|
كيف أقنع زوجي بعدم السفر مع أصدقائه
السلام عليكم ورحمه الله وبركاته : عندي مشكله يمكن ماتكون مشكله بس ابي مشورتكم عشان ماسوي شي غلط زوجي يبي يسافر مع زملائه في العمل لــ دبي وانا ماابي يروح عادي يسافر والا مو عادي انا احس انها مشكله مااحب الرجال المتزوج يسافر مع شباب عزابيه بصراحه مقهوره قلت له مالها داعي قال ليه الرجال يضبط عقله ومو رايح لحرام رايح يوسع صدره لازم يغير جو ولازم يفك شوي من جو الأسره يرجع لأيام العزابيه وانتي نظريتك غلط وتفكيرك غلط لازم تغيرين فيه ماعلي منه خل تفكيري غلط بس مابيه يسافر ليه عسى مهوب مضيع شي هناك قلت خل نروح عمره ونروح للمدينه دام معك فلوس قال لا توني مسفرك قلت خلاص اجل انت توك رايح لدبي في الأجازه قال عادي هذي معك وهذي مع اخوياي مابيه يروح شلون اقنعه والله والله ان بنات عمامي كلهم مايخلون رجالهم يروحون شبر واحد خارج الرياض وبنات خوالي والله مايسافرون رجالهم الا هم معهم واقوله في التزامات اهم من السفر لازم نسويها مايرضى يقول عادي مافيها شي كل الرجال تسافر اخليه يروح الله يحفظه والا امنعه واذا امنعه وشلون وش اقول هل هو عادي يسافر والا مو عادي خاصه انه رفض يعطيني مصروف اذا بيسافر يقول 200 ريال تكفي وانا اقول مثل ماتدفع هناك تعطيني هنا عطني على الأقل ألفين ريال مارضى :d ادري طلب تعجيزي بس مااحبه يروح ماادري وش بيصير هناك انا مااحب الرجال يسافرون بدون حريمهم ادري خراب الله لايسامح كل عزوبي يتلزق في متزوج |
يا اختي محد مرتاح <<<<<< اسمك كذا :22:
والله إذا قويتيه ما يسافر حلو وحلوتين 000 لكن على ما أظن الزوجه لا تفرض اوامرها على زوجهاااا وهو ليس عليه واجب طاعتها 00 والله يوجه لما فيه الخير |
اقتباس:
جزاك الله خير مشكوره على تفاعلك ياقلبي |
بالعكس انا عزوبي ونسافر كثير خارج السعوديه
ولكن وربي وربي مانسوي شي غلط شي يغضب ربي نطلع عن جو كل شي ممنوع دخول الشباب نحس بحريه موب نمشي ونخاف من السيوكرتي او من الهيئه الله يجزاهم خير خلي زوجك يسافر دامك واثقه منه واقري عليه الورد وسمي عليه بدال ماتخلينه عندك طول الوقت خليه يرتاح من الجوء الأسري .. والله يوفقكم ويسعدكم يارب |
صارحيه بطريقة مباشرة
أنا لا أريدك أن تسافر لأني خايفة عليك من ,,,,,,,,,,,,,,,, |
حبيبتي اذنه حاطط السفر براسه مارح تقدري تمنعيه بس انتي حاولي معه خصوصا اذا كانت هاذي سفرته الاولى لوحده حاولي تقنعيه مااااااااااااايسافر بصراحه دبي مسخره واكيد مارح يقضيها بالمسجد بس اذا ماقدرتي في دعاء حصنيه فيه دعاء طووويل عن تحصين الزوج اقريه عليه قبل ما يمشي
واتمنالك التوفيق |
وشلون تقوينه ؟!
