|
زوجة اخوي الله يسامحها ويعين اخوي
اول شي راح اكتبلكم مواصفاتها وطباعها اهتمام في الشكل مافية نهائيا كريمات مكيا ج ماتحط الافي الزواجات ملابس مظهر تحت الصفر تفشلنا في المناسبات انانية ماتفكر غير في نفسها نظافة واهتمام في البيت مافية طبخ الحمدلله والشكر مبهذلة اخوي بغيرتها يعني مثلا انا لوزوجي جابلي شي لازم يجيبلها زية لو فلانة راحت السوق الفلاني لازم تروح هي مريضة بالغيرة معالتها مع اهلى معدومة همها بس اهلها لدرجة انها تخلي اخوي يمشي اهلها خلت اخوي ينقل من عندنا ويبنيلها بيت عند اهلها كل من الزن حقها اخوي يبغاها سعيدة وتعبان معاها موعشانة عشان يفتك من زنها وخايف على عيالة والله انة مايقدر ينام في بيتة اخواتها يجون ينامون عندها ولا عيال اخوانها الصغار في البيت مايخلونة ينام يروح يسكر على نفسة في المجلس ويدقون الباب علية والله انة تعبان و مو مرتاح باين في وجهة قلقان من اله الي عنده وهو دايما ينصحنا احنا اخواتة ويقول لاتسوون كذا مع ازواجكم يفكر ان الحريم كلهم زي بعض امي قلقانة من حالتة وماندري ايش نسوي مع زوجتة هو حاول يفهها وتعب معاها واخرتها رضي للامر الواقع احنا الحين ناوين يعنى نتفاهم معاها بس هي لونكلمها على طول تقعد تزن وتكذب اخواتك قالولي وسسولى تقلب كل شي لصالحها وقاعدة احاول اتقرب منة عشان افهمة الي تسوية زوجتة فية حرام وهوغير يسايرها هي والعجوز امها مستغلينة استغلال مابعدة بس ذحين راح الخص لكم مشكلتها الاساسية 1-ماتهتم بمظهرها تحسين لبسها تقال عجوز 2-شكلها ماتحط مكياج ابدا ومافية اهتمام لزوجها وهي ابدا وجميلة اخوي احلا منها3-اهلها ناس ماتستحي همجيين على مستوى وهذي لو بفصل بتعب3-يعطيها شهرين مصروف وهي مستغلتة تحطة في ذهب تامن مستقبلها يعنى ماتشتري ملابس وكشخها منو 4-ما تسعى ابدا لراحة زوجهاهمها نفسها واهلها وبس 5-اخوي حنون وحساس ومن احد يبكي عندة خلاص مايتحمل
وعلى فكرة هومايشتكي عندنا لانو كل العايلة كانومعارضين على زواجة منها بس هو لزم واخذها ابغى حلول لهذي الحرمة ولغيرتها المرضية وشلون نساعدة لانو خايفين علية من الامراض على فكرة هي مكرهتة فينا |
دام انه ماشتكى منها لاتدخلون في حياته وتصير هوشه بينهم بسببكم يمكنه مبسوط معاها تجي اوقات مشاكل بين الزوجين ويروحون لاهاليهم وهم واضح عليهم الزعل والضيق هذا مايعني انها منكده عليه عيشته واذا اشترت ذهب من حقها تشتري اللي يعجبها
|
الله يعين اخوك...والله اني احزن على اي رجل طيب وحنون وتجي زوجته زي كذا..حرام عليها والله...معناه بيعيش طول عمره تعيس..
