|
اشعر أن زوجي لايحبني وكل ماأحاول التقرب منه يبعدني
السلام عليكم ورحمة الله وبركاته
بصراحه سجلت بالمنتدى اريد استشيركم !* بما اني توني معرسه :( تقريبـآ كملت 3 شهور المهم احس زوجي مايحبني ولا يحب مني شي مابا منه حب ولكن مايتجاوب وياي فقـط يريد [ العلاقة الجنسيه ] !* انا مااريد تكون حياتي فقط بالعلااقة الجنسيه فقط !!! امسك ايده >> ايدج بارده + ابا امسك السكان شلي ايدج + ايدج آيدج ايدج !!! احضنه يقولي مابا اتنفس عليج !!!!! ، قلت له عادي يشوفني بنظهر :11: ما اقدر اعلق بشي ؟ لدرجه عنده دواام فـ الاسبوع كله دوامه بعيد عن بيتنا يعني نحن فالشارقه وهو دوامه في بوظبي قلت له شلني وياك قالي مااريد اشلج وياي يعني طول الاسبوع انا بيت اهلي بس فالويكند عنده والله تعبت ماعرف وين انا مابين السما والارض معني ودي اقربه مني اكثر ولكن وهو يبا يبتعد عني ّ!!!! فوق هذا كله يقول انا ماعندي بلاك بيري فالاخير اكتشفت فالسيارة بلاك بيري ، ولين الحين ماعطاني البن ماله ولا يبا يعطيني :( مرات يكون يتكلم بـ فون من يشوفني يتغير شكله ويسكر الفون يكره وجودي يقولي باتي بيت اهلج :"( ماعرف وش يبا كل مره احاول اتقرب منه يبعدني ، انا من النوع المرح وايد بس وياه ما اقدر اضحك ماعرف السبب ليش ؟! بلـيز الحل بليز وش تنصحوني اسوي معااه !* اختكم الصغيره :d |
عزيزتي.. الحل.. تروحي تسكني معاااااااااه يعني أبو ظبي مهي قرية ولا مدينة صغيره .. يستأجرلك شقة.. وتعيشو حياة زوجية كاملة.. وخلي أهلك يكلموه.. ليه من الأساس وافقتو على هذا المبدأ الله يهديكم.. الله يفرج همك وييسرلك أمورك.. |
أختي الحبيبة
اذا طول الأسبوع منتي معاه وجا الويك اند فمن الضروري جدا ان الزوج يبحث عن الأشباع الجنسي خصوصا مازلتم في بداية الزواج والحل الوحيد ان تسكني معاه اوينقل الى الشارقة اما وضعك اسمه تعليق لازم تقنعيه اما عن امتناعه منك اذا كان قبل العلاقة الحميمة فهنا تكون المشكلة اما اذا كان بعد العلاقة فربما انه لايريد الإثارة -يعني مايبغى يقع في علاقة جماع مرة اخرى- انا زوجي كان كذا ووقفة معه وقفة وبكيت وقلت ليش ابغا اضمك تتبتعد انت ماتحبني ومن هالقبيل وفهمني وحلف وانا صدقته |
روحي معاه مكان عمله..ليش مو موافق..
كلمي اي حد يقنعه..ياخدك معه وتعيشون حياه مستقره..الي انتي فيه مو استقرار |
صراحه مهي حياه كدا
يعني لازم تقنعيه انك تروحي تعيشي معاه اصلا غريبه فاتح بيت بمدينه وشغله بمدينه يعني خليه يفتح البيت في ابوظبي وكلمي اهلك واهله بكدا وصراحه غريبه يعني بالاجازه كمان يقولك باتي ببيت اهلك صارحيه لايكون ماخدك غصب لان مافي رجال تو مالو 3شهور عريس ويعمل كدا امتنعي عنه لين تعرفي انتي ايش بالنسبه له لان اذا طنشتي الموضوع حتعيشي حياتك كلها كدا والله يهديه ويسخرو لكي |
مرحبا فيك اختي
دائمافي بداية الزواج يكون الزوج متعود على الحرية المطلقة يعني يطلع يدخل ماحد يسأله وين رايح من وين جاي لكن بالأخير كل واحد يتعود على الثاني انتي يأختي حاولي بأي وسيله انك ماتتركينه بالذات في الفتره هذي عشان تحسون انكم متزوجين يعني انتي بالشارقة وهو بأبوظبي المدينتين قريبات حيل لبعض وكان المفروض تنقلين معه وإذا كانت الأوضاع الماليه عنده فيها من الصعوبه حاولي التنازل عن فخامة المكان الذي تسكنين في سبيل التقرب إلى بعض أكثر وأكثر والله يعينك اختي والله بعض الرجاجيل هداهم الله صعب التعامل وطباعة سيئه جداً ونفسيه شينه ,, |
انا انصحك تنقلين معه باي طريقه ..
