|
زوجتي عند أهلها وأفكر بتطليقها
[SIZE="5"][COLOR="DarkGreen"][SIZE="5"]مساء الخير
عمري 27 انسان مستقيم طيب حنون وسيم متعلم وزوجتي 23 سنة تزوجت من 3 سنوات عندي طفله عمرها سنة ماني مرتاح معها وانصدمت صراحه فيها مابيننا صلة قرابه وحده دلتنا عليهم وشفت البنت وأعجبتني ثلاث سنوات وأنا أقول بكره تتعدل نصحت هاوشت ماااافيه فايده .زواجنا كان بأفضل قاعه في المنطقه أخذتها شهر عسل ماتحلم فيه سكنتها في بيت وأثاث فخم جدا طيب حنون معها لأبعد حد مااقصرت بشئ أبد لابمعامله حسنه ولابأكل ولابملابس ولابمصروف كل شئ متوفر لها زوجتي انسانه مهمله بجميع الجوانب عدم اهتمام بالمظهر ولانظافه بنفسها ولاكأنها متزوجه انسانه بس تبي تاكل وتنام وتدخل احسن الأسواق همها الوحيد الناس وش بيقولون عنها الطبخ من تزوجتها ماشفت منها شئ جديد أقولها تعلمي نزلت لها جميع كتب الطبخ وتقول ايه أعرفهم ولاشفنا شئ بالعافيه تطبخ الغدا وتجهزه لي أحيانا أرجع من الدوام وأنزل للمطعم أجيب غدا اما الخميس والجمعه آكل عند أهلي لأنها ماتصحى إلا المغرب قهوة المغرب فهمتها وقلت لها نفسي مره أحس أنها مهتمه فيني ومجهزة القهوة لنا لكن للآسف أحيانا أرجع تسألني تبي قهوة؟!! وأحيانا تسوي وكثير من الأحيان مافيه مافيه أنوثه لسان حلو مافيه حتى كلمة الله يعطيك العافيه إذا جبت شئ ماأسمعها عطورات أشري لها ولانشوف شئ أواني الغدا تجلس إلى اليوم الثاني بوقت العشاء أقول ليش ماغسلتيهم تقول وش دخلك! قدام التلفزيون هذا الممثل متزوج هذا مطلق هذا عدد عياله كذا وتتكلم وتعلق على أشكال الممثلين!! حتى في الأسواق شوف الرجال هذا مسوي كذا وغيره عن شكل الرجال عيونها غطي عيونك غطي عيونك مااافيه فايده تكرر الأخطاء مثل ماقلت مهمله بكل شئ حتى ملابسي على انها كثيييره ماأحصل شئ نظيف لوتجلس اسبوع وأكثر ماغسلت بحصل ملابس نظيفه لكن شكلها تاخذ فتره أطوووول ماغسلت شئ تسوي مشكله من اي شئ تافه مثلا قلت لها انا من كنت بالإبتدائي ماعمري داومت وطلعت إلا بملابس نظيفه وآخرتها أداوم اليوم بثوب وسخ جلست هي اسبوع ونص زعلانه و بعد هذا الإسبوع والنص تجي تسولف معي عادي ولاكأن صار شئ لأنها طفشت تبي أحد يسولف معها ويطلعها ماحس منها بإهتمام أوحب لي أدخل البيت ماشوف منها استقبال حلو سنة كامله كل ليلة تنزل عند أهلي تقهوى وتعشى ويرحبون فيها وأنا أطفش وأطلع من البيت وتقول ليش تطلع قلت لأني ماحصلت زوجة تجلس في بيتها فجلست يومين وصرت ماأطلع وبعده رجعت حليمه لعادتها القديمه سنة كامله على هذا الوضع..وأهلي ساكتين يستقبلونها بكل حب وهي ماتحط يدها بشئ معهم حملت وتعبت في حملها وجلست على ظهرها عند أهلي شهر كامل أمي تقوم فيها آخرتها أمك وأمك وأمك على أشياء تافهه آخرتها أنها مره جالسه هي وأختي يناظرون في طفله فقالت أمي لثنتين قولوا ماشاءالله..أختي قالت ماشاءالله ..وزوجتي سكتت.. أمي نست الموضوع ماأهتمت..وزوجتي طلعت لي فوق ليش أمك تقول قولي ماشاءالله لييييش والله ماعاد أقول ماشاءالله............ ولامره فكرت تعزم أمي على قهوة أقول أعزميهم لوعلى قهوة ,مابي اعزمهم درج البيت ولامره إكنسته أوأمسحته هي مره وحده من تزوجنا غسلته مع خواتي انا نفسيا تعبت من كثر مشاكلها التافهه عند النصيحه اوشئ تافه مايروق لها تسوي مشكله وتزعل وتسفهني فتره ثم ترجع ولاكأن شئ صار آخر مشكله يوم خميس رحت مع أخواني بعد صلاة العشاء لجدتي أسلم عليها بعد مارجعت قلبت ليلتي مشكله وتطول لسانها ليش ماعلمتني أنك بتروح ليش؟؟ وجلست تستهزأ فيني يوم احد عطر يعني تقلدني بإستهزاء وتقول ليش ماطلعتني نتمشى؟ قلت بدال اليوم بكره بإذن الله نطلع بكره مافيه فايده تهاوش جيت برد عليها بتكلم وعطتني ظهرها ومشت قلت تعالي لاتروحين وانا ماخلصت كلامي قالت منو أنت عشان انتظرك تكمل كلامك وتقول وش هالعيشه لامجلات ولادش تقول مافيه قنوات يااخواني مع أني ألتزمت إلا أني تركت الدش في بيتي عشان ماتطفش عندها جميع القنوات تشوف مسلسلات وأفلام يعني وش تبي غير كذا؟ أخذت مخدتها ونامت في المجلس وأنا سكت ونمت بغرفتي اليوم الثاني ماصحت إلا المغرب وتمر من عندي وسافهتني قلت اجمعي عفشك بوديك أهلك لأن طفح الكيل منها طلعت شوي ورجعت عطتني الجوال لأن ابوها على الخط قال انت عايفها انت عايفها جبها وإلا بجي آخذها قلت ياعمي موعايفها بنت ماتحترمني لسانها طويل علي ومهمله قال لا انت عايفها بس جبها لنا وإلا بجي آخذها قلت لا لاتجي انا بجيبها لك وأمها تقول 100 واحد يتمناها!!! بالله هذا كلام يااخواني انا ظنيت أمها تعقلها طالع الأم وش تقول!! رجعت اليوم اللي بعده من الدوام قلت بنفسي إذا حصلت الحرمه مجهزه غداها ولاجمعت عفشها بتركها لكن لقيتها جامعه عفشها تنتظرني ووديتها أهلها وطول الطريق تقول طلقني طلقني وأنا بقهرك في بنتك اهلي سألوا عن النظام ويقولون البنت عند أمها وأنا بعاندك وأقهرك في بنتك(لأنها تدري وش كثر متعلق في بنتي) تركتها اسبوع عند أهلها ثم اتصلت فيها قلت انتي غيري من أسلوبك واحترميني انا زوجك واهتمي بنفسك وبيتك وبنتك وبجي أرجعك قالت لا ماني مغيره من أسلوبي أنت اللي تغير وجلسنا نتجادل وتطول لسانها ومن ضمن الكلام اللي قالته اني انا سببت لبنتي نور عيوني النفسيه,,و قلت حتى أمك ماتستحي كلامها 100 واحد يتمناها بدل ماتعقلك قالت لاتكلم عن أمي,,قلت أنتي ياما تكلمتي عن أمي وهي سكرت الخط واتصلت عليها مره ثانيه وموهامها هي بنظرها ماغلطت قلت هاه بتغيرين من أسلوبك وتحترمين نفسك وتحترميني برجعك غيره لا قالت لاماني مغيره وطولت لسانها قلت خلاص اجل وسكرت الخط بعد ساعتين أرسلت رساله تقول فيها أنا محترمه نفسي ,,وأحترامك يصير خير وطنشتها وصارت تدق وتدق وإلى الآن جاري التطنيش من اسبوع وأرسلت ناس بيننا يسمعون منها وش اللي مضايقها مني قالت ليش ماعلمني أنه بيطلع ويروح لجدته انا مليت منها ومن خبالها ورفالتها وكنت صابر عليها عشان بنتي فقط لاغير وإلا والله لاأسلوب ولاأهتمام ولاغيره وكنت مراعي الله بتعاملي معها آخرتها تستهزأ وتقول أني معيشها عيشة ملكه!! انا حتى العلاقه الخاصه محروم منها لأنها مومهتمه بنفسها وصابر عشان بنتي مابي بنتي تربى بعيد عن عيني بنتي اللي مافيه احن عليها مني آخرتها تقول اني سببت لها النفسيه والسبب أني ماطلعتهم يوم الخميس المصيبه أن البنت توها هذا الشهر تكمل سنة أي نفسيه وأي خرابيط وتقول انها جالسه عندي عشان كلام الناس لأنها شايله هم الناس وش بيقولون عنها إذا تطلقت اللي يسمع كلامها يقول اني اضربها أومجوعها أو اسبها اواغثها أو مقصر عليها بشئ انا كرهتها وناوي أطلقها لأني ماقدر اتحملها هذي انسانه طبعها كذا ماتغير وبنفس الوقت متعذب عشان بنتي ماأنام إلا ودمعتي على خدي بسبة هالبنت فكرت أتزوج عليها وأتركها معززة مكرمه في بيتها وعند بنتها بس مابينفع معها لأن مشاكلها ماتغير بالعكس ممكن تزيد ومابرتاح من الضغوطات النفسيه وبعد خايف أظلمها معي لأني عايفها,, أرشدوني لعلي أجد عندكم حلول [/SIZE][/COLOR[/SIZE]] |
أخي العزيز كان الله في عونك ..
