|
متى ينتهي الوحم
السلام عليكم ورحمة الله وبركاتة
أسعد الله صباحكم/مساؤكم بكل خير المدام بالشهر الثامن (الله يهون عليها ويتمم علينا) من أربع شهور ياناس.. أربع شهور لاكلام ولا سلام ولاترضى تشوفني ( الله مير يصلحها)؟.قالوا وحم وهي كانت تقول مو وحم إلا كره..سؤالين يخليكم ربي س1 : هذا شي طبيعي و إلا لا؟:25: س2 : (جد إندبلت تسبدي) يعني متى بنخلص؟ :29: يحفظكم ربي ويرزقكم من واسع فضله |
الله يهون عليك بجد هذا وحم قوي شكله مع كره بس إن شاء الله مؤقت وبعده حب دائم عاد انت تودد لها هدايا رسائل سؤال اهتمام مهما كان المفروض شويه تبين حبها لك وبعدين وضح أكثر هل هي قبل الحمل أوكي معك وهي الآن عندك ولا عند أهلها والله ييسر احوالك
|
اقتباس:
هلا أخوي ممكن وحدة من قريباتك تكلمها وتكون علاقتها فيها حلوة وقريبة من عمرها وتحنن قلبها عليك , المهم خل قريبتك تجس النبض وتشوف وش سالفة زوجتك الله يهون عليها ويصلحها |
الحاله بدت معها من اول ما حملت ولا من اربع شهور بس؟
بصراحه ماقد سمعت عن وحم يبدا بالشهر الرابع !! |
فاقده شيء
لارسائل ولاهدايا ولاسؤال نفع..أصلا مافي تقبل.قبل الحمل كان كل شي اوكي يعني تزوجنا ومن فضل الله علي إنها ثلاث شهور تقريبا وحملت بعد كذا كل شي تغير ومن هذاك الوقت وهي عند اهلها ومن اربع شهور لاحس ولاخبر ولاشوق ولاسؤال ولا شي.. الماضي الدفين هذا اللي صار لكن مع الاسف مافي اي فايدة.. اللي فهمت انو بعد الولادة راح تتغير الامور,لاني بصراحه مهدي بالي ولاني حاب أصعد الموضوع تحياتي لكم |
هذي ظاهره منتشره في هاالزمن ..ليش بعض البنات صاروا مايتحملون...لدرجة تطلب الطلاق والادهى ان بعض الاهل ساكتين..والي تقوله بنتهم ينفذونه..
يعني هي لو تضغط على نفسها وتصبر مايضرها شي...والله ياان ضغطت على نفسي لين جاتني حاله نفسيه..واهلي الله يطول باعمارهم...كانوا مسيطرين على الوضع يعني لو اروح عندهم مايرضون يخلوني اكثر من يومين عندهم..مو لانهم مايبوني...لانهم يحبوني..وتهمهم مصلحتي اخي حاول تتكلم مع امها او والدها وتقنهعا تخليها ترجع بيتها.وتتحمل .لانهم لو سكتوا راح تتشجع البنت وتتعود على البعد.. الله يهديها..... |
|
أعانك الله من جد وضعها ؟؟
كيف لاحس ولاخبر ولاسؤال يعني أيش تظن الزواج هذي مهما كان سؤال رساله إلا إذا خرجت زعلانه من بيتك عاد ممكن يكون لها مبرر يمكن |
اعرف كثير نساء و بنات يحملو و يجيهم الوحم
بس بصراحه احس وضعها فيه مبالغه نوعا ما و اخاف يستمر بعد الولادة و تجي تقول لك مو طايقة اشوفك عندي اكتئاب ما بعد الولادة ..!! ادري كثير راح يخالفوني الرأي بس اشوف بنات يحبون المبالغه صح الوحم متعب و بالذات للي اول مرة بس توصل للشهر الثامن ..؟؟ اقصى مدة للوحم تستمر لحد نهاية الرابع و ممكن يستمر تقلب المزاج و التعب و الاجهاد لحد موعد الولادة اما تسعة شهور وحم و ما تدري عن زوجها معقوله الحين ما ترد على جواالها و لا تخاطب اهلها و زميلاتها و لا ترد السلام على احد معقـووولـــه ..!! عموما الله يصبرك و يردها لك مثل قبل و احسن |
السلام عليكم
انا عندي نفس مشكلتك ومرتي مش بس ما طاقتني مرتي دزتني واعصابي ما تحملت ضربتها كف واهلها الله يخلف عليهم(((((((((((((((((((( امها)))))))))))))))))))) صارت تتدخل كثثيير ومرتي زعلت وامها وطلبت حماية الاسره قال عشان ضربتها كفين والان رفعة قضية نفقه وامها بتشد على ايدها انا مطنش ووكلت محامي وصدقني انا متوقع بس تولد رح تيجي وتعتذر وتحكيلي امي خربت بيتي بتعرف صرلي شهرين وانا بالبيت لحالي وما اللي غير الدعاء لربي انو يهدي مرتي ويقومها بالسلامه |
أشكر الاخوان والاخوات اللي ردوا
الموضوع بدأ معها من عرفنا بالحمل بالتدريج اللي ابي اعرفه منكم ياخواتي الطيبات في وحده منكم جاتها نفس الحاله؟ وإذا إي متى انتهت؟ تحياتي |
الله يبارك لك بالبيبي
وتقوم مرتك بالسلامة بشكل عام الحمل الأول يكون صعب بس الأم لما تعرف الأمومة وايش معنا الإنجاب انه هبه من الله قال الله تعالى(يهب لمن يشاء اناثا..........الآيه) راح تبحث عن المولود 2و3............. وبشكل عام يكون مزاج الأم فترة الحمل معكرة وحساسه وبعض النساء تحس ان الرجل سبب في هذي الآم اللي تمرفيها انت انسان كريم وراعيتها لكن لاتدير ظهرك حاول تكلمها وتفهما انه مايصير تبعد عن كذا والله يوفقكم |
اقتباس:
وحملي الثاني العكس تماما... |
اقتباس:
|
سؤال لاخواتي ..
