|
وظيفتي وأمي..
السلام عليكم ورحمه الله ..
اخواني واخواتي بارك الله فيكم انصحوووني ان كنت مخطئة.. انا لقيت لي وظيفة تناسب تخصصي((مترجمه)) في مستشفى, و الوالده الله يحفظها مو مقتنعه بالوظيفة,تقول لي اختلاط محرم ومن ذا الكلآم ,,,وحاولت فيها واقتنعت في الظااهر لكن في داخلها مو مقتنعه ابدآآ,, بالبدايه قالت اذا داومتي محد معي بالبيت الا الشغاله, ومن ثم قالت المكآن بعيد وانتي مع الساايق لحآلك وأخاف عليك,, وكل شوي تطلع بعذر, وانا والله محتااااره ,والوظيفة مناسبه لي ودخلها جيد, وأنا والله ماهمني الدخل ,, الي يهمني اني اشغل وقت فرآآغي في شي منااسب لي,, محتآآره اتوظف وامي تاخذ بخاطرها مني, ولآ اترك الوظيفة واجلس بالبيت .. ياليت القى منكم تجااوب لأني على نهاية الاسبوع لآزم اتخذ قرآآري.. ومحتاجه معاونتكم .. |
وعليكم السلام ورحمـــــة الله وبركاته
اختي الوظيفة حلوة..وان شاء الله امج توافق بس يبيلها شوية ترجي ومحايل..اعتقد ان امج متعلقة فيج وحاسة ان شغلج راح ياخذج منها قولي لها مابي الا دعــاـئج ان الله يوفقني علشان الله سبحانه يبارك لي..بوسيها وتدلعي عليها لان تقولج خلاااااااص توظفي بس فكينا من هالحنـــة واللزقة....الله يبلغها فيج ويسعد قلبها بشوفتها لج متهنية ومرتاحـــة |
اقتباس:
مشكلتي يآ اختي ان امي تقتنع في الظاهر لكن في داخلها مو رااضيه,والان احس انها بتواافق لأني من قبل ضااعت علي فرصه عمل بشركه كبيرة وهي تحس انها بقراراتها موقفه بطريقي,,ومثل كل ام ودها لي بالخير لكن بنفس الوقت هي محتااره وخاايفه علي,,هي قالت لي خلاص الله يوفقك لكن مو مقتنعه لسى,وبعد شوي تغير رأيها وتقول مدري عنك دامك انتي مقتنعه بوظيفتك لآ تاخذي رأيي ,وانا احترت ابي احد يعطيني رأي وواضح,... وجزآك الله خير على دعاائك لها وربي يسمع منك .. |
اهلا وسهلا اختي اصعب حكايه
اختي امك واللله ادرى واعرف وصدقيني ربي بيعوضك احسن منها وابرك منهااا صح لو كنتي متزوجه عادي لكن بما انك توك بنت فاسمعي كلام امك اهي اعرف وعسى ربي يرزقك بزوج صالح تقي نقي يخاف الله ويتقيه اصبري ون شاء الله بتلقين وظيفه حلوه وتعجب امك باذن الله |
اقتباس:
أنا معك ان امي ادرى بمصلحتي,لكن يا اختي كم لي سنه وانا متخرجه ولآ لقيت وظيفة تناسبني,وانتي تعرفي البلد الوظاايف نادرة ان ما كانت شبة معدوومة,,المشكله اني حتى انا شبة مترددة بالموضوع,وفيه افكار متضااربة براااسي ولآ انا عارفه افكر ,ولآ ابغى اذكر الافكار واخاف تكون مفتااح للشر,واخاف احد يقرها ويتبناها براسه وترجع بذمتي,,خليها بمخي احسن ههه..لكن من جد محتاارة ,عسى الله يكتب الي فيه خيره.. وجزيت خيرا على الدعوه الحلووة والله يسمع منك .. |
اشتغلي وامك رح ترضى ما تخافي
طالما راضيه ظاهريا فما تخافي اتكلي على الله سبحانه وتعالى |
اهلين اختي حياك الله ....اولاً وش تخصصك ؟ ممكن تجاوبيني ؟ وكم سنه وانت متخرجه؟وكم عمرك؟؟الله يوفقك ان اشاءالله...
