|
جمال قديم !!
السلام عليكم..
حصل لي موقف أثار عندي الفضول إني أعرف هل أنتم كذلك ترون نفس ما قالته ابنة عمتي ! إليكم الموقف : كنت في بيت عمتي وشفت عندهم زوجة ولدهم ولما راحت أقول لبنت عمتي عن زوجة أخوها ( ما شاء الله عائشة حلوة ) .. ردت علي بنت عمتي : إيه بس جمالها قديم !!! >>>> لا وحدة تنط لي منكم وتقول بنت عمتك غيرانة >> أبد ما عليهم علاقتهم مرة حلوة :d وش رايكم فيه جمال قديم >>>> وإذا فيه يعني يصير الجمال الحديث أحلى !! ويصيرون ذوليك قديمين ما أحد يقول عنهم حلوين : ( أتوقع ينقل الموضوع لمساحة فكر ... بس كنت حابة يكون في هذا المكان رغبة مني في أن تكون الدردشة نسائية فقط : ) |
يعني على شان ماهي منمصة حواجبها ..
و منفخة خدودها و شفايفها !! |
للاسف صرنا الآن نسمع بجمال قديم وجمال حديث
الجمال القديم بيضا شعر اسود عيون واسعه فم صغير جسم مليان اما جمال هالايام برونزاج ونمص حواجب وشفايف منفخه وخدود منفوخه وشعر مشقر وحاله الله يكون بالعون بس |
شيهانه شقصدها بجمالها قديم؟؟؟
ماسألتيها؟؟ والله مررره مستغربه مدري وش تقصد؟؟ اسأليها عزيزتي شنو قصدك بجمال قديم ووش هو الجمال الحديث خلينا نجدد |
اقتباس:
|
طيب كيف يعني جمال قديم أنا صراحه مافهمت بنت عمك أيش قصدها بالجمال القديم؟
هل مثل ماقالت بنبونته |
والله يا اختي شيهانه دي اول مره اسمع انه في جمال قديم:d وجمال جديد الي اعرفه ان الجمال حاجه واحده مبيتجزئش يا جميله يا مش جميله:25: سبحانك يارب بكره ياما هنشوف البدع:29::29: |
سلام....الجمال القديم ممكن يكون مقصود فيه الجمال الكلاسيكي يعني المتعارف عليه منذ القدم من بياض و شعر جميل و بشره حلوه و عيون كبيره وو .... و ليس بالضروري ان يكون الجمال المودرن مصطنعا بل يكون مشابه للاصطناعي يعني البنت تكون شفايفها منفوخه كما خلقها ربها. تكون نحيفه. تكون سمراء. تكون انفها ناعم..و هيك..
لكن بالطبع الناس اذواق و مفهوم الجمال يختلف من شخص الى اخر.. المهم حسن الخلق و هو عاده ينعكس على الجمال الخارجي...:22: |
نعم فيه ذوق قديم للجمال
ان تكون مربربة و بيضاء (و هذه الصفة لازالت مطلب لدى الكثير) شفاه صغيرة و الظاهر بعد يحبونها (متحنية) بها حنة!!على طول , حتى الوحدة منهم تقول اخلي يدي بدون حناء كنها يد رجال!:23: برضو الشعر الأسود الطويل الصفات المودرن رشيقة و اقرب للنحف( و هذا ما ورط به الحريم) الشعر المهم يكون شكله عليها حلو , طويل قصير اللي يصير شفاه اقرب للأمتلاء و ليست كنها اطارات سيارة .. |
::أم داليا ::
كأنك شايفتها صدق هي مو منمصة حواجبها ولا خدودها منفخة ولا شفايفها . ::بنوتة :: يعني حتى إنت سامعة ! >> طيب وش السواة يعني ما نصير حلوين إلا ننفخ !!:( ::نورين :: شكلي بسألها >> ما أدري حاسة بتقولي يعني مو ستايل >> لأن صدق مرة أخوها ماتعرف تزين بشكل متطور !! بس الحقيقة أنا أعرف أفرق ولا ينقص علي على قولتهم الزين زين لو قام والغمص في عيونه والشين شين لو دعج عيونه .. ::ندى :: ولا يهمك بسألها >>> ومتأكدة على أثر الإجابة بنكون كلنا حلوين :) ::مشتاقة :: سنوافيك بالرد من سماحتها قريبا >>> بنت عمتي ..:) ::ما عرفت أُقرأ اسمك ( عذرا ) :: اقتباس:
::المسداني :: ما ذكرتيه أتوقع هو المقصود .. |
عبارة جديدة صراحه:d كان قلتيلها قديمك نديمك ولو جديدك اغناك ههههههه كان ولعت مظبوط:22: صراحه اشوف تشوهت مو جمال في البنات الوان شعر غير لائقة مكياج صارخ والوان غريبة غير الاخراص في الفم والحواجب شي يقشعر الجسم صراحة:29: الله لايبتلينا حلو الانسان يغير بس للاحلى والانعم مو تغير وخلاااص الحمدلله الذي عافانا <<< براءة اروح دوامي بي كحل وروج وردي ههههه والبنات الصغار في المولات كل واحده مدري ايش مسوية في نفسها:11: عيشوا كثير تشوفوا اكثرر الله يحفظنا بس:23: |
