|
زوجي متضايق من قلة كلامي
السلام عليكم
ممكن تسعدوني بمشكلتي انا من طبعي ما اتكلم كثير وزوجي يتضايق من هذا الشي اني ما اتكلم كثير يعني ماسولف واهو يزعل مني يقول ليه ماتسولفين واذا سولفت عن اهلي ولا اهله واهو مايحب اتكلم عن عايلتي وعايلته وبس يقول سولفي عن حياتنا واسكت وتضايق ويزعل وتصير مشكله بسبت اني ما اسولف دايم اسكت عطوني حل تكفون الله يخليكم وش اسوي بدعي لكم الله يوفقكم |
طيب حبيبتي سولفي
يعني اخبريه عن حبك له او عن شقتك واثاثك اوعن عيالك تذكرو ايام الخطبه والمواقف الطريفه اتحدثو عن مواضيع لها علاقه بالدين وعن قصص الرسول صلى الله عليه وسلم واصحابه نصيحه لا اتخبريه عن اهلك واهله الا كل خير حتي لو كان العكس او لا تجيبي طاريهم |
كم لكم متزوجين؟؟؟
اذا حديثين الزواج..سولفي له عن مواقفك ايام الدراسه مع المعلمات وزميلاتك والقصص الي صارت ايام الدراسه..وش كان يصير لك.. او سولفي عن الاشياء الي تخص العلاقه بين الزوجين..وايش احلى شي في الزواج؟؟ اساليه عن زملاه في العمل ومن اقرب واحد له ..واساليه عن ايام عزوبيته.. او احسن حل...اذا قالك سولفي قوليله انت سولف ابدأ تكلم وبعدها الكلام يسحب بعض.و.موضوع يجر موضوع |
روحي اقري قصص بالمنتديات غريبه او مضحكه وقوليها له
|
ورده معطره
ااسولف عن ايام الخطوبه عن كل حاجه مرت بحيتنا واحينن اعيد كل الي اسولف فيه بع فتره عرفتي كيف ـــــــــــــــــــــــــــــــ ليه الغرور متزوجه لي سنه وشهرين اهو من طبعه مايحب اني اسولف عن صديقاتي كل الي قلتيه قلته له انا اقوله هيك انت ابدا بالكلام وافتح موضوع يتنرفز اذا قلتله هيك يقول انا دايم ابدا وافتح موضيع وانا اسلوبي اذا جيت اسولف اسال واهو مايحب اني اسال يقول سولفي لاتسالين مابي اساله واهو عارف طبعي بس ماقدرت اغيره |
ثقفي نفسك ووسعي مداركك
ستجدين ما تتحدثين به مع زوجك |
مشكورين الله يفرج كل هم عنكم ويوفقكم ويجزاكم خير
وربي ما ادري كيف اشكركم على تفاعلكم معي |
أختي حلوة المبسم.. طبيعي أول الزواج تكون الزوجة مستحية.. وكلامها قليل.. وبعدها ينفلت لسانها وزوجها يتمناها تسكت ههههههههه.. زي ماقالو الأخوات .. أفتحي مواضيع جديدة .. شوفي الاخبار في التلفزيون .. برامج وغيرها واتكلمي معاه فيها.. كمان زي ماقال الاخ ابو حكيم .. ثقفي نفسك زيادة ادخلي مواقع في النت .. اقرأي .. الخ كمان لو تكلميه في المواضيع الي يحبها يتفاعل معاكي أكتر.. ابدأي موضوعك معاه بإنفعلات مختلفه.. متحمسه مره .. مستغربه مره.. فيلسوفة مره مره وانتي تضحكي ومره انتي تبكي هههههههه لا أمزح الله يجمعك انتي وزوجك على خيييييييير |
السلام عليكم
اختي حاولي تطلعين من جو قلة الكلام خاصة مع الزوج لان بصراحه هالشئ بيكون له اعراض كثيره منها نفور الزوج وانشغاله بأمور اخرى ..حاولي تغيرين من روتين قلة الكلام حتى ماتندمي في الاخر..لان مستحيل يتعايش مع الجو وهو مموضح انه متضايق.. عندك امور كثيره تتكلمين فيها ..تكلمي عن شهر العسل عن الخطوبه عن امنياتك المستقبليه لاتجلسين كذا وتقولين كلامي قليل انتي حطي نفسك في موقف زوجك والله صعب تعيشين كذا الحياه اخذ وعطاء خاصة بين الزوجين..حاولي ولاتستسلمين للامر. |
قلة الحوار مشكلة ليست بالهينه
اكيد تعرفي هويات زوجك الأشياء اللي يحبها حاولي تثقفي نفسك فيها كما أنه من الحلو أنك تكوني تلقائية في الكلام معه يعني تكلمي عن اي شيء لكن طبعا مو عن خواتك أو صديقاتك أنتبهي |
ما هي هوايات زوجك ؟
الرياضة ؟ الاخبار ؟ حاولي تشوفي الاخبار و تثقفي نفسك هالايام كتير حافلة بالاخبار ، احكي فيها و علقي مع زوجك ممكن انتي تطرحي معه مشكلة جدلية وتتركي له المجال هو يتكلم و يعلق ممكن تستفيدي من المنتدى كما قالت احدى الاخوات بتقرئي قصص جدلية غريبة و ردود عليها و تناقشي المشكلة مع زوجك |
