|
تعبت ومليت من زعل خطيبي المتكرر
السلام عليكم ورحمة الله وبركاته.
خطيبي يزعل كتير واحيانا على امور كتير تافهة قبل لما كان يزعل كنت اراضيه لان دايما احس ان الموضوع تافه ومابيحتاج زعل بقول بكبر عقلي واحكيلي كلمتين حلوين وصالحو بس هلأ حسيتو تمادى .. واخر مرة زعل من شغلة كتير تافهة للأسف وقلي يلا بدي نام وسكر التلفون .. انا قلت لهلأ وبيكفي قمت خليتو عراحتو ماصالحتو يعني تاني يوم بعتلو مسج عم صبح عليه قلت بلكي يكسر الشر وبلكي فكر بينو وبين نفسو انو الموضوع الي زعل عليه كنير تافه مابيستاهل ... لقيتو لساتو زعلان ولما حاكاني حكى معي بجفاف ولما قلتلو انا مليت من تصرفاتك وتخانقنا قام سكر الخط بوجهي وقلي لما تخلصي بكي ابعتيلي مسج قوليلي انا خلصت بكي وسكر بوجهي , انا خلاص ماعاد حاكيتو وهلأ صارلنا 10 ايام مانحكي مع بعض .... كيف بدي اتصرف معاه ؟ اه بالمناسبه هوي دايما كان يقولي لاتتوقعي انو في يوم اجي صالحك واراضيك حتى لو كنت انا الغلطان |
??????????
أختى ... كثير من الرجال يعتقد أن بهذه الطريقة يمتلك عقل شريكته... ولذلك نصيحتى لك : ان تتركيه يتعلم أنك إنسان مثله.. لاتكلميه حتى يأتى ويتكلم هو... ولو لم يفعل .. فأعتقد انه شخصية عنيدة ... والعند صفة سيئة جدا... والحل معها هى الحكمة الكبيرة... وازنى امورك.. حسب ظروفك على ارض الواقع... أنت فقط من يستطيع الحكم على الامور بشكل سليم.. وفقك الله اخوكمm.s |
يسلمو كتير اخي على ردك السريع
طول فترة خطوبتنا الي هي سنة وست شهور انا حاولت كون كتير حكيمة لما يواجهني هيك موقف وانا دايما افكر مليون مرة وبخلي الدين والشرع قدامي لما اتعامل معاه بس هلأ طفشت وخاصه انو انا مني غلطانة بنوب .... يعني لازم يكون في تراضي من قبل الطرفين .. بس هوي يقولي انا رجال ومابتنازل لمرأة |
عزيزتي.. خطيبك شكله من النوع التقييييييييييييييييييييييييييييييييييل..:30: أسأليني أنا.. زوجي كان كدا وعلى شي بسيط.. يقعد بالأيام مايكلمني واحنا في البيت..دلع هههههههه ومع الأيام اتصلح والحمدلله وفرق كتيييير.. كنت اخلي الأمور عادية يزعل لوحده.. واذا مره ضاق فيا الحال اتكلم بكل صراحة معاه وهو يسكت ويسمع وعامل فيها مكشر.. :( ترى أغلب الرجال مايصالحو مباشرة .. بس لهم طرق اخرى يعني لو اتصل بس اتصال معناته صالحك.. معليه اصبري واتحملي.. شوفي ابنك على ماتربيه وزوجك على ماتعوديه.. :22: (هادي مقولة صحيحة) طبعا انتي محا تربيه.. بس توضحي من البداية كيف طريقة تعاملك معاه.. وتتفقو على أسلوب معيين.. أول شي.. قوليله..( عامل الناس كما تحب أن يعاملوك) ..مااسمح لاحد يقفل الخط في وجهي .. انت تحب احد يسويلك كدا؟؟ أسلوب ما هو لائق صراحه.. واذا كان الموضوع ماهو مستاهل لا نعقد الامور.. لسة الايام قدامنا مو معقول حنزعل على كل كبيرة وصغيرة.. وزي ماانا باعتذرلك انت كمان اذا غلطت عليا لازم توجهلي اعتذار..احنا زي بعض.. الله يحنن قلب خطيبك عليكي ويصلح بينكم.. |
