أيهما أكثر وفاء الرجل أم المرأه ..؟
 

يا أختي أنا أقول حديث الرسول صلي الله عليه و سلم "" .... رأي تكن أكثر أهل النار قالوا وما ذاك يا رسول الله قال لإكثاركم اللعن و اكفارنكم العشير"" يعني يمكن يسوي الرجل الي ما يتسوي ولابسط موقف بكل بساطة وشفنا منك . هههههههه باردة مبردة يعني لو ما يخاف الانسان من ربه كان يذبحها

انا ما اقول كل الرجال ولا كل النساء . من خلال تجربتي امي مع الوالد الحمد لله ما احد يبي فارق الثاني و الوالد عمره بالثمانين والوالدة بالستين .
ارجع واقول الكلام بالتربية كل واحد علي ما تربي.

هههههههههههههههههه
لو جيتي للرجال يقولوا نفس الكلام , بس سوالف الحريم تضحك
والله شوفي ممكن هم يقولوا كذا لكن لو جيتي لوقت الجد تلقينها تحبه من قلبها
لانو اساس الاسرة هي المحبة لو فقدت راح تشوفي هذه الاسرة مبهدله ومفككه
ومادام هذه الاسرة متماسكه وفي رابطه بينهم اعرفي انو في حب مابين الزوج والزوجه
لان الحب مثل الاساس لو انكسر راح ينكسر كل البيت
اما من الوفي اكثر مافي احد احسن من الثاني
^_^

قبل ان نحدد من اوفى من الاخر ..

لابد ان نحدد ما مفهوم الوفاء عند كل منهما ؟!

فقد يكون للوفاء عند المرأة مفهوم مختلف عن الرجل ..

"وهذا بالتأكيد" ..

لذا فكل منهما وفي بمفهومه ..

بصراحة السؤال محد يقدر يجاوب عليه..

لكن اللي نقدر نقوله:
رجال ونساء في منهم الوفي وفي منهم ناكر للجميل .. وغداااار..

ممكن الزوجة تضحي بوقتها ونفسها وفراغها ومالها لزوجها..
والنتيجة يخونها.. ولا يتزوج عليها ويظلمها!!
وممكن يشوف له شوفه ويطلقها..
وهذا وارد وبكثرة.

وممكن يكون الزوج مضحي بكل اللي عنده وأهم ماعليه زوجته..
وطلباتها أوامر..كل اللي تبيه يحصل لها.. تعيش عيشة الاميرة

وتصير هي أساسا مو متزوجته لسواد عيونه:25:

تكون متزوجته لفلوسه.. مجرد ما تنهبه هي وأهلها..
أو يفلس نكدت عليه وطلبت الطلاق!!
وهذي برضو موجودة..


فالجواب على هذا صعب حصره بمين أوفا ؟؟

وبيني وبينك.. الوحدة تعرف زوجها من خلال عشرتها معاه..
إذا كان وفي ولا لا..

ممكن الزوج ماتوضح له صورة زوجته بشكل واضح..
لأنه غالبا الازواج مايركزون إلا على الظاهر..
أهم شي متطلباته موجودة البيت مرتب عنده زوجه تلبي له رغبته..
خلاص ما يركز بالاشياء الثانية..

عكسنا حنا الحريم نفصفص الرجال تفصفص.
مانخلي صغيره ولا كبيره إلا ومدخلين خشومنا فيها.. :d

في حالة وفاة الزوجه او الزوج ..كثير مايتهم اذا تزوج من بعد الوفاه بعدم الوفاء

يعني لما تموت الزوجه ويتزوج بعدها زوجها...هذا مو لانه غير وفي...يمكن يكون يحب زوجته وحزن على موتها حزن شديد..

الرجل يتزوج لحاجته الماسه لوجود زوجه في حياته...مهما حاول انه مايتزوج بعد زوجته المتوفيه راح يجي يوم ويتزوج غصب عنه..

اما المراه اذا توفى زوجها..ممكن تتزوج وممكن لا.لان المراه تستطيع تدبير امورها بنفسها فهي تغسل وتطبخ وتربي الاولاد وممكن تعمل
.و احتياجها للرجل اقل بكثير من احتياج الرجل للمراه
والخلاصه......الزواج بعد وفاة احد الزوجين ليس دليل على عدم الوفاء..

