|
والدي خطب لي الفتاة التى خطبها صديقا سابقا .؟
صديقي خطب بنت وشافها وعملوا تحاليل ولكن ماحصل نصيب بينهم وكان عندي علم بالموضوع
بعدها بفترة بعده ب11شهر اكتشفت ان ابوي خاطبلي نفس البنت وحاط رضاه بزواجي منها والبرأه مني الم اتزوج هذه البنت اعطيته كامل التفاصيل ورفض طبعا البنت مافيهاشئ جمال ودين ووافقوا علي المشكلة كيف يكون موقفي من زميلي لانه من اخبرني بالموضوع سابقا بدا الشك يروادني وخاصة انه رأها كيف اخبره بالموضوع دائما مايسألني وش صار معك طبعا هويعرف اهل البنت طبعا هذا الصديق تزوج وماشيه امورة المشكلة بدأت تداخلني الشكوك بان هذا الصديق شاف زوجتي والوساوس المترتبة عليه افتوني انا في حيرة من امري جزاكم الله خير |
اخوي اول شي مبارك لك ولصديقك بلخطوبه والزواج
اخي الفاضل انت قلت انه ما صار نصيب مع صديقك يعني قبل ما يقولك ابوك انها خاطب لك نفس البنت يعني السبب في البعد مو انت ولا لك دخاله وانت بداخلك وصديقك يعلم هالشي فما فيها احراجي كلمه وهو يتفهم لانه النصيب جاك بعد ما فشل النصيب معاه يعني مو انت السبب واما انه زوجتك المستقبليه انه شافها والشكوك الي بيك اخوي اعلم احنا في مجتمع شرقي يعني لو خاطبه ما رح يصير الا كلام وشوف مو اكثر نظره شرعيه مثل ما قال لنا دينا وهذا الشي ما يصير مع بنات يصيرون زوجتنا يصير مع بنات يصرون خواتنا واتوقه ومتاكد انها شكوكك ما الها محل لانا كلنا نعرف تقاليد الخطوبه والعادات والتقاليد الي بيها فتوكل ع الله ما صار شي الا وفق دينا وشرعتنا والبنت ما عليها حق ولا لوم ولا صديقك ولا حتا انت والسموحه |
عادي واذا يعني شافها ؟؟؟ ماصار شئ عيب او حرام نظرة شرعية قدام اهلها واهله بس ماصار نصيب وهوا اتزوج وراح بحياته لاتخليي الشيطان يلعب براسك / اهم شئ التوفيق وتكون بنت ناس محترمة // اذا مرة شاغلك الموضوع خلاص لاتتزوجها وتتعب راسك وتتعب بنت الناس معك |
اذا مرة شاغلك الموضوع خلاص لاتتزوجها وتتعب راسك وتتعب بنت الناس معك[/CENTER][/QUOTE]
صح لسانك اختي الكريمه |
اذا من اولها بدا الشك لاتكمل عشان لاتظلمها
بعدين كون اكيد اي بنت رح تخطبها اكيد في غيرك وقبلك خطبوها يعني شافوها ربي يكتبلك الي فيه الخير |
امركم عجيب وغريب يعني انو الواحد وقت يخطب يجيب بنت صغير يضعها في قفص حديد وممنوع احد يشوفها غيرو
واسماء الصحابيات الأتي كانو عن ايام الرسول صلى الله عليه وسلم وسواس شيطان تمنع عنك الفرح من الطبيعي انو الوحده تشوف عدد من العرسان وتتكلم معهم حتى توافق على عريس |
وخير ياطير واذا شافها وين المشكله !
شافها على سنة الله ورسوله ماشافها من ورى اهلها وسوى روميو وجوليت توكل على الله فهذا شرع ربنا الف مبروك مقدماً |
اتركها من الحين
ربي راح يعوضهااا بلي تستاهله |
أخوي كن صارم بقرارك تقدر تكمل معاها أقدم على الزواج منها
مو قادر وفيك شكوك وظنون لا تتزوجها وتظلمها معك وهي ما سوت شي حرام ولا خارج تقاليدنا وبقولك شي لا تتأثر بكلام الناس الحين وتتزوجها وبعدين ترجع برايك وتشك وتظن وتكرهها دون ذنب إذا اقدمت على الزواج منها إنسسسسسى كل ششششي ولا يهمك صديقك إيش يعني شافها ؟ هو لو اخته انخطبت وشافها خطيبها وتركها محد يأخذها ؟ الدنيا قسمه ونصييييب ( حكم عقلك مزبوط وإتخذ قرار نابع من جواتك وراضي عنه تمام الرضى ) |
على كذا ماحد يبخطبني انا ثلاث مرات تصير لي الشوفه الشرعيه وطبيعي جدا اي بنت اذا انخطبت تصير الشوفه وياكثر الي عيال عم او اقارب واصدقاء ويصير لهم نفس الي صار لك
خلك اكبر من هالامور صديقك تزوج الله يستر عليه يعني تلقاه نسى شكلها خلاص والشوفه اغلب الاحيان لمحه بس حتى الواحد مايتذكر اي تفاصيل او ملامح الله يكتب لك الي فيه خير |
ا
خوي الغالي ترا اذا صااحبك شافها عاادي جدا حتى لوبنت تزوجت وتطلقت عاادي جدا ان الواحد يتزوجها مستحيل بيقول غيري كان متزوجها لو كل العالم مثل نظريتك كان المطلقاات ماتزوجوا ااخووي الامر جدا عاادي ولا فيه من اي نوع من التخبطاات لاكن انا ااقولك انت لا تااخذ البنت من شان ماتعذبها معك في المستقبل اذا الشعور راودك الان فيظل يراودك في المستقبل الغريب والنظره الشرعيه حق من حقوق اي واحد يتقدم لزواج لو انه حراام كان ماحلها الله ورسوله بالتووفيق اخوووي وفكر زين واستخير |
اول شىء اترك عنك الشكوك وتؤكل على الله
ثم استخير الله عز وجل وبإذن الله طاعة الوالد كلها خير واما عن صديقك يمكن الا تخبره اصلا انك تزوجت منها او اذا كان سيعلم من غيرك اخبره ان هذا اختيار الوالد وان كل شىء قسمه ونصيب |
اخوي اذا انت تبغها عادي ياخي اتزوجها خويك اتزوج وعايش حياتة طبيعي؟
اما اذا انت ما تبها ادخل على ابوك مثل ما دخل عليك بقولة لك برضا عليك اذا تزوجتها ووووو الخ... وقولة يا بوي انا ما ارضى اتزوج وحده خوي شافها .. |
اخي المشكله بمفهوم النظره الشرعيه عندكم
احنا النظره الشرعيه يراها االخاطب بكامل حجابها لا يظهر منها الا الوجه و الكفين انتم عندكم يراها الخاطب بدون حجاب و بمكياج و ملابس عاديه لكن بما انه هذا مجتمعكم وهذه طريقتكم استخير مره و اثنين و ثلاثه و استمر بلموضوع سبحان الله ما تعرف الله يكتب لكم الخير |
| الساعة الآن 03:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©