|
سألتني اسئلة تقول معظمكم يالرجال كذا
زوجتي المصون سألتني اسئلة تسد النفس تقول ليش انت اذا كنت جالس معي بس مكتم وساكت وزهقان واذا كلموك خوياك ضحكت وفليتها
وتقول ليش اذا جيت تطلب مني شي تطلبه وصوتك عالي ونفسك شينه جيبي الغدا ليش تأخر تقول نفسك خايسه واذا جيت تطلب الخدامه تكلمها بهمس ورقه وادب وطيبه وتقول ليه هالمعامله معي وش فيك علي قلت له كذا تفكيرك بي قالت اغلبكم يالرجال كذا مو بس انت من جد حاااله:( |
انت شايف انك فعلا زي ما قالت زوجتك ؟
|
طيب انت شايف نفسك كذا ؟؟؟؟
يمكن انت كذا ومو حاس بنفسك وبعدين المفروض تفرح بأسئلتها لانها تدل على انها باقي تحبك ولو ماتبيك وتكرهك كان ماعاتبتك حاول تلاطفها وقالوا لك الاعضاء من قبل دللها وخلك قريب منها الله يسخركم لبعض ويهديكم |
انتي ماتلاحظ نفسك تفكر انه عادي مادام انها زوجتك لاحق عليها صح
اكيد ماقالت كذا الاوهي معاها حق وانا اشوف زوجي اوقات كذا اذا جيت اسولف معاه واقله مواقف تضحكه يادوب يجاملني ويبتسم قمة التحطيم واذا كلمه صديقه والله اوقات اسمع صديقه يقول له كلمه عاديه فصير يضحك وضحكه ينسمع اخر الشارع فاسله اقول بالله ليه تضحك انا ماشوف في الكلمه اي شي مضحك ابدبس ذا طبعكم من جد يالرجال الله يعيننا بس |
افرح واجعل تاريخ هذا اليوم لتحتفل فيه كل سنه هههههه
زوجتك تلفت نظرك لمعاملتها بالحسنى يمكن انت م ملاحظ على نفيك كيف تكلمها وكيف تعب الشغل وما تلاحظ على حالك زوجتك محتاج لك نفسيا ولهمسك لان وقت لزوج يهمس بأذن زوجته يكون لها وقع ومفعول قوي جداااا بعكس الصوت العالي والنبره القاسيه افرح انها صارحتك ولم تأثرها بقلها وتجمعها لاننا نحن النساء نجمع في قلبنا االاسى ووقت ننفجر ي ساتر وقتها الزوج ما يعرف ليه انفجرت مرتو وما يعرف انو مجمعه وحامله بقلبها زوجتك تحبك وقلبها طيب لذلك سألتك الاقربون اولى بالعروف ووقت تدخل البيت ومهما كنت تعب ابتسم واضحك وامزح واقرصها بالمزح طبعا ومن غير الم العب معها وصدقني نفسيتك وحياتك كلها رح تتغير ووقت تجلس تتسمع الاخبار ضع رأسك بحضنها تعمل لك مساج وتدعب شعرك ومره انت تضع رأسها بحضنك وتداعب شعرها انا دايما اردد لزوجي واضع يدي على خدوده قرب شفتيه وبيدي افتح ابتسامته واقول له : جوزين ملاقط غسيل امسك لك هالطرفان لتبقى مبتسم على طول لي وللاولاد |
اقتباس:
|
اقتباس:
احسك تستهبل دمعة مفارق ؟؟ تصدقين احيانن اتكلم مع زوجي اقوله موقف واضحك ومتحممممسه واسولف وفجاه الاقي بس ابتسامه خفيفه وكانه يجامل قسم بالله شوي واصيح :25: واحيانن احد اخوياه او اخوانه او امه قسم بالله يقولون سالفه تافهه لابعد حد حتى اني اضحك مجامله اما هو الاقيه ميت ضحك :( اطالع فيه واقول بداخلي الحمدلله والشكر اظن الضحك لنا محرم :29: |
كم عمر زواجكم ..؟؟
اذا انت جديد اكيد تقول لك كذا لا ن مشاعرها جيااشة لكن شوف بعد سنة خخخخخ ابقى قابلني اذا باقي سئلتك .. |
اخي الكريم اهم مايزيد الحب والثقه بين الزوجين ان تقابلها بوجه بشوش وتكون دائما مبتسم لها ولا تشعرها بالحزن والكأبه واذا كنت دائما الضحك في وجه زوجتك راح تضفي جو من الفرحه والسرور في :dداخل بيتك ولا تنسى ان الرسول صلى الله عليه وسلم كان ضحاكا في بيته وبين زوجاته استخدم معها الكلا م الطيب ودللها وهي شافت تعاملك مع الخادمه فغارت والمراءه بطبيعتها تغارعلى زوجها ولا تسغل مشاعرها بتعاملك مع الخادمه بكل لطف لازم تشعرها انها الوحيده في حياتك قال تعالى (وعاشروهن بالمعروف فان كرهتموهن فعسى ان تكرهوا شيئا ويجعل الله فيه خيرا كثيرا ) صدق الله العظيم تحياتي
|
يارجل ولكن ............
