|
ضايق صدري ودي أتأقلم مع شقتي
كيف أتأقلم مع شقتي الصغيره التي تقع بعمارة كبيره بها عدد من الشقق من مختلف السكان وأقابلهم عالدرج وتقع وسط حي هاديء وساكن وراسي براس العروسه عما قريب (طبعاً نفس شقتي الأولى مع تغيير بعض الأثاث والدهانات للتجديد والتغيير) وأنا متعود على بيت مستقل مع أهلي الوالديسن والإخوان والبيت كبير وبمنطقه حيويه جداً وشارع تجاري وإذا جلست بيت أهلي أرتاح جداً وودي أطول غير عن شقتي سكوووووووون والمدخل مشترك والمواقف مشتركه والمحلات والمساجد بعيده ولا أقدر أغير الشقه أعطوني الحل واللهحاس بضيقه وشايل هم خاصه إن سيراميك المدخل والدرج كئيب لأنه جرانيت |
حياك الله .. أعتقد وقت ثم تتأقلم مع هذا الوضع ..
أنا كان منزلي بجانب بيت الوالد حفظه الله وقبل أشهر نقلت لبيتي الجديد في حي جديد هادئ جداً وسكون لأبعد ماتتصور .. بعكس المنزل السابق الذي كان في حارة تعجًّ بالضوضاء والحركة والإزعاج .. لكن الآن بدأت أتأقلم مع هذا الوضع رويدا رويدا ستجد نفسك في جو جديد . أسأل الله لنا ولك السكون والطمأنينه . |
من الواضع انك ستتزوج عما قريب
اسال الله لك ولزوجتك التوفيق ومباركه الله لكم مايعمر المنازل ليس بجمالها اوموقعها او كبرها وانما باشخاصها الساكنين بها وانت ترى منزل الوالد يعج بالحياه ومنزلك هذا فارغ خاوي لذالك ما سوف يعمره زوجتك باذن الله ومن ثم ابائك |
الله يوفقك يارب ويسعدك ..
مالفتني بالموضوع اكثررررررررر وحيرني ان هذا شعورك واحساسك كرجل فكيف ياترى شعور واحساس البنات بهالشي ... الرجل عقلاني والبنت عاطفية .. اجل لايستهان ابدا بشعور البنات دام الرجل يفكر كذا ؟ |
يا اخي هل الشقة هي سبب الضيق في صدرك ؟؟؟... اذا كان هناك امر معكر مزاجك حاول تتناساه على الاقل هذه الايام لأنك مقبل على زواج .., يبدو من توقيعك انك تفتقد ابنك ولا اعلم هل بسبب انفصال او غيره ..,, حاول تنسى واذا كان هناك تواصل بينك وبين العروس استشيرها في بعض الديكور واللمسات وارسل لها صور من الشقة .,, ودعها تراها .., ,, وربنا يسعدك ويوققك ..,ومبروك :14::14::14:مقدما
|
الموضوع مو موضوع شقه .. ولا سكون ولا جرانيت ...
لان هالشي مو جديد عليك هذي شقتك وكنت عايش فيها ومبسوط في يوم من الايام .. الموضوع انك شايل هم القادم ومتخوف من المجهول .. وهالمكان يمكمن يقلب عليك مواجع (في ظروفك الحاليه انك مازلت وحيد وللان ماجات اللي تملى حياتك) ... ويمكن تدلعت عند الوالدين وواكيد هالشقه تذكرك بالمسؤوليه ولحالك .... الله يعين وييسر الامور ويقر عينك بضناك ... |
صدقني ياأخي المسأله ليست مسألة شقه ..أوضيقها
هالشئ في نفسك إنت خايف من تكرارماحصل لاسمح الله لأنك بتسكن بنفس الشقه أخي أنتم من تجعلوا الشقه جنه بإذن الله توكل على الله ولاتفكربهالموضوع بسلبيه وأدعي ربنا عزوجل وأقرأ هالأيه ففيها الشئ العظيم وكلام ربي كله خيرقال تعالى { وَقُل رَّبِّ أَنزِلْنِي مُنزَلاً مُّبَارَكاً وَأَنتَ خَيْرُ الْمُنزِلِينَ }المؤمنون29 والله يوفقكم |
الله يسعدكم
هونتوها عليا الله يهون عليكم بصراحه هي فعلا شقتي الاولى وتذكرني الهجران اللي حاصل وكمان تذكرني بطلعاتي ودخلاتي الاولى وكمان كنت ان والاولى نحس بالوحده والفراغ والملل (يمكن إكتئاب شهر العسل) وكنا نستناس برا البيت عندأهلنا عشان الضجه الحلوه والحركه عكس شقتنا سكون وهدوء جداً ومدخل مشترك وجيران فوق وتحت وبالجنب وسيارات مرصوصه قدام الباب بسي لاحد يشوش عليا يقول عين اوسحر يإختصار((((انا مااقدر اغيرها بس ابغا اتأقلم معها وخايف اني ماارتاح فيها بعد الزواج ))) |
ما فيه احلى من الهدوووء والسكون ..
والجيران الغرباء الي كل واحد بحاله , شيء رااائع جداً ويجلب الراحة والإستقرار النفسي .. |
(( الدعااااااااء ))
الدعاء أقوى وأعظم سلاح لتيسير الأمور وصلاحها أكثر من الدعاء بالحاح وتحيّـن أوقات الاجابة وأبشر بما يسرك بإذن الله أسأل الله لكم التوفيق . |
توكل على الله واطرد هالخوف وحاول تتقبل هالفكره " الانتقال " وان شاء الله انك بتتاقلم ..
