|
تعلق زوجي بأمي وبكاءه المستمر يقلقاني
مراااحب للجميع ..
موضوعي ماهو مشكلة بمعني المشكلة , لكن محيرررني جداً , ومقلقني صراااحة .. موضوعي بإختصار : زوجي حبيبي , حنوووون لأخر درجة , حنووون جداً جداً , بالبداية كنت مبسوووطة بالشي هذا .. لكن الحين لا , صراحة الوضع تأزم معاه , صار مزعج وخاصة له , أنا احبه جداً وصرت أخاف عليه ..! من بعد ما عرف إني حامل بالولد الرابع وحالته غررريبة .. ما ني عرفة كيف أشرح ... بس بحاول أفهمكم .!!!! زوجي أمه ماتت من وهو صغير , وما عنده خوات , وهو الأوسط بين أخوانه السبعة " كلهم ذكور " من عرفته وخطبني , وعرف أمي , تعلق فيها كثييييييييييير , يحترمها جدا , ويزورها يومياً أو مرتين في اليوم , يكلمها بشكل دااائم , يوديها مشاويرها , ويطلع معاها , ويوم تتعب يوديها هو المستشفى مع أن أخواني موجودين ويقلق كثييير ويبان عليه القلق ...!! ويقولها كل أخباره لدرجة اشياء تقولها لي أمي وتقول زوجك ما قالك أقول لا ..؟!! يعني أعرف اخباره منها في البداية أنا فررحت قلت الحمد لله أنه يحترم امي ويقدرها وهذا شيء طيب .. لكن زاد الوضع وصار يطنشني ويهتم بامي أكثر >>>> لا تفهمون إنها غيره من أمي لا والله .. بس من جد صار كل مكالماته لأمي وكل شيء يشاورها فيه ويحترم رايها .. يجي البيت ويشوفها ويطلع بدون لا يسأل عني يعني جاي لأمي مو لي أنا .. ! أمي حبته واعتبرته زي اخواني وكله تسال عنه وتهتم فيه , وتوصيني عليه , وإذا صارت مشكلة بيننا توقف بصفه ضدي .!!!! يوم تزوجنا .. أكتشفت بزوجي صفات حلووووة كثير , وأهمها حنانه الزائد , حنون جداً , يخاف علي ويهتم في , وإذا مرضت وشافني أتوجع يبكي >>> بتقولون وين المشكلة ؟؟!! المشكلة : إني أول حمل لي , قالي ياليت تجينا بنت , لكن شاء الله وجبت ولد .. ما قال شيء بس حسيته تضايق , هو يبغي بنت , واصر احمل بعدها على طووول عشان البنت .. حملت وبتوائم لكن كانوا كلهم أولاد ,, توقعته يفرح , لكن ابدا ما عبر عن مشاعره , سكت وكأن الموضوع ما يعنيه .. ؟؟!!! لدرجة اساميهم أشاوره فيها يقول براحتك ..! ولدت وصار عندي ثلاث عيال , صح أنه يراعيهم ويلعب معهم ويشيلهم ويوم يتعب واحد فيهم يبكي ومعروف إن الاطفال يرفضون الدواء فأحاربهم عشان اعطيهم الدواء ويبكون فهو ما يتحمل يطلع عنا ويبكي , لكن بمجرد ماتجي وحده من بنات أخوانه الصغيرات يتركهم ويشيلها ويلعب معها .. >>>> لا تتوقعون أني أغار لا والله .. لأن هو مو بس بنات أخوانه , حتى يوم نروح الملاهي ويشوف البنات الصغار يهتم فيهم ويراقبهم وما طيح وحده إلا يشيلها ويشوف تعورت .. بعدين اصر أحمل " حملي كله وراء بعض عشانه " حملت ولي اربع اشهر رحت أكشف قالوا له ولد ..! يعني بيصير الولد الرابع .. هنا بدات المعاناه : سكت ومن رجعنا البيت قال بينام , عرفت