|
صرصور دمر علاقتي بزوجي
السلام عليكم ..
اكيد العنوان غريب , بس الموقف اللي صار لي أغرب , موقف سخييف واسخف من السخيف .. بس كان له عوااقب كبيرة جداً علي .. دمر علاقتي بزوجي وقبل كذا دمر نفسيتي كثيير ..؟!!! اوضـــــــــــــــح : أنا اكررره الحشرات بأنواعها أكررره جدا , و اكرره " الصراصير " بشكل خاص .. أحس بقشعريرة بجسمي من مجرد ما اشوفها , اتقـــزز منها جدا جدا .. وزوجي يعرف هالشي .. واللي صـــــــــــــــــــــــار : ان زوجي احياناً يروح للإستراحة , وهالإستراحة قذرة قذرة قذرة , فيها انواع الحشرات .. وكل مرة يجي منها تطلع من اغرضة كم حشرة , فقلت له لا يدخل اغراضه البيت , يخليها بالحوش والشغالة تنظفها بعدين تدخلها .. وفي نهاية هذى الإجازة جاء زوجي من الإستراحة , لكن هالمرة دخل اغراضه البيت . فقلت له : ليش تدخلها ..؟! قال : لان ما فيها شيء , تعالي شوفي , فقام يفتش فيها .. وطلع منها صرصور , أنا خلاااص انهرت يوم شفته , فقام زوجي وشاله بيده ورماه جهتي ..! جتني حالة هستيرية جلست اصااارخ , والصرصور يمشي بسررررعة ناحيتي ,, واحنا عندنا في البيت بسه , جت تجري ورى الصرصور ويلفون حولي .. وزوجي يمشي وراهم ويصور بالجوال ,, وطلع الصرصور على رجلي وانا من الرعب ما قدرت اتحرك .. فقدت الوعي " اغمي علي " ...؟!!! وما حسيت بنفسي إلا زوجي يصحيني ويعطيني مويا , ويقولي خلااص موته شوفيه ماات .. من بعدها وانا تعبااانه ,, مو طايقة زوجي , ولا طايقة اتكلم معاه , ولا حتى اطالع فيه .. ولاني قاادرة لا أكل ولا اشرب , وكل ما كلت شي رجعته على طوول ..!!! زوجي اعتذر واتأسف وقال أنا مو قصدي وما كنت ادري انك بتخافين لهالدرجة .. كل يوم زوجي موديني المستشفى , يعطوني محاليل ومضادرات غثيان بس ما فادتني ..! من ارجع البيت ترجع حالتي واكرره كل شيء , وارجع المستشفى , أخر شيء الطبيب قال لزوجي بعد الفحوصات : هي متضايقة نفسياً ..!!!! صارلي خمس ايام , وانا مررهقة , وكااره زوجي حتى وقت انام اعطيه ظهري .. بنتي مو قادرة اشيلها , طول الوقت يامع زوجي أو الشغالة ..!!! ... أدري ان الموضوع ما يستاهل , بس مادري شو صار فيه ..؟!! مو قادرة اتحكم بنفسي ولا مشاعري ..!! صار لنا ثلاث سنوات متزوجين , تصير بينا احيانا مشادات بسيطة وعاادية جدا .. لكن اول مرة يصير معي كذا ..!! تعباانة ودي اجلس وحدي وما ابغي اتكلم مع اي حد ..!! فيه غضب كبير على زوجي , ودي اسبه واشتمه واطلع كل اللي بنفسي .. بس يمنعني انه اعتذر وعارف غلطه .. ! واني انا كمان مررهقة وما فيني حييل ..! |
وعليكم السلام ورحمة الله وبركته,,
أسئل الله أن يجعل الصرصور اكبر همومك ,,, احمدي الله , وقابلي زوجك بالصفح الجميل , هناك من عفت عن زوجها لخيانته مع صرصوره فمابالك بالصرصرور. |
:)
رومانسية ال .......يرمي على زوجته صرصور..!! هو غلطان ما فيها كلام .. بس العذر إنه قصده يمزح لا أكثر.. أنا بعد عندي فوبيا حقيقة من الصرصور أفقد السيطرة على نفسي تماماً.. الله يجيرنا منه المهم استهدي بالله واذكري الأذكار .. وغيري جو بعمره أو سفر كم يوم.. بس بنتك وش دخلها بالقصة..؟ |
يا اختي الكريمة ..انا اتفهم احساسك ، انتي يلزمك فترة ترتاحي فيها ، واذا شفتي نفسيتك استقرت شوي ، خذي زوجك بهدوء ، وخليك قريبة منه مرة ، وعاتبيه عتاب المحبين بكل هدوء ، خليه يضمك وابكي في حضنه ، علشان يرجع لك الشعور بالامان في حضنه ..عيشي حياتك وانبسطي مع زوجك ، واضح انه انسان فيه صفات حلوة ، اراد ان يشاكسك ويمازحك فقط ،لا تلتلفي لما حدث ابدا .
