|
اصدق خالتي ولا بنتها الكبيره ؟
السلام عليكم
تحياتي للجميع عندي موضوع وشوي رايد منكم بعض المساعدات اذا تسمحووون.. عندي بنت خالتي اكبر مني بعشر سنوات وكانت قبل ما تتزوج ويانا تلعب وتدرسنا وهي الأن ما شاء الله كبرت وتزوجت ولديها اطفال ،، المهم انا حاجز اختها الصغيره وقبل فتره اتصلت خالتي فيني قالت ان بنتها الكبيره تبيك تتصل فيك تبيك تساعدها بموضوع ،، قلت اوكي لأني والله اعتبرها مثل اختي .. المهم اختها اللي انا حاجزها عندها بالبيت لأن البنت تدرس بالجامعه اللي عند اختها لأن ما قبلوها الجامعه اللي عند امها .. اللي صار ان البنت الكبيره طلبت شغلتها وسويتها لها وبنفس المكالمه جلست تفتح مواضيع عن اختها الصغيره من مدح وغيره وقالت لي انت انسان فاهم ما ينخاف عليك ومن هالكلام ،،، وجلست اسألها عن اشياء خاصه بأختها فكانت تجاوبني بصراحه واختها الصغيره عنده تقول لها خلاص قفلي الخط لا تتكلمي مع الرجال مع اعلم ان البنت الكبيره عايشه بضغط نفسي من زوجها . .. صارت البنت الكبيره تتصل وقت الدوام اذا راحت اختها الصغيره للجامعه وتجلس تشتكي من هموم حياتها وانا اجلس انصحها واقول لها كيف تتعامل مع زوجها والله لوجه الله لأنها مثل اختي .. فكانت تقولي ياليت ان عندي زوج مثلك كان عشت بحياه سعيده ,,قلت لها ليش قالت انت انسان متعلم وفاهم وتناقش جميع الحوارات ومتا تعصب واي احد طلب منك طلب تسويه له من نفس طيبه ... المهم انها قالت لي البارح تخانقت انا واختي الصغيره ,, قلت لها ليش قالت يا طلال اختي الصغيره خيرها مو لنا للناس يعني اذا صديقتها طلبت منها طلب اعطته اياها وانا اذا طلبتها شي ترفض مع العلم اني مسكنتها عندي بالبيت وموفره لها اي شي تحتاجه ،، قلت لها الطبع هذا ما احبه اذا كانت هذي طبع اختك فخليوها عندكم ,, انا قلت لها كذا بشوف ردت فعلها لأن الأنسان ما تحكم عليه غير تعاشره .. المهم روحت وسألت خالتي عن طيب البنت قالت والله يا خالتك ان البنت طيبه وبنت حلال ولاكن اهم شي ان تكون تحترمها فقط وشوف ايش تسوي لك مع اعلم ان علاقتي ويا خالتي قويه قويه قويه .. فأنا محتار بين كلام خالتي وكلام بنتها الكبيره .. ارجوا من قرأ موضوعي يفيدني ويعطيكم الف عافيه تحياتي سي يو |
و الله يا اخ طلال اشوف انك ساعدت بنت خالتك بشي ضروري ما فيها شي
لكن مكالماتها الفاضيه وقت الدوام و الشكايه من زوجها شي ماله داعي و المفروض ما تعطيها وجه حتى تتصل ثانية و ثالثة .. اما بالنسبة لكلامها عن آختها فعيب عليها تتكلم عن اختها بهذي الطريقة ممكن اختها مو مقصرة في شي و لمجرد موقف سابق قالت لك ان خيرها لغيرها ان بعض الظن اثم لكن بنت خالتك على قد انها اكبر منك الا ان تصرفاتها تصرف مراهقات حتى لو بينها و بين زوجها مشاكل عيب تقول لغيره يا ليت زوجي مثلك خصوصا انك من غير محارمها و في مجال انك تتزوجها فنصيحة من اختك الصغرى لا تعطي اذنك لأحد و مشاكلها تحلها مع نفسها و حتى ما توجع راسك اكثر اخطب بنت خالتك و ملك عليها لا تطولها اكثر و تكبر دائرة المشاكل و القيل و القال و تنفصلو بالآخر لا سمح الله |
بأختصااااااااار حراااااام تكلمها ع الفاضي هيه اخذت حاجتها وانتهينا انت لا ترد عليها ثاني مره اذا اتصلت............و المفروض انها ما تتكلم عن اختها بهالشكل هذي اختها و بعدين على اي اساس تتكلم عليها قدامك؟؟؟؟؟؟؟المهم لا ترد عليها انت مو محرم لها..