أنا انه تضايق , رحت له لقيته يبكي بحرررررقة .. ويقول الي ماعنده بنت ما كانه خلف , البنت هي الي تحن على ابوها وامها وتنفعهم إذا كبرت ..؟!!! صار مكتئب جداً .. وقلت له نطلع نغير جو , رحنا المول وانا اتشري للبيبي الي جاي هو يوقف عند فساتين البنوتات الصغار ويتفرج فيهم وفي جزمهم ويسأل عن اسعارهم واخذ مجموعة وينتقيها بإهتمام <<< فقلت لا يكون بيشتريها لكن الحمد لله ما أخذها ..! بس الظاهر إنه كان يحلم أحلام يقظة .. ! وعياله أهملهم وما يحب إزعاجهم , فحاولت اقربه منهم وعزمته مرة وطلعنا مع بعض كلنا , فكان ييقولي روحي أنتِ مع الأولاد وأنا بجلس هنا .. وجلس قباله لعبة للبنات , ويطالع فيهم << خفت صراحة لا أحد يظن فيه ظن سيء وهو برررررري جداً فاخذت الأولاد وقلت له هيا نطلع لكنه مارضى فحاولت إلا ما طلع معنا ورجعنا البيت ..! وصار يروح لأمي أكثر من أول ويجلس معها , و أحياناً إذا أجتمعوا عنده عياله يقوم وما يتحمل والقاه يبكي أخذت العيال وديتهم عند أمي عشان يرتاح , قربت منه كثييير بس ما فيه فائدة ..! زوجي أحسه مريض او فيه شيء , معقول كل هذا حنااان زائد .. ؟!! لا تقولون نروح طبيب أخاااف عليه لا اقول له لأنه حساس جداً جداً .. وممكن يفهم إني تضايقت منه .. وهو كمان بحياته العادية طبيعي جداً .. |
أختي أم سفيان
ماشاء الله تبارك الله ، ربي يحفظ لك أولادك .. لو إنك بنت ( أمي ) .. و الله أمي بتحطك فوق راسها :D دايما تقول اللي يجيب بنت ، ما كأنه ( تزوج و خلّف ) .. عكس زوجك و أنا أقول لها ، البنت تشيل أمها و أبوها و تحن عليهم و بسببها يشفع لهم الرسول صلىى الله عليه و سلم و التفرقة بين البنت و الولد ما شفتها غير هنا في البلدان الإسلامية أكثر شئ مع إنه المفروض العكس .. المهم .. زوجك مثل زوجي ، أحس لو أجيب ( بنت ) فراح يفرح بها كثييييير .. و دحين أنا حامل بس لسى ما عرفت إيش فيه في بطني ^_^ و أمي نفسها أجيب أخ لولدي .. فزوجك متعطش بالفعل لإنجابك لـ ( بنت ) لإنه ما عنده أخوات .. و تصرفه بالإهتمام بملابس البنوتات و كذا ، برضو طبيعي لا تشيلي هم .. أعرف وحدة بعد ما جابت 4 أولاد ،، صارت تلبس ولدها اخر العنقود ملابس البنات و تطول له شعره ، من كثر ما كانت تتمنى إنه يجيها ولد و هي دحين ( جدة ) و عندها أحفاد .. و دايم تقول لو عندي بنت كان عملت لي و عملت لو عندي بنت .. إلخ و تجلس تبكي و اللي زاد من حالة زوجك إنه أمه ( ميتة ) من يوم كان صغير .. و تعلقه في والدتك ، لإنها بتعوضه عن حنان ( أمه ) .. . . ليه ما تحاول حبيبتي ، إنك تعامليه كأنه ( طفلك ) مرات ؟؟؟ زوجك بداخله ( طفل ) .. و حكايته فكرتني بحكاية أخ معنا هنا اسمه ( زيتون ) .. مرررررة مفتقد لحنان أمه و زوجك مثله . . مشكلة إنجاب ( البنات ) ما نقدر نعالجها :( مثل اللي يتمنى يجيه ولد ، و ربي يرزقه بنت .. و الشئ هذا بيد ربنا لكن تعلقه في والدتك .. فحاولي تشوفي زوجك إيش النقص اللي هو بحاجة له و حاولي مثلا تأكليه مرات ، و أولادك لا تظهري اهتمامك بهم أمامه ( أبداااااااااااااااااااااااااااااااااااااااااااا ) و الله يوفقكم :) |
