|
زوجي وعيونه ع البنات ماالحل؟
:30:بسم الله الرحمن الرحيم
أود مشاركتكم في مشكلتي مع زوجي... زوجي هو كل شئ في حياتي توجد منقصات مني ممكن طولة لسان او نرفزة بس اعتذر بعدها مباشرة بكل مااملك ممكن اعتذر بدلع بطبخة بهدية باي شئ كنت مريضة وذهبنا لعيادة وكانت هناك بنت جميلة جدا في الاستقبال بهرتني انا لانها كانت متبرجة ( طبعا انا متوسطة الجمال) رايت عيون زوجي كانت عليها وتحدث معاها ثم ضحك لها لا انكر اني غيورة واحب زوجي حب مو عادي وهو يحترمني بس اتوقع حبه متوسط يقيس الامور كلها حتى الحب والجماع بعقله عشان لا اطول بس رجعنا البيت واحنا ع السرير يقولي والله البنت مررررره حلو سكتت وقلتله ايوه مره حلو تصدق اتعرفت عليها ولخذت رقمها شكلها جديدة في العمل يمكن اخطبها لاخوي طبعا كذبة وشويه قلي تصدقي انا غلطان مفروض مااقول هذا الكلام لك قلتله ايه رايك اخطبها لك قال لا هذه مستواها فوق محترضى بواحد زيي قلته اهو انا راضية فيك ونمت وانا استغفر من القهر والظلم اليوم الثاني في الصباح اعطيته هدية كنت مشتريتها من اول وقلتله صحيح كلامك البارح زعلني بس انا مقتنعة بنفسي وبجمالي وربنا خلقنا اللي حلوة واللي حلوة مره والعادية بس انت عيونك على اي بنت متبرجة في السوق في الشاشة حتى لو عاديه يقول شوفي كيف ماهي حلوة دايم يعلق قلتله كانك مو مقتنع فيا قال لا والله مقتنع فيك وعاجبتني وقلتلك انها حلوة بس عشان تهتمي فيا لانك صرت باردة ناحيتي العين فارغة ولا ايه هي عجبته اتغير تبريره للسبب البارح قال غلطت واعتذر والصباح قال عشان تهتمي مع العلم لنا سنة و3 شهور متزوجين ...ربنا مارزقني بحمل وكنا مخطوبين لمدة سنة مالحل لديكم اهل الخبرة وأفضل ردود الرجال في المنتدى ولا يمنع النساء |
رد زوج بصراحة أختي ليس فيه احترام لمشاعرك . لا أقصد أن أثيرك و أشحنك بل أنصحك بالتروي وامتنعي عن العصبية و الإنفعال الذي يحدث لك حتى لا تنقلب الطاولة ضدك..
لكن إذا تكلم مرة أخرى , كوني حازمة بدوا أن تقلي من أدبك , أخبريه أن يقفل على الموضوع لأنه يضايقك و لا تسمحي له بالإستمرار بمدح أي كانت , قومي عن الجلسة , او غيري الموضوع بحزم , لا تجعليه يأخذ راحته بالتغزل بحجة تنبيهك أخبريه أنك كلك آذان صاغية لأي ملاحظة و تنبيه منه لكن دون مقارنة ,,, |
اهلا وسهلا ، وألف لاباس عليك وان شاء الله طهور بصراحه عجبتني طريقتك وماشاء الله عليك لو غيرك كان قلبت الدنيا فوق لتحت ، ممكن قالها بعفويه او كان قصد بها شى معين او يبي يعلمك بشي ، يعني يوم قال لك ( عشان تهتمي فيا لانك صرت باردة ناحيتي ) يمكن زوجك من النوع إلى يحب الزوجه إلى تغار عليه ولا حس بهذا الشعور ، عشان كذا يقول شوفي هذي وش حلوها او زينها يبي يحس ان زوجته تحبه بغض النظر بكلامك تجاهه بـ "احبك او اموت فيك " اذا مره طلعتو وقال لك هالكلام لاتقولي ايه رح لها ولاتتنرفزي ، انتي قولي انا زوجتك وانت زوجي ولا ابى وحده تاخذك منى ، انت لى وبس وانا ما ارضى احد يطالع فيني كيف تبي ارضى على زوجي يطالع غيري ، يعني حاولي تحرجيه بالكلام وعسى الله يوفقك ويسهل آمرك ويتمم عليكم ويرزقك البنون |
السلام عليكم يا اختي يجب ان يكون لديكي ثقة اكبر بنفسك يعني لو كنتي متوسطة الجمال ... من الافضل الا تذكري زوجكي بهذه المعلومة من حين لاخر هو اختارك ولم يختر اي امرأة ثانية تكرار مثل هذا الكلام يدع مجالا لزوجي كي يقول في عقله صحيح ... زوجتي متوسطة الجمال وانا استحق اجمل منها الزوجة العاقلة هي التي تعطي الاحساس لزوجها بانها ملكة جمال العالم |
