اسالها واحلفها بالله انتي تحبيني تقول والله العظيم احيك واموت فيك وما اتخيل حياتي بدونك طيب ما دام تحبني ولا سوي شي تفسروها بايش واخير علشان لاحد يقول تزوج وليش صابر على نفسك اقولهم ما عندي استطاعه افتح بيتين يبت واحد ويالله الخراج |
المرة الي فاتت قلت لك سجلها معنا بالنتدى ورح تشوف
مو كل زوجة تعرف فنون الدلال وتدلع زوجها الغرض من هالنتدى تثقيف الزوجين وانا عن نفسي تعلمت كثيير منو ولله الحمد |
اقتباس:
والله ماهي داريه عن النت وذا دخلت تشوف موديلات وطبخ وانا تقولي ما يصلح ويما خرب بيوت ومن الكلام هذا |
والله انا حاسه فيك .. فاقد وجود انثى حقيقيه بحياتك ..
طيب بسالك .. هي في بيت اهلها ومع صحباتها تحس انها تمزح معاهم تتدلع عليهم من باب المزاح يعني ..؟؟ هل هي متقبله شكلك ريحتك جسمك ..؟ |
شوف يا اخي ادا بدك بعطيك اسماء كتب لتثقيف زوجتك بهالمجال
ادا هي رافضة فكرة انها تثقف حالها من النت فعندي عناوين كتب اهداها لي زوجي في فترة خطوبتنا وان شاء الله رح تقراهم وانا بدي انت لي تقراهم لها منشان تعم الفايدة عالجميع |
اقتباس:
يعني لما تطلب حاجه واقولها مثلا واقولها ابشري ومن عيوني وكم ........... عندي تبتسم ويبان عليها الحيا وتقول تسلم والله يخليك ليا وتقوم تضحك يعني هو الحيا حلو بس مو على طول وسبحان الله الحيا ما يجي الا عندي وعند الطلبات وروحات والجيات مافي حيا واذا على الشكل والله لاهيا فرقت معاها ولا انا فرقت معايا |
وعلى فكره احنا الان متخاصين والسبب في بداية الموضوع ولنا يومين
افكر اصالحها وانهي الموضوع وبلاش هم ونكد والدنيا ماهي مستاهل وارجع اقول لا انا ماسويت شي وبكيفها ونا الي زعلان من كلمتها انا عارف انها تفاهات بس لوكان في رصيد ماكان على كل مشكله تافه زي كذا ناخذ اسبوع او سبوعين خصام |
دخلت موضوعك حتى أدعيلك وأطلع لاني أعرف انه كلامي ما كان مقنع لك بمواضيعك السابقة لكني والله وبكل صدق اني احترت شنو أدعي ... هل أقول ربي يرفع الحيا من زوجتك ؟؟؟؟؟؟؟؟
بجد أحترت .... زوجة تقول لك أحبك وتحاول بين فترة وفترة تسوي لك حركات .. شنو تبي أكثر ؟؟؟ ضروري يكون الغزل منها ؟؟ والحركات طول الوقت ؟؟؟ على فكرة .. معلومتك غلط .. المبادرة أغلب الوقت تكون من الرجل مو من الزوجة .. أنت كررت أكثر من مرة بمواضيعك استغرابك من حياها من الحب والجنس مع انها ما تخجل من تطلب الاغراض وتكلمك بالسياسة والعائلة وتربي الاولاد .... ترى الزوجة أو أي امرأة تخجل بالأمور العاطفية وما تخجل تطلب أغراض... تعلمنا من صغرنا أنه البوسة عيب والحضن قلة حيا وما تعلمنا انه عيب نشتري فستان أو نطلب أكله .. ترى انت بحاجة لتثقيف أكثر من زوجتك ... أدري انك قلت لنا انك رومانسي وتعرف كل شي لكن ينقصك طرق اثارة المرأة ... رغبة الزوجة بزوجها ومباردتها تكون عادة ناتجة عن تصرفات من الزوج وردة فعل لتصرف حلة تصرفه معاها .. الزوجة تقدر تفكر بمبادرة وحركات لما يكون معها وقت ورايقة .. صعب بوجود مسؤولية أطفال وحمل البيت وطلبات الزوج وهموم المعيشة تكون نفسية الزوجة مهيأة طول الوقت .. عندك زوجة جوهرة وأستغرب عدم قناعتك فيها ... عندي شعور انك تتابع بالمنتديات مثلا أو تسمع من الشلة كلام يخليك تفكر بطريقتك هذي . ذكرتني بموضوع انقفل من فترة بسيطة ..