بعد الاجهاض .... حمل؟
 

عمرى 28 سنة متزوجة من 9 شهور دورتى منتظمة الحمد لله قبل وبعد الزواج تاتينى كل 29 يوم فحوصاتى بعد الزواج للتبويض الحمد لله جيد ، حملت بعد 5 شهور من الزواج واجهضت بالشهر الثالث والنصف وكان هذا بتاريخ 14-3-2011 وعملت عملية تنظيف والدم ظل معى حوالى 12 يوم ولكن كان دم بسيط جدا على شكل نقاط ، وفى اليوم 29 من الاجهاض بالضبط جانى وجع مثل وجع الدورة بالضبط وفضل يوم وبعدين راح وبعدها ماحسيت بأى شىء وبعدها بدأت احس بالآم فى بطنى بسيطة وظهرى زى وجع الدورة بالضبط ولكن بسيطة وبعدها بحوالى اسبوع نزل منى افرازات بنية لمدة يومين بشكل متقطع يعنى مش طول اليومين وبعدها بدأت لون الافرزات يفتح للون البيج الفاتح ومن ثم افرازات عادية بيضاء لزجة وشفافة وخيوط بنية وافرازات كريمية بيضاء وافرازات مثل الماء وكلها بدون رائحة الحمد لله، اليوم هو اليوم 45 من الاجهاض ولم تاتينى الدورة علما بوجود بعض الالام فى الجانب الايمن ونغزات بسيطة هذا كل ما احس بيه ، الدكتور قاللى ان الافرازات طبيعية مافى منها مشكلة وقاللى اعمل تحليل حمل فى الدم علما بأنى عملت تحليل منزلى وطلع سالب بس الدكتور قاللى ان لا ماتعمليش تحليل منزلى اعملى تحليل دم بعد 14 يوم من اخر مرة صار جماع وطبعا قاللى ان ممكن احمل عادى فى اى وقت بعد الاجهاض لأن الحمد لله كل الامور عندى سليمة واكن سبب الاجهاض ان عندى سرعة تجلط الدم عالية وكان المفروض اخد اسبرين وقت الحمل ولكنى لم اكن اعلم الا بعد عمل تحليل بعد الاجهاض وتحليل هرمون اللبن بعد الاجهاض جيد الحمد لله وغير مرتفع . سؤالى هل ممكن ان يكون حمل يعنى اعمل تحليل دم؟ ام عادى ان يحصل هذا الشىء بعد الاجهاض وفى نفس توقيت الدورة تقريبا؟ وان كان ليس حمل هل عادى هذا التاخير؟ ومتى من المفترض ان تأتى الدورة بعد الاجهاض خاصة انها كانت منتظمة؟ ارجو الرد دكتورة وشكرا

ارجو الرد دكتورة وشكرا

احنا بنعمل تحليل دم رقمي كمان لسببين الاول معرفة وجود الحمل من عدمه التاني علشان نتاكد ان مافيش بواقي انسجة من الحمل السابق

خلي بالك التحليل الرقمي بيطلع ارقام محددة مش سالب وموجب فقط

ان شاء الله اعمله واقول لحضرتك الارقام يعنى اذا كان موجود باقى انسجة تجعل الدورة تتأخر ؟ اليوم هو اليوم 50 بعد الاجهاض ولم تأتى ؟ وممكن حضرتك تقولى اعرف من الارقام ازاى اذا كان فى حمل او بواقى انسجة؟

احنا اللي بنعرف من الارقام بجداول

دكتور انا عملت التحليل الدم طلع zero يعنى كده مفيش حمل طبعا ، طيب حضرتك تفسر بأيه تأخر الدورة حتى الآن علما بان اليوم هو 54 من عملية الأجهاض ؟ وايه اللى ممكن اعمله عشان اعرف ؟ وهل ممكن يكون التوتر والحالة المزاجية هو المتسبب فى تأخر الدورة؟

طب كويس ده شئ مطمئن على فكرة مش حاجة وحشة والحمل لسه الفرص قدامك كتير

أشهر سبب لتاخر دورتك هو ارتفاع هرمون اللبن
انتي هاتاخدي تحاليل وتقاريرك الطبية وتروحي لطبيبك هايعملك اللازم لتحديد السبب ويتدخل دوائيا عند الحاجة

دكتور انا كنت عملت قبل كده تحليل هرمون اللبن زى ما ذكرت وكان نسبته الحمد لله طبيعية
وحبيت اقول لحضرتك ان الدورة جاتلى اليوم الحمد لله . وبشكر حضرتك جدا على التعاون وجزاك الله خيرا

العفو الحمدلله

اجمل تمنياتي

دكتور عندى سؤال من فضلك زى ما قولت لحضرتك ان الدورة الحمد لله جاتلى وانتهت الحمد لله واليوم هو اليوم ال 15 من نزول الدورة ، قبل الاجهاض كنت على طول أرى افرازات التبويض الشفافة اللزجة وبتكون على طول فى اليوم ال 15 من نزول الدورة لأن طول دورتى العادية 29 يوم لكن دى اول مرة تجينى الدورة بعد الاجهاض وكانت عندى افرازات بيضاء كريمية فى اليوم 11 و 12 و 13 و 14 و 15 حتى اليوم واخرى بيضاء لزجة تشبه الخيوط ظهرت مرة واحدة فقط ولكنى لم ارى افرازات التبويض الشفافة اللزجة حتى الآن
السؤال : هل يحدث تبويض بدون نزول هذه الافرازات الشفافة اللزجة وبدورها يمكن ان يحدث حمل ام لابد من وجود هذه الافرازات لحدوث تبويض وحمل؟
وعلى ماذا يدل عدم رؤية هذه الافرازات حتى الآن؟ (مع العلم بأنى احس بنفس الاوجاع فى الجانب الايسر وقت التبويض كما كنت احس به قبل الاجهاض)
وهل تتغير طول مدة الدورة قبل وبعد الاجهاض يعنى كانت بتجيلى قبل الاجهاض كل 29 يوم تقريبا هل تتغير هذه المدة؟

