|
جوال الزوج ذات الرقم السري
عندما يضع الزوج رقم سري لجواله اكيد مقصوده لزوجته حتى لاتقترب منه وانه ممنوع اللمس :(
ولكن هنا تبدأ الشكوك والظنون للزوجة أن هناك سر وراء تلك الاقفال :25: واولها الخيانة لانه مرض انتشر بصورة مذهلة للازواج ضعاف النفوس فهل من حق اي زوجة ان تعرف ماوراء ذالك الجوال وما يخبئ من اسرار قد تكون مدمرة لبيتها وحياتها |
اقتباس:
تفتيش من الباب للطاقه ليش ..؟ وبشكل دوري .. والزوجه الذكيه تعرف اذا تحفظه خصوصيه ولا امر مريب .. بصراحه اكره فضول النساء .. اذا شكيت فيها بامور اخرى وقتها لكل حادث حديث .. |
لا مااعتقد مش كل رجل يضع رقم سري لجواله يكون المقصود بهذا زوجته ممكن يكون المقصود هم المقربين من اصدقاءه عشان يمنعهم من فتح جواله لأن بعض الرجال يعتبر انه أمر عادي بين الاصدقاء وممكن ياخذ جوال صاحبه يتصفح فيه او يتصل منه بدون مايستأذن حتى من صاحب الجوال او يمكن عشان ان جواله يحتوي على صور عائليه او مسجات تخص اسرار الشغل ويخاف احد من اصدقائه او زملاءه في العمل يطلع عليها اذا غفل عن جواله او نساه في مكان ما او يمكن كمان عشان اذا ضاع الجوال ماحد يقدر يطلع على خصوصيات صاحب الجوال او يستفيد منها في اذيته يعني مو بالضرورة تكون الزوجة هي المقصوده |
انا سويت مثل زوجي ..
شفته مصخها بالرقم السري ولا مقفله ولا عالصامت .. شريت جوال جديد وحطيت فيه قفل وعصب علي قال بكيفي متى مابغيت تفتحينه قدامي وافتشه قطعه قطعه .. وغير كذا هو خايف اصور نفسي فيه .. قبل كان جوالي علطول بيده ,,,,,,, لما شافني مقفلته تحسينه بدأ يتضايق وقال انه يبي يعرف الرقم السري قلت انا .. وحده بوحده .. تعلمني رقمك السري اعلمك ..هو اساسا يقول كل واحد وخصوصيته وانا رجال بكيفي قلت له وانا بكيفي .. وطلب مني اذا قال ابي الجوال اعطيه ويفتشه وان لقى فيه صور لي بيكسره فوق راسي قلت انا .. وانت تعطيني جوالك بعد.. هالمره رضى وقال مايخالف كل واحد يعطي الثاني.. قلت انت ماعندك سجل .. جوال قديم .. اذا بتطلب مني جوالي بتمسح مكالماتك وبتعطيني اياه وش الفايده اجل؟ قلت اجل انا بمسح اللي عندي واعطيك.. قال اهم شي لاخذته مالقى فيه شي .. المهم الحين اوضاعي احسن .. مثل مايقفل جواله اقفل .. وحالي من حاله .. ومطنشته عالاخر ..وصار هو اللي يراقبني ويلاحقني .. |