إن كان ماذكرت فعلاً واقع فهو والله كبير بحقك .. لكن يبدو أنك طيب "حبتين زيادة " الله يحفظك .. عموماً رأيي دعها عند أهلها ولو شهر كامل أو أقل وكن قويا وصارما وحازما .. ولا يمنع هذا إطلاقاً أن تزورهم أقصد أن تزور ابنتك نور عيونك يخليها ربي ويحفظها ، لامانع أن تزورها وتأخذها معك لساعات ثم تعود بها إليها .. بعدها لكل حادثٍ حديث .. لأن زوجتك تحتاج لكلمة قوية ونصح يعيدها لصوابها . وفقك الله . |
تصدقون أني أنقهر لأني ماأشوف من زينتها شئ إلا أنها إذا بغت تنزل لأهلي حطت كحل!!!
تكلمت هاوشت مافيه فايده حتى الشموع للآن في مكانها مره وحده انا اللي أشعلتها انسانه مومهتمه في شئ |
اقتباس:
انا اشعر انها مستحيل تتغير ممكن تتغير فتره لكن ترجع على أطباعها |
اخي في الله
انا اقول طلقها طلقه واحده لكي تجرب الم الفرقه وتتأدب وتعرف قيمتك وانك رجل بس ماقول الى الله يعين على حريمنا لا وبعد كل ماتكلمنا وقلنا فيهم شي يطلع الغلط من الرجال وهي منزهه عن الخطأ بحجة انها انثى وانت رجل وانت الفاهم وهي عقلها تاقص وتمر في حالات اضطراب واكتئاب ودوره ولازم نراعي مشاعرها حتى لو الحق مع الرجل وهي ماتهتم في مشاعر الزوج ابدااا ونهتم فيها غاية الاهتمام ونجلس طول الوقت نراضي فيها ونخاف نزعلها والزوجه ماتفرق معها حتى لو نمت زعلان,, ولاطاحت الفاس في الراس وطلقنا تقول ظلمني؟؟ انا اريد ان اعرف شي واحد بس ليش حريم أول (امي وام زوجاتنا وغيرهم) ماكان عندهم هذي الخراااابيط اللي في بنات اليوم؟؟؟؟؟؟؟؟؟؟؟؟؟؟؟ |
:: |
خليها عند اهلها ولاتسئل هي انساسة مدلعة كتير وسوف تتعبك أقول هذا بعد قرائتي لمشكلتك كن قويا ولاتستسلم لرغباتها فهي لاينقصها شيئ ,الا اذا كانت لاتحبك ولم تستطع ان تخبرك ولم تستطع ان تخبر احد فهي تفعل هذا لأغاظتك حتى تكرهها وتطلقها, لأن هدا عناد غريب وعجيب المرأة لاتطلب أكثر من هدا زوج ملتزم ويحبها واموره المالية جيدة والله يهديهاوكما قالت سيدة الموقف لو ترى ما تذوقه النساء من ظلم وفقر وووووو ومع دلك هن صابرات
|
اقتباس:
الله يغفر لنا ولهم أأأأأأأأأمين يارب |
اخي الكريم تذكر ان ابغض الحلال عند الله الطلاق خصوصا وان عندك بنت الله يخليها لك
وانا من رايي انك تخليها في بيت اهله وطنشه وماعاد ترد على اتصالاته او رسائلها فاكثر ما يغيض المراءه هجر زوجها لها ويا اخي المكر ليس مقتص على النساء فقط:d انا لدي فكره جربها اذا ارت وباذن الله سوىفى ترا النتائج حاول ان توصل لزوجتك واهلها بطريقه غير مباشرة عن طريق احد الاقارب او احد النساء انك في مرحلة بحث عن زوجة اخرى تقدرك وتحترمك وتراعي واجباتك وكما ذكرت لك سابق ان مع هجرك وتطنيشك لها وكذلك موضوع انك تبحث عن زوجة ثانيه سوفى يعقلها ويردها الى صوبها ان شاء الله والله يصلح حالكم ويوفقكم يارب |
