|
اصبحت انسانه 2 من كثر استغفرالله ساعدوني
السلام عليكم
لاأدري ماذاأقول وبماذا أبدأحديثي فإني أشعر بمشاعر مختلطه لاأفهمها فأود منكم أخذ يدي بدون جرح أو إستهزاء فنحن هنانطرح أوجاعناللفضفضه والبعض لإيجاد حلول والبعض يريد أن يشعرأن هناك من يأيده لاأريد تجريح أو إستهزاء فقد وقعت عيناي على كم رد جارح فأتمنى أنني قد وضحت أبدأموضوعي بمعلومات عني عمري 27 متزوجه لدي طفله من زوج سابق سبق لي الطلاق منه تزوجت زوجي الاول واناصغيره بالسن وكنت اعاني معه مشكله العقل الصغير لايتفهم وضعه ويكبر المشاكل ويزعل على أتفه الأسباب ويطلق كثيير برغم حبه لي بس اناأؤمن بقاعده ان الحب وحده لايكفي كان إنفصالي منه خلع وليس طلاق ومكثت بعده 4 سنوات تقدم لي كثييير ولاكن كنت ارفض إلا ان بلغت بنتي سن 7 وتحقق الشرط اللي عليه ان طليقي يأخذ بنته وتقدم لي شاب سبق له الزواج وطلق وماخلف من طليقته عنده مشكله وقبلت به ورضيت ويعلم الله إني دخلت عليه زوجه كأن لم يسبق لي الزواج لاتخطيط لا مكر على نيتي وكنت طيبه وجدآ متسامحه ولاكن للأسف هوه عصبي ويقلب الكلام بكيفه ويألف قصص والله ماقلتهايفهمني على فهمه مو على قصدي ولاحتى يتفاهم لوتزاعلنا ويحب يطول الزعل على اسباب تافهه تمتد لشهر وانابطبعي حنونه رومنسيه اجي لمن عنده يدفني يقول ذحين ابعدي اسيبه اقول يمكن يجي تاخذه العزه يسيبني بالايام وهوه ايم بره بحكم عمله انااحب النقاش واحب اسلوب الحوار وهوه احيان يتكلم بس إذا اناجيته وعلى مزاجه مايقدر جيتي له بأي وقت لاء اناماأمدح نفسي بس فيه من الوعي كثيراحب احضردورات تثقيفيه عن الحياه الزوجيه لاكن الحمدلله على كل حال المهممع الايام اصبح يحبني ولاكن ايضآحب لوحده والمصيبه اللي دمرت نفسيتي إن اهله ناس طيبين ويحبوني ومن كثر ماينقل الكلام اصبحويجرحوني ويعادوني ماألومهم ألوم العدو اللي كان معايه والله مني زي الحريم اللي تقول أهلك سو وسو لإني احبهم بصدق وصفا نيه عموم في اليوم يروح لهم مرتين والنشره عندهم كل كلمه صغيره وكبيره اخواته يقولولي وانا عشان ماسوي مشاكل ماأقوله اخواتك قالو اكتمهابصدري بس اجيبهابأسلوب 2انه عيب تطلع مشاكلنابره الاحداث كثيييره و لاكن النهايه مع كثرالكلام فرق اهلي واهله برغم ان العلاقه كانت طيبه يدفني يخنقني ولمن سكت له زاد وصار يقول هذا موضرب الحريم ينضربون وصابرين وانتي على دفه ولارميه سويتي فيها ومو من حقك تشتكين زودها تخيلو اشتكيت على اهله هوه مااشتكيت على اهلي ورجع عادها وآخرتها اشتكيت على اخواني جو واهانوه فبيته ونفس الشيء دفدفوه ماضربوه راح اشتكى على الشرطه والادعاء العام عموم خرجني هوه من البيت وذحين لي شهر عند اهلي مابغا رجعته ونفسيتي تعبانه طلاق للمره2 برغم اني حلوه وصغيره ومتعلمه وطيبه