هلا بشيهانه.. يمكن تقصد الجمال العربي.. ويمكن طريقة مكياجها وزينتها قديمة.. والجديد العكس زي ما قالو الأخوات الظاهر قصدها كدا..;) عندي لك سؤال..:o ايش معنى شيهانه؟؟ هل قصدك الفتاة الي شعرها أشقر لاني كنت أعرف طفلة اسمها شيهانه وكدا مواصفاتها.. أيام كنت أدرس رياض اطفال |
وهل تغيرت مقايييس الجمال ؟!! لا ماأظن 00 ولكن فيه احد له موهبه في إبراز جماله 00 والبعض يجعل جماله اقل من عادي!! اما الجمال المصنوع في هذا الزمن 00 فأنا اسميهم اشباح من يوم تطلع لك الوحده في وجهك 00 تقولين 00بسم الله |
الجمال القديم تكون اشبهاها نااااعمه جدااا وبيضاء وشعر طووويل واسود وريااانه حبتييين
او يكون جمالها خليجي بحت او مثل مايقولون نجدي :) الجمال الجديد اتووقع يعني تاان وصبغه بالشعر او قصه والحواجب مرسومه ويكون ستايلها عالموووضه اتوقع قريبتك تقصد الستايل يعني جميله بس ماتبرز جمالها لانو الزين زين حتى لو قام من النوم |
انا بقول جمله وجده الحلو حلوووووووووووو لو توه يصحي من النوم
والقبيح قبيححححححححححححححححححححح لو اتروش كل يوم |
بنت مكة ..
انت تروحي الدوام بروج وردي وكحل >>> تصدقين إذا قلت لك أروح بدون شئ !! قلبي حنون بالضبط زي ما قالوا الأخوات لأني بعد ما كتبت الموضوع رحت دقيت عليها وسألتها قالت يعني مو ستايل ! شيهانة يا قلبي هي زوجة الصقر على ما أذكر .. ويارب يرزقني ببنت شعرها أشقر زي الي درستيها :) شقردية نعم تغيرت مقاييس الجمال وأكثر شئ بارز في تغير مقاييس الجمال : الفم >>> في السابق الفم الصغير سواء فتحته أو حجم الشفايف هو الأجمل والآن الفم المكتنز هو الأجمل وشوفي كيف صرنا نحط الروج !! أنفاس العطور اقتباس:
زي ما قلتي تقصد بنت عمتي (الستايل) .. وبعدين تجرأت وقلت لها طيب أنا قديم ولا حديث >>> وحدة خايفة تصير جمال قديم :D قالت في العرس الفلاني يوم كنت مسوية حواجبك شاينيز كنت مرة ستايل .. يعني افهميها الحين انت قديمة : ( |
وردة معطرة..
احنا عندنا نفس المثل بس بطريقة ثانية الزين زين ولو قام والغمص في عيونه والشين شين لو دعج عيونه:D |
طب بنت عمك هذه كيف جمالها
في ناس كثير ينتقدو وهمه اللهم لك الحمد والشكر ع العافية |
انا اتوقع قصدها انها مش ستايل بس انا بنظري اذا هي جميله الجمال العربي اللي هو عيون وساع وانف رفيع وفم صغير وبشره صافيه وناعمه فهذا قمة الجمال ويبقى هو الاصل وهو المرغوب وانا اظن اغلب الشباب ما يدورون النحفيه موت لا يرغبون البنت المليانه بس جسمها متناسق مو مثل العوادين اللي نشوفهم في المولات يا حافظ |
والله صادقه
في بنات فيهم جمال بس للاسف تجيك قديمة شعرها مدري كيف جاي لا صبغه حلوه و لاستايل وملابسها مدري من وين تشتريهم والمكياج حدث ولاحرج قديم بمعنى الكلمة تعجبني اللي تكون حلوه وتعرف ايش اللي يناسبها وعلى موضه الاعتماد على الشكل في هل وقت مايكفي |
مكن تقصد بالجال القديم شعر طويل ولبسها كاسي وقطعة واحدة وعيون مكحلة وايديها محنية
عكس انواع الزينة الموجودة الآن من بهرجة وحركات |
الغربة مرة :
بنت عمتي جمالها متوسط بس نعومة وستاااااايل مررة .. فهي تلفت النظر بأناقتها . توتا : نعم هذا ما قصدته ... وأما العوادة ما أتوقع الشباب يرغبون في ذلك :D رولادا : اقتباس:
:22: |
سحابة الصحراء
تقصد بالضبط يا عزيتي إنها ما تعرف تطلع شكلها زي ما هو مطلوب الآن :) |
الجمال يخضع لذوق كل شخص
لكن عرفنا السر الحين انها تقصد انها مو على الموضه أو مو ستايل مثل ما يقولون والستايل هذا اللي كل واحد حاط له معايير بكيفه واللي الحواجب من ضمنها عند البعض يعني أنا لا أنمص ولا أشقر واتوقع كثير يستغربون لين يشوفوني في هذا القرن والاخت حتى ما تشقر حواجبها |
الصراحه اختي شيهانه موضوعك خوفني ياويلي لااكون من الدقه القديمه وانا ماني داريه
|
كلرز >> أتمنى تكوني بأفضل حال من زمان عنك ..