اما انتي اختي توت ، دمك زي العسل، ضحكتني من قلب..الله يسعدك...ويسعد صاحبة الموضوع دنيا واخرة . |
اقتباس:
انتِ ما فهمتيني ,, ادري أن الموضوع بسيط ,, وادري انه فيه اكبر .. وشكرا لك مرة ثانية .. |
اقتباس:
وما فيني حيل لأي مشواار ..! بنتي ما لها دخل بالقصة .. بس انا كااارهة كل شيء, حتى بنتي , ومو متحمله اي شيء ..!!!! |
اقتباس:
شكراً لكِ روح .. صحيح نفسي ارتااح .. وانسي اللي صار .. والعتاب ما يشفي اللي فيني ,, احتااج شيء اكبر والله .. احتااج افرغ اللي داخلي .. |
بصراحة حالتك عجيبة جدا لكن نصيحة لابد من جلسات نفسية حتى تتخلصي مما أنت فيه ... ولا نستطيع لومك فربما ماأنت فيه خارج عن إرادتك لأن ماحصل تافه جدا ولايستحق ماأنت فيه لكن الطبيب النفسي قد يستخرج علتك التي تخفى علينا ... أسأل الله أن يفرج كربك
|
وعليكم السلام ورحمة الله وبركته
تصدقي ضحكت من بعد ماكنت منكده من موضوعي تبع سلفتي ... ياقلبي زوجك مايقصد يأذيكي كان يبغى يمزح معاكي على فكره حتى أنا عندي فوبيا بس مو من الصرصور ...يووه أموت رعب من الوزغه وزوجي يمزح معايا دائماً ويقولي أقتل وزغه وأجيبها لك قلت والله أموتك معاها طبعاً هو يمزح وانا أمزح حبيبتي أصفحي عنه وأعتبري إنو اللي صارلم يكن وتوبه زوجك لوعاد يكررهالمزح التقيل معاكي من تاني والله يسعدك |
عزيزتي.. الله يشفيك ان شاء الله.. فترة وتعدي أكيد .. بس حاولي تفهمي زوجك .. انك متضايقه وتبغي تتجاوزي الموضوع ومانتي عارفه كيف وتبغيه يساعدك.. |
ههههههههههههههههههههه انا كمان اكره الصراصير اشوف الموت ولا اشوفهم وزوجي اليوم نزلني عند صديقتي كان في صرصور على الجدار خليته يروح يذبحه عشان انزل وافوت البيت
لعنة الله على الصراصير الحقيره القبيحه القذره بس حبيبتي انتي ريحي نفسك وحاولي تنسي واتغيري جو يعني روحي سافري انتي وزوجك حتي لو كنتي تعبانه وزوجك الله يهديه على هل المزحه بس لا اتزاعليه لانه يمزح انا من قريت الموضوع في قشعريره بجسمي |
^^
اللعن : الطرد والابعاد من رحمة الله وهذا من خلق الله و ماخلق الله شيئا الا له حكمه وفائده أنتبهي غاليتي إبراء للذمه :) |
اقتباس:
اعطيه كف على وجهه أحسن يأختي أفتحي صفحة المشاكل أو قسم المتزوجين وشوفي المشاكل اللي تجيب الجنون والمرض ومع ذلك تسامح الزوجة وتعفو |
بتعطيه كف ثم بكره تنزل موضوع عطيت زوجي كف وزعلان وبرا البيت
حليتي المشكله بمشكله الحل انك تهونينها زوجك يمزح معاك وتأسف منك وش باقي عليه يسوي؟ لاتستسلمين وتخضعين للشيطان تعوذي منه وفرغي شحنات غضبك وقهرك بضرب المخده او اقري قصص غيرك في قسم المتزوجين والمطلقات حتى تهوون قصتك راس ماله صرصور الله يرحمه :-P |
حقيقة كلنا نكره الصرصور ولا نطيقه .. أكيد .. لكن ليس بمثل هذه الصورة المخيفه ..!!