المشكله هي ماتسمع منكم لو علاقتها معكم كويسه فهموها انه حرام الي قاعده تسويه ..لانوم ينام ولاراحه يرتاح..في بيته هو مدام ينصحكم انكم ماتسوون زيها مع ازواجكم...قوليله لا يااخوي الحريم مو زي بعض فيه حريم ينحطون على الجرح.. هو شكله نفسه يتزوج ..بس خايف انه الحريم زي بعض..اكيد جافي باله الزواج الثاني..ولمحليه انه الي زي كذا مايعدلها ويفوقها غير الحرمه الثانيه.على الاقل يهددها يمكن تحس وتستحي على وجهها على الاقل ماتخلي الاطفال يزعجونه وقت النوم بس انتوا وينكم عنه يوم اخذها.ليش مانصحتوه وهو ليش اصر ياخذها يمكن تزوجها عن حب..وهي تقربلك ولا من بعيد.. |
اقتباس:
بس هي تقول انه ينصحهم مايسوون زيها مع ازواجهم..وترى يبان على الواحد اذا مو مرتاح مع زوجته خاصة الرجال يبان عليهم.. بعض الازواج طيبين بزياده يكتمون ويصبرون عشان عيالهم...ويبان عليهم الهموم... حرام تخيلي تشوفين اخوك مهموم..ومو مرتاح في بيته ..ماتحزنين عليه؟؟ |
انا اشوف دخول اهل الزوج في مشاكل الزوجين بيكبر الموضوع بدل مايصغره والله اعلم حتى لو الزوج متضايق من زوجته دامه ماشتكى منها خلاص لاندور ونبحث عن مشاكلهم خاصة لو كان بينهم عيال وكمان هي تقول انها ماتحب يروح لهم يعني لو تدخلوا بيكبر الموضوع ويتطور ولاانا غلطانه؟؟
|
مع احترامي الشديد لك.. انا احس اساس المشكلة انكم مو حابينها.. وقاعدين تدورون وتتفرجون على اغلاطها!!!
ومعليش في تناقض بالكلام..تقولين مو مهتمة بنفسها !! وبنفس الوقت تغار لو سمعت احد راح السوق لازم هي تروح.. معانه انها تروح وتشتري ومهتمة بنفسها وماتبي احد يصير اكشخ منها.. تقولين المكياج ماتعرفه الا بالمناسبات فقط.. بعدين تقولين ماتهتم بنفسها وتفشلنا بالمناسبات!! يا اختي الناس اذواق.. هي يمكن بعد ذوقكم ما يعجبها!! هذي نقطة النقطة الثانية.. اللي اسشفيت انكم انتوا مو متقببلينه اللي هي مسألة البيت.. يا اختي حقها تبي اهلها.. اي إمرأة تبي تكون بجنب اهلها.. وين المشكلة!!! وشنو الغلط بالشي هذا!! هذا أنا أموت على اهل زوجي لو أدور الدنيا كلها ما ألقى مثلهم وهم بعد يحبوني ويحبون بنتي بشكل مو طبيعي.. لكن لو تخيرت بين اني اسكن بجنبهم ولا جنب اهلي راح اختار جنب اهلي.. مو نقص فيهم.. لكن اهلي لو أبسط شي انزعجت من عيالي دقيت عليهم تعااااالوا خذوهم ازعجوني بيجون ياخذونهم!!!! لو زوجي بيسافر ولا بيتأخر بالليل عنده شغل مالي غير اهلي وأمون عليهم.. مستحيل اتصل على اهل زوجي واقولهم كذا.. فمالكم شغل بنالها بيت عند اهلها ولا عندكم.. انتوا اللي بتسكنون ولا هي!!!! اخوكم متى ما بغيتوه سيارته تحت رجله دقوا عليه وهو بيجيكم.. وسالفة أنها أنانية وما همها إلا أهلها .. يا أختي انتي شدراك بكل سوالفها اللي قلتي عنها غير كثرة وجودك عند أهلك!! أو كثرة حشكم فيها.. النقطة الثالثة مالكم دخل بحياتها.. بكيفها طالما اخوكم ساكت لا تخربون بيته.. وأصلا حتى لو تكلم يعني شنو بتسوون.. ماراح تتقبل منكم نصيحة وانتوا بالاصتدام هذا.. لكن ممكن توصلون لها بطرق غير مباشرة .. يوم من الايام عجبكم لبس معين عليها ممكن