أولاً: قصة تسكير السماعة لازم يبطلها بأي شكل ... لازم تلاقيلها حل .... الاحترام مطلوب وواجب وضروري وفرض بين الأزواج متلو متل فرض الصلاة .... تانياً : حبيبتي .. ليش عودتي خطيبك تصالحيه على طول ؟؟؟؟؟؟ وخصوصي إنو هو قايلك أنا ما بصالحك حتى لو كنت غلطان !!!!!! يعني أنت عمقتي هالفكرة براسو بدل ما تخففيها ... المفروض هلء ... تشوفي خطيبك كيف بالعادة بيقتنع ؟؟؟؟ يعني بالمسايرة ؟؟ ولا بالحكي الحلو ؟؟؟ ولا بالرومانسية ؟؟ أنت أعلم بخطيبك كيف .. وتحاولي معه من الباب اللي بيمشي معه وتحاولي تغيري من معاملتو معك ... أما مشان إنو إلو 10 أيام ما حكى ... فأنا عم قلك ولا رح يحكي ... -آسفة عم قلك هيك بس أنا شايفة إنو ما رح يحكي - لأنو هو تعود على مدار سنة ونص إنو إنت تصالحيه إضافة إنو هو هيك طبعو ... ما رح أقدر أقدملك إقتراحات أو حلول هلء لأني ما بعرف شخصية خطيبك وأعطيك الحل الناجع لإلها ... آسفة على لهجتي الحدة شوي ... بس تدايقت عليكي إنك دائما تصالحيه ... الله يسخرلك ياه ويسخرك إلو ... وترجعلو لبعض أحسن من قبل .. طمنيني عنك وعن المستجدات... |
اقتباس:
انا ما طالبه منه انو يعتذر بالعكس هو اتصاله وحدة يكفي انو يوصلي انو هوة عم يعتذر مني ومرة قعدت كلمتو لما كان رايق وقلتلو مابيصير هيك لازم متل ما انت تحب اني صالحك انا كمان بدي حس اني عزيزة عليك وزعلي مابيهمك مع اني والله والله مابزعل نهائيا مابحب الزعل اساسا يقولي انا رجال وانتي مرأة وفي كتير فرق بينا .. وكمان بيقولي انو انا حتى لو غلطت بحق والدي الي انا كتير بعزو مابروح صالحو هوي يتصل علي ويراضيني .. بيقول يمكن شي غلط بس هيك طبعي بس انا كتيرررررررر تعبت من هالشي بحس اني مابهمو نهائيا والدليل انو مابيفوت ولا لحظة لحتى يزعل فيها |
اختي الروح الهائمة
نصايحك كتير حلوة يسلموووو كتير اختي والله يسمع منك يارب وصحيح يمكن انا كنت غلطاني لما كنت صالحو بس انا كنت اعمل هيك لان الاشياء الي يزعل عليها كتير تافهة مابيسوى اني بعمل قصة عليها .. بقول بكبر عقلي وانا الي لازم اتغاضى وماحاسبو على كل شي وكمان لان لما ما بيكون زعلان بنكون كتير مبسوطين فا بقول هي احلى فترة بحياتنا ما بخلي هيك اشياء تاقهه تفسد علينا فرحتنا بس للأسف هوي ما خلى تفكيري هاد بالاعتبار وتمادى كتير مهما يكون انا انسانة مني حجر قدامو لي مشاعري ولي احاسيسي وبعدين اذا كانت رجولته مابتسمحلو انو يعتذر حتى لو كان هوي الغلطان المفروض هالرجولي نفسها مابتخلي يزعل كل شوي وعلى اشياء تافهه مو صحيح ؟؟؟؟ لان المعروف الزعل للبنات ولا انا غلطانة ؟ والمفروض بهالفترة البنت هي الي تتدلع وتحس نفسها مدللة ولو لفترة قصيرة بليز بدي نصايح اكتر لان عن جد كتير مقهورة من تصرفووو وتعععععبت تعبت تعبت |
وبالمناسبة الموضوع الي زعل كتير عليه اخر مرة