يمكن يفيدك تقرأه http://www.66n.com/forums/showthread.php?t=221201 اخر نقطة ... ترى الخيل من خيالها .. وانت الرجل واللي مفروض تعلم زوجتك وتطورها بالطريقة اللي تناسبك وتقدر تعلمها لو انت تثقفت وتعلمت احمد ربك على حيا زوجتك واقنع باللي عندك |
الله يعينك ترا حالك من حالي
|
أخي الفاضل... انت أول رجل في حياتها.. وأكيد من أيام الملكة وهيا تستحي تقولك شي.. ليييه؟؟ لانها تستنى المبادرة منك.. هل ياترى انت تقولها كلام حلو ؟؟ يا حبيبتي .. تسلم ايدك .. ماانحرم منك.. احبك.. وحشتيني وغيره هيا اعترفتلك انها تحبك وماتقدر تعيش من غيرك.. بس شخصيتها مااتعودت .. انها تبدا بالكلام الحلو.. بالله عليك كيف تقدر تقولك حبيبي وانت مكشر وبعدين مين قال انه المرأه بس هيا الي تقول أبغاك؟؟؟ مره انت ومره هيا ومن المعروف انه الرجل أكثر.. أنا من تجربتي الشخصية زوجي مايعبر كتير بالكلام اخر سنتين الحمدلله يارب بدأ شويه بس في الكتابة يعبر أكتر.. وأنا كنت استنى منه.. واقول ليه ما يعبرلي ..أحيانا كنت أقوله عبرلي عن حبك يقولي "عبر مع الجوال" هههههههههه لما بدأت اقوله انا بشكل أكبر انفكت عقدته شويه أخي الكريم .. لاتخلي أيامكم الحلوة تعدي على الفاضي حكاية انكم ماتكلمو بعض دي مرفوووووووضة .. تسبب جفا وبرود كل واحد يستنى التاني؟؟ الموضوع دا مافيه كرامة ..المصارحة مافي أحلى منها .. كم مره حنعيش الله يهديك قوم وروح راضي زوجتك وفهمها ايش تحب تسويلك وايش الأشياء الي تحبها فيها.. قولها يا حبيبتي لو ماأحبك مااشتاقلك.. أنا من كتر حبي لك أحتاجك كثير |
ليش ما تصارحهااا تقول لها انا نفسي تسوي معاي كذا وكذا
عادي مافي حياء بين الازواج او اكتبهااا فــ ورقة لهـــا وكتب معاها عبارات جميله او ارسل لها بالجوال رسالة من العيار الثقيل واهم شيء صارحهااا تخيل انكم عرسان لسى جدد وانها لسى ما تعودة على شيء لسى ما فهمت ... اكيد الغلط غلطك من البداية مثل ماقالت اختي بيتا الخيل من خيالهااا انت اللي تقدر تخلي زوجتك كمااا تريد ولاتنسى تقرااا مواضيع .. ليلة الزفاف- ليلة الدخله- كيف التعامل مع الزوجة الخجوله ليلة الزفاف وحبه حبه راح تصير مثل ما تبغى |
أخي الكريم اقرأ عن أنماط الشخصيات
أتوقع زوجتك شمالي شرقي وأنت جنوبي غربي الشماليين لايميلوا للرومنسية والاحتضان بعكس الجنوبي اقرأ في النت وحاولت تكون صريح معاها |
على مايبدو اخوي انت رومانسي مثل حالاتي .. وزجتك العكس ..