زوجك له علاقات وحركاته وكذبه اكبر دليل على كذا .. حاولي ماتتركيه لحاله وتحتويه وتغريه وتغيري في شكلك ولبسك ولازم لازم تنقلي معه هناك |
الله يسخرة لك ويحنن قلبه عليك
اجلسي معاة جلست صراحه قولي هالحياة الى انا عيشتها مو عيشه بس بالويك اند تشوفني وبعد تبعدني عنك وتقولي نامي بيت اهلك حاولي تتقربين منه حاولي تعرفين وش السبب حاولي تقنعينه تنقلين معاااااااااااااااة لابو ظبي واذا مانفع كل المحاولات السابقه لازم يدخل طرف ثالث بالموضوع شوفي ابوة والا ابوك قوليلهم المشكله خليهم يتصرفون معاة لان الحياة كذا مراح تستمر وربي يجمع بينكم بالخير |
للايضاح لبقية الاعضاء ترى الوضع يعتبر جدا عادي في الامارات حيث اغلبية الشباب يشتغلون في أبوظبي وتبقى الزوجة في الامارة حيث تقيم سواء الشارقة او أي امارة شمالية اخرى والاغلب لايكون هناك مجال لاستئجار شقة في أبوظبي حيث الاجارات نار ووجود الزوجة بعيد عن اهل الزوج والزوجة صعب جدا لذلك تجد ان اغلب الزوجات هنا شايلين كامل المسؤلية والبيه الزوج يجي بس فالويك اند كلنا او ثمانين بالمية هي نسبة الزوجات المعلقات في نظركم
|
ابنتي الكريمة خربوك:
بارك الله لكما وعليكما وجمع بينكما في خير عندما أقرأ أي موضوع أنظرلا له من كامل معطياته ومن موضوعك ومن توضيح الإبنة الكريمة مبروكة وجدت الآتي: 1- معرفك (خربوك ) يظهر منه أنك تخاطبين زوجك فمن هم الذين خربوه ومعنى هذا أنه كان صالح معك ثم خرب بسببهم؟ 2- البعد المكاني والزماني بين الزوجين لا يحدد درجة العلاقة العاطفية بينهما لذلك لو كان عمله في الصين وبينكما مودة لن يجد المسافة بعيدة والعكس بالكس لو كان بين يديك وليس بينكم ا عاطفة فلن يحس بك. 3- يظهر لي من موضوعك وتصرفات زوجك ما صدقت إحدى الأخوات من أن بعض الأزواج لا يحترم أنضباطية العلاقة مع الزوجه بحكم حريته قبل الزواج. 4- قفي معه وقفة صريحة وواضحة وبسيطة لوضع النقاط على الحروف فالسنوات الثلاث الأولى هي الأصعب فتمسكي به وساعديه على نفسه والشيطان ولا تعيني الشيطان على زوجك. |
السلام عليكم
جمع الله بينكما أختاه في السعادة والهناء لقد تطرق الأخ رجل الرجال في رده الى النقاط الأساسية خاصة رقم 2 وما سوف أضيفه آت عن تجربة عشتها. ان ما تمرين به مشابه لقصتي ان لم أقل مطابق. لاتكثري الكلام في نفس الموضوع مع زوجك خاصة أنكما تلتقيان في عطلة الاسبوع فقط لأنه أمر يزيد في البعد. وكما نعلم أن اكثر ما يبعد الرجل ثرثرة المرأة. حاولي معالجة الموضوع بحكمة، حسسيه بمدى اشتياقك له ومدى أهميته في حياتك دون أن تيأسي اجعليه هو من يطلب منك الالتحاق به مكان عمله لأنه اذا كان العكس وكنت أنت الطالبة وكان لك هذا فتأكدي أن تصرفاته لم ولن تتغير. لاتركزي على السعادة اللحظية التي عمرها لا يفوق يومين بل اعملي من أجل السعادة الطويلة المدى. ولاتنسي بأنك عضو غريب في حياة زوجك لك طباع خاصة وله طباع خاصة اعطي لكليكما فرصة التعود على الوضع الجديد. لديا سؤال أرجوا الاجابة عليه""" هل يتصل بك باقي أيام الأسبوع بين الحين والآخر؟ ماقلته ماهو الا الأخذ بالأسباب لأن الحل الوحيد لمشكلتك هو الاستغفار والدعاء الدائم. اللهم يسر أمورها وفرج كربها والف بينها وزوجها. آآآآآآآآآآآآآآآآآآآآآآآآآآآآآآآآمممممممممممممممممم ممممننننننننننننننننننننننننننننن. |
بالعكس اختي وناسه مااتشوفينه ال بالويك اند والله حلوه هل الحياه هههههههههههههههههههههههههههههه
يعني ليش اتحبي التعب والطبخ وغيرهاااااااااااااااااااااامن متطلبات الزوج والله تعب عليكي بس هو ليش يقلك ماعنده بلاكبيري ومايعطيكي البن حقه هنا المشكله ولما تجين يقفل الخط مايكمل المكالمه ويبيكي بالاجازه اتنامي عند اهلك بعد صراحه قويه وغريبه منه انا لو مكانك بتم عند اهلي لما اشوف متي بقلي تعالي واشوف اخرتها معاه |
آسير وياه ما اقدر الانه وصلنا للطلاق !! بس المهم مايوديني وياه ماعرف ليش :( والله قلت له ليش تبعدني عنك وليش ماتخليني احضنك وليش تحرمني من هالشي . . لكن مافي تغييير صارحيه لايكون ماخدك غصب لان مافي رجال تو مالو 3شهور عريس ويعمل كدا انا كنت اقول هالشي انه غصب لكن صارحته قلت له لو ماتباني قولي انا بقول اللي ما اباك ومابا شي اجباري يصير !! بس هو فـ الملجه " الملكه " ماكان جيه خطبني مرتين وانا رفضته حتى اني سمعت هون مايبا يعرس عشان انا ما اباه ولكن وافقت عليه وقلت اباه . . وكان يكلمني :27: بـ حب صادق كنت احس انه صدق يحبني ولكن طولت الملجه " الملكه " كملنا 4 سنوات سبب ظروفه الماديه وانا صبرت عليه وصار برود بيني وبينه انا طلبت اكون فالبوظبي حتى لو تحت شجره المهم نكون ويا بعض بنفسه قال مش عشان مادي بس كذا مايباني :( [رجل الرجال ] والله ماعرف احس في وحده في حياته مش احساس متأكده بس ماعندي دليل =( اواجهه فيها كان وايد زين وياي ايام الملجه بس الحين مايبا شي مني :( [ميميله ] بـ صراحه ما اتكلم وياه فـ آمور تنكد له احسسه اني مشتاقه له واني اشتاق له في كل وقتَ ، بصراحه مايتصل الا اذا انا اتصلت وهو مارد عليه يعني وجودي والعدم واحد كأني مش في حيآته والله ماعرف شو اسوي وياه حتى اقول له قبل تنام كلمني ينام ومايكلمني =( |
زعلت والله
ليش ماردتي علي طيب اقل شي جاوبي ع سؤالي يمكن تكونين نفس حالتي اتمنى لك التوفيق |
| الساعة الآن 05:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©