يالله
من جد عورني قلبي للدرجة هذي.... انا ماالومة...البنت نعمة من الله....ورحمة....بس زوجك واضح انة شفقان حييييييل انة يكون لة بنت طيب ماوضحتي لة ان هذا مكتوب ...وهو توة شباب يعني مو شايب بالسبعين يخاف انة مايخلف بعدها ابد... وانا اقرا كلامك اقول في نفسي مافي احد راضي.... ناس تبي بنات وناس تبي اولاد وانت احس صعبة عليك ورا بعض(ماشاء الله مسؤلية) عطي نفسك راحة... وهذا شئ علمة عند رب العالمين.... كلمي زوجك وبيني لة ان الصحة والعافية اهم من اي شئ... والحمدالله اولادكم سليمين...ومتعافين.... والبنت والولد كلهم من الله.... اهم شئ صلاحهم.... اللي رزقكم بالاولاد....يرزقكم ان شاءالله بنات.... لازم تنبهينة للنعمة اللي هو عايش فيها(لان الاكتئاب مايخلية يشوف و عندة من اشياء الله معطية اياها) خوفية من انتقام الله.... الحمدالله زوجين متحابين اولاد يحملون اسمك ويبرون فيك... الله عوضك عن حنان امك اللي فقدة في صغرة...بطيبة امك وطيبتك... مافي يديكم الا الدعاء... الله الواهب والرازق..... والله يرزقكم باللي يسركم ويسعدكم.... |
عزيزتي.. ماشاء الله .. زوجك احساسه مرهف كتير.. وشكله لفقدان والدته حاسس أنه يبغى يعوض.. في بنته الي يحلم بيها وفي والدتك الله يحفظها ليكم.. وأكيد هو انسان عاقل وفاهم.. انه جنس الجنين مو بيد البشر ولكن بقدرة الله سبحانه وتعالى.. اتكلمي معاه من هذا الجانب.. وقوليله أنا بنتك ودلوعتك.. دلعني زي ماتبغى.. الله يجمعكم على خير.. |
ماشاء الله تبارك الله ربنا يقر عينك بعيالك يارب وبالنسبه لزوجك إعذريه مسكين عاش حياته محروم حنان الأم والحين سبب محبته لأمك وإهتمامه فيها أنا أقول لك ليش أول شئ شاف أمك تحبه وتعامله بكل طيبه ووجد عندها حنان الأم إللي كان يفتقده وثاني شئ حس بأنه أخذك من أمك لما تزوجك وشغلك عن رعايتها وإهتمامك وسؤالك عنها فحاول يعوضها عنك علشان ماتحس بفقدها لك ومايكون هو سبب في بعد بنت عن أمها وهاذا بسبب مشاعره وحنانه الزائد
فهو بيحسس أمك بأن بنتها وزوج بنتها حولها ومهتمين فيها فأتوقع بسبب حنان الأم إللي ماوجده وسبب مشاعره الرهيفه وإحساسه بأنه أخذك من أمك قام يعامل أمك بهاذي الطريقه لوجود تلك الأسباب يعني أ كيد يسمع إن البنت لما تتزوج وتطلع من عند أمها إن أمها تحزن عليها وتفتقدها وتجلس تبكي عقب طلعتها من البيت وهو يسوي كذا ما يبغى يحسس أمك بفقدانك . بالنسبه لرغبته بإنجابك لبنت فهاذا نابع عن حاجته بحنان بنته وعطفها ودلالها له طبعا البنت أشد حبا