هذولا الناس مهما عملت ما يتعدلون .. حااول تجلس معاها وتقولها شو تحب وفهمها ماافي حياء بين الزوجين .. انتم ماشاء الله صار ليكم تسع سنين المفروض تكون خلاص فاهمة .. حاول تجلسها معاك ع النت وتدخلوا ع مواضيع تثقيفية تقرؤها سوى ممكن تتفهم .. وان شااء الله تسير مثل ما تبي .. |
ياخوي انت وشتبي بهالكلام الحلو وانت شوووووويب .. ولدك طولك ما شاء الله
حبيت اهزر معاك..... المشكلو وووووين ...... وووووووووووووووووووووين؟ ما فيه مشكلة الواضح انك تبحث عن مشكلة حتى تملاء وقت فراغك بادر ... واعط بدون مقابل ... وخذ ما تبي متى ماتهيئ لك.. ولا تسوي من الحبه قبه.. هونها وتهون... اندمج بالحياة وعيش الجوء على كيف ما جاء... تمشي امورك:21: لا تعقد الامور ... وتعقد اهلك معاك جعلك اليوم تسمع كلام يطرب اسماعك:) آآآآآمين يارب |
تغيرها حلو بس اصبر عليها هي موعاجبها حياها وودها تتغير بس ماتقدر لكنها تحاول عشان خاطرك تغزل فيها امدحها دايما احرجها قلها يعني مااستاهل تبوسيني يعني لهذي الدرجه شياكتي ماذوبتك ولا حركت فيك شعره تعالي شمي عطري
انت علمها كلام الحب علمها الغزل وانك العاشق الولهان هذي عيوب التربيه على الحيا من الصغر تاصلت الفكرة وترسخت لدرجة حتى الزوج تستحي منه لهم 9 سنوات وتستحي منه انت تحدى نفسك انك بتغيرها وتخليها مثلك واكثر |
هو لما يطلبها للفراش ترفض...وهذا الشي الي مضايقه
اما الكلام الحلو والاشياء الثانيه اعتقد ماتهمه قد مايهمه حقه الشرعي.. يااخوي بعض الزوجات غافلات مايدرون ان هذا الشي يضايق زوجها تحسب لما تقول لا مابي الحين او تقول تعبانه خلاص زوجها بيعذرها وماتدري انه من داخله زعلان.. روح تسامح معاها وقلها انا لما اطلب منك وانتي ترفضين ترى هذا الشي نتايجه سيئه وممكن افكر اتزوج عليك بسبب هذا الشي وقلها انا وين افرغ طاقتي اذا انتي رفضتي وين ارووووح؟؟ترضين اتزوج عليك ؟؟عشان لاقلتي لا..اروح لزوجتي الثانيه |
اقتباس:
والله حسستيني اني كفرت لما اطلب من زوجتي تبسطني وانا ملاحظ ان الكل يقول بادر معاها انا بادرت في كل شي وما توقفت الا في الاشهر الاخيره وبعدين من قالك اني ماني مقتنع بزوجتي بلعكس انا مقتنع فيها وماتخيل في وحده غيرها في حياتي لانها من اطيب القلوب الي شفتها ومهما كانت زعلانه بجلسه وحده يروح كل شي انا ماني مقتنع بلعيشه نفسها احس انها هاذي الامور هي البهارات الي تحلي الطبخه |
[
اقتباس:
|
اقتباس:
|
اقتباس:
|
السلام عليكم ورحمة الله وبركاته
طبعا انا قلت لكم انو لنا يومين متخاصمين لاسلام ولاكلام وامس في اليل انا رحت انام وهيا بعدها نومت الولد ونزلت البنت لبيت عمها وانا مريح على السرير ما نمت لسا بس مغمض عيوني جات وباست يدي وجلست معايا وانبسطنا الحمدالله وبعدها بساعه طلبت مبلغ ومن قوة الانبساط عطيتها الدبل حتى قلتلها شكلي مسويه الحركه علشان تبغي فلوس قامت تضحك (ترى المبلغ مايستاهل طلبت 100 عطيتها 200) انا لو بين فتره وفتره تسوي حركات زي هاذي والله حياتنا تكون من احسن مايكون بس هيا الله يهديها ممكن تمر اربع اوخمس شهور مره ماتسوي حاجه حتى الرسايل مافي وانا طبعي صعب اذا بادرت وتغزلت وارسلت وسويت كل شي استمر فتره على كذا واذا ماشفت شي اوقف بس الحمدالله والله انبسطت وعجتني حركتها |
ماشاء الله تبارك الله ... الله يديم السعادة بينكم ويوفقكم |
ماشاء الله
الحمدلله بس انت الله يهديك لاتدقق في هاالامور يمكن هي تستحي كل واحد بطبعه...ولا انت كلمها مليون مره وفهمها وش تبي منها |
اقتباس:
:17::17:لو الناس يطبقون كلامك كان مافي شي في الدنيا اسمه هموم او مشكله.. |
اقتباس:
طيب يا اخي قل لها انك ستكون معها كريم بالمصروف و غيره لو اهتمت بك اكتر شجعها ! |
| الساعة الآن 01:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©