|
متضايقين بسبب نقلنا للرياض
بسم الله الرحمن الرحيم
اول شي امسي عليكم بالخير والله انا يمكن تقولون لي وش دخل بس مايخالف الهم ان شاء الله من يلقى لي حلا الله يدخله الجنة بنعيم الله سبحانه وتعالى انا عمري 14 وانا من بريدة يوم كان عمري 9 سنوات نقلنا الى الرياض يعني انا احب الرياض بس ابي ارجع للبريدة يعني ما عندي ولا احد بالرياض كل عمومتي وخوالي ببريدة والله انا وكل اخواني نبي نرجع لبريدة وامي بس امي موب مرة زينا والي ما يبون بوه اختي واخوي و حتى ابوي يبي يرجع بس انه المكتب هم الي نقلوه عشان الترقية او الحين زي انهم يبون يسوون البيت الي بالرياض من جديد وانا كل ما سمعت مثلا يقلون نبي نكسر ذي الغرفة ولا زي كذا يعني يضيق صدري مرررة وجربنا مرة قبل ما يروح ابوي المكتب انه نسوي رسالات مررة كثيرة بس انه ما دري شلون يعني يقول ما نقدر يمكن بعدين بس انا ابي الحين و حنا نروح للبريدة اربعاء ايه واربعاء لا واذا جينا احد يقول حنا رحنا وجينا يعني وناسة مررة حنا ببريدة مجمع بيتنا والي برياض بيت عادي ويحوم السبد وارجوا منكم مررررة يعني انكم تحلون ذي المشكلة الي وجعت راسي الله يخليكم يا رب |
؟؟؟؟؟
امممممم والله مافي ايدنا لاحل ولاربط.... اتوقع هذا شئ عائلي ...يعني الحل عندكم مو عندنا... |
دربك درب اهلك وهم ادرى بمصلحتك يا حلوه
|
هاذي الدنيا يا قلبي 00
والواحد يجري ورى رزقه ورزق عياله 00 الدنيا يا حبيتي كلها حلووووه 00 انتي بس 00وسعي الصدر والخاااطر00 وابني لك بالبيت غرفه حلوه وافرشيها فرش حلو000 واستمتعي بحياتك 00 |
اقتباس:
وأنا معاااااكـ وش نسوي هذي الدنــــــــــيا اصبري حبيبتي والخيره فيما اختاره الله ماتدرون يمكن هالشــــي خيره لكم حاولي انك تقضي وقتك بشي يسليك وينسيك ضيقتك صدقيني فتـــــره وبتعدي ان شاءالله .. |
طيب الرياض فيها اماكن حلوه اطلعوا انتم للمنتزهات او شوفو لكم شي تروحون له احنا عايشين بالرياض من 35 سنه تصدقين نادر نطلع من البيت وعندنا اقاربنا اغلبهم بالرياض ولا يعرفونا ولا نعرفهم الا نادر مره يعني وسعي صدرك عادي |
مهما كان الرياض أجمل ... أصبري أيام وتنحل وربما رزقك الله بزوج من بريده .
