|
تنصحوني اصارح امي و اخوي ؟؟
السلام عليكم ورحمة الله وبركاته
اتمنى تكونون جميعا بخير من زمان ما شاركت بالقسم مع اني متابعه لكثير من المواضيع .. انا كتبت موضوع بالقسم هذا من فتره طويله والحين باطرح لكم موضوع ثاني القصه وما فيها راح اقولها لكم من الآخر بس اتمنى تفهموني وما تنتقدوني الا اذا كنت فعلا غلطانه .. انا سبق وقلت لكم اني كملت 26 سنه والحين ماشيه بالــ 27 ولفت انتباهي كلام الوالد واخواني عن ولد جيراننا لا تفهموني غلط اهلي يحاسبون ويدققون قبل ما يقولون اي كلمه بس احيانا ما يكونون ملاحظين وجودي او اني اكون ماره بالصدفه واسمع الكلام يعني الوالد يجلس مع اخواني ويسولفون عنه بصراحه ما اعرفه ولا عمري شفته ولا يهمني الشكل بس يثنون عليه ويذكرونه بالخير يعني يحب اهلي بشكل مو طبيعي يحب ابوي واخواني واكثر من مره طلب من اخوي الكبير يطلعون سوا ويتمشون احيان استغرب من هذا الاهتمام الغريب وفي نفس الوقت اقول يمكن يكون طبع فيه وانا صرت الاحظ اي تصرف منه وافسره غلط علاقتي في اخواته زينه اخته دايم تتصل فيني وتكلمني من فتره لفتره بس عمرها ما لمحت بشيء والغريب ان اخوانه اللي اكبر منه للحين ما تزوجوا يعني الاسره كلها محد منهم متزوج بصراحه ولا تواخذوني تمنيت انه يكون شريك حياتي ما ابالغ لو قلت انه هو الانسان اللي احلم فيه طول عمري واهم شي العمر اكبر مني بسبع او ثمان سنوات بصراحه طمعانه فيه ما شاء الله تبارك الله .. الله يخليه لأهله والله العظيم راضيه لو ياخذني بدون مهر وبدون حفلة زواج وخرابيط بس اكون من نصيبه والله اتمناه زوج لي على سنة الله ورسوله لانه انسان طيب يحب اهلي وان شاء الله ان فيه الخير في زمن قلوا فيه اهل الخير دلوني وش اسوي اكلم امي واخليها تعلم اخوي بالسالفه ويكلمه على ان ما عندي علم بالسالفه والا تشوفون انه عيب والمفروض اني احتريه لين يشوف نصيبه و انا اجلس انتظر نصيبي شهور ويمكن سنين !!! قلقانه و محتاره و خايفه من العمر اللي جالس يركض .. سنين تمر وانا ماني صغيره لا تقولون لي مو لازم الوحده تتزوج الوحده تبغا انسان يساندها في هالزمن ويعينها على امور دينها ودنياها يا رب ان ما كان من نصيبي ان الله يصرف نظري عنه و يعوضني بمن هو احسن منه |
يا هلا والله عزيزتي.. أمل ماعليكي غير ترفعي يدك وتدعي .. إذا كان لكم خير في بعض .. ربنا حيكتبه من نصيبك.. بس يا قلبي مو حلوة تقولي للأمك يكلم أخوكي.. اصبري وان شاء الله خير .. الله يفرح قلبك يارب |
الله يرزقك بالزوج الصالح التقي النقي اللذي يعينك على امور دينك ودنياك