لأبيها من أمها وهاذا شئ مجرب فأنا أنجبت أول طفل وجاء ولد والثاني كمان ولد والثالث ولد وزوجي يحتري الملكه تشرف كان يحلم بالبنت بعد الولد الثالث قال ومتي تجيبين لنا بنت وأنا مليت هالأسطوانه منه رديت عليه ولايهمك حبيبي الحين أرو ح أجيب عجينه وأعجنها وأخبزها لك بالفرن وتطلع لك بنت إنت الظاهر تحسب إني أنا حطيت جنسهم أولاد كلهم هاذا شئ من رب العالمين مكتوب من عنده قال لا والله أنا ما أقصد كذا وأنا توني طالعه من المستشفى ولاده على الولد الثالث حتى ألآم الولاده باقي ماتعافيت منها وكلنا نعرف كيف الألم بعد الولاده ويجيك ويقول آه نفسي المره الجايه في بنت بس الحمدالله الحين عندي بنتين وأبوهم شايلهم فوق راسه الأولاد صاروا عنده ولا شئ طفشنا بناتي بناتي بالطالع والنازل لا أشوف أحد يزعلهم ولا يضربهم ولا يضايقهم لدرجة إني لو سيرت عن ناس وضربوا وحده من بناته يزعل عليهم ويقول المره الجايه بوديك عندهم لحالك والبنات بشيلهم معي أوديهم الألعاب حتى تخلصين زيارتك ولاتنسين ذيك المره ضربوا بنتي قلنا ياالله الفكه غنيمه من بناتك . و زوجك لاتلومينه في وضعه حاولي تهتمين فيه أ كثر وتراعين مشاعره وأحاسيسه بالنسبه للبنت بإذن الله تعالى ربنا يرزقكم من فضله ويعطيكم بدل البنت بنات ويفرح فيهم زوجك وتفرحي إنتي كمان نسأل الله لك التوفيق يارب . |
اقتباس:
صوتي على واحد منهم .. ويقول لا تعقدينهم , ويخليني أجلس جنبهم واحضنهم وقت بينامون ..! وقت حطيتلهم غرفة لوحدهم تضايق يقول قلبي مو مطاوعني أبعدهم .. وجلس يبكييييييييييي ..! وانا هنا خلاااص احزن عليه ويقطع قلبي .. ! |
اقتباس:
|
اقتباس:
أما عني مو مقصر ابدا , حتى شعري ما يخليني اقصه وصار طويل جدا , وملابسي يختارها ويهتم بتفاصيل انا ما اهتم فيها ..! وزي ما قلت كنت سعيدة بالشيء هذا , أما الان لا , لأني حسيته سلوك مرضي بجد .. |
اقتباس:
|
الله يرزقكم بالبنت..الصالحه
فعلا البنات هم الي يحنون ويهتمون في والدينهم في الكبر...وهذا شي من الواقع الولد بس خليه يتزوج ويادوب يشيل نفسه هو عايلته.. |
|
اقتباس:
|
اقتباس:
وهي فعلاً زي امه .. لكن أنا قصدت ان وضعه غير طبيعي , أدري انه يتألم , ويحن ويفتقد لكن لا يفصح ولا يتكلم إلا نااااااااااااادر جداً .. انا أتمنى يكون شخص سوي ويتخلص من كل الماضي الأليم والذكريات الموجعة له .. ما يزعجني هو إحساسه المرهف جداً اتجاه كل الاشياء .. والإحساس المرهف الجميع يعرف إنه مصدر تعذيب لصاحبة ..! أخاف إن يظنوا فيه ظن سيء خاصة فيما يتعلق بالصغيرات , حقيقة اخاف دائما ان يتعرض لهذا الموقف فيجرح بشدة ولا ينسى ..! |