مافيه إلا حل واحد 0000 ضيعي جوازه >>>> :25: :d |
اقتباس:
لايقعد عندي يطلع بر يروح استراحه الشباب يطلع مع عيال عمامي عادي بس يسافر لا مو حلو اخاف يتغير والا شي وحتى لو ماسوى شي يغضب ربي يكفي انه يشوف جزاك الله خير ياخوي وياك ان شاء الله |
اقتباس:
قلته قال انا مو بزر او مراهق وانتي ابوه عشان تعلميني الصح من الغلط فكرتك خطأ ومابيك تفكرين زي كذا احنا رايحين نتمشى وبس واذا تفكير الحريم كلهم نفسك عز الله مافي الدنيا حريم :d << سبنا كلنا مشكوره اختي الله يعطيك العافيه |
اقتباس:
والله انك صادقه مافيه امل اقنعه خاصه اني فاشله في الأقناع وهذي اول سفره له لوحده ومو قاهرني الا انه مو معطيني مصروف اذا سافر يقول بيت عمي مليان اكل وشرب وامان وشوله فلوس تكفيك 200 وانا ابي استانس اذا راح مابي اضيق صدري ابي اتمشى بعد واروح الإسواق المشكله احنا تو جايين منها قبل اسبوعين ليه يروح مره ثاني اكيد اعجبوه اللي فيها وابي هذا الدعاء اذا تقدرين ارسليه لي على الخاص ما اعرفه جزاك الله خير ماقصرتي الله يعطيك العافيه |
اقتباس:
ههههههههههههههههههههههه لا لا قويه اخاف يدري والا يسوي شي انا مو قده وويدري اني محافظه بقوووه يدري ان كل شي عندي في مكانه ومافيه امل الشي عندي يضيع بس سرقت الخريطه اللي بيسافر فيها بس عادي بيدل يعرف اللوحات وحافظ الشوارع ياربي مايروح تكفون قولوا يارب |
الله يهدي بالك ... حاسه فيكي والله ...
بس أختي أنتي قترحي عليه إذا يستنى شوي تسافرو بلد جديده أنتي وياه جيبيه بأسلوب أنك نسقتي رحله لبلد معين وبأنتظار موافقته وحسسيه أنه بتكون سفره روتينيه مو مستاهله زياده المصاريف على بلد معروفه .. وعليكي بالدعاء ثم الدعاء ثم الدعاء.. |
عزيزتي..
الله يعينك .. احساس يقهر صراحة بس انتي حاولي معاه مدام رحتو قبل اسبوعين.. أسأليه ليه تبغى تروح مره تانيه؟؟ وحصنيه زي ماقالت الأخت.. يالله.. صارت الثقه بين الأزواج نادرة .. وإلا عندها ثقه في زوجها ماعندها ثقة في بنات هذا الزمااااان |
والله مافيها شي وخليك واثقه من زوجك وانا احس كل مازتي انك تمنعينه كل مافتحتي عيونه عن شي وزاد اصراره
خليه يروح واذا راح وش بيصير وشي ثاني احسك خايفه من كلم بنات اعمامك وخالتك سوي الشي لقناعتك وكلن له حياة الخاصه |
: |
خليه يروح بس وهو هناك ارسلي له رسائل حب واشتياق واذا دق عليك سوي نفسك انك تبكي وتقولي له البيت وحشه بدونك ودايم حسسيه بالذنب انه طلع بدونك قولي له كل ركن في البيت يذكرني فيه مثلا قولي له الكنب يذكرني بجلستنا وضحكنا ومزحنا وسوالفنا كل شوي اناظر في الباب اقول الحين بيدخل ويفاجئني بوردة يقول لي مستحيل اسافر بدونك والسفر بدونك مو حلو وشوقيه بغرفة النوم وانك ماتقدري تنامي بغرفة النوم وهو مو موجود بس انتبهي كل هالكلام تقوليه وانتي تسوي حالك تبكي وذابحه نفسك بكي
واتمنى لكي التوفيق بالخطه |
كل ماارفضتي بيزيد اصراره عالسفر خليه يروووح واستودعي الله فيه وبقوللك شي اللي يبغى الحرااااااااااام والسفاااله والدعاااااااااره ويلحق وراها بيلقها هناااا او هنااااااااك في كل مكااان وبلد فيه بلاوي الله يحميناااا ويبعدنا عنهم
|