اختي الغاليه بارك الله بك اعلم مدى حاجتك لهذا الأمر واحس واشعر بما في صدرك لأني بمثل عمرك ولاكني ليس لدي ابن جيران او ابن عم افكر فيه او اي شاب اخر انما توكلي ورجائي بربي اكبر من رجائي بخلقه فهو وحده يعلم حاجتي وحاجتك وهو القادر وحده على قضائها غاليتي اتوقع لو كلمتي امك او اخوك بيشعرون بالأحراج سواء من رغبتك بالزواج وهم ما بيدهم حيله او من ناحية الكلام مع هذا الشاب ومصارحته برغبتكم به استخيري الله عز وجل واذا استطعتي ان توسطي احد بعيد عن عائلتكم فهذا خير مع ان الغالب على الفتاة الحياء لا اريد ان افتح عينيك على امور واحتمالات اخرى لعلها لا تحصل من ناحية الشاب لأني افترض الخير ان شاءالله ولأني متفائله وعندي حسن ظن بربي رزقك الله بالزوج الصالح اللذي يؤنسك في وحدك ويرزقك منه الذريه الصالحه اللهم امين |
الله يرزقك بأعظم مما تتمنين يَ رب وَ ان كان لك فيه نصيب الله يعجل إجتماعكم .. الأفضل ما تقولين لأمك لأن الموقف شوي صعب لكن عليك بالدعاء وَ أوافق الأخت عطر الحياة .. وَ لابد يكون شخص عاقل وَ صاحب ثقة وَ أمانة .. |
اذا نفسك فيه صارحي اخوك (اذا اخوك متفهم ) واكثري من الاستغفار والتسبيح والباقيات الصالحات وربي ان لما انزلت الي من خير فقير ولااله الا انت سبحانك اني كنت من الظالمين وراح يتيسر امرك
مافيها شيء ابدا انك تصارحينه وخاصة انه مناسب وعلاقتك ف اهله جيده |
فيه باب مفتوح ع طول وعمره مايتسكر
واذا دقيتيه يرد أكرم الأكرمين ادعي ياأختي بالصالح فالأنسان لايدري اين الخير وتعلقي بالله فإذا لك فيه نصيب والله تاخذيه أسأل الله ان يرزقك بالذي هوخير لك دمتي في رعاية الله |
اقتباس:
يمكن مستغربين ليه انا ناويه اكلم امي يمكن لاني اشوف انها استحاله يكون بيننا نصيب والله قادر على كل شيء ..بس هو انسان فيه الخير وما استحق انسان مثله لان انا وحده مقصره عسى الله يغفر الذنب ويتوب علينا اشكرك على الدعوه الطيبه الله يتقبل منك ويفرج هم كل مهموم |
اقتباس:
يمكن كلامك طالع من قلبك عشان كذا اثر فيني الله يفرج همنا ويسترنا بالناس اللي يسعدوننا ويعطي كل بنت احسن مما تتمنى |
اقتباس:
|
اقتباس:
وفي نفس الوقت طمعانه فيه انسان فاهم وواعي واخلاقه طيبه احتمال انتظر لفتره وبعدها راح اتوكل على الله واكلم امي ناس كثير خطبوا لبناتهم والحين صاروا امهات وعايشين حياه حلوه ما شاء الله عليهم الله يكتب اللي فيه الخير وان كان هو نصيبي وفيه الخير لي .. الله يجيبه وينطق لسانه قبل ما اتكلم انا اشكرك على مرورك وردك الجميل |
اقتباس:
الله يسمع منك ويكتب ما فيه الخير والصلاح اشكرك على المرور والدعوه الطيبه |
اهلا اختي امول
من حيث المبدأ ان الاهل يخطبون لبنتهم مافيها شي إذا تقدرين على المصارحة توكلي على الله وكلمي امك اسأل الله ان يرزقك الزوج الصالح الي يسعدك ويقدرك |
ليش هو الا الان ماتزوج اعتقد عمره 35 سنه واخوانه اكبر منه بعد ماتزوجوا..