عادي طنشي بس شكله يبي يحرك مشاعرج مو قصده شي ثاني
|
اقتباس:
تسلمي ع المرور يا مس داني عجبني كلامك الله يعطيك الصحة والعافية |
اقتباس:
سلمت يمناك |
اقتباس:
تسلمي ع المشاركة ياام عبدالله |
اقتباس:
مو قادره اطنش احس انه في حاجز بيني وبينه تسلمي ياقطوة قطرية |
اقتباس:
رد كافي ووافي وصادقة بكل حرف فيه : أحذري ثم أحذري الخوض مع الرجل في جمال الأخريات وكأنه موضوع عادي جداً وكأنه يحق له مقارنتك بالأخريات ياعزيزتي الرجال نظرتهم للجمال مختلفة عنا نحن النسوة من نرآها نجمة في سماها قد لاتشكل بنظرة نسبة 2% جمال المرأة إذا أحبها الرجل أياً كان شكلها لايرى سوآها أجمل منها إلا إذا بدأت هي بتقليل شأنها وتفتيح عينيه على عيوبها ومقارنة نفسها بغيرها وأنتقاص قدرها :: أذهبي لمرآتك ابتسمي لنفسك وقولي "الله خلقني كاملة ورائعة فشكراً لله على هذه النعمة) أرسلي لنفسك رسائل إيجابية وكفي عن أخذ رأيه في النسوة :: فالرجل يحتاج لقليل من الغيرة تشعره برجولته وأهميته :: ولايحتاج لأنثى تكون بمثابة صديق يمتدح معه الأناث وكأنهم أصحاب ورفقة أعجبتهم حسناء :: |
يمكن هو كان متوقع انج تغارين عليه وما حصل اللي توقعه عشان جذي قالج انج مر مهتمة فيني
المرة الياية لا تعطينه له مجال انه يشوف غيرج يعني مثلا في نفس الموقف هذا وانتي بالعيادة وحسيتي زوجج زاغت عيونه زيدي بمرضج بدلع وغنج بحيث ان يلتهي عنها واذا طلعتوا لا تجيبين له طاريها أبدا أبدا واذا هو فتح الموضوع قوليله بدلع " دام معاك القمر مالك ومال النجوم" موفقة |
غربب تفكيره زوجك..عذره أقبح من ذنبه..
يعني اذا قالك هذي البنت حلوه انتي حتهتمي فيه...اكيد وبالعقل انتي بتنجرحين ويمكن تكرهينه لانه يحسسك بالنقص حتى لو كنتي اجمل منها..وبالتالي تبرد مشاعرك من ناحيته..وماراح يستفيد شي.. ومره ثانيه اذا قالك هذي حلوه انتي حتى لو البنت ماهي حاطه مكياج قوليله طبعا كل هالمكياج والدنيا الي حاطتها في وجهها وجسمها والتعديلات اكيد بتطلع حلوه.لو تشوفها في بيتها تنصدم..وانك لو تحطي ربع الي هي حاطته في وجهها تطلعين أجمل منها بمليون مره .فهميه انه الجمال هذا مزيف..وكله مكياج واقنعه...يمكن هوجاهل في هالامور وعلى باله جمال رباني..يعني بس صحيت من النوم وخرجت من بيتها..اغلب الرجال ماينتبهون للمكياج..الا الي فاهم فيه ينتبه بس الاغلبيه ماينتبهون ويحسبون انه هي كذا عيونها كحيله وشفايفه ورديه..ورموشها كثيفه.. |
يشوف
يعجب يتغزل هو حسابه عند ربي وهالمتبرجه ايضاً حسابها عند ربها لكن :::: يجيب بلاويه معه وبكل وقاحه يمدحها قدامك وعلى سريرك لا اوقفه عند حده ,,,,, لأنه لا بد أن يكون لكل شئ حدود 00 وإلا فلتت الدنيا وقولي له تصور أن من كان في الإستقبال رجل :: واجي واقولك وسيييم ماهي ردة فعلك ؟!! ليس الخطأ في الجمال من حولنا الخطأ كل الخطأ بتفاهة تفكيرنا 000 |
اقتباس:
الله يريح بالك عزيزتي موهبة الكويت تسلمي ياموهبة الكويت ع الرد البسيط |
اقتباس:
احس انه ماله مكانة في قلبي الان وودي اروح اجلس في بيت اهلي ارتاح شويه وانسى اللي صار حاسه اش ماسوى مااقدر اغفرله مدري ليه يمكن ردة فعلي عاديه ولا لا بس احس منه ظلم وعدم حياء في كلامه مو طايقه انام جنبه ولا حتى اتكلم معاه ولما يتكلم يقولك حتى لو جو كل الرجال حيكموا عليها انها حلوة ليه الرجال كلهم والله ماتنطبق كلمة رجال ع الرجال الا اذا كان يغض البصر مع العلم زوجي متدين ومن عائلة متدينة |
عزيزتي..
