|
عمره سنتين وفيه عشر فتحات في راسه تكفون سعدوني
مرحبا اخواتي انا كتبت لكم من قلب عن ولدي اللي مايفهم ولا يتكلم وديته لحرمه وقالت في راسه عشر فتحات وفيه اوخيته وعطتني علاج وصبخه قالت لازم تحطينها وهو نايم وتخلينها ثلاثه ايام واشيلها واحط صبخه جديده لمده ثلاثه ايام واكرر لين اخلص اربعين يوم المشكله حطيتها له بليل ولما صحا شالها مادري وش اسوي ووش تنصحوني فيه ومن مر عليها طفل في راسه فتحات وتعلاج تكفون ردو على والله اني في هم ما يعلمه الا الله الحمدلله على كل حال
|
شو هي الفتحات هاي اول مرة اسمع فيها
وبعدين يا اختي الله يهديكي كيف بتعطي ابنك صبغات و ادويه عن طريق معالجه شعبيه ابنك حبيبتي لسه صغير واذا انتي شاكه انه معه شي في راسه لا سمح الله ما الك الا الدكاترة الاخصائيين وهناك باذن الله بتلاقي العلاج نصيحتي الك ترمي كل العلاجات و تروحي فيه لاقرب دكتور الله يحفظلك اياه ويجعله من الصالحين |
مرحبا اختي الوطن جزلك الله خير على ردك الفتحات ياحبيبتي ماعروفه في الطب الشعبي وتجي بسبب العين او الطيحات من اماكن مرتفعه وادكاتره عجزو من تشخيصه يقولون كل شي سليم واتمنى من اخواتي واخواني مايهملون موضوعي
|
اختي اسال الله العظيم ان يفرج همك وان يشفي لك ابنك ويحفظه من كل شرر
نصيحتي لك اتركي الطب الشعبي ياما سمعنا بقصص مؤلمه الله يكفينا واياكم من كل شر لان الطب الشعبي الحين مو مثل قبل ,, الحين صاروا يرتكبون غلطات بسبب جهلهم في امور الطب البديل شوفي دام المستشفى والاطباء ما اكتشفوا شي مالك الا اللي احسن من الطب وكل دكاترة الارض كلام الله مافي احسن منه ارقي ولدك وخلي اعتقادك كله في الله سبحانه ان يشفيه وانصحك في آيات الشفاء الست ويفضل لو تقرأينها في عسل وتعطين ولدك على الريق لعلها تكون سبب في شفاءه باذن الله آيات الشفاء الستة بسم الله الرحمن الرحيم · (قَاتِلُوهُمْ يُعَذِّبْهُمُ اللّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينَ*وَيُذْهِبْ غَيْظَ قُلُوبِهِمْ وَيَتُوبُ اللّهُ عَلَى مَن يَشَاءُ وَاللّهُ عَلِيمٌ حَكِيمٌ) (التوبة :14- 15 ). · (يَا أَيُّهَا النَّاسُ قَدْ جَاءتْكُم مَّوْعِظَةٌ مِّن رَّبِّكُمْ وَشِفَاء لِّمَا فِي الصُّدُورِ وَهُدًى وَرَحْمَةٌ لِّلْمُؤْمِنِينَ) (يونس : 57 ). · (وَأَوْحَى رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتاً وَمِنَ الشَّجَرِ وَمِمَّا يَعْرِشُونَ*ثُمَّ كُلِي مِن كُلِّ الثَّمَرَاتِ فَاسْلُكِي سُبُلَ رَبِّكِ ذُلُلاً يَخْرُجُ مِن بُطُونِهَا شَرَابٌ مُّخْتَلِفٌ أَلْوَانُهُ فِيهِ شِفَاء لِلنَّاسِ إِنَّ فِي ذَلِكَ لآيَةً لِّقَوْمٍ يَتَفَكَّرُونَ) (النحل :68- 69). · (وَقُل رَّبِّ أَدْخِلْنِي مُدْخَلَ صِدْقٍ وَأَخْرِجْنِي مُخْرَجَ صِدْقٍ وَاجْعَل لِّي مِن لَّدُنكَ سُلْطَاناً نَّصِيراً*وَقُلْ جَاء الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقاً *وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ وَلاَ يَزِيدُ الظَّالِمِينَ إَلاَّ خَسَاراً) (الإسراء:80-82 ). · (الَّذِي خَلَقَنِي فَهُوَ يَهْدِينِ*وَالَّذِي هُوَ يُطْعِمُنِي وَيَسْقِينِ*وَإِذَا مَرِضْتُ فَهُوَ يَشْفِينِ) (الشعراء :78- 80 ). · ( قُلْ هُوَ لِلَّذِينَ آمَنُوا هُدًى وَشِفَاء وَالَّذِينَ لَا يُؤْمِنُونَ فِي آذَانِهِمْ وَقْرٌ وَهُوَ عَلَيْهِمْ عَمًى أُوْلَئِكَ يُنَادَوْنَ مِن مَّكَانٍ بَعِيدٍ) (فصلت : جزء من الآية: 44). اتمنى تشوفين ولدك معافى وبافضل صحه الله سبحانه قدرته ورحمته وسعت كل شيء |
كم عمر ابنك؟
|
أسأل الله أن يشفيه ويعافيه عاجلاً غير آجل ..
|
اختي امل الله يسعدك دنيا واخره وجزلك الله كل خير ومشكوره حبيبتي على الرد ياليته بس يفهم والمستشفيات احد يقول توحد واحد يقول تخلف وحد يقول سليم والله لعبو في حسبتي وبس اوسوس اختي دكريات عمره سنتين وثلاث اشهر اخي ثنيان امين وجزاك الله خير يا اخوات ويااخوان ياليت من مر عليه مثل ولدي وصار طبيعي يقوللي ويطمني تكفون لا تهملون موضوعي والحمدلله على كل حال
|
ما هي الأعراض التي تلاحظينها على ابنك..؟
وبأي منطقة أنتي؟ |
مرحبا اختي دكريات انا في الرياض وولدي ما يتكلم ولا يفهم شي ابد بس على التلفزيون ويحب الانشيد حتى ما يعرف يطلب ماء او اكل لو يموت من الجوع ويسوي حركات غريبه ينطط ويسوي حركه بفمه كنه يتفل ولعبه يروح ويجي بس وديته لحرمه وقاست راسه قالت فيه فتحات وعطتني صبخه زي الحنا والله ماني عرفه وش اسوي نفسي اتطمن وارتاح على ولدي ونفسي اسمع كلامه ودي يقول لي ماما اللي انتظرتها اسنين طويله نفسي اسمعها
|
أختي .. أرجوك ركزي معي..
وحاولي تبقين هنا ما تطلعين الليلة لين نتفق على خطوات العلاج.. أنتي مؤتمنه على هذا الطفل.. - أولاً : اتركي جانب الطب الشعبي قليلاً .. يعني لا تفكرين بكلام المرأة (الحرمه الي تعالج) بعدين نتكلم عن الطب الشعبي لكن الأطباء الي عرضتي ابنك لهم ما تخصصاتهم .. - ثانياً : طفلك لا يتكلم .. يعني ما يخرج أبداً ولا صوت ولا حرف أم ينطق بعض الحروف - هل له حركات يكررها طوال اليوم؟ إذا ناديته باسمه هل يرد عليك؟ انتظرك - |
اختي دكريات اشكرك من كل قلبي لهتمامك بمشكلت ولدي عرضته على طبيب اعصاب وتخاطب ونفسي وسلوك وادن وانف وحنجره بس ما شخصوه حطو لي مجرد احتمالات اسمع يسمع بس عنده مويه خلف الطبله في وحده من ادانه وقالو ما ياثر عليه وطبيب الاعصاب سوا له تخطيط لدماغ وتحليل كثير وطلعت كلها سليمه مالنفسي والتخاطب واسلوك ماشخصوه واي سؤال انا تحت امرك واشكرك مره ثانيه على اهتمامك الله يسعدك
|