تبالغون في مدحة.. وهي بتحط في بالها انه هذا الستايل يعجبكم تبدي تحرص وتدور على هالستايل.. لانكم وانتوا ساكتين ما تدري انتوا شنو يعجبكم وشنو مايعجبكم.. ممكن التقرب منها والتودد لها من طرفك ومصادقتك لها ممكن تجرأين وتتقبل منك لو قلتي لها شرايك نروح السوق مع بعض وتعطينها رايك باللبس.. ممكن تمدحينها تقولين لها مشاء الله عليك مملوحة بس لو تسوين كذا أتصور يطلع عليك توووووحفة.. إذا بتروحين لمشغل ولا شي تتصلين عليها أنا بروح المشغل شرايك تخاويني وخليها تروح معاك تقص تصبغ تغيير..أشغليها بنفسها وهكذا . الأمر بسيط لو كنتي فعلا تهمك مصلحة أخوك.. أما إذا مجرد فضفضة وتستمرون تحشون فيها ماراح توصلون إلا لطريق مسدود.. وراح تبغضونها أكثر وأكثر.. |
اقتباس:
|
ارى ان مشاكلها خاصة و يجب على زوجها هو ان يحلها بينه و بينها
و لو حصل تدخل و تحريض من قبلكم انتم او أهلها يمكن يخرب بيت اخوكي و هو مو حابب يخربه مشكلتها بالزينة و الاهتمام هي مشكلة خاصة جدا بينها و بين زوجها لأن أساس زينة المرأة لزوجها و ليس لارضاء الناس أما مشكلة بخلها و شراءها الذهب بدل الملابس فهي ايضا بيد اخوكي ، بامكانه يخفف المصروف عنها و يذهب معها للسوق و يشتري لها الملابس بايده دوركم انتم -أهله- النصيحة فقط أكبر غلط ان تنقدوها او تحاولوا تحريض اخوك عليها هو رجل و بالغ و عاقل و أكيد بيعرف يحل مشاكله بنفسه |
انصحي اخوكي بالشئ اللي يرضي ربنا بس لاتتدخلوا بينهم عشان لاتقلب المشكلة عليكم
الغلط من اخوكي صراحة كان وقفها من اول مرة مو بعد عشرة وعيال يقول تعبان !! الله يصلحها |
اقتباس:
مع احترامي لكل ما قلتِ .. ليس من حقكِ أن تستخدمي عبارة مثل هذه العبارة .. وأخوكِ هو المسؤول عن مشكلته وهو من يجب أن يوقفها عند حدها .. إن كانت تحتاج لمن يوقفها عند حدها. أخوكِ تعبان ومتضايق وغير مرتاح وأنتِ قلقة عليه ويؤلمكِ حاله .. على العين والراس .... ولكن لا يصح أن تتصرفي وكأنه طفل صغير ينتظر من يدافع عنه ويأخذ له حقه. وأساساً حتى لو تدخلتِ بأي طريقة .. ما دام أخوكِ بهذا الضعف والاستسلام والمسايرة ـ كما تقولين ـ فلن تُحل المشكلة. |
كسرت خاطري والله
الله يعينها عليكم ياررربي من ناااااس زي كده لعلمك اشوف الغيره من كلامك عشان اخوك يحب زوجته ومايرفض لها طلب طلع مو مرتاح ووووالخ عادي والله شفنا اشكالكم كثيييير مااقول الا الله يعينهاا عليكم |
اقتباس:
|
على فكرة لوسمعت احد راح مكان سافر شي ماترتاح لين تروحلة واخوي نبة علينا اننا انقولها وين نروح وين نجي لانة تجلس تزن علية ولازم تروح ماترتاح لين تقلد ان احس ان ماعندها ثقة في نفسها او عندها احساس بالنقص عشان كذا تقلد
وهي تاخد واخوي مريحها فالمفروض زي ماتاخد لازم تعطية لازم تريحة |
اقتباس:
هو تارك لها الحبل على الغارب .. |
اقتباس:
اوكي ياموووف ادا كلامك صحيح وين اخوك بالموضوع اسمحيلي اقولك ان اخوك المنافق يشتكي ويبكي من وراها ويوم يروح عندها القطوه تبلع لسانه ويقولهاا شبيك لبيك انا تحت امرك؟؟ يكون رجال ويتصرف صح ويوقفها عند حدهاا ولا ينقل لكم اسرار بيته ياابيض يا اسود لاكن شغل الحريم ماينفع |