بتقولون تمدح نفسها اقولكم والله بشهاده الكل وحتى هوه مايبغايطلق يبغايعلقني ويقول هاتو فلوسي اتفقو الرجال يردون له جزءمن مهره وبعدها طنشو ولاشيء لاطلق ولااهله رده خبرويرسلي ارجعي قبل يومين واليوم تفاجئت دعوه اخواني للادعاء بانه يبغاحق منهم وهو يدري ان اخواني كيف طيبين وياماسامحوه ولاكن زعل على نفسه ولاانا انضرب عادي مااشتكي النهايه وبكل صراحه استغفرالله بعدماكنت ملتزمه مو مطوعه صرت اسمع اغاني صرت اكلم شاب والله احس بضياع تضارب نفسي بداخلي ماكنت كذا واكره الشيء هذا صرت انسانه 2صرت أؤمن ان الزواج التقليدي فاشل لازم الطرفين يفهمون بعض ساعدوني ولو بدعوه عن جد مخنوقه والله مو حسد لاكن اللي خبيثه واللي لئيمه والللي هيه اللي عايشه واللي طيبه وعاقله وحلوه مالها حظ لاتفهمون كلامي اعتراض لا بس زهقت من المثاليات اللي كنت عايشه عليهااحسهامافادتني وآخرتهاخرجت بسمعه وطلاق للمره2 ربي رحماك ادعولي بالثبات مو بس الهدايه لإن الثبات اصعب |
الله يهديك ويثبتك ويعينك لكن ليش لجأتي للمكالمات مع الشاب تكفييييييييين أبعدي عنه روحي للي بيعينك ويفرج همك أكيد لله وحده تخيلي اخوانك يعرفون وش بيكون نظرتهم لك ؟؟؟؟؟؟؟؟ هاذي أختنا اللي ندااافع عنهاا وزوجهااا مشتكيناا في الشرطه قاعده تعيش قصص حب !!!!!!!! وعن قصة مطلقه للمره2 عاااااااادي أهم شي تكونيييين مرتااااحه مو في مشاااكل وهم وأهم شي ماافيه أطفاال وأنا معك في كلامك ان فيه حريم لئيمات وخبيثاات ومبسوطين لكن انتي تشوفين بدايتهم وبس والنهااايه مااندري وش بتكوووووون ,,,,,من تجربتي أقولك الاستغفااااار والصلاه اخرالليل الله يفرج همك ويبعد عنك أولاد الحرااام ويرزقك من حيث لا تعلمين
|
لا حولة ولا قوة الا بالله
استغفري الله يا اختي واستعيني بالله اتمنى انه ربي يفرج كربتك ويرشدك للطريق الصواب |
يابنتي انتي في اكتر وقت دلوقتي محتاجة فيه ربنا ،، ليه مقيدة حالك اوي كدا ،،
انا معاكي انتي محتاجة فترة تخرجي من كل المشاكل وتتحرري وتتدللي بس مش التحرر السئ ،، ليه ماتفكريش في حاجة تخفف الضغوط من عليكي بدون غلط وبعدين يابنتي انتي اتجوزتي مرتين بالحلال يعني مرغوبه ،، في بنات ماتجوزتش ولا مرة ووصلوا للاربعينات طيب دول يعملوا ايه في حالهم على الاقل عندك بنت وشفتي معنى الامومة وجربتي حظك وربنا هيعوضك خير بس الجئيله وحاولي تبعدي عن كل المؤثرات والعوامل السيئة ،، تفاءلي خيرا بجد ،، الحمدلله على كل حال |
الله يفرج همك ويريح قلبك.. الطلاق للمرة الثانيه مو معناته انه كل الغلط عليكي.. الزواج نصيب والي يفكر غير كدا .. الله يعينه على تفكيره.. ادعي الله انه يفرج همك.. ويعوضك ان شاء الله عندي ليكي سؤال.. هل زوجك الأولاني متزوج؟ |
الله يهديك يااختي...ويثبتك..