ياأختي لا تضيقين خاطرك وتشيلين هم...هو مصمم انه يروح وانتِ حاولتي كثير ومارضي يمكن اخذ الشغله عناد لانك تزنين عليه بالرفض ماشاء الله عليكم هو سفرك اول وقام بواجبه تجاهك فلا تحرمينه احساسه بالحريه والعوده للعزوبيه شوي كل شخص فينا سواء زوجه او زوج محتاج شوي من المساحه من الحريه علشان يبتعد شوي عن ضغوط الحياه الزوجيه والمشاكل مشكلتنا نحن النساء احيانا نفهم حريه الرجل ان عنده شي كذا ولا كذا إنتِ واثقه فيه فلا تخلين الشيطان يوسوس لك بأشياء مالها داعي قبل لا يروح قولي اللهم استودعك زوجي وقلبه وكل جوارحه وان شاء الله ربي يحفظه لك ..وبالنسبه للمصروف يمكن هو يقولك كذا 200 كرد فعل ع رفضك السفر بس اكيد بيزيدك عليها قبل لا يسافر لانه عارف 200 وش تسوي بهالوقت ونصيحه لا تقعدين تقولين بنات عمي وبنات خالي يقدرون وانا ما اقدر اقنعه ومن هالكلام لا تقارنين نفسك بغيرك ابد تمنياتي لك بالسعاده |
إذا هو معزم على السفرة والله مهوب راد عليك
وليش الحنة والبهذلة اللي أنت مسويتها الرجال يبي يروح ينفه عن نفسه يغير جو يبي يرجع لأيام العزوبية وهذا من حقه ومهوب كل عزابي يسافر معناته أنه داشر وأنه يبي يخربط والله أعرف عزابية كثير يسافرون عشان ينفهون عن أنفسهم |
حطي ايدك على راسه قبل خروجه وقولي
اللهم اني استودعتك زوجي اللهم اني استودعتك قلبه اللهم اني استودعتك عقله ودينه وعرضه وامانته وخواتيم اعماله اللهم اني استودعتك سمعه وبصره وفؤاده وفرجه الى قيام الساعه اللهم سخره لي كما سخرت البحر لموسي والرسول صلى الله عليه وسلم لعائشه واجعلني احب الناس الى قلبه |
يابنت الحلال
لاتضيقين على نفسك خليه يروح ويتمشى مافيه مشكله حتى لو كان رايحين قبل اسبوعين يمكن قال لاصحابه عن رحلتكم وقالوا ليش ماتاخذنا بعد وتصير صاحبنا في السفره بما انك حديث عهد بدبي وسعي بالك واستودعيه وخليه يصير عزابي وانتي كمان ارجعي لحياتك قبل الزواج ولاتنسين الرسايل المشوقه والمكالمات الغراميه ووسوي مفاجاه اذا رجع بلوك جديد لنفسك وبيتك وسوي له حفله بسيطه بمناسبة رجعته لك بالسلامه وهونيها صدقيني بتهون هذا الرجال ماعندهم لف ودوران اذا بغى يروح ماحد يوقف في طريقه لو امه يجيب مليون عذر ويمشي واذا ماابغى يروح والله لو يجتمع عليه مليون ماغيروا رايهم اصبري واحتسبي واما قرايبك مالهم دخل في حياتك راح زوجك او ماراح واللي بيتكلم يتكلم حطي اذن من طين واذن من عجين ولا كانك سمعتي شئ اهم شئ حياتك ورضى زوجك تقبلي تحياتي |
اقتباس:
ايه ...بس هناك كل شي مفتوح عيني عينك..زلاهيئه يخافون منها ولا شرطه ولاحكومه...ولافضايح وسمعه محد يعرفهم...مرتاحين ومطمئنين لكن هنا يمشي وهو خايف.حد من اهله يشوفه... شفتوا الفرق بين هنا وهناك...يالي تقولون الي يبي الفساد يلقاه هنا.. وانتي يااختي...الله يعينك ..اذا هو خلاص حاجز ومخلص اموره مافي امل تردينه عن سفرته لكن اذا لسا ماحجز ولاسوى شي ادعي ربك واستغفري انه مايسافر وان ربي يصرف عنه الشباب العزوبيه.. وتاكدي انه فعلا مسافر دبي ...لانه احتمال يكون مسافر دوله ثانيه..وبصراحه 200 ريال قليله على الاقل 1000 ريال تمشين نفسك فيها وتشترين شي حلو تلبسينه وتستقبلين فيه زوجك لا جا من السفر..اقنعيه يزود المبلغ اذا ملزم على السفر.. |
الله استغرب منكم ياحريم