|
أبنتي الكريمة روح بريده أنا من بريدة وعايش بالرياض من 40 سنة وأعشق القصيم كلله وقد سبق أن قلت فيه وللقصيمِ شعورٌ لو أبوح به ولكل مكان نكهة خاصة ففي بريدة نكهة لا يقدرها إلا من أحس بها وكذلك الرياض له نكهة لا يقدرها إلا من أحس بها وأحيط علمك الصغير (14 سنة) والعمر المنديد أن الدنيا ليست مأمونة وأن الإنسان هو من يخلق السعادة حيث كان وحنينه للأوطان يعالجة بالزيارات بين وقتٍ وآخ.لغارت الشطآن والآنهار والجزر |
بريدة كلها صحراء جرذاء خاويه
والرياض عاصمه وكل الاماكن الترفيهية فيها عليك بالتائقلم |
مافيه حل انتظري لين يتقاعد ابوك على خير وتروحون لبريدة وتستانسون
وحاولي تتأقلمين وتأقلمين أمك واخوانك وتعيشون حياتكم وتنبسطون مع بعضكم البعض ليش تحصرون وناستكم بخوالكم وعمانكم .. ؟؟!!! هذا احنا زيكم عايشين حياتنا ونطلع ونروح ونجي ومانروح لبريدة الا فالاجازات فقط او كل شهر عشان جدتي سبحان الله أنا عكسك تماماً على رقي بريدة وجمالها وتطورها عجزت عجزت أحبها اروح زيارة أقصى حد اسبوع اسبوعين وارجع للرياض يمكن لأني ماعشت فيها .. سبحان الله الأنسان يحن كثيراً ويعشق ولا ينسى المكان الذي عاش وبدأ حياته فيه >> وهذا حالكم |
اقتباس:
مثلها مثل الرياض مافية فرق... بس علشان عندكم حبتين من ناطحات السحاب صارت بريدة صحراء .... عندكم منتزهات ,,,عندنا منتزهات... عندكم مولات ...عندنا مولات... عندكم مطاعم ....عندنا مطاعم... عندكم الحبيب...عندنا الحبيب(اقصد المستشفى) انا من بريدة... ومتزوجة بالرياض... بس اشتاق لها...وحاليا فيها ومطولة...ونفسيتي حتى تغيرت... |
ااااااه يالرياض اعشقها برغم المشاكل اللي شفتها وعشتها بالرياض اعشقها
|
ياحلوها بس عاد الهوى مهوب بالكيف وانتي توك صغيره عيشي حياتك ووسعي صدرك ولاتضايقين عمرك حاولوا تطلعون كل فتره عندكم منتزهات واسواق ومطاعم منتشره هناك وان شاء الله كلها فتره و بتأقلمين ،،
موفقه يارب. |
أخي الكريم رجال يهز جبال
يقول علماء أصول الفقه الحكم على الشيء فرع عن تصوره فهل ذهبت إلى بريدة لتقول عنها (بريدة كلها صحراء جرذاء خاويه) فكيف تكون المدينة صحراء وجرداء, ولكن موقعها بين الرمال لا يعني وصفك وأغلب أهل الرياض يذهبون للقصيم وبالذات لبريدة للاستراحة من صخب مدينة الرياض على ما فيها من جمال. فبريدة سادس مدينة في السعودية وأكبر سوق للإبل في العالم وفيها آلاف مزارع النخيل في واحدةٍ منها مليون وخمسمائة نخلة ومزارع القمح لا تراها مد بصرك ولو بالطائرة. وفيها مسابقات عالمية وهرجانات عالمية. وفيها مدينة كاملة للأنعام ( المواشي) هي الأكبر في السعودية والأطور والأحدث. أمور كثيرة لا يتسع المجال لذكرها هنا وتجدها في النت. أتشرف بدعوتك ومن تحب لزيارة بريدة وحتى لو كانت الأسوأ فيفترض ألا تعرض بها فالنت ليس إقليمياً بين من يسكنون مدينة واحدة أو قرية بل العالم كلله يطلع على ما نكتب وباعتبارك تضع علم السعودية فسيؤخذ رأيك بالقبول ممن لا يعلم عنها شيء من خارجها. تصحيح لغوي : كتبت جرذاء وتقصد جرداء تحياتي وتقديري لحسن تفهمك. |
صادقة والله بريدة عششقي ووجداني والقصيم بكبرها أحبها مره وأشتاق لها مووت
والرياض كمان ماتفرق معي ، شوفي يأختي لازم تحسين بتغيرات وهذا شيء عادي وطبيعي جدا يمكن ماترجعين طبيعية إلا بعد 5 سنوات ! وأقول لك يا أختي وسعي صدرك وأستانسي الرياض تراها حلووه وإذا أنتي مصرة على بريدة الله يرزقك برجل صالح من بريدة هههههههه < اجل الدنيا على الكيف ، واللي يقول بريدة صحراء ومدري إيش عسى ماشر وش صحرائه أفتحوا صور بريدة بالنت وشوفوا اللي يقول صحراء |
والله يازين بريده تهبل والله من فارق بريده بكى مدري وش السالفه . بس والله يااختي وش تسوين هذا قدر, واحمدي ربك ان الرياض قريبه من بريده كلها ثلاث ساعات وتاصلون لها
والرياض بعد حلوه وفيها اشياء تونسكم احسن من بريده الي مافيها الا مجمعين (النخيل , والعثيم هههه :d ) << ترى مااتطنز بريده ديرتي واحبها مره بس من باب المواساة . |
| الساعة الآن 01:58 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©