الأساس الذي ُتبنى عليه الحياة الزوجيه هو "الثقه" ومتى مانعدمت الثقه حدث ذلك الشرخ في العلاقه ويتسع هذا الشرخ باتساع المشاكل والأحداث مابين الزوجين. يجب ان نُفرّق بين شيئين ولايجب ان يتم الخلط بينهما بأي شكل من الأشكال.... الخصوصيه والسريه بينهما... فالأولى "الخصوصيه" هي حق قائم لكلا الزوجين ولايجب على شريك الحياة ان يقتحم ذلك الجانب الا ان سُمِحَ له او لها. وعادةً ماتكون مرتبطه بالشخص ذاته وليس لها علاقه بالشريك الأخر...كأسرار عائلة الزوج او الزوجه ...هي لاتمس علاقتهم الزوجيه باي شكل من الأشكال فليس من حق الزوج او الزوجه التطفل على الآخر بالسؤال والإلحاح بمعرفة هذا الجانب لأنه لايترتب عليه حقوق زوجيه... أما السريه فهي التي تمس العلاقه الزوجيه بالمقام الأول وترتبط ارتباط مباشر بحقوق الشريك....فهذه لايجب إخفائها عن الآخر الا تحت ظروف معينه لإستمرار العلاقه الزوجيه...وبرأيي يجب ان يتمتع كلُ على حِده بالخصوصيه ولكن لايجب ان يكون هناك سريه.... بخصوص سؤالك...الجوال في مجمله يقع تحت طائلة الخصوصيه وليس بالضروره ان يعني وجود رقم سري هو اخفاء شيء عن الزوجه كالخيانه الخ.... وجود رقم سري هو مصدر ارتياح لأن الجوال مُعرّض للسرقه او الضياع وطبع البعض ان يترك جواله في اوقات كثيره ولايحب ان يتطفل عليه احد...خصوصاً نحن الرجال....فخروجي من المكتب الى قسم آخر لايتطلب حمل الجوال معي....على سبيل المثال.... فكما اسلفت اساس العلاقه هو الثقه ولاينبغي لأي احدٍ منهما التطفل على الآخر....إلا....إلا.....إلا ان طرأ تغيير واهتمام بالغ على غير العاده وشكوك ودلائل تدعم هذا الجانب وفي حدود ضيقه جداً....عندها انا مع الزوج/الزوجه ان تتبع مصدر هذه الشكوك بأي طريقة كانت ولايقع هذا تحت طائلة التجسس على الزوج/الزوجه...لأن استمرار الشكوك هو اخطر على العلاقه واستمرارها من قطع الشك باليقين..... اقول ذلك ونحن نتكلم عن المرأه الآن....فإن كان هناك خيانه فتكون قد انقذت نفسها من براثن زوج قد ينقل لها مرض ماااا.....الخ وان لم يكن هناك خيانه فهي اراحت واستراحت وانتفت جميع الشكوك.... |
اختي انا من راي ان لكل واحد خصوصيته والمفروض ان الزوجه اذا كانت تثق بزوجها فبلاشي تفتش جواله يعني الوحده تحرص ولاتخون
فاذا كان لزوجها تصرفات مريبه وتثير الشك تفتش اما اذا لا فبلاشي |
اى رجل يحط رقمـ سرى بيكون وراها خيانه
هذه اكيدة أما التفتيش وراه هاى راجع لطبيعه المرأة أذا تتقبل هالشىء غضب اولا |
من يخبئ عن زوجته رقمه السري لجواله <<<< رجل لا احترمه
ويستاهل ما يجيه من وجع الراس 00000 |
كيف يتكلم البعض بأن لكل طرف خصوصيته
فالمرأه هي نصف الرجل والرجل هو نصف المرأه وكلآهمآ يكمل الآخر الخصوصيه تكون مع الغربآء وليس بين زوجين .. وآنآ أرى إن وضع الزوج رقم سري فلآ بأس به فقط بأن يخبر زوجته وإن كآن الرقم يضعه كمآ زعم بأن لآيرى أحد من زملآئه ويطلع ع خصوصيته فلآ بأس بأن يخبر زوجته به هذآ مآ أرآه |
الخصوصية حق.