تتزينله لما يرجع من السفر عشان يتعود ويكيف عاد يجي مشتاق الاخ وينبسط والله مااتزين والله لغير اقابله برسميه وانا صاده وزعلانه بعد عشان يحسب الف حساب انه مايعيدها واتحجج بزعلي انه كيف قدر على افراقي انا وعياله الايام الي فاتت وان هالايام انا اولي فيها من اصحابه والله ماارسله لا رسايل حب ولا غيره وبعدين مستحيل يرجع اعزوبي وهومتزوج يعني اذا سافر هل يومين يبي يحس انه اعزوبه وترجع ذكرياته مستحيل اصدق |
نصيحة اخت لاختها
لاتخليه يسافر الا وانتي معه لاتفتحي له ابواب الشيطان <<<<<< وحده ذاقت الامرين من سفر زوجها |
اقتباس:
وصدقيني ماتفرق مع اي زوج وهو مسافر للترفيه ارسلت زوجته ولا ماارسلت وماراح يتاثر بعدم الارسال ويقول خلاص مابسافر ثاني عشان زوجتي مارسلت رسايل حب.. .و هل تتوقعين لاقابلتيه برسميه وصاده خلاص مابيعيدها.ويحسب حساب الزعل والصد..لا طبعا.. مو انتي اصلا زعلانه من قبل لايسافر وهو عارف ولاحسب حساب وعاند وسافر بس لازم نكون متزينات وفي احسن صوره حتى لو زعلانين. وصادين..مو معقول اقابله مبهذله وهو جاي من سفر وشايف حريم اشكال والوان.. |
اختي مالك الاالدعاء اختي زوجها كان يسافر دايما وصارت امي تدعي ان زوجها معد يسافر والحمدلله زوجها معد سافر ادعي اختي بالليل وتاكدي ان ربي بيستجيب لك
|
اختي ليه الغرور انا قصدي يعني اضلني على طبيعتي اكيد اتزين زينتي العاديه بس ما اعمل شي سبشل او شي جديد بشكلي عشانه رجع من السفره
|
اقتباس:
اما نسويله حفله وليله رومانسيه...يخسي مابقى الا هي...تصدقين بعض الزوجات تجهزله هديه تفاجأه لاجا من السفر..مثل .قريبتي تسوي كذا هديه وليله رومانسيه وهو مايذكرها بشي يجي يده فاضيه ولايتصل عليها وهو مسافر...مالت عليه مايستاهلها..واحيانا يطنش الليله وينام يقول تعبان ماني فاضيلك على حد قولها |
الله يعينك الرجال لاقال بسافر سافر ....
الافضل تقولي له ..انا بسمح لك تسافر عشاني احبك ابيك تتونس مع ربعك اللي تحبهم اكثر مني بس ابيك توعدني ماتعيدها وماتسافر بدوني بعدها.. بس على فكره ..دبي مافيها مراقص ودعاره لانهم وقفوه من زمان .... حسب ماسمعت طبعاً مافي الا البحرين والحمدلله منعو السفر عشان المظاهرات |
اقتباس:
والله قاعده ادعي ومن فتره انقطع عندي النت تو رجع عندي الأتصال اليوم الله يعين الرحله أتأجلت لظروف واحد من اصحابه بس مافيه امل انهم يشيلونها من روسهم وان ماراحوا لدبي بيروحون شرق اسياء مشكوره على الرد ياقلبي جزاك ربي ألف خير:d |
اقتباس:
يقهر وبس بيقرب يخلص الشهر وانا احاول فيه وهي كل مالها تتأجل ان شاء الله تنلغى يارب يبغى يروح مره ثانيه يغير جو من رب اسره لعزوبي لمسؤول ومن هالأشياء ع قولته مايبي روتين واحد يبي يغير جوو مشكوره ياقلبي |
اقتباس:
ماشاء الله تبارك الله مافيه احلى من الراحه والأنسجام بين الأزواج جزاك الله ألف خير يعطيك ألف عافيه |
اشكركم جميعا على تفاعلكم وجزاكم الله ألف خير وخلاص كلها كم يوم ويسافر الحمد الله كل مالها تتأجل لما تنلغى بإذن الله الواحد الأحد والعزم في الصيف لشرق اسياء ياربي من هالصحبه يارب ان كانوا صحبه سواء انه يصرفه عنهم ويصرفهم عنه يارب |
| الساعة الآن 05:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©