اقتباس:
8 8 مايجوز هالكلام عن أم عيالك والله عيب وش خليت للنسوان هذا وأنت لسى ماطلقتها أجل لو طلقتها وش بتقوول عنها..؟! |
::
أخوي raahza اتمنى إلا تعمم مثل مافي زوجات لايعرفن أحترام الزوج ولاقدره ولا حقوقه عليهن هناك زوجات يعرفن قيمة الحياة الزوجية ويضعن الرجل في أعينهن وكونك أنت وأخي جاسم اصبتم بسوء الحظ ووقعتم في زوجات مدللات ولايعرفن تقدير الزوج فهذا لايعطيك الحق في أن تصف كل بنات اليوم بما وصفته فمازال في النساء خير كما في الرجال لكن أحسنوا الأختيار ولاتعتمدوا فقط على كلام الأهل وكان الأجدر أن تكون فترة الملكة لاتقل عن سنة أو ستة أشهر حتى تتعرف عليها أكثر وتظهر لك طبائعها ::[/SIZE][/INDENT][/RIGHT][/COLOR][/QUOTE] انا متأسف اختي الفاضله انا لااقصد ان بنات اليوم جميعهم كذلك ولكن هناك مثل ماذكرتي يهتممن بالزوج غاية الاهتمام ويقدرونه ويحترمونه ويقفون بجانبه في السراء والضراء,, ولكن كما ذكرتي سؤء الحظ أو تدليعنا الزائد لهن هو من جعلهن كذلك. واكرر اعتذاري مجدداً |
جعلت من الوضع يتفاقم بتدليلك لها !
اذا فقد الأحترام بين الزوجين فقد البيت ركيزته وعاموده الفقري , انت اضعت احترامك امامها , بطيتك الزائدة , وسكوتك عن أخطائها , وخصوصاً عدم احترامها لك ! , معليش اخي الكريم , انت تتحمل جزء من الخطأ , لأنك وببساطه ( تركت الحبل على الغارب ) الآن لابد من وقفه جاده للتغير او الأنفصلان , ومن أجل التغير لابد ان تشرح لوالدها الموضوع كامل لمَ لمْ تشرح الوضع لوالدها ؟ , يبدو ان زوجتك اخبرته المشكله بخلاف الواقع ؟ |
غريب ما أقرا نساء غريبات في مجتمعي النساء نظيفات الى حد الوسوسة وويهتمن بأنفسهن جدا سبحان الله والله استغرب من هذا مع ان حالتهم المادية صعبة ولكنهن يهتمن بأنفسهن قدر المستطاع اما من ناحية الدوش فكل يوم سبحان الله والله غريب
وهن يخدمن بيوتهن بأنفسهن من طبخ والى اخره أما الزوج فهو اهتمامهن الكبير سبحان الله |
اقتباس:
هي يجوز لها وانا لايجوز لي التفوه بكلمه,, ولكن انا اعتذر وماقصدي اكتب هالكلام الجارح بس من زعلي وانفعالي مع موضوع الأخ جاسم نسيت نفسي واذا ماخرجت اللي في قلبي راح انفجر من القهر بسبب ماعملته لي زوجتي بي واسأل الله المغفره. تحياتي |
أخي الفاضل
إذا كانت المرأة مخطئة ومتهورة , فإن الحل يأتي عن طريق أهلها إذا لم تقتنع بكلام زوجها ولكن حسب كلامك ووصفك فإن زوجتك " دلوعة ماما وبابا " ويشاركانها التهور وانعدام المسؤولية ولذلك أنت بحاجة إلى مواجهة زوجتك ووالديها . سأختصر لك الموضوع من النهايه ... زوجتك طبها ودوائها زوجة ثانية , أو في أقل الأحوال سرب إشاعات أنك ستتزوج وهي عند أهلها . |
قرأت مشكلتك بتمعن شديد.