السلام عليكم
عزيزتي جوهرة العطاء لاتبحثي على المشاكل جراء أسباب وهمية. الرقم السري الذي بهاتف زوجك لا يدل على أي شيء ما هو الا خصوصية من حقه عليك أن تحترمي خصوصياته و لا تحاولي البحث عنها لأن هذا يسمى تطفل. وكونك زوجته فهذا لا يعطيك الحق. هل تظنين أن كل شخص يضع رقم سري على جواله يقوم باتصالات مشبوهة؟ أنا واحدة من الناس لا أريد أن يعبث أحد بحاجاتي مهما كانت الصلة التي تربطني به خاصة الحقيبة اليدوية، أتظنين أنني أحمل بها ما هو ممنوع؟ لذلك أطلب منك أن تستهدي بالرحمان وتبعدي وساوس الشيطان الذي همه الوحيد خلق المشاكل بين الأزواج. |
اقتباس:
آسفة للمرة الثانية. |
اذا كآن الشخص سوي وانسان عااقل وحط رقم سري على جواله ما يعني هذآ انه يخبئ شي ولا يدعو للريبة,يمكن ما يبغى احد من اصحاابه يفتح الجوال ويتطلع على خصوصياته من رساائل او مكالماآت, ,و احس لمآ الزوجه تدقق على هذآ الموضوع كأنها تفتح على نفسها بااب مايقفل,وتبدأ تشك في زوجهآ ويبدأ معها مشوار الـ س/ج,,ويبدأ معها علآقة التوتر والخصاام,,
ومن وجهة نظري ممكن مايحط رقم سري على الجوال ويسجل ((الرقم المشبوة)) باسم احد اصحاابه,هذا لو اراد يخون يعني,,, ما ادري لكن بعض الموااضيع تفتح على صاحبها ابواااااااب لآ تغلق,, |
عجيب امر الخصوصيه هذا
عجبي من بعض الافكار اذا كنت قلقا من اخذ زملائي واصدقائي لهاتفي حسنا فليكن هناك رقما سريا ولكن لماذا يصر البعض على عدم معرفة الزوجه بالرقم السري؟؟؟ وكذلك اصرار البعض لان يكون للزوجه خصوصيتها؟؟ فليفصح عن الجميع عن رقمهما السري وليعش كلا الزوجين على البياض |
المفروض الواحد يبتعد عن الشبهات
ليش يحط قفل انا بصراحة بدايق من القفل الي على الجوال |
اقتباس:
حيّاك الله اخوي هشام...أتوقع انك تقصدني "ببعض" كلامك وراح اعلق تعليق بسيط.... أنا ماتكلمت عن نفسي هذا اولاً...هي وجهة نظر وقراءه للسواد الأعظم من المجتمع وليس كلّه... أذا كنت لاتؤمن بالخصوصيه....اجلس مع زوجتك وخبرها عن اسرار عائلتك والمشاكل بين اخوانك....وأتحدى اي وحده تطلع زوجها على مشاكل بيت اهلها.... حتى ماضي الشخص - من علاقات ان وجدت- يعتبر من الخصوصيه لأنه شيء حدث قبل معرفة كل شخص بالأخر.... ألا زلت تستغرب وتتعجب من أمر الخصوصيه كما قلت "عجيب امر الخصوصيه هذا" ام تريد امثله كثيره!! اذا كنت لاتؤمن بها فليفصح الجميع -اي زوج وزوجه-عن ماضيه ولنرى ماسوف تؤول اليه الأمور... الغالبيه من الرجال تعتبر هذه خصوصيه انا رجل واعيش بين الرجال وأعلم ان هذه وجهة نظرهم.... برأيي اصريت على مبدأ تعزيز الثقه بين الزوجين بغض النظر عن ما إذا اعطى الرجل زوجته الرقم ام لا أو العكس - لم نجرد المرأه من خصوصيتها فما هو حق له هو حق ممنوح لها أيضاً- .... ولايجب ان نحصر ونحجب الثقه فقط في هذا الرقم.... نحن نناقش مبدأ وليس شيء آخر!! يعني اللي بيخون يمسكه رقم سري؟ او جوال؟ بكل بساطه يعطيها الرقم وتلاقي عنده 3 جوالات غيره!!! الإخت صاحبة الموضوع ربطت عدم الإفصاح عن الرقم ان من اسبابه الخيانه... ومن هنا بدأ النقاش.... ليس كل من اخفى الرقم خائن!! و عندما تتحدث وتناقش مشكله عامه كهذه يجب ان تأخذ بعين الإعتبار جميع أطياف المجتمع...