انا عن نفسي مااحب احد يعاملني بهذي الطريقة احد يبغى يطلب مني الطلب يطلبوه من غير صراخ ليش انا خداااااامة انا ابويا الله يرضى عليه ويطول بعمره وهو في الخمسين وانا بنته مايطلب مني الا اذا قال لو سمحتي .... من فضلك.... خلاص ابويا عودنا كذا ولو احد صرخ عليا بطريقة امر اطنشه ولا اعبره يايتكلم بادب ولا يقوم يسوي اشغاله بنفسه ......... كل مرأة تحب انه زوجها يحترمها ويقدرها مو يصرخ عليها هاتي الغداء .......هاتي الشاي ........ هاتي ماادري ايش زوجتك ماقالت كذا الا وهيا متضايقة من الموضوع فحاول انت غير من نفسك لانها حركه لاتكرهها زوجتك فقط بل كل النساء....... |
اقتباس:
|
اقتباس:
مع اصحابه بس اشوفه مبتسمممممممم ولما يكلمهم بالجوال واتوقع لانهم اصحابه يعني الواحد يستحي يبين لهم الشينه ولا على طاري الغدا كل مايجي من الدوام ليه ماحطيتوا الغدا وانا والله بس اسمع صوت المفتاح اجري و افرغ الاكل وصرت احس بتوتر وقت جيته وارفع صوتي على الشغاله المسكينه تستعجل معي كان احنا في حرب ........ بس والله جلست معاه جلسه وقلت اش يعني اذا تاخر الغدا بتموت ترى بديت اكره جيتك والله تغير ماشاء الله سار يدخل يبدل ويقد لين اناديه ولا الخدامه سالته نفس السؤال لما تخرب شي يهاوشني واذا قلت هي سوته روح كلمها يكلمها برقه واحسه لما يطلب منها شي يشارها مايامرها ( تقدرين تكوي الثوب الحين ؟ ) ولاقد رفع صوته على الشغاله واقول ليش يقول تسحرنا وانتي المسؤوله قدامي مو هي انتي زوجتي مو هي |
يقال عمر بن الخطاب (تنسب أيضاً هذه المقولة إلى المأمون وغيره): رحم الله امرأً أهدى إليّ عيوبي.
::: أخي الكريم/ جميل جداً أن وجدت من زوجتك إبداء هذه الملاحظة لك. وبما أنك اعترفت أن هذه الصفات تنطبق عليك فابدأ بالتغيير. زوجتك تريد أن ترى منك اللطف والمعاملة الحسنة فاجعلها ترى هذه الخصلة منك حتى تشبع شخصيتها وعاطفتها. ::: قل لها مثلاً بلطف: يا ليت تحضري الغداء..متى تتكرمين وتحضري الغداء..هل من الممكن أن تدلوني على الشيء الفلاني...وهكذا... ::: بالمناسبة: لقد استنتجت من الحوار الذي بينك وبينها أن زوجتك تحبك، ولها قلب طيب. |
ما الذي تريده يا أخي؟!
يعني باعترافك أنت فيك بالفعل ما قالته زوجتك ورغم ذلك امتعطت من أسئلتها ووصفتها بأنها أسئلة (تسد النفس)!!! فما الذي ترمي إليه بالضبط؟ .. هل أنت مستعد بالفعل لإصلاح نفسك أم أنك تفضفض وخلاص؟!! ولاحظ.. زوجتك سألتك هذه الأسئلة رغم أنها خاضت بسببك محنة أعظم وعانت من جرح أعمق من مجرد الصوت العالي أو النفس الخايسة .. وهذا يعني أنها لا تزال شارية العشرة معك .. فصن النعمة يا أخي ولا تتبطر .. وكن جاداً في إصلاح نفسك. هداك الله. |
هذه مشكلتنااااا
نعامل الغريب 00 افضل من القريب وهذا خطأ فااادح فالأولى 00 بحسن معاملتنا وذرابتنا الأهل 00 من أم وأخوات وزوجه وأبناء0000 لا تهمل ملاحظاتك زوجتك 00 وخذها مأخذ حب الخير 00 واجعلها تصميم للتغيير للأفضل الله يهنيكم 00 |
قال الرسول صلى الله عليه وسلم
خيركم خيركم لاهله ولم يقل خيركم خيركم للخدم والله انت منت عارف وشتبي يعني مو كافي انها متحملتك ومتحمله صدماتك وبلا ويك وفوق كل هذا تعاملها بنفس خايشة وتقول بالنهاية ليش ما تعطيني حقي؟؟؟؟ ويقول المثل على الباغي تدور الدوائر الله يعين زوجتك عليك |
نفسي انا وزوجي ..