مالكم حق تكلموها انتو لكم اخوكم كلومه وفهموه كيف يوصلها الفكرة وبعدين يمكن هذا ذوقها البنت مو مجبرة تلبس مثلكم علشان تعجبكم المهم هي عاجبها خلاص
وبعدين انتي قولتي انو الكل كان معارضعلى هذا الزواج معناته خلي اخوكي يعرف يحل المشكلة ويتجمل عواقب قراره ماانصح حدا يدخل بينهم |
عزيزتي موف.. كلام الأخوات صحيح.. أخوك المفروض يقولها ايش يحب وايش مايحب.. اذا تبغو تنصحوه.. فيكون بالكلمة الطيبة .. مو تحرضوه عليها.. يعني يقنعها انه يحب الألوان الزاهية ويروح يشتريلها بنفسه.. يقولها أبغاكي تغييري تسريحتك وتحطي مكياج ويوديها الكوافيرة.. وباقي الأشياء يكون حازم شوية.. أما انه ينام في الصالون عشان سهر أخواتها ؟؟؟؟؟؟ الله يصلح بينهم |
اقتباس:
يمكن هو عارف انها تتنرفز وتزعل وممكن تطلب الطلاق ..وبالتالي مايناقشها في الموضوع هذا لانه يخاف على اولاده..تروح وتتركهم..وهذا النوع من الرجال..مايحبون المشاكل وكثرة الكلام وعشان كذا ساكت وهو اساسا مو راضي...كله عشان اولاده والاخت موووف باين عليها شايله هم اخوها..وقلبها عليه ومو قصدها تتكلم على زوجته..واضح من كلامها انها تبي راحة اخوها خصوصا في الرد الاخير..قالت0المفروض مثل ماتاخذ ومريحها تعطيه وتريحه.. والله اعلم |
اخت نورين...اذا الاخت ماشالت هم اخوها بلاه مين بيشيله..
لو شفتي اخوك ولد امك وابوك الي زوجتوه وفرحتوله لانه بيستقر ويرتاح..وبعدها اكتشفتوا العكس ان زوجته منكده عليهاومو مريحته يرضيك هذا الشي...اختي لاتستغربين ترى فيه كثير زوجات مو مريحين ازواجهم قمة الانانيه ولان الزوج طيب ومايبي يشتت اولاده يصبر ويصبر ويحتسب..خصوصا الي يجيك متعلق في اولاده..يظطر يسكت وياكل في نفسه ومنهم عمي اخو ابوي جاته جلطه وهو ماتعدى سن ال35 سنه بسبب انها تبي تغير غرفة النوم وضغطت عليه وقالت هاالاسبوع تكون الغرفه عندي مع انه قالها اصبري وحلفلها انه راح يجيبها بس طلب منها الصبر الين ربه يرزقه..هو جدا طيب ويحب اولاده وقد قالها لو مالصغار كان افترقنا من زمااان لاتستغربون ياكثر هالنماذج.. كنت شايله هم اخوي ان تجيه وحده من هالصنف لكن الحمدلله ربي رزقه بزوجه تنحط على الجرح يبرا.. |
ياجماعه لاتتهمون الاخت موووف انها غيرانه من زوجة اخوها او انها تدخلت في حياتهم هي امنيتها وحده..وهذي امنيتها
نفسي تهتم في اخوي زي باقي الحريم نفسي يوم تفكر فية زي ماتفكرفي اهلها وفي نفسها يحقلها والله..هي ماتكرها بس تبيها تهتم في اخوها..خصوص انه يشتكي منها.. طيب انا ابي اسالك يااخت موووف سؤال ياليت تجاوبيني لو كانت زوجة اخوك بنفس الذوق الي انتي وصفتيه ماتهتم بنفسها ولاتلبس لبس حلو ابد ولاتحط مكياج ابد لكن مهتمه في اخوك وكل همها اخوك تطبخله ومريحته اخر راحه لاازعاج ولا تنكيد...ايش راح يكون رايك فيها.. |
عزيزتي
المشكلة في أخوك ، مو في زوجته .. |
اقتباس:
|
والله لو فية راحة مومشكلة بس افية اي نوع من انواع الراحة
يرجى كتابة لفظ الجلالة بالهاء (الله) / الادارة |
مازلت اقووووووووووول الموضوع باايد اخوك ..