الحين فكري في بنتك وحاولي تجيبيها تعيش معك ..على الاقل تملى عليك الفراغ الي انتي فيه |
عزيزتي ..........
انت متضايقة التجئي لرب السموات والارض وهو من سيفرج همك لكن تذهبي لطريق السوء فهذا لايرضاه الله سبحانه وتعالى وانتي من كلامك احسست بانك انسانة عاقلة وطيبة وتخافي الله فالشيطان اتاك من هذي الطريق فاستعيذي بالله منه لان هذا الطريق مهلك وهلاكه وعواقبه اكثر من الطلاق ............ |
الأخت الفاضله ...
اقتباس:
لم أفهم هذه الجزئيه كيف كان زوجك الأول يطلق كثير ثم خلعتيه ؟ طلاقه الكثير كان كافي للإنفصال بدون خلع . اقتباس:
ثم اكتشفتي أن عقله صغير . ثم تزوجتي رجلاً آخر : اقتباس:
ثم اتجهتي للتعرف على شاب وتكلميه . اقتباس:
راجعي أخطائك من بداية زواجك الأول وضعي يدك على الأسباب الحقيقيه لفشل زواجك الأول والثاني . |
الله يثبتني ويهديني
|
إلى كل من رد عليه ولو بحرف اسأل الله يرزقكم راحه البال والله إني تعبانه نفسيآ لإني ماأحب الغلط وعمري مارحت للحرام والشاب اللي أكلمه دايم أقوله سيبني انامابغا الغلط اناعندي ضمير بس تايهه متخبطه أعترف ولاابغااستمر واكثركلامي فضفضه ادعولي بظهر الغيب نفسي أستقر وأحس بالأمان في حياتي واللي قاهرني ومضيعني زيادهكلام زوجي ماراح اطلق ليه اتعذب واناعنده وكمان اعيش له حتى وهوبعيدتقولون روحي المحكمه مو بالساهل إجرائاتها وعندنابالسعوديه الرجال بسهوله يقدريعلق الزوجه ولمن يجي وقت القضيه يقول قدام القاضي ابغاهاوهو كاذب فهذي الحاله اقول للقاضي مابغاه قال رجعي حقه هذا توضيح لسؤالك اخي ابوحكيم الاول نكرطلقاته وحلف وفي النهايه خلع واخذفلوسه وال2عشان عرف القصه قال الاول مو احسن مني أخذفلوسه بعدعشره سنتين ونص وجبتي منه بنت وانا سنه ونص وماخلفت هاتي مهري فكل المرتين اخذت رجال عقولهم صغيره ماتراعي الود والمعروف حتى بعدالطلاق برغم اني ماحاولت اقطع علاقتي بأهله ومجاملتهم إعتبارللعشره وهو ودا اخواني شرطه وذحين يقولي اخلعي نفسك اشرايكم الحمدلله على الحظ وطليقي الاول يحاول يرجعني يقول والله ماألقى زيها وابغاهاألين أموت وزوجي ال2 عرف بكذا وتمسك زياده انه مايطلق وانااللي ضعت بالوسط كم تمنيت من صغري رجل يكبرني ولومتزوج حتى اعيش معه بسلام ولاكن حظي اني اخذت شباب يكبروني ب3 4 سنوات مع احترامي للرجال بكل الاعمار يارب خارجني على خير وعوضني وردني لك رد جميل بماانكم ماتعرفوني فلامانع لإن اقول لكم والله احب فعل الخيرومساعده الناس لدرجه اني اروح مناطق لااعرفهاومخيفه ولاكن حتى اقدم مساعدات وصدقات انسانيه من مجهودي الشخصي كثييير من النساء والعجائز يدعولي وفي مره تاثرت بدعوه رفعت عجوز يدهاللسماء وظلت تدعي قاطعتها واناابكي قلت قولي الهدايه والثبات