الله يسعدك انتي وزوجك ويجعلك قرة عينه.. صراحة .. الموضوع الي اتكلمتو فيه غير قابل للنقاش ليه أصلاً .. تتكلمو عن البنات وجمالهم ومين أحلى وايش لابسة .. ربنا أمر بغض البصر مو بالمقارنة بين الأخريات.. وإذا زوجك شاف وحده جميلة.. خلي الأمر عادي ولا تعطيه أهمية.. دائما خليكي واثقة من نفسك ..أي بنت في الدنيا لها جمالها.. وتقدر تبرز جمالها أكثر باللبس والمكياج والشعر .. ونصيحتي لك.. قوليله مثلا اللون الأحمر يجنن عليا..وتكوني لابسة احمر.. او اليوم بنات خالتي قالولي تسريحة شعرك خطيرة.. مكياجك .. عطرك .. بشرتك..وغيره من الايحاءات .. ((البارح قال غلطت واعتذر والصباح قال عشان تهتمي)) صحيح هو تصرفه يضايق.. بس اعتذرلك.. وهادي ماشاء الله صفة حلوة فيه.. |
اقتباس:
اقوله ايه رايك لوقلتلك هذا حلو يزعل ويتضايق وسويتها اكثر من مرة واحترم نفسه وبطل واللحين رجع لنفس القصة تسلمي عزيزتي شقرديه |
اقتباس:
تسلمي عزيزتي قلبي حنون زوجي محنك مررره يقول يعرف اذا كنتي حاطة بودرة حاطه اساس حاكة كحل, مسكرة يعرف كل شي من مكياج من لبس عنده اخوات والظاهر كان مدخل نفسي في اشياء البنات دايم اروح عزيمة او مناسبة الكل يمدحني مااقول حتى في الدوام الكبير والصغير يقولو والله لبسك حلو مكياجك حلو شعرك حلو اكسسوارك حلو وجهك اليوم غير الا هو مايشوف يقول مااتكلم عشان هم اللي حيشوفك مو انا مع العلم اني البس في البيت مرات ومرات |
رجال مايملا عينهم غير الترااااب
اغلبية الرجال كذا اناشاف دعايه نعووومه وسيقان عن الة حلاقه قااال هذول الناس وطالع فيني بكشره وررربي اجرحت ولاتكلمت من القهر طيب هذي اجنبيه ودعايه والله المفروض زي ماااقالت الاخت ماانسمح لهم بهالشي نمدح الرجال ليش بس حنا ننقد ولا ننتقد |
الله يسعدك و يكون في عونك حيبيتي, وجعتيلي قلبي
|
يالغاليه
اول شي ابيك تستهدين بالله وتقرين الردود برويه كلنا باذن الله نبي مصلحتك لذلك لاتفهمين من اي رد انه تحريض او غيره حطي لهالموضوع حد لمتى تجلسين في زعل وهو يشوف الموضوع عادي اتخذي موقف صارم من البدايه واذا قالك حلوه لاتسترسلين بالحوار مافيها اي شي انك تصارحينه يافلان انا احسك ماتغض النظر واكيد لو انا امشي بالسوق وواحد يطالعني مايرضيك اجل كيف ترضي علي غيرك ووضحي له ان هالشي يضايقك وماهو عادي بالاضافه الى نقطة مهمه جدا اقننعي انك اجمل الجميلات لو امامه فتحي عيونه علي اشيا ممكن يغفل عنها فيك مثل شعرك وجسمك ولون بشرتك الله يوفقك |
اقتباس:
إذا كنتِ أنتِ وأنتِ مرأة بهرك جمالها فما بالك بالرجل ؟ أغلقي الموضوع ولا تتحدثي به مع زوجك مرة أخرى , والزمي بيتك ولا تغادريه ومستقبلاً , لا تتحدثي مع زوجك بجمال النساء , ولا تضعي نفسك بموضع مقارنة مع مرأة أخرى . |
من الأفضل أن تتناسي الأمر ولا تجعليه يشغل فكرك طوال الأمر لأنك بهذا ستكونين المتضرر الأول يعني بصراحة هذا بيأثر على نفسيتك ويتعبك ويألمك وكل هذا ما يسوى فكري بايجابية عشان نفسك وتجاوزوا الأمر صدقيني ذهابك لبيت أهلك ليس هو الحل المناسب.