انو امي كانت جايبة لي البوم مشان خلي فيه صور العرس .. كنت كتير فرحانة فيه لما اجا عالسكايب قلتلو بدي ورجيك شي لما ورجيتوو قام يقلد ويضحك ويقولي شو هالاشياء التافهه قتلتو ماعليه حبيبي انا كتير حابتوو قول عليه حلو لاني انا حبيتو كتير قلي لا حلو ولا شي شو هاذ معقولة بتشتري هيك اشياء تافهه كبرت عقلي وقتلتو حبيبي انا كتير حابتو شو بك جاملني عالاقل وقلي حلووو حتى تعرفو اديش انا بكبر عقلي بهيك لحظات وبصبر ومابعصب ولا بزعل بسرعة ضل يقلد ويتريق علي قمت انا شلتو للألبوم ورجعت قعدت قلي وينو .. قتللو خلاص حبيبي شلتو قام زعل !!!!! وقلي بدي نام وسكر السكايب تخيلو هذا الشي الي هوي زعل عليه !!! يعني فوق ما كسر بخاطري لما كنت بدي ورجيه شي انا حابتو بيقوم هوي بيزعل مني .. يقولي تصرفك كان مو حلو لما شلتي الالبوم !!!!! بليز قولولللللللللللي بدي اراءكم مين الغلطان ؟؟؟؟؟؟؟؟ |
العزيزة دارين.. مافي شي اسمو هيك طبعي.. الإنسان في تعلم وتطور مستمر.. لازم نصلح من اغلاطنا نطور شخصياتنا للأفضل.. كويس انه اعترفلك انه هادا غلط.. قوليله وايش رايك لما اقولك وانا كمان هيك طبعي.. حاولي معاه بالكلام الحلو.. راجعتلك مرة تانيه.. |
كتير بتشكرك اختي قلبي حنون لمساعدتي
بس يعني انا غلط هلأ اتصل فيه صح ؟؟ اتركو ع راحتوو هاد هو الحل المناسب بعتقد اني لو اتصلت هالمرة خلص معناتها راح يتمادى معي اكتر صح؟؟؟ ساعدوووووووووووووووني الله يوفقكم ويريح بالكم يااااااااارب |
حبيبتي أنت أديش عمرك ؟؟ وهو أديش عمرو ؟؟؟ وفيكي تحكي شي مع أختو أو أمو أو حدا بيقدر يوصلو حكي ؟؟؟ وهل هو متمسك فيكي كتير ؟؟؟ وبحبك كتير ؟؟؟ ولا مو سائل ؟؟؟؟ برجع وبقلك .. ما رح يتصل مهما تركتيه .... لازم نلاقي حل لحتى نخليه يبادر هو حتى ولو ظاهرياً ... بانتظار ردك ... |
انا عمري 25 وهو 26 .. يعني كبير على هيك تصرفات
بصراحة انا عايشة ببلد وهوي ببلد تاني انا امي تدخلت بالموضوع بنفس اليوم الي سكر فيه السماعة بوجهي كلمتو وقالتلو انا كلمتك مشان شوف الموضوع من وجهة نظرك كمان بلكي بنتي تكون غلطانة ... ولا تعتبرني ام خطيبتك اعتبرني شخص عم يحاول ينصحكن لحتى تعيشو حياة حلوة لاني بحب شوفكن مرتاحين ومبسوطين بس هوي للاسف كان كتير جاف بالحكي معها وملخص حكيو كان انو اي شي اعملو هي لازم تسكت .. امي كتير استغربت من منطقو هاد انا توقعت دام ان والدتي كلمتو راح يعمل حسابو ويتنازل شوي احتراماً لها .. لا كان يقوللها انا مني غلطان بشي وهذا طبعي وهي بتعرف طبعي منيح اخر التلفون امي قالتلو خلاص انا مش عم بقدر اخد واعطي معك بالحكي .. خدولكم وقت ترتاحو فيه قام قللها اي يلا يعطيكي العافية وانهى المكالمة !! بدون اي اعتبار لأتصال امي مع انو هوي الي غلطان هوي بيحبني كتير .. وانا كمان كتير بحبو .. ولما بنكون مع بعض نكون كتييير مبسوطين ودايماً يقول انو مبسوط لانو معي وكل يوم يدعي اني روح عيش معو بأسرع وقت بس زعلو بينغص علينا اوقاتنا الحلوة لأسباب مالها اي داعي وللأسف وصلت لمرحله مابقى فيني اسكت وطنش لان انا انسانة لي كياني ومشاعري بالنسبة لأتصالو انا عن جد مابعرف اذا كان راح يتصل او لا .. بس الي بعرفو انو انا اذا اتصلت هاد معناه اهانة لوالدتي واهانة لألي |
ممكن يكون رأيي غلط بس لآلآلآ تتصلي عليه,, هو ماسوا كذا الا عارف انك رااح ترجعي وتتصلي وتعتذري مثل ماعوديته كل مره وحتى لو كان غلطان تعتذري له,خليك هالمره قووية ولآزم تكون لك كلمه ,, وحتى لو كآن يحبك ويمووت فيك بس خلاص تعود انه لمآ يزعل انتي الي تتنازلي وترااضيه حتى لو الحق معك,,