|
اقتباس:
أشكرك على ردك يا غالية.. أنا ابيها تكون مقتنعه تمآآمآ ,, هي مشكلتها تقتنع يوم ومن ثم اليوم الثاني تغير رأيها.. لسى محتارة,,لكن ربي يقدم الي فيه خير وصلآح.. |
اقتباس:
ومشكور على الدعوة وربي يوفقنآ أجمعين.. |
ياختي الله يحفظك قرار امك هو الصواب وبعدين انت تخصصك زين ....كثير من الشباب مايحب انه يتزوج فتاة تختلط مع الرجال وانت عارفه كل شي .....يعني اذا تبين نصيحتي اتركي الوظيفه اذا انت حاسه ان امك ماهي راظيه واتكلي على الله يمكن الله يوفقك غيرها...او يمكن تعينيين مدرسه او تكونين متبعثه برا تكملين الماجستير والدكتوراه ....الله يوفقك ان اشاءالله ...انا تمنى ان اتزوج وحده زيك زي تخصصي للغة انجليزيه وتكون معي في البعثه براء المملكة لانني اكمل دراستي وتكمل دراستها مثلي ...والله امنيتي ....انت ياختي تخصصك ممتاز واتبعي رضاء امك والله ان اشاءالله يعوضك...
|
أهم شي أستخيري وربي بيكتب لك الي فيه الخير
وأنتبهي لنقطة ركوبك مع السائق والمكان بعيد طبعا هذه خلوة حاولي تاخذي معك أحد حتى لو أخ صغير كرري الاستخاره لأن صراحة مخاوف امك في محلها |
اقتباس:
صدقت تخصصي حلو لكن في الغالب التوظيف لهذا التخصص يكون في شركآت او مستشفيات,وطبعآ كلها اختلآط,والتعيين الحكوومي ((الله يجيب مطر)),,واللغه بدون ممارسة تتبخر,,ولآ زلت محتآآرة..!! واشكرك اخوي مآزن على نصاايحك,والله يوفقك بدرآستك,وييسر لك كل اموورك,, |
اقتباس:
بالنسبة للأستخارة استخرت واحيان ارتااح واحيان اتضاايق للموضوع.. واشكرك على حرصك اختي لكن المكآن بالنسبة لنا بعيد لكن هو في نفس المدينة, وهذا ما يعد خلوة والله اعلم.. |
اتمنى الي عنده نصيحه لآ يبخل علي بهاآ..
يوم السبت لآزم اقرر بنعم او لآ,, وانا مازلت محتآآرة,,!! |
عزيزتي..
المجهول مقلق ويثير التوتر .. وخوف والدتكِ وقلقها عليكِ له ما يبرره .. وكذلك خوفها من الشعور بالوحشة بسبب غيابكِ متوقع دون شك. أقترح عليك أن تستخيري الله ثم تتوكلي على الله وتقبلي الوظيفة ... وبعد أن يستقر بكِ الحال انظري في أمركِ وفي أمر والدتكِ .. فإن تكيفت مع وظيفتكِ وتأقلمت مع فكرة غيابكِ واطمأنت إلى الجو العام الذي تعملين فيه .. إلى جانب ارتياحكِ أنتِ في المكان وتخطيكِ تلك الأفكار التي تراودكِ .. فاستمري وستجدين من والدتكِ الدعم والارتياح بإذن الله .. إما إن حدث العكس لا سمح الله فيمكنكِ أن تعيدي النظر في الاستمرار فيها .. واتخاذ القرار الذي يناسبكِ. |
أختي الكريمة انا أضم رأيي لرأي أمك , فالعمل المختلط لا يجوز واختلاط المرأة بالرجال ( الدائم ) فيه قتل لكثير من حياة القلب بالتدريج فلا أنصحك به ... وغير هذا يبدو أنك ستخرجين يوميا مع سائق وفي خلوة وهذا محظور شرعي آخر أعانك الله واصبري ومن ترك شيئا لله عوضه الله خيرا منه موفقة غاليتي |
السلام عليكم ورحمه الله..
جزآآآآكم الله خير اخوااني وأخوااتي وجعل كل ما كتبته ايديكم شاهد لكم لآ عليكم.. .. استخرت الله في موضوعي وارتحت .. يمكن رااحتي اقنااع لنفسي اني مرتااحه ان مآكان العكس..لكن امر الله فوق كل شي, والله من قدمت على هذي الوظيفة وانا احلم بالكناائس واني ادخلهآ,, او اني احلم اني اسمع اصووات اجراس الكناائس,, اقلقتني هذه الرؤيا وسئلت احد المشايخ المختص في التفسير ,, وعرف اني مقدمه على هذي الوظيفة,,قال هذي الرؤيا بشير ونذير!! قال لي بالحرف الواحد وظيفتك هذي بدايه النهاية!!,,وقال لي شرح و كلام كثير.. لكن والله احسست بخووووف ما حسيت به من قبل,, لذلك قررت ان اتركهآ وربي يعوضني خير .. ارجوا من الله ثم منكم الدعااء لي ..والله تعبنا وطفشنآ وتحطمنآ من ذا الوووضع..الله يرزقنآ من فضلة.. |
| الساعة الآن 08:52 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©