الوفاء على حسب شخصية الانسان نفسه..رجل او امرأه..ولو كان الشخص من طبعه الوفا راح يوفي لزوجته ولامه ولصديقه ولاخوه. ولكل الناس .ولايقتصر وفاءه لشخص معين..

والنتيجه مافي احد وفي اكثر من الثاني كلهم متساوين..يعني مقابل 10رجال اوفياء بيكون 10 نساء وفيات

ومقابل10 رجال ناكرين المعروف بيكون 10 نساء ناكرات للمعروف

أنا أقول إن الوفاء يأتي عن طريق الحب الزوجه إذا أحبت زوجها حب حقيقي فشئ أ كيد بأنها بتكون وفيه معاه في حياته وبعد مماته وأنا زوجي عنده وحده من خالاته تزوجت برجل وجلست فتره ماحملت فلما راح يسوي فحوصات طلع زوجها عقيم فصارحها بذلك وخيرها بين البقاء معاه
وفراقه لاكنها رفضت فراقه وعاشت معاه مايقارب 15سنة وأصاب زوجها مرض وأقعده فترة من الزمن وعقبها توفي عنها وكانت في منتصف العمر وبعد إنتهاء عدتها تقدم لها الكثير من الخطاب ولاكنها رفضت الزواج من بعد زوجها نهائيا والآن عمرها يقارب 50 سنة ومازالت تعيش على ذكرآه
فشوفوا الإمتحان من عند الله أول شئ زوجها طلع عقيم وبعدها أصابه مرض وأقعده وقامت بخدمته وبعدها توفاه الأجل فصبرت وإحتسبت وأنا والله لم أرى في حياتي زوجة وفية لزوجها مثل تلك المرأة ودائمالسانها يلهج بذكر الله وماعمرها جابت سيرة زوجها إلا بكل خير طبعا هاذا مثال لفئة من النساء وبالنسبه لرجال كان عندنا جار لنا ومتزو ج وزوجته مخلفه له 10من الأبناء وقدر الله عليها وأصيبت بمرض
الضغط والسكري وجلست فترة على العلاجات وفجأه حالتها الصحية تدهورت وأصابتها جلطه وكانت لاتستطيع حتى أن تقضي حاجتها إلا بمساعدة زوجها ولاتقدر توقف أصابها شلل نصفي عندها يد ورجل لا تستطيع تحريكها نهائيا وزوجها ماقصر كان موظف وقدم تقاعد علشان حالتها وجلس معاها ومع عياله والمشكله ماعنده بنات كبار يساعدونه بالبيت ماعنده إلا بنت واحده صغيره والباقي أولاد وزوجته ماعندها أحد من أقاربها فجلس زوجها في خدمتها ورعايتها كان يركض بها من مستشفى لمستشفى خاص وحكومي بين العيادات وأقسام العلاج الطبيعي ومن شيخ لشيخ يرقونها كل ماسمع عن شيخ يقرأ الرقيه في أي منطقه أخذ زوجته وسافر له علشان يقرأ عليها وبعد فترة حدود سنتين إبتدت توقف وتمشي على أقدامها وتحسنت حالتها والحمدالله صارت طيبه طبعا زوجها ماقصر بحقها ووقف معاها في ظروفها وهاذا يعتبر وفاء وتقدير منه لزوجته فهو لم يرميها وراح يتزوج غيرها بحجة إنها مريضه وغير قادره على الوفاء بحقوقي وقفته معاها أثناء مرضها يعتبر وفاء منه لها
فهاذا نموذج لبعض الفئات الأوفياء من الرجال طبعا بعض الفئات تكون آنانية شوي وتحب نفسها أنا عندي صديقه تقول لي إن زوجها دائما يقول لها إحلفي لي وعاهديني على المصحف إني لو مت قبلك إنك ماراح تتزوجي من بعدي وتقول مجننها بأسألته بإستمرار عن حالها بعد وفاته وبالنسبه للحريم ماننسى سالفة الحرمه إللي قالت لزوجها لاتتزو ج من بعدي حتى ينشف قبري وكانت موصية أخوها كل يوم الصباح يجي يرش قبرها بموية علشان لما يجي زوجها يزور قبرها يشوفه باقي مانشف عاد الله العليم هي هاذي السالفه صدق و إلا كذب أنا شخصيا أشوف إن الوفاء مولود من الحب وصدق المشاعر بالنسبه للأزواج فالإنسان إذا أحب شئ بصدق وإخلاص فمن الصعب أن يتخلى عنه أو ينساه بسهوله و قد تجد نفسك دائما في أولويات ذلك الشخص المحب الوفي و في محطة إهتمامه ومهتم بسعادتك وراحتك من جميع الإتجاهات وفي كل الأحوال ولو تطلب عمره قال فداك ولوتطلب عيونه قال ما تغلى عليك .
لاتظلمونه معليش قرقر واجد كتير بس موضوعك يخلي إللي مايقرقر يقرقر وإللي يقرقر يخرط الدنيا كلها فالعذر منك على الإطاله وجزاك الله خير يالغلا على الطر ح الطيب وسلمي على جارات أمك كلهم
وإنتبهي ترى وأنا أختك ماكل مايقال نصدقه من مجالس الحريم .