انا ما ابغى احرضك عليه لكن والله هذا لمصلحتك,, مثل ما يبدئ رآئية بشي وانتي كذلك لك الحق ..خطيبك عنده مبدأ(( ان لم تكن معي فأنت ضدي)) وهذآآ مبدأ انااني الى ابعد درجه.. ومثل ما قلت لك ممكن رأئي يكون غلط وومكن يكوون صح , انتي فكري وشوفي اختي, |
بالعكس اختي أصعب حكاية انا بعد رأيي من رأيك وانا هاد الي عم بعملوو
مافي عندي نية ابدا اني اتصل بس انا كنت حابة اخذ اراء لحتى بعرف انو انا عم بعمل الشي الصح ومني عم كبر الامور ... يسلموو اختي وياريت الي عندو وجهة نظر ثانية بالموضوع يخبرني لاني تعبت نفسيا حتى من الانتظار |
اتركيه لازم يتعلم يحترمك ويحترم اهلك
بتقلي يحبــــــــــــــــك؟؟؟ هذا وبيحبك يسوي فيك كدة ولو ما بيحبك شو كااان سوى سامحيني فقدت اعصابي لما شفت المشكلة اللي زعل مشانها ياااربي شو هالتفكير الله يعينه على نفسه وكمان طريقة تصرفه مع امك اختي مو منيحة حبيبتي لازم تعملي اعتبار لنفسك ولأهلك اتركيييييييييييييييييييييه لين يجي ويتأسف تلاقيه الحين قاعد على اعصابه وليش ما اتصلت وشو اللي غيرها ولا يكون كبرت راسها وتركتني خلييييييييه يتعلم انه لك قيمة وربي لو كنت مكانك كان سويت نفس الشيء ان شاء الله يغيب 10 شهووور كرامتي اهم عندي وبعدين هذا كيف بدك تعشي معاه حياتك تحت سقف واحد؟؟ تذكري كلامي منيح خليه يتعلم احترامك قبل لا تعيشي معه وبالتوفيق اختي |
اختي، برأيي انه الموضوع أكثر من "خليه يتعلم انو لك قيمة" مع احترامي لجميع الآراء.
هي البنت او المرأة قيمتها عند الرجل غالية جدا و الا لعوملت النساء بما عوملوا به نساء الجاهلية. هي المرأة مصدر سعادة الرجل و مصدر آماله و أحلامه. لا يحق لنا ان نقول ان احد الطرفين لا يقم الآخر الا بحالات شاذة. الموضوع و ما فيه واضح من عنوانه. "هو يريد ان يكون الرجال" طيب و ايش المختلف عليه هنا؟ أله ذقن و رأي و قرار و شجاعة؟ طيب فهو الرجال اذن. أختي، لو جئنا لنجادل من منكم لا يقيم الآخر لما استطعنا كشف ذلك. دعينا نتكلم بالمعقول. أعطيه ما يريد حتى تحصلي على ما تريديه. اساليبه، تفكيره، قراراته، طعامه، حياته,.... كلهم كلهم بين أصابعك أنت!!!.. نعم. المرأة الذكية تمتلك زوجهها من ارجله الى اعلى الرأس. تمسك فيه و تشكله على كيف كيفها... بس بشرط! أن تجعله هو الرجال! هذا كل ما يهم الرجل اللي مثل اللي عندك ان يكون هو الرجال. هو يقيمك و يحبك و كل شئ و لكن ليس على حساب رجولته، الا اذا كان دجاجة. جربي انك تهمسي له بطريقة مغرية و تعرفيه انه هو الرجال و يمون عليك و شوفي ايش رح يسوي لو انت زعلت يوما ما! لحتى يبوس التراب اللي تمشي عليها. بس انت خلي مكانتك بقلبه كبيرة و خليه كل حياتك (اول فترة) و شوفي الفرق. بالتوفيق. |
اختي اخت في الله ...احب اطمنك انو هاد الي عم بعملو .. وحاليا انا عندي احتبارات تركت مشكلتي على جنب وعم حاول ركز بدراستي وبس .. والي كاتبو الله هو الي راح يصير