لا ما يرد احيانن اصرخ عليه ويحط ايديه على ادانه واحسه يسمعني زين بس مايرد احيانن يلتفت لما انشد له او اشغل الجوال جروجنا قليل ولبيت خاله يحب اولاد خاله كثير عشانهم يهتمو فيه ويتكلم مع نفسه كالام ماادري وش يقول زي اياي ولك لك بس ويضحك تقولين يشوف شي الحين اكتب وهو يسولف مع نفسه يقول يييي ولك لك
|
اسال الله العظيم ان يشفيه ويعافيه اختي الكريمه طولي بالك
اذا كل الفحوصات سليمه اطمني فهي مساله وقت ان شاء الله لانه في فروقات فرديه بين الاطفال يعني ممكن طفل مثلا يمشي علي عمر10 اشهر وطفل ثاني على عمر سنه ونصف لكن في الاخير اثنينهم بيمشوا و قيسي على بقيه الاشياء ومنها الكلام ابني الان عمره سنتين و نص ويا دوب بيحكي كم كلمه صحيح اني انا قلقانه لكن ما في الدعاء لله عز وجل بان يفتح على عقلهم و ينطقوا وبعدين بالنسبه للتوحد اعراضه واضحه مش صعب على اي دكتور متخصص شاطر بانه يميز اذا كان هذا الطفل توحدي او لا لكن وجود عارض او اثنين من اعراضه في الطفل لا يعني انه هذا الطفل في توحد ادعي حبيبتي في كل صلاه بانه ربنا يشفي ابنك وكوني متاكده من الاجابه |
الله يشفي ابنك ياارب .. ومثل ماقالو الاخوات ابعدي عن الطب الشعبي ..
وفيه اطفال مايتكلمو إلا متأخر ,انتي الان تشوفيه مايتكلم لكن ممكن انه يخزن كلمات وبتشوفيه فجأة يبدأ ينطق كلمات صحيحه ويبدأ ينطلق بالكلآم..لكن نصحيه لك اختي, حاولي لآ يجلس عند التلفزيون كثير ,العبي معه واعطيه قصص مصورة .. وحطي يدك على اي صورة وانطقيها له وكرريها عليه , وبتلاحظي انه يحاول يردد الكلمة , مثلآ كلمه (أرنب) قسميها الى (ار-ن-ب) ثم انطقيها له كامله واهم شي خليه يشوف حركة فمك وانتي تنطقي, ,حاولي معه اكثر من مرة وتشووفي تحسن , بس اهم شي تخااطبي معه على طول, ولآ تتكلمي بسرعه عشان يقدر يفهم عليك ويقدر يجمع له كلمات,هذا ماتعلمته من احد الدورات واتمنى اني افدتك اختي.. والله يشفيه ويخليه لك يارب .. |
اختي الوطن امين وجزاك الله خير الله يشفي ابنك ويطلق لسانه اما ولدي مو مهم الكلام الحين ولدي مايفهم والحمدلله على كل حال
|
اقتباس:
|
اعتذر أختي .. خرجت لظرف طارئ وتركت الاب توب مفتوح
لي عودة .. |
اقتباس:
ثانياً- احب أشكرك على اهتمامك بابنك وعرضه على الأطباء المتخصصين لتقدير حالته - ما فهمته من ردك أن التشخيص الطبي يؤكد سلامة طفلك - عرضتيه على 1- طبيب اعصاب 2-تخاطب ونفسي وسلوك 3- أذن وأنف وحنجره والجميع يؤكد سلامته.. - أختي طفلك إن شاء الله طفل طبيعي خاصة أنه يختلط بأولاد خاله ويحبهم فهو بإذن الله ليس به توحد.. وتشخيص التوحد الآن أصبح أسهل .. وبما إنك عرضتيه على 3 أطباء مختصين وقرروا سلامته البدنية فإن شاء الله إنه طبيعي - بما إنه ينطق بعض الحروف فهو بإذن الله سليم .. - أختي استعيني بالله لتربية هذاالطفل أنا لا أعرف وضعك بالمنزل ووضع أبيه وهل له أخوه لكن