بصراحه اعترف لك من مجتمعي كانت تيجيء قصص تفور الدم قبل زواجي طبعا !!

المهم
فصار عندي ان الحريم فيهم الوفااااااااء ياحليلهم
والرجااااااااااااااال يالله مايصدقون تطيح بلفراش مثلا ويروح يدور ع الثانيه

ولكن
يوم تزوجت تغير فكري ماادري كذا
يمكن من قراتي للمنتديات الزوجيه ومنها الاسره والمجتمع
اجد نساااااء اعوذ بالله يشكي زوجها من تصرف معين بها او خيانه وووالخ
القى نساء بمجتمعي بعد زواجي يوم صرت اجلس ونسولف عادي فااستعجب من تفكير بعضهم تفكر بنفسها اكثثثثثثثثر من زوجها وراحته
الاهم هي وبس ووظيفتها فتطلب الطلاق ! والسبب رفض خروجها مع السائق وقال انا ابوصلك ..هل هذا سبب مقنع لطلب الطلاق (قليلة وفاء بنظري وزوجها محترم ولا يرضى خروج زوجته بدون محرم او مع السائق لحالها )!


واحده اخرى كاتبه كتابها وقرب زواجهم وجاء ع زوجها حادث فصار مقعد ع الكرسي وقرب الزواج فاارسلت مسج له طلقني !!! السبب متفشله من ان زوجها معاق (هذا قلة ادب ووفاء لزوجها اللي غمرها حب وحنان ) وللاسف سمعت عن صديقتي انها تزوجت واحد بعده وبعد 7 سنوات للاسف جاء ع زوجها حادث فااصبح طريح الفراش وهي من تخدمه ومعها 3 عيااااااااال .!!! صدممممممممممممممه يوم سمعت وهلحرمه انا اعرفها كانت امراءه لها ذوقها وهواها وعايشه لنفسها فقط وبعدها انقلب حالها اعرفها طبعا من بعييييييييييد .

واحده اخرى عاشت مع انسان فقير نوعا ما او ع قده وهي (بحرينيه ) كانت معيشه زوجها بظلم لايعلم به الا الله وهو صابر معها يحاول يهديها وتحمل والنهايه طلقها بطلب منها وبعد كم سنه تزوج وهي باقي مطلقه وجتها هي وامها واخوها ماادري من مصائب لااحبذ ذكرها ! وزوجها تسمع مع عيالها عايش براحه وسعاده وهي تقول واضح انه مرتاح فااعترفت هنا انها ظلمته لاجل الفلوس والناس مايشوفون حالتهم فااعتذرت له وناااااااادمع جدا جدا جدا ع مافاتها من لحظات حلوه لم تعيشها معه !

وفي رجال والنعم فيهم اذا مرضت زوجته يلف فيها الدنيا ويبحث ويقعد ع الاقل مع اطفاله لاجل تتعالج زوجته
وترجع له سالمه وبعافيته ..