من محافظين...اقل حفاظاً....منفتحين.....متحررين.... يا أخي يجب ان تعلم ان هناك الكثير من الأحداث والخيانات حصلت بسبب اطلاع كل زوج على قائمة شريك حياته.....اذكر قصص كثيره هنا في المنتدى الزوج اخذ رقم صاحبتها من جوالها...الخ...وآخرها عن احد الإخوه ممن كان يشتكي من ازعاج امرأة ماااا له.....واستمر هذا الإزعاج لمده طويله الى ان توصل الى طريقة ماااا بمساعدة زوجته من معرفة هوية تلك المرأه واتضح انها زوجة صديقه!! ولما سألها من اين حصلتي على الرقم اجابت من هاتفه!!!!! لاتُسيء فهمي....اعلم ان هذه النوعيه من النساء قله قليله ولله الحمد....والوازع الديني واحترام الذات يختلف من انثى لأُخرى....ولا اُريد ان أُثير الريبه بين الأزواج ولكن هي حقيقه موجوده! ولهذا السبب اقول.....الثقه اولاً وأخيراً....الا ان حدث شيء مريب... ومن يريد ان يخون لايمسكه لاجوال ولارقم سري... تحيتي لك |
الأخت الكريمة جوهرة العطاء بارك الله فيك أنا ما أتوقع إن كل من حط رقم سري لجواله إن ورآه شئ أنا زوجي عنده جوالين واحد مفوتر والثاني مسبق الدفع وفيه لها رمز حماية وأنا بنفسي حطيته لها لأن زوجي كل جوالاته في يد عياله ولو بكى أحد منهم زوجي مايلقى إلا الجوال يسكته فيه يعطيه إياه والطفل يجلس يلعب بالأزارير ويدقدق على أرقام زملاء أبوه ففضلت إني أحط له رمز حماية علشان لو لعبوا فيه ماينفك الخط معاهم لاكن والله إني من يوم حطيت له الرقم السري ماعمري أخذته أو فتشته من ورى ظهر زوجي ولو بغيته آخذه منه قدام عينه ولا يزعل ولايعترض وأنا عندي شريحتين واحده مفوتره والثانية مسبقة الدفع وجوالاتي
مالها أي رموز حمايه لأن عيالي مايقدروا يقربوا لها حتى لو كانت قدامهم مايجون صوبها نفسهم منفتحه على جوال أبوهم بس وكمان أنا أخاصمهم مايقدروا يلمسون جوالاتي بالنسبه لزوجي والله إن ماعمره شال جوالي وفتشه سوى في حضوري أو غيابي أحيانا لو وردني إتصال مجهول حتى وإن كان زوجي موجود عندي يقول لي ردي عليه ولو قل أدبه أعطيني إياه يمسكه زوجي و يغسل شراعه إلين يبرد ويقفل الجوال بوجهه و يسجل على هاذا الرقم إسم مزعج بحيث لو ورد منه إتصال ما عاد أرد عليه أخليه في سجل الأسماء عندي مدة شهر إذا ماعاد كرر إتصاله أمسحه من جوالي رغم إني أحيانا لما يدق عليه رقم ما أعرفه ما أرد عليه وأقول لزوجي عنه يقول لي لو كرر إتصاله على جوالك ردي عليه وشوفي وش عنده إذا كان متطفل قفلي بوجهه وإذا كررها أعطيني رقمه وأنا أتفاهم معاه وهو كذلك لو دقت عليه إمرأة بالغلط وكررت إتصالها يعطيني جواله وأنا أتفاهم معاها. وفي الحقيقه أنا أشوف من وجهة نظري إن إذا كانت الثقه موجوده ومتبادله بين الزوجين فما راح أحد فيهم يخفي شئ على الثاني وكل واحد يصير كتاب مفتو ح لثاني أهم شئ الثقه تكون متبادله والإبتعاد عن الشك لأن الشكوك هيه إللي تنزع الثقه من بين الأزواج وتزرع الظن السئ في نفس كل واحد منهم و الشكوك تدمر الحياة الزوجية وتهدمها