:: لازم إذن يشوف طبيب نفسي حتى يتخلص من ألم الماضي وحالة البكاء المستمرة لكن هل سبق وتناقشتم حول وضعه هل هو معترف بعقدته..؟! لأنه لو كان غير معترف بمرضه سوف يصدم منكِ ولن يتقبل فكرة الطبيب النفسي :: قوي علاقتك به وتقربي منه كثيراً حتى يفضي إليكِ بما يختلج في صدره أو مايعانيه بداخله من هموم والآم وبعدها أقترحي عليه الذهاب معك للطبيب ولاتشعريه أنه به علة أو تختاري أسلوب يشعره أنه ناقص أو شخص غير سوي أذكري له قصص أشخاص كانوا يعانون ثم بفضل الله ثم الطبيب النفسي تم لهم الشفاء ومارسوا حياة طبيعية :: شفاه الله وعافاه وحفظكما لبعضكما : :: |
اقتباس:
لعادته , وان الاطباء النفسيين يعقدون الاشخاص ويصنفون الأطباع الشخصية " يقصد طبع الشخص مثل حساس أو عدواني وغيره " بأنها أمراض وهي ليست كذلك .. وهو في ايام الجامعة تعرض لازمة نفسية وكان يبكي بشده وابوه يجلس معه حتى يهدا , وأبوه هو الي أرغمه على مواصلة تعليمه وهو كما يقول يكره الجامعة جداً وقتها .. |
أختي الكريمة زوجك غير طبيعي نفسياً ومداراته من قبلك ومن قبل أهله تزيده سوءاً ولا بد أن يعترف أنه غير طبيعي وأنه بحاجة للعلاج والخضوع من ثم للعلاج وحتى لو سبب له صدمة أو جرح إحساسه فكل علاج مر ولكن عاقبته حلوة بإذن الله ولا تنتظري رأيه في الموضوع فهو يرى من زاويته وينكر أنه غير طبيعي. أسأل الله العلي القدير أن ييسر أمركم ويفرج كربكم وجميع المسلمين. |
السلام عليكم ورحمة الله وبركاته.أختي العزيزة تقربي الى زوجك وكوني له الزوجة والأم ولو أضطرك هذا الأمر لاستعمال بعض تصرفات أمه ومعاملاتها له ليجد أمه فيك .أصلح الله شأنكم.
|
من راي اخوي رجل الرجال
هو ينكر انه مريض وهذا يسبب في تأخر العلاج الله يعينج ويعينه |
حرااام فاقد لامه كم كان عمره وقت توفت رحمها الله
زوجي متعلق بامي كثيراا رغم كل المصايب انا وهو ولكن علاقته بامي لم تتغير وعندي سلفي ايضا متعلق بامي لانها عمتهم اخت ابوهم وتوفت امهم وكانو صغار ولكن زوجي كان عمره تسع سنين زوجي قاسي مع الجميع الا امي قاسي مع اخوته مع ابوه عاق درجه اولى ولكن ما ان يصل لامي ويتحول الطفل الوديع الحنون حتى ابوه رحمه الله كان يغار منه وانا احاول اعوض واسد ولكن من غير فائده انا اقرأ وكأني اقرأ عن زوجي وسلفي مثل زوجك دمعته قريبه جددااا ,اذا شاهد او سمع شجار بين اثنين يبكي وهو جد حاليا وعنده احفاد والكل يحبه احمدي ربك انو زوجك متعلق بامك فهذه حالات نادره جدااااا شوفي 99 بالميه من القصص يقولون حماتي وحماتي وحماتي الكل تققريبا يشكو من حماته |
كان الله في عونك اختي
وشافا زوجك عاجلا غير اجلا واحسن حل ان يزور طبيبا نفسيا وحبذا لوكان عنده توجه اسلامي او معروف بدينه . |
ماشاء الله تباركـ الله .. الله يخليه لكم ويطول بعمره