وأنا زيك لا أنمص ولا أشقر إلا في حالات نادرة جدا >> مثل العرس الي صرت فيه ستايل وعجبت بنت عمتي لأن حواجبي شاينيز :25: وردة بين شوك .. حتى أنا خفت زيك :D |
colors
لا عزيزتي مو اي وحده ضروري عشان تكون ستايل تشقر او تنمص والعياذ بالله انا وكثير اعرفهم و الحمدلله لانمص و لاتشقير بس مع هذا ستايل اقولك كيف بطريقة مكياجك برسمك للكحل في بنات الى الان على الدقه القديمة في رسم الكحل اللي كانت جدتي اللله يطول بعمرها تسويها وتختار الوان و درجات قديييمه بشكل طريقة وضع الفاونديشن والبلاشر يختي مو شرط اعصي ربي بس اهتم في امور المكياج واخر صيحاته اجدد الوان نازله وافضل الماركات فيها طريقة رسم العين حتى لون البلاشر وكريم الاساس يخضع للموضه و الاشياء هذه كلها مافيها اي معصية الملابس اقدر اكون ستايل و على الموضه من غير ما البس ملابس فيها مخالفات شرعيه يعني الموضوع كله متابعة الموضه و ايش اللي يناسبني من الموضه ولمعلوميتك كل سنة الموضه اللي تنزل لها عدة طرق بحيث تناسب كل النساء و انا من الناس اللي استغرب من النساء اللي ثقافتها في هل امور ضعيفه لاتزعلون مني اقول الله يعني زوجها اذا البنت ما اهتمت في هل امور اجل بتهتم في ايش بسوالف جاراتها او بقهاوي العصرية اللي احيانا ماتجيب لها غير المشاكل و وجع الراس بس لو اخذت على الاقل بالشهر اسبوع تشوف فيه اخر شي نازل ومن هالامور افضل لها ويعتبر من حسن التبعل للزوج الكلام بشكل عام اختي مو موجه لك عشان ما انفهم بشكل خطأ .. اختي شوكة انتي شوفي نفسك ايش ملابسك ايش مكياجك وبتعرفين وعلى فكرا الرجال ينتبهون للموضه من التلفزيون ويتاثرون فيها من غير مايحسون يعني لاتقولون مو منتبهين |
رولادا ..
كلامك ما شاء الله سليم .. لكن للتوضيح.. بحمد الله وفضله ولا أذكر ذلك إلا لتكون الصورة واضحة .. تأتيني تعليقااات كثيرة على ذوقي .. والحمد الله بشكلي العام من لبس وشعر ستايل.. لكن الحقيقة الي ما نقدر ننكرها إن الوجه إذا ما كانت حواجبك مرتبة في نظر الكثيييييير إنك موستايل على الأقل في الوجه! وهذا ما تثبته الموضة .. شكرا لمشاركتك المثرية .. |
شيهانة أنا بخير الحمد لله جزاك الله خير على مشاعرك الطيبة وأتمناك بخير وصحة وعافية
،،،،، هلا رولادا صحيح كلامك لكن مو دايما الموضة تجي على المزاج والواحد يتعب لين يلاقي شيء عالموضة مناسب ولا عندنا وقت زي قبل ما نتزوج فاضين وحتى رسمات الكحل صحيح نغير لكن نبقى محدودين بشكل عيونا الأساسية وكذا الألوان نغير لكن مازال هناك ألوان ما تناسبني ماله داعي أحطها عشان أغير وأكون ستايل على قولتهم إحنا ما نقول إننا محيوسات وحالتنا لله وبخلاقين بس في أشياء ما نقدر نسويها لقناعات في دواخلنا يعني ممكن نطلع أنيقات لكن مو بجميع جوانب الذوق الدارج عندك الحواجب نقطة وواجهتني اتقادات كثيرة سابقا لكن يبدو زهقوا مني وعندك مثلا اللي ما تسوي مانكير وبدكير انسانه مهملة وماتعرف النعومة كأنها أظافر رجل أنا أنقرف من هذا الشيء أكتفي أقصص أظافري والحمد لله لكن بالنسبة لناس طافني نص عمري ولا دللت نفسي وغيره وقيسي على كذا أشياء السموحه شيهانة ومنكم نستفيد رولادا |
اختي رولاد انا اهم شي عندي اني اكون ستايل قدام زوجي اولا بعدين قدام الناس
ياليت تفيدينا انتي والاخوات باللالوان النازله في المكياج والملابس |
| الساعة الآن 09:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©