وماتزال المشكله قائمه .. وويتجاهل يجاوبني .. يمكن يقلل من صراخه بس .. دايم مع ربعه واهله يضحك ويسولف ومعي عالتلفزيون والجوال .. صرت اطنشه واجلس عالنت وماهمني فيه .. جعلنا مانتكلم |
تستطيع يا أخي الغالي التغيير من نفسك وهذا بسيط جدا مالمانع أن تسمع منك زوجتك أحلى الكلام ماالمانع الملاطفة في الكلام
أسأل الله الكريم أن يوفقكم ويسخركم لبعض |
يا أخواني الكرام ويا أخواتي الكريمات
أخونا الكريم يشير إلى انتقاد زوجته لأسلوب عام فيه وبقية الرجال ولا يتكلم عن نفسه فقط فأرجوا أن النقاش يكون على السؤال التالي: لماذ نكون نحن الرجال وهن النساء لطفاء مع الغير جافّين مع الآزواج والأقارب؟ |
اقتباس:
|
أخي الكريم رجل ولكن
لعلي أنقل لك هنا بعض الملاحظات على الرجال والنساء في هاتف المرأة أرقام هواتف عدد من السائقين لها ولأقاربها ولا ترضي أن يكون للخدامة رقم في هاتف زوجها. بعض الرجال يتعامل مع أهله وكأنه المحقق كونان ومع أخته يختلف ويعينها على زوجها أحياناً. بعض النساء ومعها زوجها في السوق تبادر للكلام مع البائع وكأنه غير موجود وتغضب من تعامله مع الخادمة مباشرة, ولو كانت البائعات في السعودية نساء لرأيت من بعض رجالنا العجب, بعض الرجال يعطي زوجته أفلوس وروحي للسوق وهو وين الله أعلم؟ بعض الرجال خفيف دم مع أخته وشلته ومع زوجته ثقيل دم وهي كذلك مع أخيها ومع زوجها والسؤال لماذا إذااستعرضت كل الصور السابقة أخي الكريم ستجد أن فيها مواضع للشيطان يكون أقوى فيها من بعض فالأخ لن يطلق أخته ولكن التفريق بين الزوجين هو أعظم أمنيات الشيطان في الإنسان بعد الكفر, وفي بعض الصور ستجد أن التعامل بالحق والإنصاف من النفس مفقود, وستجد الكل يقول أنا أضمن نفسي بس ما أضمن الطرف الثاني والجميع تحت قوله تعالى:(ألم يعلم بأن الله يرى). |
اقتباس:
بينما الزوج يشوف تقصيره في جانب اخته او امه او اصدقائه يعني مافي نظرة صحيحة موضوعية عادلة |
ياأخي ابدأ بالتغير فزوجتك أرادت منك ان تبتسم لها وتعاملها بلطف لاأقل ولاأكثر من هذافهي تحبك وتغارعندما تراك تعامل غيرها كالخادمه بلطف بالطبع ستحزن لانهاهي الاحق بهذه المعامله الحسنه قد لاتدركر انت ماتعامل به زوجتك لعودتك من الشغل واجهادك يجعلك عديم الاحساس قربها(اعتذر ان كان قصدي مبالغ فيه)فلاتجعل العمل والارهاق يؤثرعلى علاقتك مع زوجتك الغاليه خذ قسطا من الراحه بعد العمل لتكون صافي الذهن مع جلوسك بالقرب منها***:)
موفق اللهم سهل علي حمـــــــــــــــــــــــــــــــلي وولادتـــــــــــــــــــي وأعني على تربيـــــــــــه ابنتــــــــــــــــــــي |
اخوي اعتقد المشكله مو بس فيك انت في الكل واعتقد ان السبب لاننا نخلط الامور في بعضها بمعنى عندي مشكله في الدوام ارجع البيت وانا معصب وهكذا فيه مقال صغير قريته من فتره المقال كالتالي لا تفتح الادراج كلها مره واحده من الاشياء التي تعيق احساسنا بالسعاده والراحه او تترك اعمالنا منقوصه , طريقتنا الخاطئه في التعامل مع مواقف الحياه . فقد سئل احد الناجحين عن سر نجاحه فقال : عندما اكون في وظيفتي ينفصل تفكيري عن البيت ولا اركز الا في اداء عملي وعندما