اخي م زيتون كلامك صحيح اذا كنت انا مقصره معاه .. بس اذا انا كنت محترمتو ...واكلمو بكل ادب واحترام .. منعني من اني شوف صديقاتي ... لما اجي اطلع حتى لو مع اهلي باخذ اذن منو عمري ماكسرت كلمتو ... لما يزعل راضيه لان بقول هوي رجال صعب عليه يتنازل شو بدي اعمل اكتر من هيك ؟ كيف بدي حسسو انو هو الرجال اكتر من هيك ؟ وبصراحة انا عندي كم سوال نفسي اساله لخطيبي بهالفترة ... راح اسالك ياهم وياريتك تجاوبني هل من الرجولة ان يزعل على امور تافهة ؟ هل من الرجولة انو يشوف دموع شريكة حياته بسبب معاملته السيئه ومابيقوللها كلمتين حلوين ولا يرف قلبه شوي لا بالعكس يقوم يسكر الخط بوجها ؟ هل من الرجولة ان يمنع خطيبته من السفر مع اهلها ويفضل انها تجلس بالبيت لحالها على انها تروح تنبسط مع اهلها ؟ هل من الرجولة انو يحكي مع والدتي بدون احترام ؟ هل من الرجولة ان يترك خطيبته كل هالفتره بدون اتصال ومابيعبر حتى اهلها !! وهي اساسا ماعملت شيء غلط ؟ هل الرجولة معناتها عدم احترام الزوجه المطيعة الي بتمشي عالشرع والدين وتخلي الله بين عيونها قبل كل تصرف ؟ |
اقتباس:
لا لكن ممكن انه حساس أكثر من الازم. أنا كذا مع خطيبتي. بعض الأحيان ازعل على أمور تافهة. و السبب اني اعتقد ان خطيبتي لي انا و احب ان يكون كل شئ تمام. وقت ما نكون في وقت الملكة، الحساسية تزيد. لأن ما في شئ يعوض عن قهره الانسان من البعد عن الآخر الا التدقيق و الملاحقة. رح تخف بعد الزواج! هل من الرجولة انو يشوف دموع شريكة حياته بسبب معاملته السيئه ومابيقوللها كلمتين حلوين ولا يرف قلبه شوي لا بالعكس يقوم يسكر الخط بوجها ؟ لا ابدا. أنا أول ما شوف دموع خطيبتي اتنازل فورا!!!! دون نقاشات. الدموع عندي آية من آيات النساء. أمر خاص و احترم الدموع دمعة دمعة. للأسف خطيبتي زي الرجال لا تدمع! هل من الرجولة ان يمنع خطيبته من السفر مع اهلها ويفضل انها تجلس بالبيت لحالها على انها تروح تنبسط مع اهلها ؟ طبعا لا و خاصة فترة العقد. الفترة الأخيرة عند البنت للهو مع أهلها و اخواتها. بس أكيييد له اسباب ليش فعل ذلك و أكيد مش من لا شئ هو فعل ذلك. لأن قرار مثل هذا القرار أكيد هو عقاب لأمر كان يتضايق منه. هل من الرجولة انو يحكي مع والدتي بدون احترام ؟ نعم و كلا! بعض بيوت العم يستغلون زوج بنتهم. فان كان هذا هو الحاصل فمعناه لازم يوقف موقف رجال و يواجههم و يجافيهم ان كانوا مصرين على استغلاله "لكن باحترام". اما لو انهم عاملوه معاملة حسنة و اكرموه فلا يحق له عتابهم و لا جفاؤهم. هل من الرجولة ان يترك خطيبته كل هالفتره بدون اتصال ومابيعبر حتى اهلها !! وهي اساسا ماعملت شيء غلط ؟ ممكن هي ما عملت شئ غلط بالنسبة لها. بس احتمال كبير عملت شئ غلط بالنسبة له. هنا أنصح بأن يكون هناك حوار فورا حتى تنحل قصة مين عمل غلط. بس البعد جفى و قسى. عوديه على الحوار بدل الزعل! هل الرجولة معناتها عدم احترام الزوجه المطيعة الي بتمشي عالشرع والدين وتخلي الله بين عيونها قبل كل تصرف ؟ بعض الأحيان يرتفع صوت او نبرة الزوجة المطيعة الخائفة لله دون ان تشعر هي. بعض الأحيان يتأذى الرجل من ردود فعل المرأة بالرغم من ان المرأة لا تقصد التجريح او التنكيد بالرغم من انها خائفة تائبة الى الله. لذلك، كونها امرأة مطيعة عال العال و لكن هذا لا يحسم امر بانها لن تجرح زوجها و لو بكلمة. بعض الرجال عندهم حساسية تفوق التصور. للأسف يقولون ان النساء هم اصحاب الحساسية دون الرجال. لكن اقول ان الرجال فيهم قلب و روح و عقل. يحسون زي النساء. عم أحكيك من تجربة. عليك ان تزني الأمور و تتفقهي في العلاقة بين الرجل و المرأة. بنفس الوقت هو عليه ايضا ما عليك و لذلك اهديك كتاب الرجال من المريخ و النساء من الزهرة و أرجو ان تتدارسون هذا الكتاب سويا. في الأخير تذكري انا نسمع من طرفك فقط. و لو استطعنا ان نسمع منه لهانت علينا فهم مشكلتكما. |
مثل ما نقول ان المرأة حساسيتها مو عذر لتصرخ على زوجها او تطنشه أو تؤذيه
اقول ايضا ان حساسية الرجل ليست بعذر لكي يثبت رجولته و يهين المرأة.. ... لا أؤيد اخي الكريم م زيتون , لأن زوجها يقول مو انل ليتنازل للمرأة و أنت أيضا عندك تصرفات مخطئة و أفكار مشوشة تخلط بين كرامتك و رجولتك و انسانية المرأة فكون هذا الرجل قد يشبه بعض تصرفاتك فلا يعني أنه صح و اعذريني ,اعذرني لكنها كلمة حق ... أختي اتركيه ,,كم يوم لا تكلميه,ووقت ما يكلمك اعرفي هنا أنه حس بك , فارفقي به قدر الإمكان و سامحيه قبل أن يعتذر إذا كانت كلمة أسفة ثقيلة على لسانه فارضي بما يعادلها من كلمات... |
سبحان الله و لكن كل انسان و له رأيه الخاص.
الأخت الكريمة المسداني رأيها احترمه و احتمال كبير يكون احق من رأيي كون المسداني مرشدتنا نحن العاقدين. مشكور اخت المسداني على تعقيبك. بردو أنا قلت رأيي و تجربتي و شعوري و افكاري لعله يشابه افكار خطيبك لعلك تنتفعي بكيفية اصلاح هذا الفكر لو كان على خطأ بحسب بحوث الأخت المسداني. |
العفو يمكن تستفيد من بحوثي ليش لأ,,المرأة لها كرامة في النهاية يمكن مع كثرة (مسحها) تتبلد مشاعرها و تصير امعة لزوجها حتى يكرهها ,,
الأخت الفاضلة تختلف عن خطيبتك التي يمكن انت تراها بعض الأحيان به عند.. أنا لا أصادر رأيك اخي الكريم و إذا أحسست بشيء من هذا فأعتذر لكن ربما ترى من بعض كلماتي او غيري او في هذا الموضوع وجهة نظر المرأة و طريقة نظرها لتكرار زعل الرجل و إدخال فكرة الرجولة و التنازل و تصادمها بين طبيعة كل انسان يرى ان من حقه الكثير من الكرامة و نصيحة لأختي أيضا ..صاحبة الموضوع , لو مرت الأمور بخير , كلميه برواق عن شعورك لكن لا تعاتبيه فتنفريه , و أيضا من الممكن ان الإنسان يتنازل بعض الأحيان و يعتذر من باب المعزة ,,و الميانة أما ان يكون الموضوع تحدي , فأنا لا أكون غلطان و أتنازل (لمره) أفهمي زوجك ان كرامتك من كرامته و أن لا تحاولي ان تذليه او تخضعي رجولته , بل ان تجعليه يحترم كيانك |
أختي المسداني، هو المنتدى وضع لوضع النقاشات و الافكار من كلا الجنسين. فالحمد لله اني اسمع طرفكم هنا و