ولكن ما تحتاجينه هو أن تتجاوزي الموضوع أنت أولا وبعدها ستتمكنين من ايجاد الحل لزوجك. ارجو لك التوفيق وياربي يهدي زوجك وأنصحك انك تطلبين من الله لزوجك بالهداية دايما فالدعاء وسيلة مضمونة لحل كل مشكلة وتوجهي لله واطلبي منه المعونه والصبر والتوفيق لحل مشكلة زوجك. الله يوفقك |
اقتباس:
شفتي ان الرجال مو فاهمين شي ....وهمهم بس الظاهر هذي الي شافهه في الدعايه حاطين في سيقانها 5كيلو أساس لحد ماطلعت بالشكل الي شايفينه...وغير الاضاءه...المسلطه عليها...لو انتي تاخذين دور البنت الي في الدعايه بتطلعين أجمل منها...لو أنا مكانك كان رحت لاستيديو نسائي وخليهم يحطون لك مكياج من راسك لارجولك وتصوري وكبري صورتك وحطيها في غرفة نومك... |
رولا :: كتبت لكِ رد في آخر الصفحة الثانية اتمنى أن تقرأيه لأنه يبدو لي أنك لم تمري عليه موفقة :: |
رد كافي ووافي
وصادقة بكل حرف فيه حذري ثم أحذري الخوض مع الرجل في جمال الأخريات وكأنه موضوع عادي جداً وكأنه يحق له مقارنتك بالأخريات ياعزيزتي الرجال نظرتهم للجمال مختلفة عنا نحن النسوة من نرآها نجمة في سماها قد لاتشكل بنظرة نسبة 2% جمال المرأة الرجل أياً كان شكلها لايرى سوآها أجمل منها إلا إذا بدأت هي بتقليل شأنها وتفتيح عينيه على عيوبها ومقارنة نفسها بغيرها وأنتقاص قدرها :: أذهبي لمرآتك ابتسمي لنفسك وقولي "الله خلقني كاملة ورائعة فشكراً لله على هذه النعمة) أرسلي لنفسك رسائل إيجابية وكفي عن أخذ رأيه في النسوة :: فالرجل يحتاج لقليل من الغيرة تشعره برجولته وأهميته :: ولايحتاج لأنثى تكون بمثابة صديق يمتدح معه الأناث وكأنهم أصحاب ورفقة أعجبتهم حسناء تسلمي سيدة الموقف ع ردك العقلاني اسفة ع التاخير انشغلت بعملي شويتين عجبني مرررره عزيزتي سلمت يمناك اذا كان ع الثقة بالنفس فانا يضرب في المثل في الثقة بالنفس والدلع دلوعة مرة ووحيدة اهله من الاناث مدلعة من بابا وماما واخواني كلهم وكل اللي في العائلة يهتم فيني والكل يشهد بحلاوتي وخفة دمي ورشاقتي فهمت منك انو مفروض ما اتشارك معه في تحليل النساء الله يبارك فيك ويوسعك رزقك زوجي مشترك في المنتدى ويطالع كل شويه الردود اللحين رجعت المويه لمجاريها والان يقولي قولي كلمة العدل في المنتدى وايش سويتي انا لمن اتكلم ع البنت صرت باردة مررة ومااتكلم الا اذا كلمني وبعدت شويه عنه بحكم مرضي وبحكم الزعل اللي صابني لاني مدلعته للغاية ففقد الدلع بكلامه البايخ وحبي |
| الساعة الآن 01:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©