ويرزقكم البنت الصالحه اللي هو يتمناها ,, انا عن نفسي لمن أشوف بنات اخواني أو بنات خواتي يجن جنوني عكس لمن اشوف أحد اولادهم مادري فيني حب للبنوتات الصغار وحتى لمن يكبرن تلاقينهن حنونات رحومات مدري كذا أحساسي رغم أني مقبل على زواج أتمنى يكون أول مولد لنا بنوته يالبى قليبها والله ,, اختي جابت خمسة عيال جن جنونه لين جابت بنت عمرها الحين 5 شهور طايره فيها من الفرحه الله يصلحها ويحفظها , دايم اقول البيت اللي مافيه مره مابه ثمره ..الله يشافي اميمتي ويخليها لي ويطول بعمرها على العمل الصالح يارب , |
مادري تصرف زوجج اشوفه مو طبيعي خصوصا لما كررتي انه يبكي
فيه احساس مرهف اكثر من اللازم...الله يرزقكم بالبنوتات الحلواااات يارب |
ماشاء الله تبارك الله
الله ايخليك اولادك ويحفظهم لك اختي انتي تقولين انك حامل ولم تلدي بعد فلماذا لاتدعين الله ليل نهار ان يرزقكي بالبنت الصالحه الباره عاجلا غير اجل وان تلحي بالدعاء في سجودك واوقات الاجابه لعل الله ان يقر عين زوجك بالبنت |
حلو الرجل يكون حنون عطوف
اما يبكي بكل صغيره وكبيره وش هذا ,هذا يقلل من شانه ,ممكن يبكي مع نفسه في شي يستدعي البكاء لاكن في كل صغيره وكبيره يبكي هذي مشكله والله واذا مع امك الله يجزاه الف خير والله هذا دليل انه انسان محترم انا من تزوجت زوجتي ماشفت امها الا مرتين تقريبا وعلى الطاااير ماهو لاني ماحبها لاكن ماني من النوع الي يزاور ولا يصل رحمه الي اشوفه بوجهي اسلم عليه وارحب فيه لاكن ماتعناء |
اقتباس:
طيب لو رفض ممكن ما يصارحنى بعدين بمشاعره ويزداد كتمان ..! هو يقول انهها ذكريات تمر كأي ذكريات عند اي شخص وان الجميع يملك ذكريات .. واحياناً اقتنع بكلامه ..! |
اقتباس:
انا قريبة منه جداً , وامه ما تت من صغره وما اعرف تصرفاتها ..! |
اقتباس:
|
ابنتي الكريمة
أول خطوة في العلاج اعتراف صاحب المشكله بها ثم رغبته في العلاج ثم ثقته بالمعالج وكوني حازمة معه من أجله ولا تكوني ردات فعل لكلامه بل قارنيه بالطبيعي واجزمي بمحادثته وإلزامه بالعلاج لصالحكما وما بينكما من أولاد. |
اقتباس:
هو طبيعي في حياته العامة ومع الأشخاص , لكن كل ما فيه حنينه للبنات وبشده وحبه لهم , وبكاءه السريع , والإكتئاب الي لازمه بعد معرفته بحملي بالولد ..! وإذا رفض الذهاب تعتقد بيضره , طيب هو عاش حياته كذا بهذى الشخصية ..!! |
اقتباس:
ما فهمتوا قصدي ..! أنا مو معترضة على تعلقه بأمي ابدا , بالعكس شيء جميل .. لكن زوجي بزياااده وهذا مقلق لي .. |
اقتباس:
|
اقتباس:
يعني فيه حالات مشابهه , يعني طبيعي ..!! والله يخلي لك أمك ... |
اقتباس:
فيه ناس كذا حساسة فقلت ممكن يكون شيء عادي , بس انا ابالغ ..! من جد حيررررررررررررررررني ..! |
اقتباس:
وهذا سبب نكست زوجي للأسف ..! حتى انا حزنت يوم قالوا لي ولد ..! وقلت ياخسارة حملي ..! لو مريحة نفسي احسن .. |
اقتباس:
هو ما يبكي عند الناس , لا , بينه وبين نفسه .. بس انا الاحظه لقربي منه ..! ولاني اكون معاه في المواقف الي تبكيه احيانا .. |