ابنتي الكريمة: لكل من المرأة والرجل جوه واهتماماته ومحيطه الذي يعيش به فمحيطك أهلك وأهله ودراستك وما بينكما في البيت. ومحيط زوجك هو العمل والكره والاقتصاد والعقار والاستثمار وما يهتم به أمثاله من الرجال فتكلمي معه بما يهتم به مثله من الرجال, وكمثال حي تزوجت ابنتي من شاب يحب الكرة ويشجع أحد الأندية بجنون فجاءت ابنتي مرةً عندنا ورأيتها تتابع برنامج تحليل رياضي عن ذلك النادي فسألتها منذ متى تتابعين الرياضه فقالت ( عشان ألقى حكي بموضوع مشترك مع فلان وما نسكت). أجمل المعانى لبيت الزوجية كلمة سكن وهي للزوجين معاً أي ضد الحركة وتعني للرجل الهدوء من حركة العمل خارج المنزل فهيئي له السكن ليرتاح فيه ولا يبحث عن الراحة خارجة, وذكريه بحاجتك للحديث فيما يهمك وأن يحترم رغباتك في الحديث عن مواضيع قد لا تروق له ( ولهن مثل الذي عليهن) ولا تبحثي عن بديل لكل ما يغضبه وناقشيه بهدوء. أسأل الله لكما التوفيق وجميع المسلمين. |
مشكلتي عكسك تمامااااااااااااااااااااااااا
زوجي نسخة منك و أنا متضايقة من سكوته ، بس أقلمت حالي .. هو مثلك بالتمام لدرجة إني صرت أشوف نفسي كلامي كثير مقارنة به :D و دحين بطلت أتكلم و هو يبغاني أرجع أقرقر فوق راسه بس يوم تشوفي شخص بارد و ما يتفاعل معاك .. تملي و تفضلي السكوت |
زوجك يتمنى تسولفي وأنا زوجي يتمناني اسكت :d يقول انه مافي موضوع مااقوم اسولف فيه ومسميني ابو يعقوب :d لأنني احب اقول رأي في كل شئ واتفلسف كمان لكن لما اسأله مين ابو يعقوب هذا يقول واحد صديقي ماتعرفيه |
احلا شي تبين نصيحتي ... اشتري طابعه ابدي اطبعي مواضيع من النت ... وبعد ذلك اقريها وكانك تقرايين الاذاعه المدرسيه ... سولفي عليه ..... الواحد يبي الهدوء هذا يبي احد يسولف عليه ههههههههههههههه غريب زوجك
|
اقتباس:
انا يارجل زوجي يحب الكوره مرررررررره وانا قبل ما اتزوج كنت اشجع نادي وبعدي تركت الكوره واهو يدري كنت اتابع كوره واحب اشجع هذا النادي بعدين صار يقولي لاتطالعين كوره ما ابيك تتعلقين فيها مثل اول ولا يحب اني اتابع الكوره معه انا من طبعي اتنرفز على طول واعصب واهو كمان وارجع اتحسف على الجكي الي قلته له واهو يقول اذا ماسولفتي بجلس اطالع التلفزيزن او بطلع مع الشباب وانا اعصب ابي اسولف بس مالقى سواليف اجلس مع روحي افكر بس ما اطلع بنتجه احين افكر بطلاق وارتاح احس مليت من الحياه هذي |
اقتباس:
واهو يقول اقري انا اذا فتحت الكتاب اطفش اقرا صفحه واسكره ما اعطي كل تفكري للقراءه احس حالتي صحبه مررررررره:23: |
[QUOTE;2607584]
احين افكر بطلاق وارتاح احس مليت من الحياه هذي[/QUOTE] ابنتي الكريمة: التفكير بالطلاق مسكن نفسي مؤقت من عقلك للراحة من ضغط المشكلة وهو ليس بحل جذري للمشكلة نفسها فستتزوجين لو حصل لا قدر الله من غيره وتنشأ نفس المشكلة مرة أخرى, وإبحثي بشكل جاد عن حل لعصبيتك وقلة قراءتك وقلة كلامك وواجهي نفسك بنفسك وأحمليها على الأصلح لك. وفقك الله. |
اقتباس:
ابنتي الكريمة: التفكير بالطلاق مسكن نفسي مؤقت من عقلك للراحة من ضغط المشكلة وهو ليس بحل جذري للمشكلة نفسها فستتزوجين لو حصل لا قدر الله من غيره وتنشأ نفس المشكلة مرة أخرى, وإبحثي بشكل جاد عن حل لعصبيتك وقلة قراءتك وقلة كلامك وواجهي نفسك بنفسك وأحمليها على الأصلح لك. وفقك الله.[/QUOTE] مشكور يارجل الرجال من جد رجل بمعنى الكلمه الله يجزاك خير ويفرج عنك كل هم وضيق ويوفقك بحياتك ويسعدك |
ابنتي الكريمة:
وجزاك الله خير فدعائك أكبر مما فعلت وكتبت وأشكر كل الشكر ثناءكِ وفقك الله ونحن هنا برجاء مثل هذه الدعوات المباركة والفخر بلم شمل أو إصلاحٍ بين الناس. أو مساعدة محتار |
انا مع دكتور المنتدى 00
القراءه توسع المدارك وتفتح لك افاق جديده ومفيده ومسليه 000 ولكن يمكن أن تكوني إنسانه سماعيه وليس بصريه 000 فياليت تسمعي لكل شئ مفيييد 00 وخذيها مني 00 اجعلي زوجك مثل صديقتك المقربه 00 سولفي معه بكل ما يخطر على بالك وادخلي المزح و الألغاز و التعليقات الحيه على كل شئ بحياتك 00 وحب00حبه بتلاقي زوجك يقول متى تبطل الحلوه رغي >>>> قرقره |
| الساعة الآن 03:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©