اذا كان متوظف توكلي على الله..يمكن هو يبي يتزوج بس اهله مو مساعدينه في البحث عن عروس او تشجعيه لزواج ..فيه ناس كذا.. خلي اخوك يساله ليش ماتزوج؟؟واذا جاوب يقله البنت عندنا واحنا شارينك ومانلقى احسن منك لبنتنا.. |
حبيبتي أنتي أدرى بشخصية أمك و أخوك لو يتقبلون منك هالموضوع او لا .. كثيير رجال خطبوا لبناتهم و خواتهم .. بالنهايه حبيبتي مالك ألا الدعاء .. و صدقيني لو لك نصيب فيه ربي بيجيبه لك .. أنبسطي بحياتك و توك صغيره لا تخلين هالموضوع يشغلك .. و صدقيني أيام العزوبيه مافيه أحلى منها:17: ربي يسعدك ويوفقك للي فيه الخير لك |
حياكِ أختي أمل .. الأسرة متفهمه هذا الأمر وأخوكِ من كلامكِ ممكن يقتنع بالفكرة .. كلمي أمكِ تكلم أخوك ويعرض عليه بنفس أسلوب أختنا (ليه الغرور) ..أجده طيب أن يسأله عن عدم زواجه الى هذا السن .. ومنها يكون المدخل ..!! بإمكانكِ أن تخبري والدتكِ وكأنكِ خارج الموضوع بحيث يكون بينها وبينه فقط ..!! أما فيما لو رفض هذا الجار فلا تحزني أخيّــه وإليك ماحدث معي قبل سنوات .. فقد كان لي صديق حينها كان في سن ال26 كان شابا صالحاً يحضر حلق الذكر بل ودروس المشائخ في منطقتنا إلى أن صار هو نفسه يقوم بالتدريس في المسجد يشرح الأحاديث النبوية والمختصرات الفقهيه وأعجبني كثيرا ..فعرضت عليه أختي الصغيرة كانت في 16 ، فقال أمهلني أيام وأرد عليك ..! وبعد أسبوع قابلني واعتذر مني بلطف ودعى لأختي أن يرزقها زوجاً صالحا و..الخ .. صحيح قد أكون أصبت بصدمه نوعا ما ، لأن أختي كانت فتاة أراها بنظري مناسبة له من حيث صلاحها وتدينها وحفظها للقرآن وحرصها على كل ما يقرب الى الله . لكن بنفس الوقت هي لم تكن تعلم بما جرى . المهم بعد سنوات تزوجت هي من شاب صالح أحسبه والله حسيبه .. وتزوج هو ..!! الآن هذا الشاب قارب على الأربعين وقد انتكس نسأل الله السلامه ترك حِلق الذكر وترك المحاضرات والندوات الدينية وودع الدروس وأهمل في أمور كثيرة وأصبح ديدنه السفر شرقا وغربا لممارسة ماحرّم الله . فانظري أختي كم من الشر صرفه الله عن أختي الحبيبة فيما كنت أنظر له على أنه خير ، وأحمد الله على ماقضى وكان . فإن حدث ورفض فلا تحزني ولا تقلقي فلن يدعكي الله ، وربما صرف الله عنكِ ما هو شر . أسأل الله أن يرزقكِ زوجا صالحا مصلحا . وأخبرينا بما يجري وفقكِ الله . |
أختي الكريمة
أنا برأيي لاتكلمي أحد في الموضوع ... وادعي ربك يكتب لك الخير فيه أو في غيره ... |
اقتباس:
والله بالنسبه لي انا ما اخبي شي على امي لا صغيره ولا كبيره وامي تفهم كل اللي يجول بخاطري وان غلطت راح توجهني وتنصحني بس الى الان ما كلمتها بجديه في الموضوع لاني ما ابغاها تقلق وتفكر والله قلقانه مرره حتى شغلني التفكير في الموضوع لاني ناويه اقدم على الخطوه هذي بس ما ادري متى بالضبط كل يوم اقول يمكن تجي منهم ويتكلمون قبل ما اتكلم انا ربي يسعدك ويوفقك على الدعوه الطيبه بارك الله فيك |
اقتباس:
الله يكتب اللي فيه الخير ان شاء الله اشكرك على التفاعل معي |