موفق يارب . |
الله يفرج همي وهمكم والله قاعد أأقلم نفسي وأغير بألوان البيت والأثاث
المشكله أنا إنسان خجول مع أنني إجتماعي وفكاهي وأنحرج من الداخل والخارج من مقابلتهم عالدرج والمداخل وعندنا عاده لازم تصافح الواحد ولازم تقوله تفضل وتدعيه للزياره او القهوه او الطعام طبعا مجامله فقط |
خلصتوا مشاركه انا وضحت لكم أكثر
|
هل هناك اعراض مصاحبه لخجلك ::: من ضيقه او رجفه او تعرق او سرعه في دقات القلب ؟
|
أخي الفاضل
أسأل الله لك زواجاً سعيداً يعوضك عما فات وأسأله تعالى أن يقر عينك برؤية ضناك . نصحتك سابقاً بتغيير شقتك والحي الذي تسكن به ولكنك تعذرت بسبب ظروفك وها أنت تشعر الآن بما نبهناك عنه سابقاً . لا أقول هذا الكلام لكي أنتصر لرأيي أو أشمت بك لا والله , ما كنت شامتاً بك بل يشهد الله على حبي لك فيه وعلى تعاطفي معك . ولكن ما أود قوله هو أن هذه الحاله ستستمر معك إلى أن تتغلب عليها بقوة إرادتك بإذن الله , ومحاولة نسيان الماضي تماماً وإغلاق كل محاولة من الشيطان لتذكرك بشيء منه لينغص عليك . لي صديق مطلق , وعانى كثيراً بعد طلاقه ولم يستطع الاستمرار بالعيش في نفس البيت الذي كان يقيم فيه مع طليقته , وعندما غير سكنه ارتاح وأزاح عن كاهله الكثير من ذكرياته وتحسنت نفسيته بشكل ملحوظ , كل هذا وهو لم يتزوج بعد ! فما بالك لو تزوج , هل كان سيسكن في نفس البيت القديم مع زوجته الجديده ؟! |
فالبداية كنت راح اقترح عليك انك تغير الشقة لانها شيء عادي راح تدكرك بالماضي بس لما قريت انك رافض تغيرها عاد خلاص اخوي لازم تتاقلم على الوضع ولا تعكنن على روحك لانه هاد الشي راح ياثر عليك وعللى حياتك الزوجية الجديدة
تفاءل وهونها يا اخي وانبسط وشوف المسالة من الجانب الايجابي اتمنى لك السعادة بحياتك الجديدة |
.
. طبيعي لانك وحدك وبنفس سكنك فطبيعي تتذكر الماضي ولكن لماذا لاتغيرها فأفضل لك ..! وفقك الله .. . . |
ايش المحرج في الموضوع ...
عادي صافحهم وسلم ...ولا تدعي احد لبيتك الا اذا كان من الناس اللي ترتاح لهم .. يعني جار طيب ... الباقي سلام وخلاص ... وترى مافي احسن من الجار اذا كان طيب والله احيان يكونون احسن من الاهل .. بس انت اعطي نفسك فرصه ولا تشيل هم اشياء ما تستاهل |
اقتباس:
مافي زي الدعاء |
معقول ياخي بتقابل واحد كل يوم او كل يومين ورح تصافحه وتدعيه لبيتك كل مره مومعقول اخي يعني مو لازم تدعيهم ولا تصافحهم بس قول السلام عليكم كيف الحال ياجار وبس انتهت السالفه
احنا بعد تغربنا انا وزوجي عن بيت العائله الكبير اللي تتمنى احد يسكت فيه دقيقه والحي اللي احنا ساكنينه بعد الساعه 8 لا حياة ولا ناس ولا صوت وزوجي يعمل لمدة 24 ساعه يعني انا وحدي بها الجو اوقات من كثر خوفي ارفع القران الى اعلى صوت عشان احس بالحياه لو احد يقول كلمه عند الجيرلاان سمعتها من كثر الهدوء بس تصدق الشقه هذي اشوفها جنع اموت لو بعدت عنها تصدق زوجي يقدر يجلس بعمله لو انا رحت لاهلي بس معى كذا يرجع يقطع مسافة 180 كيلو ويرجع لشقتنا وانا رحت لاهلي شهر ورجعت كنت ببكي لولا الحيا من زوجي كنت ببوس الجدران من فرحتي برجوعي لبيتي يعني بعد زواجك رح تتذكر هالكلام وكلام كل الاعضاء بعدين ليه محد يشوش عليك بالعين شوف اخوي مع ان شقتنا بس غرفتين وبسيطه جدا الا اني بس ارجع لها تجيني اكزيميا بيدي لدرجه اصحي ابكي منها باليل وزوجي يمسكني عشان ماقطعها بالهرش وبس اخرج من شقتي لو يوم ترجع يدي طبيعيه يعني العين حق شغل البقره في الشقه رح ترتاح |
اقتباس:
|
اقتباس:
وقد قمت بتغيير بعض الالوان والاشياء بالمنزل واشعر انني بحاجه لقوة اراده كما قلت |
:: |
طيب ليش ماتبي تغيرها؟؟؟
وحتى لو ماغيرتها...بيجي يوم وتتاقلم مع الوضع صدقني...انت منت متاقلم الا الان لانك ماستقريت فيها..ولا عشت فيها مستقر زي الناس.. بعد الزواج ان شاء الله وبعد شهر العسل حاول انك ماتخرج انت وزوجتك من الشقه كثير..خلوا اكثر وقتكم في الشقه صدقني راح تحبها وتتاقلم معها..وبعدها حتى لو خرجتوا كل يوم ماراح ترتاح الا في شقتك.. |
الله يسهل عليك وتتاقلم فيها وترتاااااااااح ياخوي والله يتتم فرحتك ويوفقك. |
| الساعة الآن 07:02 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©