وتصيب الإنسان بمرض الوسواس والإكتئاب النفسي ومثل ماقالوا بعض الإخوان والأخوات بأنه يمكن الزو ج حط رقم سري علشان يحافظ على أسرار حياته مثل أرقام أهل بيته ورسايلهم وصورهم ومعلومات حساباته البنكيه فشئ أ كيد إنه بيحط رقم سري للحفاظ على الخصوصية من بعض المتطفلين من بعض الزملاء فالمشكله ليست في وضع الرقم السري المشكله في إخفاء الرقم السري عن زوجته شريكة حياته مايعلمها برقم جواله السري هنا الزوجة يتسرب الشك إلى نفسها في زوجها وقد تظن به ظن السؤ ويلعب الوسواس في راسها وتقوم تفتش أغراضه وسؤال وجواب عاد حنا الحريم لو أشتغلت الحاسه السادسه عندنا ماعاد نطلع إلا بنتيجه سلبيه وإلا إيجابيه أهم شئ تتبع أساليب المحقق كونان ندور على الأدله حتى تحت شماغه وطاقيته أهم شئ نلقى أدله علشان ندينه بها وقت التحقيقات . |
اخي Saif_KSA
والله الذي لا اله الا هو اني لم اكن اقصدك انت ولكن جملة الردود التي قرأتها جعلتني اكتب ما قراته انت وبالنسبه لي..نعم فأنا اجلس معها واحدثها عن اسراري فقط وكل مايتعلق بي اذ لا دخل لها في اسرار عائلتي.. الا الامور الظاهره للعيان كالمشاكل الاجتماعيه فقط ولكن ما طبيعة تلك الاسرار التي قد تتداول عن طريق الجوال.. يا اخي لا اغتقد اني يوم من الايام سوف اناقش اسرتي بمشاكلنا الخاصه والسريه عن طريق الرسائل النصيه مثل هذه الاسرار تناقش وجها لوجه مع اصحاب العلاقه يا اخي.. وعندما تقول (لم نجرد المرأه من خصوصيتها فما هو حق له هو حق ممنوح لها أيضاً) فأنا اخالفك الرأي واقول مثلما ان الزوج يجب ان يكون على البياض فالزوجه يجب عليها كما يجب على زوجها وعندما تقول (هناك الكثير من الأحداث والخيانات حصلت بسبب اطلاع كل زوج على قائمة شريك حياته) .. فانت تتحدث عن رجل عنده قابليه للاحراف وخيانة الله اولا ثم خيانة زوجته وليس كل الرجال سواء واحترم وجهة نظرك جدا وكما قلت الكثير من الرجال والنساء هكذ ولكن لا يعمم الفعل على الجميع خالص تقديري لك |
اقتباس:
حيّاك الله اخوي هشام مره ثانيه...انا معك في هالشيء لأن مو كل كلامك كان ينطبق على ردي...ولهذا السبب انا قلت انك تقصدني "ببعض" كلامك وليس كله....وشوف كلمة بعض تحتها خط ... اقتباس:
هذا المفروض واللازم اقتباس:
أنا اقول لك... كان تعليقي على مبدأ الخصوصيه فقط....وضربت أمثله لأني تعجبت من تعجبك بأمر الخصوصيه وان المفروض مايكون هناك خصوصيه! من بعض امور الخصوصيه....هو كأن تكون مرتبط بكفالة يتيم....وتأتيك رسائل بهذا الخصوص سواءً من الدار او البنك....او امور ماليه بينك وبين اهلك كأن ترسل لوالديك مبلغاً من المال...وكما تعلم اي اجراء بنكي يأتي تأكيد له عن طريق الرسائل.... هذه بعض الأمثله فقط... اقتباس:
أنا قلت حق ممنوح وليس ممنوع وأرى انا متفقين ولست مخالف لي...بمعنى اني قصدت ماينطبق على الزوج من تحفظ بخصوص ارقامه لها كامل الحق بمعاملته بالمثل... اقتباس:
ولهذا السبب اخي الكريم انا تكلمت عن اطياف المجتمع واختلاف الموروث الثقافي والديني والقبلي الخ...ولم اتحدث عن نوعيه معينه... اقتباس:
وأنا دائماً ما أُردد البعض او الأغلبيه ولم أُعمم يوماً ماااا ولك أيضاً اخي الكريم...سُرِرْتُ بتعقيبك |
اقتباس:
ينطبق عليها نفس ما ينطبق على الرجل , أم أن ألمرأة تختلف ؟ |
مو لهذي الدرجة و عن نفسي اؤيد اقفال الجوال بقفل
و المحترم ما يهاب احد و هذا الكلام للزوج و الزوجة و لنفرض ان الجوال ضاع و فيه ارقام الأهل و الاخوات و ربما صور الزوجة و صور الابناء في بعض المناسبات و نحوها سألتكن بالله ما هو مصير الجوال اذا ضـــــــاااااااع و هو بدون رمز حماية كبروا عقولكم شوية و اللي تشك بزوجهاا في اكثر من طريقة انها تتفاهم معاه اما اسلوب المحققين ما يقدم و لا يؤخر و ممكن يزيد المشاكل .. سؤال للزوجات اذا ترضين زوجك يحقق معاك و يفتش جوالك و تشوفي الامر عادي وقتها لك الحق في المطالبة في تفتيش جواله و الاصرار على ازالة رمز الحماية |
اخوي هشام كلامه اعجبني .. لانه انسان محب لزوجته واللي يحب زوجته مثل بنت الحكمي ماراح يخبي عنها .. يعني انتي حطيتي له الرقم السري وتعرفينه فماراح تفتشي فيه لانه وثق فيك وعطاك بس اللي يخبي على زوجته ولو طلبته الرقم السري رفع صوته ولا قال لها مالك دخل.. في هالحاله انتي عامليه بالمثل وحطي قفل وان طلب الرقم قولي له علمني رقم ثم اعلمك رقمي,, وبعدين الخاين ينعرف .. اذا قفل جواله ولو طلبتيه تكلمين او شي يجلس يحوس بالجوال ويمسح ثم يعطيك.. او يدق لك عالرقم مو انتي تدقين .. واذا جاء ينام يقفل جواله ,,, وتشوفين حركاته مريبه .... عموماً النساء عندهم حاسه ,,اذا زوجها خانها .. واللي يقولون عشان ربعه وكذا .. وش رايكم اذا الزوج اغلب وقته بالبيت ومخلي جواله كله مقفل او محطوط عليه كلمة سر .. ماله داعي دامه بالبيت .. واذا احد لمس جواله قامت قيامته والخاين لما ينسى جواله بالغلط بالسياره ويروح يشتري شي ,, تشوفينه يجي ركض وياخذ جواله .. طبعاً في علامات كثييييره .. لكن اللي شاكه ان زوجها مقفل جواله عشانها تسأله وش رقمك السري.. ان جاوبها يعني مو مقفله عشانها واذا رفض .. يعني عشانها... وبــــــــس ^_^ |
والله اذا فيه شي بينكشف من اول شهر زواج..لو كان حاط اسوار مسوره واشد حرص...ربي بيكشفه..بالصدفه
والرقم السري ماله داعي ...ومايحطه الا الي وراه شي ممنوع ومايبي احد يشوفه..واغلب الي حاطين ارقام سريه خونه بشهادة زوجاتهم..يعني كشفت خيانته من قبل.. ومن حق الزوجه اذا شكت تدور على الدليل عشان تقطع الشك باليقين..وقبل لايتطور الموضوع ويتمادى اكثر.. واذا حاط الرقم السري عشان اصحابه ...طيب ليش يخبيه عن زوجته...ويحرص انها ماتعرفه..؟؟ |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اهلا بك وبالمداخلة |
اقتباس:
اقتباس:
اقتباس:
اقتباس:
اقتباس:
اقتباس:
|
اقتباس:
|
(( الرقم السري من حق كل انسان ولكن المفروض ان زوجته تعرف الرقم
السري من مبدأ لايوجد اسرار بينهم)) طيب واذا هي فضوليه ..؟ ولا تقرا وتعلق بسخريه ..؟ ولا خلقه شكاكه ..؟ ولا تقرا رسائل خاصه بينه وبين اخوانه وهات يانشر ..؟ مايحق له يحط رقم سري ماتعرفه ..؟ ولو سلمنا جدلا انه من المفروض تعرف الزوجه الرقم وهو ماعنده مشكله اتوقع مو من حقها تفتشه من وراه .ومو سالفة مابينهم اسرار سالفة احترام وثقه وادب في التعامل ... |
