لايحس بالنعمه الا من حرم منها
 

عشت اسبوع متنقله من منزل اهلي الى منزل اهل زوجي بسبب مشاكلي المتكرره مع زوجي بعدنا اسبوع عن بعض , والله اعدت النظر في اشياء كثيره لاحظت ان البنت لما ترجع بيت اهلها ومعاها طفل لاتعامل كالسابق , رايت ان اهل الزوج ان تحملوك يوم او يومين اليوم الثالث يبدو يتضايقو , طلبت وترجيت الكل انه يساعدني لاني ما ابغى اخسر زوجي وبيتي بالرغم من مساواه الا اني شاريه الحياه معاه لاخر يوم بعمري من اجل انه اختياري والشخص الوحيد الذي احببته ومن اجل ابنتي التي لم تكمل العامين , تنازلت والكل لما يقف معي منهم من قال تطلقي واشتري ماتبقى من كرامه ومنهم من قال انتي المخطئه من البدايه ومنهم من قال ارجعي لبيتك لن يكرمك احد الا رجوعك لزوجك , قررت انهاء من بيننا لكن تراجعت بعد اسبوع لما رايته من ذل وعدم تحمل لي ولابنتي ,, الشكوى لله امس رجعت بيتي لاخد باقي اغراضي راني زوجي وانا ابكي وانا متعبه مجهده ولا احد معي سوى ربي وابنتي لملمت ما تبقى لي وذهبت لاهلي لكن كنت أتامل انه الوالد يقف معي سند حتى يخااف زوجي ولا يكرر اخطائه لكن الكل تخلى عني وظليت طوال الليل ادعو ربي ان يرد لي زوجي بالرغم من عدم سعادتي معه ايقنت ان نار الزوج اهون من جنة الغير وايقنت انه خليك على قردك لا يجيك اقرد منه ... اعترف اني عاندت ولم اسمع كلامه واني افشيت اسرارنا وفتشت جواله واغراضه وانه لم يعد يطيقني ولا يثق بي لكن اثق بربي انه سيأتي يوم وتفرج وسيأتي يوم ابنتي تكبر وتعرف ان امها ضحت وتنازلت وحاربت من اجل حياه اشبه بالمتعلق بين السماء والارض ... رحمتك ربي لا للطلاق شعار ارفعه للكل والله والله بوجود اطفال صعب صعب الله يحفظكم من كل مكروه ويسعدكم لسعة صدوركم ومشاركتكم دعواتكم لي وانا عازمه التغيير من نفسي مع خالقي اولا ثم مع نفسي وزوجي والله يثبتني ويوفقني

السلام عليكم ورحمة الله
اختي العزيزه الله يفرج همك يارب وترجعي لبيت زوجك معززه مكرمه ويااااااااارب يلم شملك مع زوجك وبنتك اختي والله انك صادقه الوحده متى ما جاها ضني لازم تتحمل زوجها وتحاول قدر المستطاع اتحافظ على بيتها وزوجها ......اختي انا مريت بمثل ضروفك ولاكن انا جلست عند اخوي ومرته لان اهلي بعيدين عني والله مرت اخوي حتي الطعام كانت اتخبيه عني وعن ابني حتي ابي كان يتصل يهزئني مع اني مالي ذنب اكيد الوحده بعد ماتتزوج بتصير ثقيله حتى على اهلها الله لا يعيدها من ايام زوجي كان متمسك بي لانه هو الغلطان وماحس بغلطه الا لما تركت البيت يااختي اااااااااه ذكرتيني بذكريات اليمه بس الي نفعني من هذيك الايام اني عرفت قيمة بيتي وزوجي اكثر
اختي مالك الا الدعاء ثم الدعاء ثم الدعاء قومي الليل وادعي ربك بالحاح صدقيني الكل رح يتخلي عنك الا ربك

دامك انتي المخطئه اعترفي لزوجك بخطئك واعتذريله بحرقه ومرارة البعد عنه وعن حضنه وارجعي بيتك ومملكتك فلن ينفعك احد بعد الله

نعم الاهل مو نفس بعض.. و ليس كل امراه اهلها ضدها..

فيه اهل مايرضون لبنتهم الذل والعذاب حتى لو كان معاها درزن عيال بيت اهلها مفتوح لها ويوعدونها ان ماشالهاالبيت هي وعيالها تشيلهم عيونهم..
وبعض الاهل..العكس لايتحملون حتى لو رجعت بنتهم لوحدها من دون اطفال..لكن عدم رضا الاهل ارحم بمليون مره من حياة الذل والمهانه والتجريح في بيت الزوج..

والله سبحانه وتعالى لايحمل نفس فوق طاقتها..والا ماحلل الطلاق..