اكون بين اسرتي انفصل عن كل شي يشغلني عن اسرتي . واقضي الوقت مع اسرتي وانا في كامل كياني وحضوري وانظم حياتي كما هى طريقه الادراج , فهناك درج البيت , درج العمل درج المتعه والتسليه درج الرياضه درج العلاقات الاجتماعيه . فلا افتح الادراج مرة واحده بل افتح كل درج لوحده وعندما انتهي منه اغلقه وافتح درجا اخر حسب الموقف الذي اعيشه فان هذه الطريقه تجعل حياتي منظمه , وتفكيري متزنا ويومياتي مبرجمه وادائي على درجه عاليه من العطاء والكفاءة ناهيك عن احساسي بالاستقرار لاني شخص انجز كل شي بدقه واعطي لكل حق حقه . فما يحدث ان بعض الاشخاص ينقل هموم العمل الى بيته ,او يعيش مشاكل بيته وهو في عمله مما يعرقل اداءه وانتاجيته فعندما ينقل مشاكل عمله الى بيته يحول بيته الى هم ونكد , او عندما يصلي لا يعيش حاله التجلي الروحاني والانعتاق نحو الله . لان درج العمل ودرج الاسره مفتوحان مع درج العباده , فتختلط افكاره وسيفقد اثار العباده المعنويه على روحه طالما كان يمارسها في هذه الفوضى , فلو برمجنا عقولنا على هذا النمط من التفكير ستستقيم حياتنا اكثر لان فتح الادراج كلها معا تربكنا ويهدر وقتنا . |
فعلا إنتم كذا دايم ياهالرجال الله يعين عليكم...
|
بصراحه زوجتك معها حق بصراحه انجلط لما يكون يخانق على موضوع تافه ويدق عليه احد خوياه تعالوا اسمعوا الهدوؤ والضحك :(, ودايم امور تافهه عند اهله يموت ضحك عليها وانااقول بقلبي يااااااااربي ياالسخافه بس طبعا مبتسمه ههههههههههههه:d
|
ادري اني مخطي بس هذا طبعي وش السواة قدام الحرمه غير وقدام الناس غير
|
خليك على طبيعتك ولا تقعد تجري ورى كلام احد .. وش السواة
كل النااااااااااااااااااااس كذا ... رجال وحريم .. الاشخاص اللي عايشين معهم لا بد يكون بيننا احتكاك وسوء فهم . ومواقف تحتم علينا اننا نتعامل معهم كذا ... واحيان من باب اننا عشره مع بعض فالواحد صعب يجلس يجامل ... يتصرف بطبيعته .. اما اي شخص اخر كزميل او زميله ... ففي الغالب ان علاقاتنا بهم محدوده ومواقفنا معهم في الغالب هي مواقف انس .. لكن في المقابل لو ان لاحدهم معنا مواقف سيئه او حدث في يوم من الايام مشكله .. فمن الطبيعي ان الانسان يتغير في تعامله معهم تلقائيا .. والخدم كذلك .. لو انهم سيئين او يفعلون المشاكل .. ما تحملناهم وعاملناهم بمعامله اشد ...لن نكون معهم لطفاء .. لكن علاقتنا بهم علاقه طلب وتلبية طلب ؟؟؟؟ لو مثلا الخدامه قالت لا ما باسوي والا ما باجيب هل راح تاخذ بخاطرها وتكلمها بلطف ؟؟ لكن اهل البيت عادي تحصل منهم هالاشياء .. وعشان كذا يكون فيه ردة فعل من كل طرف . يعني الزوجه او الاخت او او ممكن ترفض طلب .. وممكن ترد عليك .. وممكن تقهرك بتصرفاتها ... ولما ينظروا لمعاملتك لشخص اخر مافي بينك وبينه شي من هالنوع من التصرفات يستنكروا هذا الشي منك ... وما يفكروا في الفرق بينهم وبين هذا الشخص وتعاملهم هم معك .. .. كل الكلام اللي انذكر عادي وكل الناس كذاااااااااااااااااااااااااا ... |
السواة ان الله لا يغير ما بقوم حتى يغيروا ما بانفسهم
|
|
| الساعة الآن 04:15 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©