قالت لاوالله هذا الوجه الطيبماظن يعرف الغلط ولايرضاه تأثرت كثيييير لإن فعلآانامااحب الحرااام وخايفه لو استمريت معلقه يمكن انجرف ليه القضاه مايسرعون الاحكام حرام عليهم احتاج لزوج يعوضني اللي خسرته امابالنسبه لبنتي طليقي رافض يجيبهااوحتى اسمع صوتها والله اشتقت لها دايم اتحلم فيهاوهي ماشاء الله تدرس حتى النجاح كل الامهات مع اطفالهم واناتمنيت بس لو اقولهامبروك رافض إلا لو ارجع له وانارافضه لإنه مابغااعيد المعاناه الاولى مااقول غير من كل جهه وادري ان الله اذا حب عبد ابتلاه حتى يمحصه ويبغايسمع صوته اول كل يوم اصلي الليل واقرأ البقره الآن بالنادر وخايفه تروح مع الذنوب كل هذي العبادات ادعولي دايم ارجوكم |
يا أختي الكريمة :
أنا سويت نفسك بعد ما سوت فيني زوجتي الي ما يتسوي و طلبت الطلاق وانا كنت اموت في فيها واحبها حب جنوني والله اني كنت أحس قلبي مخلوع من صدري . رحت ادخن اول بكت دخان بحياتي بس ادركت أن انا المتضرر بالاخير من الطريق السئ وكان اول واخر بكت دخان علي فكرة أنا يا أختي ببلد غير مسلم يعني لو ابي اسوي شيء بسهولة ما احد بيدري بس الواحد ما يظمن الخاتمة يمكن تكون النهاية وبيدك الجوال تكلمين. الدنيا والله ما تسوي جناح بعوضة و انتبهي لمستقبلك الحقيقي بعد الموت ولا تنسين ظلمة القبر و الدنيا لو تسوي شيء ما كان الرسول صلي الله عليه وسلم انسحر و لا اصابته ايصابات في غزوة احد لانه حبيب الله لكن الدنيا ما تسوي ظفرك . اهم شيء العمل الصالح والله يقول في الحديث القدسي "" انا عند ظن عبدي بي فليظن بي ما شاء "" فظني بالله الظن الحسن وشوفي النتيجة . أختي لا تغرك الدنيا فالله لا يقدر شرا محضا ولكن "" عسي ان تكرهوا شيا و هو خيرا لكم "" الله يربط علي قلبك و يقوي ايمانك الله يصلح عملك و سريرتك . اكثري من قول لا حول ولا قوة الا بالله . انا اشعر بشعورك و اعيش تقريبا نفس حالك اهم شيء كوني قريبة من الله وشوفي اش راح تحسين فيه . |
اخي حياه افضل مشكور على الكلمات اللي كانت بجد بلسم على جراح قلبي الله بثبتني ويثبتك
|
((فعلآانامااحب الحرااام وخايفه لو استمريت معلقه يمكن انجرف ليه القضاه مايسرعون الاحكام حرام عليهم احتاج لزوج يعوضني اللي خسرته) اختي الغاليه اول شي لازم تسوينه تتوبين الى الله عز وجل وتوقفين علاقتك مع الشاب وتصلحين مابينك وبين الله من اجل ان يصلح الله مابينك وبين العباد..وكلامك اللي فوق يخوف شوي كيف تخافين تنجرفين اذاطول الحكم وانك تحتاجين لزوج ..حتى وان طلقك زوجك لن يكون هناك زوج جاهز على طول لا تحطين هالشي في بالك حطي بس مخافة الله في بالك ومتى ماربي كاتبلك زوج بيجيك (كلامي في حالة طلاقك) ولو تسمحين لي بسألك علاقتك بالشاب متى بدأت؟ وانا معاك ان كثير من الزوجات اللئيمات يقدرون ياخذون حقهم ويلعبون بعقول رجالهم ويحولون كل شي لصالحهم بس بالاخير احنا نتعامل على ما اتربينا عليه على الطيبه وحسن الخلق مع الكل حتى اللي يغلط في حقنا ... يمكن مشكلتك مع زوجك سببها الاقوى ان مافيه حوار والله مشكلة اذا ماكان فيه حوار او احد الطرفين يتمسك برايه انه هو الصح ويفرضه على الطرف الاخر والا تقبلين فيه غصبا عنك حتى لو انه عارف في قرارة نفسه انه غلط الله يكتبلك الخير يارب واعذريني اذا زعلتك بشي او ضايقتك |