اقتباس:
امي واخوي ماعندهم اي مشكله المشكله مني انا ماني متشجعه وفي نفس الوقت خايفه من ردة فعله لو رفض ماودي انحط في هالموقف راح اتحطم لاني الحمد لله اشوف انه مو ناقصني شي غير الحظ الزين وانا معك ايام العزوبيه حلوه بس نبي نلحق على بزر او اثنين يساندونا في كبرنا :d الله يسعدك على الدعوه الحلوه ولك المثل ان شاء الله |
اقتباس:
كلامك كله صح الخير بيد الله بس انا بصراحه ضعيفه جدا ما ابغا الا ابن حلال يحافظ علي وما يذلني وانت عارف ان هالزمن ماتلقى فيه انسان طيب الا من رحم ربي والله ما طمعت فيه الا من اخلاقه وتعامله الطيب ابحث عن الطيب اللي مستحيل يقهرني او يستغل ضعفي في يوم والا القضيه مو قضية زواج والسلام ابغا العشره الطيبه مع انسان يخاف الله ويتقيه اشكركم على مشاركتكم لي همي ان شاء الله اذا استجد اي شي في الموضوع راح اخبركم |
اقتباس:
الله كريم سبحانه توكلت عليه في كل اموري احاول اني اسعى للي فيه الخير والا الامر كله بيد الله |
ادعي الله يختارلك مافيه الخير
وان ان كان معه الخير ان يعجل به وان يشرح صدره لكي يحبك |
التوكل على الله أولا وأخيرا وفي كل الأمور لكن ربنا قال لنا اعقل وتوكل ... والله سبحانه يحب المؤمن القوي وقد خطب الصحابة لبناتهم .
من رأيي تكلمي الوالدة بالتلميح ... قولي لها سبحان الله كيف الدنيا نصيب وانك مستغربه ليه ما تزوج ابن جيرانكم للان مع انك تسمعي عنه كل خير من اخوانك ووالدك .. واسأليها ..برأيك يما انه ممكن يكون تودده لاخواني ووالدي وراه سبب غير الجيره ؟؟؟ ممكن برأيك يكون مفكر يخطب من عندنا ؟؟؟ وقتها بتفهم عليكي ويصير أسهل مصارحتها ... قولي لها شنو رأيك تطلبي من أخوي يحاول يفهم منه اذا عنده رغبة يتزوج من عائلتنا .. واطلبي منها ما تقول لأخوكي انه هذا اقتراحك اذا تنحرجي من أخوكي .. أخوكي أكيد يعرف الشاب ويعرف انسب طريقة لطرح الموضوع ربي يوفقك ويكتب لك الزوج الصالح والخير وين ما كان :) |
فكري زين يالغلا .. هل انتي ودك فيه عشان فعلا هاذي صفاته ..
ولا ودك تتزوجين وتعيشي حياه جديده .. فزينتي لنفسك هالمواصفات .. اولا ادعي ربك .. ان الله يكتبه من نصيبك ااذا فيه خير لك .. واذا لا فالله يصرفه عنك وويصرفك عنه ويرزقك بالزوج الصالح .. ثانيا .. مساله اهلك يلمحون له .. او تنتظري جيته . هل تقبلي بزوج تعرضين عليه.. او ياتي من نفسه ومن قناعته يخطبك .. فيه بنات عادي عندها وفي بنات ماتحب .. اذا المسائله مسئلة قناعات .. فكري وشوفي الاقرب لنفسك ... وتوكلي على ربك .. |
اقتباس:
|
اقتباس:
وطرحت عليها الفكره واقتنعت فيها وقالت مو عيب ان الواحد يسعى في الاجتماع بانسان ظهرت عليه بوادر الخير وقالت راح تكلم اخوي قريب ان شاء الله وتشوف وجهة نظره على ان انا ما عندي خبر بالموضوع لاني انحرج من اخوي اتمنى والله تجي منهم قبل ما اتكلم انا متخوفه من الموضوع خايفه من الرفض وقتها راح انزعج من الموقف الله يوفقنا واياك لما يحبه ويرضاه |
اقتباس:
|
الله ييسر امرك يارب .. ويفرحك ..