زوجتي مزحت عليها بدمية ثعبان تفاجأت إنها بكت وصارخت وزعلت .. بس الحمد لله راضيناها .. عموما أختي غيري جو روحي أهلك يومين وحاولي تنسي الموضوع حاولي . |
حبيبتي انت شكلك فعلا عندك فوبيا من الصرارير.. وبما انه الدكتور قال لكم حالتك نفسية فالأفضل برأيي تتعالجين عند أخصائي نفسي ما فيها شيء.. والفوبيا هو خوف زايد عن الطبيعي ..
أنا مثلك أخاف من الحشرات والصرارير وكل الحيوانات.. مرة وأنا صغيرة حلمت بصرصور .. . كان ينظر في وجهي .. قمت مفزوعه ومن غير ما أحس صار عندي خوف من كل شيء.. كنت أخاف أروح أي مكان لوحدي .. حتى من غرفة لثانيه في البيت ما أروح إلا وأمي معاي .. وأنت حبيبتي ما تضمنين انه ما تصير لك مواقف مع الحشرات أو الصراصير في المستقبل .. واذا كل مرة هذه ردة فعلك انت اللي بتتعبين .. لهذا السبب يا ريت لو تتعالجين .. على الأقل الفوبيا يتحول عندك لخوف طبيعي .. والله يعينك على ردود الناس اللي تقرأ وترد بدون ما تفهم المشكلة .. ! |
الله لايسامح ابليسكم لا زوج صاحبة الموضوع
ولا الاخ ثنيان انتم كاانكم تمزحون مع رجال ...وهذا مزح ثقيل بينهم اما مع زوجاتكم وش هذا ؟؟ تخيل لدقيقه لو توفت زوجتك من الخوف والصدمه ترى والله بعض التخويف يموت او يصبح في العقل شيء .. اذا تبون تمزحون معليه امزحوا محد رادكم امزح ضرب بلمخاد ..او اي مزح الا التخويف بصرصور او ثعبان ... حبيبتي تبين تردين نفسيتك سوي كمييييييين لزوجك بصرصور .....بجد لو انا ورب البيت لاارد له الصاع صاعين احطه بجيبه او بمخدة نومه او او الخ وقولي ابي كم ريال مثلا 20 ريال ابي اطلب من الدكان ! وطبعا يكون قد طلعتي الفلوس من المحفظه بجيبه اللي حطيتي فيه الصرصور وخليه يدخل يده ثم بعد مايحس قولي صادوووووووه , او اي كمين له ...خليه يحس شوي او شوي وش يكره من الحشرات وجيبيه وخلي الشغاله تحطه بطلب منك انتي . لو انا وربي لاارجع له الفعله . |
اختي 00
ما تشعرين به من الوهن هو نتاج ردة الفعل القويه 00 فالخوف االشديد والفزع 00 يأثر على جسم الإنسان ويصيبه بالمرض** كل ما عليك أن ترقين نفسك بالرقيه الشرعيه لمده اسبوع او إلى أن تتعافي00 وهناك عشب اسمه ( العصفر ) مفيد جدا لك 00 تضعين عليه مويه مغليه وتشربينه مهدئ للأعصاااب 00 وقد نهى الرسول عليه السلام عن ترويع المسلم 00 قال ( لا يحل لمسلم أن يروع مسلما ) رواه أبو داود وأحمد والطبراني الله يشفيك ويريح بالك |
والله بعض الناس ماتتفهم هالمواقف ويعتبروها سخيفة او حاجة مالها داعي
أنا في أمور جداااااااا تضايقني وفي نظر زوجي مالها داعي واحيانا يجيب طاريها ويمزح ويضحك وبعدها معدتي يصير فيها الم لا يوصف وممكن اخذ مسكن وممكن يتطور الأمر لأكثر من كذا عزيزتي ماراح اقول لك تحكمي في مشاعرك لأن شي هذا بدر غصبن عنك ولكن أقول لك هكذا الحياة حاولي مع نفسك شوي شوي الى ان تستعيدي صحتك وماحد بينفعك غير نفسك |
اقتباس:
بسب مزحة سخيييييفة جدا ... |
اقتباس:
ادري انه بيمزح وانو مو قاصد ... بس غصب عني كاارهته ، وزوجك ياختي يمزح معك كلام مو تطبيق زي زوجي ويروح يجيب لك وزع ويرميه عليك .. |
الله يعينك يا اختي
وانا مثلك عندي رعب من الصرصور .. ولكن اتوقع انك عندك فوبيا حقيقية منه لدرجة انه اغمى عليك ..وهذا من اشد اعرض الفوبيا انتظري كم يوم ...واذا لم تهدأ نفسك ...فالافضل انك تشوفي خصائي نفسي يساعدك ردة فعلك طبيعية ... وانت لم تضخمي الموضوع انت محتاجة الى مساعدة متخصص ربي يمن عليك بالشفاء العاجل |
قلبي حنون ...
