|
خيانة زوجي (مستجدات 18)
منتداي الحبيب انا في ازمة نفسية صعبة ارجووووكم ساعدوني انا في فترة نفاس والمرة هذي جلست في بيتي ولكن للاسف زوجي كان كل الوقت في المجلس ومايجي إلامرور الكرام وانا كنت شاكة في الوضع لكن قلت خليني اخلص من النفاس ويكون خير ولما كنت اسأل لية ماتجي عندنا يقول اتسلى واشوف مقاطع ع اليوتيوب كذا مره اناقشة بس مانطلع بنتيجة وانا افضل الانسحاب من النقاش واقول معذور طفشان إلى ان اليوم ربي كشفة ولقيت محادثة له مع وحدة الله ياخذة متزوجة الظاهر من الكلام سبحان الله مع انه كان دائم الحرص على مسح كل شي قبل قفل الجهاز لكن ربك يمهل ولا يهمل والمصيبة طالب صورتها ويقول وين تروحي اليوم ابغى اجيكي ياناس انا بأموت قهر لية كذا وهو معاية مايقول الكلمة الحلوة ولاحتى يرد على رسايلي الغرامية (مقهورة وتتريق)لا واليوم طلبت السوق والكوفير ابغى اعمل له لوك جديد في البيت وفي نفسي يقول لا مانقدر الجو حار خلي الولد الين يكبر هل هذا يعقل انا ماادري ايش الحل لية معاية جاف ومن وراي يدور الحريم ياااااااااااااااربي بأموت قهر عمومآ انا رسلة له رسالة ع الايميل وطلبت الطلاق لان هذي مو اول مرة وانا مليت هذا جزاء صبري على وضعة المادي جفافة العاطفي ..... تكفون سااااااااااااعدوني ....خايفة على اولادي وماعدة طايقة وجهه
|
لاحول ولا قوت الابالله
اختي الحمدلله على سلامتك والف مبروك المولود الجديد يااختي ليش تطلبي الطلاق هو يحادثها محادثه مهو متزوجها يعني ماخذها تسليه وبعدين اذا زوجك جاف لينيه؟؟ كيف يعني بقلك كيف انتي ابداي بكلام الحب والغزل والرومنسيات اكييييييييييييييييد رح يرد عليكي بالمثل واذا مارد مره على مره برد يعني اذا انتي ناديتيه حبيبي مع الوقت بناديكي حبيبتي وهلمه جره اذا اكلتيه اكييييييييييييييييييد بيأكلك والحياه بتصير رومنسيه برومنسيه وبكذا رح ينسي التعرف على بنات بالنت |
الله يعينك اختي ويصبرك
انتظري شوفي ردة فعله بعد الرساله استغفري واذكري الله وادعي لعله يندم بعد رسالتك له الله يبعده عن الحرام ويسخره لك ويهديه ويصلحه ويخلي لك اولادك |
وجع في ابليس اللي راكب على رووس بعض الرجال مايملا عينهم غير الحرام
واذا صرتي انتي نفسك محرمه عليه يلهث وراكي |
أنا ملاحظة كثرة الخيانات في فترة الحمل والنفاس...؟؟ وغيرها طبعاً يعني لو الزوجة انشغلت بالحمل و الولادة مايصبر عليها.. يعني هيا جابت الطفل لوحدها؟؟!! .. الله يصبرك يا أختي ويقويكِ.. ادعي الله يسهلك أمورك ويهدي زوجك الحل الأمثل للخيانات وبنصائح أخصائيين نفسيين.. ((المواجهة)).. استعدي بالأفكار والأسئله الي حتسأليه هيا.. وطبعا بالدليل وخوفيه بالأشياء الي ممكن يتأثر بيها.. مثلا عقاب الله ..الاولاد ونفسيتهم..علاقتكم ببعض وزواجكم.. روحتك لأهلك واخبارهم.. ادخلي قوقل واكتبي .. حتلاقي دراسات عن هذا الموضوع الله يفرج همك ويسهل أمرك.. |
اشكركم لتفاعلكم معاي ويااخت وردة معطرة احب اضيف اني لنا6 سنين وانا اقول كلام حلو وارسل رسايل غزل واعمل حفلات ومفاجأة وهدايا ولابان بعيونه ولا تحرك مع انه وهذي المصيبة ماخذني عن حب ورغبة شديدة لكن .... الظاهر الحرام احلى وانا ماارضى اكون بس للخلفة والخيانة