ياحبيتي الله يفرحك ويسعدك ويجعلك قرة عين لزوجك يارب
انصحك اختي بالدعاء والدعاء وتاكدي ان ربي بيساعدك
وانا معاك اختي الاهل مايتحملوا اولاد البنت ونار الزوج ولاجنة الاهل

الاهم الان بعد كلامك وكلام الاعضاء

هل رجعتي لزوجك ؟؟وهل قد طلبتي الطلاق ؟؟ وهل تحاورتي انتي وزوجك
ام بوقت غضب ذهبتي لااهلك ؟؟

الان ماذا فعلتي

الله يفرج همك ويرجعكي بيت زوجك
انا اشوف الوحده تتحمل وتجلس ببتها احسن سواء اهلك متحملين ولا لا
الكبار بالسن مساكين مايتحملون مشاكل عندهم ياضغط ولاسكرررررررر
انا امي لو بس تشوفني متضايقه من زوجي تتعب وتشيل هم بناتي ويرتفع عندها السكر
انا سرت اتنازل في حياتي بس عشان اهلي مايتكدرون

كلمني الصباح بعد انقطاع دام اسبوع كان بينا رسايل فقط وقالي معاكي مفتاحك ارجعي البيت انا طالع الرياض 3 ايام وقفل السماعه المهم فكرت لين العصر واستخرت وقررت ارجع بيتي انا الان بالبيت بس خايفه من الجاي انا معاكم انا غلطانه وكل اخطائي لا يطيقها اي رجل خاصة انو اعطاني فرض كثيره وهو كارهني لكن ليش قالي ارجعي هل ناوي يكمل انتقام او تراجع انا طلبت منه الطلاق الاسبوع الماضي لكن ما رد عليه وطنشني طيب لييش يقولي انا اكرهك وماابغاكي وماني حاسه بالحياه معاكي من اول سنه بزواجنا هل كلامه واقت غضب او من اللي سويته معاه طيب هو هجرني وعاقبني وفضحني عند اهله والكل دري باللي سويته وخلاني برا بيتي ايام كثيره ,, مابرد قلبه بعد ذا كلو سنه ونص واحنا بمشاكل ... انا متمسكه في بيتي ورجعت بس محتاره هل اسوي واجباتي كزوجه بالبيت ولا اكمله ول اجلس معاه اذا رجع لين ينسى اللي صار ويرجع من نفسه ويعيد الثقه فيني او اني احاول اتودد له مع انه صار ينام بغرفه لحاله ولايطيق سماع صوتي وادا قربت منه يبعدني ويضايق بأختصار احافظ على بيتي واهتم في نفسي وبنتي واطنشه لين يرجع من لحاله او اكرر محاولات ارضاه الصعبه والي ردتها عليه سلبيه علما بأن وصلت لدرجه ما اانام الا بمنوم بندول نايت والنفسيه الله اعلم فيها من كثر الضغوط لا احد يجرحني لاني معترفه باغلاطي ولا ااحد يقولي الطلاق حل اكره ذي الكلمه لاني احب زوجي بعيوبه قبل محاسنه :30:

نسيت اشكر كل مين رد والله كلامكم يبرد القلب مع قسوته يكفي اهتمامكم لكن فيني عيب ماني قادره اتخلص منه احس حياتي وتفكيري يدور حوالين زوجي ورضاه فقط احس انه متحكم في مشاعري لدرجه اني اكون قدامه ضعيفه وماعندي ثقه بنفسي هل ذا من الضغوط والمشاكل او؟؟ من حبي له عماني والله اخوانه يقولون له مافي حرمه تتحملك يوم مدري كيف صابره عليك 4 سنوات :11:

طبعا خليك في البيت اهتمي في نفسك وفي بنتك وفي بيتك وقومي بواجباتك..على اكمل وجه

واذا تبين حياه هانئه غيري اسلوبك وتعاملك مع زوجك..ولاتبادرين باي شي...زوجك وقت مايرضى عليك بيجي عندك ..

ولاتصدقين ان زوجك كرهك..ومايبي يشوفك..هذا كلام يطلع وقت الغضب..و قد يكون فعلا كرهك بسبب تصرفاتك..لكن مجرد مايشوف تغيرك يمكن يرجع يحبك ويعذرك..

لكن فيه سؤال ..هل كنتي تشكين فيه وتفتشين وراه من فراغ؟؟

ومن السيء فيكم انتي ام هو؟؟

ودام هو له مساوء واخوانك مستغربين من تحملك له 4 سنوات...ليش اتهمتي نفسك بالغلط وانه انتي الغلطانه وكل الي صار بسببك..
ولا هو عادي يغلط..ووانتي ماتدافعين عن نفسك وكرامتك..

قلتي هنا..