زوجي عارف أني متضاايقة ..... وبصراحة ما ابغاه يساعدني ولاشي خليه يبعد عني ،،، لانه ارتبط عندي بالموقف اللي صار يعني ربط نفسه بالصرصور ... عشان كذا مو متقبلته أبدا .. وكاااارهته جدا جدا ... |
ورده معطرة ...
هذا الرجال ولا بلاش ،،، ماشاء الله تبارك الله ... يخاف علي زوجته ويحميها مو يتعمد ياذيها ويرعبها بشي تكرهه .. وعلي السفرة مو وقتها أبدا تعباانه ومحتاجة للراحة .. |
Roohi6....
ومين قالك ان الكف بعد بيكفيني ويريحني ؟!!!!! لا والله ،،، ودي يعيش نفس الحاله الي عشتها بالضبط وتجيه نفس الأزمة الي جتني ... مو هين اللي سواه ... |
بنتي الفاضلة
في البداية لا بد لكل من الزوجين قبول الآخر بكل تفاصيله واحترام مشاعره مهما بدت سخيفه في نظره ثم يا بنتي إذا تبين تعاشرين ناس تخيلي عقولهم مكان عقلك ولا تطالبيهم بأن يكونوا مثلك ثم حالتك الآن يجب أن تكون محل تقدير من نفسك أولا ومن زوجك وممن حولك ثانياً وكيف تتخلصين من غضبك على زوجك ببساطه تحتاجين للتفكير بصوت عالي وهو أن تتحدثي عن مشاعرك كلها وما أزعجك مع من يستمع إليك وإن لم يرد أو تقومي بكتابة هذه المشاعر بكل تفاصيلها وما كان يجب أن يحصل معك حتى تخرج من عقلك إلى الورق أو الحاسب لترتاحي. وبعد أن ترتاحي تعالي هنا نتواصل لنعالج فوبيا الحشرات عندك وهذا سهل بتعاونك معي عندك بإذن الله. فقد تقابلين غير زوجك الحنون المزاح المعتذر الطيوب وعلى ذكر سالفتك هذي حدثني صديقي عنم قصه حقيقية لبنات سافروا ماليزيا مع اهلهم وركبو التلفريك هناك ومدته أكثر من نص ساعه وركب معهم صارور وصارت معركه معه وبعضهم يضحك وبعضهم يبكي فلو كنتي معهم ؟؟؟؟؟ |
بوح قلب ....
فهموني رجاء ،،، ولا حد يقولي شوفي مشاكل غيرك ...!! أنا بعد عندي مشكلتي وان كانت بنظر الغير بسيطة ... بالنسبة لي سوت فررررق كبير : أنا كنت اموووت بزوجي وعلاقتنا جدا رائعة ... ومستحيل يمر يوم بدون لا اسمع صوته حتي وهو بشغله وانا بشغلي كل شوي ندق علي بعض ... ولا يمكن ننام وبينا مشكله او نبعد عن بعض .. لكن هالمرة غير : جاني صدود كبير من ناحيته ،،، كبير جدا الله يسامحه ... احس بكره وحقد عليه ... |
عادي يا بنتي
نفسيا شغله هالمره ارتبط بالذكرى الأليمة اللي شكلت خوفك من الحشرات وتجسدت الذكرى بحركاته فارتبط هو بالذكرى الأليمة فكرهتيه معها لأنها آلمتك بقوة وقت حدوثها أنا مقدر معك ومحترم كل تفاصيل كلامك ومتابع |
الاخ ثنيان ...