تأكدي أن كل الأمهات يتعبون ويسهرون ويتألمون لمرض ابنائهم وكما قيل في المثل الشعبي ( ما يشب شباب حتى يشيب شباب) ونسأل الله الأجر لنا والصلاح لأبنائنا - أختي لست مختصه.. لكن طفلك طبيعي فلماذا ترددي بكل رد أنه ما يفهم وعنده مشكله.. لا تقارني قدرة طفلك بطفل آخر بعمره .. لكل شخص منا مورثات تؤثر عليه فربما في عائلة الأم أو الأب تأخر بالنطق فيأتي الطفل بنفس طبيعة أهله.. - شجعي ابنك على الكلام .. ضعي له قنوات الأناشيد خاصة قناة سمسم .. إسلاميه بدون موسيقى وكذلك يعرضون فيها السور القصار خاصة بالليل فيسهل على الطفل الحفظ.. - تكلمي معاه ارسمي معاه واقرأي له أعطيه هدايا يوزعها معه لاولاد خاله - شجعيه وابتسمي بوجهه عمره صغير يحتاج منك كل الدعم -أدخليه بروضه قريبه إذا استطعتي -غيري تعاملك مع طفلك -ادعي له دائماً أنقل لك تجربة أم بتعليم طفلتها النطق.. اقتباس:
للاستزاده ابحثي في موقع البحث قوقل عن تجارب مشابهه ولأي سؤال أختي أنا معاك .. موفقه |
- أختي كانك تلمحين إلا أن طفلك يعاني نفسياً..ممكن تشرحين لي المعنى
-بعد البحث عن حاله مشابهه لحالة طفلك..في حالة ما زلت متأكده أن السبب نفسي -أنصحك بزيارة مستشفى السليمانيه للأطفال -أو مستشفى اليمامة - أو أي مستشفى حكومي تتبعون له اطلبي قسم النمو والسلوك .. الأطباء في قسم مثل هذا القسم هم من يحددون طبيعة المشكله ويتم تحويلك للقسم الأنسب |
اختي اصعب جزاك الله خير على الرد والله ياحبيبتي ماياست من رحمت الله ولكن انا ام وتعرفين كيف شعور الام لما يتعب من برد فكيف احد قال متخلف عقلي او توحدي والله مادري وش اقول الا الحمدلله على كل حال واختي دكريات عدرك معك حبيبتي وانا مقدره يكفي انك اهتميتي بموضوع ولدي انتي واصعب والاوطن لي عوده لارد عليك ياخت دكريات
|
اولا الله يشفيلك ابنك
ثانيا انا مادري يااختي في خلل في الموضوع او حلقه مفقوده يانك ماتابعتي مع الاطباء او ايش يعني الي قالك توحد كشف عليه وسوى له اختبارات ولا قال احتمال بس احنا لازم نتابعه حتى نتاكد وانت ماعاد راجعتي بس اخذتي اول كلمه ايضا الي قالك تخلف وصفتيله بكلامك وشرحك انه مايفهم ومايستوعب وقالك تخلف وبس معليش ارجعي راجعي لدكتور ثقه ومستشفى كبير يفضل يكون حكومي لان بعض المستشفيات او المستوصفات الخاصه فيها دكاتره ماهم ثقه وللاسف كشفت نقابة الاطباء ان كثير منهم يأتون بشهادة مزوره النقطه الثانيه ابنك ان شاء الله سليم وتأخره في الكلام ليس بالشئ الخطير جدا في اطفال يتاخر نطقهم لاربع سنوااات تتخيلي ويكون طبيعي حاولي تدريبه ع الكلام بابا ماما ننه يعني كررريها ترى الاطفال تختلف قدراتهم انتبهي له من السقوط المتكرر حافظي عليه وتابعيه حصنيه داائما واخيرا انا متفائله بأن ابنك طبيعي لكن نصيحتي اقرئي عليه دائما وحصنيه رددي عليه الكلمات ليتعلم الطفل المتخلف والي عنده توحد يباان شكله وتصرفاته تذكري طفلك صغيييييييييييييييييييييييير وربما عنده تاخر فقط وكما قلت لك الاطفال تختلف قدراتهم ع فكره انا اكلمك عندي خلفيه عن الاطفال الي عندهم صعوبات في النطق والتوحد والتخلف كان في قسم في مكان عملي فيه هدي الحالات |