لكن قبل أن أشارك في موضوعك سوف أسألك ما يلي: هل أنت صبور؟ كيف مقدار صبرك؟ هل تستطيع الثبات على موقفك أم لا؟ هل ستطبق ما نقوله لك؟ |
الاخ او الاخت نعمات ,,,حتى النساء في مجتمعنا نظيفات لحد الوسوسة,,ويهتمن بازواجهن ,,اذا كان الاخ صاحب الموضوع اشتكى من زوجته ,,هذا لا يعني ان كل النساء مثلها في كل مجتمع فيه السيء والجيد ,,وتذكر ان التعميم تعتيم
|
أخي الكريم اذا زوجتك تنام الى المغرب كيف تصلي الظهر والعصر ؟ يبدو لي أن أساس مشكلتكم هو تباين الإلتزام الواضح بينك وبين زوجتك وأظنها غير راضية عن هذا الأمر فهل هذا صحيح ؟ أعانك الله |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
بالنسبه للي يقولون طلع اشاعه أنك تبحث عن زوجه مستحيل ينفع معها لأني أخذت فتره أقولها بتزوج الثانيه تقول عادي عشان آخذ فتره نقاهه يوم ماأطبخ اللي يقولون خبر والدها أبوها مايفهم ولابيسوي شئ وفقكم الله جميعا وجزاكم الله كل خير |
مرحبا اخوي جاسم
زوجتك معطيها وجه وبزياااده لا احترام لانظافه لااسلوب وفوق كذا نومه الين المغرب (وين صلاة) وفوق هاذا كله خبري رجال اللي ياخذ مخدتته وينام بالمجلس موب(الحرمه) وقت الزعل لانه الحرمه مستحيل تتنازل عن مملكتها اللي هي غرفتهااا:( زوجتك ماااااااراح تتغير الا الين تجيب على راسهااا حرمه ثانيه او اصبر وشوف وهي بتتغير او لا اذا رجعتها من عند اهلهاا ولابد ان رجعتها انت تخفف طيبيتك زيااده وتثبت وجودك وتكون حااازم بتصرفاتك معهااا |
لازم المرأة ترى من زوجها العين الحمرا والعكس صحيح
سبحان الله فطرة في الانسان ان يطغى ويتمادى الى ان يجد نقطة الخطر حينها لا شعوريا سيقف لذا جعل لنا الشرع خطوطا حمراء لا نتجاوزها لان بطبيعة الانسان يحترم كل من يؤطر له حياته وطريقته تعامله مع الاخرين عليك الحزم يا اخي في موضوع زوجتك |
اقتباس:
أعانك الله أخي الكريم الصبر زين |
الله يعينك يآجآسم
دـآمهآ تقول عآدي تزوج! ارتآح وعشآن مآطبخ ! فآهمه الزواج غلط الله يهديهآ :21: زوجتك وـآضح مآتغآر ولاشي همهآ الطلعآت والناس قالوا مآقالو ..والخ انت ارخيت لهآ الحبل من البدـآيه وهذي النتيجه ومآينفع معهآ الاالحزم طنشهآ وخلهآ عنده اهلهآ شهر شهرين واعرف بعدهآ وش نتيجه هالبعد ! وبعدهآ قرر الانفصآل او العكس ~ وبنتك مآتقدر تمنعك من شوفتهآ والله يكون بعونك |
اقتباس:
قوي قلبك اذا تبي تعيش باقي ايامك مرتاح معاها العمر قدامك طويل وفيه عيال بيجون غير البنت ... لا تكون لين فتعصر ولا قاسي فتكسر |
الله يعينك بصراحه على حلمك كل سي يهو نعندي الا الوساخه وسؤال كيف قدرت تاكل من يدينها وانت غلطان من البدايه تركت الحبل على الغارب خلها تتصفح النت وتتعلم من ها العا لم شوف انصحها بعدين اهجرها بعدين صارحها وخبر امها تسنعها واذا مانفع امسكها من شعرها وارميها في البانيو الله يعينك لاتزعل من كلامي
|
لازم يكون في حسم هاي المرة
يعني لازم تعرف انها زوجة لها حقوق وعليها واجبات ما انصح بالطلاق لانو اللي بيضيع الطفل اما الاب والام عادي ممكن يعيشوا حياتهم فكر كويس وعليك باهل الخير اللي بيدوا المشورة الصالحة وان شاء الله خير |
لن ألومك أو أعاتبك على أسلوبك معها الذي به العديد من الأخطاء التي مردّها إلى طيبتك وتجاوزك للخطأ المتكرر منها.