لاحد يجرحني لاني معترفه باغلاطي ولا ااحد يقولي الطلاق حل اكره ذي الكلمه لاني احب زوجي بعيوبه قبل محاسنه

وهنا..
فيني عيب ماني قادره اتخلص منه احس حياتي وتفكيري يدور حوالين زوجي ورضاه فقط احس انه متحكم في مشاعري لدرجه اني اكون قدامه ضعيفه وماعندي ثقه بنفسي هل ذا من الضغوط والمشاكل او؟؟ من حبي له عماني والله اخوانه يقولون له مافي حرمه تتحملك يوم مدري كيف صابره عليك 4 سنوات


في الاول قلتي انك انتي الغلطانه ومعترفه..

وفي الكلام الاخير..ان اخوانه يقولون له مافي حرمه تتحملك يوم...وانتي تحملتيه 4 سنوات

الحين مين الي مكدر على الثاني انتي ولاهو..

حتى هو له مساوي لكن بدأ يتغير ولما تغير انا خربتها وطلعت سر كبير بينا لبرا وانا حامل ومن يومها حاقد لين ولدت ورجعت بعد الا40 وهو متغير للاسوأ تحملت قلت يحق له لكن ماقدرت اتحمل اكثر من سنه بعدها صرت ازن وانهبل واعصب وافتش جواله ومحفظته كنت احسب في احد بحياته لين قبل اسبوع جات اخته قبل اطلع من بيتي قالها الاتي ( اكرهها لا اثق فيها تفتش ورايا تضغط عليه تطلع اسرارنا برا البيت ما تحترم كلامي تطلب الطلاق كثير ما تتحكم بأعصابها , يوم عرفت انها حامل انجنت تقول ما اابغى احمل ) صراحة افعالي هذي كلها اعترف بأني ادفعها ثمنها لكن هو اخذ حق وزياده تخيلي وحده زوجي يهجرها ويطنشها سنه كامله بغرفه ثانيه مع العلم يصرف وويعطيني حقي كزوجه لكن الحقد ما زال بقلبه واخر ماحدث بيننا اني طلبت الطلاق لعدم تحملي اسلوبه يعني اسبوع راضي واسبوع ساخط المهم هذا كلو قبل اسبوع يارب لما يرجع من الرياض يكون على الاقل هاجد ماني متحمله نظرات الكراهيه :11: هو له عيوب انه يزعل بسرعه لكن خليه فتره يرجع يرضى لكن انا ما ااطيق زعله يعني طريقتي خطا اجلس احاول واحاول مثال ادا نام بغرفه ثانيه اجي اقوله تعال نام جنبي ويطفش من الزن يقول خليني براحتي يبغاني اكون زوجه ثقيله مو جاريه وراه يبغاني احكم عقلي قبل قلبي وانا هبله امشي وراى عواطفي يبغاني ما اقوله يالله نخرج هو يقوله ... يبغاني مبرمجه على شي هو يحبه وان لم يناسبني :24:

ليه الغرور لكل اخطائه وعيوبه صحيح زوجي فيه عيوب لاتطاق وحتى انا لكن اعتقد مافي انسان كامل خاصة في زمن شيطاين الانس فيه اكثر تأثيرا من شياطين الجن ... :29: اعرف مشاكلي ليست بالصعب تجاوزها لكن كثرتها اتعبتنا جدا وعدم تلاقينا بخط واحد هو عنيد وعقلاني وقاسي واانا عاطفيه انعمي واسوي افعال جنونيه .. يعني لو غلطت وخليته فتره يوم 3 4 بيرجع من لحاله بعد اعترفي بخطأي لكن زوجي مغرور ما يعترف طريقته يجيب هديه او ورد ما يتكلم .. اوقات احس انه ما يحبني
لكن ارجع اقول جلوسه فتره طووويله عازب ودراسته برا السعوديه خلته يحب يكون حر
اختلافات كثيره بيوم تقل بيوم تزيد لكن انا حاطه نفسي بتحدي ويارب انجح فيه حاسه بيجي يوم ويتغير كل شي يكفيني كلمه وحده قالها ( انتي مثال في الصبر وغيرك ماتحملتني ) هو على يقين داخله بمواقفي معاه وقت الازمات وماتدري يمكن القادم احلى وهذا ما اتمناه :17: من اجل ابنتي ومن اجل حياتي مع زوجي مستعده لللتنازل اكثر واكثر لكن يارب نهايتهاحلوه:14:

الان فهمت..

حاولي تكونين مثل مايريد...قالك لا..معناها لا..لاتترجين وتزنين..واذا طلبتي شي اطلبي مره وباسلوب حلو

وواضح انه زوجك طفش من تصرفاتك..بس لانه يحبك اعطاك فرصه ..ولا ماكان قالك ارجعي بيتك
وانتبهي لحياتك..ترى اي رجل رجل حتى لو يحب مايتحمل..النكد..مستعد يتخلى عن زوجته حبيبته مقابل راحة البال

الله يوفقك ويهديكم.

اسال الله ان يرده لك ردآ جميلا
عليك بالدعاء والاستغفار