مارأيكم بالخاطب الذي يذكر عيوب زوجته الأولى ؟
 

السلام عليكم ورحمة الله وبركاته

اخباركم أعضاء المنتدى **

حبيت استشيركم في شغله الله يوفقكم

وأحب اذكركم ان ( المستشار مؤتمن)

فأتمنى توجهوني لكل خير بعد الله سبحانه **

انا عمري 19 سنه مقبلة على العشرين بعد كم شهر ان شاءالله

مطلقة من سنة وزيادة تقريباً

تقدم لي واحد تقول الوالدة عمره 28 سنة
ومتزوج وحدة يقول انها مو ملتزمة وانه يبي وحدة ملتزمة ويبي يطلقها
طبعا الصورة في جوال الوالد وشفتها طبعاً ماصدقت ان عمره 28 ابد
كأنه اكبر ومن يوم ماشفته كذا قرصني قلبي وقررت الاستخارة
وابوي يسأل عنه الحين
بس انا الحمدلله ملتزمة وعبايتي جيدة ولا احب المشاكل ووجع الرأس
بس مايمنع اني اخذ حقي
من يوم كلمتني امي عنه وانا افكر لاني ماابغا اتطلق من جديد
كيف يتكلم على زوجته؟؟
يعني كيف تسمح له نفسه يتكلم عليها؟
بصراحه استغربت!!
امي تقول انه ملتزم وغيره من الكلام
لكن انا موب مستعجله ودي استخير الله قبل كل شي
لكن ابي اعرف رايكم
هل الرجال اذا تكلم على حرمته الاولى عاقل؟؟
خاصة اذا جاء يتزوج عليها؟؟
والله احترت

أتمنى راييكم

يبغى يطلقها لإنها مو ملتزمة ؟؟؟
هل هذا سبب للطلاق ..؟؟؟ ليه ما سأل من البداية ؟؟؟
ليه ما يحاول معها ..

هل الطلاق هو الحل برأيه ؟؟؟

عزيزتي .. استخيري
و مادري إيش معنى الإلتزام عند الخاطب اللي تقدم لك ؟
و إيش مقياس الإلتزام عنده ؟؟؟

اهلا حبيبتي اشكر ردك علي

والله ماادري انا مثلك محتارة
ومو مستعجله على الزواج
بس فكرت اذا هو صالح ليش ماستخير ونسأل ونستشير
بالنسبة للإلتزام اتوقع على كلام امي
يبغاها اللبس ساتر وكذا
يعني هو ملتزم ومرته لا
لكن ماندري البيوت اسرار
واشكر ردك

أتمنى تعطوني المشورة صح
مو من جهة اني راح اكون زوجة ثانية
الله يوفقكم

السلام عليكم انا احب اذكر قصه واتمنى تستفييد منها يقال انه كان رجل عند القاضي ويريد ان ينهي العلاقه التي بينه وبين زوجته فسال احدهم عن سبب الطلاق فقال هل يتكلم العاقل في اهله فقال لا فقال كيف تريدني ان اذكر اهلي بسوء ثم بعد ان انتهى من القاضي فساله نفس الرجل عن سبب انهاء العلاقه فقال له مالي ولها فقد صارت اجنبيه عني
والقصه لست اذكر لها سند بس معناها واضح وجميل والصراحه فيها قيمه اخلاقيه عاليه جدا

استخيري والله يكتب لك الخيرة والتوفيق
واحتماال كبير انه مايطلق وقد تكونيني اداة لكي يؤدب زوجته واذا طلق لماذا لم يجرب النصح معها ولماذا يتكلم عنها
اسألي عنه اكثر ولو تسألين جيرانه وزملائه

فعلاً هذي اخلاق المسلمين
وانا شكيت بسبب هالسالفه
وانا ماستعجلت ابد
حتى يوم قالت لي امي
قلت شلون يتكلم ع زوجته
استغربت يعني تكلم عليها
ولاحفظها اكيد بيتكلم علي
حبيت اشوف الوجهات واني ع صح او غلط
الحمدللع احد شاف الموضوع مثل
ماشفته
جزاك الله خير على الرد

مايخفى علي هالشي
بارك الله فيكم
فهذي بتكون ثاني تجربة
وماراح انخدع باذن الله
اشكر ردك
ورزقكم الله ووالديكم الفردوس الاعلى

اخ ثنيان
بارك الله فيكم وعجل لكم رزقه الحسن في الدنيا
ورزقكم ووالديكم الجنة
لان ردكم تكلم عن الشي الذي يدور بعقلي
عذا مافكرت فيه
وقد المني واقع من يريد ان يتزوج ثم يضع
على رفيقة دربه الف سبب!!
شي غريب بصراحه
اشكر ردك الوافي مااملك الا الدعاء
بأن يطيل الله في عمرك ع طاعته
ويرزقك حسن الخاتمة
يارب العالمين

الله يكتب لك الي فيه الخير ..
انا توقفت عند نقطه لم تعجبيني ابدا وعندي احساس انه يريد ان يغشك والله اعلم ,
( هذا الشخص قال اريد ان اطلق زوجتي ) لماذا من البدايه ماطلقها وخطب وحده اخرى ..؟؟
هو قال اريد ان اطلقها حتى انتي توافقي عليه وليس صدق كلامه انها فيها عيب ولم تعجبه وسوف يطلقها كل الكلام الذي قاله يعتبر غرر ,

امين ولك بمثل يارب
اكيد اصلاً
عندنا اي واحد يبي يتزوج يحط في الاولى مية علة
ظلم وجور كأن الثانية بتفرح بالسوء لها!
قلنا نغار بس مانظلم!
الله يجزاك خير على رأيك
والحمدلله اني ماوافقت عليه
لاني شفت صورته وماارتحت
وانا اهم شي عندي
اذا ارتحت للشكل بإمكاني اشوف شي ثاني
بعد الدين
جزا الله خير يارب

يعني بيطلقها علشانها موملتزمه لو كان ملتزم صح مافكر كذا بالعكس كان رح يحتويها وينصحها ويأثر عليها حتى لو ماأستجابت له مارح يطلقها إلا أذا كانت زوجه ناشز ممكن
أحذري ياأختي يكون لابس لبس الالتزام والصلاح من برى فقط والأخلاق رايحه فيها
أستخيري الله وأكثري الاستخاره الله يوفقك ويكتب لك مافيه الخير