متي يبدأ الوحم بالضبط ؟؟ |
الله يعينك اخي الكريم
بس طول بالك عليها انا وحكي كان صعب جدا .. وبددأ من لما عرفت اني حامل .. اظن في الاسبوع الخامس من الحمل كان متعب جدا .. ونفس الشي كنت ما احب اجلس قريب من زوجي بس لأني احبه كنت امسك نفسي وما ابين له عشان ما يتحسس بس هالشي غصب عن الوحدة احيانا كثيرة كنت أرجع اذا شميت ريحته مع ان ريحته تكون عادية او يكون توه متعطر! حتى وقت النوم كنت ما احب انام قريب منه .. واحيانا انام فالكنبة عشان ما اجلس ارجع! هدي نفسك وحاول تتقرب لها بالمسجات .. وان شاء الله اول ما يوصل البيبي تنسوا كل شي :) |
اغلب الوحم ينتهي في الشهر الخامس ...
بس يبقى التعب والثقل والمزاااج المتقلب .... اما للشهر الثامن؟؟؟؟!!!!! لكن يمكن لانها من وقت الوحم وهي بعيده عنك وللان 4 اشهر اكيد وحمها خلص لكن مو حاسه بهذا الشي لانها لم تجرب العودة للبيت او الاقتراب منك فمازال في نفسها انها لا تتقبلك خلاص هانت >>>ال8+ال9+ 40 وبعدين تفرج ان شاء الله |
لا تتسرع بالحكم
انا والله قعدت الى ولادتي وانا ف غثيااان وقرف مو بيد الانسان واخر وحدة ممكن تتدلع هي انا مرررررة مو عوايدي واللي يتفلسف ويقول مستحيل الوحم يستمر ومن دا الكلام اقوله لا تفتي بما ليس لك به علم مو شرط انو تجربتك الشخصية تعمم على كل النساء. وبعد ما تمر فترة الحمل والنفاس وبعد ما ترتاح الزوجة ما يبقى ف قبلها غير التقدير للرجل الحنون اللي وقف جنبها وحن عليها وتسير تقدمله وبكل حب كل حقوقة وزيادة عرفانا وامتنانا واكراما وحبا.... الحمد لله عليك يا زوجي الله لا يغير قلبك عليا |
اخي العزيز الله يتمم على زوجتك حملها ويرزقكم الذرية الصالحة بالنسبة للوحم...في كثير حوامل يتدلعو في حملهم ووحامهم بس في المقابل في البعض يتعبوا في حملهم تعب شدييييد اعرف وحدة ماعندها الا طفلين ولد وبنت وكبااار وهي صغيرة واستغربنا انه ماحملت مرة ثانية قالتلنا انه حملها صعب يجيها اكتئاب وبس تبغى زوجها جمبها وتخاف اذا خرج وتبكي تجنن زوجها طوووول التسع شهووور كرهته عمره ووحدة ثانية طول حملها وهي تستفرغ اللي في بطنها وتتعب في اكلها وتجيها حساسية طول الحمل في جسمها تتعب من اللبس بس تلبس شرشف صلاة قطن طووول حملها غير الم في رجلها وظهرها المهم انها تتعب في الحمل لدرجة انها تدعي تقول عساني ما احمل مرة ثانية من اللي شافته اللي ابغى اوصلك هوا انه لا تتسرع وتحكم على زوجتك في فترة الحمل او فترة النفاس انا في نفاسي جاني اكتئاب مابعد الولادة مررررة تعبت واستمر معي ٦ شهور بس الحمدلله زوجي الله يعطيه العافية كان متفهم وصبر معي كنت بس ابكي واخاف من الموت وكنت اكره بنتي وبس ابغى زوجي عندي واذا راح اخاااف واترجاااه يرجع الحين اقول لزوجي كنت في نفاسي وحدة ثاانية مو انا وفهمته وقلتله اذا حملت انشالله مرة ثانية وجاني اكتئاب تحملني لا تتركني وحدي والله ما انسى لزوجي وقفته جنبي ...ف خليك واقف مع زوجتك كلها شهر انشالله وربنا يفرجها واذا استمر معاها الضيقة اصبر عليها شويييي والله يوفقك ويعينك |
شروق السعودية
ليه الغرور؟ سيدة الموقف رجل حليم فديت ال M بحر العطاء وتر حوريه شكراَ ... والله يعطيكم ألف عافيه |
| الساعة الآن 08:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©