اختي زحمه ذكريات والله بالعكس كلامك عين العقل وهذا اللي اعرفه من نفسي قبل لا اصير بهذي الحاله تحسبين اني راضيه عن نفسي لا والله ودايم ابكي مو على حالي على علاقتي بربي كيف صارت
وبعدين اناعرفت هذا الشاب سامحه الله زوجي من كثر مابيني وبينه جفا ومابقي طريقه غير احاول اتوصل لحوار بيني وبينه يصد عجزت حسيت باليأس تخيلي مابقي طريقه الا سويتهاحتى عتابي اكتبه بورق واحطهابجيبه اذا راح الدوام ابغاه يقراها يأست وتخبطت مابقي استشاريه اسريه الااتصلت ابحث على حلول لإن مشاكلناتافهه وتكبر بعدم الحوار لجأت لمن عنده خبره مابغاأذكر الطريقه فأصبح يساعدني من فتره لفتره والله كان القصد الإصلاح فجأه لقيت زوجي تخلى ومالقيته الاهو امامي ويدرك ايجابياتي احسن من زوجي قهر كنت لمن اسمعه يقول انتي فيك اشياء رائعه والله ماافرح ابكي لإني اتمناهامن زوجي فقط وبس عندها حسيت باحساس ان الحب اوعلى الاقل الاهتمام من الطرف الآخر يشعرك بقيمتك اغواني الشيطان لي الآن اسبوعين ولاكن هذا الرجل تعلق بي بشده يقول والله مو عارف قيمتك حراام عليه ويقولي على الاقل كلميني من وقت لإخر واناارفض فهمتيني ضغط نفسي ومن جهه هناك من يسأل ويعطيني شيء والله مابغيته إلابالحلال تصدقين ياماكنت ألوم اللي تكلم شاب وأصبحت كذا يارب التوبه اتعبني تأنيب الضمير |
اقتباس:
ومن كلامك واضح انك انسانه شاعريه وتحبي تعيشي في الخيال يمكن انتي من النوع الهادي الي يحب يعيش بهداوة وحياة مستقرة بدون مشاكل ولا وجع راس وعلى قولتك انتي تبغي تكوني انسانه مثاليه وتبغي تكوني ذات شخصية مستقلة انا اشوف انك انتي فعلا ً مثالية لكن يمكن ما تحسي بهذا الشي باين انك تتبعي قلبك اكثر مما تتبعي عقلك هذه مشكلة عند ناس كثيرين خصوصا ً النساء انصحك انك تقرئي وتتعلمي وتطوري من مهاراتك وتتعرفي على صحبه خيره يكونو عون لك عيشي مثل ما انتي تريدي مو مثل ما الناس يريدون وكوني واقعيه مع نفسك كلامك وردودك تدل على انك انسانه فيكي خير وتحبي مساعدة الغير وهذه في زمننا هذا تعتبر مشكلة في الشخص اذا ما احسن التصرف الله يوفقك اختي ويطمن قلبك |
أختي تذكري إبتلاء الأنبياء كم كان عظيما تذكري إمتحان الصالحين كم صعبا لكنهم يصبرون وهم يحملون الرسالة بكل طيب خاطر لانهم يعلمون ان الله اذا أحب عبدا ابتلاه فلا تفقدي حب الله بحلو كلا م الشيطان أصبري وأعلمي يقينا ان بعد العسر يسرا
عليك بالصلاه وقراءاة القران عليك باختيار من تصادقي في هذه المحنه فانها زمن الصديق الصالح ونسال الله لك بكل قلب مخلص الثبات والهداية اميييين |
| الساعة الآن 06:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©