|
أختي الكريمه
أعانك الله ولكن أنصحك أذا كنتي تبغين تناقشين زوجك ان تختاري الوقت المناسب حاولي تكوني بجنبه طول جلسته لايختلي لوحده ونصيحه من رجل مجرب الزواج يمر بفتره خمول ولاتنفع معه رسايل غرام ولاشي وبعض الرجال يكره الرسائل اللي زي كذا والناس تختلف بس من معرفتي بجنس الرجال الأغلب لايحب الشيء هذا خليك جنبه ولايحس انك تراقبيه انتبهي للنقطه هذي وبطلي رسائل فتره والله يسهل لك |
المشكله اني ارسل رسائل وابطل فترة اقول يمكن يستفقدها ابدآ ولاكان فيه شي صار وكمان اجلس جنبة لما اجلس معاه يدخل ع امور عادية لكن مجرد يكون لحالة حتى لو اكون مقابلة له اكيد راح يسوي اللي يحب لازم يخاف من ربة مو مني واحيانآ اجلس صعبة لانو احيان كثيرة يكون الكمبيوتر معاه في العمل ولاادري ايش يصير هناك وكمان فترة النفاس صعب اجلس معاه هذا الانسان محيرني معاه احيان كثيرة اقول ياليت ماخلفت منه بيكون الخيار اسهل علي ....ساعدوني ولكم اجري
|
لاحظة أن الأزواج مايخونون زوجاتهم إلا بأيام النفاس
مع العلم أن وقت النفاس تكون الزوجه بحاجة الزوج جانبها لكن استغرب من بعض الرجال هداهم الله إلا يبي يسافر خارجياً او يدخل بعلاقات محرمه وإذا واجهيته بالموضوع قال نزوه او طيش شباب وتلاقينه صاكـ ال40 سنه للأسف والله هذا اللي حاصل والنت اصبحت وسيلة كثير منا أساء أستخدامها في التعاررف وغيره . اعانك الله على مابلاكـ ولكن أصبري واحتسبي الاجر من الله سبحانه وتعالى واتمنى أن تلهي زوجك عن المكوث لوحده بأي أمر ,, مع العلم ان الزوج إذا شاهد زوجته تعمل المستحيل في أرضائه سيخجل من نفسه |
سؤال
وش منتظره للان ؟؟ دامه رفض يوديك تغيرين لوك .... امسكي عليه وقولي ايه لااقي لك ملهى غيري منت فاااااااااضي لي من الاساس ولا تظن اني مستغبيه لهدرجه انا عارفه انك مع وحده عبر النت الله لايسامحك والله يفضحها عاجلا غير اجل والله اني صدمت فيك ؟؟ انفجري عليه وش منتظره للان ؟؟؟ لو انا كان فعلت ماقلت لك ...تنتظري باقي تستمر العلاقه اكثر من كذا 40 يوم والان مستمر قولي له انفجري فيه قولي اللي بقلبك لاتسكتين وشوفي ردة فعله وان انكر فأذكري له مارئيتي ... واحلفي له انك شفتي كلامه ...وهنا ان انكر قولي لاتلعب علي ...خاف من ربك قبل ماتخاف مني بدل ماتساندني بلنفاس وتتقرب مني تبحث عن غيري انت لو طحت بلفراش لزكاام او اي شيء اكون الخادمه لك الزوجه الحنونه لكن مشكووووووووووووور يافلان مشكور لمساندتك لي بفترة نفاسي وجلوسك بلمجلس . الف شكر واطلعي . ومع احترامي لمن قال كوني بجنبه وتقربي ......يانناس الرجال مو غبي مابيدخل ع شيء وهي بجانبه وان كان قصدكم تقرب جسدي وعاطفي ككيف تقدر بعد ماتركها وبحث عن غيرها ؟؟! كيف تنفتح نفسها ؟؟ واللي يقولون قابليه برومانسيه ليبادلك ...الله لايردها من رومانسيه بوقت هو لاقي غيري الافضل لك حبيبتي المواجهه . ازعلي سوي اللي تبين حلوهع هاذي اتعب واطيح بلفراش ومعي احلى مولود وتعبت وهو جاااااااااااالس بلمجلس . اغلب الرجال مع احترامي للباقي يبي زوجته له شغاله 24 ساعه حوله وتدلعه وتقوم فيه وتعطيه علاجه وتعطيه حقه والنهايه خيااااااااااانه لاطاحت بلفراش |