اقتباس:
لا يأختي انا احب البنات نعم بس مو معناة أني أبكي بكل موقف يحصلي أو اني اعترض على قضاء الله وقدرة بعدم قدوم ماتمنى . بالعكس ياليت أستشارة طبيب نفسي من غير مايدري زوجك ممكن تلاقين له حل وإذا أراد الطبيب ان يأتي زوجك فاتحيه بالموضوع بطريقة هادئه جداً وغير مستفزيه ... **** أمين يارب الله يجزاك خير , فهيا طريحة الفراش منذو وفاة والدي رحمة الله عليه |
اقتباس:
ليس إعتراض منه على قضاء الله وقدره , فهو شخص متدين كثيير .. وفعلاً احتاج إستشارة طبيب .. ! بس ماظن طبيعة الشخصية تتغير ..! والله يعافي والدتك ويقومها بالسلامة يارب .. |
بخصوص خلفة البنات .. عادي .. قولي له نحن لازلنا صغار وبدل البنت سأنجب لك ان شاء الله عشرة
ثم لماذا الزعل وشيخة البنات نفسها عندك :d عامليه كأنك طفلة في بعض الاحيان ان كان ذلك قد يسعده أما عن البكاء فذلك اعتقد طبع متأصل في شخصيته اضافة لقناعات فكرية ونفسيه لديه ، والحل هو ابعاده قدر الامكان عن المؤثرات النفسية التي تثيره وتهيئة بيئه مناسبة لاستقراره النفسي |
والله غريبه انتم يالحريم ماحد يعرف لكم.....والله بصراحه يام سفيان احمدي ربك على هذا الزوج الصالح المحترم وهذه شعور مافيها شي .....وزوجتك حساس ولكن هذا ماعناه انه طيب معك ....واركعي واصلي وبين عليك انك طيبيه ورزقك الله بزوج طيب .....وهذا يهتم بأمك ويحترمها وهذا يدل على أن معدنه طيب ورجل بمعنى الكلمه وفيه خير .....كل أنسان عنده مشاكل وبلاوي....وهذه ماتعبتر مشكله ورايح تظبط مع الوقت بأذن الله ...تحياتي لكم ...مازن عبدالله
|
أختي الكريمة انا ماشوف أن زوجك مريض و هذا مجرد نقص في حياته عانى منه ويحاول يعوضه بطريقة من الطرق في فترة من فترات حياتي عشت حرمان وتخيلي ان مراهقتي جاءت على شكل محبتي لمعلماتي ( كبيرات السن ) اللاتي أشعر باحساس الأمومة معهن , لا ألتفت لجمالهن ولا لرشاقتهن انما لمن أشعر بأنها أمي ... وحتى مع أم طليقي كنت أحس انها أمي وأحن لها كثير ;) الله يرزقكم بالبنت الصالحة حاولي تفهم مشاعر زوجك , وبادليه لمشاعر والأحاسيس ولا تهمشين أو تنتقدين مشاعره ... شاركيه اياها وتفهميمها وباذن الله تخف عنده ... نافسيه على محبة البنات اصطناعا حتى يخف الأمر عنده ويقل عنده كهاجس بالنسبة لقولك أنه اكتئابي لا أظن هذا الاكتئاب يعني انعزال وانطواء سكوت صمت حزن تجهم , زوجك مجرد أن عاطفته جياشة ويتأثر من مواقف لا يتأثر منها عادة الرجال ... لا تلتفتي كثيرا لطبيعة الرجال في المملكة والخليج وتضعينهم قاعدة تقيسين عليها زوجك مع الأسف تربيتنا جدا جلفة وقاسية , والرجال في دول أخرى نشأوا نشأة مختلفة يبكون ويتأثرون بشكل قد يصفه البعض بعدم الرجولة ... بالتوفيق غاليتي |
| الساعة الآن 08:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©