المزح له حدود ،،، وكونك تمزح مع شخص بشي هو يكرهه هذي آذيه مو مزح أبدا ... وثعبان لعبة غييير عن صرصور حقيقي ويمشي بسرعة وياليت كل شخص بيمزح يفكر بعواقب مزحته ... لانها ممكن تخرب بيوت وما نقدر نتقبلها ... |
اقتباس:
تــــــــــــــــــــوت ضحكتيني من قلب...:d المشكلة كل ما ابي ارد لازم اضحك ورد ساهر..ما ألومج ابدا على هالزعـــــــــــــــــل حاسة فيج لأني مثلج فيني فوبيا من هالحشرة البشعة كل اللي تحتاجينه وقت علشان تنسين..وطبعاً زوجج عرف شدة الموقف عليــــــج وندم واكيد ماراح يحاول انه يستخف دمه بهالطريقة البشــــعة..فخلااااص حاولي انج تتناسين الموقف وتطردينه كلياً من ذاكرتج موفقــــــــــــــــة يارب |
Demis.....
مشكورة اختي لتفهمك .... وفعلا اكره الحشرات بشكل غييير طبيعي وصارتلي مواقف معها بس عمرها ما كانت بهذي الحده أبدا ... لان الموقف كان موجه لي مبااااشرة ...! وبدون استعداد مني .. يعني مثلا لو شفت حشرة بعيدة شوي راح استعد نفسيا لها حتي لو قربت مني وهذا غير لو أني شفتها بشكل مفاجي وناحيتي بدون استعداد ... زي ما صار معي وقت رماها علي زوجي ... |
حبيبتي وردساهر لا تتركي نفسك كذا لازم علاج وان شاء الله ازمه واتعدي
انا لما اغفي عند التلفزيون زوجي ياخذ فاين ويحركه عند اذني او انفي واقوم بنزه وعتبرتها مزح وخلاص بس والله العظيم الحين كل ما اغفو اول الغفوه انز بدون سبب |
همس ...
ودي والله انتقم وشر انتقام بعد .. وبشكل جدي مو لعب .. وهذا اللي صار معي ... كرررهت زوجي وبقووووة ... ودي له الأذية كااارهته .. ولاحد يقول ليش وما يصير ؟!! هذا شي تولد داخلي مع الموقف الي صار شعور لا ارادي عندي .. |
شقردية ...
شكرًا لك ،، ادري ان التعب من رد الفعل القوية وسمعت عن هذي العشبة لكن معدتي ما يستقر فيها اي شي حتي أدوية المستشفي يعطوني اياه عن طريق الوريد .. شكرًا لك .. |
Fafi...
سعيدة أني لقيت الي يتفهمني .. ومعاك حق احتاج مساعدة من جد .. ! |
اقتباس:
والله يساعدنا .. |
اقتباس:
صحيح يجب علينا إحترام الغير , وعدم النظر لهم بمنظورنا لأنفسنا .. وانا ما عندي مشكلة بالتلفريك ولا غيره ,, مشكلتي مصادفة الحشرات بشكل مفاجيء أكررها جدا .. - وكيف لي أن اقدر حالتي .؟؟!! - وغضبي على زوجي ,, أشعر انه لازم اوجهه له مباااشرة عشان ارتاح .. صدقني اني صرت اكرهه جدا وانفر منه ومن كل ما يصدر منه حتى لو فعل حسن .. مثال : أنا الآن مرهقة جدا من الي صار , اغلب الوقت وانا على السرير , فزوجي يبغي يخفف عني فيقترب مني ويحاول المسح على شعري لكني ابتعد وما ابغاه يقترب مني وانفر حتى من ملامسته لي .. احس بالأمان وقت يبتعد عني قربه مني يقلقني لا ارادياً ..!!!! وقت يصير بينا اي تخاطب ولو بسيط احس برجفه بجسمي حتى بنتي ما ابغي اقترب منها .. أكرره البيت وكل شيء وخاصة مكان الموقف اللي صار ..!! |
اقتباس:
ومع إحترامي لكل اللي ضحكوا على الموقف ..!! ما يستدعي الضحك ابدا .. بالعكس موقف سخييف جدا جدا .. وما يستدعي كل هالتعليقات المستخفة فيه ..!! |
اقتباس:
مو موقفج انتي..موقفج كان صعب ومخــــــيف..ومافيه اي تسليه ومرح |