تقولين خايف انها تهدد بالطلاق ..؟ العصمه بيد مين بالله ..؟ وهي كذا من الباب للطاقه بتطلق .؟ وبعدين ووووووووووين شخصيته ووووين حزمه لما تقصر بشئ وليش مايكون له ردة فعل خايف تهدد؟ خايف يتشتتون عياله ..؟ ماهو عذر ابد .. وبعدين كونها تشتري ذهب تبغين الصراحه الاصل هي حره بمصروفها تشتري ذهب هي مو مقتنعه تشتري بمصروفها خلاقين .. وبعدين وين دوره هو بالموضوع هذا ليش مايروح يشتري لها .. ليش ماياخذها ويشتري لها واذا هي ماخذه راحتها ولا تهتم معناه هي اذكى منه عرفت كيف تستغله صح وتسوي اللي تبيه دامها شايفته متمسك بعياله واللي خلالها تستغله بمساعدته هو طبعااا ... انا متاكده تماما انها ماعمرها شافت منه ردت فعل قويه وحازمه بالتالي تتصرف هي على هواها .. وطالما انه مااشتكى لكم وطلب حلول اذا هو يتحمل نتيجته رخيه للحبل لها .. انا لي اخ متزوج واكيد كانت فيه مشاكل وفيه تقصيرات منها .. بس ماكلمني ولا دخلت نفسي .. ويوم كلمني والله وجهته بطريقه مااخليه يشيل على حرمته صح كلامك وانا فاهمتك ويحق لك لكن اصبر وولو انك سويت والخ الخ .. مارحت رفعت السماعه عليها وانتي وانتي ولا قعدت ادقها بالكلام ..؟! كل وحده تحب اخوها يعيش حياته ومرتاح ومبسوط .. لكن المهم ماتكوني داه هدم لبيته ولو بطريقه غير مباشره ... |
اقتباس:
|
حطي نفسج بمكانها ومهما كنتي هل تقبلين بتدخل اهل زوجك
يجب ان لانفعل اي شي لانحبة لنا |
انت اساسا ايش دخلك في الموضوع ؟؟؟؟ مادام صاحب الموضوع ما قالك تدخلي ؟؟؟
لاتخافين ان كانه متضايق من هذا الوضع بيعرف يحل مشااكله بنفسه حتى بلبس الحرمه بتتدخلوون يا اختي خليك في بيتك وزوجك احسن لك |
الاحظ الاغلبيه تحاملوا على الاخت مووووف...لانهم حتخيلوا انفسهم مكان زوجة اخوها واخته تتشكى منكم..
طيب ليش ماحطيتوا نفسكم مكان الاخت موووف واخوكم مو مرتاح مع زوجته من جميع النواحي.. تخيلوا زوجة اخوك تمنع اخوك يروح لاهله.. والي يقولون هي تسوي كذا لانه هو ماانتقدها ولازم يجيبلها ويسوي لها...يمكن هي طبعها كذا حتى لو جابلها ماتتقبل...ترى بعض الحريم فيه نوع من البخل وماتشتري لنفسها لو قارورة عطر..تحط الفلوس في ذهب.وتحرم نفسها من الكشخه والزين.عشان تامن مستقبلها وكانها ضامنه عمرها..وحده من قريباتي نفس طبعها..تجمع فلوس بيشيب راسها ويروح شبابها وهي تجمع وتشتري ذهب...وبعد تنصحنا نسوي زيها...ياشيخه لو مالبسنا الحين متى نلبس بلاه.. انا مالي دخل فيهم عساهم مالبسوا بس استغرب من تصرفاتهم..ويااخت موووف زوجة اخوك اغسلي يدك منها..هي طبعها كذا..ولاجاكم يتشكى قولي لامك تقله زوجتك وانت الوحيد تقدرتعدلها والمفروض يحط وقت لزيارة اخواتها...وينام في غرفة نومه ويحلف عليها لو يسمع صوت يزعجه مايصير لها شي طيب ..ويجبرها تطبخ له...هو ليش ساكت ؟؟ليش يسمحلها باهمال البيت ؟؟ |
بعد قراءتي لكل فقرة في الموضوع .. تنتقل عيناي بغير شعور لإسم العضو ! عفواً بهذا الوصف الدقيق يهيأ للقارئ أن من كتبه زوج آنفة الذكر عموما ً المشكلة محصورة بينهما ( أخاك وزوجته ) 1- هو من اختارها وعارض الجميع لأجلها 2- لم يشتك وصابر لا أرى ما يضركم بالموضوع إلا : هيئتها وحبها للذهب وتقديم أهلها على زوجها إنأو بأنفسكم عن تتبع حياتها ، لأنكم إن نصحتموها انقلب الموضوع عليكم وحملتم أخاكم ما لا يطيق هو رجل وباستطاعته تغيير حياته والقيام بشؤونه. |