واعرف واحد من جماعتي والله ان زوجته قعدت ع جهاو تنفس لاتستطيع مفارقته ابدا ابدا ولا الخروج بدونه فصبر 7 سنوات قايم بها ومحترمها ولم يتززززززززززززززززززوج خاف ع مااظن على مشاعرها رغم ان وحده من اخواته هداها الله قعدت اخر 4 سنوات تزن عليه فحصل خلاف بينها وبين اخوها اللي زوجته تعبانه والسبب لانه رفض وبعد وفاتها بسنه خطب والسنه الاخرى تزوج والان معه ولد من غير عياله من زوجته الاولى الله يحفظهم له ..
(وفي رجال للاسف اني اقول رجال يخون زوجته وهي بفراش النفااااااااااااااااااس ولا بس راحت شهر ولا كم اسبوع لااهلها تغير جو وهو للاسف يشجعها وترجع وتنصدم انه خانها !
والسبب هل هو نقص او شيء لا بس لعب علي الشيطان وياخذون كلمة هلشيطان عذر لاجل تسكت ! قوي ايمانك وابعد نفسك تذكر ربك سبحانه انه هو العالم بك وبفضيحتك ينتظر ويتمادى الى ان تكشفه زوجته ولا كشفته تشوفين الدممممممممممموع ولا الندم ولا خاف اصلن من ربه من الاساس ...
وهنا ماابرى بعض الحريم في بعضهم الله يهديهم يخونون ولا تقول انها متزوجه ولا خايفه من الله ..
ووش احكي واحكي
قصص من واقعي تبين ان النساء في منهم من هي قليلة وفاااااء ادنى مشكله ذهبت وباعت الايام الحلوه والحب ولا يهمها الاهم تنصر اهلها على زوجها وتفضح فيه ! رغم لو نظرتي للمشكله ماتستاهل كل هذا ..


وفي من الرجال اسم بس وهو ليس رجل بمعناها المعروف وهم للاسف يوجد منهم بمجتمعنا


كلن وبيئته ومجتمعه وتربيته الدينيه ولو انه يخاف الله لما فعلوا ما فعلوا سوى ازواج او زوجات .


الوفاء ليست بنظري صفه للرجال ولا للنساء
كلن وطبيعة عيشه وطبيعة قلبه وطيبته .

سلام
كيفكم انشاء الله اتكونوا بخير اعضاء المنتدي الكرام
مايبيلها سؤال اكيد المراه اوفا من الرجل والقصص كثيره على هذا الوفاء للمراه وعدم وفاء الرجل واكيد في استثنائات بس اتكون قليله بالمجتمعات

اتفق معك كثير .. ان الامر متفاوت ومايتعلق الا بشخصية الانسان لا بجنسه ..

بس برضه في رجال يفصفص مرته .. ويختبرها ... وفيه اللي مايركز مثل ماقلتي ...


سعدت بوجودك .. لاعدمناك ..

مشاء الله ايحابة واثقة مرررررررة
كلامك اختي ارتجالي لا العقل يقبل ولا المنطق يقبل . صراحة ما احد بالدنيا يقدر يثبت من اوفي .

ولو طبقنا الدين بحقوق الزوجين كان تفوقنا بالعلاقات الزوجية .
الحديث :
""خيركم خيركم لاهله و أنا خيركم لاهلي"".
الحديث:
" لو أمرت أحدا يسجد لأحد لامرت الزوجة تسجد لزوجها "

صحيح الامر متفاوت .. وان اتفق في اساسيات معينه ..

سعدت بعودتك ومشاركتك الطيبه بموضوعي ..

بنظري المرأه اكثر وفااء...

حبيبتي مافيها كلام المراءه اكثر وفااااااااااااااء
هذا لا يعني ان الرجل عديم الوفاء بل المراءه متفوقه عليه
كتفوقها في الانتقاااااااام
لان المراءه تحكمها العاطفه اذا اعطت تعطي بلاحدود
واذا كرهت تكره بعمق
واذا تكلمت تكلمت كثيرا واذا صمتت تصمت طويلا
واذا ارادت ان تصبر تتحمل جبالا رواسي
واذا انتقمت انتقمت بوحشيه هذي هي طبيعة المراءه
بينما الرجل يحب بعقله ويعطي مايملي عليه عقله
ويكره ويتخذ قرارات على ذلك بعقله

فعلا المراه تحكمها عاطفتها .. الا ماندر ..
يعطيك العافيه ..