اختي سويت مرحبا اشكرك من كل قلبي وجزاك الله خير الجزاء بس ياختي ياليت توصفي لي موضى التوحد واتخلف العقلي وانا رجعت فيه مستشفى الحرس بصراحه ماارتحت لدكاتره وحولت اغير مارضو اعرف فيه عندهم اطباء كفاتهم عليه بس لما حولت انهم يحولون ولدي عليهم رفضو ورحت لا مركز مطمئنه وبعكس الحرس قالو طبيعي بس انا قلقانه من كلام اطباء الحرس ومن كلام الناس والله بس يسالون وش في ولدك ولدك مب طبيعي واقول لا ولدي طبيعي ويتكلم معي اكدب عشان يسكتون والمشكله من اهلي واهل زوجي يعني لازم نجيهم ويجون لنا ومشكوره حبيبتي على دعاك لودي الله يسعدك اخي مشرف مرحبا جزاك الله خير ممكن رقمها ولا عليك امر واشكرك من كل قلبي
|
حيآك الله اختي اشكي المااضي..
قرأت عده مواضيع عن النطق ووجدت حاله شبيهه الى حد مآ بحاله ابنك الله يحفظه.. اغلب الردود كأنت ان حالته طبيعيه , والعلآج مثل ماقلت لك في ردي السااابق,, وصدقيني,,إذا لم يكن لدى طفلك فقد في وظائف أخرى من وظائف المخ في المشي أو الحركات الإرادية فقد يكون السبب في عدم تعلمه متابعته الدائمه للتلفااز ويسمع الى لهجات مختلفة غير مشابهه للهجة العائله فتختلط عليه الأمور, كل ماعليك الجلوس معه,والتحدث اليه مبااشرة وهو ينظر اليك فيتعلم حركات الفم حين الكلآم ويبدأ بالتقليد,, ومثل ماقلتي ان عائلتكم صغيرة ولآ يختلط او يلعب مع الاطفال الا ناادرآ,, اصبري عليه وان شااء الله تشووفيه لق لق و يزعجك بالكلآم:d |
أسال العظيم رب العرش الكريم ان يشفي أبنك ويقر عينك فيه
اللهم آمــــــــــــين أختي سوي بحث بقوقل (علاج الفتق بالراس ) وستجدي بأذن الله مايفيدك وهذه طرق للبخه أخذتها من النت الخلطة الأولى : المقادير: بيالة شاي حرمل مطحون + بيالة شاي قرنفل (مسمار) مطحون + بيالة شاي حناء مطحون + نصف بيالة شاي حبه سوداء + بيالة ونصف ماش مطحون + نصف بيالة شاي زنجبيل بودره + نصف بيالة شاي حلبه + ملعقة اكل زيت زيتون + نصف ملعقة صغيره صبره او مره+ ملعقة أكل ملح. الطريقة: تخلط جميع الاعشاب ثم يضاف لها ماء مغلي بحيث تتكون عجينة متماسكه ولينه في نفس الوقت وتقلب على النار قليلا ثم تبعد وتغطى وتترك حتى تصبح دافئه بعد ذلك يوضع على الرأس قطعة قماش تترو أو أي قماش قطني او كتان خفيف والهدف منها حتى تسمح بوصول المادة المستخلصه من الأعشاب لفروة الرأس دون أن تعلق الأعشاب في الشعر..