اول شئ حمدالله على سلامتك ياأختي وبصراحه ما تنلامين في أسباب خوفك من الحشرات لأن سبحان الله أنا أعرف حريم عندها فوبيا وخوف غير طبيعي من الصراصير والوزغ والفئران والثعابين وحتى من أصوات الرعد والبرق و الأماكن العاليه والأماكن المظلمه تجدهم يرتعبون ويخافون بشكل غير طبيعي والسبب في هاذا الخوف إللي يصير مع الإنسان يحصل له بسبب موقف صار له وهو صغير وسبب له عقده مع الزمن أو إنه كان أهله يخوفونه بالشئ هاذا إللي كان يخاف منه فمع الوقت تأزمت نفسيته وتكونت لديه عقدة الخوف والهلع وتطورت على شكل مرض عنده من الأشياء هاذي وللأسف هناك بعض الأهالي يعتقدون بأن ترويع الشخص إللي يخاف بالشئ إللي يخاف منه علاج لحالته وقصدهم إنهم يحطونه قدام الأمر الواقع علشان عقدت الخوف ترو ح عنه ويواجه الأمر الصعب و يتصرف في الموقف يعني داويها بالتي هي كانت الدائو وهاذا أ كبر غلط لأنه يمكن لاقدر الله من شدة خوفه يرو ح فيها وتجيه سقطه قلبيه أو عقده نفسيه لايمكن علاجها بسهوله
وأنا عندي صديقه مقربه عندها خوف غير طبيعي من الوزغ حتى صورته ماتحب تناظرهاوماكانت كذا من قبل كان خوفها خفيف بس تطور بسبب إن أهلها تعبوامن سالفة خوفها وأشار عليهم واحد بأن يمسكو بالوزغ ولما تجي داخله للغرفه في البيت يشيله واحد من أهلها ويرميه عليها على أساس تشوفه وتكون لها ردة فعل عكسيه يعني تتشجع وتتصرف بطريقه تتخلص منه ولاكن للأسف البنت بغت ترو ح فيها وأغمي عليها وجلست طريحة الفراش حول شهر كامل حتى الكلام جلست حول أسبوع ماتنطق ولا بكلمه ولا عاد قدرت تنام وبعد جهد وعلاج مضني تحسنت حالتها والحين عقدت الخوف مازالت عندها لدرجة إنا لو طلعنا إستراحه تجلس معانا وعينها تفر بالإستراحه فر يمين يسار فوق تحت وترفع رجولها وعبايتها وملابسها كامله فوق على الكنب بالإستراحه وماتجلس إلا جنبي على أساس أوفر لها الحمايه من أي هجوم مباغت بالإستراحه سوى صرصور أو وز غ أنا الحمدالله ما أخاف من الحشرات أبد ولاكن عندي أخوي الكبير عنده عقده من الثعابين بشكل فضيع وقدام فتره كسر جوال إبنه آيفون والسبب شاف مقطع فديو فيه لثعبان ضخم والسبب واحد ثاني من إخواني شال الجوال وأعطاه يشوفه يمز ح معاه وهو مايدري بالمقطع وماسمعنا إلا صيحته و شال الجوال وصقع به بالجدار إلين كل قطعه راحت لزاويه وبعدها تعال شوف كيف البيت إنعفس وزعل على أخوي الثاني وطق ولده ليش يحط هالمقاطع بالجوال فبصراحه أحيانا يا أختي الواحد يكون قصده يمز ح ويشوف ردة الفعل والظاهر أنتي شكلك لما رماه عليك ماهربتي يمكن من الصدمه وقفتي في مكانك و ماعرفتي تتصرفي وزوجك كان منتظر منك ياتهربي يا إنك تقتلين الصرصور وصدقيني إن زوجك ماتوقع إنه بيصير فيك كذا ولا كان ماسواها فيك وكان يمز ح معك ولايقصد أذيتك فمهما كان هاذا زوجك وحبيبك وأبو بنتك ياوروده ولاتخلين صرصور يعوفك من زوجك هاذا حبيب قلبك وتلاقينه الحين الندم والحسره ماكله قلبه عليك ونفسه ترجعين له مثل أول فحاولي تتناسين الموقف حتى لو كان صعب عليك حاولي تطرقين جميع أبواب العلاج لوضعك النفسي حتى حياتك تسير وترجع طبيعيه وأخيرا أسأل الله أن ينزل الهدوء والسكينة على قلبك ونفسك وأن يشفيك ويعافيك من ما أصابك ويحفظك لبنتك وزوجك يارب . |
| الساعة الآن 12:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©