اختي موووووف
انا مع الاخت احلاهم واتحداهم واقول لك بعد ماتعب راسي لان من كلامك وااااضح انك انتي مو حق حلول لان كلامك عن زوجة اخوك وااااااضح جداجدا ان فيه توتر واسلوبك غير لائق ابدا ابدا كله انتقاد واستهزاء بلبس .. احترمي غيرك لاجل الاخر يحترمك مع احترامي لك نرفزتيني من اسلوبك ولو انه صحيح قولي ماتلبس لبس حلو زين ,...(ماادري حسيت انتي اللي تغارين مو هي ))!! لان بنظري اللي يستهزء بلناس او بلبسهم او بشيء ليس له دخل به ارى انه هو المريض مع احترامي لك بجد اسلوبك غير لائق هنا بلكتابه عن حياة زوجة اخيك تكلمي بوصف لائق تكلمي بوصف محترم الله يعين اخوك ويعين زوجته احسست من اسلوبك ان بك شيء قاهرك منها وودك تنتقمين سواء مشكله قديمه او اسلوب وذكرتي ان ماتعامل اهلك زين مع احترامي ان كان اسلوب اهلك بلكلام مثل اللي كتبتيه هنا فزوجته معها حق ماتجيء لكم من الاساس لان اللي يتكلم كذا من وراء الناس يجد منهم وهم امامه ...! لاتزعلي بجد انا اقدر حبك لااخوك لكن ودي اقولك اخوك زوج رجل عاقل مو مريض استغلال ووووالخ حتى الذهب تدخلتي فيه وش عليك انتي لو تشتري الراجحي مالك دخل هذا شيء خاص .... وخليها تلبس لبس جدي بلطقاق وش عليك انتي واهلك واخوك هذا مامعه لسان مامعه يد مو العصمه له والكلام له ...!!! وتقولين اهلها ماخذينه عنكم يوديهم ويجيبهم وش عليك اخوك رااااااااااااااااااضي ولو ماهو عاجبه لكاان رفض توصيلهم ... يكفي انك قلتي اذا تدخلنا تقلب السالفه وتجعل اخي بصفها !!! مااظن زوجه اخ تجعل اخوكم بصفها بسهوله تجعل زوج ضد تفكيييييير اهله بكذبه ولا خداع ترى الرجال مهما كان طيبهم مايوقفون مع زوجاتهمم ضد امه واخواته الا في حااااله اذا زوجته معها الحق ووجدت التدخل \ وللاسف وجدت من طرحك التدخل بلبس والمكياج والشراء والاستهزاء اسئل الاعضاء هل مثل هلطرح والاسلوووووووب مؤهل لحل مشكله ؟؟؟! اترك الجواب لكم ولكم حرية الكتابه . لو ان اسلوبك حسن كااخت زوج بلطرح وتريد انقاذ اخيها لااجبتك بلحل لم افهم من طرحك الا تريدين الانتقام او انك كارهته وحده من الا2 لو انك مثل اختنا الماضي الدفين عندما طرحت موضوع عن اخيها وتريد الحل وكان موضوعها به الانتقاد لزوجة اخيها بااسلوب حلو مو استهزاء لااجبتك وهي طرحت الموضوع لتريح اخوها مو تتدخل وتنبش وتستهزء . وارد للاخت ليه الغرور .... انا ابذكر لك ليش الكل متحامل ع الاخت بسبب اسلوب كلامها واستهزاءها وتشبيه لبسها بلبس العجوز وتفشلنا !!!!! وتدخلها الشديد حتى بمشتريات زوجة الاخ ... ابسئلك حبيبتي ترضين احد يتكلم عن اختك او اي احد يستهزء بشخص لهلحد ..هل تتحملين هالشيء لو ان الكلام عن لبسك ...! انا معك هي تبي مصلحة اخوها ولو ان اخوي مو مرتاح هو بيده يريح عمره وان شكى نكون من الناصحين باادب واحترام ولي استهزاء بكل شيء . |