|
اقتباس:
ومو عارف ايش اسوي . |
اقتباس:
شكراً على ردك الجميل والرائع ولا كن خالتي ليش رافضه بنتها تروح ماعاي لأمريكا بكمل دراستي مع العلم قلت لها انا بخليها تكمل دراسه البكالوريوس بأمريكا .. كله رافضه براسه شيطان ههه تحياتي سي يو |
أخوي
عندي قاعدة في حياتي تعلمتها ، إني يوم أخذ النصيحة من شخص .. فأنظر للشخص و طريقة تسييره لحياته ؟؟؟ بنت خالتك الكبيرة ، من تصرفاتها معاك .. واضح بإنه تنقصها الحكمة بشكل كبيييييييييييييير فلا تخلي حكمها على أختها يأثر فيك ، بس برضو فكر فيه .. إنت استخير و ماتعرف إيش بين الأخت و أختها و عموما تعامل الوحدة مع أختها ، ما راح يكون مثل تعاملها مع زوجها و نصيحة لك .. ما يصير تتكلم عن ( بنت خالتك ) أمام أختها .. حتى لو هي اشتكت ، فردك أبدا ما كان مناسب .. لإنه ممكن يسبب لك مشاكل إنت في غنى عنهاا و خاصة إنه الحريم ما يصدقوا يسمعوا كلمة و يحبوا القيل و القال ( مو كل الحريم :D ) |
حتى لو قالت خيرها للناس...مو معناه انها سيئه بالعكس مادام خيرها للناس معناه انه فيها الخير..
والمفروض تسال اختها الكبيره وش الموقف الي حصل خلاها تحكم انه خيرها بس للاغراب..يمكن شي بسيط جدا حصل بينهم وقامت حقدت عليها..وطبيعي الاخوات يصير بينهم مشاكل واغلب البنات في هاالسن يحبون صديقاتهم ويخدمونهم اكثر من اهلم.. واعتقد انك انت غير عن كل الناس الي تعرفهم خطيبتك...يعني راح تعطيك عيونها |
صدق خالتك
يمكن الاخوه تزاعلو شوي وميشان هيك خبرتك بدها تنتقم من اختها اقطع اتصالك باختها يمكن توسوس لاختها تتركك انتبه |
اخطأت يوم قلت لأختها دام طبع اختها كذا خلوها عندكم , لأن بعض الحريم تحب تحط بهاااراات على الموااضيع, ويمكن راحت وقالت هذا الكلام لأختها الصغيرة وبينكسر خاطرها ,
وتلقى اختها الكبيرة قالت خيرها للناس بسبب ان الصغيرة ساعدت وحده من صديقاتها بمبلغ مادي او شي مثل كذا وهذا فعل نبيل ويدل على حسن التربية,وقلت لك مبلغ مادي لأن الناس بالغالب تدقق على المادة,, ومثل ما قالو الاخوان والاخوات اقطع علآقتك بالكبيرة لأن ان شاء الله ربي يوفقك ويكتب لك نصيب مع اختها ومن ثم تبدى تتصل عليك وهذا الشي اكيد راح يثير غيره زوجتك وتبدأ مشاكل بين الاختين انتم في غنى عنها .. والله يووفقك الى مافيه خير وصلآح.. |
ياااخوي
انا انصحك لا تسمع لنسواااان ولا تسمع كلام النسواان ابدا اما اذا قالت ان خيرها لناااس فهذا عادي كل واحد يخدم من يحب ويضحي لمن يحب هي ماسوت شي في الشرف وبالعكس انا اشوف البنت فيها خير للنااااس والي فيه خير للناس اكيد فيه خير لاهله اهم شي المعدن اذا كان معدنها طيب بتبدي الي هو احوج للحااجه يمكن صديقتها في هذيك اللحظه كانت احوج من اختها وكذا بدت صديقتها على اختها واترك السوالف مع بنت خالتك بالخلوه لان الشيطان حااظر وانا اخوك وانت ليس بمحرم لها لاكن اذا احتاجت منك خدمه لا تقصر معها واذا شفتها في مكان عام عند خالتك يعني قدام الناااس سلم عليها لاكن من خلف الكواليس مانصحك وانا اخوك الله يوفقك يااارب وتتزوج بنت خالتك وترووح معك امريكا وتدرسووون وتنجحون وترجعون لنا سالمين غانمين |
دآم زواجك بيطول و صعب تعقد قرانك في الفترة الحالية
اقطع مكالماتك مع بنت خالتك الى ان تتحسن امورك و تتزوجها و خذ اخبارها من امها .. لا تفتح على نفسك ابواب دامك تبغاها و هي تبغاك ركز تفكيرك على دراستك و في التخطيط للمستقبل حتى يحين موعد الزواج |
|
اقتباس:
يمكن خالتك ودها البنت تكمل دراستها بس صعبه انك تسافر من دون ما تتزوجها .......اقنعها وتزوج وسافر افضل:17:.....بالتوفيق ان شاء الله |
الاخ الوزن الثقيل لو انك لم تكتب ردك من خلال الكيبورد لقلت انك شخص امي ...