بعد ذلك نضع عليه الخلطه مع الانتباه إلى أن أطراف القماش ترفع حتى لاتنزل الخلطه ... بعد ذلك تلف قطعة القماش للخلف وتشد ثم ترد للأعلى وتشد على الراس ويمكن وضع قطعة قماش اخرى وتلف عليها باحكام .. او نحضر قطعة صوف بعرض 3 سم وتوضع على الجبهه وتربط خلف الراس وتشد حتى يشعر المريض بالراحه ويجبر الرأس. وتترك حتى الصباح ثم تنزع دون غسل الرأس فقط يغير القماش وتجدد الخلطه ويستمر على هذا الوضع لمدة 7 ايام الى 27 يومآ متواصله بحيث كل يوم في الصباح تشال الخلطة السابقه ويوضع بدلها خلطة جديده دون غسل الرأس .. هذه الخلطة طبقتها جدتي على كذا مريض وكتب الله لهم الشفاء بعد معاناة مع الصداع والخمول العام في الجسد.. ولا يلزم أي نظام حميه في الاكل. الخلطة الثانية: تقول أنا مرضت واشتد مرضي وضاقت نفسي وضعف حالي... اتصلت امي بجدتي وأخبرتها بحالي ... سألتها جدتي وقالت ما هو أكثر شي يؤلمه؟. قالت رأسه كأنه مضروب بشوك قالت وبعد قالت غشاوه على عيون قالت خذو..... وقالت هذه اللبخه . - ملعقه قرنفل - ملعقه زنجبيل - ملعقه ملح ناعم - ملعقه حلبه - ملعقه حناء تخلط بكميات متساويه ... تخلط جميعها وتوضع على فروة الراس ... تترك اللبخة على الراس ساعتين أو ينام المريض وهي على الرأس ... المهم اقل شي ساعتين . |
عزيزتي... مين هادي الحرمة ؟؟؟؟؟؟ وعلى أي أساس قالت في راسه فتحات؟؟ يعني باينة للعين المجردة ولا هيا بس تقول من عندها.. يا أختي.. لازم توديه لمستشفى .. يكشفو عليه ويطمنوكي يمكن مافيه ولا شي.. مايسير نعتمد على ناس مهم مختصين.. الله يشفيه ان شاء الله .. |
اختي لمووووبس مرحبا جزلك الله خير انا اخدت الصيخه من الحرمه اللي قالت عنده فتحات مشكوره حبيبتي اختي قلبي حنون مشكوره حبيبتي والفتحات المستشفى ماتعرفها معروفه في الطب الشعبي وبنسبه لمستشفيات والله تعبت منهم وجزاك الله خير اختي دكريات مرحبا والله ياختي اشك انه فيه حاله نفسيه بس قالو اللي عنده فتحات يصير كدا وكنه مريض نفسي واشكرك يااختي دكريات على اهتمامك بولدي الله يسعدك دنيا واخره
|
اسآل الله العظيم ان يشفي ولدك ويفرحك بسلامته
وقريب بإذن الله بتسمعيه يناديك ماما |
اخي مشرف مرحبا جزاك الله خير وانشاءالله اودي اولادي لها بسرع وقت ولك مني الدعاء الله يسعدك دنيا واخره
اختي نور دبي مرحبا امين وربي محتاجه لها وجزاك الله خير |
انا بنصحك ابتعدي عن الطب القديم
ما دام الدكتور قالك سليم الحمدلله انتي طولي بالك وان شاء الله خير |
طمنينا وش صار على ولدك
سبحان الله أمس افكر فيك وقلت بدور موضوعها واسال عن طفلها |
يارب يفرحك بسلامته ويفرح قلب كل مريض نرجو اعطانا الرقم والعنوان وهل تعالج تهتك النخاع وشكرا
|
اختي الماضي الدفين طمنينا عن صحة ولدك ان شاء الله فيه تحسن ؟ بالنا معك الله ينزل له الشفاء العاجل
|
| الساعة الآن 09:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©