فى انتظار رد حضرتك دكتور وشكرا

كل ده شوية لخبطة هرمونية لان مستويات الهرمونات اثناء الخمل كانت مرتفعة فهاتاخد وقت لما ترجع للطبيبعي بتاعها اهم حاجة عندنا الانتظام اكثر من المدة نفسها وماتقلقيش من حاجة نهائي

منتظرة رد حضرتك دكتور وشكرا

انا متشكرة لحضرتك جدا انا فعلا بقيت متوترة جدا وبقيت اخاف من اى حاجة بس الحمد لله بشكر حضرتك جدا واتمنى ماكونش هتعب حضرتك لو كان فى اى اسألة اخرى توترنى شكرا

دكتور عندى سؤال بعد اذن حضرتك؟
انا المفروض دورتى كما ذكرت من قبل كانت تأتى كل 29 يوم تقريبا بعد الاجهاض جاتلى مرة واحدة يوم 7-5-2011 وكانت المفروض تيجى بعد 29 يوم من هذا التاريخ يعنى يوم 4-6-2011 تقريبا بس لغاية دلوقتى لسه ماجاتليش
السؤال انى بحس فى ميعاد الدورة اعنى الآن وليس طوال الشهر بألم بسيط يشبه الم الدورة والم فى الظهر مثل التى تصاحب الدورة تماما ولكنى احس بالم فى الجانب الايسر (اعتقد ناحية المبيض) هو الم محتمل(يشبه الم التبويض) بس انا مش عارفة ايه سببه وخايفة جدا؟ هل اعمل سونار للتأكد من عدم وجود اى مضاعفات؟وماذا تعنى هذه الالام من وجهة نظر حضرتك؟ وبماذا تفسر تأخر الدورة وهل طبيعى ان تتأخر ويكون فى لخبطة لأنى بجد بقيت اخاف من اى حاجة وحاسة انى على طول قلقانة؟ وهل يعتبر هذا التأخير عدم انتظام للدورة وهل بدورها يؤثر على التبويض والانجاب؟ شكرا ومنتظرة رد حضرتك

بالطريقة دي مش هاينفع
مش معقولة كل شوية مغص او التهاب عضلات او تعب في أربطة الظهر هاتفكري بالطريقة دي
ماتخافيش من اي حاجة إلا إذا حسيتي ألم حادة ونزيف تروحي المستشفى غير كده ماتركزيش مع كل حاجة بالطريقة دي

أي ألم تاني واعراض تانية زوري الطبيب المتخصص حسب المشكلة
زي ماقولتلك كفاية القلق اللي انتي فيه يلخبط الدورة جدا

شكرا لحضرتك واسفة لو كنت ازعجت حضرتك انا اكيد قلقى زيادة شوية شكرا

السلام عليكم دكتور
انا الدورة حتى اليوم ماجتش وعملت تحليل دم الصبح وطلع انى حامل والرقم المكتوب 99 ؟ يعنى انا فى الاسبوع الكام؟ ومع العلم ان فى حملى الاول الدورة تاخرت 4 ايام لانها كانت منتظمة فعملت تحليل وطلع الرقم 339 فكيف عندما تتاخر المرة دى حوالى 14 يوم يكون الرقم 99؟ مش المفترض ان يكون الرقم اكبر ولا نظرا للخبطة الدورة بعد الاجهاض ممكن يكون التبويض حصل متاخر؟ ارجو افادتى وشكرا

اهلا وسهلا
هو لو كانت مش منتظمة يبقى فعلا نتوقع تأخر في التبويض
عموما حضرتك هاتعملي الاتي علشان نطمئن
انتي عملتي التحليل النهاردة يبقى تفوتي بكرة وتروحي بعد بكرة تعملي تحليل تاني رقمي بحيث يكون بين التحليلن 48 ساعة

حاضر ان شاء الله اروح وابلغ حضرتك. جزاك الله خيرا كثيرا

دكتور من شوية لقيت بقعة لونها بنى ؟ ممكن حضرتك تشرحلى ايه ده وايه معناه؟ انا عارفة انى تعبت حضرتك بس بجد خفت جدا اول لما شفت كده ومش عارفة ايه ده مع عدم وجود اى اعرض اخرى الحمد لله؟ ياريت حضرتك تقدر تطمنى، يارب يطلع خير ان شاء الله

بقعة كده ممكن مايكونش ليها معنى وعلشان كده بقول لحضرتك بلاش نقفز لإستنتاجات ونستنى شوية ونعمل التحليل زي ماقولنا احسن بكتير ساعتها نقدر نتكلم صح

السلام عليكم دكتور انا عملت التحليل النهاردة زى ما حضرتك قولتلى والحمد لله الرقم زاد دلوقتى بقى 151 ايه رأى حضرتك بعد النتيجة دى؟ مع العلم ان لسه الافرازات البنية موجودة عندى حتى الان؟ منظرة رد حضرتك وشكرا لك

لا حضرتك محتاجة تروحي لطبيبك تتابعي معاه علشان مفروض الرقم كان يبقى قريب لل 200