انتم تسمعون طرفنا هنا. الخطوة الثانية هي الملتقى بين الطرفين. إن شاء الله ما تتبلد و لا تتمرد مشاعر المرأة كون شئ بعوض عن شئ. هي المرأة مثل الكرة سبحان الله، صعب تجلس في نصف الميزان. لازم يا تتبلد او تتمرد. فنحتار كيف نعاملهم بحيث لا ندعسهم و لا نخليهم يكسروا روسنا. اخيرا و كما قلت، انت مرشدتنا هنا اختي المسداني و الابيض علميا يصير اسود لو بس انت أمرتي. فشكرا لك و منكم نستفيد. |
اقتباس:
لكن لا تتمادى ,,و المرأة لا تريد ان تكسر رأس الرجل بل تريده ان يعاملها كما يعامل أخاه الرجل من ناحية الكرامة انتهينا,, |
اختي المسداني،
قد لا تصدقي و لكني لست استهزئ. أنا جااااد في كل كلمة قلتها. و اعيد اني احترم ارشادك كثيرا و لا اتجرأ على مناقشتك لعلمي بعلو اراؤك و سلوكك آرائي و سلوكي. ارجو ان تعلمي اني أقصد بكلامي السابق ما قصدته حرفيا. احترمك و احترم عدة من النساء في المنتدى احترام عز و اكرام. وقت ما ذكرت الابيض و الاسود كان دالاً على مونكم علي و ثقتي الكبيرة بكم. انا لم اكن اريد أن اشتري اي بود لخطيبتي لولا الاعضاء و بالأخص الأخت ام داليا. اعلمي اني لا استهتر اختي المسداني و لو هيئ لك ذلك فاني اعتذر بشدة من شخصك المحترمة. |
اخي م زيتون يسلمو كتير على مشاركتك ومحاولتك لحل المشكلة
اختي المسداني تسلمين على نصايحك وهو بالفعل عنده تحدي لان مرة صارت نفس المشكلة ورجعت انا الي اتصلت وقلي والله كنت احاول اتصلك بس رجولتي تنمنعي من ذلك وابداً ما يوم حسسني انو لازم يتنازل شوي لان انا الي عم بتنازل طول الوقت !! وانا الي اتصل فيه دايماً اذا صارت مشكلة بيناتنا وبعد كل هذا وين التقديررررررر ؟؟ مافي تقدير لكل الي عم بعملو اثبات الرجولة ابدا مايصير على حساب كرامة المرأة هذا الي بعرفو يعني الا تنهان المرأة يلا راح يحسوو بهذاك الوقت انهم رجال ؟ وبعدين بالنسبة لشغلة الحساسية اعتقد انو مابيصير الرجل يكون حساس لان هالصفة هي نقيض للرجولة يعني مابيصير الرجل يبرر تصرفاتو على انو حساس شوي !! طيب والمرأة شو ؟؟ مش المفروض انو المرأة هي الي بتكون حساسة انا كل يوم عم يمر عم حس اني مش هاممتو بنوب .. وعم حس انو انا ما الي قيمة عندو عم حس اني مجروحة بكرامتي ومشاعري ... اذا هو هيك عم يتصرف معي كيف بدو يبينلي انو انا مهمه بحياتو عن جد شي بيقهر |
ليييييييييييييييييييييش اتصلتي ليييييييييييييييييييييييييييش لو كان انتظرتي كانت خلصتي من هاللمشكل طول حياتك معه ما في فايدة الحين انتي عندو وحدة ما تضع حدود لتعامل الناس معاها حتى لو كان زوجك مو من حقو يدوس عليك يا ربي اديش عصبت منك كان صبرتي وقلت لك الحين اكيد هو بيفكر مع نفسه مالها وليش ما اتصلت وكان راح يتنازل اكييييييييييييييييييد وانتي الكسبانة اسمحي لي هذا ما اسمه رجولة هذا تحدي منه هو بيمسكك من ايدك اللي بتوجعك هو عارف انك ما رح تقدري تعيشي من غيرو مو اختي لا تعلقي سعادتك بأي مخلوق بل علقيها بربك اللي خلقه اختي اخطأتي وخطأ فادح بعد وما رح تحسي بهالخطأ الا لما تتزوجيه الله يعينك عليه نصيحتي الاخيرة لك لو حصل هالموقف تاني لا تتنازلي خليه يتعلم يحترمك وانه كونه رجل لا يعطيه الحق يذلك |
لا اختي فهمتيني غلط