اقتباس:
|
سبحان الله لقد كتبت الان رد في موضوع لاحد الاخوان يعرض خيانة زوجته والمعظم نصحه بالطلاق اما الاخت هنا الجميع ينصحها بالصبر لا ادري لماذا هذا التناقض في حياتنا اختي اصبري كل انسان معرض للخطأ تكلمي معه بهدوء اسأليه اذا كان يرى لديك تقصيرهل اسأليه عن نفسك لتري ما الرد حاولي ان تواجيه وتتخطي الموضوع اذا رأيته نادم وتائب الله يفرج يهمك
|
شوفي اختي 00
اهم ما عليك نفسك 00اهم نقطه إنك تخرجي من الصدمه بدون خساير لجسدك الضعيف 00 كوني قويه بالله 00 هو إنسان كبيير وعاقل 000 صارحيه بكل شئ مع الإحتوااااء إذا وجدت منه تأسف وتوبه 00 فأرجعي له بأفضل مما كنتي 00 وإذا وجدتيه إنسان مكابر وبايع 00 فاختاري طريقك 00 والله يكتب لك مافيه الخير وكما قال الدكتور ابراهيم الخليفي 00 لن تربيه من جديد 00فهو إنسان يعرف الصح والغلط ما عليك إلا التذكير والعظة له 00 والهدايه من رب العالمين وياليت تسمعين للدكتور الخليفي 00 الزوج الخائن او قريب من كذا فعلا 00كلامه يقويك ويجعلك تواجهين بكل رحابة صدر ورضا الله يجعلك قرة عين لزوجك 00 |
حبيبتي صاحبة المشكله والله العظيم كم تضايقت
من اجلك لانك نفاس كم اتضايق من زوجه تشكي من خيانة زوجها وللاسف بدون سبب! لكن لة انا مكانك اعطيه خبر من الليله بكره لازم لازم توديني المشغل ارجوك حبيبي ..؟ والحي وان قال لا فقولي لا ارجوك بكره بيجوني حريم بنفاسي ارجوك ولازم اجدد بشكلي ارجوك وسوي اللي تبين ليوديك وبيوااااافق وان وافق روحي وسوي احلى لوك لكك من قص وصبغ ومكياج خفيف لزوجك طبعا وان رجعتي قولي هاه وش رايك من احلى انا ولا اللي تكلمها عبر المسن ؟؟!!!! وقوليها باسلوب جاد وهادىء وتمتعي بنظرة الدهشه ... منها ع الاقل قد سويتي لشكلك شيء بعد النفاس لاجل الاقارب ان زاروك .. ومنها تحرجين زوجك وتدللي وتشرطي حتى لو تهددين وشوفي لردة فعله . واخبرينا . |
اقتباس:
هلا حبيبتي نوسا انا قد قلت بموضوع الاخ اللي زوجته تتخون باسلوب مقارب لااسلوبك ولا رجل للان قال تطلقي يافلانه هذا لاييصلح زوج وان جاء رد بعد كلامي من رجل او اخ لنا بلمنتدى فهو رئى كلامي هذا الدليل ان كم امرءه واخت لنا تمر بخيانات لم يقل رجل تطلقي كما قالوها لذاك الرجل ولم يقل الا قله قليله سامحها واغلبهم نسااااء وشوفي الانقلاب ع من قال سامحها اذهبي لردي بمشكلة الاخ بصفحه 8 بلرد 73 . ولكن لاحياة لمن تنادي افكار والجهل باقي معشعشه بداخل اعماقهم الرجل يغفر له والحرمه لا يغفر لها لماذا ؟؟ لانها خانة زوجها ...وكأن الرجل لم يخون !!!!! واتوقع بجد ودون مجاامله لااعلم كيف يصبرون ويتحملون من تخونها زوجها لااعلم ولكن اتوقع صدمتها كبرى بذلك الزوج ولاقدر الله لو انا لااكذب عليكم لااتوقع ان اتحمل ارى وجهه دقييقه واللي فيها فيها والله لايحطني بهلموقف يوم بحياتي اتمنى الموت ولا يااتي هذا اليوم . |
اقتباس:
ههههههههههه طيب يااختي جربي تحرمينة يمكن يركض وراك.... |
اشكركم من كل قلبي ع تفاعلكم معاي بس حبيت اقول انه لو انا ماعندي عيال والله ماأجلس دقيقة معاه لكن اخااااااااااااااااااااااف عليهم من الزمن واهله لو فقدوني اما هو ..... الجديد يااااااااغلى اعضاء اني رسلت للحرمه ع الايميل وذكرتها بالله وخوفتها ع بنتها وعقاب الله وتخيلو ردة علي تقول عادي تبادل الايميلات مو ضروري يكون للغزل وان مابينها وبين زوجي إلاكل خير وانها بتوقف معاي قدام الله وتاخذ حقها لاني قذفتها بشرفها ( والله عالم غريب عادي تكلم رجل غريب وفية تبادل صور وتقول مابيننا شي تستهبل علي هذي وتقول بطلي شك ....... ) اما ياحبايب انا وش سويت معاه كلمته في الموضوع بكل هدوء مع الكثيررررررررمن الدموع قلت شوف لاتنكر انا لقيت لك محادثات مع بنات وماني جايه اتأكد لا انا بس ابغى اعرف لية وانا ايش ناقصني عشان تدوره عند غيري وليه سويت كذا وبس لاني مقررة ماابغى اكمل معاااااك ابدآ طبعآ ماانكر لان الامر موثق والمحادثة موجوده عندي لكن قال اعترف انها نزوه ووالله ماتعدة الكمبيوتر العلاقة وجلس يقوووووووول ويقوووووول وبعدها سألني قراري اكيد قلت ايوة ومع النقاش وعدني يتغير وطلب مني فرصة وقلت له عشان اولادي راح تكون الفرصة الاخيرة لك والله لو اكتشفت او لاحظت تغير ماأتناقش معاك واعرف ان هذي اخر فرصة لحياتي معااااك وقال ساعديني اخرج من هالدوامه وسألني ايش يسوي عشان يدخل حياة جديدة .. ومن هالكلام المهم راح احاول ادخل معاه في هدنه واشوف اخرتها لان عندي اطفال واااااااخااااااااااف عليهم مضطره اوافق واعطي فرصة ولكن عندي سؤال هل فعلآ لو انسرق ايميله مايقدر يفتحه واشوف الرسائل اللي فية ( انا ماني مرة في الكمبيوتر يادوبك افهم بعض المور واتعلم شوي شوي واكيد راح تساعدوني زي عادتكم لاعدمتكم) ايش رأيكم في هالتطورات
|
بإذن الله تكون امورك طيبه 00
وطمنينا عليك 00كيفك وكيف نفسيتك بعد هالتطورات 00إن شاء الله ارتحتي ؟ والله يرد زوجك الى ربه رداً جميلا 00 واهنيك على تصرفك الحكيم مع مشكلتك 00 الإيميل إذا انسرق ما تقدرين تفتحينه 00 ابدأي صفحه جديده وحاولي النسيان بقدر المستطاع 00ولا تفكري كثيرا 00 الله يجعلك قرة عين لزوجك |
انا الحمد لله تمام التمام بس كثير تراودني افكار انو لية ماسألته عن تفاصيل امور كثيرة قريتها في المحادثة واخاف كمان انو يرجع لان الكمبيوتر معاه في العمل واغلب وقته فاضي اما تصرفي في المشكله حكمه وجود اولادي إلاكان فيه امور اكبر بس عندي احساس اني مشيت الموضوع بسرعه مع انه كبيررررررر صح؟ ادعو لي الله يجعلها اخر صدمااااااااتي:::::: ولكل من شاركني همي شكررررررررررررآ من كل قلبي
|
أنا أرى أن زوجك قد أدمن على النت بمساعدة الشيطان
و لن يكون هناك حل إلا بمساعدتك عليك أن تجدي الحل لإبعاده عن هذه المحرمات قبل أن يتطور الوضع و يذهب لما هو أعظم الطلاق ليس حاولي معه عسى أن يتغير ـ تخيلي أنه ابنك في سن المراهقة كيف ستتصرفين؟؟؟ |
اقتباس:
واحد من الردود يقلها عادي ليش تطلبين الطلاق هو قاععد يكلمها بس تسليه...وتجاهلت ان طلب يقابلها يعني الحرام صار عادي جدا عند اغلب الناس...لكن لو كان متزوجها تطلب الطلاق...دام انه مو متزوجها تتجاهل الامر وانتي يااختي غلطك انك سكتي عن المنكر ...وللاسف شجعتيه على هذا الفعل..لانك مااخدتي اي موقف او ردة فعل.. اختي لاتتهاونين بالموضوع..وانتي ماتدرين ايش يصير وهو خارج البيت.. واجهيه وغيري اسلوبك معه...بطلي ترسلين رسايل بطلي اهتمام فيه دامه ماعجبه اهتمامك...مايصير تخلين زوجك يغرق في الحرام امامك..وانتي ساكته...ولاكانك شايفه شي حتى لو تكلمتي وزعلتي...استمري حتى لو استدعى الامر انك تدخلي احد من كبار العايله... انتي جالسه تهينين نفسك بنفسك.. |
بما أن زوجك طلب منك مساعدته للتخلص من الماضي
أطلبي منه كل الإيميلات التي يستخدمها لعلاقاته المشبوهه واطلبي الكلمات السرية التي تخص هذه الإيميلات ثم قومي أنتِ لوحدك بدون وجوده بتغيير الكلمات السريه ولا تخبريه بالكلمات الجديده وبعد ذلك لا تفتحي هذه الإيميلات للأبد . فاجئيه بهذا الطلب وهو عندك في البيت لكي لا يزين له الشيطان أن يحفظ إيميل تلك المرأه في إيميل آخر يخصه أو يكتبه على ورقة خارجيه قبل السماح لكِ بتغيير الأرقام السريه لإيميلاته المشبوهه عسى أن يكون زوجك لا يحتفظ بذاكرته بإيميل تلك المرأه . وقبل ذلك كله , إمسحي كل محادثاته من الجهاز ( سجل المحادثات ) ومن سلة المحذوفات أيضاً لكي لا يستعيدها لأن هذا السجل كما يحفظ المحادثات فهو يحفظ الإيميلات أيضاً . |
[انسخي جزء من المحادثات وهدديه انك راح تخبري اهله اذا لعب بذيله
بعدين ليش تكلمين الحقيرة لا تتنازلين وتكلمينها كلامك مع زوجك بسسسسسس على الطاري بغيت اذكركم بقصه اول ماتزوجت سالني زوجي قال لوجيتك شارب راح تدارين الموضوع تدرين وش رديت قلت والله لأفضحك ونسيت السالفه ولكنت ادري انه له بالشراب بس كانت سوالف والتزم بعدها والله بكم سنه ذكرني بكلامي وقال والله خفت وبطلت خرابيط ترى الرجال اذا سكتي له تمادى[/ |
اقتباس:
كلام سليم |
كيف اغير كلمة السر وهو يقول انسرق الايميل حقه ؟ وبعدين اللي تقول سكت عنه وهو يمارس الحرام انا ماسكت من اول ماعرفت واجهته واعيد واكرر صبري وتحملي كان عشان اولادي ومستقبلهم لو اتركه.... هو الان مايدخل النت كثير إلافي عملة والله اعلم باللي يحصل هناك واسلوبة معاي تغير كثير والله يهدية ويطول بالي علية ..لولكم اقتراحات للتعامل معاه وابعادة عن هالجوووو لاتبخلووو علي ,,, اشكر لكم الرد والاهتمام
|
الدعاء الدعاء حبيبتي فزوجك لم ينكر واعترف بخطأه وطلب السماح والمساعده منك فكوني عوناله بعد الله
فاجعليه كثير الاستغفارفي وقت الفراغ مصليالله باكيا ندماعلى زلته في اخرالليالي فسهام الليل لاتخطئ ليس منا من هو كامل غير ربناذاالجلال والاكرام توكلي على الله واجعلي طريق الامل والوصول اليه امرمهم فالمستقبل بين يديك ومن أجل اسعاد أبنائك فلاتيأسي وكوني صبوره مووووووفقه غاليتي أحب بنــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـتي |
| الساعة الآن 11:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©