لكننا سنسير معك قدماً للوصل إلى حل مناسب لكن دعنا نمسك الآن بآخر خيط من قصتك. ::: بما أنك قلت أنك رجل صبور... فأرى لك ما يلي: 1) إما تتصل على والدها، وتخبره بما لديك عن ابنته. 2) أو تهجرها تماماً بدون اتصال أو رسالة، ودع أهلها يصرفون على ابنتك عندهم حتى يملّوا. 3) أو تهجرها تماماً دون اتصال أو رسالة، وتقول لوالدها: إذا سمحت أرسل لي رقم حسابك البنكي كي أحول لك مبلغاً مادياً لبنتي، أو أنت تأخذ أغراض البنت واحتياجاتها وتذهب بها لبيتهم وتنصرف من عند الباب. ::: خلاصة القول اهجرها ثلاثة أشهر ثم انظر في أمرك إما الاستمرار أو الزواج بأخرى. |
للأسف زوجتك للحين بزر او بعقليه بزر وأهلها بدال مايأديونها صاروا بصفها وأبوها اللي يقول إذا ماجبتها انا أجي أخذها أكيد قايلته كلام غير صحيح يعني من الأجدر على الأب أن يسمع كل الطرفين هذا إذا كان ناصح بس من كلامه لك حسيت أنه ماعندك أحد والموضوع كله عند الأم ,, عموماً أخوي جاسم بحياتنا هذي اعمارنا مهما كانت طويله فهيا قصيره جداً ولابد أن نستمتع بها في شي يرضي الله سبحانه وتعالى ومستحيل أقولك طلقها إلا لمن ترا أن كل الطرق مغلقه في سبيل تغير حياتها اوتعاملها معكـ .. أبحث من الآن عن الزوجه الثانيه حتى لو كانت مطلقه وذايقه المر في زواجها الأول وتتزوج انسان محترم مثلك ومقدر الحياة الزوجة مثلك وخلوق مثلك وحنون مثلك ,, أكيد ستتمسك بك بيديها وأسنانها لآنها شاهدة رجل غير عن كل الرجال ,, اما زوجتك أم البنت تأكد حين تجرب غيرك وقتها ستعرف قيمتك ...
مثل ( ماتعرف قديري لين ماتجرب غيري ) بالتوفيق اخوي |
اتركها 3 شهور من غير ماتصرح اي تصريح منك او اي كلمه من غير اي اتصال من غير اي رسائل خليهم يضربون اسداس في اخماس و يحتارون انت ايش ناوي عليه
وعشان ماتضغط عليك في بنتك قول البنت خليها عندك ماعندي احد راح يهتم فيها وانا مو فاضي لها ولاتصرف و لا ريال على البنت و لا على الزوجه خلي اهلها يزهقون من البنت وهم يدورون رضاك بعدها حط شروطك بعد الثلاث شهور لو ماحركو ساكن قولها تبين الطلاق انا ماراح اتزوج حرمتين اذا وافقت كيفها و اذا رجعت لك خير وبركة وكمان اعطي ابو زوجتك مصروف بنتك اللي صروفه عليها |
اقتباس:
|
طنشها ...والله رح ترجع تترجاك عشان ترجعها ...واذا قدرت توصل كلام لها انك بتتزوج بكون احسن
|
[I]الله يعينك اخوي كل شي الا الوساخه اعمل زي ماقالولك الاخوان واذا رجعتها وشفت عليها شي فشلهاااااااااا وبهدلها قلها ايش هذا قلها اشك انك انثي وهاوشها واكيد رح تحسبلك الف حساب[/COLOR][/I]
|
انا اشوف انك انت الغلطاان