ماذا تقصد من قولك لاتسمع لنسوااان ابدا ... كان الله في عونك ... الاخ صاحب الموضوع الافضل لك الا تتحدث مع ابنة خالتك اطلاقا..لانه لايجوز اصلا ..وايضا انه ليس من حقها ان تسيء لاختها ..ارجو الاا تتمادى معها في الكلام فهي ليست من محارمك اصلا .. ي جب ان تنصحها بعدم الاساءة لاختها مهما كانت الاسباب ولا تجعل ما سمعته يمكن ان يغير مشاعرك تجاه ابنة خالتك التي تريدها دام انها لم تقدم على فعل يسيء لاخلاقها وسمعتها ...تحياتي لك |
اقتباس:
كلامك جداً رائع وجميل وفعلاً اننا نأخذ النصيحه وننظر لكيفية تيسره لحياته انت محق ... فعلاً انبنت خالتي يب لها الخبره وبصراحه حسيت هالشي بس ما بغيت اجرحها ,,, وانا ان شاء الله بصلي استخاره ,, تحياتي سي يو |
اقتباس:
صح انا فكرت في هالكلمه البنت بصراحه فيها خير ولاكن ممكن صار بينها وبين اختها موقف ,, انا ما حبيت اسأل اخته الكبيره عن الموقف لسبب اني احرجها اوا تألف علي قصه جديده .. فعلا انا اذا تزوجتها اكيد بالكلمه الطيبه راح املك قلبها .. تحياتي سي يو |
Green222
اصعب حكايه الوزن الثقيل حنونه طبعي سيدة الموقف الين قاع البحر تحياتي لكم ولردودكم الرائعه وفعلاً كلامكم بمكانه تحياتي سي يو |
قاع البحر
احتراامي لك الشديد انا لما قلت لا تسمع للنسووان فانا هنا قصدي لا تسمع بتشويه الاخت الكبيره لاختها وماهو كلشي ينقال من افواه النساء يصدق لانهم يحبون يبهرون الاشيااااء وكم انفصال حصل وكم مشكله حصلت بسبب تدخل النسوااان |
اخوي طلال
نصيحه لوجه الله كلام الحريم لا يودي ولا يجيب كل اللي تسويه دام البنت في خاطرك وتبيها لايهمك لا كلام اختها ولا كلام امها ممكن البنت تتطلع افضل من خالتك وافضل من بنت خالتك لاتحكم الا بالعششششششششششششره دام البنت في خاطرك ،، روح واتكلم مباشرة مع ابوها وفهمه السالفه انا ابي بنتك واذا هي حابه تكمل دراستها حياها معاي بامريكا ما حبت تكمل برا ،، خليها تكمل هنا وانا اخلص دراستي ويصير كل شي رسمي وبسسسس هذي المواضيع مايبيلها كلام حريم اذا مره مره حابب تعرف اخلاق البنت روح للاهلك امك او اختك وهم يبقولولك الحقيقه ماراح ينقصون ولا يزودون لانك بالنهايه ولدهم وهذي حياه كامله اتمنى اني اكون افدتك اختك // المجهووله |
اقتباس:
فعلاً قررت اني اروح اكمل دراستي وهي تبقى عند اهلها الين ما اخلصت ,,,, وبنسبه لكلام اختها يعني نسيته .. ما عاد يهمني .. وان شاء الله ان البنت تطلع احسن من امها واختها ،، وبعده انا اختي وامي عرفين وكثير تكلموا عن البنت ,, فالبنت ماشاء الله عليها .. تحياتي سي يو |
اقتباس:
و الله يوفقك ف حياتك ويسعدك مع بنت خالتك.....اميييييين |
| الساعة الآن 03:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©