انا قلت المشكلة الي قبلها انا رجعت اتصلت فيه بس هلأ لا ما اتصلت لساتني ما احلاكي اختي ههههه عن جد كثير حبيت رأيك وموقفك حسيتك وكأنك حاطه حالك مكاني الله يوفقك يارب ومايراويكي اي مكرووووه والله يزيح عنك كل همومك يارب .. كل ما اقرة ردودك اصير اقوى من قبل واضل مصرة على موقفي اكتر واكتر |
السلام عليكم اكثرى من الاستخارة واللجؤ الى الله فهو وحده علام الغيوب
|
والنعم بلله ام سلمة والله كريم
حبيت اقوللكم اخر التطورات واخذ رايكن فيها طبعا هو ما اتصل لحد الان وانا بصراحة عم حس انو مو شاريني بنوب وانا هيك شخص مابيلزمني قمت خبرت والدي بالمشكلة الي صارت وحسيتو عصب كتير بس هو قلي انو خلصي اختباراتك مابدي اي شي يأثر على دراستك هذا اهم ما بالموضوع هلأ وبعد ماتخلصي يحلها الحلال الي فهمتو من امي انو ابي راح يتصل على والد خطيبي بعد امتحاناتي ويقلهم انو نحنا صبرنا كتير وبنتنا مش لعبة اذا هلأأ وهي في بيت اهلها عم يعاملها بهالطريقة اهانات وعدم احترام كيف بدنا نأمن عليها لما تسافرلو بالمختصر راح يقوللهم انو خليهم ينفصلو احسن ... لان بصراحى اهلي كتير معصبين وانا عم حس انو راح اتعب معو شو رايكن ؟؟ |
ليش خيرتي ابوك اختي..
يمكن يعند أكثر ,, حاولي تهدي والدك و لا تخليه يكلمه , اعطي نفسك فرصة للإنتظار ,, |
اي انا راح انتظر باقيلي على تخرجي تقريبا 3 اسابيع
بعدها قال والدي انه راح يتصرف بعد هالفترة يعني |
حلو انك خبرتي وآلدك عشان يشوف له حل ويعرف ان الله حق .. صرآحه خطيبك واسمحي لي على الكلمة متبلد الأحاسيس,يبغي كل شي بمزآجه وعلى كيفة وانتي مالك اي كلمة,,بالعربي يبي يتحكم فيك على الطالعه والنازلة,وهذا مو من حقة لأنك انساانة لك احاسيسك ولك ارآئك وممكن تكون مخالفة لآرائه والمفروض يتحملها ويتقبلها واذا ما عجبه ينااقشك فيها لكن بأسلوب حلو وذووق, وافعاله هذي كأنه عامل فيكم خير وخطبك من اهلك,كأنه صاحب المنه والفضل عليكم,,
خلي الوالد يكلمه,, يمكن هذي تصرفااته لأن ما شااف احد يوفقه عند حدووده, ولآ ماتدري يمكن مغصوب عليك ,, اذا هذا وضعك وانتي خطيبته اجل لو تزوجتو ايش بيعمل؟؟ اختي انتي طنشي موضوعه الآن و انتبهي الآن لدرووسك واختباراتك.. والوالد بما انه بيكلمه اكيد رااح يعرف يتعامل معه,يحط له حدود ويحط بباله ان اهلك مو باايعينك عشان يتصرف هذي التصرفات, اعذريني يالغاليه على الكلآم لكن والله مقهورة على وضعك.. الله يووفقك بأختبارااتك ويسخر لك خطيبك ويكتب لك الخيره في كل أمر,, |
بالعكس اختي انا كتييييييييييييييييييييييير فرحت بتصرفك
وتصرف والدك صحيح انتي بنته وكلامه سليم وقراره سلييييييييييم خلاص اذا هو من بدايتها نكد ومشاكل من غير سبب احسن انك تنفصلي عنو وربي يعوضك خير ومثل ما حكى والدك اهم شي الحين هي اختبارتك ربي يوفقك اختي |
يا جماعة سامحوني ادري مش مكان اطرح مشكلتي لكني جديدة بالمنتدى وبدي اتواصل مع الاخت أخت في الله 11 ضرووووووووووووووووووووري جدا مافي غيرها يساعدني اكرر اسفي الكبير جدا
|
اللي يزعل من نفسه يرضى بنفسه
اخصريكِ منه |
| الساعة الآن 02:21 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©