اقتباس:
بل نوع من الثقة فقط |
اقتباس:
ومن الثقه ايضا ان لاالح على زوجي معرفة الرقم السري .. عن حياتي انا ماكنت اعرف لاني مااحتاج افتحه ولو جيت باستخدمه قلت له افتحه لي او اقوله كم رقمه .. واتصل على اهلي او اخذ رساله او صوره معينه ابغاها .. ثاني يوم والله مدري وش كان الرقم :d وهالدقائق من الامور لا التفت لها هو انا اعرف الرقم ولالا هو مغيره دايم ولالا كان بحياتي امور اهم من معرفتي لمجرد ارقام :21: عموما لك قناعتك ولي قناعتي .. |
اقتباس:
بعد إذن صاحبة الموضوع.... مازال الخلط مابين الخصوصيه والسريه قائم للأسف.... يا أختي...ماراح اتكلم عن نفسي لكن.... اذا كان فيه انسان كافل أيتام....بينه وبين والده تعاملات ماليه تخص والده بالدرجه الأولى ولاتخصه هو.... وانتي مثلك عارفه ان الآن التعاملات البنكيه كلها تجي على شكل رسائل بالجوال!! هل مازال يقع تحت طائلة اللي "ومايحطه الا الي وراه شي ممنوع ومايبي احد يشوفه" بالمفهوم السلبي للكلمه! هل انتي مع ان الزوج يسمح لزوجته بالإطلاع على اشياء زي كذا؟!؟ الزوجه لها احترامها وتقديرها ومكانتها والوفاء لها لكن تبقى هناك حدود للخصوصيه اذا تعلّقت بأسرار الغير او شيء بين الإنسان وربه!! هنا لا.....هنا لازم حدود... بالمناسبه كلامي هذا يسري على الزوج أيضاً ولها الحق بالمعامله بالمثل ولها الحق بالتيقن متى ماكانت هناك شكوك يا اختي اللي مايتعلم ويتعض من اخطاء غيره انا اعتبره انسان للأسف مو فاهم....ولاراح يفهم... كم من الأزواج استباحوا الخصوصيه واطلعوا على خصوصيات بعضهم او اهل كل واحد على حِده ولما جاء وقت الطلاق والإنفصال....يالله اللي ماعرف يعرف ونشر غسيل....انتي اهلك كذا وكذا....واختك كذا وكذا......وهي بالمثل....وانتوا كذا وكذا ....واخوك اللي متزوج بالسر وخاش هالشيء عن زوجته......الخ! الآن اين الضرر وعلى من يقع ومن المسؤول!! طيب انسان معدد ومتزوج زوجتين هل انتي مع ام ضد ان تطلع احدى الزوجات على رسائل الأخرى؟ ترى مافيها شيء....كله رقم سري!!! اسمحي لي الزوجه لها حدود مهما كان لأن مستقبلهم مع بعض مو مضمون واللي يقدر يثبت العكس بيكون يدعي علم الغيب..... اقول وقلت هذا من قبل اللي بيخون لايرده جوال ولارقم سري احترامي لك |
على كذا تزوجي واحد ما عنده جوال هذا افضل حل لقطع الشك و الوساوس
|
اقتباس:
عموما انا متزوجة واحد جواله مافيه ارقام سريه:30: |
[SIZE="5"]
اقتباس:
|
طبعا اللي يسوي شي لازم ينصاد مرده ينصاد
خصوصا اذا استمرت الخيانة مده طويله |
عندي نظريه بس ما ادري
يمكن تلوموني عليها لكني اشوف انه الشخص لما يحط رمز حمايه على جواله ممكن هالشي يشجعه على الخيانه لانه يحس بامان:22: نفس الشي بالنسبه للكمبيوتر او انه يشوف اشياء مش ولابد على اقل تقدير دقايق ان شاء مهيب ماثرة في برستيجه ولا علاقته بشي :25: |
اقتباس:
|
| الساعة الآن 08:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©