الشي اذا كثر عن حده انقلب ضده ترا الزوجات لا يريدون التدليع الزائد وانت ماشاء الله عليك حتى تسكيرة عيونها ماتقدر تسكرها كيف تبيها تسمع لك وتحترمك توقعت انك خرووف ماتدري انك انسان طيب القلب وحنون انا من وجهة نظري دامها هي الي طلبت تروح بيت هلها خلها بيت هلها لين مايطب خاطرها وانت تزوج عليها ثانيه ولا تفكر فيها ماردها بتجيك ورجلها فوق راسها لا تتوقع انها بتطلب الطلاق لان الرجاجيل يكرهون هذا الصنف من النساء واذا جاات علمها ان الحيااه تغيرت وعلمها حدودها وخلك صارم واذا قلت شي واستهترت فيك خوفها وقولها يالله شيلي اغرااضك وروحي بيت اهلك لما تصيرين مره مثل العالم تعالي لاكن هذا الصنف من النساء ماحد يعقلهم الا الضره بالتوفيق |
اصلا كيف تعيش مع وحده ماهي محافظه على الصلاه وانت تقول انك ملتزم
اذا ماخافت من ربها كيف تريدها ان تخاف منك كيف حرمه تخليك تركب دش وانت ملتزم كيف تطلع بنقابها بالاسواااق وانت تقول انك ملتزم |
الاخ الوزن القيل انت ما قصتك كل ما اشتكى أحد من زوجته ا نصحته بالزواج الثاني ,,,صحيح بعض النساء لا تتعدل الا بضرة لكن هناك حلول ذكرت في القران لعلاج نشوز الزوجه وهي الوعظ والهجر والضرب ولم يذكر في علاج الناشز الزواج عليها ,,احيانا تتفاقم المشكلة بين الزوجين ولاتحل اذا تزوج بأخرى ,,,اذا كنت تنوي الزواج باخرى هذا حقك لكن يجب الا تصل لتحريض كل رجل لديه مشكلة مع زوجته ,,,
|
|
اقتباس:
وهذا رائيي انت لو محله ماذا سوفى تفعل ؟يعني الرجال له 3 سنوات استهتار فيه وعدم احترام وتطاول اللسان وغير العم المصون والعمه الي تشجع بنتها وامرها لا صلاه ولا ديانه تنام من الفجر الى المغرب اين حقوق الزوج الرجل لماذا تزوج ؟ماهو من شان الاستقرار ماهو من شان الراحه وحده لا تتراكم ملابس الغسيل بالاسبوع وتتراكم صحون الطبيخ من يوم الى يومين ماذا تفعل معها ياخوي قاع البحر خلك بعيد عن ردودي دام كلا له وجهة نظر انا اشوفك عدة مرات تعلق علي لاكن انا متجنبك لاكن من سالتني جاوبتك يعني احترم وجهات نظر الاخرين من شان وجهات نظرك تحترم |
طيب ليه ماتزوجت ملتزمه زيك ؟؟؟؟؟؟؟؟؟؟؟؟؟؟؟؟؟؟؟؟؟
|
الله يهدي بعض البنات...فيه كثير مثلها حاطين ازواجهم في القائمه السوداء..وانت يااخي لك 3سنين متزوج وبنتك عمرها سنه يعني تقريبا جلست سنه معها بدون اطفال مالاحظت عليها هذا الشي..من قبل ولا كنت متامل فيها التغيير
والمشكله انه اهل زوجتك واقفين معها..ليش ماتروح لهم وتكلمهم تعلمهم سوالف بنتهم..قول لامها على كل شي.الام هي المفروض تنصح بنتها.. مدري هذي كيف عايشه حياتها.نوم الا المغرب.. حلو لما يكون عنده نظام,,تصحى قبل الظهر وتسوي الغدا وبعد المغرب جلسة القهوه. خصوصا اذا كان الزوج من شرابين القهوه .بس الله يهدي بعض الزوجات.. المطلوب منك الحين طنشها...او ارسل لها رساله وضح لها انك متضايق من العيشه هذي..وكثرة نومها.وقلة اهتمامها.وقلها انا ماقصرت معك في شي ليش تسوين كذا..واطلب منها التغيير والا الطلاق..هدها فقط وبعدها طنشها..وبنتك لاتنساهانصيحه ارسل مصروفها كل شهر عشان لايحسبون عليك غلط..ويتهمونك بالتقصير..اثبت لهم انك رجال وشهم..وبنتهم الخسرانه |
اقتباس:
اي رجل ملتزم او غير ملتزم ماراح يتحملها.. |
| الساعة الآن 09:25 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©