ولا سمح الله ماصار نصيب لاتضيقي خلقك .. اعرفي كل شئ نصيب ومكتوب .. بالتوووووووووووووووووفيق وبشريناااا .. |
اقتباس:
أختي الكريمة : أولاً : أنا لا أستطيع تقديم أي نصيحة أو أي استشارة في هكذا مواضيع ..لعدم أهليتي أولاً ..ولخوفي من عواقبها. فقط لدي تعليق بسيط جداً على كلمة رفض ... ليس ذلك رفضاً وإنما هو عدم رغبة في الزواج بشكل عام ..أو عدم رغبته في الارتباط بك...لرغبته في الارتباط بفتاة أخرى .. باختصار ..لو أقدمت على الخطوة ولم يحصل النصيب ..لا أعتقد أنه رفضك ..وإنما لا توجد لديه رغبة ....أنتي لم تتقدمي لخطبته ...حتى يسمى ذلك رفضاً . وفقك الله وأسعدك دنيا وآخرة. تحياتي. |
مشكورين جميعا ً على الردود والمشاركه الله يوفقكم ويسعدكم ما قصرتوا
اخوي او اختي الاخلاق انا اعتبر انه رفض للفكره ولكن خانني التعبير عموما كلامك صحيح والله يوفقك على الدعوه الطيبه .. حبيت اابلغكم باللي استجد في الموضوع .. انا كلمت امي قبل يومين بالموضوع وهي كلمت اخوي اليوم وكأن ما عندي خبر بالموضوع .. سبحان الله اول قبل فتره كان مقتنع بالفكره لكن اليوم قال حق امي كلام اقتنعت بعده يقول هو يمون عليه مثل اخوه ومستعد يكلمه لكن يخاف يحصل شي مو متوقع بعد الزواج و يكون سبب في تعاستي وماعنده علم بالغيب عشان يعرف وش طبيعته هل هو فعلا ً طيب او ان المظهر يخدع في بعض الاحيان لكن الله سبحانه يعلم بالخير وين ما كان ,, والدعاء باذن الله هو اللي راح يجيب الخير سواء كان فيه او في غيره وانا اقول الخيره في ما اختاره الله واللي يجي من الله حياه الله اشكر كل اللي تفاعل معي ربي يوفقكم ويسعدكم وييسر اموركم وين ما رحتوا |
سعادتك او تعاستك مو بيد اخوك او غيره.. بيد الله سبحااانه, واخوك مسكين وده لك بالخير بس متردد هههههـ
من وجه نظري توكلي على ربك ويااارب نسمع انك مخطووبة ونفرح فيك ..:17: وعشان يرتاح اخوك اكثر يسئل عن الرجال في عمله,,, وماشاء الله على امك متفهمه الله يحفظها ,, انا لو اقول لأمي كذا كان :16: مع اني ما اشووف فيها اي شي لكن الناس وجهات نظر وتختلف :22: الله يسعدك يارب ويهنيك ويووفقك ويعطيك ماتتمني ويكتب لك الي فيه خير ... |
ماشاء الله على شجاعتك وتفهم امك للموضوع الله يخليها لكم
بس ياليت اخوك تشجع هو كمان وكلم الرجال مافيها شي ابد بالعكس بكره راح يعزك من معزة وتقدير اخوك له ليته يتوكل على الله ويقدم على الامر والمسقبل والغيبيات بيد الله مايدري لو يكون مفتاح سعاده للاسره كلها والقاعده النبويه تقول من ترضون دينه وخلقه فزوجوه ياخذ بالاسباب والغيبات على الله وبيدالله وسواء رفض الرجل الزواج او قبل وبعد الزواج لم يكتب الله لكم السعاده فهذه لن تكون اخر العهد بهذا الانسان بل سيبقى الجار والصديق الذي طالما امتدحتم اخلاقه واحببتوه من اجلها |
