|
مالذي تتمناه الزوجه من زوجها في فترة الملكه ؟
السلام عليكم ورحمة اللة
اولا : الموضوع مفتوح للرجال والنساء لكن ذكرت الموضوع بحكم اني رجل بخلاف الطبع السائد الرجال ينادون بعض والنسوان ينادون بعض ولاني اسأل عن شعور المرأة ثانيا : ما راح امدح في نفسي واقول اني وسيم واني مثقف ورومنسي لان هذا كله يخص حبيبتي وعكسها كلها نفس الحكاية يخص حبيتي اللهم التعليم اذكره لتبنون عليه ردودكم *انا جامعي في الشريعة وراح ابدا الماجستير عن قريب بأذن الله ثالثا : الموضوع وهو كالتالي انا متملك في عيد الحج الماضي على انسانة حيوية بالمره والحمد لله ورحت لاهلها بعد الملكة بثلاث شهور واخذت معي طبق حلا وهدية كتاب لها لاني حريص انها تحب القراءة عشان تقدر تثقف نفسها وهديه اخرى لها عبارة عن ساعة من الركن السويسري والكل يعرفه وبصراحه انا ما قابلتها ولا مرة ومكلم اخوها اقابلها بالاجازة لانها توها تدرس وهي عمرها 16 سنه انا اكبر منها ب7 سنوات* ودي الاخوات المتملكات والمتزوجات يقولون وش اللي يتمنوه من ازواجهم في الفتره هذه لاني ما اعرف النسوان زين ولا تعاملت الا مع محارمي والحمد لله عشان احاول اسعد زوجتي* هل البنت تنبسط وتتمنى خطيبها واقصد بعبد الملكة يجي بين فترة وفترة ولا بأستمرار ياليت يكون فيه تفاعل مع الموضوع من شأن يستفيد الكل ويتثقف في الامور الاسرية وتقل الخلافات بين الازواج. تحياتي لكم ..... |
أنا شاب مثلك من فترة قريبة متملك إذا المرآة أحبتك وحبيتهم صدقني تتمنون اللقاء كل يوم .. لكن " لا إفراط ولا تفريط " خل بينكم رسائل بشكل شبه يومي .. مكالمات في الإسبوع مرة أو مرتين .. زورهم تقريباً كل ثلاثة أسابيع مره .. نقطه حطها في بالك .. العادات تختلف من عائلة لآخرى .. بعضهم يفضل الزيارة في الشهر او الشهرين مره وبعضهم يفضل كل أسبوع زيارة .. فأنت جس نبض أنسباك كيف طبائعهم .. والله يوفقكم ويجمع بينكم .. س/ الزواج متى ؟ |
القسم المناسب ..
الاشراف ؛ |
شكرا لك اخوي الحبوب
وشكرا لك ام داليا لاني ما كنت اعرف قسم المقبلين على الزواج اتمنى الجميع يتفاعل وكذلك الاخوات يكتبون شعورهم عشان نحاول نسعدهم تحياتي لكم |
والله غريب 125 مشاهدة ورد واحد فقط طيب كيف نكون على ما تبون وانتم ما تصارحونا سبحان لازم اكون قريبك عشان استفيد منك الله يهديكم
وترا انا قريت كتب كثيرة والحمد لله بس نبي نعرف شعور العروسة لان الكاتب لما يكتب يكتب وهو اما زوج وكبير بالعمر واذاكانت امراءه تكون متزوجة وكبيرة بالعمر وانا ابي شعور الاخوات اللي توهم مقبلين علي الزواج وكذلك الاخوان |
والله انصحك انك تهتم فيها تكلمها دايم وتزوورها
راح تحبك اذ اهتميت بها صدقني ان اهملتها راح تخسسسسسسسسر قلبها لاتسسمع كلام اللي يقوولو اثقل عليها ومدري ايشش انت مثقف وعارف البنت تبي اهتمااااااااااااااااااااااااام وكلمه حلووة تطيرها فووق |
الأخ الفاضل.. مدام صارت زوجتك وملكت عليها .. ليه ماشفتها؟؟؟ وليه ماتزورها كل أسبوع؟؟؟ كيف يعني ماشفتها؟ ماصارت نظرة شرعية بينكم؟ لازم تزورها عشان تتعرفو على بعض ويصير بينكم ألفة ومودة البنت صغيره عمرها 16 سنه مااتخيلها تقابلك أول مره يوم الزفاف..! أي امرأة تحتاج وتريد .. الاحترام.. الحب والغزل والمديح.. الهدايا.. الاهتمام.. التفهم والتقدير..الاحساس بالأمان وبالمسؤوليه اتجاهك الأخذ بمشورتها وبرأيها .. الحوار الدائم في مواضيع واهتمامات مشتركه .. |
حلو أخوي انو في رجل يبحث عن سعاده إمرأه الله يديم السعاده بينكم
أنا بقولك طالما أنو سنها صغير فهي تحتاج للدلع أكثر بمعني لا تحرمها من كلامك الحلو ولا من زياراتك وتخبرها إنك إشتقت لها وتجيب لها هدايا تحبها وتكلمها تلفون بس مو دايم حسب ما يناسبك ويناسبها (حبها بكل ما تحمله الكلمه من معاني وصدقني راح تحبك الدبل ) ترى أروع فتره فتره الملكه إغتنمها بكل ما فيها أكثر ما يجعل حب الزوج في القمه الأخلااااااااااص والاحترام ترى مو بس الرجال اللي يدورون البنت المحترمه المخلصه الخجوله (بس مو مره ) تبلش فيها هههههههههـ كل شي يحبه الرجل من المرآه تحبه المرأه منه ,,,,, حاول تفهم طبيعة أهلها يوافقون تزورها والا لا ؟ حتى ما تحطها في وضع موحرج والله يتمم عليكم يارب ويجمعكم على خييييييير .... |
الم وعشتة - قلبي حنون - غنية بأخلاقي
ربي يبارك فيكم بصراحة افدتوني في الموضوع وان شاء الله الاخوة والاخوات ما يبخلون علينا بآرائهم تحياتي لكم |
عاد لازم تكون ذكي شوية .. وصدقني ما يحتاجلها لا كتب ولا شي
لما تشوف الوضع يحتاج تقرب قرب .. ولما تشوف الوضع يحتاج تبعد شوية بعد لا تكون مرة لصيق ولا مرة بعيد انبسطو في الفترة دي ومهدو للزواج حبة حبة والله يكتبلكم السعادة ان شاء الله دائما وابدا |
اقتباس:
ولااااابغاااااه يثقل علي انا مااحب ثقل الرجااال على حبيبته مو يكفي اننا مانشووف بعض:29: بس ماادري مو كل البنات زي طبعي من ناااحية الثقل:) والف مبروووكـ مقدماااا |
| الساعة الآن 07:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©