همس والله كلامك عييييين العقل وانا معاك فيه
ربي يجزيك خير على قول الحق دائماااا |
ببسااااااااااااااااطة اختي مووووووووووف وتقبلي ردي بردو ببساااااااااااااااطة
من ادخل فيما لا يعنيه لقي ما لا يرضيه انت مالك وما لها وبعدين اخوك كبير وراااااااااااااجل لو كان سن 18 او 19/20نقول يمكن ومع ذلك لا دخل لكم في حياته خليك في حالك احسن لك وله الله يعين زوجة اخوك والله قطعت قلبي نصيحة ثانية سيبوها في حالها انسي الموضوع احسن لك واتقوا الله في بنات الناس ............... |
دام اخذها بالغصب بعدم رضى الكل فاكيد ماراح يشتكي لان الاجابه هذا ماجلبته لنفسك وتستاهل اكثر من هيك في تعبيره هو بيلقى الاجابه هاذي ..الله يعينه ويصبره ولابد بيجي يوم ينفجر ..زوجته فاقده الثقه والحب في تربيتها شتبغونها تعطي اخوكم ...ربي يهديها ويرجعها لصوابها قبل فوات الاوان
|
ولا تعلمونها ولا توقفونها عند حدها ولا شيء ..
أنا أرى أنه مالكم شغل أبداً والكلام اللي قلتيه كله ما يبرر دخولكم بينهم أبداً واتوقع انه ما يجوز شرعاً .. هو رجال وراضي ، إذاً براحته وانتم مالكم شغل .. موفقه .. |
يهددها بالزواج عليها حتى تتأدب
ويكون تهديد يحسسها انه جدى وممكن يتزوج فعلا |
يابنات فى نوع من الرجال بهالشكل طيوب وسهل استغلاله
لاتظلمون البنت لو شافت انو اخوها ممكن يتدبر اموره مكانت تجى تطلب المساعده والنصح |
اقتباس:
......وبالنسبه لطريقة اللبس الناس اذواق..ويمكن هي ذوقها كذا لكن الي يخليني اوقف مع الاخت مووف ضد زوجة اخوها...انه مو مرتاح في بيته من ناحية النوم في غرفته معقوله يروح ينام في المجلس بسبب ان عيال اخواتها يزعجونه ويدقون عليه الباب..وايضا انه يشتكي لامه منها معناه مو مرتاح بس المفروض هو الي يعدلها والمفروض مايطلع من غرفة نومه وينام في المجلس واذا احد دق عليه الباب ويصحيه من نومه يصكه بكف على وجه عشان يتادبون ويخافون منه...ومايقربون ناحيته |
لا فوض فوووك اختي همس ..
.. ليه الغرور . كلمة همس .. مامعه لسان مامعه يد .. اظن تكفي للرد على اخر سطورك .. وماني الوحيده اللي اعقب على كلامك وانتي عارفه هالشئ .. بعدين بالله وش استفدتي يوم نرفزتي اخت ام فلانه بكلامك واسلوبك وكانها ضره لك - استهزاء وتريقه - وقفلت موضوعها .. وش ضرك لو سكتي وماشاركتي .. وش ضرك لو قلتي لها كلمه طيبه او دعيت لها ... حرمتيها من اراء الاخوه هنا .. يااختي محنا في حرب بالمنتدى والله صرت اشك بصغر عمرك .. هداك الله بس |
اختي موف نصيحه اعرف وحده كانت مثلك همها مرت اخوها ونفسها تتطلق مرت الولد
وتحرض امها واخوها عليها مانسيتها اذكرها تقول انت بس طلقها ونااربي عيالك ليش عايش بنكد ومن هالكلام وبالاخير الحين ماشاء الله مرت الولد عايشه بسعاده وهنااااء مع زوجها واولادها والاخت تطلقت بعد 4 اطفال والحين عايشه لحالها واهلها توفو لو كانت علاقتها تمام مع حريم اخوانها كان الحين لقت احد يهتم فيها ويستقبلها لكن من زرع حصد والدنيا دواره ولايحيق المكر السئ الا باهله |
:: |
| الساعة الآن 01:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©