اقتباس:
عودتها على هالشيء وهي عودتني ما اخبي شي عنها عشان كذا انتي مستغربه كيف افاتح امي في هالموضوع الله يسعد قلبك اسعدني كلامك والله ودعوتك مثل البلسم الله يدخل على قلبك الفرح |
اقتباس:
شكرا لك على الرد جزاك الله كل خير |
اقتباس:
أختي الكريمه .. فيما يبدو أن أخوكِ متخوف من أمرٍ ما. أو هو يستحي أن يقول له ..!! ثم كيف يخاف يحصل شيئ بعد الزواج = لماذا يقدم السلبيات على الإيجابيات .. كل ذلك في علم الغيب ولو عكسنا الصورة التي ينظر لها أخوك فنقول قد يحدث في المستقبل أن تعيشِ في سعادة تامه وتتمني أن لو حدث هذا الزواج من قبل . أما الغيب فلايعلمه إلا الله صحيح هذا .. وخوف أخوكِ من مظهره .. كيف يقول مثل هذا لصاحبه وصديقه وهو الذي يعرفه ويعرف كل شيئ عنه ويصفه بأن مظهره قد يخالف جوهره .. عاودي الكّره أو تبين من أخوكِ كل شيئ عنه حتى يصرفه الله عنكِ إن كان به أمر .. أسأل الله لكِ التوفيق . |
اقتباس:
انصحني وش اسوي وعشان تكون بالصوره جيرانا هذولا لهم تقريبا سنتين او ثلاث من سكنوا بالحي معنا يعني الزيارات ماهي كثيره بيننا رحت لهم مع الوالده واخواتي اللي اصغر مني وبقية جاراتنا مرتين بس وانا في اخر مكالمه مع اخته قبل اسبوعين تقريبا طلبت منها تزورنا مثل ما تقول زيارة تعارف لانهم ولا مره زارونا وهي وعدتني تجي خلال الاسبوع الجاي اذا الله اراد اصبر لين تزورنا في البيت وما ادري الشي هذا متى بيحصل بالضبط بعد اسبوع اسبوعين او يمكن ما تجي بالمره والا اخلي اخوي يتصرف بصراحه رجل فيه كل المواصفات اللي اتمناها خصوصا انه محافظ على صلاته في المسجد ما شاء الله عليه الله يبارك فيه ويثبته طيب انت كرجل لو حصل معاك الموقف هذا وجا لك واحد وفاتحك في موضوع زواجك من اخته وش بيكون موقفك ونظرتك له ولاخته راح تتقبل الموضوع والا تستصعبه وان حصل وتزوجت البنت هل تعايرها في المستقبل ؟ |
اقتباس:
ثانياً باجواب على سؤالك لان هذا الشي حصل معي حيث زوجت ثنتين من خواتي لزميلين لي في العمل وكنت اثق فيهم بانهم رجال بمعنى كلمة الرجوله والحمدلله امورهم زينه ومبسوطين وليس عيب ان تعرض الزواج على الرجل الكفْ ... |
اقتباس:
طيب اخوي وش قلت بالضبط يعني كيف فتحت الموضوع وهل انحرجت او تخوفت من النتيجه والا عادي ؟ الشي الثاني لو حصل ان واحد منهم قال انا ما افكر في الزواج او صرف الموضوع باي طريقه وش بيكون موقفك وقتها ممكن يسبب حواجز بينكم في المستقبل والا عادي |
الله يوفقك
ماشاء الله عليك أخلاق |
اقتباس:
كيف يعني اخلاق وش دخل الاخلاق بموضوعي ؟؟ |
| الساعة الآن 05:52 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©